ᠮᠠᠨᠠᠭᠠᠴᠢ ᠵᠢᠵᠢᠭᠦᠷ ᠬᠣᠶᠠᠷ – ᠵ ᠂ ᠳᠠᠨᠽᠠᠨ Манаач жижүүр хоёр – З ᠂ Данзан
236ᠮᠠᠨᠠᠭᠠᠴᠢ ᠵᠢᠵᠢᠭᠦᠷ ᠬᠣᠶᠠᠷ
( ᠬᠣᠱᠣᠩ ᠥᠭᠦᠯᠡᠯᠭᠡ)
ᠨᠢᠭᠡᠨ ᠭᠠᠵᠠᠷ ᠤ᠋ᠨ ᠮᠠᠨᠠᠭᠠᠴᠢ᠂ ᠵᠢᠵᠢᠭᠦᠷ ᠬᠣᠶᠠᠷ ᠰᠥᠨᠢ ᠰᠠᠭᠤᠵᠤ ᠪᠠᠢᠵᠤ ᠭᠡᠨᠡ᠃ ᠲᠡᠭᠡᠭᠡᠳ ᠺᠣᠨᠲ᠋ᠣᠷ( ᠠᠯᠪᠠᠨ ᠭᠡᠷ) ᠦ᠋ᠨ ᠭᠠᠳᠠᠨᠠ ᠬᠠᠭᠠᠯᠭᠠᠨ ᠳ᠋ᠤ᠌ ᠮᠠᠨᠠᠭᠠᠴᠢ ᠨᠢ ᠵᠢᠵᠢᠭᠦᠷ ᠲᠡᠭᠡᠨ ᠨᠠᠢᠳᠠᠭᠠᠳ ᠫᠤᠤ ᠪᠠᠨ ᠲᠡᠪᠡᠷᠢᠭᠡᠳ ᠤᠨᠲᠠᠵᠤ ᠭᠡᠨᠡ᠃ ᠲᠡᠭᠡᠭᠰᠡᠨ ᠴᠢᠨᠢ ᠭᠠᠳᠠᠭᠠ ᠮᠠᠨᠠᠭᠠ ᠪᠣᠢ ᠭᠡᠵᠦ ᠨᠠᠢᠳᠠᠭᠠᠳ ᠵᠢᠵᠢᠭᠦᠷ ᠨᠢ ᠨᠠᠭᠤᠷ ᠰᠢᠭ᠋ ᠴᠡᠯᠡᠢᠭᠰᠡᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠭᠠᠷᠤᠭᠠᠳ ᠨᠤᠭᠤᠰᠤ ᠰᠢᠭ᠋ ᠨᠤᠭᠵᠶ᠋ᠢᠭᠠᠳ ᠤᠨᠲᠠᠭᠠᠳ ᠥᠭᠴᠦ ᠭᠡᠨᠡ᠃
ᠵᠢᠵᠢᠭᠦᠷ ᠨᠢ ᠵᠡᠭᠦᠳᠦᠯᠡᠭᠡᠳ ᠥᠨᠳᠡᠢᠰᠬᠢᠨ ᠪᠣᠰᠬᠤ ᠳ᠋ᠠᠭᠠᠨ ᠥᠨᠳᠥᠷ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠴᠡ ᠣᠢᠴᠢᠵᠤ ᠱᠠᠯᠠ ᠮᠥᠷᠭᠥᠬᠦ ᠳ᠋ᠡᠭᠡᠨ《 ᠬᠥᠮᠦᠨ ᠨᠠᠮᠠ ᠶ᠋ᠢ ᠤᠨᠠᠭᠠᠯᠠ》 ᠭᠡᠵᠦ ᠪᠣᠳᠣᠭᠠᠳ᠄
— ᠠᠯᠠᠯᠠ! ᠭᠡᠵᠦ ᠪᠠᠷᠬᠢᠷᠠᠪᠠ᠃ ᠭᠠᠳᠠᠨᠠ ᠮᠠᠨᠠᠭᠠᠨ ᠤ᠋ ᠬᠥᠮᠦᠨ ᠰᠣᠴᠢᠨ ᠰᠡᠷᠡᠵᠦ《 ᠵᠢᠵᠢᠭᠦᠷ ᠢ᠋ ᠮᠢᠨᠢ ᠬᠥᠮᠦᠨ ᠠᠯᠠᠵᠤ ᠪᠠᠢᠨᠠ》 ᠭᠡᠵᠦ ᠪᠣᠳᠣᠭᠠᠳ ᠫᠤᠤᠳᠠᠭᠠᠳ ᠠᠪᠴᠠᠢ᠃
ᠭᠡᠲᠡᠯᠡ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠲᠤᠯᠠ ᠭᠦᠶᠦᠨ ᠣᠷᠣᠬᠤ ᠭᠡᠲᠡᠯᠡ ᠬᠠᠭᠠᠯᠭᠠ ᠮᠥᠷᠭᠥᠬᠦ ᠳ᠋ᠡᠭᠡᠨ《 ᠨᠠᠮᠠ ᠶ᠋ᠢ ᠬᠥᠮᠦᠨ ᠮᠣᠳᠣ ᠪᠠᠷ ᠴᠣᠬᠢᠪᠠ 》 ᠭᠡᠵᠦ ᠪᠣᠳᠣᠭᠠᠳ ᠳᠠᠬᠢᠨ ᠨᠢᠭᠡ ᠫᠤᠤᠳᠠᠪᠠ᠃ ᠡᠨᠡ ᠵᠢᠵᠢᠭᠦᠷ᠂ ᠮᠠᠨᠠᠭᠠᠴᠢ ᠬᠣᠶᠠᠷ ᠬᠣᠲᠠ ᠶ᠋ᠢᠨ ᠠᠮᠤᠭᠤᠯᠠᠩ ᠲᠠᠢᠪᠤᠩ ᠢ᠋ ᠰᠠᠬᠢᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠬᠠᠷᠢᠨ ᠢᠩᠭᠢᠵᠦ ᠦᠢᠮᠡᠭᠦᠯᠵᠦ ᠮᠠᠨᠠᠷᠠᠭᠠᠵᠤ ᠬᠣᠨᠣᠳᠠᠭ ᠪᠠᠢᠨᠠ᠃
ᠰᠥᠨᠢ ᠤᠨᠲᠠᠳᠠᠭ ᠵᠢᠵᠢᠭᠦᠷ᠂ ᠮᠠᠨᠠᠭᠠᠴᠢ ᠨᠠᠷ ᠶᠡᠬᠡ ᠯᠡ ᠦᠵᠡᠭᠳᠡᠬᠦ ᠶᠦ᠍ᠮ᠃ ᠲᠡᠳᠡ ᠬᠥᠭᠡᠷᠦᠬᠦᠢ ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠡᠭᠦᠨ ᠡᠴᠡ ᠳᠣᠣᠷᠠ ᠪᠠᠢᠳᠠᠯ ᠳ᠋ᠤ᠌ ᠤᠴᠠᠷᠠᠬᠤ ᠪᠣᠢ ᠭᠡᠬᠦ ᠡᠴᠡ ᠮᠢᠨᠦ ᠰᠡᠳᠬᠢᠯ ᠲᠠᠩᠳᠠ ᠡᠪᠡᠳᠴᠦ ᠪᠠᠢᠬᠤ ᠶᠤᠮ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ
2023᠂9᠂1 ᠤ᠋ ᠡᠳᠦᠷ