ᠨᠠᠮᠤᠷ-ᠨᠣᠰᠣᠷᠠᠨНамар-носрон
286ᠨᠠᠮᠤᠷ
ᠣᠰᠣᠷᠠᠨ ᠤ᠋ ᠰᠢᠯᠦᠭ
ᠨᠠᠷᠠᠨ ᠰᠠᠴᠤᠷᠠᠭ ᠲᠥᠭᠡᠨᠡᠩᠭᠡᠨ
ᠨᠠᠪᠴᠢ ᠨᠣᠭᠣᠭᠠ ᠨᠢ ᠰᠢᠷᠠᠯᠠᠩᠬᠠᠨ
ᠤᠰᠤᠨ ᠤ᠋ ᠰᠢᠪᠠᠭᠤᠳ ᠭᠠᠩᠭᠠᠨᠠᠯᠳᠤᠭᠰᠠᠨ
ᠤᠷᠠᠳ ᠨᠤᠲᠤᠭ ᠲᠤ᠌ ᠮᠢᠨᠢ ᠨᠠᠮᠤᠷ ᠪᠣᠯᠤᠯᠠ
ᠰᠠᠷᠠᠭᠤᠯ ᠲᠠᠯᠠ ᠮᠢᠨᠢ ᠰᠢᠵᠢᠷᠯᠡᠩᠬᠡᠨ
ᠰᠢᠷᠭᠠᠯ ᠲᠠᠷᠢᠶᠠ ᠨᠢ ᠬᠠᠯᠢᠭᠤᠷᠠᠩᠬᠠᠨ
ᠰᠠᠭᠠᠯᠢ ᠰᠦ ᠨᠢ ᠥᠳᠬᠡᠷᠡᠩᠬᠡᠨ
ᠰᠠᠨᠴᠢᠭ ᠤ᠋ᠨ ᠦᠰᠦ ᠨᠢ ᠪᠤᠭᠤᠷᠤᠯᠲᠤᠩᠬᠠᠨ
ᠴᠡᠩᠬᠡᠷ ᠭᠣᠪᠢ ᠮᠢᠨᠢ ᠵᠡᠷᠭᠡᠯᠭᠡᠨᠲᠦᠩᠬᠡᠨ
ᠴᠠᠬᠢᠯᠳᠠᠭ ᠤ᠋ᠨ ᠲᠦᠷᠦᠭᠦᠦ ᠰᠢᠷᠭᠠᠯᠲᠤᠩᠬᠠᠨ
ᠪᠤᠳᠤᠷᠭᠠᠨᠠᠲᠤ ᠬᠥᠨᠳᠡᠢ ᠮᠢᠨᠢ ᠡᠷᠢᠶᠡᠨᠳᠡᠩᠭᠡᠨ
ᠪᠤᠭᠤᠷᠤᠯ ᠳᠡᠭᠡᠳᠦᠰ ᠮᠢᠨᠢ ᠡᠷᠢᠭᠳᠡᠩᠭᠡᠨ
ᠲᠡᠮᠡᠭᠡᠨ ᠰᠦᠷᠦᠭ ᠮᠢᠨᠢ ᠬᠦᠷᠢᠶᠡᠯᠡᠩᠬᠡᠨ
ᠲᠡᠭᠡ ᠬᠠᠨᠳᠠᠭᠠᠢ ᠨᠢ ᠣᠷᠣᠮᠳᠠᠩᠬᠠᠨ
ᠲᠡᠷᠭᠡᠯ ᠬᠥᠳᠡᠭᠡ ᠮᠢᠨᠢ ᠪᠤᠳᠠᠩᠲᠤᠩᠬᠠᠨ
ᠲᠡᠨᠢᠭᠡᠷ ᠨᠤᠲᠤᠭ ᠲᠤ᠌ ᠮᠢᠨᠢ ᠨᠠᠮᠤᠷ ᠰᠠᠭᠠᠲᠠᠯᠠ
ᠬᠠᠨᠠᠲᠤ ᠶ᠋ᠢᠨ ᠰᠢᠯᠢ ᠵᠡᠷᠭᠡᠯᠭᠡᠨᠲᠦᠩᠬᠡᠨ
ᠬᠠᠩᠭᠠᠢ ᠶ᠋ᠢᠨ ᠰᠢᠯᠢ ᠰᠡᠪᠰᠡᠯᠵᠡᠩᠬᠡᠨ
ᠬᠠᠨᠠᠲᠠᠢ ᠭᠡᠷ ᠮᠢᠨᠢ ᠴᠠᠢᠯᠵᠠᠩᠬᠠᠨ
ᠬᠠᠷᠭᠢᠶᠠᠨᠲᠤ ᠭᠣᠣᠯ ᠮᠢᠨᠢ ᠮᠡᠯᠮᠡᠯᠵᠡᠩᠬᠡᠨ
ᠲᠦᠬᠦᠮᠲᠦ ᠭᠣᠣᠯ ᠮᠢᠨᠢ ᠠᠯᠠᠭᠯᠠᠩᠬᠠᠨ
ᠲᠣᠷᠭᠠᠨ ᠬᠠᠳᠤᠯᠠᠩ ᠮᠢᠨᠢ ᠬᠠᠯᠢᠭᠤᠷᠠᠩᠬᠠᠨ
ᠲᠣᠭᠠ ᠪᠦᠷᠢᠨ ᠡᠷᠳᠡᠨᠢᠰ ᠢᠷᠠᠯᠵᠠᠩᠬᠠᠨ
ᠲᠣᠰᠣᠨ ᠲᠠᠷᠭᠤ ᠪᠠᠷ ᠪᠥᠮᠪᠥᠯᠵᠡᠩᠬᠡᠨ
ᠥᠷᠯᠥᠭᠡ ᠦᠳᠡᠰᠢ ᠵᠢᠬᠡᠭᠦᠳᠡᠩᠬᠡᠨ
ᠥᠷᠥᠮᠡ ᠲᠣᠰᠣ ᠵᠤᠵᠠᠭᠠᠷᠠᠩᠬᠠᠨ
ᠡᠪᠡᠰᠦ ᠨᠣᠭᠣᠭᠠ ᠨᠢ ᠰᠦᠯᠳᠡᠷᠡᠩᠬᠡᠨ
ᠥᠶᠥᠭ ᠲᠠᠷᠭᠤᠨ ᠨᠠᠮᠤᠷ ᠰᠠᠭᠠᠲᠠᠯᠠ
ᠠᠯᠤᠰ ᠨᠤᠲᠤᠭ ᠮᠢᠨᠢ ᠪᠤᠳᠠᠩᠲᠤᠩᠬᠠᠨ
ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨᠠ ᠤᠢᠳᠬᠠᠷᠯᠠᠩᠬᠠᠨ
ᠠᠪᠤ ᠳᠡᠭᠡᠳᠦᠰ ᠮᠢᠨᠢ ᠰᠠᠨᠠᠭᠳᠠᠩᠬᠠᠨ
ᠠᠵᠢᠨᠠᠢ ᠬᠦᠯᠦᠭ ᠮᠢᠨᠢ ᠦᠦᠷᠰᠡᠯᠳᠦᠩᠭᠡᠨ
ᠠᠷᠭᠠᠯ ᠤ᠋ᠨ ᠤᠲᠤᠭᠠ ᠰᠤᠭᠤᠨᠠᠭᠯᠠᠩᠬᠠᠨ
ᠠᠢᠷᠠᠭ ᠴᠡᠭᠡ ᠬᠥᠭᠡᠰᠦᠷᠡᠩᠬᠡᠨ
ᠠᠯᠤᠰ ᠤ᠋ᠨ ᠵᠠᠮ ᠢ᠋ ᠵᠣᠷᠢᠩᠬᠠᠨ
ᠠᠶᠠᠨ ᠤ᠋ ᠰᠢᠪᠠᠭᠤᠳ ᠬᠣᠰᠢᠭᠤᠷᠠᠩᠬᠠᠨ
ᠬᠥᠨᠥᠭ ᠲᠡᠢ ᠰᠦ ᠪᠢᠯᠠᠬᠠᠷᠠᠩᠬᠠᠨ
ᠬᠥᠮᠦᠨ ᠦ᠌ ᠰᠡᠳᠬᠢᠯ ᠥᠶᠥᠭᠰᠢᠷᠡᠩᠬᠡᠨ
ᠬᠦᠰᠡᠯ ᠲᠡᠮᠡᠦᠯᠦᠯ ᠨᠢ ᠣᠷᠭᠢᠯᠤᠩᠬᠠᠨ
ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠮᠢᠨᠢ ᠨᠠᠮᠤᠷ ᠰᠠᠭᠠᠲᠠᠯᠠ
ᠡᠷᠡ ᠮᠣᠷᠢ ᠤᠶᠠᠭᠠ ᠣᠷᠣᠵᠤ
ᠡᠷᠡ ᠬᠥᠮᠦᠨ ᠰᠠᠨᠠᠭᠠ ᠣᠷᠣᠵᠤ
ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢ᠋ᠶ᠋ᠠᠷ ᠪᠠᠬᠠᠷᠬᠠᠵᠤ
ᠡᠩᠬᠡ ᠠᠮᠤᠭᠤᠯᠠᠩ ᠨᠤᠲᠤᠭ ᠢᠶᠠᠷ ᠢᠶᠠᠨ ᠣᠮᠣᠭᠰᠢᠵᠤ
ᠡᠨᠡᠬᠡᠨ ᠬᠣᠷᠸᠠ ᠶ᠋ᠢᠨ ᠥᠷᠭᠡᠨ ᠵᠠᠢ ᠳ᠋ᠤ᠌
ᠡᠵᠡᠨ ᠪᠣᠭᠳᠠ ᠶ᠋ᠢᠨ ᠢᠶᠠᠨ ᠰᠤᠷᠭᠠᠯ ᠢ᠋ ᠵᠢᠷᠤᠮᠠᠯᠵᠤ
ᠡᠷᠡᠯᠬᠡᠭ ᠴᠣᠪᠣᠭᠣ ᠮᠣᠩᠭᠣᠯᠴᠤᠳ ᠮᠢᠨᠢ
ᠡᠬᠡ ᠨᠤᠲᠤᠭ ᠲᠠᠭᠠᠨ ᠡᠵᠡᠨ ᠰᠠᠭᠤᠵᠤ
ᠪᠤᠭᠤᠷᠤᠯ ᠬᠣᠷᠸᠠ ᠶ᠋ᠢᠨ ᠠᠭᠤᠳᠠᠮ ᠵᠠᠢ ᠳ᠋ᠤ᠌
ᠪᠣᠰᠤᠭᠠ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢᠶᠠᠨ ᠣᠷᠣᠰᠢᠵᠤ
ᠡᠦᠬᠡ ᠲᠡᠦᠬᠡ᠂ ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠳᠡᠭᠡᠳᠦᠯᠡᠵᠦ
ᠥᠨᠢᠷ ᠮᠣᠩᠭᠣᠯ ᠢᠶᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤᠶᠠ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠷᠭᠦᠯᠡᠩ᠂ ᠣᠳᠬᠠᠨᠰᠤᠠ᠂ ᠨᠠᠷᠠᠨ ᠲᠣᠭᠣᠨᠣ᠂ ᠭᠠᠷᠮ ᠠ᠂ ᠰᠡᠭᠡᠭᠡᠷᠡᠯ᠂ ᠰᠡᠴᠡᠨᠭᠡᠷᠡᠯ᠂ ᠢᠷᠡᠭᠡᠳᠦᠢ