ᠣᠷᠣᠯᠠᠨ ᠲᠣᠭᠯᠠᠭᠴᠢ – ᠰ ᠂ ᠳᠠᠱᠢᠳᠣᠣᠷᠣᠪ Орлон тоглогч – С ᠂ Дашидооров
340ᠣᠷᠣᠯᠠᠨ ᠲᠣᠭᠯᠠᠭᠴᠢ
( ᠬᠣᠱᠣᠩ ᠥᠭᠦᠯᠡᠯᠭᠡ )
ᠤᠷᠠᠨ ᠵᠣᠬᠢᠶᠠᠯ ᠰᠤᠨᠢᠷᠬᠠᠭᠴᠢ ᠪᠢᠳᠠᠨ ᠤ ᠬᠡᠳᠦᠨ ᠵᠠᠯᠠᠭᠤᠰ ᠠᠢᠮᠠᠭ ᠤᠨ ᠰᠣᠨᠢᠨ ᠤ ᠭᠠᠵᠠᠷ ᠤᠨ ᠨᠢᠭᠡ ᠵᠢᠭᠠᠬᠠᠨ ᠥᠷᠥᠭᠡᠨ ᠳᠦ ᠬᠠᠶᠠ ᠴᠤᠭᠯᠠᠷᠠᠳᠠᠭ ᠪᠠᠢᠯᠠ᠃ ᠨᠢᠭᠡᠨ ᠤᠳᠠᠭᠠ ᠪᠢᠳᠡ ᠬᠡᠳᠦ ᠠᠨᠠᠢ ᠯᠠ ᠵᠠᠩ ᠢᠶᠠᠷ ᠢᠶᠠᠨ ᠪᠡᠶᠡ ᠪᠡᠶᠡᠨ ᠦ ᠪᠡᠨ ᠰᠢᠯᠦᠭ ᠢ ᠰᠣᠨᠣᠰᠴᠤ ᠥᠷᠥᠭᠡ ᠪᠡᠷ ᠢᠶᠡᠨ ᠳᠦᠭᠦᠷᠡᠩ ᠲᠠᠮᠠᠬᠢᠨ ᠤ᠋ ᠤᠲᠤᠭᠠ ᠰᠤᠭᠤᠨᠠᠭᠯᠠᠭᠤᠯᠤᠨ ᠱᠤᠤᠭᠢᠯᠳᠤᠵᠤ ᠪᠠᠢᠯᠠ᠃ ᠬᠥᠮᠦᠨ ᠬᠥᠮᠦᠨ ᠦ ᠰᠢᠯᠦᠭ ᠰᠠᠢᠨ ᠰᠠᠢᠬᠠᠨ ᠰᠠᠨᠠᠭᠳᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠢᠳᠡ ᠬᠡᠳᠦ ᠰᠢᠭ ᠠᠯᠳᠠᠷᠲᠠᠢ ᠵᠣᠬᠢᠶᠠᠯᠴᠢ᠂ ᠢᠷᠠᠭᠤ ᠨᠠᠢᠷᠠᠭᠴᠢ᠂ ᠡᠨᠡᠬᠡᠨ ᠬᠣᠷᠸᠠ ᠳᠤ ᠦᠭᠡᠢ ᠰᠢᠭ ᠪᠠᠢᠯᠠ᠃ ᠲᠡᠭᠡᠲᠡᠯᠡ ᠨᠢᠭᠡ ᠬᠥᠮᠦᠨ ᠣᠷᠣᠵᠤ ᠢᠷᠡᠯᠡ᠃ ᠲᠡᠷᠡ ᠪᠡᠷ ᠪᠦᠳᠦᠭᠦᠨ ᠳᠠᠭᠤ ᠪᠠᠷ ᠮᠡᠨᠳᠦᠯᠡᠵᠦ᠂ ᠪᠢᠳᠠᠨ ᠢ ᠨᠢᠭᠡᠨᠲᠡ ᠲᠣᠭᠣᠷᠢᠭᠤᠯᠤᠨ ᠵᠢᠷᠳᠠᠭᠠᠢᠳᠠᠭᠤ ᠨᠢᠳᠦ ᠪᠡᠷ ᠠᠵᠢᠨ ᠬᠠᠷᠠᠪᠠ᠃ ᠪᠢᠳᠡᠨ ᠳᠡᠭᠡᠷᠡ ᠪᠠᠰᠠ ᠨᠢᠭᠡ ᠰᠢᠨᠡ ᠬᠥᠮᠦᠨ ᠨᠡᠮᠡᠵᠦ ᠢᠷᠡᠪᠡ ᠤᠤ? ᠭᠡᠵᠦ ᠪᠢ ᠪᠣᠳᠣᠯᠠ᠃ ᠲᠡᠷᠡ ᠪᠡᠷ ᠨᠠᠰᠤ ᠭᠤᠴᠢ ᠭᠠᠷᠴᠤ ᠶᠠᠪᠤᠭᠠ ᠪᠣᠯᠣᠯᠲᠠᠢ᠃ ᠮᠣᠩᠬᠣᠷᠳᠠᠭᠤ ᠬᠠᠮᠠᠷ ᠲᠠᠢ᠂ ᠴᠠᠢᠪᠤᠷ ᠴᠢᠷᠠᠢ ᠲᠠᠢ ᠳᠡᠭᠵᠢᠨ ᠬᠤᠪᠴᠠᠰᠤᠯᠠᠭᠰᠠᠨ ᠬᠥᠮᠦᠨ ᠪᠠᠢᠯᠠ᠃ ᠭᠠᠷ ᠲᠠᠭᠠᠨ ᠲᠣᠮᠣ ᠭᠡᠭᠴᠢ ᠶᠢᠨ ᠪᠢᠴᠢᠭ ᠦᠨ ᠰᠠᠪᠠ ᠪᠠᠷᠢᠭᠰᠠᠨ ᠬᠠᠷᠠᠭᠳᠠᠪᠠ ᠃ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠢᠳᠠᠮ ᠬᠤᠷᠤᠭᠤᠨ ᠳᠤ ᠰᠢᠷᠠᠮᠠᠯ ᠪᠦᠳᠦᠭᠦᠨ ᠪᠥᠭᠡᠵᠢ ᠭᠢᠯᠠᠯᠵᠠᠨᠠ᠂ ᠲᠡᠷᠡ ᠬᠥᠮᠦᠨ ᠡᠭᠦᠳᠡᠨ ᠳᠦ ᠨᠢᠭᠡ ᠬᠣᠶᠠᠷ ᠠᠭᠱᠠᠨ ᠵᠣᠭᠰᠣᠭᠰᠠᠨ ᠢ᠋ᠶ᠋ᠠᠨ᠄
– ᠵᠣᠬᠢᠶᠠᠯ ᠬᠡᠯᠡᠯᠴᠡᠵᠦ ᠪᠠᠢᠨᠠ ᠤᠤ ᠭᠡᠪᠡ ᠃
– ᠲᠡᠢᠮᠦ ᠡ᠂ ᠬᠡᠯᠡᠯᠴᠡᠬᠦ ᠴᠦ᠍ ᠭᠡᠵᠦ ᠳ᠋ᠠ᠂ ᠵᠦᠭᠡᠷ ᠯᠠ ᠤᠩᠰᠢᠵᠤ ᠪᠠᠢᠨᠠ ᠭᠡᠪᠡᠯ᠂
– ᠤᠤᠬᠠᠢᠰ ᠭᠡᠳ ᠪᠢᠳᠠᠨ ᠢ ᠡᠷᠭᠢᠨ ᠲᠣᠭᠣᠷᠢᠨ ᠬᠠᠷᠠᠪᠠ᠃
ᠮᠠᠨ ᠤ ᠬᠢᠨ ᠨᠢᠭᠡ ᠮᠠᠨᠢ ᠶᠡᠬᠡ ᠯᠠ ᠰᠢᠮᠲᠦᠩᠭᠦᠢ ᠄
– ᠲᠠ ᠪᠠᠰᠠ ᠵᠣᠬᠢᠶᠠᠯ ᠣᠷᠣᠯᠳᠤᠳᠠᠭ ᠤᠤ ᠭᠡᠯᠡ᠃ ᠲᠡᠷᠡ ᠪᠡᠷ ᠡᠨᠡ ᠠᠰᠠᠭᠤᠯᠲᠠ ᠶᠢ ᠲᠡᠳᠦᠢ ᠯᠠ ᠣᠢᠰᠢᠶᠠᠭᠰᠠᠨ ᠦᠭᠡᠢ ᠪᠣᠯᠣᠯᠲᠠᠢ᠂ ᠠᠮᠠᠨ ᠳ᠋ᠠᠭᠠᠨ ᠶᠠᠮᠠᠷ ᠨᠢᠭᠡᠨ ᠦᠭᠡ ᠪᠠᠪᠠᠲᠤᠨᠠᠨ ᠥᠭᠦᠯᠡᠵᠦ ᠲᠡᠷᠡᠦᠬᠡᠨ ᠳ᠋ᠡᠭᠡᠨ ᠲᠣᠯᠣᠭᠠᠢ ᠲᠣᠬᠢᠰᠭᠢᠪᠡ᠃ ᠲᠡᠷᠡ ᠲᠣᠯᠣᠭᠠᠢ ᠳᠣᠬᠢᠯᠲᠠ ᠨᠥᠭᠥᠭᠡ ᠠᠰᠠᠭᠤᠯᠲᠠ ᠳᠤ ᠬᠠᠷᠢᠭᠤᠯᠤᠭᠠ ᠦᠭᠡᠢ ᠨᠢ ᠲᠣᠳᠣᠷᠬᠠᠢ ᠪᠣᠯᠪᠠ᠃ ᠲᠡᠭᠡᠭᠡᠳ ᠨᠥᠭᠥᠭᠡ ᠬᠥᠮᠦᠨ ᠮᠠᠨᠢ ᠨᠢᠭᠡ ᠰᠠᠨᠳᠠᠯᠢ ᠠᠪᠴᠤ ᠰᠢᠷᠡᠭᠡ ᠤᠷᠤᠭᠤ ᠳᠥᠬᠥᠭᠦᠯᠵᠦ ᠰᠠᠭᠤᠭᠠᠳ ᠪᠢᠴᠢᠭ ᠦ᠋ᠨ ᠰᠠᠪᠠ ᠪᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠫᠠᠳ ᠬᠢᠲᠡᠯᠡ ᠲᠠᠯᠪᠢᠵᠤ ᠄
– ᠵᠦᠢᠲᠡᠢ ᠭᠡᠪᠡ᠃ ᠪᠢᠳᠡ ᠭᠠᠢᠬᠠᠨ ᠪᠡᠶᠡ ᠪᠡᠶᠡ ᠪᠡᠨ ᠬᠠᠷᠠᠵᠠᠭᠠᠪᠠ᠃ ᠲᠡᠭᠡᠲᠡᠯᠡ ᠲᠡᠷᠡ᠄
– ᠵᠠ ᠪᠢ ᠲᠥᠪ ᠡᠴᠡ ᠶᠠᠪᠤᠭᠠ ᠵᠣᠬᠢᠶᠠᠯᠴᠢ ᠯᠤ ᠭᠡᠳᠡᠭ ᠭᠡᠪᠡ᠃
ᠪᠢᠳᠡ ᠨᠡᠷᠡ ᠳ᠋ᠦ᠍ ᠭᠠᠷᠤᠭᠰᠠᠨ ᠵᠣᠬᠢᠶᠠᠯᠴᠢ ᠭᠡᠨᠡᠳᠲᠡ ᠣᠷᠣᠵᠤ ᠢᠷᠡᠭᠰᠡᠨ ᠳ᠋ᠦ᠍ ᠤᠴᠢᠷ ᠦᠭᠡᠢ ᠪᠡᠶᠡᠰᠴᠦ᠂ ᠪᠠᠰᠠ ᠳᠣᠲᠣᠷᠠ ᠪᠠᠨ ᠡᠮᠢᠶᠡᠰᠬᠢᠨ ᠵᠠᠮᠪᠠᠷᠠᠭᠠ ᠦᠭᠡᠢᠬᠡᠨ ᠪᠠᠢᠭᠰᠠᠨ ᠳ᠋ᠠᠭᠠᠨ ᠬᠣᠯᠴᠢᠢᠰᠬᠢᠪᠡ᠃ ᠵᠠᠷᠢᠮ ᠮᠠᠨᠢ ᠲᠠᠲᠠᠵᠤ ᠪᠠᠢᠭᠰᠠᠨ ᠲᠠᠮᠠᠬᠢ ᠪᠠᠨ ᠤᠨᠲᠠᠷᠠᠭᠠᠵᠤ᠂ ᠲᠠᠮᠠᠬᠢᠨ ᠤ᠋ ᠪᠠᠨ ᠤᠲᠤᠭᠠ ᠶ᠋ᠢ ᠨᠠᠮᠳᠠᠭᠠᠬᠤ ᠭᠡᠵᠦ ᠣᠢᠷᠠ ᠬᠠᠪᠢ ᠶ᠋ᠢᠨ ᠢ᠋ᠶ᠋ᠡᠨ ᠤᠲᠤᠭᠠ ᠶ᠋ᠢ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠠᠪᠠᠵᠤ ᠬᠥᠭᠡᠭᠡᠯᠡ᠃ ᠪᠢᠳᠡᠨ ᠦ᠌ ᠳᠤᠮᠳᠠ ᠶᠡᠷᠦ ᠨᠡᠷᠡ ᠳ᠋ᠦ᠍ ᠭᠠᠷᠤᠭᠰᠠᠨ ᠵᠣᠬᠢᠶᠠᠯᠴᠢ ᠲᠠᠢ ᠠᠭᠤᠯᠵᠠᠵᠤ ᠶᠠᠪᠤᠭᠰᠠᠨ ᠬᠥᠮᠦᠨ ᠦᠭᠡᠢ ᠪᠥᠭᠡᠳ ᠵᠠᠪᠰᠢᠶᠠᠨ ᠢ᠋ᠶ᠋ᠠᠷ ᠢᠩᠭᠢᠵᠦ ᠤᠴᠠᠷᠠᠭᠰᠠᠨ ᠤ᠋ ᠬᠢ ᠵᠥᠪᠯᠡᠯᠭᠡ ᠰᠤᠷᠭᠠᠯ ᠢ᠋ ᠨᠢ ᠬᠦᠷᠲᠡᠭᠦ ᠶᠢᠨ ᠪᠣᠳᠣᠯ ᠳ᠋ᠤ᠌ ᠠᠪᠲᠠᠯᠠ᠃
ᠲᠡᠭᠡᠲᠡᠯᠡ ᠵᠣᠬᠢᠶᠠᠯᠴᠢ ᠮᠠᠨᠢ ᠪᠢᠴᠢᠭ ᠦᠨ ᠰᠠᠪᠠ ᠪᠠᠨ ᠨᠡᠭᠡᠭᠡᠵᠦ ᠮᠠᠰᠢᠨ ᠢᠶᠠᠷ ᠢᠷᠠᠢᠲᠠᠯᠠ ᠴᠤᠬᠢᠭᠰᠠᠨ ᠡᠳᠦᠢ ᠲᠡᠳᠦᠢ ᠬᠠᠭᠤᠳᠠᠰᠤ ᠰᠢᠯᠦᠭ ᠭᠠᠷᠭᠠᠯᠠ᠃
– ᠵᠠ ᠤᠷᠢᠳ ᠢᠶᠠᠷ ᠲᠠ ᠨᠠᠷ ᠤᠨ ᠬᠡᠨ ᠨᠢᠭᠡᠨ ᠦ᠌ ᠰᠢᠯᠦᠭ ᠢ᠋ ᠰᠣᠨᠣᠰᠤᠶᠠ ᠭᠡᠪᠡ᠃ ᠪᠢᠳᠡ ᠰᠢᠯᠦᠭ ᠢ᠋ᠶ᠋ᠡᠨ ᠵᠣᠷᠢᠭ ᠵᠢᠷᠦᠬᠡ ᠲᠡᠢ ᠤᠩᠰᠢᠵᠤ ᠪᠠᠢᠭᠰᠠᠨ ᠲᠠᠪᠠᠯᠤᠭᠤᠨ ᠵᠠᠩ ᠢ᠋ᠶ᠋ᠠᠨ ᠳᠠᠷᠤᠵᠠᠭᠠᠵᠤ᠂ ᠵᠣᠬᠢᠶᠠᠯᠴᠢ ᠶ᠋ᠢᠨ ᠰᠦᠷ ᠲᠦ᠍ ᠠᠪᠲᠠᠨ ᠨᠢᠭᠡ ᠬᠡᠰᠡᠭ ᠴᠢᠮᠡᠭᠡ ᠦᠭᠡᠢ ᠰᠠᠭᠤᠪᠠ᠃ ᠲᠡᠷᠡ ᠬᠥᠮᠦᠨ ᠬᠡᠳᠦᠨ ᠠᠭᠱᠠᠨ ᠬᠦᠯᠢᠶᠡᠵᠡᠨᠨᠡ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠄
– ᠵᠠ ᠲᠡᠢᠮᠦ ᠪᠠᠢᠵᠤ ᠭᠡᠵᠦ ᠥᠪᠡᠷ ᠲᠡᠭᠡᠨ ᠥᠭᠦᠯᠡᠭᠰᠡᠨ ᠢ᠋ᠶ᠋ᠡᠨ ᠨᠠᠮᠠ ᠶ᠋ᠢ ᠵᠢᠭᠠᠵᠤ᠄
– ᠵᠠ ᠴᠢ ᠤᠩᠰᠢ ᠭᠡᠯᠡ᠃ ᠪᠢ ᠪᠠᠬᠠᠨ ᠡᠮᠢᠶᠡᠰᠬᠢᠵᠤ ᠬᠠᠮᠤᠭ ᠤ᠋ᠨ ᠰᠠᠢᠨ ᠭᠡᠰᠡᠨ ᠨᠢᠭᠡ ᠤᠶᠠᠩᠭᠠ ᠶ᠋ᠢᠨ ᠰᠢᠯᠦᠭ ᠢ᠋ᠶ᠋ᠡᠨ ᠤᠩᠰᠢᠯᠠ᠃ ᠨᠥᠬᠥᠳ ᠮᠠᠨᠢ ᠲᠡᠷᠡ ᠰᠢᠯᠦᠭ ᠢ᠋ ᠰᠣᠨᠣᠰᠤᠭᠰᠠᠨ ᠪᠣᠯᠬᠣᠷ ᠣᠨᠴᠠ ᠠᠩᠬᠠᠷᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠵᠣᠬᠢᠶᠠᠯᠴᠢ ᠶ᠋ᠢ ᠲᠠᠭᠠᠰᠢᠶᠠᠵᠤ ᠪᠠᠢᠨᠠ ᠤᠤ ᠦᠭᠡᠢ ᠤᠤ ᠭᠡᠳᠡᠭ ᠢ᠋ ᠲᠡᠭᠦᠨ ᠦ᠌ ᠨᠢᠭᠤᠷ ᠴᠢᠷᠠᠢ ᠠ᠋ᠴᠠ ᠨᠢ ᠣᠯᠵᠤ ᠬᠠᠷᠠᠬᠤ ᠶ᠋ᠢ ᠬᠢᠴᠢᠶᠡᠭᠰᠡᠨ ᠶᠠᠩᠵᠤ ᠲᠠᠢ ᠬᠠᠷᠠᠵᠠᠭᠠᠵᠤ ᠪᠠᠢᠯᠠ᠃ ᠨᠠᠮᠠ ᠶ᠋ᠢ ᠰᠢᠯᠦᠭ ᠦ᠋ᠨ ᠢ᠋ᠶ᠋ᠡᠨ ᠰᠡᠭᠦᠯᠴᠢ ᠶ᠋ᠢᠨ ᠮᠥᠷ ᠢ᠋ ᠤᠩᠰᠢᠵᠤ ᠳᠠᠭᠤᠰᠲᠠᠯᠠ ᠯᠤ ᠭᠤᠸᠠᠢ᠄
– ᠪᠣᠯᠤᠭᠠ ᠦᠭᠡᠢ ᠪᠠᠢᠨᠠ᠂ ᠲᠦᠭᠦᠬᠡᠢ ᠪᠡᠷ ᠢ᠋ᠶ᠋ᠡᠨ ᠪᠠᠢᠨᠠ᠃ ᠠ᠋ ᠳᠠ ᠵᠠᠯᠠᠭᠤ ᠴᠢ ᠶᠠᠭᠠᠬᠢᠭᠠ ᠴᠤ ᠦᠭᠡᠢ ᠪᠠᠢᠨᠠ ᠭᠡᠯᠡ᠃ ᠲᠡᠭᠡᠭᠰᠡᠨ ᠢ᠋ᠶ᠋ᠡᠨ ᠪᠣᠳᠣᠯ ᠪᠣᠯᠤᠨ ᠲᠡᠷᠢᠭᠦᠨ ᠢ᠋ᠶ᠋ᠡᠨ ᠬᠡᠯᠵᠡᠢᠯᠭᠡᠨ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠪᠢᠰᠢᠯᠭᠠᠪᠠ᠃ ᠨᠥᠬᠥᠳ ᠮᠠᠨᠢ ᠮᠢᠨᠦ ᠰᠢᠯᠦᠭ ᠢ᠋ ᠬᠡᠳᠦᠨ ᠮᠥᠴᠡ ᠶ᠋ᠢᠨ ᠲᠡᠷᠢᠭᠦᠨ ᠳ᠋ᠦ᠍ ᠲᠡᠭᠷᠢ ᠲᠤᠯᠲᠠᠯᠠ ᠮᠠᠭᠲᠠᠭᠰᠠᠨ ᠪᠣᠯᠬᠣᠷ ᠨᠠᠳᠠ ᠠ᠋ᠴᠠ ᠡᠴᠡ ᠴᠦ᠍ ᠰᠠᠨᠠᠭᠠ ᠵᠣᠪᠠᠭᠰᠠᠨ ᠶᠠᠩᠵᠤ ᠲᠠᠢ᠂ ᠭᠡᠬᠦ ᠳ᠋ᠡᠭᠡᠨ ᠵᠣᠬᠢᠶᠠᠯᠴᠢ ᠶ᠋ᠢ ᠶᠠᠭᠤ ᠭᠡᠵᠦ ᠬᠡᠯᠡᠬᠦ ᠶ᠋ᠢ ᠬᠦᠯᠢᠶᠡᠵᠦ ᠲᠣᠪ ᠳᠤᠭᠤᠢ ᠰᠠᠭᠤᠵᠠᠭᠠᠨᠠ᠃ ᠵᠣᠬᠢᠶᠠᠯᠴᠢ ᠮᠠᠨᠢ ᠰᠠᠶᠢ ᠠᠮᠠ ᠨᠡᠭᠡᠭᠡᠵᠦ᠄
– ᠵᠠ ᠶᠡᠷᠦᠩᠬᠡᠢ ᠳ᠋ᠡᠭᠡᠨ ᠣᠢᠯᠠᠭᠠᠮᠵᠢᠲᠠᠢ᠂ ᠪᠢ ᠲᠠ ᠨᠠᠷ ᠲᠤ᠌ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠰᠢᠯᠦᠭ ᠵᠣᠬᠢᠶᠠᠯ ᠠ᠋ᠴᠠ ᠤᠩᠰᠢᠶᠠ᠃ ᠤᠷᠠᠨ ᠵᠣᠬᠢᠶᠠᠯ ᠪᠢᠴᠢᠨᠡ ᠭᠡᠳᠡᠭ ᠬᠢᠯᠪᠠᠷ ᠦᠭᠡᠢ᠃ ᠵᠠᠯᠠᠭᠤ ᠶ᠋ᠢᠨ ᠰᠢᠯᠦᠭ ᠰᠢᠯᠦᠭ ᠪᠢᠰᠢ ᠠ᠋᠂ ᠤᠷᠠᠨ ᠰᠢᠯᠦᠭ ᠢ᠋ ᠡᠢᠮᠦᠷᠬᠦᠦ ᠪᠢᠴᠢᠬᠦ ᠬᠡᠷᠡᠭᠲᠡᠢ ᠭᠡᠳ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠣᠬᠢᠶᠠᠯ ᠠ᠋ᠴᠠ ᠤᠩᠰᠢᠯᠠ᠃ ᠪᠢᠳᠡᠨ ᠦ᠌ ᠯᠡ ᠪᠢᠴᠢᠳᠡᠭ ᠰᠢᠯᠦᠭ ᠡᠴᠡ ᠣᠨᠴᠠ ᠭᠣᠢᠳᠠ ᠶ᠋ᠢᠨ ᠢᠯᠡᠭᠦᠦ ᠭᠠᠷᠬᠤ ᠪᠠᠷ ᠶᠠᠭᠤᠮᠠ ᠦᠭᠡᠢ ᠪᠠᠢᠪᠠ᠃ ᠲᠠᠪᠤ ᠵᠢᠷᠭᠤᠭᠠᠨ ᠰᠢᠯᠦᠭ ᠤᠩᠰᠢᠭᠰᠠᠨ ᠢ᠋ᠶ᠋ᠠᠨ᠄
– ᠵᠠᠯᠠᠭᠤᠴᠤᠳ ᠮᠢᠨᠢ᠂ ᠶᠡᠷᠦ ᠨᠢ ᠵᠣᠬᠢᠶᠠᠯ ᠰᠢᠯᠦᠭ ᠭᠡᠳᠡᠭ ᠰᠠᠨᠠᠮᠰᠠᠷ ᠦᠭᠡᠢ ᠣᠷᠣᠵᠤ ᠢᠷᠡᠬᠦ ᠨᠢ ᠣᠯᠠᠨᠲᠠ᠂ ᠰᠠᠶᠢ ᠶ᠋ᠢᠨ ᠰᠢᠯᠦᠭ ᠦ᠋ᠳ ᠢ᠋ ᠪᠢ ᠨᠢᠭᠡ ᠯᠡ ᠣᠷᠣᠢ ᠪᠢᠴᠢᠭᠰᠡᠨ᠃ ᠵᠠ ᠡᠨᠡ ᠰᠢᠯᠦᠭ ᠢ᠋ ᠭᠡᠳ ᠁ ᠨᠢᠭᠡ ᠬᠠᠭᠤᠳᠠᠰᠤ ᠳᠡᠭᠡᠭᠰᠢ ᠡᠷᠭᠦᠭᠡᠳ 《 ᠶᠠᠭᠠᠬᠢᠵᠤ ᠪᠢᠴᠢᠭᠰᠡᠨ ᠢ᠋ᠶ᠋ᠡᠨ ᠶᠠᠷᠢᠶᠠ᠂ ᠪᠢᠨ ᠨᠢᠭᠡ ᠣᠷᠣᠢ ᠠᠵᠢᠯ ᠠ᠋ᠴᠠ ᠪᠠᠨ ᠭᠡᠷ ᠲᠡᠭᠡᠨ ᠢᠷᠡᠯᠡ ᠃ ᠲᠡᠭᠡᠲᠡᠯᠡ ᠭᠡᠨᠡᠳᠲᠡ ᠰᠠᠨᠠᠭᠠᠨ ᠳ᠋ᠤ᠌ ᠡᠢᠮᠦ ᠨᠢᠭᠡ ᠶᠠᠭᠤᠮᠠ ᠣᠷᠣᠭᠠᠳ ᠢᠷᠡᠯᠡ ᠃ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠴᠦ᠍ ᠲᠠᠢᠯᠤᠭᠰᠠᠨ ᠦᠭᠡᠢ ᠮᠠᠷᠲᠠᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ ᠪᠢᠴᠢᠬᠦ ᠮᠢᠨᠢ ᠭᠡᠳ ᠯᠡ ᠳᠣᠣᠷᠠ ᠨᠢ ᠴᠠᠭᠠᠰᠤ ᠦᠵᠦᠭ ᠭᠠᠷᠭᠠᠭᠠᠳ ᠪᠢᠴᠢᠭᠰᠡᠨ 》ᠭᠡᠪᠡ᠃ ᠪᠢᠳᠠ ᠪᠠᠬᠠᠷᠬᠠᠨ ᠪᠢᠰᠢᠷᠡᠪᠡ᠂ ᠵᠣᠬᠢᠶᠠᠯᠴᠢ ᠲᠡᠷᠡ ᠰᠢᠯᠦᠭ ᠢ᠋ᠶ᠋ᠡᠨ ᠤᠩᠰᠢᠪᠠ᠃ ᠰᠢᠯᠦᠭ ᠦ᠋ᠨ ᠨᠡᠷᠡ ᠨᠢ 《 ᠴᠡᠴᠡᠭ ᠰᠢᠭ ᠬᠣᠩᠭᠣᠷᠬᠠᠨ ᠠᠮᠠᠷᠠᠭ ᠮᠢᠨᠢ 》 ᠭᠡᠵᠦ ᠪᠠᠢᠯᠠ᠃ ᠠᠮᠠᠷᠠᠭ ᠢᠨᠠᠭ ᠢ᠋ᠶ᠋ᠠᠨ ᠴᠡᠴᠡᠭ ᠲᠡᠢ ᠵᠦᠢᠷᠯᠡᠭᠡᠳ᠂ ᠦᠨᠦᠰᠬᠦ ᠳ᠋ᠦ᠍ ᠴᠢᠨᠢ ᠴᠡᠴᠡᠭ ᠦ᠋ᠨ ᠪᠠᠯ ᠰᠢᠭ᠋ ᠪᠠᠢᠳᠠᠭ ᠭᠡᠰᠡᠨ ᠯᠡ ᠰᠢᠯᠦᠭ ᠪᠠᠢᠯᠠ᠃ ᠵᠣᠬᠢᠶᠠᠯᠴᠢ ᠰᠢᠯᠦᠭ ᠢ᠋ᠶ᠋ᠡᠨ ᠤᠩᠰᠢᠵᠤ ᠳᠠᠭᠤᠰᠤᠩᠭᠤᠲᠠ ᠪᠠᠨ᠄
– ᠪᠢ ᠡᠭᠦᠨ ᠢ᠋ ᠲᠠᠪᠤᠬᠠᠨ ᠮᠢᠨᠦ᠋ᠲ ᠲᠦ᠍ ᠯᠡ ᠪᠢᠴᠢᠭᠰᠡᠨ᠂ ᠲᠡᠭᠡᠭᠡᠳ ᠪᠢ ᠤᠲᠠᠰᠤ ᠪᠠᠷ ᠬᠡᠨ ᠤᠷᠤᠭᠤ ᠶᠠᠷᠢᠪᠠ ᠴᠢ ᠮᠢᠨᠢ ! ( ᠨᠡᠷᠡ ᠳ᠋ᠦ᠍ ᠭᠠᠷᠤᠭᠰᠠᠨ ᠨᠢᠭᠡ ᠵᠣᠬᠢᠶᠠᠯᠴᠢ ᠶ᠋ᠢᠨ ᠨᠡᠷᠡ ᠶ᠋ᠢ ᠳᠤᠷᠠᠳᠪᠠ ) ᠮᠠᠭᠤ ᠵᠣᠯᠢᠭ ᠲᠤ᠌ ᠭᠠᠢᠬᠠᠭᠤᠯᠵᠤ ᠤᠩᠰᠢᠭᠰᠠᠨ᠂ ᠲᠡᠭᠦᠨ ᠦ᠌ ᠬᠣᠷᠣᠳᠠᠭᠰᠠᠨ ( ᠠᠲᠠᠭᠠ ᠬᠥᠳᠡᠯᠬᠦ ) ᠭᠡᠳᠡᠭ ᠨᠢ ᠁ ᠭᠡᠳ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠬᠥᠬᠥᠷᠡᠯᠡ᠃ ᠪᠢ ᠳᠣᠲᠣᠷᠠ ᠪᠠᠨ ᠵᠣᠬᠢᠶᠠᠯᠴᠢ ᠭᠡᠳᠡᠭ ᠬᠥᠮᠦᠨ ᠶᠠᠭᠤᠲᠠᠢ ᠰᠠᠢᠬᠠᠨ ᠶᠤᠮ ᠪᠣᠢ ᠭᠡᠵᠦ ᠪᠠᠬᠠᠷᠬᠠᠨ ᠶᠠᠭᠠᠬᠢᠬᠤ ᠪᠠᠷ ᠢ᠋ᠶ᠋ᠠᠨ ᠲᠡᠭᠡᠵᠦ ᠬᠤᠷᠳᠤᠨ ᠪᠢᠴᠢᠳᠡᠭ ᠶᠦᠮ ᠪᠣᠯ ᠭᠡᠵᠦ ᠪᠢᠰᠢᠷᠡᠨ ᠪᠣᠳᠣᠵᠤ ᠰᠠᠭᠤᠯᠠ᠃ ᠲᠡᠭᠡᠭᠰᠡᠨ ᠢ᠋ᠶ᠋ᠡᠨ ᠵᠣᠬᠢᠶᠠᠯ ᠢ᠋ ᠣᠯᠠᠨ ᠳᠠᠬᠢᠨ ᠪᠢᠴᠢᠳᠡᠭ ᠣᠢᠭᠠ ᠦᠭᠡᠢ ᠠᠵᠢᠯᠯᠠᠭᠠ ᠱᠠᠭᠠᠷᠳᠠᠳᠠᠭ ᠭᠡᠵᠦ ᠰᠣᠨᠢᠨ ᠰᠡᠳᠬᠦᠯ ᠡᠴᠡ ᠵᠥᠩᠳᠡᠭᠡᠨ ᠤᠩᠰᠢᠭᠰᠠᠨ ᠢ᠋ᠶ᠋ᠠᠨ ᠤᠷᠠᠨ ᠴᠢᠳᠠᠪᠤᠷᠢ᠂ ᠤᠷᠠᠨ ᠳᠦᠷᠰᠦᠯᠡᠯ ᠵᠣᠬᠢᠶᠠᠯ ᠳ᠋ᠤ᠌ ᠣᠨᠴᠠ ᠬᠡᠷᠡᠭᠲᠡᠢ ᠭᠡᠵᠦ ᠨᠢᠭᠡ ᠵᠣᠬᠢᠶᠠᠯᠴᠢ ᠶ᠋ᠢᠨ ᠪᠢᠴᠢᠭᠰᠡᠨ ᠢ᠋ ᠰᠠᠨᠠᠵᠤ ᠰᠠᠭᠤᠯᠠ᠃ ᠲᠡᠭᠡᠭᠡᠳ ᠨᠢᠭᠡ ᠯᠡ ᠵᠣᠬᠢᠶᠠᠯᠴᠢ ᠪᠣᠯᠴᠢᠬᠠᠪᠠᠯ ᠰᠢᠯᠦᠭ ᠪᠢᠴᠢᠨᠡ ᠭᠡᠳᠡᠭ ᠱᠦᠳᠡᠨᠵᠡ ᠬᠠᠪᠢᠷᠬᠤ ᠠ᠋ᠴᠠ ᠴᠦ᠍ ᠲᠦᠪᠡᠭ ᠦᠭᠡᠢ ᠶᠠᠭᠤᠮᠠ ᠪᠠᠢᠵᠤ ᠳᠠ ᠭᠡᠵᠦ ᠪᠣᠳᠣᠯᠠ᠃
– ᠲᠠ ᠶᠠᠭᠠᠬᠢᠵᠤ ᠵᠣᠬᠢᠶᠠᠯᠴᠢ ᠪᠣᠯᠤᠭᠰᠠᠨ ᠪᠣᠢ ᠭᠡᠵᠦ ᠨᠢᠭᠡ ᠶ᠋ᠢ ᠮᠠᠨᠢ ᠠᠰᠠᠭᠤᠬᠤ ᠳ᠋ᠤ᠌ ᠵᠣᠬᠢᠶᠠᠯᠴᠢ ᠪᠡᠶᠡᠰᠦᠨ
– ᠲᠡᠷᠡ ᠶᠡᠬᠡ ᠰᠣᠨᠢᠨ ᠡᠬᠢᠯᠡᠭᠰᠡᠨ ᠠ᠋ !
– ᠨᠢᠭᠡ ᠤᠳᠠᠭᠠ ᠪᠢ ᠵᠠᠬᠠ ᠳᠡᠭᠡᠭᠦᠷ ᠶᠠᠪᠤᠵᠤ ᠪᠠᠢᠭᠠᠳ ᠬᠠᠷᠢᠬᠤ ᠳ᠋ᠠᠭᠠᠨ ᠦᠯᠢᠭᠡᠷ ᠦ᠋ᠨ ᠳᠠᠭᠢᠨᠢ ᠰᠢᠭ᠋ ᠬᠡᠦᠬᠡᠨ ᠬᠠᠷᠠᠯᠠ᠃ ᠲᠡᠷᠡ ᠰᠢᠭ ᠬᠡᠦᠬᠡᠨ ᠤᠲᠤ ᠪᠣᠯᠲᠠᠯᠠ ᠬᠠᠷᠠᠭᠠ ᠦᠭᠡᠢ᠂ ᠰᠠᠢᠬᠠᠨ ᠠᠮᠢᠲᠠᠨ ᠠ᠋ ! ᠲᠡᠭᠡᠭᠡᠳ ᠯᠡ ᠪᠢ 《 ᠬᠣᠩᠭᠣᠷ ᠴᠢᠮᠠ ᠶ᠋ᠢ ᠬᠠᠷᠠᠭᠠᠳ ᠬᠣᠣᠰ ᠦᠭᠡᠢ ᠬᠠᠢᠷᠠ ᠮᠢᠨᠢ ᠣᠷᠭᠢᠯᠤᠭᠠᠳ 》ᠭᠡᠳ ᠪᠢᠴᠢᠯᠡ᠂ ᠲᠠᠪᠤ ᠵᠢᠷᠭᠤᠭᠠᠨ ᠪᠠᠳᠠᠭ ᠪᠢᠴᠢᠴᠢᠬᠡᠯᠡ᠂ ᠤᠩᠰᠢᠭᠠᠳ ᠦᠵᠡᠭᠰᠡᠨ ᠨᠢ ᠳᠣᠬᠢ ᠠ᠋᠃ ᠮᠠᠷᠭᠠᠰᠢ ᠨᠢ ᠠᠵᠢᠯ ᠳ᠋ᠠᠭᠠᠨ ᠴᠦ᠍ ᠤᠴᠢᠭᠰᠠᠨ ᠦᠭᠡᠢ ᠰᠢᠭᠤᠳ ᠯᠠ ᠵᠣᠬᠢᠶᠠᠯᠴᠢᠳ ᠤ᠋ᠨ ᠬᠣᠷᠢᠶᠠᠨ ᠳᠡᠭᠡᠷᠡ ᠣᠴᠢᠵᠤ ᠵᠣᠬᠢᠶᠠᠯᠴᠢ ᠨᠠ ᠲᠡᠢ ᠠᠭᠤᠯᠵᠠᠯᠠ᠃ ᠲᠡᠭᠦᠨ ᠳ᠋ᠦ᠍ ᠤᠩᠰᠢᠯᠠ᠂ ᠲᠡᠭᠦᠨ ᠦ᠌ ᠪᠠᠶᠠᠷᠯᠠᠵᠤ ᠪᠠᠢᠭᠠ ᠭᠡᠳᠡᠭ ᠵᠢᠭᠲᠡᠢᠬᠡᠨ᠃ ᠲᠡᠷᠡ ᠲᠡᠭᠡᠭᠡᠳ 《 ᠵᠠ᠂ ᠮᠠᠨ ᠤ᠋ ᠤᠳᠬᠠ ᠵᠣᠬᠢᠶᠠᠯ ᠳ᠋ᠤ᠌ ᠨᠢᠭᠡ ᠰᠢᠨᠡ ᠢᠷᠠᠭᠤ ᠨᠠᠢᠷᠠᠭᠴᠢ ᠣᠷᠣᠵᠤ ᠢᠷᠡᠯᠡ᠂ ᠵᠠ ᠯᠣ ᠮᠢᠨᠢ ᠪᠢᠴᠢᠭᠡᠳ ᠪᠠᠢ᠂ ᠡᠨᠡ ᠰᠢᠯᠦᠭ ᠢ᠋ ᠴᠢᠨᠢ ᠬᠡᠪᠯᠡᠨᠡ᠂ ᠶᠠᠮᠠᠷ ᠰᠠᠢᠬᠠᠨ ᠰᠢᠯᠦᠭ ᠪᠣᠢ᠂ ᠠᠩᠬᠠ ᠡᠬᠢᠯᠡᠵᠦ ᠪᠠᠢᠭᠠ ᠭᠡᠬᠦ ᠳ᠋ᠦ᠍ ᠬᠣᠣᠰ ᠦᠭᠡᠢ ᠪᠠᠢᠨᠠ᠃ ᠰᠧᠷᠭᠸᠢ ᠶᠧᠰᠧᠨᠢᠨ ᠢᠩᠭᠢᠵᠦ ᠡᠬᠢᠯᠡᠭᠡ ᠦᠭᠡᠢ ᠶᠦᠮ 》 ᠭᠡᠳ ᠪᠠᠶᠠᠷᠯᠠᠬᠤ ᠳ᠋ᠠᠭᠠᠨ ᠵᠡᠭᠦᠵᠦ ᠶᠠᠪᠤᠭᠰᠠᠨ ᠵᠠᠩᠭᠢᠶᠠ ᠪᠠᠨ ᠲᠠᠢᠯᠵᠤ ᠦᠭᠭᠦᠯᠡ᠃ ᠲᠡᠷᠡ ᠵᠠᠩᠭᠢᠶᠠ ᠨᠢ ᠡᠨᠡ ᠳ᠋ᠠ ᠭᠡᠳ ᠬᠦᠵᠦᠭᠦᠨ ᠳ᠋ᠡᠬᠢ ᠡᠷᠢᠶᠡᠨ ᠵᠠᠩᠭᠢᠶᠠ ᠪᠠᠨ ᠵᠢᠭᠠᠯᠠ᠃ ᠪᠢᠳᠡ ᠪᠠᠶᠠᠰᠤᠨ ᠲᠡᠭᠦᠨ ᠢ᠋ ᠨᠢ ᠥᠯᠢᠢᠯᠵᠡᠨ ᠬᠠᠷᠠᠵᠠᠭᠠᠯᠠ᠃
ᠶᠠᠷᠢᠶᠠᠨ ᠳ᠋ᠠᠭᠠᠨ ᠬᠠᠯᠠᠭᠰᠠᠨ ᠯᠣ ᠭᠤᠸᠠᠢ ᠢᠯᠠᠨ ᠳᠠᠯᠠᠨ ᠦᠭᠡᠢ ᠶᠠᠷᠢᠶᠠ ᠪᠠᠨ ᠳᠠᠭᠤᠰᠬᠠᠵᠤ᠄
– ᠢᠩᠭᠢᠭᠡᠳ ᠯᠡ ᠵᠣᠬᠢᠶᠠᠯᠴᠢ ᠪᠣᠯᠬᠤ ᠵᠠᠮ ᠳ᠋ᠠᠭᠠᠨ ᠣᠷᠣᠭᠰᠠᠨ᠂ ᠵᠠ ᠵᠣᠬᠢᠶᠠᠯᠴᠢ ᠪᠢᠳᠡ ᠠᠷᠢᠬᠢᠨ ᠠ᠋ᠴᠠ ᠯᠠ ᠪᠣᠯᠳᠠᠭ ᠶᠤᠮ ᠳᠠ᠂ ᠲᠠ ᠨᠠᠷ ᠬᠢᠴᠢᠶᠡᠵᠦ ᠦᠵᠡᠭᠡᠷᠡᠢ ᠭᠡᠯᠡ᠃ ᠲᠡᠭᠡᠭᠡᠳ ᠤᠳᠠᠭᠰᠠᠨ ᠦᠭᠡᠢ ᠵᠣᠬᠢᠶᠠᠯᠴᠢ ᠮᠠᠨᠢ ᠠᠵᠢᠯ ᠲᠠᠢ ᠭᠡᠳ ᠶᠠᠪᠤᠯᠠ᠃ ᠪᠢᠳᠡ ᠰᠠᠨᠳᠠᠯᠢ ᠪᠠᠨ ᠲᠦᠷ ᠲᠠᠷ ᠳᠤᠤᠭᠠᠷᠭᠠᠨ ᠪᠣᠰᠴᠤ ᠴᠢᠮᠡᠭᠡ ᠦᠭᠡᠢ ᠬᠣᠢᠨᠠ ᠠ᠋ᠴᠠ ᠨᠢ ᠬᠠᠷᠠᠭᠰᠠᠭᠠᠷ ᠬᠣᠴᠣᠷᠤᠯᠠ᠃ ᠲᠡᠷᠡ ᠬᠥᠮᠦᠨ ᠢ᠋ ᠭᠠᠷᠤᠩᠭᠤᠲᠠ ᠪᠢᠳᠡ ᠵᠣᠬᠢᠶᠠᠯᠴᠢ ᠪᠣᠯᠬᠤ ᠠᠮᠠᠷᠬᠠᠨ ᠶᠤᠮ᠂ ᠬᠡᠴᠡᠭᠦᠦ ᠶᠣᠮ ᠭᠡᠵᠦ ᠨᠢᠭᠡ ᠬᠡᠰᠡᠭ ᠱᠤᠤᠭᠢᠯᠳᠤᠭᠰᠠᠭᠠᠷ ᠰᠥᠨᠢ ᠳᠦᠯᠢ ᠪᠣᠯᠤᠭᠠᠳ ᠲᠠᠷᠬᠠᠵᠠᠭᠠᠯᠠ᠃ ᠮᠠᠷᠭᠠᠰᠢ ᠨᠢ ᠦᠳᠡ ᠶ᠋ᠢᠨ ᠵᠠᠪᠰᠠᠷᠯᠠᠭᠠᠳ ᠢ᠋ᠶ᠋ᠠᠷ ᠭᠤᠸᠠᠩᠵᠠᠨ ᠳ᠋ᠤ᠌ ᠬᠣᠭᠣᠯᠠ ᠢᠳᠡᠬᠦ ᠰᠠᠨᠠᠭᠠ ᠲᠠᠢ ᠣᠴᠢᠯᠠ᠂ ᠮᠠᠨ ᠤ ᠡᠬᠡᠨᠡᠷ ᠲᠡᠨᠳᠡ ᠬᠣᠭᠣᠯᠠ ᠵᠥᠭᠡᠭᠡᠭᠴᠢ ᠶ᠋ᠢᠨ ᠠᠵᠢᠯ ᠲᠠᠢ ᠯᠠ ᠶᠣᠮᠠ ᠳᠠ᠂ ᠨᠠᠮᠠ ᠶ᠋ᠢ ᠪᠣᠱᠣᠭᠠ ᠠᠯᠬᠤᠩᠭᠤᠲᠠ ᠠᠪᠤᠭᠠᠢ ᠮᠢᠨᠢ ᠭᠦᠶᠦᠵᠦ ᠢᠷᠡᠵᠦ᠄
– ᠶᠠᠭᠠᠬᠢᠨᠠ᠂ ᠵᠣᠬᠢᠶᠠᠯᠴᠢ ᠯᠤ ᠢᠷᠡᠭᠡᠳ ᠶᠠᠪᠤᠯᠠ ᠭᠡᠪᠡ᠃
– ᠲᠡᠭᠡᠭᠡᠳ ?
– ᠪᠠᠯᠠᠷᠠᠭᠰᠠᠨ ! ᠬᠣᠭᠣᠯᠠᠨ ᠳᠡᠭᠡᠷᠡ ᠪᠡᠨ ᠳᠠᠷᠤᠭᠤᠯᠭᠠ ᠬᠡᠷᠡᠭᠯᠡᠵᠦ ᠰᠤᠷᠴᠢᠬᠠᠭᠰᠠᠨ ᠶᠤᠮ ᠭᠡᠨᠡ ? ᠲᠡᠷᠡ ᠨᠢ ᠮᠠᠨ ᠤ᠋ ᠭᠤᠸᠠᠩᠵᠠᠠ ᠳ᠋ᠤ᠌ ᠪᠠᠢᠬᠤ ᠪᠢᠰᠢ ᠳᠡ᠂ ᠲᠡᠭᠡᠭᠰᠡᠨ ᠴᠢᠨᠢ ᠬᠥᠮᠦᠨ ᠳ᠋ᠦ᠍ ᠦᠢᠯᠡᠴᠢᠯᠡᠵᠦ ᠰᠤᠷᠤᠭᠠ ᠦᠭᠡᠢ ᠪᠠᠢᠨᠠ᠂ ᠪᠢ ᠲᠥᠪ ᠡᠴᠡ ᠶᠠᠪᠤᠭᠠ ᠵᠣᠬᠢᠶᠠᠯᠴᠢ ᠬᠥᠮᠦᠨ᠂ ᠲᠠ ᠨᠠᠷ ᠤ᠋ᠨ ᠲᠤᠬᠠᠢ ᠱᠣᠭ ᠨᠠᠢᠷᠠᠭᠤᠯᠤᠯ ᠪᠢᠴᠢᠨᠡ ᠭᠡᠯᠡ᠃ ᠡᠦᠲᠦ ᠬᠥᠮᠦᠨ ᠦ᠌ ᠨᠢᠭᠤᠷ ᠬᠠᠷᠠᠯ ᠦᠭᠡᠢ ᠠ᠋ ᠭᠡᠯᠡ᠃ ᠪᠢ ᠳᠣᠣᠷᠠ ᠪᠠᠨ ᠪᠠᠬᠠᠨ ᠰᠠᠨᠳᠤᠷᠤᠭᠰᠠᠨ ᠢᠶᠡᠨ᠄
– ᠤᠴᠢᠷ ᠮᠡᠳᠡᠬᠦ ᠬᠥᠮᠦᠨ ᠪᠠᠢᠨᠠ᠂ ᠲᠡᠭᠦᠨ ᠦ᠌ ᠲᠥᠯᠥᠭᠡ ᠱᠣᠭ ᠨᠠᠢᠷᠠᠭᠤᠯᠤᠯ ᠪᠢᠴᠢᠬᠦ ᠦᠭᠡᠢ ᠪᠠᠢᠯᠭᠦᠢ ᠭᠡᠯᠡ᠃
ᠬᠡᠳᠦ ᠬᠣᠨᠣᠭ ᠥᠩᠭᠡᠷᠡᠯᠡ᠃ ᠵᠣᠬᠢᠶᠠᠯ ᠰᠣᠨᠢᠷᠬᠠᠵᠤ ᠤᠷᠤᠯᠳᠤᠵᠤ ᠶᠠᠪᠤᠳᠠᠭ ᠬᠥᠮᠦᠰ 《 ᠵᠣᠬᠢᠶᠠᠯᠴᠢ ᠯᠤ ᠭᠤᠸᠠᠢ ᠢᠷᠡᠯᠡ ᠭᠡᠰᠡᠨ᠂ ᠬᠠᠮᠢᠭᠠ ᠪᠠᠢᠭᠠ ᠪᠣᠯ ᠪᠢᠴᠢᠭᠰᠡᠨ ᠶᠠᠭᠤᠮᠠ ᠪᠠᠨ ᠦᠵᠡᠭᠦᠯᠬᠦ ᠶᠦᠮ ᠰᠠᠨ 》 ᠭᠡᠵᠦ ᠨᠠᠳᠠ ᠠ᠋ᠴᠠ ᠠᠰᠠᠭᠤᠳᠠᠭ ᠪᠣᠯᠤᠯᠠ᠃ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶ᠋ᠢᠨ ᠨᠢᠭᠡ ᠪᠠᠭᠰᠢ ᠰᠤᠷᠤᠭᠴᠢᠳ ᠲᠠᠢ ᠠᠭᠤᠯᠵᠠᠯᠲᠠ ᠬᠢᠯᠭᠡᠬᠦ ᠭᠡᠰᠡᠨ ᠶᠦᠮ᠂ ᠬᠠᠮᠢᠭᠠ ᠪᠠᠢᠷᠢᠯᠠᠭᠰᠠᠨ ᠪᠣᠯ᠂ ᠮᠡᠳᠡᠪᠡ ᠤᠤ ? 》 ᠭᠡᠵᠦ ᠠᠰᠠᠭᠤᠵᠤ ᠢᠷᠡᠯᠡ᠃ ᠪᠠᠰᠠ ᠰᠣᠨᠢᠨ ᠦ ᠨᠢᠭᠡ ᠠᠵᠢᠯᠲᠠᠨ 《 ᠮᠠᠨ ᠤ᠋ ᠠᠢᠮᠠᠭ ᠲᠤ᠌ ᠢᠷᠡᠭᠡᠳ ᠪᠢᠴᠢᠭᠰᠡᠨ ᠰᠢᠯᠦᠭ ᠢ᠋ ᠨᠢ ᠰᠣᠨᠢᠨ ᠳ᠋ᠠᠭᠠᠨ ᠲᠠᠯᠪᠢᠬᠤ ᠭᠡᠰᠡᠨ ᠶᠦᠮ 》 ᠭᠡᠵᠦ ᠰᠤᠷᠠᠭᠯᠠᠪᠠ᠃ ᠵᠣᠬᠢᠶᠠᠯᠴᠢ ᠮᠠᠨᠢ ᠪᠤᠴᠠᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠶᠤᠮ ᠤᠤ᠂ ᠰᠤᠷᠠᠭ ᠴᠢᠮᠡᠭᠡ ᠠᠯᠳᠠᠷᠠᠵᠠᠢ᠃ ᠵᠣᠬᠢᠶᠠᠯᠴᠢ ᠶ᠋ᠢ ᠡᠷᠢᠵᠦ ᠰᠤᠷᠠᠭᠰᠠᠨ ᠬᠥᠮᠦᠨ ᠣᠯᠠᠨ ᠪᠣᠯᠤᠭᠰᠠᠨ ᠠᠪᠠᠴᠤ ᠠᠭᠤᠯᠵᠠᠵᠤ ᠤᠴᠠᠷᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠠᠪᠠᠭᠠᠢ ᠪᠢᠳᠡ ᠬᠣᠶᠠᠷ ᠰᠢᠨᠡ ᠰᠣᠨᠢᠨ ᠢᠷᠡᠬᠦ ᠪᠦᠷᠢ ᠪᠦᠭᠦᠳᠡ ᠶ᠋ᠢ ᠨᠢ ᠰᠢᠷᠬᠡᠭ ᠳᠠᠷᠠᠭᠠᠯᠠᠨ ᠦᠵᠡᠵᠦ ᠱᠣᠭ ᠨᠠᠢᠷᠠᠭᠤᠯᠤᠯ ᠭᠠᠷᠤᠭᠰᠠᠨ ᠪᠠᠢᠬᠤ ᠪᠣᠢ ᠭᠡᠵᠦ ᠡᠮᠢᠶᠡᠨ ᠶᠠᠪᠤᠳᠠᠭ ᠪᠣᠯᠤᠯᠠ᠃
ᠲᠡᠷᠡ ᠵᠢᠯ ᠦ᠋ᠨ ᠵᠤᠨ ᠪᠢᠳᠡ ᠬᠣᠲᠠ ᠳ᠋ᠤ᠌ ᠠᠵᠢᠯ ᠢ᠋ᠶ᠋ᠠᠷ ᠢᠷᠡᠯᠡ᠃ ᠬᠣᠲᠠ ᠳ᠋ᠤ᠌ ᠨᠢᠭᠡ ᠨᠤᠲᠤᠭ ᠤ᠋ᠨ ᠰᠡᠳᠬᠦᠯᠴᠢ ᠨᠠᠢᠵᠠ ᠲᠠᠢ ᠪᠠᠨ ᠠᠭᠤᠯᠵᠠᠯᠠ᠃ ᠲᠡᠷᠡ ᠮᠠᠨᠢ ᠨᠢᠭᠡ ᠡᠳᠦᠷ ᠨᠠᠮᠠ ᠶ᠋ᠢ 《 ᠵᠣᠭᠣᠭ ᠤ᠋ᠨ ᠭᠠᠵᠠᠷ ᠬᠣᠭᠣᠯᠠ ᠢᠳᠡᠶᠡ 》 ᠭᠡᠵᠦ ᠤᠷᠢᠯᠠ᠃ ᠨᠠᠢᠵᠠ ᠶ᠋ᠢᠨ ᠢ᠋ᠶ᠋ᠡᠨ ᠤᠷᠢᠯᠭᠠ ᠪᠠᠷ ᠰᠢᠨᠡ ᠨᠡᠭᠡᠭᠡᠭᠳᠡᠭᠰᠡᠨ ᠵᠣᠭᠣᠭ ᠤ᠋ᠨ ᠭᠠᠵᠠᠷ ᠣᠴᠢᠪᠠᠯ ᠬᠥᠮᠦᠨ ᠣᠯᠠᠨ ᠲᠠᠢ ᠪᠠᠢᠯᠠ᠃ ᠵᠠᠬᠠ ᠶ᠋ᠢᠨ ᠰᠠᠭᠤᠳᠠᠯ ᠳᠡᠭᠡᠷᠡ ᠰᠠᠭᠤᠵᠤ ᠡᠢᠰᠢ ᠲᠡᠢᠰᠢ ᠬᠠᠷᠠᠯᠠ᠃
ᠲᠡᠭᠡᠲᠡᠯᠡ ᠮᠢᠨᠦ ᠨᠢᠳᠦᠨ ᠳ᠋ᠦ᠍ ᠨᠢᠭᠡ ᠶᠡᠬᠡ ᠦᠵᠡᠭᠰᠡᠨ ᠨᠢᠭᠤᠷ ᠬᠠᠯᠳᠠ ᠦᠵᠡᠭᠳᠡᠭᠰᠡᠨ ᠳ᠋ᠦ᠍ ᠰᠢᠷᠲᠡᠨ ᠬᠠᠷᠠᠪᠠᠯ ᠵᠣᠬᠢᠶᠠᠯᠴᠢ ᠯᠣ ᠪᠠᠢᠯᠠ᠃ ᠨᠡᠯᠢᠶᠡᠳ ᠬᠠᠯᠠᠮᠠᠭ ᠪᠣᠯᠤᠯᠲᠠᠢ ᠬᠡᠨ ᠬᠥᠮᠦᠨ ᠳ᠋ᠦ᠍ ᠡᠯᠳᠡᠪ ᠢ᠋ ᠥᠭᠦᠯᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠷᠢᠬᠢᠨ ᠤ᠋ ᠯᠣᠩᠬᠣ ᠨᠢᠭᠡ ᠬᠥᠮᠦᠨ ᠤᠷᠤᠭᠤ ᠪᠠᠷᠢᠨ ᠤᠬᠤᠰᠬᠢᠪᠡ ᠃ ᠠᠶᠠᠭᠠᠴᠢ ᠬᠡᠦᠬᠡᠨ ᠨᠦ᠍ᠭᠦᠳ ᠱᠤᠤᠭᠢᠯᠳᠤᠨ ᠬᠥᠮᠦᠰ ᠲᠤᠬᠠ ᠠᠯᠳᠠᠨᠠ᠃ ᠪᠢ ᠰᠠᠨᠠᠭᠠ ᠵᠣᠪᠠᠨᠢᠨ 《 ᠵᠣᠬᠢᠶᠠᠯᠴᠢ ᠯᠣ ᠭᠤᠸᠠᠢ ᠶᠠᠭᠠᠬᠢᠵᠤ ᠶᠠᠪᠤᠭᠠ ᠶᠤᠮ ᠪᠣᠢ ᠳᠠ 》 ᠭᠡᠪᠡᠯ ᠨᠥᠬᠥᠷ ᠮᠢᠨᠢ :
– ᠠᠯᠢ ? ᠭᠡᠪᠡ ,
– ᠶᠠᠭᠠᠬᠢᠪᠠ ᠂ ᠲᠡᠷᠡ ᠯᠣᠩᠬᠣ ᠪᠠᠷᠢᠭᠠᠳ ᠲᠡᠪᠰᠢᠯᠡᠵᠦ ᠪᠠᠢᠭᠠ !
– ᠶᠠᠮᠠᠷ ᠯᠤ?
– ᠶᠠᠭᠠᠬᠢᠭᠠ ᠪᠣᠢ᠂ ᠵᠣᠬᠢᠶᠠᠯᠴᠢ ᠯᠤ!
– ᠪᠢᠰᠢ ᠴᠠᠭᠠᠰᠢ!
– ᠮᠥᠨ ᠮᠥᠨ! ᠥᠩᠭᠡᠷᠡᠭᠰᠡᠨ ᠡᠪᠦᠯ ᠮᠠᠨ ᠤ᠋ ᠲᠡᠨᠳᠡ ᠣᠴᠢᠭᠰᠠᠨ ᠶᠤᠮ᠃
ᠨᠥᠬᠥᠷ ᠮᠠᠨᠢ ᠬᠣᠲᠠ ᠳᠤ ᠤᠳᠠᠭᠰᠠᠨ᠂ ᠲᠠᠨᠢᠯ ᠲᠠᠯᠠ ᠣᠯᠠᠨᠲᠠᠢ᠂ ᠭᠡᠪᠡᠴᠦ ᠡᠨᠡ ᠤᠳᠠᠭᠠ ᠠᠷᠠᠢ ᠨᠠᠳᠠ ᠠ᠋ᠴᠠ ᠳᠣᠣᠷᠠ ᠮᠡᠳᠡᠮᠡᠬᠡᠢᠷᠡᠬᠦ ᠰᠢᠭ ᠰᠠᠨᠠᠭᠳᠠᠪᠠ᠃
ᠨᠠᠢᠵᠠ ᠮᠢᠨᠢ ᠢᠨᠢᠶᠡᠮᠰᠦᠭᠯᠡᠵᠦ ᠰᠠᠭᠤᠨᠠ᠂《 ᠳᠠᠪᠠᠭᠠᠨ ᠳᠡᠭᠡᠷᠡ 》 ᠭᠡᠳᠡᠭ ᠷᠣᠮᠠᠨ ᠪᠢᠴᠢᠭᠰᠡᠨ ᠯᠤ ᠭᠤᠸᠠᠢ ᠤᠤ ᠭᠡᠪᠡ᠃
– ᠲᠡᠢᠮᠦ!
– ᠡᠪᠦᠭᠡᠨ ᠴᠢᠨᠢ ᠵᠣᠬᠢᠶᠠᠯᠴᠢ ᠯᠣ ᠭᠤᠸᠠᠢ ᠶ᠋ᠢ ᠰᠠᠢᠨ ᠲᠠᠨᠢᠨᠠ᠃ ᠬᠤᠷᠳᠤᠨ ᠱᠠᠯᠠᠮᠠᠭ ᠠᠯᠬᠤᠭᠠ ᠲᠠᠢ᠂ ᠨᠠᠮᠬᠠᠨ ᠰᠢᠷᠠ ᠬᠥᠮᠦᠨ ᠪᠣᠢ᠃ ᠬᠠᠷᠢᠨ ᠴᠢ ᠵᠣᠬᠢᠶᠠᠯ ᠰᠢᠯᠦᠭ ᠣᠷᠣᠯᠳᠣᠳᠠᠭ ᠪᠣᠯ ᠲᠠᠨᠢᠯᠴᠠᠭᠤᠯᠤᠮᠠᠭᠴᠠ᠂ ᠵᠠᠯᠠᠭᠤᠴᠤᠳ ᠢ᠋ ᠳᠡᠮᠵᠢᠬᠦ ᠳ᠋ᠡᠭᠡᠨ ᠳᠤᠷᠠᠲᠠᠢ ᠬᠥᠮᠦᠨ ᠪᠣᠢ ᠭᠡᠪᠡ᠃ ᠪᠢ ᠥᠩᠭᠡᠷᠡᠭᠰᠡᠨ ᠪᠣᠯ ᠤ᠋ᠨ ᠶᠠᠪᠤᠳᠠᠯ ᠢ᠋ ᠬᠦᠦᠷᠨᠢᠪᠡ᠃ ᠨᠥᠬᠥᠷ ᠮᠠᠨᠢ ᠡᠯᠢᠭᠡ ᠪᠡᠨ ᠬᠥᠰᠢᠲᠡᠯᠡ ᠬᠥᠬᠥᠷᠡᠵᠦ 《 ᠡᠨᠡ ᠬᠥᠮᠦᠨ ᠢ᠋ ᠳ᠋ᠦᠪᠴᠢᠨᠵᠠᠯᠪᠤᠤ ᠭᠡᠳᠡᠭ ᠶᠦᠮ ᠪᠢᠯᠡ᠂ ᠬᠣᠲᠠ ᠶᠢᠨ ᠨᠢᠭᠡ ᠰᠣᠶᠣᠯ ᠤᠨ ᠣᠷᠳᠣᠨ ᠳ᠋ᠤ᠌ ᠵᠦᠴᠦᠭᠡᠴᠢᠨ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠬᠥᠯᠴᠥᠭᠦᠷᠡᠬᠦ ᠤᠮᠳᠠᠭᠠᠨ ᠳ᠋ᠤ᠌ ᠬᠡᠳᠦ ᠣᠷᠣᠭᠠᠳ ᠬᠥᠭᠡᠭᠡᠭᠳᠡᠭᠰᠡᠨ ᠶᠦᠮ ᠭᠡᠨᠡ ᠪᠢᠯᠡ᠃ ᠰᠢᠭᠦᠷᠬᠡᠢ ᠲᠦᠭᠦᠬᠡᠢ ᠬᠡᠳᠦᠨ ᠰᠢᠯᠦᠭ ᠰᠢᠦ ᠶᠠᠭᠤᠮᠠ ᠪᠢᠴᠢᠴᠢᠬᠡᠬᠦ ᠪᠣᠯᠤᠭᠠᠳ ᠤᠴᠢᠷ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠭᠠᠢᠬᠠᠭᠤᠯᠵᠤ ᠶᠠᠪᠤᠳᠠᠭ ᠶᠣᠮ ᠭᠡᠨᠡ ᠪᠢᠯᠡ᠃ ᠲᠠᠨ ᠤ᠋ ᠲᠡᠨᠳᠡ ᠣᠴᠢᠵᠤ ᠦᠢᠮᠡᠭᠦᠯᠦᠭᠡᠳ ᠠᠪᠴᠤ ᠳᠥᠩᠭᠡᠭᠰᠡᠨ ᠪᠣᠢ 》 ᠭᠡᠯᠡ᠃ ᠪᠢᠳᠡ ᠵᠣᠬᠢᠶᠠᠯ ᠳ᠋ᠤ᠌ ᠳᠤᠷᠠᠲᠠᠢ᠂ ᠵᠣᠬᠢᠶᠠᠯᠴᠢ ᠬᠥᠮᠦᠨ ᠬᠦᠨᠳᠦᠳᠬᠡᠨ ᠬᠠᠢᠷᠠᠯᠠᠵᠤ ᠶᠠᠪᠤᠳᠠᠭ ᠪᠣᠯᠤᠭᠠᠳ ᠲᠡᠷᠡ ᠨᠢᠭᠡ ᠤᠳᠠᠭᠠ ᠵᠠᠮ ᠤ᠋ᠨ ᠬᠡᠰᠦᠭᠦᠯ ᠳ᠋ᠦ᠍ ᠬᠠᠭᠤᠷᠲᠠᠵᠤ ᠳᠠ ᠭᠡᠵᠦ ᠬᠣᠢᠨᠠ ᠨᠢ ᠤᠬᠠᠭᠠᠷᠠᠭᠰᠠᠨ ᠶᠤᠮ᠃ ᠬᠣᠵᠢᠮ ᠪᠢ ᠵᠢᠩᠬᠢᠨᠢ ᠵᠣᠬᠢᠶᠠᠯᠴᠢ ᠯᠣ ᠲᠠᠢ ᠲᠠᠨᠢᠯᠴᠠᠭᠰᠠᠨ᠂ ᠲᠡᠷᠡ ᠪᠡᠷ ᠶᠠᠷᠢᠶᠠ ᠬᠥᠭᠡᠷᠦᠭᠡ ᠲᠡᠢ ᠰᠠᠢᠬᠠᠨ ᠬᠥᠮᠦᠨ ᠪᠣᠢ᠃ ᠰᠡᠭᠦᠯ ᠳ᠋ᠦ᠍ ᠪᠡᠲᠡ ᠬᠠᠭᠤᠷᠠᠮᠴᠢ ᠯᠣ ᠶᠢᠨ ᠲᠤᠬᠠᠢ ᠨᠥᠬᠥᠳ ᠲᠡᠭᠡᠨ ᠶᠠᠷᠢᠵᠤ᠂ ᠪᠢᠳᠠ ᠬᠡᠳᠦ ᠬᠡᠨ ᠨᠢᠭᠡ ᠶ᠋ᠢ ᠪᠡᠨ ᠰᠠᠢᠨ ᠰᠢᠯᠦᠭ ᠤᠩᠰᠢᠬᠤ ᠳ᠋ᠤ᠌ 《 ᠵᠠ ᠵᠠᠩᠭᠢᠶᠠ ᠪᠠᠨ ᠲᠠᠢᠯᠤᠭᠠᠳ ᠥᠭᠭᠦᠴᠢᠭᠡᠶᠡ》 ᠭᠡᠵᠦ ᠬᠥᠬᠥᠷᠡᠯᠳᠦᠳᠡᠭ ᠪᠣᠯᠵᠤ ᠪᠢᠯᠡ᠃ ᠬᠥᠮᠦᠨ ᠭᠡᠳᠡᠭ ᠶᠠᠩᠵᠤ ᠶᠠᠩᠵᠤ ᠶ᠋ᠢᠨ ᠠᠭᠠᠰᠢ ᠠᠷᠠᠨᠰᠢᠨ ᠭᠠᠷᠭᠠᠵᠤ ᠶᠠᠪᠤᠬᠤ ᠶᠤᠮ ᠳᠠ᠃ ᠥᠷᠥᠭᠡᠯ ᠦ᠋ᠨ ᠠᠯᠳᠠᠷ ᠬᠦᠨᠳᠦ ᠶ᠋ᠢ ᠵᠢᠭᠡᠯᠡᠵᠦ ᠠᠯᠠᠭ ᠵᠡᠯᠢᠭᠦᠳᠬᠡᠨ ᠭᠠᠵᠠᠷ ᠢ᠋ᠶ᠋ᠠᠨ ᠳᠦᠪᠴᠢᠭᠡᠨᠡᠵᠦ ᠶᠠᠪᠤᠭᠰᠠᠨ 《 ᠣᠷᠣᠯᠠᠨ ᠲᠣᠭᠯᠠᠭᠴᠢ 》 ᠬᠠᠶᠠ ᠪᠠᠰᠠ ᠳᠤᠭᠤᠯᠳᠠᠬᠤ ᠶᠤᠮ᠃ ᠲᠠᠪᠤ ᠠᠯᠬᠤᠬᠤ ᠳ᠋ᠤ᠌ ᠣᠨᠣᠴᠢ ᠨᠢ ᠲᠠᠢᠯᠤᠭᠳᠠᠵᠤ ᠲᠠᠷ ᠨᠢ ᠲᠠᠨᠢᠭᠳᠠᠬᠤ ᠬᠠᠮᠤᠭ ᠤ᠋ᠨ ᠵᠢᠷ ᠦ᠋ᠨ ᠶᠠᠭᠤᠮᠠ ᠶ᠋ᠢ ᠴᠦ᠍ ᠭᠡᠰᠡᠨ ᠤᠬᠠᠭᠠᠷᠠᠬᠤ ᠦᠭᠡᠢ ᠬᠥᠮᠦᠨ ᠪᠠᠢᠳᠠᠭ ᠢ᠋ ᠦᠵᠡᠵᠦ ᠰᠣᠨᠣᠰᠬᠤ ᠳ᠋ᠤ᠌ ᠲᠡᠷᠡ ᠬᠥᠮᠦᠨ ᠦ᠌ ᠡᠮᠦᠨᠡ ᠡᠴᠡ ᠢᠴᠢᠵᠦ ᠶᠠᠪᠤᠳᠠᠭ ᠬᠥᠮᠦᠨ ᠨᠠᠳᠠ ᠠ᠋ᠴᠠ ᠡᠬᠢᠯᠡᠨ ᠣᠯᠠᠨ ᠪᠣᠢ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃