《 ᠠᠮᠢᠨ ᠴᠢᠬᠤᠯᠠ 》 ᠮᠠᠰᠢᠨ – ᠳᠣᠵᠣᠭᠣᠳᠣᠷᠵᠢ 《 Амин чухал 》 машин – Тозгодорж
254《 ᠠᠮᠢᠨ ᠴᠢᠬᠤᠯᠠ 》 ᠮᠠᠰᠢᠨ
( ᠬᠣᠱᠣᠩ ᠥᠭᠦᠯᠡᠯᠭᠡ)
ᠲᠣᠺᠠᠷᠢᠴᠢᠨ(1) ᠭᠠᠩᠪᠣᠯᠣᠳ ᠶᠠᠮᠠᠷ ᠴᠦ᠍ ᠳ᠋ᠧᠲ᠋ᠠᠯᠢ( ᠰᠡᠯᠪᠢᠭᠡᠰᠦ) ᠵᠣᠷᠣᠵᠣ ᠪᠣᠯᠬᠤᠢᠴᠠ ᠠᠪᠰᠠᠷᠬᠠᠨ ᠰᠠᠤᠷᠢ ᠮᠠᠰᠢᠨ ᠤ᠋ ᠵᠢᠷᠤᠭ ᠬᠢᠭᠡᠳ ᠳᠠᠷᠤᠭᠠ ᠳ᠋ᠠᠭᠠᠨ ᠦᠵᠡᠭᠦᠯᠪᠡ᠃
ᠦᠢᠯᠡᠳᠪᠦᠷᠢ ᠶ᠋ᠢᠨ ᠳᠠᠷᠤᠭᠠ ᠨᠡᠯᠢᠶᠡᠳ ᠬᠠᠷᠠᠵᠤ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ᠄
— ᠴᠢ ᠶᠣᠰᠣᠲᠠᠢ ᠤᠬᠠᠭᠠᠨ ᠲᠠᠢ ᠬᠦᠦ ᠪᠠᠢᠨᠠ᠂ ᠮᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠣᠬᠣᠮ ᠠᠮᠢᠨ ᠴᠢᠬᠤᠯᠠ ᠮᠠᠰᠢᠨ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠢᠨᠠ᠃ ᠶᠡᠬᠡᠬᠡᠨ ᠠᠰᠢᠭᠲᠠᠢ ᠮᠠᠰᠢᠨ ᠪᠣᠯᠬᠤ ᠠ᠋᠃
— ᠪᠣᠯᠤᠮᠠᠷ ᠪᠠᠢᠨᠠ ᠤᠤ?
— ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠤᠤ᠂ ᠨᠠᠷᠢᠨ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃
— ᠣᠳᠣ ᠶᠠᠭᠠᠬᠢᠬᠤ ᠪᠣᠢ ᠳᠠᠷᠤᠭᠠ ᠠ᠋?
— ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠲᠣᠪᠴᠢᠶᠠᠨ ᠤ᠋ ᠳᠠᠷᠤᠭᠠ ᠳ᠋ᠤ᠌ ᠦᠵᠡᠭᠦᠯᠵᠦ᠂ ᠲᠡᠭᠡᠭᠰᠡᠨ ᠦ᠌ ᠳᠠᠷᠠᠭᠠ ᠨᠢᠭᠡᠮᠦᠰᠦᠨ ᠰᠢᠢᠳᠦᠶᠡ᠃ ᠪᠢ ᠡᠢᠮᠦ ᠰᠠᠨᠠᠭᠠᠴᠢᠯᠠᠭᠠ ᠶ᠋ᠢ ᠪᠦᠬᠦ ᠲᠠᠯᠠ ᠪᠠᠷ ᠳᠡᠮᠵᠢᠨᠡ ᠭᠡᠳ ᠳᠠᠷᠤᠭᠠ ᠪᠠᠶᠠᠷ ᠬᠦᠷᠭᠡᠪᠡ᠃ ᠭᠠᠩᠪᠣᠯᠣᠳ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠲᠣᠪᠴᠢᠶᠠᠨ ᠤ᠋ ᠳᠠᠷᠤᠭᠠ ᠶ᠋ᠢ ᠨᠢᠭᠡ ᠡᠳᠦᠷ ᠡᠷᠢᠵᠦ ᠪᠠᠢᠵᠤ ᠮᠠᠰᠢᠨ ᠤ᠋ ᠪᠠᠨ ᠵᠢᠷᠤᠭ ᠢ᠋ ᠠᠳᠬᠤᠭᠤᠯᠵᠤ ᠠᠮᠵᠢᠪᠠ᠃ ᠵᠠᠬᠢᠷᠤᠨ ᠪᠦᠲᠦᠭᠡᠬᠦ ᠲᠣᠪᠴᠢᠶᠠᠨ ᠤ᠋ ᠳᠠᠷᠤᠭᠠ ᠴᠠᠭ ᠬᠢᠷᠢᠲᠡᠢ ᠲᠠᠨᠢᠯᠴᠠᠵᠤ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ᠄
— ᠡᠨᠡᠭᠦᠬᠡᠨ ᠢ᠋ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠵᠢᠷᠤᠯᠠ ᠭᠡᠵᠢ ᠤᠤ?
— ᠲᠡᠢᠮᠦтмс(2) ᠳ᠋ᠦ᠍ ᠪᠠᠢᠬᠤ ᠠ᠋ᠴᠠ ᠡᠬᠢᠯᠡᠭᠡᠳ ᠣᠷᠣᠯᠳᠣᠭᠰᠠᠨ ᠶᠤᠮ᠃
— ᠮᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠪᠦᠷᠢ ᠠᠮᠢᠨ ᠴᠢᠬᠤᠯᠠ ᠬᠡᠷᠡᠭᠲᠡᠢ ᠮᠠᠰᠢᠨ ᠵᠣᠷᠢᠭᠰᠠᠨ ᠪᠠᠢᠨᠠ᠂ ᠬᠡᠨ ᠦ᠌ ᠴᠦ᠍ ᠲᠣᠯᠣᠭᠠᠢ ᠳ᠋ᠤ᠌ ᠣᠷᠣᠭᠠ ᠦᠭᠡᠢ᠂ ᠬᠡᠨ ᠴᠦ᠍ ᠰᠠᠨᠠᠵᠤ ᠰᠡᠳᠦᠭᠡ ᠦᠭᠡᠢ ᠡᠢᠮᠦ ᠮᠠᠰᠢᠨ ᠪᠦᠲᠦᠭᠡᠨᠡ ᠭᠡᠳᠡᠭ ᠴᠢᠨᠢ ᠮᠥᠨ ᠬᠣᠪᠣᠷ ᠲᠣᠬᠢᠶᠠᠯᠳᠤᠯ ᠰᠢᠦ ᠰᠡᠷᠭᠦᠯᠡᠩ ᠲᠣᠯᠣᠭᠠᠢ ᠲᠠᠢ ᠵᠠᠯᠠᠭᠤ ᠶᠤᠮ᠃
— ᠣᠳᠣ ᠶᠠᠭᠠᠬᠢᠬᠤ ᠪᠣᠢ ᠳᠠᠷᠤᠭᠠ ᠠ᠋?
— ᠣᠳᠣ ᠤᠤ? ᠶᠡᠷᠦᠩᠬᠡᠢ ᠮᠧᠬᠠᠨᠢᠭᠴᠢ ᠳ᠋ᠤ᠌ ᠲᠠᠨᠢᠯᠴᠠᠭᠤᠯ᠃ ᠴᠠᠭᠠᠳᠤᠬᠢ ᠴᠢᠨᠢ ᠡᠴᠦᠰ ᠦ᠋ᠨ ᠰᠢᠢᠳᠪᠦᠷᠢ ᠥᠭᠬᠦ ᠶᠣᠰᠣᠲᠠᠢ᠃ ᠪᠢ ᠬᠤᠪᠢ ᠳ᠋ᠠᠭᠠᠨ ᠳᠡᠮᠵᠢᠵᠦ ᠪᠠᠢᠨᠠ ᠭᠡᠪᠡ᠃ ᠭᠠᠩᠪᠣᠯᠣᠳ ᠶᠡᠷᠦᠩᠬᠡᠢ ᠮᠧᠬᠠᠨᠢᠭᠴᠢ ᠶ᠋ᠢ ᠬᠣᠶᠠᠷ ᠡᠳᠦᠷ ᠲᠤᠷᠰᠢ ᠡᠷᠢᠵᠦ ᠪᠠᠢᠵᠤ ᠺᠣᠨᠲ᠋ᠣᠷ ᠲᠠᠭᠠᠨ ᠣᠷᠣᠬᠤ ᠳ᠋ᠤᠨᠢ ᠵᠢᠷᠤᠭ ᠢ᠋ᠶ᠋ᠠᠨ ᠥᠭᠴᠡᠢ᠃ ᠶᠡᠷᠦᠩᠬᠡᠢ ᠮᠧᠬᠠᠨᠢᠭᠴᠢ ᠪᠤᠰᠤᠳ ᠢ᠋ ᠪᠣᠳᠣᠪᠠᠯ ᠨᠡᠯᠢᠶᠡᠳ ᠲᠤᠬᠠᠯᠠᠵᠤ ᠨᠠᠷᠢᠪᠴᠢᠯᠠᠨ ᠲᠤᠩᠭᠠᠭᠠᠳ ᠡᠴᠦᠰ ᠲᠦ᠋ᠨᠢ ᠭᠠᠩᠪᠣᠯᠣᠳ ᠲᠤ ᠪᠠᠶᠠᠷ ᠬᠦᠷᠭᠡᠵᠦ ᠭᠠᠷ ᠪᠠᠷᠢᠯᠠ᠃
— ᠮᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠪᠦᠷ ᠠᠮᠢ ᠰᠢᠭ᠋ ᠬᠡᠷᠡᠭᠲᠡᠢ ᠮᠠᠰᠢᠨ ᠪᠦᠲᠦᠭᠡᠭᠰᠡᠨ ᠪᠠᠢᠨᠠ᠃ ᠡᠭᠦᠨ ᠢ᠋ ᠬᠢᠭᠡᠳ ᠲᠠᠯᠪᠢᠴᠢᠬᠠᠭᠰᠠᠨ ᠪᠠᠢᠬᠤ ᠳ᠋ᠤ᠌ ᠴᠢшбос(3) ᠤ᠋ ᠦᠵᠡᠰᠬᠦᠯᠡᠩ ᠦ᠋ᠨ ᠠᠯᠲᠠᠨ ᠮᠧᠳ᠋ᠠᠯ ᠳᠠᠭᠤ ᠦᠭᠡᠢ ᠠᠪᠤᠨᠠ᠂ ᠶᠣᠰᠣᠲᠠᠢ ᠨᠢᠭᠡ ᠲᠣᠯᠣᠭᠠᠢ ᠲᠠᠢ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠶᠦᠮ᠃
— ᠡᠨᠡ ᠮᠠᠰᠢᠨ ᠢ᠋ ᠬᠢᠯᠭᠡᠵᠦ ᠪᠣᠯᠬᠤ ᠤᠤ?
— ᠪᠣᠯᠬᠤ ᠪᠠᠷ ᠦᠯᠦ ᠪᠠᠷᠠᠮ ᠶᠠᠭᠠᠷᠠᠯᠲᠠᠢ ᠬᠢᠯᠭᠡᠨᠡ᠃ ᠪᠢᠳᠡᠨ ᠦ᠌ ᠶᠠᠷᠢᠶᠠᠨ ᠳ᠋ᠤ᠌ ᠪᠠᠢᠭᠠ ᠥᠨᠥᠬᠢ ᠰᠢᠨᠡ ᠰᠠᠨᠠᠭᠠᠴᠢᠯᠠᠭᠠ ᠲᠡᠷᠢᠭᠦᠨ ᠲᠤᠷᠰᠢᠯᠭᠠ ᠭᠡᠳᠡᠭ ᠡᠨᠡ ᠰᠢᠦ ᠳᠡ᠃ ᠡᠭᠦᠨ ᠢ᠋ ᠳᠡᠮᠵᠢᠬᠦ ᠦᠭᠡᠢ ᠬᠥᠮᠦᠨ ᠬᠠᠮᠢᠭᠠ ᠨᠢ ᠴᠦ᠍ ᠪᠠᠢᠬᠤ ᠦᠭᠡᠢ᠃
— ᠡᠨᠡ ᠵᠢᠷᠤᠭ ᠢ᠋ᠶ᠋ᠠᠨ ᠲᠠᠨ ᠳ᠋ᠤ᠌ ᠣᠷᠬᠢᠬᠤ ᠤᠤ᠂ ᠶᠠᠭᠠᠬᠢᠬᠤ ᠪᠣᠢ?
— ᠶᠡᠷᠦᠩᠬᠡᠢ ᠢᠨᠵᠧᠨᠧᠷ ᠲᠦ ᠲᠠᠨᠢᠯᠴᠠᠭᠤᠯ᠂ ᠲᠡᠷᠡ ᠯᠠ ᠡᠴᠦᠰ ᠦ᠋ᠨ ᠰᠢᠢᠳᠪᠦᠷᠢ ᠥᠭᠭᠦᠨᠡ᠃ ᠲᠡᠷᠡ ᠳᠡᠮᠵᠢᠬᠦ ᠶᠣᠰᠣᠲᠠᠢ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠳᠡᠮᠵᠢᠨᠡ᠃ ᠴᠢ ᠡᠭᠦᠨ ᠢ᠋ ᠠᠩᠬᠠᠯᠠᠨ ᠰᠠᠨᠠᠭᠠᠴᠢᠯᠠᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠥᠷᠥ ᠶ᠋ᠢᠨ ᠱᠠᠩᠨᠠᠯ ᠴᠦ᠍ ᠬᠦᠷᠲᠡᠵᠦ ᠮᠡᠳᠡᠨᠡ ᠭᠡᠵᠦ ᠮᠠᠭᠲᠠᠪᠠ᠃ ᠭᠠᠩᠪᠣᠯᠣᠳ ᠶᠡᠷᠦᠩᠬᠡᠢ ᠢᠨᠵᠧᠨᠧᠷ ᠢ᠋ ᠭᠤᠷᠪᠠᠨ ᠡᠳᠦᠷ ᠳᠠᠷᠠᠭᠠᠯᠠᠨ ᠵᠣᠭᠰᠣᠭᠠ ᠵᠠᠢ ᠦᠭᠡᠢ ᠡᠷᠢᠭᠰᠡᠨ ᠦ᠌ ᠬᠦᠴᠦ ᠪᠡᠷ ᠠᠷᠠᠢᠬᠠᠨ ᠪᠠᠷᠠ ᠶ᠋ᠢ ᠨᠢ ᠬᠠᠷᠠᠵᠤ ᠵᠢᠷᠤᠭ ᠢ᠋ᠶ᠋ᠠᠨ ᠥᠭᠭᠦᠯᠡ᠃ ᠶᠡᠷᠦᠩᠬᠡᠢ ᠢᠨᠵᠧᠨᠧᠷ ᠪᠠᠷᠤᠭ ᠪᠦᠲᠦᠨ ᠡᠳᠦᠷ ᠰᠢᠬᠠᠭᠤ ᠵᠢᠷᠤᠭ ᠲᠠᠢ ᠲᠠᠨᠢᠯᠴᠠᠭᠠᠳ᠄
— ᠮᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠤᠰᠤ ᠠᠭᠠᠷ ᠰᠢᠭ᠋ ᠠᠮᠢᠨ ᠴᠢᠬᠤᠯᠠ ᠮᠠᠰᠢᠨ ᠢ᠋ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠢᠨᠠ᠃ ᠴᠢᠨᠦ ᠲᠣᠯᠣᠭᠠᠢ ᠪᠣᠯ ᠶᠣᠰᠣᠲᠠᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠬᠨᠢᠭ ᠦ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠡᠷᠡᠨ ᠦᠶᠡ ᠳ᠋ᠦ᠍ ᠲᠥᠷᠥᠭᠰᠡᠨ ᠲᠣᠯᠣᠭᠠᠢ ᠮᠥᠨ ᠪᠠᠢᠨᠠ᠃ ᠡᠢᠮᠦ ᠮᠠᠰᠢᠨ ᠢ᠋ ᠭᠠᠳᠠᠨᠠ ᠠ᠋ᠴᠠ ᠵᠠᠬᠢᠶᠠᠯᠠᠪᠠᠯ ᠯᠠᠪ ᠯᠠ ᠠᠷᠪᠠᠨ ᠲᠦᠮᠡᠨ ᠲᠥᠭᠥᠷᠢᠭ ᠡᠴᠡ ᠨᠠᠭᠠᠰᠢ ᠲᠤᠰᠬᠤ ᠦᠭᠡᠢ ᠳᠡ᠂ ᠭᠠᠩᠪᠣᠯᠣᠳ ᠠ᠋᠂ ᠬᠠᠯᠠᠭᠤᠨ ᠪᠠᠶᠠᠷ ᠬᠦᠷᠭᠡᠶᠡ᠃
— ᠪᠠᠶᠠᠷᠯᠠᠯᠠ᠂ ᠡᠨᠡ ᠮᠠᠰᠢᠨ ᠢ᠋ ᠬᠢᠯᠭᠡᠵᠦ ᠥᠭᠬᠦ ᠤᠤ?
— ᠬᠢᠯᠭᠡᠨᠡ᠂ ᠶᠠᠭᠠᠷᠠᠯᠲᠠᠢ ᠬᠢᠯᠭᠡᠭᠡᠳ ᠢᠳᠢ ᠰᠢᠳᠢ ᠶ᠋ᠢ ᠨᠢ ᠬᠠᠷᠠᠬᠤ ᠶᠣᠰᠣᠲᠠᠢ᠃
— ᠣᠳᠣ ᠶᠠᠭᠠᠬᠢᠬᠤ ᠪᠣᠢ?
— ᠲᠸᠬᠨᠢᠭ ᠦ᠋ᠨ ᠵᠥᠪᠯᠡᠯ ᠦ᠋ᠨ ᠬᠤᠷᠠᠯ ᠣᠷᠣᠭᠤᠯᠵᠤ ᠨᠢᠭᠡᠮᠦᠰᠦᠨ ᠰᠢᠢᠳᠦᠨᠡ᠃ ᠴᠢ ᠬᠤᠷᠠᠯ ᠳ᠋ᠤ᠌ ᠥᠪᠡᠷ ᠢ᠋ᠶ᠋ᠡᠨ ᠵᠠᠪᠠᠯ ᠰᠠᠭᠤᠨᠠ ᠰᠢᠦ ᠭᠡᠳ ᠳᠠᠬᠢᠨ ᠪᠠᠶᠠᠷ ᠬᠦᠷᠭᠡᠪᠡ᠃
ᠭᠠᠩᠪᠣᠯᠣᠳ ᠢ᠋ ᠲᠸᠬᠨᠢᠭ ᠦ᠋ᠨ ᠵᠥᠪᠯᠡᠯ ᠦ᠋ᠨ ᠬᠤᠷᠠᠯ ᠬᠦᠯᠢᠶᠡᠭᠰᠡᠭᠡᠷ ᠪᠠᠢᠲᠠᠯᠠ ᠬᠠᠭᠠᠰ ᠵᠢᠯ ᠴᠦ᠍ ᠥᠩᠭᠡᠷᠡᠯᠡ᠃ ᠴᠡᠷᠢᠭ ᠲᠤ ᠶᠠᠪᠤᠬᠤ ᠴᠦ᠍ ᠪᠣᠯᠤᠯᠠ᠃ ᠴᠠᠭ ᠮᠥᠴᠡ ᠭᠡᠳᠡᠭ ᠫᠤᠤᠵᠢᠩ ᠰᠢᠭ᠋ ᠨᠢᠰᠦᠨ ᠥᠩᠭᠡᠷᠡᠳᠡᠭ ᠶᠦ᠍ᠮ᠂ ᠬᠣᠢᠨᠠ ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠭᠠᠩᠪᠣᠯᠣᠳ ᠤ᠋ᠨ ᠴᠡᠷᠢᠭ ᠦ᠋ᠨ ᠬᠤᠭᠤᠴᠠᠭᠠ ᠳᠠᠭᠤᠰᠴᠤ ᠬᠠᠯᠠᠭᠳᠠᠬᠤ ᠪᠣᠯᠪᠠ᠃
ᠭᠠᠩᠪᠣᠯᠣᠳ ᠴᠡᠷᠢᠭ ᠡᠴᠡ ᠬᠠᠯᠠᠭᠳᠠᠭᠰᠠᠨ ᠡᠳᠦᠷ ᠢ᠋ᠶ᠋ᠡᠨ ᠶᠡᠷᠦᠩᠬᠡᠢ ᠢᠨᠵᠧᠨᠧᠷ ᠲᠡᠢ ᠪᠡᠨ ᠠᠭᠤᠯᠵᠠᠵᠤ ᠮᠠᠰᠢᠨ ᠢ᠋ᠶ᠋ᠠᠨ ᠠᠰᠠᠭᠤᠪᠠᠯ ᠣᠷᠣ ᠲᠠᠭ ᠮᠠᠷᠲᠠᠴᠠᠬᠠᠭᠰᠠᠨ ᠰᠠᠭᠤᠵᠤ ᠪᠠᠢᠵᠠᠢ᠃ ᠲᠡᠭᠡᠬᠦ ᠪᠡᠷ ᠨᠢ ᠭᠠᠩᠪᠣᠯᠣᠳ《 ᠲᠡᠢᠮᠦ ᠠᠮᠢᠨ ᠴᠢᠬᠤᠯᠠ ᠬᠡᠷᠡᠭ ᠲᠡᠢ ᠮᠠᠰᠢᠨ ᠵᠢᠷᠤᠭ ᠠᠯᠠᠭᠠ ᠪᠣᠯᠬᠤ ᠶᠣᠰᠣ ᠦᠭᠡᠢ》 ᠭᠡᠵᠦ ᠶᠡᠷᠦᠩᠬᠡᠢ ᠢᠨᠵᠧᠨᠧᠷ ᠪᠦᠲᠦᠨ ᠡᠳᠦᠷ ᠦ᠋ᠨ ᠲᠤᠷᠰᠢ ᠪᠠᠢᠳᠠᠭ ᠰᠠᠪᠠ ᠰᠠᠭᠤᠯᠠᠭᠠ᠂ ᠪᠢᠴᠢᠭ ᠳᠠᠩᠰᠠ ᠪᠠᠨ ᠠᠭᠤᠳᠠᠯᠤᠭᠠᠳ ᠲᠡᠷᠡ《 ᠠᠮᠢᠨ ᠴᠢᠬᠤᠯᠠ》 ᠮᠠᠰᠢᠨ ᠤ᠋ ᠠ᠋ᠴᠠ ᠪᠠᠨ ᠵᠢᠷᠤᠭ ᠢ᠋ ᠣᠯᠤᠭᠰᠠᠨ ᠦᠭᠡᠢ᠃
– – – –
(1) ᠰᠠᠤᠷᠢ ᠮᠠᠰᠢᠨ ᠢᠶᠠᠷ ᠲᠡᠮᠦᠷ ᠵᠣᠷᠳᠠᠭ ᠬᠥᠮᠥᠨ
(2) ᠲᠸᠬᠡᠨᠢᠭ ᠮᠡᠷᠭᠡᠵᠢᠯ ᠦᠨ ᠰᠤᠷᠭᠠᠭᠤᠯᠢ
(3) ᠰᠢᠨᠡ ᠪᠦᠲᠦᠭᠡᠯ᠂ ᠣᠨᠣᠪᠴᠢᠲᠠᠢ ᠰᠠᠨᠠᠯ
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠲᠤᠭᠴᠢ ᠰᠠᠷᠠᠨᠠ