ᠠᠮᠠᠨᠴᠢᠷ ᠡᠬᠡᠨᠡᠷ-ᠬᠡᠦᠬᠡᠯᠳᠡᠢ ᠶ᠋ᠢᠨ ᠺᠢᠨᠣ᠋ Аманцар эхнэр-хүүхэлдэйн кино
434ᠠᠮᠠᠨᠴᠢᠷ ᠡᠬᠡᠨᠡᠷ-ᠬᠡᠦᠬᠡᠯᠳᠡᠢ ᠶ᠋ᠢᠨ ᠺᠢᠨᠣ᠋
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠡᠨᠡ ᠶᠠᠪᠤᠳᠠᠯ ᠪᠣᠯᠤᠭᠰᠠᠨ ᠶᠤᠮ᠃ ᠵᠠᠳᠠᠭᠠᠢ ᠠᠮᠠ ᠲᠠᠢ ᠪᠠᠷ ᠢ᠋ᠶ᠋ᠠᠨ ᠵᠠᠷ ᠲᠤ᠌ ᠭᠠᠷᠤᠭᠰᠠᠨ ᠵᠠᠯᠬᠠᠭᠤ ᠡᠬᠡᠨᠡᠷ ᠲᠡᠢ ᠡᠷᠡ ᠪᠠᠢᠵᠠᠢ ᠭᠡᠨᠡ᠃ ᠵᠠᠯᠬᠠᠭᠤ ᠲᠡᠷᠡ ᠡᠬᠡᠨᠡᠷ ᠨᠢ ᠦᠵᠡᠭᠰᠡᠨ ᠲᠡᠭᠦᠭᠰᠡᠨ ᠢ᠋ᠶ᠋ᠡᠨ ᠦᠭᠡ ᠴᠦ᠍ ᠣᠷᠭᠢᠯ ᠦᠭᠡᠢ ᠠᠢᠯ ᠬᠣᠲᠠᠨ ᠤ᠋ ᠬᠢᠨ ᠳ᠋ᠦ᠍ ᠪᠡᠨ ᠠᠮᠠ ᠮᠡᠳᠡᠨ ᠪᠤᠷᠠᠵᠤ ᠭᠠᠷᠳᠠᠭ ᠪᠠᠢᠯᠠ᠃ ᠠᠮᠠᠨᠴᠢᠷ ᠡᠬᠡᠨᠡᠷ ᠡᠴᠡ ᠪᠡᠨ ᠪᠣᠯᠵᠤ ᠡᠷᠡ ᠨᠥᠬᠥᠷ ᠨᠢ ᠶᠡᠬᠡᠳᠡ ᠵᠣᠪᠠᠳᠠᠭ ᠪᠠᠢᠵᠠᠢ ᠭᠡᠨᠡ ᠯᠡ ᠳᠡ᠃
ᠨᠢᠭᠡ ᠤᠳᠠᠭᠠ ᠨᠥᠬᠥᠷ ᠨᠢ ᠴᠢᠨᠣᠠ ᠶ᠋ᠢᠨ ᠡᠭᠦᠷ ᠣᠩᠭᠢᠴᠢᠵᠤ ᠪᠠᠢᠭᠠᠳ ᠮᠠᠰᠢ ᠶᠡᠬᠡ ᠠᠯᠲᠠ ᠮᠥᠩᠭᠥ ᠣᠯᠵᠠᠢ᠃ ᠲᠡᠭᠡᠭᠡᠳ ᠠᠯᠲᠠ ᠮᠥᠩᠭᠥ ᠪᠡᠨ ᠭᠡᠷ ᠲᠦ᠍ ᠪᠡᠨ ᠠᠪᠴᠤ ᠬᠠᠷᠢᠬᠤ ᠭᠡᠰᠡᠨ ᠢ᠋ᠶ᠋ᠡᠨ ᠵᠠ ᠪᠠᠢᠵᠠ᠂ ᠠ᠋ — ᠡᠨᠡ ᠲᠤᠬᠠᠢ ᠡᠬᠡᠨᠡᠷ ᠮᠢᠨᠢ ᠮᠡᠳᠡᠪᠡᠯ ᠨᠤᠲᠤᠭ ᠤᠰᠤᠨ ᠤ᠋ ᠬᠥᠮᠦᠰ ᠲᠦ᠍ ᠨᠢᠭᠤᠴᠠ ᠶ᠋ᠢ ᠳᠡᠯᠭᠡᠵᠦ ᠮᠠᠭᠠᠳ᠃ ᠵᠠ ᠲᠡᠭᠡᠭᠡᠳ ᠡᠵᠡᠨ ᠨᠣᠶᠠᠨ ᠮᠡᠳᠡᠬᠦ ᠶᠤᠮ ᠪᠣᠯ ᠠᠯᠲᠠ ᠮᠥᠩᠭᠥ ᠶ᠋ᠢ ᠮᠢᠨᠢ ᠪᠦᠭᠦᠳᠡ ᠶ᠋ᠢ ᠨᠢ ᠪᠤᠯᠢᠶᠠᠭᠠᠳ ᠬᠥᠭᠡᠷᠦᠬᠦᠢ ᠪᠢ ᠯᠡ ᠬᠣᠭᠣᠰᠣᠨ ᠬᠣᠴᠣᠷᠬᠤ ᠪᠠᠢᠬᠤ ᠳᠠ ᠭᠡᠵᠦ ᠪᠣᠳᠣᠯᠠ᠃ ᠲᠡᠭᠡᠭᠰᠡᠨ ᠢ᠋ᠶ᠋ᠡᠨ ᠨᠢᠭᠡ ᠰᠠᠶᠢᠬᠠᠨ ᠠᠷᠭᠠ ᠣᠯᠵᠠᠢ᠃ ᠣᠯᠤᠭᠰᠠᠨ ᠠᠯᠲᠠ ᠮᠥᠩᠭᠥ ᠪᠡᠨ ᠲᠡᠨᠳᠡ ᠪᠡᠨ ᠪᠤᠯᠠᠵᠤ ᠣᠷᠬᠢᠭᠠᠳ᠂ ᠭᠡᠷ ᠦ᠋ᠨ ᠵᠦᠭ ᠶᠠᠪᠤᠯᠠ᠃ ᠵᠠᠮ ᠳ᠋ᠤ᠌ ᠪᠠᠨ ᠭᠣᠣᠯ ᠳᠡᠭᠡᠷᠡ ᠣᠴᠢᠵᠤ ᠦᠵᠡᠪᠡᠯ ᠲᠣᠣᠷ ᠲᠤ᠌ ᠲᠣᠮᠣ ᠭᠡᠭᠴᠢ ᠴᠤᠷᠬᠠᠢ ᠵᠢᠭᠠᠰᠤ ᠣᠷᠣᠴᠢᠬᠠᠭᠰᠠᠨ ᠪᠠᠢᠯᠠ᠃ ᠴᠤᠷᠬᠠᠢ ᠵᠢᠭᠠᠰᠤ ᠪᠠᠨ ᠠᠪᠤᠭᠠᠳ ᠴᠠᠭᠠᠰᠢ ᠣᠢ ᠳ᠋ᠤ᠌ ᠣᠴᠢᠵᠤ ᠵᠡᠭᠦᠭᠰᠡᠨ ᠬᠠᠪᠬᠠ ᠪᠠᠨ ᠡᠷᠭᠢᠵᠦ ᠣᠴᠢᠲᠠᠯᠠ ᠲᠠᠤᠯᠠᠢ ᠣᠷᠣᠴᠢᠬᠠᠭᠰᠠᠨ ᠪᠠᠢᠵᠠᠢ᠃ ᠵᠠᠯᠠᠭᠤ ᠴᠤ᠌ ᠲᠠᠤᠯᠠᠢ ᠶ᠋ᠢᠨ ᠬᠠᠪᠬᠠᠨ ᠳ᠋ᠤ᠌ ᠴᠤᠷᠬᠠᠢ ᠵᠢᠭᠠᠰᠤ ᠪᠠᠨ ᠵᠡᠭᠦᠵᠦ ᠣᠷᠬᠢᠭᠠᠳ ᠪᠤᠴᠠᠵᠤ ᠭᠣᠣᠯ ᠳᠡᠭᠡᠷᠡ ᠣᠴᠢᠨ ᠲᠣᠣᠷ ᠲᠤ᠌ ᠪᠠᠨ ᠥᠨᠥᠬᠢ ᠪᠥᠵᠥᠩ ᠢ᠋ ᠬᠢᠴᠢᠬᠡᠭᠡᠳ ᠭᠡᠷ ᠦ᠋ᠨ ᠵᠦᠭ ᠶᠠᠪᠤᠯᠠ᠃ ᠢᠩᠭᠢᠭᠡᠳ ᠭᠡᠷ ᠲᠦ᠍ ᠪᠡᠨ ᠢᠷᠡᠭᠡᠳ ᠡᠬᠡᠨᠡᠷ ᠲᠦ᠍ ᠪᠡᠨ ᠬᠡᠯᠡᠵᠦ ᠭᠡᠨᠡ᠃ ᠵᠠ᠂ ᠴᠠᠭ ᠠᠯᠳᠠᠯ ᠦᠭᠡᠢ ᠫᠢᠰᠢᠩ ᠢ᠋ᠶ᠋ᠡᠨ ᠭᠠᠯᠯᠠᠭᠠᠳ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠬᠢᠭᠡᠳ ᠣᠷᠭᠢ᠂ ᠤᠴᠢᠷ ᠶᠠᠪᠤᠳᠠᠯ ᠢ᠋ ᠨᠢ ᠪᠢᠲᠡᠭᠡᠢ ᠠᠰᠠᠭᠤ᠂ ᠡᠷᠡ ᠨᠥᠬᠥᠷ ᠴᠢᠨᠢ ᠥᠨᠥᠳᠥᠷ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠠᠯᠲᠠ ᠣᠯᠤᠭᠰᠠᠨ᠂ ᠣᠷᠣᠢ ᠪᠦᠷᠦᠩᠬᠦᠢ ᠪᠣᠯᠬᠤ ᠪᠠᠷ ᠣᠢ ᠤᠷᠤᠭᠤ ᠣᠴᠢᠵᠤ ᠠᠪᠴᠠᠭᠠᠶᠠ ᠭᠡᠯᠡ᠃ ᠡᠬᠡᠨᠡᠷ ᠨᠢ ᠴᠦ᠍ ᠪᠥᠭᠡᠮ ᠪᠠᠶᠠᠷ ᠪᠣᠯᠵᠤ ᠫᠢᠰᠢᠩ ᠢ᠋ᠶ᠋ᠡᠨ ᠭᠠᠯᠯᠠᠭᠠᠳ ᠲᠣᠮᠣ ᠲᠣᠮᠣ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠬᠠᠭᠠᠷᠢᠵᠤ ᠡᠬᠢᠯᠡᠯᠡ᠃ ᠬᠠᠷᠢᠨ ᠡᠷᠡ ᠨᠥᠬᠥᠷ ᠨᠢ ᠲᠣᠮᠣᠬᠠᠨ ᠤᠭᠤᠲᠠ ᠣᠯᠵᠤ ᠠᠪᠤᠭᠠᠳ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠠ᠋ᠴᠠ ᠪᠠᠨ ᠨᠢᠭᠤᠴᠠ ᠪᠠᠷ ᠨᠡᠯᠢᠶᠡᠳ ᠢ᠋ ᠰᠢᠭᠤᠳᠠᠢᠯᠠᠵᠤ ᠠᠪᠤᠯᠠ᠃ ᠦᠳᠡᠰᠢ ᠶ᠋ᠢᠨ ᠪᠦᠷᠦᠩᠬᠦᠢ ᠪᠣᠯᠵᠤ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠨᠢᠭᠤᠭᠰᠠᠨ ᠠᠯᠲᠠ ᠡᠷᠳᠡᠨᠢᠰ ᠢ᠋ᠶ᠋ᠡᠨ ᠠᠪᠬᠤ ᠪᠠᠷ ᠣᠢ ᠤᠷᠤᠭᠤ ᠶᠠᠪᠤᠯᠠ᠃ ᠨᠥᠬᠥᠷ ᠨᠢ ᠤᠷᠢᠳᠠ ᠨᠢ ᠣᠷᠣᠨ ᠵᠠᠮᠴᠢᠯᠠᠵᠤ ᠶᠠᠪᠤᠩᠭᠠᠨ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠠ᠋ᠴᠠ ᠪᠠᠨ ᠮᠣᠳᠣᠨ ᠤ᠋ ᠮᠥᠴᠢᠷ ᠲᠦ᠍ ᠡᠯᠭᠦᠭᠡᠳ ᠪᠠᠢᠵᠠᠢ᠃ ᠬᠣᠢᠨᠠ ᠨᠢ ᠶᠠᠪᠤᠭᠰᠠᠨ ᠡᠬᠡᠨᠡᠷ ᠮᠣᠳᠣᠨ ᠤ᠋ ᠮᠥᠴᠢᠷ ᠲᠦ᠍ ᠡᠯᠭᠦᠭᠡᠲᠡᠢ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠶ᠋ᠢ ᠬᠠᠷᠠᠭᠠᠳ ᠶᠡᠬᠡᠳᠡ ᠭᠠᠢᠬᠠᠨ ᠭᠦᠰᠢ ᠠ᠋ ᠡᠷᠡ ᠨᠥᠬᠥᠷ ᠮᠢᠨᠢ ᠬᠠᠷᠠᠭᠠᠴᠢ ᠠ᠋ ! ᠡᠨᠳᠡ ᠲᠡᠨᠳᠡ ᠦᠭᠡᠢ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠡᠯᠭᠦᠭᠡᠲᠡᠢ ᠪᠠᠢᠬᠤ ᠴᠢᠨᠢ᠂ ᠣᠢ ᠮᠣᠳᠣᠨ ᠠ᠋ᠴᠠ ᠠᠮᠲᠠᠲᠠᠢ ᠪᠣᠣᠪᠣ ᠤᠷᠭᠤᠳᠠᠭ ᠪᠣᠯᠤᠭᠠ ᠤᠤ ᠭᠡᠵᠦ ᠠᠰᠠᠭᠤᠵᠠᠢ᠃ ᠨᠥᠬᠥᠷ ᠨᠢ ᠴᠢ ᠴᠢᠨᠢ ᠮᠡᠳᠡᠭᠡ ᠦᠭᠡᠢ ᠬᠡᠷᠡᠭ ᠤᠤ᠂ ᠥᠨᠥᠳᠥᠷ ᠦᠳᠡ ᠶ᠋ᠢᠨ ᠠᠯᠲᠠ ᠳ᠋ᠤ᠌ ᠡᠭᠦᠯᠡᠨ ᠡᠴᠡ ᠪᠣᠷᠣᠭᠠ ᠪᠢᠰᠢ ᠪᠣᠣᠪᠣ ᠣᠷᠣᠭᠠᠳ ᠮᠣᠳᠣ ᠪᠦᠬᠦᠨ ᠦ᠌ ᠮᠥᠴᠢᠷ ᠲᠦ᠍ ᠮᠣᠯᠴᠣᠭᠯᠠᠨ ᠵᠡᠭᠦᠭᠳᠡᠭᠰᠡᠨ ᠰᠢᠦ ᠳᠡ ᠭᠡᠵᠦ ᠬᠡᠯᠡᠭᠡᠳ ᠬᠢ ᠬᠢ ᠡᠷᠡ ᠨᠥᠬᠥᠷ ᠨᠢ ᠢᠨᠢᠶᠡᠮᠰᠦᠭᠯᠡᠨ ᠴᠠᠭᠠᠰᠢ ᠶᠠᠪᠤᠯᠠ᠃ ᠭᠠᠢᠬᠠᠭᠰᠠᠨ ᠡᠬᠡᠨᠡᠷ ᠲᠩᠷᠢ ᠥᠭᠡᠳᠡ ᠥᠯᠢᠢᠵᠦ ᠬᠠᠷᠠᠭᠠᠳ ᠭᠠᠷ ᠬᠥᠯ ᠢ᠋ᠶ᠋ᠡᠨ ᠰᠠᠪᠠᠴᠢᠭᠤᠯᠤᠨ ᠠᠢ ! ᠪᠤᠰᠢᠭᠤᠬᠠᠨ ᠬᠠᠷᠢᠬᠤ ᠶᠤᠮ ᠰᠠᠨ᠂ ᠠᠢᠯ ᠬᠣᠲᠠᠨ ᠤ᠋ ᠬᠢᠨ ᠳ᠋ᠦ᠍ ᠪᠡᠨ ᠬᠡᠯᠡᠬᠦ ᠶᠤᠮ ᠰᠠᠨ ᠭᠡᠭᠰᠡᠭᠡᠷ ᠴᠠᠭᠠᠰᠢ ᠲᠡᠮᠲᠡᠴᠢᠨ ᠪᠦᠳᠦᠴᠢᠨ ᠶᠠᠪᠤᠯᠠ᠃ ᠢᠩᠭᠢᠭᠡᠳ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠴᠠᠭᠠᠰᠢ ᠶᠠᠪᠤᠭᠰᠠᠭᠠᠷ ᠠᠩᠬᠠᠨ ᠤ᠋ ᠲᠡᠷᠡ ᠵᠡᠭᠦᠭᠰᠡᠨ ᠬᠠᠪᠬᠠᠨ ᠳᠡᠭᠡᠷᠡ ᠪᠡᠨ ᠢᠷᠡᠯᠡ᠃ ᠬᠠᠪᠬᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠴᠤᠷᠬᠠᠢ ᠶ᠋ᠢ ᠬᠠᠷᠠᠭᠠᠳ ᠡᠬᠡᠨᠡᠷ ᠨᠢ ᠪᠠᠰᠠ ᠯᠠ ᠭᠠᠢᠬᠠᠨ ᠬᠠᠴᠢᠨ ᠶᠤᠮ ᠳᠠ ! ᠬᠠᠷᠠᠭᠰᠠᠭᠠᠷ ᠪᠠᠢᠲᠠᠯᠠ ᠬᠠᠭᠤᠷᠠᠢ ᠭᠠᠵᠠᠷ ᠵᠡᠭᠦᠭᠰᠡᠨ ᠬᠠᠪᠬᠠᠨ ᠳ᠋ᠤ᠌ ᠬᠤᠷᠠ ᠤᠰᠤᠨ ᠤ᠋ ᠴᠤᠷᠬᠠᠢ ᠣᠷᠣᠴᠢᠬᠠᠭᠰᠠᠨ ᠪᠠᠢᠬᠤ ᠶᠤᠮ ᠳᠠ ! ᠭᠡᠬᠦ ᠳ᠋ᠦ᠍ ᠨᠥᠬᠥᠷ ᠨᠢ ᠭᠠᠷᠠᠭ ᠶᠢᠷᠲᠢᠨᠴᠦ ᠠᠭᠤᠳᠠᠮ ᠶᠤᠮ ᠬᠣᠢᠨᠠ ᠭᠠᠵᠠᠷ ᠢ᠋ᠶ᠋ᠠᠷ ᠶᠠᠪᠤᠳᠠᠭ ᠴᠤᠷᠬᠠᠢ ᠪᠠᠢᠳᠠᠭ ᠯᠠ ᠪᠠᠢᠯᠭᠦᠢ ᠳᠡ ᠭᠡᠴᠢᠬᠡᠭᠡᠳ ᠴᠠᠭᠠᠰᠢ ᠬᠥᠲᠥᠯᠦᠨ ᠶᠠᠪᠤᠯᠠ᠃ ᠭᠠᠢᠬᠠᠭᠰᠠᠨ ᠡᠬᠡᠨᠡᠷ ᠨᠢ ᠪᠠᠰᠠ ᠯᠠ ᠠᠢ ! ᠪᠤᠰᠢᠭᠤᠬᠠᠨ ᠬᠠᠷᠢᠬᠤ ᠶᠤᠮ ᠰᠠᠨ ᠳᠠ᠂ ᠠᠢᠯ ᠬᠣᠲᠠᠨ ᠤ᠋ ᠬᠢᠨ ᠳ᠋ᠦ᠍ ᠪᠡᠨ ᠬᠡᠯᠡᠬᠦ ᠶᠤᠮ ᠰᠠᠨ ᠭᠡᠭᠰᠡᠭᠡᠷ ᠤᠷᠠᠬᠠ ᠲᠠᠯᠪᠢᠭᠰᠠᠨ ᠤᠷᠤᠰᠬᠠᠯ ᠭᠣᠣᠯ ᠳᠡᠭᠡᠷᠡ ᠣᠴᠢᠯᠠ᠃ ᠲᠣᠣᠷ ᠲᠤ᠌ ᠣᠷᠣᠭᠰᠠᠨ ᠣᠯᠵᠠ ᠶ᠋ᠢ ᠬᠠᠷᠠᠭᠠᠳ ᠡᠬᠡᠨᠡᠷ ᠨᠢ ᠤᠤᠯᠭᠠᠯᠠᠨ ᠶᠧ ! ᠡᠪᠦᠭᠡᠨ ᠮᠢᠨᠢ ᠥᠨᠥᠳᠥᠷ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ᠂ ᠲᠣᠮᠣᠵᠤ ᠬᠢᠭᠰᠡᠨ ᠲᠣᠣᠷ ᠲᠤ᠌ ᠴᠢᠨᠢ ᠲᠠᠤᠯᠠᠢ ᠶ᠋ᠢᠨ ᠪᠥᠵᠥᠩ ᠣᠷᠣᠴᠢᠬᠠᠭᠰᠠᠨ ᠪᠦᠯᠲᠡᠭᠡᠨᠡᠵᠦ ᠪᠠᠢᠬᠤ ᠴᠢᠨᠢ ᠭᠡᠬᠦ ᠳ᠋ᠦ᠍ ᠬᠣᠩᠭᠣᠷ ᠮᠢᠨᠢ ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠬᠣᠷᠸᠠ ᠶᠢᠷᠲᠢᠨᠴᠦ ᠳ᠋ᠦ᠍ ᠰᠣᠨᠢᠨ ᠵᠦᠢᠯ ᠶᠡᠬᠡ ᠪᠠᠢᠬᠤ ᠶᠤᠮ ᠳᠠ᠂ ᠤᠰᠤᠨ ᠤ᠋ ᠭᠦᠨ ᠳ᠋ᠦ᠍ ᠲᠠᠤᠯᠠᠢ ᠠᠮᠢᠳᠤᠷᠠᠳᠠᠭ ᠶᠤᠮ ᠰᠢᠦ ᠳᠡ ! ᠶᠧ ᠪᠤᠰᠢᠭᠤᠬᠠᠨ ᠬᠠᠷᠢᠬᠤ ᠶᠤᠮ ᠰᠠᠨ᠂ ᠠᠢᠯ ᠬᠣᠲᠠᠨ ᠤ᠋ ᠬᠢᠨ ᠳ᠋ᠦ᠍ ᠪᠡᠨ ᠬᠡᠯᠡᠬᠦ ᠶᠤᠮ ᠰᠠᠨ ᠭᠡᠭᠰᠡᠭᠡᠷ ᠠᠮᠠᠨᠴᠢᠷ ᠡᠬᠡᠨᠡᠷ ᠴᠠᠭᠠᠰᠢ ᠶᠠᠪᠤᠯᠠ᠃ ᠢᠩᠭᠢᠭᠡᠳ ᠲᠡᠷᠡ ᠬᠣᠶᠠᠷ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠲᠡᠮᠲᠡᠴᠢᠨ ᠶᠠᠪᠤᠭᠰᠠᠭᠠᠷ ᠨᠢᠭᠤᠭᠰᠠᠨ ᠠᠯᠲᠠ ᠡᠷᠳᠡᠨᠢᠰ ᠢ᠋ᠶ᠋ᠡᠨ ᠣᠯᠵᠤ ᠠᠪᠤᠭᠠᠳ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠵᠤ ᠭᠡᠨᠡ᠃
ᠥᠷᠯᠥᠭᠡ ᠨᠢ ᠲᠡᠷᠡ ᠬᠣᠶᠠᠷ ᠦᠳᠡ ᠪᠣᠯᠲᠠᠯᠠ ᠤᠨᠲᠠᠵᠤ ᠦᠬᠡᠷ ᠦ᠋ᠨ ᠳᠠᠭᠤᠨ ᠢ᠋ᠶ᠋ᠠᠷ ᠰᠡᠷᠡᠯᠡ᠃ ᠠᠮᠠᠨᠴᠢᠷ ᠡᠬᠡᠨᠡᠷ ᠪᠤᠰᠢᠭᠤᠬᠠᠨ ᠪᠣᠰᠤᠭᠠᠳ ᠬᠣᠭ ᠤ᠋ᠨ ᠰᠠᠪᠠ ᠪᠠᠨ ᠲᠦᠴᠢᠭᠢᠨᠡᠭᠦᠯᠦᠭᠰᠡᠭᠡᠷ ᠬᠥᠮᠦᠨ ᠠᠮᠢᠲᠠᠨ ᠶᠡᠬᠡ ᠲᠡᠢ ᠬᠦᠢᠲᠡᠨ ᠪᠤᠯᠠᠭ ᠤᠷᠤᠭᠤ ᠭᠦᠶᠦᠯᠡ᠃ ᠠᠮᠠ ᠬᠠᠮᠠᠷ ᠢ᠋ᠶ᠋ᠠᠨ ᠮᠤᠷᠤᠯᠵᠠᠭᠤᠯᠤᠨ ᠪᠠᠢᠵᠤ ᠠᠮᠠᠨᠴᠢᠷ ᠡᠬᠡᠨᠡᠷ ᠤᠴᠢᠷ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠤᠴᠢᠷ ᠵᠦᠭ ᠦᠭᠡᠢ ᠴᠠᠯᠴᠢᠵᠤ ᠭᠠᠷᠤᠯᠠ᠃ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠶᠠᠷᠢᠭᠰᠠᠨ ᠲᠡᠷᠡ ᠶᠠᠷᠢᠶᠠ ᠨᠢ ᠰᠠᠨᠠᠭᠠ ᠮᠠᠭᠤᠲᠤ ᠨᠣᠶᠠᠨ ᠤ᠋ ᠴᠢᠬᠢᠨ ᠳ᠋ᠦ᠍ ᠠᠯᠢ ᠬᠡᠳᠦᠢᠨᠡᠢ ᠬᠦᠷᠴᠢᠬᠡᠵᠡᠢ᠃ ᠨᠣᠶᠠᠨ ᠴᠤ᠌ ᠡᠳ᠋ ᠪᠠᠶᠠᠯᠢᠭ ᠲᠤ᠌ ᠳᠤᠷᠠᠲᠠᠢ ᠡᠷᠡᠭᠡ ᠴᠡᠷᠡᠭᠡ ᠦᠭᠡᠢ ᠨᠢᠭᠡᠨ ᠪᠣᠯᠬᠣᠷ ᠶᠠᠳᠠᠭᠤ ᠡᠷᠡ ᠶ᠋ᠢ ᠳᠠᠭᠤᠳᠠᠭᠤᠯᠵᠤ ᠶᠠᠯᠠᠲᠠᠨ ᠲᠤᠯᠭᠠᠵᠤ ᠭᠡᠨᠡ᠃ ᠠᠰᠤᠷᠤ ᠶᠡᠬᠡ ᠠᠯᠲᠠ ᠮᠥᠩᠭᠥ ᠣᠯᠴᠢᠬᠠᠭᠠᠳ ᠠᠮᠢᠨ ᠬᠤᠪᠢ ᠳ᠋ᠤ᠌ ᠪᠠᠨ ᠠᠰᠢᠭᠯᠠᠬᠤ ᠭᠡᠳ ᠬᠠᠷᠢᠶᠠᠲᠤ ᠨᠣᠶᠠᠨ ᠡᠵᠡᠨ ᠨᠣᠶᠠᠨ ᠠ᠋ᠴᠠ ᠪᠠᠨ ᠬᠠᠷᠠᠮᠯᠠᠨᠠ ᠭᠡᠨᠡ ᠭᠡᠵᠦ ᠣᠷᠢᠯᠠᠵᠤ ᠬᠠᠰᠬᠢᠴᠢᠵᠤ ᠵᠠᠩᠨᠠᠵᠤ ᠭᠠᠷᠤᠯᠠ᠃ ᠶᠠᠳᠠᠭᠤ ᠡᠷᠡ ᠠᠶᠤᠭᠰᠠᠨ ᠰᠢᠨᠵᠢ ᠦᠭᠡᠢ ᠬᠠᠷᠢᠨ ᠢᠨᠢᠶᠡᠳᠦ ᠠᠯᠲᠠᠨ ᠬᠡ — ᠡᠨᠡ ᠪᠣᠯ ᠡᠨᠳᠡᠭᠦᠷᠡᠯ ᠰᠢᠦ ᠳᠡ ᠨᠣᠶᠠᠨᠲᠠᠨ ! ᠠᠯᠲᠠ ᠮᠥᠩᠭᠥ ᠣᠯᠬᠤ ᠨᠢ ᠪᠠᠢᠲᠤᠭᠠᠢ ᠠᠮᠠ ᠤᠷᠤᠭᠤ ᠪᠠᠨ ᠬᠢᠬᠦ ᠴᠦ᠍ ᠬᠣᠭᠣᠯᠠ ᠦᠭᠡᠢ ᠰᠠᠭᠤᠵᠤ ᠪᠠᠢᠨᠠ ᠳᠠ ᠭᠡᠰᠡᠨ ᠳ᠋ᠦ᠍ ᠨᠣᠶᠠᠨ ᠡᠳᠦᠭᠡ ᠴᠢ ᠪᠣᠯᠵᠣᠭᠠᠳ ᠪᠠᠢ᠂ ᠬᠦᠢᠲᠡᠨ ᠪᠤᠯᠠᠭ ᠳᠡᠭᠡᠷᠡ ᠡᠬᠡᠨᠡᠷ ᠴᠢᠨᠢ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠶᠠᠷᠢᠭᠰᠠᠨ ᠪᠠᠢᠨᠠ ᠳᠠ᠂ ᠠᠯᠲᠠ ᠮᠥᠩᠭᠥ ᠪᠡᠨ ᠣᠳᠣᠬᠠᠨ ᠠᠪᠴᠢᠷᠠᠬᠤ ᠦᠭᠡᠢ ᠶᠤᠮ ᠪᠣᠯ ᠠᠮᠢ ᠨᠠᠰᠤ ᠲᠠᠢ ᠴᠢᠨᠢ ᠶᠠᠷᠢᠨᠠ ᠰᠢᠦ ! ᠮᠢᠨᠦ ᠡᠬᠡᠨᠡᠷ ᠦ᠋ᠨ ᠠᠮᠠᠨᠴᠢᠷ ᠭᠡᠳᠡᠭ ᠢ᠋ ᠠᠢᠯ ᠬᠣᠲᠠᠯᠠᠭᠠᠷ ᠢ᠋ᠶ᠋ᠠᠨ ᠮᠡᠳᠡᠨᠡ ᠳᠠ᠂ ᠲᠡᠷᠡ ᠬᠥᠮᠦᠨ ᠶᠠᠭᠤ ᠴᠤ᠌ ᠭᠡᠵᠦ ᠪᠤᠷᠠᠵᠤ ᠮᠡᠳᠡᠨᠡ᠃ ᠲᠡᠭᠦᠨ ᠳ᠋ᠦ᠍ ᠢᠲᠡᠭᠡᠭᠡᠳ ᠬᠡᠷᠡᠭ ᠦᠭᠡᠢ ᠳᠡ ᠨᠣᠶᠠᠨᠲᠠᠨ ! ᠶᠠᠳᠠᠭᠤ ᠡᠷᠡ ᠬᠡᠯᠡᠭᠡᠳ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠶᠤᠮ ᠰᠢᠭ ᠢᠨᠢᠶᠡᠮᠰᠦᠭᠯᠡᠨ ᠵᠣᠭᠰᠣᠯᠠ᠃ ᠬᠠᠷᠢᠨ ᠨᠣᠶᠠᠨ ᠲᠡᠷᠡ ᠳᠣᠣᠷᠠ ᠨᠢ ᠠᠮᠠᠨᠴᠢᠷ ᠠᠪᠠᠭᠠᠢ ᠶ᠋ᠢ ᠳᠠᠭᠤᠳᠠᠵᠤ ᠠᠪᠴᠢᠷᠠᠭᠠᠳ ᠠᠰᠠᠭᠤᠵᠤ ᠰᠢᠯᠭᠠᠵᠤ ᠭᠠᠷᠤᠯᠠ᠃ ᠲᠠᠨ ᠤ᠋ ᠨᠥᠬᠥᠷ ᠠᠯᠲᠠ ᠮᠥᠩᠭᠥ ᠣᠯᠤᠭᠰᠠᠨ ᠭᠡᠯᠡ ᠤᠤ ? ᠠ᠋ ᠣᠯᠤᠭᠰᠠᠨ ᠨᠣᠶᠠᠨᠲᠠᠨ ᠮᠢᠨᠢ᠂ ᠣᠯᠤᠭᠰᠠᠨ ᠰᠢᠦ ! ᠰᠥᠨᠢ ᠳᠦᠯᠢ ᠪᠡᠷ ᠮᠥᠩᠭᠥ ᠪᠡᠨ ᠵᠥᠭᠡᠭᠡᠭᠰᠡᠨ ᠭᠡᠯᠡ ᠤᠤ ? ᠲᠡᠭᠡᠭᠰᠡᠨ ᠰᠢᠦ᠂ ᠨᠣᠶᠠᠨᠲᠠᠨ ᠮᠢᠨᠢ ᠲᠡᠭᠡᠭᠰᠡᠨ ᠰᠥᠨᠢ ᠵᠥᠭᠡᠭᠡᠭᠰᠡᠨ ᠪᠦᠭᠦᠳᠡ ᠶ᠋ᠢ ᠨᠢ ᠵᠥᠭᠡᠭᠡᠭᠰᠡᠨ᠃ ᠵᠠ ᠲᠡᠭᠡᠪᠡᠯ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠨᠢ ᠪᠦᠭᠦᠳᠡ ᠶ᠋ᠢ ᠶᠠᠷᠢᠭᠠᠳ ᠣᠷᠭᠢ ᠳᠠ ! ᠵᠠ ᠢᠩᠭᠢᠯᠡ᠂ ᠨᠣᠶᠠᠨᠲᠠᠨ ᠮᠢᠨᠢ᠂ ᠡᠬᠢᠯᠡᠭᠡᠳ ᠪᠢᠳᠡ ᠣᠢ ᠤᠷᠤᠭᠤ ᠣᠷᠣᠯᠠ᠃ ᠦᠭᠡᠢ ᠲᠡᠭᠡᠭᠰᠡᠨ ᠴᠢᠨᠢ ᠲᠡᠨᠳᠡ ᠮᠥᠴᠢᠷ ᠪᠦᠷᠢ ᠳᠡᠭᠡᠷᠡ ᠨᠢ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠡᠯᠭᠦᠭᠡᠲᠡᠢ ᠪᠠᠢᠬᠤ ᠶᠤᠮ᠃ ᠶᠠᠭᠤᠨ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ ᠪᠢᠯᠡ ? ᠲᠣᠮᠣ ᠲᠣᠮᠣ ᠠᠮᠲᠠᠲᠠᠢ ᠴᠠᠭᠠᠷᠢᠭ ᠤ᠋ᠨ ᠪᠣᠣᠪᠣ᠂ ᠡᠭᠦᠯᠡᠨ ᠡᠴᠡ ᠴᠢᠨᠢ ᠪᠣᠷᠣᠭᠠ ᠪᠢᠰᠢ ᠪᠣᠣᠪᠣ ᠣᠷᠣᠳᠠᠭ ᠪᠣᠯᠤᠭᠰᠠᠨ ᠭᠡᠨᠡ ᠰᠢᠦ ! ᠦᠭᠡᠢ ᠲᠡᠭᠡᠭᠡᠳ ᠪᠢᠳᠡ ᠬᠣᠶᠠᠷ ᠴᠠᠭᠠᠰᠢ ᠶᠠᠪᠤᠭᠰᠠᠭᠠᠷ ᠡᠳᠦᠷ ᠦ᠋ᠨ ᠲᠠᠯᠪᠢᠭᠰᠠᠨ ᠬᠠᠪᠬᠠ ᠪᠠᠨ ᠡᠷᠭᠢᠵᠦ ᠣᠴᠢᠭᠰᠠᠨ ᠴᠢᠨᠢ ᠳᠣᠲᠣᠷᠠ ᠨᠢ ᠴᠤᠷᠬᠠᠢ ᠵᠢᠭᠠᠰᠤ ᠣᠷᠣᠴᠢᠬᠠᠭᠰᠠᠨ ᠪᠠᠢᠳᠠᠭ ᠪᠠᠢᠭᠠ ᠳᠠ ! ᠬᠠᠭᠤᠷᠠᠢ ᠭᠠᠵᠠᠷ ᠠᠮᠢᠳᠤᠷᠠᠳᠠᠭ ᠴᠤᠷᠬᠠᠢ ᠪᠠᠢᠳᠠᠭ ᠯᠠ ᠶᠤᠮ ᠪᠠᠢᠨᠠ ᠳᠠ ! ᠦᠭᠡᠢ ᠴᠢ ᠴᠢᠨᠢ ᠬᠠᠪᠬᠠᠨ ᠳ᠋ᠤ᠌ ᠴᠤᠷᠬᠠᠢ ᠵᠢᠭᠠᠰᠤ ᠣᠷᠣᠭᠰᠠᠨ ᠭᠡᠳ ᠪᠠᠢᠨᠠ ᠤᠤ ᠳᠠ ? ᠦᠭᠡᠢ᠂ ᠲᠡᠢᠮᠦ ᠠ᠋᠂ ᠲᠡᠢᠮᠦ᠂ ᠶᠠᠭᠤ ᠴᠤ᠌ ᠪᠢᠰᠢ᠂ ᠲᠣᠮᠣᠵᠤ ᠲᠠᠯᠪᠢᠭᠰᠠᠨ ᠲᠣᠣᠷ ᠳᠣᠲᠣᠷᠠ ᠮᠢᠨᠢ ᠲᠣᠮᠣ ᠭᠡᠭᠴᠢ ᠶ᠋ᠢᠨ ᠪᠥᠵᠥᠩ ᠣᠷᠣᠴᠢᠬᠠᠭᠰᠠᠨ ᠪᠠᠢᠭᠰᠠᠨ ᠭᠡᠭᠴᠢ᠂ ᠦᠭᠡᠢ ᠲᠡᠭᠡᠭᠡᠳ ᠪᠢᠳᠡ ᠬᠣᠶᠠᠷ ᠴᠠᠭᠠᠰᠢ ᠨᠡᠯᠢᠶᠡᠳ ᠶᠠᠪᠤᠵᠤ ᠪᠠᠢᠭᠠᠳ ᠪᠤᠯᠠᠭᠰᠠᠨ ᠠᠯᠲᠠ ᠪᠠᠨ ᠣᠯᠵᠤ ᠠᠪᠤᠭᠰᠠᠨ ᠳᠠ᠃ ᠦᠭᠡᠢ ᠨᠢᠭᠡ ᠨᠢᠭᠡ ᠡᠭᠦᠷᠭᠡ ᠡᠭᠦᠷᠴᠦ ᠠᠯᠲᠠ ᠠᠪᠴᠤ ᠬᠠᠷᠢᠵᠠᠭᠠᠭᠰᠠᠨ ᠰᠢᠦ ! ᠠᠮᠠᠨᠴᠢᠷ ᠠᠪᠠᠭᠠᠢ ᠶ᠋ᠢᠨ ᠶᠠᠷᠢᠶᠠ ᠶ᠋ᠢ ᠰᠣᠨᠣᠰᠤᠭᠠᠳ ᠨᠣᠶᠠᠨ ᠤ᠋ ᠲᠡᠰᠪᠦᠷᠢ ᠠᠯᠲᠠᠨ ᠠᠭᠤᠷᠯᠠᠵᠤ᠂ ᠦᠭᠡᠢ ᠡᠨᠡ ᠲᠡᠨᠡᠭ ᠬᠡᠦᠬᠡᠨ ᠢ᠋ ᠡᠨᠳᠡ ᠡᠴᠡ ᠭᠠᠷᠭᠠ ! ᠬᠡᠯᠡᠵᠦ ᠶᠠᠷᠢᠵᠤ ᠪᠠᠢᠭᠠ ᠶ᠋ᠢ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠬᠠᠮᠢᠭᠠ ᠬᠠᠮᠢᠶᠠ ᠦᠭᠡᠢ ᠪᠤᠷᠠᠵᠤ ᠪᠠᠢᠬᠤ ᠴᠢᠨᠢ ᠠ᠋ ᠭᠡᠮᠡᠨ ᠣᠷᠢᠯᠠᠵᠤ ᠬᠠᠰᠬᠢᠴᠢᠨ ᠬᠥᠭᠡᠭᠡᠵᠦ ᠭᠠᠷᠭᠠᠵᠠᠢ᠃ ᠬᠠᠷᠢᠨ ᠶᠠᠳᠠᠭᠤ ᠡᠷᠡ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠮᠡᠲᠦ ᠢᠨᠢᠶᠡᠮᠰᠦᠭᠯᠡᠨ ᠵᠠ᠂ ᠲᠠ ᠬᠠᠷᠠᠪᠠ ᠤᠤ ᠨᠣᠶᠠᠨᠲᠠᠨ ! ᠮᠢᠨᠦ ᠡᠬᠡᠨᠡᠷ ᠡᠢᠮᠦ ᠯᠡ ᠬᠥᠮᠦᠨ ᠰᠢᠦ ᠳᠡ ! ᠲᠡᠭᠦᠨ ᠦ᠌ ᠦᠭᠡᠨ ᠳ᠋ᠦ᠍ ᠢᠲᠡᠭᠡᠨᠡ ᠭᠡᠵᠦ ᠪᠠᠢᠵᠤ ᠪᠣᠯᠤᠮᠠ ᠦᠭᠡᠢ ᠵᠦᠢᠯ ᠭᠡᠴᠢᠬᠡᠭᠡᠳ ᠭᠠᠷᠤᠭᠠᠳ ᠶᠠᠪᠤᠭᠠᠳ ᠥᠭᠴᠡᠢ᠃
ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠠᠮᠠᠨᠴᠢᠷ ᠡᠬᠡᠨᠡᠷ ᠲᠦ᠍ ᠨᠢ ᠬᠡᠨ ᠴᠦ᠍ ᠳᠠᠬᠢᠨ ᠢᠲᠡᠭᠡᠬᠦ ᠪᠠᠨ ᠪᠣᠯᠢᠵᠤ ᠬᠠᠷᠢᠨ ᠶᠠᠳᠠᠭᠤ ᠡᠷᠡ ᠰᠡᠳᠬᠢᠯ ᠠᠮᠤᠷ ᠰᠠᠶᠢᠬᠠᠨ ᠠᠮᠢᠳᠤᠷᠠᠬᠤ ᠪᠣᠯᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠄ ᠮᠦᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠮᠥᠴᠢᠷ