《 ᠰᠠᠷᠠᠨ ᠳᠡᠭᠡᠷᠡ ᠣᠴᠢᠨᠠ 》 – ᠵ ᠂ ᠳᠠᠨᠽᠠᠨ "Саран дээр очно" – З ᠂ Данзан
276《 ᠰᠠᠷᠠᠨ ᠳᠡᠭᠡᠷᠡ ᠣᠴᠢᠨᠠ 》
( ᠬᠣᠱᠣᠩ ᠥᠭᠦᠯᠡᠯᠭᠡ )
ᠨᠢᠭᠡᠳᠦᠭᠡᠷ ᠬᠥᠮᠦᠨ ᠠᠩ ᠤ᠋ᠨ ᠫᠤᠤ᠂ ᠵᠢᠭᠠᠰᠤᠨ ᠤ᠋ ᠳᠡᠭᠡᠭᠡ ᠠᠪᠴᠤ᠂ ᠢᠳᠡᠵᠦ ᠤᠤᠭᠤᠬᠤ ᠶᠠᠭᠤᠮᠠ ᠪᠠᠨ ᠡᠭᠦᠷᠦᠭᠡᠳ ᠶᠠᠪᠤᠵᠤ ᠪᠠᠢᠲᠠᠯᠠ ᠬᠣᠶᠠᠳᠤᠭᠠᠷ ᠬᠥᠮᠦᠨ ᠲᠠᠭᠠᠷᠠᠯᠳᠤᠯᠠ᠃
ᠬᠣᠶᠠᠳᠤᠭᠠᠷ ᠬᠥᠮᠦᠨ᠄
— ᠴᠢ ᠬᠠᠮᠢᠭᠠ ᠣᠴᠢᠬᠤ ᠨᠢ ᠪᠣᠢ? ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠬᠡᠷᠡᠭ ᠦᠦ? ᠭᠡᠬᠦ ᠳ᠋ᠦ᠍ᠨᠢ᠂
ᠨᠢᠭᠡᠳᠦᠭᠡᠷ ᠬᠥᠮᠦᠨ᠄
— ᠰᠠᠷᠠᠨ ᠳᠡᠭᠡᠷᠡ ᠡᠴᠡ ᠵᠠᠬᠢᠳᠠᠯ ᠢᠷᠡᠭᠰᠡᠨ ᠠ᠋᠂ ᠲᠡᠭᠡᠭᠡᠳ ᠰᠠᠷᠠᠨ ᠳᠡᠭᠡᠷᠡ ᠣᠴᠢᠬᠤ ᠭᠡᠵᠦ ᠶᠠᠪᠤᠨᠠ᠃
— ᠶᠠᠭᠤ? ᠰᠠᠷᠠᠨ ᠳᠡᠭᠡᠷᠡ ᠭᠡᠪᠡ ᠦᠦ?
— ᠲᠡᠢᠮᠦ ᠠ᠋᠂ ᠰᠠᠷᠠᠨ ᠳᠡᠭᠡᠷᠡ!
— ᠲᠡᠨᠳᠡ ᠴᠢᠨᠢ ᠠᠩ ᠠᠮᠢᠲᠠᠨ᠂ ᠵᠢᠭᠠᠰᠤ ᠪᠠᠢᠬᠤ ᠬᠡᠷᠡᠭ ᠦᠦ?
— ᠪᠠᠢᠬᠤ ᠪᠠᠷ ᠪᠠᠷᠠᠬᠤ ᠤᠤ᠂ ᠵᠢᠭᠠᠰᠤ ᠲᠠᠷᠪᠠᠭᠠ ᠵᠥᠩᠳᠡᠭᠡᠨ ᠪᠣᠢ ᠬᠢᠬᠦ ᠳ᠋ᠦ᠍ᠨᠢ ᠪᠠᠬᠠᠨ ᠭᠠᠢᠬᠠᠭᠰᠠᠨ ᠢ᠋ᠶ᠋ᠠᠨ᠄
— ᠰᠠᠷᠠᠨ ᠳ᠋ᠤ᠌ ᠶᠠᠭᠠᠬᠢᠵᠤ ᠣᠴᠢᠬᠤ ᠶᠤᠮ ᠪᠣᠢ?
— ᠮᠠᠰᠢᠨ ᠢ᠋ᠶ᠋ᠠᠷ ᠶᠠᠪᠤᠨᠠ᠂ ᠰᠢᠤᠳᠠᠨ ᠤ᠋ ᠮᠠᠰᠢᠨ ᠢ᠋ᠶ᠋ᠠᠷ ᠶᠠᠪᠤᠨᠠ ᠭᠡᠬᠦ ᠪᠡᠷ ᠨᠢ᠂
ᠬᠣᠶᠠᠳᠤᠭᠠᠷ ᠬᠥᠮᠦᠨ᠄
— ᠡᠨᠡ ᠴᠢᠨᠢ ᠭᠠᠯᠵᠠᠭᠤᠷᠠᠴᠢᠬᠠᠵᠠᠢ᠃ ᠪᠠᠰᠠ ᠲᠡᠭᠡᠭᠡᠳ ᠫᠤᠤ ᠲᠠᠢ ᠶᠠᠪᠤᠨᠠ᠂ ᠶᠡᠷᠦ ᠨᠢ ᠯᠡ ᠡᠨᠡ ᠬᠥᠮᠦᠨ ᠡᠴᠡ ᠴᠢᠨᠢ ᠲᠦᠷᠭᠡᠨ ᠵᠠᠢᠯᠠᠶᠠ ᠭᠡᠵᠦ ᠪᠣᠳᠣᠬᠤ ᠬᠣᠭᠣᠷᠣᠨᠳᠣ ᠨᠢ ᠡᠭᠦᠷᠭᠡᠪᠴᠢᠨ ᠡᠴᠡ ᠪᠡᠨ ᠮᠢᠬᠠ ᠭᠠᠷᠭᠠᠵᠤ᠂ ᠲᠣᠮᠣ ᠬᠢᠲᠤᠭᠠ ᠪᠠᠷ ᠣᠭᠲᠣᠯᠵᠤ ᠥᠭᠬᠦ ᠳ᠋ᠦ᠍ᠨᠢ ᠬᠡᠷᠪᠡ ᠢᠳᠡᠪᠡᠯ ᠪᠢ ᠭᠠᠯᠵᠠᠭᠤᠷᠠᠴᠢᠬᠠᠬᠤ ᠪᠣᠯ ᠤᠤ? ᠭᠡᠵᠦ ᠪᠣᠳᠣᠲᠠᠯᠠ᠂
— ᠢᠳᠡ ᠢᠳᠡ ᠭᠡᠵᠦ ᠱᠠᠭᠠᠷᠳᠠᠪᠠ᠃ ᠪᠠᠰᠠ ᠲᠡᠭᠡᠭᠡᠳ ᠬᠢᠲᠤᠭᠠ ᠪᠠᠨ ᠪᠠᠷᠢᠭᠰᠠᠨ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠷ ᠪᠠᠢᠬᠤ ᠪᠠᠷ ᠨᠢ ᠠᠶᠤᠭᠠᠳ ᠢᠳᠡᠨᠡ᠃
ᠢᠳᠡᠮᠡᠭᠴᠡ ᠰᠠᠨᠳᠤᠷᠬᠤ ᠳ᠋ᠤᠨᠢ ᠭᠤᠷᠪᠠᠳᠤᠭᠠᠷ ᠬᠥᠮᠦᠨ ᠭᠠᠷᠴᠤ ᠢᠷᠡᠵᠦ᠄
— ᠲᠠ ᠬᠣᠶᠠᠷ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ ᠳᠠ ᠭᠡᠬᠦ ᠳ᠋ᠦ᠍᠂
— ᠡᠨᠡ ᠭᠠᠯᠵᠠᠭᠤᠷᠠᠴᠢᠬᠠᠵᠠᠢ᠂ ᠰᠠᠷᠠᠨ ᠳᠡᠭᠡᠷᠡ ᠣᠴᠢᠨᠠ ᠭᠡᠵᠦ ᠪᠠᠢᠬᠤ ᠪᠠᠷ ᠨᠢ ᠭᠡᠬᠦ ᠳ᠋ᠦ᠍ ᠭᠤᠷᠪᠠᠳᠤᠭᠠᠷ ᠬᠥᠮᠦᠨ ᠢᠨᠢᠶᠡᠵᠦ ᠄
— ᠦᠭᠡᠢ ᠠ᠋᠃ ᠰᠠᠷᠠᠨ ᠭᠡᠳᠡᠭ ᠡᠭᠦᠨ ᠦ᠌ ᠴᠢᠨᠢ ᠲᠥᠷᠥᠭᠰᠡᠨ ᠥᠬᠢᠨ ᠨᠢ ᠢᠯᠡᠭᠡᠯᠲᠡ ᠪᠡᠷ ᠬᠥᠳᠡᠭᠡ ᠶᠠᠪᠤᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠡᠨᠳᠡ ᠠᠩ ᠶᠡᠬᠡᠲᠡᠢ ᠢᠷᠡᠵᠦ ᠠᠮᠠᠷᠠ ᠭᠡᠬᠦ ᠪᠡᠷ ᠨᠢ ᠶᠠᠪᠤᠵᠤ ᠪᠠᠢᠭᠠ ᠬᠥᠮᠦᠨ ᠪᠠᠢᠬᠤ ᠦᠭᠡᠢ ᠦᠦ ᠁ ᠭᠡᠵᠦ ᠭᠡᠨᠡ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ
2023᠂9᠂4 ᠤ᠋ ᠡᠳᠦᠷ