ᠳᠥᠷᠪᠡᠨ ᠠᠮᠢᠳᠠᠨ ᠤ ᠶᠠᠷᠢᠶᠠ – ᠰ ᠂ ᠳᠠᠱᠢᠳᠠᠨᠳᠠᠪ Дөрвөн амьтны яриа – С ᠂ Дашидандав
336ᠳᠥᠷᠪᠡᠨ ᠠᠮᠢᠳᠠᠨ ᠤ ᠶᠠᠷᠢᠶᠠ
( ᠱᠣᠭ ᠥᠭᠦᠯᠡᠯᠭᠡ )
ᠨᠢᠭᠡᠨ ᠠᠮᠠᠷᠠᠯᠲᠠ ᠶ᠋ᠢᠨ ᠭᠠᠵᠠᠷ ᠪᠠᠢᠵᠠᠢ᠃ ᠲᠡᠷᠡ ᠬᠠᠪᠢ ᠳ᠋ᠤᠨᠢ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠠᠮᠢᠲᠠᠨ ᠪᠠᠢᠳᠠᠭ ᠶᠤᠮ ᠰᠠᠨᠵᠠᠢ᠃ ᠨᠢᠭᠡ ᠡᠳᠦᠷ ᠭᠠᠬᠠᠢ᠂ ᠬᠤᠯᠤᠭᠠᠨᠠ᠂ ᠪᠠᠲᠠᠭᠠᠨᠠ᠂ ᠰᠢᠷᠭᠤᠯᠵᠢ ᠡᠢᠮᠦ ᠲᠦᠷᠪᠢᠨ ᠠᠮᠢᠲᠠᠨ ᠳᠥᠷᠪᠡᠭᠦᠯᠡᠬᠡᠨ ᠢ᠋ᠶ᠋ᠡᠨ ᠨᠢᠭᠤᠴᠠ ᠬᠤᠷᠠᠯ ᠬᠢᠵᠦ ᠨᠥᠭᠦᠭᠡ ᠬᠡᠳᠦ ᠨᠢ ᠮᠤᠨᠳᠠᠭ ᠭᠠᠬᠠᠢ ᠪᠠᠨ ᠰᠢᠭᠦᠮᠵᠢᠯᠡᠵᠦ ᠭᠠᠷᠴᠠᠢ᠃
ᠬᠤᠯᠤᠭᠠᠨᠠ ᠨᠢ ᠴᠣᠭᠴᠣᠢᠵᠤ ᠰᠠᠭᠤᠭᠠᠳ ᠱᠣᠭᠰᠢᠷᠠᠵᠤ ᠭᠡᠨᠡ᠃
— ᠠᠷᠪᠢᠴᠢ ᠬᠢᠮᠠᠭᠠᠴᠢ ᠪᠠᠨ ᠮᠠᠷᠲᠠᠬᠤ ᠰᠢᠬᠠᠭᠰᠠᠨ ᠡᠨᠡ ᠠᠢᠯ ᠤ᠋ᠨ ᠪᠤᠶᠠᠨ ᠢ᠋ᠶ᠋ᠠᠷ ᠪᠢᠳᠡ ᠡᠯᠪᠡᠭ ᠬᠣᠭᠣᠯᠠ ᠲᠠᠢ ᠪᠠᠢᠨᠠ᠃ ᠭᠡᠲᠡᠯᠡ ᠡᠨᠡ ᠮᠠᠭᠤ ᠭᠠᠬᠠᠢ ᠬᠣᠭᠣᠯᠠᠨ ᠤ᠋ ᠰᠢᠪᠬᠠᠷᠤᠤ ᠪᠠᠢᠭᠰᠠᠭᠠᠷ ᠪᠠᠢᠲᠠᠯᠠ ᠬᠠᠮᠤᠭ ᠲᠠᠯᠬᠠ( ᠮᠢᠶᠠᠨᠪᠣᠤ) ᠶ᠋ᠢ ᠮᠠᠨᠢ ᠢᠳᠡᠵᠦ ᠭᠦᠢᠴᠡᠯᠡ᠃ ᠢᠳᠡᠬᠦ ᠢᠳᠡᠬᠦ ᠳ᠋ᠡᠭᠡᠨ ᠪᠦᠷ ᠮᠠᠰᠯᠣ᠋ ( ᠴᠥᠴᠥᠭᠡᠢ) ᠨᠢᠯᠠᠭᠠᠳ ᠢᠳᠡᠨᠡ ᠭᠡᠭᠴᠢ! ᠲᠠᠯᠬᠠ ᠮᠠᠰᠯᠣ᠋ ᠬᠣᠶᠠᠷ ᠴᠢᠨᠢ ᠪᠣᠯ ᠮᠢᠨᠦ ᠯᠡ ᠢᠳᠡᠬᠦ ᠬᠣᠭᠣᠯᠠ ᠁ ᠭᠡᠵᠦ ᠱᠣᠭᠰᠢᠷᠠᠪᠠ᠃
ᠳᠠᠷᠠᠭᠠ ᠨᠢ ᠪᠠᠲᠠᠭᠠᠨᠠ ᠳᠦᠩᠭᠢᠨᠡᠵᠦ ᠭᠠᠷᠪᠠ᠃
— ᠪᠢ ᠪᠣᠯ ᠶᠠᠮᠠᠷ ᠴᠤ᠌ ᠬᠣᠭᠣᠯᠠ ᠶ᠋ᠢ ᠠᠮᠲᠠᠯᠠᠵᠤ ᠴᠢᠳᠠᠨᠠ᠃ ᠭᠡᠯᠡ ᠴᠤ᠌ ᠶᠠᠭᠠᠬᠢᠬᠤ ᠪᠣᠢ ᠨᠠᠳᠠ ᠳ᠋ᠤ᠌ ᠭᠠᠭᠴᠠᠬᠠᠨ ᠸᠠᠷᠸᠨᠢ (1) ᠯᠡ ᠪᠠᠢᠪᠠᠯ ᠪᠣᠯᠤᠯᠠ᠃ ᠭᠡᠲᠡᠯᠡ ᠡᠨᠡ ᠮᠠᠭᠤ ᠭᠠᠬᠠᠢ ᠢᠯᠭᠠᠵᠤ ᠦᠯᠡᠳᠡᠭᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ᠂ ᠶᠠᠭᠤᠲᠠᠢ ᠬᠡᠦᠳᠡᠢ ᠨᠢ ᠭᠤᠳᠤᠷᠴᠢᠬᠠᠬᠤ ᠶᠤᠮ ᠭᠡᠵᠦ ᠠᠭᠤᠷᠰᠠᠪᠠ᠃
ᠲᠡᠭᠡᠲᠡᠯᠡ ᠰᠢᠷᠭᠤᠯᠵᠢ ᠬᠡᠳᠦᠨ ᠬᠥᠯ ᠢ᠋ᠶ᠋ᠡᠨ ᠰᠠᠷᠪᠠᠯᠵᠠᠭᠤᠯᠤᠨ ᠪᠠᠢᠵᠤ ᠤᠴᠢᠷ ᠲᠣᠭᠠᠴᠢᠪᠠ᠃
— ᠵᠠ ᠨᠠᠳᠠ ᠳ᠋ᠤ᠌ ᠴᠤ᠌ ᠸᠠᠷᠸᠨᠢ᠂ ᠮᠠᠰᠯᠣ᠋ ᠬᠣᠶᠠᠷ ᠲᠠᠭᠠᠷᠠᠮᠵᠢ ᠦᠭᠡᠢ ᠠ᠋! ᠬᠡᠰᠦᠵᠦ ᠲᠡᠨᠦᠵᠦ ᠶᠠᠪᠤᠭᠠᠳ ᠬᠡᠷᠪᠡ ᠨᠢᠭᠡ ᠳᠣᠲᠣᠷᠠ ᠨᠢ ᠣᠷᠣᠵᠤ ᠶᠠᠪᠤᠴᠢᠬᠠᠪᠠᠯ ᠬᠥᠯ ᠠᠯᠳᠠᠭᠠᠳ ᠬᠥᠭ ᠢ᠋ᠶ᠋ᠡᠨ ᠴᠢᠷᠴᠦ ᠭᠦᠢᠴᠡᠬᠦ ᠨᠢ ᠲᠡᠷᠡ᠃ ᠠ᠋ ᠳᠠ᠂ ᠡᠯᠡᠰᠦᠨ ᠰᠢᠬᠢᠷ ᠤᠤ᠂ ᠡᠵᠡᠲᠡᠢ ᠪᠢᠵᠡ ᠳᠡ᠃ ᠠᠷᠭᠠ ᠦᠭᠡᠢ ᠯᠡ ᠮᠢᠨᠦ ᠬᠣᠭᠣᠯᠠ᠃ ᠭᠡᠲᠡᠯᠡ ᠪᠠᠰᠠ ᠡᠨᠡ ᠮᠠᠭᠤ ᠭᠠᠬᠠᠢ ᠁ ᠦᠭᠡᠢ ᠶᠡᠷᠦ ᠳ᠋ᠡᠭᠡᠨ ᠡᠨᠡ ᠮᠠᠭᠤ ᠵᠣᠯᠢᠭ ᠳᠤ ᠬᠣᠭᠣᠯᠠᠨ ᠤ᠋ ᠰᠢᠪᠬᠠᠷᠤᠤ ᠳᠠᠯᠠᠬᠠᠨ ᠤ᠋ ᠬᠣᠭ ᠯᠠ ᠪᠠᠢᠪᠠᠯ ᠪᠣᠯᠤᠨᠠ ᠪᠢᠵᠡ᠃ ᠸᠠᠷᠸᠨᠢ ᠰᠢᠬᠢᠷ ᠬᠣᠶᠠᠷ ᠢ᠋ᠶ᠋ᠠᠷ ᠪᠠᠯᠳᠠᠰᠢ( ᠶᠠᠭᠤ) ᠪᠠᠨ ᠬᠢᠨᠡ ᠪᠣᠢ ᠭᠡᠳ ᠯᠡ ᠤᠨᠲᠤᠭᠤᠴᠠᠵᠤ ᠪᠠᠢᠪᠠ᠃
ᠨᠥᠭᠦᠭᠡ ᠬᠡᠳᠦ ᠨᠢ ᠮᠤᠨᠳᠠᠭ ᠭᠠᠬᠠᠢ ᠪᠠᠨ ᠢᠩᠭᠢᠵᠦ ᠰᠢᠭᠦᠮᠵᠢᠯᠡᠭᠡᠳ ᠨᠢᠭᠡᠨ ᠰᠠᠨᠠᠯ ᠢ᠋ᠶ᠋ᠠᠷ ᠨᠡᠢᠯᠡᠵᠦ ᠲᠣᠭᠲᠠᠭᠰᠠᠨ ᠰᠢᠢᠳ ᠢ᠋ᠶ᠋ᠡᠨ ᠨᠥᠬᠥᠷ ᠭᠠᠬᠠᠢ ᠳ᠋ᠠᠭᠠᠨ ᠬᠡᠯᠡᠵᠡᠢ᠃
— ᠵᠠ ᠪᠢᠳᠡ ᠭᠤᠷᠪᠠ ᠡᠨᠡ ᠨᠠᠮᠤᠷ ᠢᠴᠡᠭᠡᠳ ᠬᠣᠢᠲᠤᠨ ᠬᠠᠪᠤᠷ ᠢᠴᠡᠭᠡᠨ ᠡᠴᠡ ᠪᠡᠨ ᠭᠠᠷᠴᠤ ᠢᠷᠡᠨᠡ᠃ ᠡᠨᠡ ᠠᠢᠯ ᠮᠠᠨᠢ ᠢᠪᠡᠭᠡᠭᠰᠡᠭᠡᠷ ᠪᠠᠢᠪᠠᠯ ᠪᠢᠳᠡᠨ ᠳ᠋ᠦ᠍ ᠣᠨᠣᠭᠳᠠᠬᠤ ᠲᠠᠯᠬᠠ᠂ ᠮᠠᠰᠯᠣ᠋᠂ ᠸᠠᠷᠸᠨᠢ᠂ ᠰᠢᠬᠢᠷ ᠴᠦ᠍ ᠪᠢᠰᠢᠭᠦᠢ ᠶᠡᠬᠡ ᠪᠣᠯᠤᠨᠠ᠃ ᠲᠡᠭᠡᠬᠦᠯᠡᠷ ᠴᠢ ᠲᠡᠷᠡ ᠪᠦᠭᠦᠳᠡ ᠶ᠋ᠢ ᠭᠠᠢᠭᠤᠢ ᠰᠠᠢᠨ ᠬᠠᠳᠠᠭᠠᠯᠠᠵᠤ ᠪᠠᠢᠭᠠᠳ ᠪᠢᠳᠡᠨ ᠢ᠋ ᠳᠠᠷᠠᠭᠠ ᠢᠷᠡᠬᠦ ᠲᠡᠢ ᠵᠡᠷᠭᠡ ᠲᠠᠷᠬᠠᠭᠠᠵᠤ ᠦᠭᠭᠦᠭᠡᠷᠡᠢ᠃ ᠡᠭᠦᠨ ᠢ᠋ ᠪᠢᠳᠡ ᠢᠴᠡᠯ ᠦᠭᠡᠢ ᠦᠯᠡᠳᠡᠳᠡᠭ ᠢᠯᠭᠢᠨ ᠬᠣᠩᠰᠢᠶᠠᠷᠲᠤ ᠴᠢᠮᠠ ᠳ᠋ᠠᠭᠠᠨ ᠯᠠ ᠨᠠᠢᠳᠠᠬᠤ ᠦᠭᠡᠢ ᠪᠣᠯ ᠬᠡᠨ ᠳ᠋ᠡᠭᠡᠨ ᠨᠠᠢᠳᠠᠬᠤ ᠪᠢᠯᠡ ᠭᠡᠵᠦ ᠬᠡᠯᠡᠯᠴᠡᠵᠡᠢ᠃ ᠲᠡᠭᠡᠬᠦ ᠳ᠋ᠦ᠍ ᠭᠠᠬᠠᠢ ᠨᠢ ᠶᠡᠬᠡ ᠯᠡ ᠠᠩᠵᠢᠶᠠᠷᠠᠭᠰᠠᠨ ᠮᠠᠶᠢᠭᠲᠠᠢ ᠴᠢᠬᠢ ᠪᠡᠨ ᠳᠡᠯᠳᠡᠭᠡᠨᠡᠭᠦᠯᠦᠨ ᠴᠢᠩᠨᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠄
— ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤᠪ᠂ ᠬᠠᠳᠠᠭᠠᠯᠠᠨᠠ᠃ ᠬᠠᠷᠢᠨ ᠲᠡᠭᠡᠬᠦ ᠳ᠋ᠡᠭᠡᠨ《 ᠨᠣᠬᠠᠢ ᠶᠠᠪᠠᠭᠠᠨ᠂ ᠭᠠᠬᠠᠢ ᠨᠢᠴᠦᠭᠦᠨ》ᠨᠠᠳᠠ ᠥᠭᠡᠷᠡ ᠬᠢᠬᠦ ᠰᠠᠪᠠ ᠪᠠᠢᠬᠤ ᠪᠢᠰᠢ᠃ ᠪᠠᠲᠤᠲᠠᠢ ᠪᠠᠷ ᠨᠢ ᠭᠡᠷ ᠦ᠋ᠨ ᠴᠢᠨᠡᠭᠡ ᠭᠡᠳᠡᠰᠦᠨ ᠳ᠋ᠦ᠍ ᠬᠢᠭᠡᠳ ᠯᠡ ᠬᠠᠳᠠᠭᠠᠯᠠᠴᠢᠬᠠᠨᠠ ᠰᠢᠦ ᠳᠡ ᠭᠡᠮᠡᠨ ᠬᠠᠮᠠᠷ ᠢ᠋ᠶ᠋ᠠᠨ ᠳᠤᠤᠭᠠᠷᠭᠠᠨ ᠬᠡᠯᠡᠵᠦ ᠭᠡᠨᠡ᠃
– – – –
(1) ᠵᠢᠮᠢᠰ ᠦᠨ ᠴᠢᠨᠠᠮᠠᠯ᠂ ᠵᠢᠮᠢᠰ ᠦᠨ ᠵᠢᠶᠠᠩ
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ
2023᠂ 9᠂ 11 ᠤ᠋ ᠡᠳᠦᠷ