ᠬᠡᠭᠡᠷᠡ ᠶ᠋ᠢᠨ ᠰᠠᠯᠬᠢ ᠨᠠᠮᠠᠶ᠋ᠢ ᠠᠷᠭᠠᠳᠠᠨ- ᠬᠣᠨᠳᠣᠨ ᠪᠠᠭᠠᠲᠤᠷХээрийн салхи намайг аргадан-хондон баатар
275ᠬᠡᠭᠡᠷᠡ ᠶ᠋ᠢᠨ ᠰᠠᠯᠬᠢ ᠨᠠᠮᠠᠶ᠋ᠢ ᠠᠷᠭᠠᠳᠠᠨ
ᠬᠣᠨᠳᠣᠨ ᠪᠠᠭᠠᠲᠤᠷ
ᠨᠠᠪᠴᠢᠰ ᠰᠢᠷᠭᠠᠯᠲᠤᠵᠤ ᠡᠪᠡᠰᠦ ᠬᠠᠯᠢᠭᠤᠷᠠᠨ
ᠨᠠᠷᠠ ᠪᠦᠬᠦᠨ ᠡᠴᠡ ᠠᠶᠠᠷᠬᠠᠨ ᠬᠣᠯᠠᠳᠠᠨᠠ
ᠨᠠᠰᠤᠨ ᠤ᠋ ᠡᠷᠬᠡ ᠪᠡᠷ ᠰᠠᠨᠴᠢᠭ ᠲᠤ᠌ ᠮᠢᠨᠢ ᠬᠢᠷᠠᠭᠤ ᠤᠨᠠᠵᠤ
ᠨᠠᠭᠠᠳᠴᠤ ᠨᠠᠷᠭᠢᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠲᠡᠷᠲᠡᠭᠡ ᠳ᠋ᠦ᠍ ᠪᠥᠷᠲᠥᠯᠵᠡᠨᠡ
ᠨᠡᠭᠦᠳᠡᠯ ᠦ᠋ᠨ ᠰᠢᠪᠠᠭᠤᠳ ᠵᠡᠯᠡᠯᠡᠨ ᠪᠠᠷᠠ ᠳᠠᠯᠳᠠᠷᠠᠬᠤ ᠳ᠋ᠤ᠌
ᠨᠠᠭᠤᠷ ᠤ᠋ᠨ ᠪᠣᠯᠣᠷ ᠨᠢᠳᠦ ᠠᠷᠯᠠᠨ ᠨᠢᠯᠪᠤᠰᠤᠲᠤᠨᠠ
ᠨᠠᠯᠠᠭᠠᠷ ᠬᠣᠷᠸᠠ ᠶ᠋ᠢᠨ ᠵᠢᠮᠡ ᠶᠣᠰᠣ ᠭᠡᠵᠦ
ᠨᠠᠮᠤᠷ ᠤ᠋ᠨ ᠬᠣᠩᠭᠣᠷ ᠰᠠᠯᠬᠢ ᠲᠡᠭᠦᠨ ᠢ᠋ ᠠᠷᠭᠠᠳᠠᠨᠠ ᠠ᠋
ᠡᠭᠦᠯᠡᠰ ᠡᠪᠬᠡᠷᠡᠯᠳᠦᠵᠦ ᠠᠭᠤᠯᠠᠰ ᠬᠦᠳᠡᠩᠲᠦᠭᠰᠡᠨ
ᠡᠪᠦᠯ ᠠᠯᠤᠰ ᠠ᠋ᠴᠠ ᠠᠯᠭᠤᠷ ᠨᠠᠭᠠᠰᠢᠯᠠᠨᠠ
ᠣᠷᠣᠢᠲᠠᠭᠰᠠᠨ ᠪᠣᠷᠣᠭᠠ ᠭᠡᠨᠡᠳᠲᠡ ᠭᠡᠨᠡᠳᠭᠡᠨ
ᠠᠭᠤᠴᠢᠯᠠᠯ ᠬᠦᠰᠡᠬᠦ ᠮᠡᠲᠦ ᠵᠦᠰᠡᠷᠡᠨ ᠵᠦᠰᠡᠷᠡᠨᠡ
ᠭᠠᠩᠳᠠᠭᠰᠠᠨ ᠲᠠᠯᠠ ᠭᠠᠩᠰᠠᠷᠠᠲᠠᠯᠠ ᠰᠠᠨᠠᠭᠠ ᠠᠯᠳᠠᠵᠤ
ᠭᠠᠯᠪᠠ ᠶᠢᠷᠲᠢᠨᠴᠦ ᠶ᠋ᠢᠨ ᠲᠠᠢᠯᠤᠭᠳᠠᠰᠢ ᠦᠭᠡᠢ ᠣᠨᠢᠰᠣᠭᠠ ᠳ᠋ᠤ᠌ ᠲᠥᠭᠡᠷᠢᠬᠦ ᠳ᠋ᠦ᠍
ᠭᠠᠴᠢᠭᠳᠠᠭᠰᠠᠨ ᠰᠡᠳᠬᠢᠯ ᠢ᠋ ᠨᠢ ᠲᠠᠢᠪᠤᠰᠢᠷᠠᠭᠤᠯᠬᠤ ᠪᠠᠷ ᠬᠣᠩᠭᠣᠷ ᠰᠠᠯᠬᠢ ᠱᠠᠪᠰᠢᠨ ᠠᠷᠭᠠᠳᠠᠨᠠ
ᠬᠥᠷᠥᠰᠥ ᠬᠠᠯᠴᠠᠷᠠᠨ ᠤᠰᠤ ᠴᠠᠷᠴᠠᠵᠤ
ᠬᠦᠢᠲᠡᠨ ᠠᠭᠠᠷ ᠦᠶᠡ ᠦᠶᠡᠭᠡᠨ ᠳᠠᠭᠵᠢᠭᠤᠯᠤᠨᠠ
ᠬᠥᠮᠦᠨ ᠪᠣᠯᠤᠭᠰᠠᠨ ᠵᠠᠶᠠᠭᠠ ᠮᠢᠨᠢ ᠶᠠᠭᠤᠨ ᠤ᠋ ᠲᠥᠯᠥᠭᠡ ᠪᠢᠯᠡ
ᠬᠡᠴᠡᠭᠦᠬᠡᠨ ᠨᠢᠭᠡ ᠠᠰᠠᠭᠤᠯᠲᠠ ᠦᠶᠡ ᠦᠶᠡᠭᠡᠨ ᠲᠠᠷᠢᠬᠢ ᠶ᠋ᠢ ᠵᠣᠪᠠᠭᠠᠨᠠ
ᠬᠡᠢᠰᠴᠦ ᠢᠷᠡᠭᠡᠳ ᠪᠥᠮᠪᠥᠷᠢᠵᠦ ᠠᠷᠢᠯᠬᠤ ᠬᠠᠮᠬᠤᠤᠯ ᠮᠡᠲᠦ
ᠬᠢᠵᠦ ᠪᠦᠲᠦᠭᠡᠭᠰᠡᠨ ᠵᠦᠢᠯ ᠮᠠᠰᠢ ᠬᠣᠮᠰᠠᠬᠠᠨ ᠭᠡᠵᠦ ᠭᠤᠨᠢᠭᠯᠠᠬᠤ ᠳ᠋ᠤ᠌
ᠬᠥᠬᠡ ᠤᠭᠰᠠᠭᠠ ᠮᠠᠨᠳᠤᠬᠤ ᠴᠠᠭ ᠢᠷᠡᠯᠡ ᠭᠡᠮᠡᠨ ᠬᠡᠭᠡᠷᠡ ᠶ᠋ᠢᠨ ᠰᠠᠯᠬᠢ ᠨᠠᠮᠠᠶ᠋ᠢ ᠠᠷᠭᠠᠳᠠᠨᠠ ᠠ᠋
2023.09.15
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠲᠤᠰᠠᠩ
ᠬᠢᠨᠠᠭᠴᠢ᠄ ᠨᠤᠮᠤᠴᠢᠨ ᠪᠢᠯᠢᠭ᠂ ᠣᠳᠬᠠᠨᠰᠪᠠ