ᠴᠠᠭᠠᠨ ᠰᠠᠷᠠ ᠪᠣᠯᠬᠤ ᠳ᠋ᠤ᠌ ᠬᠡᠦᠬᠡᠳ ᠪᠦᠷ ᠳᠤᠷᠠᠲᠠᠢ— ᠪᠣᠷᠵᠢᠭᠢᠨ ᠰᠠᠢᠨᠪᠠᠶᠠᠷЦагаан сар болоход хүүхэд бүр дуртай— боржгин сайнбаяр
404ᠴᠠᠭᠠᠨ ᠰᠠᠷᠠ ᠪᠣᠯᠬᠤ ᠳ᠋ᠤ᠌ ᠬᠡᠦᠬᠡᠳ ᠪᠦᠷ ᠳᠤᠷᠠᠲᠠᠢ
( ᠳᠤᠷᠠᠰᠤᠮᠵᠢ )
— ᠪᠣᠷᠵᠢᠭᠢᠨ ᠰᠠᠢᠨᠪᠠᠶᠠᠷ
ᠴᠠᠭᠠᠨ ᠰᠠᠷᠠ ᠪᠣᠯᠬᠤ ᠭᠣᠶᠣ
ᠬᠡᠦᠬᠡᠳ ᠬᠠᠮᠤᠭ ᠠ᠋ᠴᠠ ᠬᠦᠰᠡᠳᠡᠭ
ᠴᠣᠬᠣᠢᠳᠠᠭᠰᠠᠨ ᠬᠠᠨᠠ ᠴᠠᠪ ᠴᠠᠭᠠᠨ
ᠴᠠᠭᠠᠰᠤᠨ ᠵᠢᠷᠤᠭ ᠨᠠᠭᠠᠬᠤ ᠪᠠᠷ ᠨᠡᠩ ᠭᠣᠶᠣ
ᠴᠠᠭᠠᠨ ᠰᠠᠷᠠ ᠪᠣᠯᠬᠤ ᠭᠣᠶᠣ
ᠬᠡᠦᠬᠡᠳ ᠬᠠᠮᠤᠭ ᠠ᠋ᠴᠠ ᠳᠤᠷᠠᠲᠠᠢ
ᠰᠢᠨᠡ ᠬᠤᠪᠴᠠᠰᠤ᠂ ᠱᠠᠬᠠᠢ ᠭᠤᠲᠤᠯ ᠭᠣᠶᠣ
ᠴᠢᠪᠠᠭᠠ᠂ ᠮᠠᠨᠵᠤ ᠪᠣᠭᠣᠷᠰᠣᠭ᠂ ᠬᠠᠷᠠ ᠠᠯᠢᠮᠠ ᠨᠡᠩ ᠭᠣᠶᠣ ᠁
ᠬᠣᠢᠮᠣᠷ ᠰᠠᠭᠠᠲᠠᠭᠰᠠᠨ ᠨᠠᠰᠤᠲᠠᠳ ᠲᠤ᠌
ᠬᠥᠰᠡᠷ ᠰᠥᠬᠥᠷᠡᠭᠡᠳ ᠮᠥᠷᠭᠥᠬᠦ ᠭᠣᠶᠣ
ᠬᠠᠮᠤᠭ ᠤ᠋ᠨ ᠭᠣᠶᠣ ᠢᠷᠦᠭᠡᠯ ᠢ᠋ ᠨᠢ ᠬᠢᠴᠢᠶᠡᠵᠦ
ᠬᠦᠨᠳᠦᠯᠡᠵᠦ ᠰᠣᠨᠣᠰᠬᠤ ᠨᠢ ᠴᠦ᠍ ᠭᠣᠶᠣ
ᠬᠠᠢᠷᠠᠲᠠᠢ ᠪᠤᠭᠤᠷᠤᠯ ᠡᠮᠡᠭᠡ ᠳ᠋ᠡᠭᠡᠨ
ᠬᠠᠴᠠᠷ ᠢ᠋ᠶ᠋ᠠᠨ ᠨᠠᠭᠠᠨ ᠦᠨᠦᠰᠦᠭᠦᠯᠬᠦ ᠭᠣᠶᠣ
ᠬᠠᠮᠤᠭ ᠤ᠋ᠨ ᠠᠮᠲᠠᠲᠠᠢ ᠰᠢᠬᠢᠷ ᠢ᠋ᠶ᠋ᠡᠷ ᠨᠢ
ᠬᠠᠯᠠᠭᠠᠰᠤ ᠳᠦᠭᠦᠷᠡᠩ ᠱᠠᠩᠨᠠᠭᠤᠯᠬᠤ ᠨᠡᠩ ᠭᠣᠶᠣ
ᠴᠡᠴᠡᠭ ᠦ᠋ᠨ ᠬᠡ ᠲᠡᠢ ᠲᠡᠷᠯᠢᠭ ᠢ᠋ᠶ᠋ᠡᠨ
ᠰᠢᠨᠡ ᠶ᠋ᠢᠨ ᠪᠤᠤᠰᠠ ᠪᠠᠷ 《ᠮᠢᠯᠢᠶᠠᠯᠭᠠᠬᠤ》ᠴᠤ᠌ ᠭᠣᠶᠣ
ᠴᠢ ᠨᠠᠳᠠ ᠶ᠋ᠢ ᠬᠠᠮᠢᠭᠠ ᠪᠠᠨ
ᠰᠠᠨᠠᠪᠠ ᠭᠡᠵᠦ ᠡᠮᠡᠭᠡ ᠠᠰᠠᠭᠤᠬᠤᠯᠠᠷ
ᠴᠦᠷᠳᠦᠢᠭᠰᠡᠨ ᠭᠡᠳᠡᠰᠦ ᠪᠡᠨ ᠳᠡᠭᠦᠦ ᠮᠢᠨᠢ ᠵᠢᠭᠠᠳᠠᠭ ᠨᠢ ᠴᠦ᠍ ᠭᠣᠶᠣ ᠠ᠋ ᠁
ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡ
ᠪᠢᠳᠡ ᠬᠡᠦᠬᠡᠳ ᠪᠠᠢᠭᠰᠠᠨ ᠶᠤᠮ
ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡᠬᠢ ᠰᠢᠨᠡᠯᠡᠬᠦ ᠭᠡᠵᠦ
ᠪᠠᠷᠤᠭ ᠪᠦᠷ ᠡᠢᠮᠦ ᠪᠠᠢᠭᠰᠠᠨ ᠶᠤᠮ ᠠ᠋ ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠡᠷᠡᠨᠡ
ᠬᠢᠨᠠᠭᠴᠢ᠄ ᠮᠤᠩᠭᠤᠯᠬᠦᠦ