ᠣᠷᠲᠣᠰ ᠤᠨ ᠬᠤᠷᠲᠤᠨ ᠵᠢᠷᠣᠬ᠋ᠠ ᠮᠣᠷᠢᠨ ᠤ ᠢᠷᠥᠭᠡᠯ- ᠬᠡᠷᠡᠢᠳ ᠤᠨ ᠬᠡᠢᠷᠦᠪ
579ᠣᠷᠲᠣᠰ ᠤᠨ ᠬᠤᠷᠲᠤᠨ ᠵᠢᠷᠣᠬ᠋ᠠ ᠮᠣᠷᠢᠨ ᠤ ᠢᠷᠥᠭᠡᠯ
ᠵᠣᠬᠢᠶᠠᠭᠴᠢ᠄ ᠭᠡᠷᠡᠢᠳ ᠪ ᠂ ᠬᠡᠶ᠋ᠢᠷᠦᠪ
ᠢᠷᠥᠭᠡᠯᠴᠢ᠄ ᠬᠣᠨᠵᠢᠨ ᠂ ᠬᠡᠷᠡᠶ᠋ᠢᠳ ᠪ᠂ ᠬᠡᠶ᠋ᠢᠷᠦᠪ
ᠤᠸᠮ ᠰᠠᠶ᠋ᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠤᠯᠠᠮ ᠰᠠᠶ᠋ᠢᠨ ᠵᠢᠷᠭᠠᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠵᠢᠯᠣᠭᠣ ᠶ᠋ᠢ ᠨᠢ ᠰᠣᠶ᠋ᠢᠭᠠᠳ ᠵᠢᠬᠰᠠᠭᠠᠭᠰᠠᠨ
ᠵᠢᠷᠣᠬ᠋ᠠ ᠮᠣᠷᠢᠳ ᠦ᠋ᠨ ᠲᠡᠷᠢᠭᠦᠨ ᠭᠡᠭᠴᠢ ᠪᠣᠯ
ᠵᠢᠵᠦᠦ ᠲᠣᠯᠢᠨ ᠬᠠᠵᠠᠭᠠᠷ ᠲᠠᠢ
ᠵᠢᠩ ᠶᠢᠩ ᠰᠠᠶ᠋ᠢᠷ ᠡᠮᠡᠭᠡᠯ ᠲᠡᠢ
ᠵᠢᠩ ᠲᠠᠶ᠋ᠢᠯᠠᠩ ᠳᠥᠷᠥᠭᠡ ᠲᠡᠢ
ᠵᠢᠭᠳᠡ ᠰᠤᠷᠤᠨ ᠵᠢᠷᠢᠮ ᠲᠡᠢ
ᠮᠠᠩᠬᠢ ᠶ᠋ᠢᠨ ᠠᠷᠠᠰᠤᠨ ᠳᠠᠪᠰᠠ ᠲᠠᠢ
ᠮᠠᠩᠨᠤᠭ ᠡᠷᠢᠶᠡᠨ ᠮᠠᠶᠤᠤᠽᠠ ᠲᠠᠢ
ᠪᠤᠯᠢᠭᠠᠷᠢ ᠶ᠋ᠢᠨ ᠠᠷᠠᠰᠤᠨ ᠬᠦᠯᠢᠮ ᠲᠡᠢ
ᠪᠤᠭᠤ ᠶ᠋ᠢᠨ ᠰᠢᠷᠢᠨ ᠴᠢᠳᠥᠷ ᠲᠡᠢ
ᠲᠣᠪᠣᠷᠤᠤ ᠲᠣᠯᠢᠨ ᠬᠤᠳᠠᠷᠭᠠ ᠲᠠᠢ
ᠲᠣᠷᠭᠠᠨ ᠤᠲᠠᠰᠤᠨ ᠣᠯᠣᠩ ᠲᠠᠢ
ᠨᠠᠷᠠᠨ ᠰᠠᠷᠠᠨ ᠪᠥᠭᠥᠷᠭᠡ ᠲᠡᠢ
ᠨᠠᠢ᠍ᠮᠠ ᠨᠠᠢ᠍ᠮᠠᠨ ᠭᠠᠨᠵᠤᠭᠠ ᠲᠠᠢ
ᠱᠢᠷᠠ ᠤᠯᠠᠭᠠᠨ ᠮᠠᠨᠴᠤᠭ ᠲᠠᠢ
ᠱᠠᠭᠱᠠᠬ᠋ᠠ ᠬᠣᠩᠬᠣᠨ ᠱᠠᠷᠭᠢᠯᠭᠠᠨ ᠲᠠᠢ
ᠡᠢᠮᠦ ᠰᠠᠢᠬᠠᠨ
ᠵᠢᠷᠣᠭᠠ ᠬᠥᠯᠥᠭ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ
ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠮᠣᠷᠳᠠᠭᠠᠳ
ᠵᠣᠯᠭᠠᠵᠤ ᠲᠠᠨᠢᠯᠴᠠᠭᠰᠠᠨ ᠨᠥᠬᠥᠳ ᠤᠳ
ᠵᠤᠤᠵᠠᠢ ᠬᠣᠯᠪᠣᠨ ᠮᠥᠷᠥᠶ᠋ᠢᠴᠡᠯᠡ
ᠵᠣᠷᠢᠭ ᠰᠦᠯᠳᠡ ᠳᠡᠮ ᠤᠨ ᠬᠦᠴᠦ ᠪᠡᠷ
ᠵᠢᠯᠣᠭᠣ ᠴᠣᠯᠪᠤᠭᠤᠷ ᠭᠠᠷ ᠤᠨ ᠠᠶᠠ ᠪᠠᠷ
ᠮᠣᠷᠢᠨ ᠲᠥᠪᠡᠷᠭᠡᠨ ᠲᠦᠷᠴᠢᠭᠢᠨᠡᠨ
ᠮᠤᠨᠳᠠᠭᠠ ᠰᠡᠭᠦᠯ ᠨᠢ ᠭᠣᠨᠵᠢᠰᠬᠢᠯᠡ
ᠠᠷᠰᠯᠠᠨ ᠪᠠᠷᠰ ᠢᠷᠡᠭᠰᠡᠨ ᠰᠢᠭ᠌
ᠠᠶᠤᠩᠭᠠᠲᠤ ᠪᠣᠷᠣᠭᠠᠨ ᠣᠷᠣᠭᠰᠠ ᠰᠢᠭ᠋
ᠭᠠᠵᠠᠷ ᠤᠨ ᠬᠥᠷᠥᠰᠥ ᠳᠣᠭᠳᠣᠯᠤᠨ
ᠬᠡᠪᠢᠰᠲᠤ ᠲᠠᠯᠠ ᠭᠡᠪᠬᠢᠰᠬᠢᠨ
ᠭᠠᠩ ᠲᠤᠭᠤᠷᠠᠢ ᠭᠢᠯᠠᠰᠬᠢᠨ
ᠭᠠᠷ ᠤᠨ ᠲᠠᠰᠢᠭᠤᠷ ᠡᠷᠭᠢᠭᠦᠯᠦᠨ
ᠭᠠᠩᠭᠠ ᠬᠡᠭᠡᠷ ᠭᠣᠨᠵᠢᠰᠬᠢᠨ
ᠭᠠᠨᠵᠤᠭᠠ ᠲᠡᠷᠯᠢᠭ ᠳᠡᠷᠪᠡᠰᠬᠢᠨ
ᠬᠠᠰᠢᠷ ᠠᠳᠤᠭᠤᠴᠢᠨ ᠥᠨᠳᠡᠰᠬᠢᠯᠡ
ᠵᠠ ᠡ!
ᠮᠠᠩᠬᠠ ᠰᠢᠷᠣᠢ ᠪᠤᠲᠠᠷᠠᠰᠬᠢᠨ
ᠮᠠᠨᠠᠨ ᠲᠣᠭᠣᠰᠣ ᠲᠡᠭᠳᠡᠰᠬᠢᠨ
ᠮᠠᠩᠨᠤᠭ ᠨᠣᠭᠣᠭᠠᠨ ᠲᠠᠯᠠ ᠶ᠋ᠢᠨ ᠳᠤᠮᠳᠠᠭᠤᠷ
ᠮᠠᠯᠴᠢᠨ ᠰᠡᠷᠡᠩ ᠤᠨ ᠵᠢᠷᠣᠭᠠ ᠬᠡᠭᠡᠷ
ᠮᠠᠩᠯᠠᠢᠯᠠᠵᠤ ᠭᠠᠷᠬᠤ ᠪᠠᠷ ᠰᠤᠪᠤᠷᠠᠵᠤ ᠢᠷᠡᠭᠡᠳ
ᠮᠠᠨᠳᠤᠬᠤ ᠶ᠋ᠢᠨ ᠤᠨᠤᠭᠰᠠᠨ ᠬᠤᠷᠳᠤᠨ ᠵᠡᠭᠡᠷᠳᠡ ᠵᠢ
ᠳᠠᠭᠠᠷᠢᠵᠤ ᠭᠠᠷᠤᠭᠠᠳ ᠲᠡᠷᠢᠭᠦᠯᠡᠵᠦ ᠢᠷᠡᠭᠰᠡᠨ ᠨᠢ
ᠳᠠᠶᠠᠭᠠᠷ ᠣᠯᠠᠨ ᠭᠠᠢᠬᠠᠵᠤ ᠪᠠᠢᠲᠠᠯᠠ
ᠠᠳᠤᠭᠤᠨ ᠰᠣᠶᠣᠯ ᠤᠨ ᠬᠢᠨᠠᠭᠴᠢ ᠳᠠᠭᠠᠭᠠᠮᠠᠯ
ᠠᠪᠤᠨ ᠳᠣᠣᠷᠠ ᠪᠠᠨ ᠵᠠᠷᠯᠠᠵᠤ ᠭᠠᠷᠤᠯᠠ
ᠠᠷᠠᠳ ᠣᠯᠠᠨ ᠤ᠋ ᠠᠯᠠᠭᠠ ᠲᠡᠰᠢᠯᠲᠡ
ᠠᠬᠢᠨ ᠳᠠᠬᠢᠨ ᠨᠢᠵᠢᠭᠢᠨᠡᠯᠡ᠃
ᠮᠠᠰᠢ ᠣᠯᠠᠨ ᠦᠵᠡᠭᠴᠢᠳ
ᠮᠠᠭᠲᠠᠵᠤ ᠦᠨᠡᠯᠡᠭᠰᠠᠨ ᠨᠢ ᠣᠯᠠᠨ ᠭᠡᠨᠡ
ᠮᠠᠨ ᠤ᠋ ᠮᠣᠷᠢᠳ ᠲᠡᠷᠢᠭᠦᠯᠡᠯᠠ ᠭᠡᠳ
ᠮᠠᠯᠴᠢᠨ ᠠᠷᠠᠳ ᠤᠳ ᠪᠠᠶᠠᠰᠤᠯᠴᠠᠯᠠ
ᠡᠢᠮᠦ ᠭᠠᠢᠬᠠᠮᠰᠢᠭᠲᠤ ᠣᠷᠳᠣᠰ ᠵᠢᠷᠣᠭᠠ ᠮᠣᠷᠢᠳ ᠤᠨ
ᠲᠡᠷᠢᠭᠦᠨ ᠨᠢ ᠡᠷᠭᠦᠮᠵᠢᠯᠡᠨ ᠮᠠᠭᠲᠠᠪᠠᠰᠤ
ᠤᠨᠤᠭᠰᠠᠨ ᠬᠥᠮᠦᠨ ᠤ᠋ ᠬᠢᠨᠢ ᠬᠡᠢ ᠮᠣᠷᠢ ᠮᠠᠨᠲᠤᠵᠤ
ᠵᠢᠷᠣᠭᠠᠯᠠᠭᠰᠠᠨ ᠭᠠᠵᠠᠷ ᠨᠡᠷᠡ ᠠᠯᠳᠠᠷᠰᠢᠨ
ᠦᠵᠡᠭᠰᠡᠨ ᠪᠥᠭᠦᠳᠡ ᠶ᠋ᠢᠨ ᠰᠡᠤᠠᠬᠢᠯ ᠢ ᠪᠠᠶᠠᠰᠬᠠᠨ
ᠲᠥᠮᠡᠨ ᠠᠭᠲᠠ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ
ᠲᠡᠷᠢᠭᠦᠯᠡᠵᠦ ᠢᠷᠡᠭᠰᠡᠨ ᠬᠥᠯᠥᠭ ᠦ᠋ᠳ ᠶᠤᠮ
ᠲᠦᠷᠦ ᠭᠦᠷᠦ ᠶ᠋ᠢᠨ ᠮᠥᠷᠥᠶ᠋ᠢᠴᠡᠭᠡᠨᠳ᠋ᠦ᠍
ᠲᠥᠮᠡ ᠮᠢᠩᠭᠠ ᠪᠠᠷ ᠱᠠᠩᠨᠠᠭᠳᠠᠭᠰᠠᠨ
ᠡᠵᠡᠨ ᠲᠡᠭᠷᠢ ᠶ᠋ᠢᠨ ᠤᠨᠠᠭᠠ
ᠡᠷᠳᠡᠨᠢ ᠶ᠋ᠢᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ
ᠡᠮᠨᠡᠭ ᠲᠣᠭᠰᠢᠨ ᠬᠤᠯᠠᠨ ᠵᠢᠭᠡᠨᠳᠡᠢ
ᠬᠤᠷᠳᠤᠨ ᠵᠢᠷᠣᠭᠠ ᠭᠥᠯᠥᠭ ᠮᠣᠷᠢ ᠵᠢ ᠴᠢᠨᠢ
ᠬᠤᠤᠷᠠᠵᠠ ᠠᠷᠠᠵᠠ ᠰᠥᠨ ᠰᠠᠷᠬᠤᠳ ᠢᠶᠠᠷ ᠢᠷᠥᠭᠡᠵᠦ ᠮᠢᠯᠢᠶᠠᠮᠤᠢ!
ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠲᠥᠮᠡᠨ ᠪᠥᠭᠦᠳᠡ ᠶ᠋ᠢᠨ ᠲᠥᠪ ᠳᠤᠮᠳᠠ
ᠡᠩᠬᠡ ᠶᠠᠪᠤᠵᠤ ᠴᠡᠩᠭᠡᠨ ᠵᠢᠷᠭᠠᠬᠤ ᠶ᠋ᠢᠨ ᠪᠡᠯᠭᠡ ᠲᠡᠢ ᠪᠣᠯᠲᠤᠭᠠᠢ!
ᠲᠡᠷᠡ ᠪᠡᠯᠭᠡ ᠪᠡᠷ ᠪᠣᠯᠲᠤᠭᠠᠢ!
2011ᠣᠨ ᠤ 8 ᠰᠠᠷᠠ ᠶ᠋ᠢᠨ 4 ᠤ᠋ ᠡᠳᠦᠷ ᠵᠣᠬᠢᠶᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠦᠰᠦᠭ ᠬᠠᠳᠠᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ
ᠬᠢᠨᠠᠭᠴᠢ᠄ ᠤᠳᠬᠠᠨᠰᠸᠠ