ᠡᠪᠦᠭᠡᠨ ᠪᠠᠷᠰ ᠬᠣᠶᠠᠷ- ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷөвгөн бар хоёр
1400ᠡᠪᠦᠭᠡᠨ ᠪᠠᠷᠰ ᠬᠣᠶᠠᠷ
ᠠᠷᠠᠳ ᠤ᠋ᠨ ᠠᠮᠠᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠬᠥᠬᠥᠭᠡ ᠳᠣᠩᠭᠣᠳᠴᠤ ᠪᠣᠭᠱᠣᠷᠭᠠ ᠵᠢᠷᠭᠢᠭᠰᠡᠨ ᠶᠡᠬᠡ ᠬᠥᠪᠴᠢ ᠶ᠋ᠢᠨ ᠵᠠᠬᠠ ᠳ᠋ᠤ᠌ ᠳᠣᠪᠣ ᠲᠤᠯᠤᠭᠠᠳ ᠤ᠋ᠨ ᠳᠤᠮᠳᠠ ᠡᠪᠦᠭᠡᠨ᠂ ᠡᠮᠡᠭᠡᠨ ᠬᠣᠶᠠᠷ ᠲᠠᠷᠠᠭ ᠤ᠋ᠨ ᠲᠠᠪᠤᠨ ᠢᠮᠠᠭᠠ ᠲᠠᠢ᠂ ᠰᠠᠭᠠᠯᠢ ᠶᠢᠨ ᠭᠠᠭᠴᠠ ᠦᠨᠢᠶᠡ᠂ ᠴᠢᠳᠥᠷ ᠦ᠋ᠨ ᠬᠣᠶᠠᠷ ᠮᠣᠷᠢ ᠲᠠᠢ ᠠᠵᠤ ᠲᠦᠷᠢᠨ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃
ᠨᠢᠭᠡᠨ ᠡᠳᠦᠷ ᠡᠪᠦᠭᠡᠨ ᠣᠢ ᠬᠥᠪᠴᠢ ᠠᠭᠤᠯᠠᠨ ᠳ᠋ᠤ᠌ ᠪᠠᠨ ᠠᠩ ᠬᠦᠷᠦᠭᠡ ᠬᠢᠵᠦ ᠶᠠᠪᠤᠯᠠ᠃
ᠢᠩᠭᠢᠲᠡᠯᠡ᠂ ᠣᠢ ᠶ᠋ᠢᠨ ᠴᠣᠭᠣᠷᠬᠠᠢ ᠠ᠋ᠴᠠ ᠬᠦᠴᠦ ᠶᠡᠬᠡ ᠲᠡᠢ ᠬᠦᠷᠡᠩ ᠡᠷᠢᠶᠡᠨ ᠪᠠᠷᠰ ᠭᠠᠷᠴᠤ ᠢᠷᠡᠨ ᠡᠪᠦᠭᠡᠨ ᠤᠷᠤᠭᠤ ᠣᠢᠷᠠᠲᠤᠨ ᠢᠷᠡᠵᠦ᠂ ᠡᠪᠦᠭᠡᠨ ᠭᠤᠸᠠᠢ ᠪᠢ ᠲᠠᠨ ᠢ᠋ ᠢᠳᠡᠨᠡ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍! ᠡᠪᠦᠭᠡᠨ ᠮᠠᠰᠢ ᠶᠡᠬᠡ ᠪᠡᠷ ᠠᠶᠤᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠵᠣᠷᠢᠭ ᠲᠠᠢ ᠲᠦᠷᠡᠢ ᠭᠠᠷᠭᠠᠨ ᠵᠠ! ᠪᠠᠷᠰ ᠭᠤᠸᠠᠢ ᠮᠢᠨᠢ! ᠪᠢ ᠠᠩ ᠬᠦᠷᠦᠭᠡ ᠬᠢᠵᠦ ᠶᠠᠪᠤᠭᠠ ᠪᠢᠯᠡ! ᠲᠠᠨ ᠢ᠋ ᠴᠦ᠍ ᠭᠡᠰᠡᠨ ᠠᠩᠨᠠᠵᠤ ᠢᠳᠡᠮᠡᠷ ᠪᠠᠢᠨᠠ! ᠭᠡᠲᠡᠯᠡ ᠪᠠᠷᠰ! ᠵᠠ! ᠲᠡᠭᠡᠪᠡᠯ ᠬᠣᠶᠠᠭᠤᠯᠠ ᠪᠠᠨ ᠬᠦᠴᠦ ᠪᠡᠨ ᠦᠵᠡᠶᠡ! ᠬᠡᠨ ᠬᠦᠴᠦ ᠲᠡᠢ ᠨᠢ ᠨᠥᠭᠦᠭᠡ ᠶ᠋ᠢ ᠪᠡᠨ ᠢᠳᠡᠶᠡ! ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠡᠪᠦᠭᠡᠨ᠄ ᠵᠠ! ᠪᠣᠯᠤᠯ ᠦᠭᠡᠢ ᠶᠠᠭᠠᠬᠢᠬᠤᠪ! ᠪᠠᠷᠰ ᠭᠤᠸᠠᠢ ᠮᠢᠨᠢ! ᠲᠡᠭᠡᠪᠡᠯ ᠬᠣᠶᠠᠭᠤᠯᠠ ᠪᠠᠨ ᠮᠠᠷᠭᠠᠰᠢ ᠤᠷᠭᠤᠬᠤ ᠶ᠋ᠢᠨ ᠤᠯᠠᠭᠠᠨ ᠨᠠᠷᠠᠨ ᠢ᠋ᠶ᠋ᠠᠷ᠂ ᠶᠠᠭ ᠡᠨᠡ ᠭᠠᠵᠠᠷ ᠲᠤ᠌ ᠪᠠᠨ ᠠᠭᠤᠯᠵᠠᠭᠠᠳ ᠴᠢᠯᠠᠭᠤᠨ ᠠ᠋ᠴᠠ ᠰᠢᠭᠦᠰᠦ ᠭᠠᠷᠭᠠᠲᠠᠯᠠ ᠠᠳᠬᠤᠶᠠ! ᠭᠡᠪᠡᠯ ᠪᠠᠷᠰ ᠵᠥᠪᠰᠢᠶᠡᠷᠡᠨ᠂ ᠮᠠᠷᠭᠠᠰᠢ ᠠᠭᠤᠯᠵᠠᠬᠤ ᠪᠠᠷ ᠬᠣᠶᠠᠷ ᠲᠠᠢᠰᠢ ᠪᠠᠨ ᠰᠠᠯᠤᠨ ᠣᠳᠪᠠ ᠃
ᠡᠪᠦᠭᠡᠨ ᠭᠡᠷ ᠲᠦ᠍ ᠪᠡᠨ ᠢᠷᠡᠵᠦ᠂ ᠡᠮᠡᠭᠡᠨ ᠳ᠋ᠦ᠍ ᠪᠡᠨ ᠪᠣᠯᠤᠭᠰᠠᠨ ᠪᠦᠬᠦ ᠶᠠᠪᠤᠳᠠᠯ ᠢ᠋ ᠨᠢᠭᠡᠳ ᠨᠢᠭᠡᠨ ᠦᠭᠡᠢ ᠶᠠᠷᠢᠯᠠ᠃ ᠡᠮᠡᠭᠡᠨ ᠨᠢ᠄ ᠡᠪᠦᠭᠡᠨ ᠮᠢᠨᠢ ᠲᠡᠭᠡᠪᠡᠯ᠂ ᠬᠠᠢᠷᠬᠠᠭ ᠴᠢᠯᠠᠭᠤᠨ ᠳᠣᠲᠣᠷ ᠥᠨᠳᠡᠭᠡ ᠬᠢᠭᠡᠳ ᠠᠳᠬᠤᠵᠤ ᠣᠷᠭᠢ! ᠭᠡᠵᠦ ᠬᠡᠯᠡᠵᠡᠢ᠃
ᠮᠠᠷᠭᠠᠰᠢ ᠨᠢ᠄ ᠡᠪᠦᠭᠡᠨ ᠪᠠᠷᠰ ᠬᠣᠶᠠᠷ ᠨᠥᠭᠦᠭᠡ ᠲᠡᠮᠳᠡᠭᠲᠦ ᠭᠠᠵᠠᠷ ᠢ᠋ᠶ᠋ᠠᠨ ᠠᠭᠤᠯᠵᠠᠭᠠᠳ ᠡᠪᠦᠭᠡᠨ ᠬᠠᠢᠷᠬᠠᠭ ᠴᠢᠯᠠᠭᠤ ᠲᠠᠢ ᠥᠨᠳᠡᠭᠡᠨ ᠦ᠌ ᠰᠢᠭᠦᠰᠦ ᠶ᠋ᠢ ᠭᠣᠭᠣᠵᠢᠲᠠᠯᠠ ᠠᠳᠬᠤᠵᠤ ᠭᠡᠨᠡ᠃
ᠪᠠᠷᠰ ᠬᠡᠴᠢᠨᠡᠭᠡᠨ ᠴᠢᠯᠠᠭᠤ ᠶ᠋ᠢ ᠦᠢᠷᠡᠲᠡᠯᠡ ᠠᠳᠬᠤᠭᠰᠠᠨ ᠪᠣᠯᠪᠠᠴᠤ ᠶᠠᠮᠠᠷ ᠴᠤ᠌ ᠰᠢᠭᠦᠰᠦ ᠭᠠᠷᠤᠭᠰᠠᠨ ᠦᠭᠡᠢ᠃
ᠢᠩᠭᠢᠭᠡᠳ ᠪᠠᠷᠰ ᠡᠪᠦᠭᠡᠨ ᠲᠡᠢ ᠠᠳᠠᠯᠢ ᠬᠦᠴᠦ ᠪᠡᠨ ᠦᠵᠡᠬᠦ ᠪᠣᠯᠵᠤ᠂ ᠡᠪᠦᠭᠡᠨ ᠭᠤᠸᠠᠢ ᠮᠠᠷᠭᠠᠰᠢ ᠥᠷᠯᠥᠭᠡ ᠤᠷᠭᠤᠬᠤ ᠶᠢᠨ ᠤᠯᠠᠭᠠᠨ ᠨᠠᠷᠠᠨ ᠢᠶᠠᠷ ᠠᠭᠤᠯᠠ ᠶ᠋ᠢᠨ ᠮᠣᠳᠣ ᠶ᠋ᠢ ᠬᠤᠭᠤ ᠴᠣᠬᠢᠶᠠ᠂ ᠭᠡᠵᠦ ᠬᠡᠯᠡᠵᠡᠢ᠃
ᠡᠪᠦᠭᠡᠨ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠭᠠᠳ ᠡᠮᠡᠭᠡᠨ ᠳ᠋ᠦ᠍ ᠪᠡᠨ ᠬᠡᠯᠡᠭᠰᠡᠨ ᠳ᠋ᠦ᠍ ᠡᠮᠡᠭᠡᠨ ᠨᠢ ᠣᠷᠣᠢ ᠬᠣᠶᠠᠭᠤᠯᠠ ᠪᠠᠨ ᠣᠴᠢᠭᠠᠳ ᠬᠡᠳᠦᠨ ᠮᠣᠳᠣ ᠬᠢᠷᠥᠭᠡᠳᠡᠭᠡᠳ ᠲᠠᠯᠪᠢᠴᠢᠬᠠᠶᠠ! ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠣᠴᠢᠭᠠᠳ ᠬᠢᠷᠥᠭᠡᠳᠡᠭᠰᠡᠨ ᠮᠣᠳᠣ ᠪᠠᠨ ᠲᠦᠯᠬᠢᠭᠡᠳ ᠬᠤᠭᠤᠯᠵᠤ ᠣᠷᠭᠢ! ᠭᠡᠵᠦ ᠵᠢᠭᠠᠵᠤ ᠥᠭᠴᠦ ᠭᠡᠨᠡ᠃
ᠲᠡᠭᠡᠭᠡᠳ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠠᠬᠢᠨ ᠬᠦᠴᠦ ᠪᠡᠨ ᠦᠵᠡᠬᠦ ᠪᠣᠯᠵᠤ ᠠᠭᠤᠯᠠ ᠶ᠋ᠢᠨ ᠮᠣᠳᠣ ᠶ᠋ᠢ ᠤᠨᠠᠭᠠᠵᠤ ᠭᠠᠷᠴᠠᠢ᠃ ᠡᠪᠦᠭᠡᠨ ᠦ᠌ ᠲᠦᠯᠬᠢᠭᠰᠡᠨ ᠮᠣᠳᠣ ᠳᠠᠪ ᠲᠡᠭᠰᠢᠬᠡᠨ ᠬᠠᠷᠢᠨ ᠪᠠᠷᠰ ᠤ᠋ᠨ ᠠᠯᠠᠭᠠᠳᠠᠭᠰᠠᠨ ᠮᠣᠳᠣ ᠰᠠᠯᠪᠠᠷᠬᠠᠢ ᠳᠠᠯᠪᠠᠷᠬᠠᠢ ᠪᠠᠢᠪᠠ!
ᠪᠠᠷᠰ ᠡᠪᠦᠭᠡᠨ ᠢ᠋ ᠢᠳᠡᠬᠦ ᠡᠴᠡ ᠠᠶᠤᠵᠤ ᠭᠡᠷ ᠲᠦ᠍ ᠪᠡᠨ ᠤᠷᠢᠯᠠ᠃ ᠡᠪᠦᠭᠡᠨ ᠴᠦ᠍ ᠶᠠᠭᠠᠬᠢᠬᠤ ᠴᠤ᠌ ᠠᠷᠭᠠ ᠦᠭᠡᠢ ᠪᠣᠯᠵᠤ ᠪᠠᠷᠰ ᠤ᠋ᠨ ᠳ᠋ᠤ᠌ ᠣᠴᠢᠯᠠ᠃ ᠪᠠᠷᠰ ᠬᠣᠭᠣᠯᠠ ᠴᠠᠢ ᠬᠢᠵᠦ ᠥᠭᠴᠦ ᠣᠷᠣᠢ ᠨᠢ ᠤᠨᠲᠠᠬᠤ ᠪᠣᠯᠵᠤ ᠡᠪᠦᠭᠡᠨ ᠮᠠᠰᠢ ᠶᠡᠬᠡ ᠠᠶᠤᠨ ᠠᠶᠤᠵᠤ ᠬᠡᠪᠲᠡᠯᠡ᠃
ᠲᠡᠭᠡᠲᠡᠯᠡ ᠪᠠᠷᠰ ᠰᠡᠯᠡᠮᠡ ᠪᠡᠨ ᠪᠢᠯᠡᠭᠦᠳᠡᠵᠦ ᠪᠠᠢᠭᠠᠳ ᠭᠠᠷᠤᠭᠠᠳ ᠶᠠᠪᠤᠯᠠ ᠭᠡᠨᠡ᠃
ᠡᠪᠦᠭᠡᠨ ᠲᠡᠷᠡ ᠬᠣᠭᠣᠷᠣᠨᠳᠣ ᠨᠢ ᠪᠠᠷᠰ ᠤ᠋ᠨ ᠭᠡᠷ ᠲᠦ᠍ ᠪᠠᠢᠭᠰᠠᠨ ᠤᠭᠤᠷ ᠢ ᠠᠪᠴᠤ ᠲᠣᠯᠣᠭᠠᠢ ᠳ᠋ᠤ᠌ ᠪᠠᠨ ᠤᠭᠯᠠᠵᠤ ᠬᠡᠪᠲᠡᠪᠡ᠃ ᠪᠠᠷᠰ ᠭᠠᠳᠠᠨᠠ ᠠ᠋ᠴᠠ ᠣᠷᠣᠵᠤ ᠢᠷᠡᠭᠡᠳ ᠡᠪᠦᠭᠡᠨ ᠦ᠌ ᠲᠣᠯᠣᠭᠠᠢ ᠶ᠋ᠢ ᠴᠠᠪᠴᠢᠲᠠᠯᠠ ᠰᠦᠬᠡ ᠨᠢ ᠬᠤᠭᠤᠷᠠᠭᠰᠠᠨ ᠲᠤᠯᠠ ᠪᠠᠷᠰ ᠦᠬᠦᠲᠡᠯᠡ ᠪᠡᠨ ᠠᠶᠤᠵᠤ ᠰᠡᠮᠬᠡᠨ ᠣᠷᠣ ᠤᠷᠤᠭᠤ ᠪᠠᠨ ᠣᠴᠢᠵᠤ ᠤᠨᠲᠠᠪᠠ᠃
ᠪᠠᠷᠰ ᠢ᠋ ᠤᠨᠲᠠᠭᠰᠠᠨ ᠤ ᠬᠣᠢᠨᠠ ᠡᠪᠦᠭᠡᠨ ᠪᠣᠰᠤᠭᠠᠳ ᠨᠥᠭᠦᠭᠡ ᠤᠭᠤᠷ ᠢ᠋ᠶ᠋ᠠᠨ ᠪᠠᠢᠭᠰᠠᠨ ᠪᠠᠢᠷᠢᠨ ᠳ᠋ᠤ᠌ ᠨᠢ ᠲᠠᠯᠪᠢᠵᠠᠢ᠃
ᠡᠪᠦᠭᠡᠨ ᠪᠣᠰᠤᠭᠠᠳ ᠬᠡᠯᠡᠭᠰᠡᠨ ᠨᠢ᠄
ᠮᠢᠨᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠥᠴᠥᠭᠡᠳᠦᠷ ᠨᠢᠭᠡ ᠶᠠᠭᠤᠮᠠ《ᠳᠡᠰ 》 ᠬᠢᠭᠰᠡᠨ! ᠶᠠᠭᠠᠬᠢᠭᠰᠠᠨ ᠶᠤᠮ ᠪᠣᠯ ᠳᠠ ᠭᠡᠳ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠪᠠ᠃ ᠪᠠᠷᠰ ᠬᠡᠯᠡᠭᠰᠡᠨ ᠨᠢ᠄ ᠪᠢ ᠥᠴᠥᠭᠡᠳᠦᠷ ᠲᠠᠨ ᠢ᠋ ᠢᠳᠡᠬᠦ ᠭᠡᠰᠡᠨ ᠴᠢᠳᠠᠭᠰᠠᠨ ᠦᠭᠡᠢ᠂ ᠴᠢ ᠴᠢᠳᠠᠯ ᠲᠠᠢ ᠬᠥᠮᠦᠨ ᠶᠦ᠍ᠮ ᠠ᠋ ᠭᠡᠵᠡᠢ᠃ ᠢᠩᠭᠢᠭᠡᠳ ᠪᠠᠷᠰ ᠴᠠᠢ ᠪᠠᠨ ᠴᠢᠨᠠᠬᠤ ᠭᠡᠳ ᠡᠪᠦᠭᠡᠨ ᠢ᠋ ᠤᠰᠤᠨ ᠳ᠋ᠤ᠌ ᠶᠠᠪᠤᠭᠤᠯᠪᠠ᠃
ᠡᠪᠦᠭᠡᠨ ᠪᠣᠳᠣᠭᠰᠠᠨ ᠨᠢ᠄ ᠤᠰᠤ ᠦᠭᠡᠢ ᠬᠤᠪᠢᠩ ᠢ᠋ ᠠᠷᠠᠢ ᠭᠡᠵᠦ ᠳᠠᠭᠠᠭᠠᠵᠤ ᠪᠠᠢᠭᠠ ᠶᠤᠮ ᠴᠢᠨᠢ ᠤᠰᠤ ᠲᠠᠢ ᠬᠤᠪᠢᠩ ᠢ᠋ ᠪᠦᠷ ᠴᠦ᠍ ᠳᠠᠭᠠᠭᠠᠬᠤ ᠦᠭᠡᠢ ᠨᠢ ᠣᠢᠯᠠᠭᠠᠮᠵᠢᠲᠠᠢ ᠪᠣᠯᠤᠯᠠ᠃ ᠶᠠᠭᠠᠬᠢᠳᠠᠭ ᠶᠤᠮ ᠪᠢᠯᠡ ᠭᠡᠳ ᠬᠡᠰᠡᠭ ᠪᠣᠳᠣᠵᠤ ᠰᠠᠭᠤᠪᠠ᠃
ᠲᠡᠭᠡᠭᠡᠳ ᠪᠣᠳᠣᠭᠰᠠᠭᠠᠷ ᠪᠣᠳᠣᠭᠰᠠᠭᠠᠷ ᠨᠢᠭᠡᠨ ᠠᠷᠭᠠ ᠣᠯᠵᠤ ᠬᠤᠳᠳᠤᠭ ᠢ᠋ ᠨᠢ ᠲᠣᠭᠣᠷᠢᠭᠤᠯᠤᠨ ᠤᠬᠤᠵᠤ ᠡᠬᠢᠯᠡᠪᠡ᠃ ᠭᠡᠲᠡᠯᠡ ᠪᠠᠷᠰ ᠲᠡᠭᠦᠨ ᠢ᠋ ᠬᠠᠷᠠᠵᠤ ᠲᠠ ᠴᠢᠨᠢ ᠶᠠᠭᠠᠬᠢᠵᠤ ᠪᠠᠢᠨᠠ ᠭᠡᠵᠦ ᠠᠰᠠᠭᠤᠪᠠ᠃
ᠡᠪᠦᠭᠡᠨ᠄ ᠨᠢᠭᠡᠮᠦᠰᠦᠨ ᠤᠬᠤᠭᠠᠳ ᠠᠪᠠᠴᠢᠴᠢᠬᠠᠶᠠ ᠶᠣ!
ᠵᠠᠭᠤ ᠵᠣᠪᠠᠬᠤ ᠦᠭᠡᠢ ᠴᠦ᠍ ᠠᠬᠢᠨ ᠳᠠᠬᠢᠨ ᠠᠵᠢᠯᠯᠠᠬᠤ ᠪᠣᠯᠤᠨᠠ᠂ ᠲᠠᠨ ᠳ᠋ᠤ᠌ ᠠᠮᠠᠷ ᠰᠢᠦ ᠳᠡ! ᠭᠡᠵᠦ ᠬᠡᠯᠡᠪᠡ᠃ ᠪᠠᠷᠰ ᠰᠠᠨᠳᠤᠷᠴᠤ ᠬᠤᠳᠳᠤᠭ ᠢ᠋ ᠤᠬᠤᠪᠠᠯ ᠪᠢ ᠬᠠᠲᠠᠵᠤ ᠦᠬᠦᠨᠡ ᠭᠡᠳ ᠤᠰᠤ ᠲᠠᠢ ᠬᠤᠪᠢᠩ ᠢ᠋ᠶ᠋ᠠᠨ ᠠᠪᠤᠭᠠᠳ ᠶᠠᠪᠤᠯᠠ᠃
ᠪᠠᠷᠰ ᠠᠢᠯᠴᠢᠨ ᠳ᠋ᠤ᠌ ᠪᠠᠨ ᠪᠡᠯᠡᠭ ᠥᠭᠬᠦ ᠭᠡᠳ ᠨᠢᠭᠡᠨ ᠲᠣᠮᠣ ᠠᠯᠲᠠ ᠲᠡᠪᠡᠷᠢᠵᠦ ᠢᠷᠡᠭᠡᠳ ᠡᠪᠦᠭᠡᠨ ᠦ᠌ ᠡᠮᠦᠨᠡ ᠲᠠᠯᠪᠢᠯᠠ᠃ ᠡᠪᠦᠭᠡᠨ ᠠᠯᠲᠠ ᠶ᠋ᠢ ᠳᠠᠭᠠᠭᠠᠬᠤ ᠦᠭᠡᠢ ᠤᠴᠢᠷ᠂ ᠪᠠᠷᠰ ᠲᠤ᠌ ᠢᠩᠭᠢᠵᠦ ᠬᠡᠯᠡᠪᠡ᠃
ᠤᠷᠢᠭᠰᠠᠨ ᠵᠣᠴᠢᠨ ᠢ᠋ᠶ᠋ᠠᠨ ᠥᠪᠡᠷ ᠤᠨ ᠪᠡᠶᠡ ᠪᠡᠷ ᠭᠡᠷ ᠲᠦ᠍ ᠨᠢ ᠠᠪᠠᠴᠢᠳᠠᠭ ᠶᠣᠰᠣᠲᠠᠢ ᠶᠤᠮ ᠳᠠ! ᠭᠡᠲᠡᠯᠡ ᠪᠠᠷᠰ ᠡᠪᠦᠭᠡᠨ ᠢ᠋ ᠳᠠᠭᠠᠭᠤᠯᠤᠨ ᠠᠯᠲᠠ ᠶ᠋ᠢ ᠨᠢ ᠡᠭᠦᠷᠦᠨ ᠭᠡᠷ ᠲᠦ᠍ ᠨᠢ ᠣᠴᠢᠪᠠ ᠭᠡᠨᠡ᠃
ᠢᠩᠭᠢᠭᠡᠳ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠪᠠᠷᠰ ᠢ᠋ ᠵᠣᠴᠢᠯᠠᠵᠤ ᠳᠠᠢᠯᠠᠵᠤ ᠬᠣᠭᠣᠯᠠ ᠤᠮᠳᠠ ᠬᠢᠬᠦ ᠶᠦ᠍ᠮ ᠪᠣᠯᠪᠠ᠃ ᠡᠮᠡᠭᠡᠨ ᠡᠪᠦᠭᠡᠨ ᠡᠴᠡ ᠪᠡᠨ ᠄ ᠡᠪᠦᠭᠡᠨ ᠠ᠋! ᠵᠣᠴᠢᠨ ᠳ᠋ᠤ᠌ ᠪᠠᠨ ᠶᠠᠮᠠᠷ ᠬᠣᠭᠣᠯᠠ ᠬᠢᠬᠦ ᠪᠣᠢ ᠭᠡᠵᠦ ᠠᠰᠠᠭᠤᠪᠠ᠃
ᠡᠪᠦᠭᠡᠨ᠄ ᠲᠦᠷᠦᠭᠦᠴᠢ ᠶᠢᠨ ᠪᠠᠷᠰ ᠤ᠋ᠨ ᠲᠥᠪᠥᠩᠬᠡᠢ ᠰᠡᠭᠦᠯᠴᠢ ᠶ᠋ᠢᠨ ᠪᠠᠷᠰ ᠤ᠋ᠨ ᠬᠣᠰᠬᠢᠨᠠᠭ ᠴᠢᠨᠠᠵᠤ ᠥᠭᠭᠦᠶᠡ ᠳᠡ! ᠭᠡᠵᠦ ᠬᠡᠯᠡᠪᠡ᠃
ᠪᠠᠷᠰ ᠴᠤ᠌ ᠤᠬᠠᠭᠠᠨ ᠦᠭᠡᠢ ᠠᠶᠤᠭᠠᠳ ᠤᠬᠤᠰᠬᠢᠨ ᠭᠡᠷ ᠡᠴᠡ ᠭᠠᠷᠤᠨ ᠵᠢᠭᠤᠲᠠᠯᠠ ᠃
ᠡᠳᠡ ᠴᠢᠨᠢ ᠨᠠᠮᠠ ᠶ᠋ᠢ ᠠᠯᠠᠵᠤ ᠢᠳᠡᠬᠦ ᠨᠢ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠠᠳ ᠤᠯᠠᠮ ᠬᠤᠷᠳᠤᠯᠠᠪᠠ᠃
ᠲᠡᠭᠡᠲᠡᠯᠡ ᠤᠷᠲᠤ ᠠ᠋ᠴᠠ ᠨᠢ ᠥᠯᠥᠨ ᠬᠥᠬᠡ ᠴᠢᠨᠣᠠ ᠱᠣᠭᠰᠢᠵᠤ ᠶᠠᠪᠤᠨᠠ ᠭᠡᠨᠡ᠃ ᠴᠢᠨᠣᠠ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠄ ᠪᠠᠷᠰ ᠭᠤᠸᠠᠢ ᠲᠠ ᠴᠢᠨᠢ ᠶᠠᠭᠤᠨ ᠳ᠋ᠤ᠌ ᠪᠠᠨ ᠢᠩᠭᠢᠵᠦ ᠰᠠᠨᠳᠤᠷᠤᠨ ᠶᠠᠪᠤᠨᠠ ᠪᠣᠢ? ᠭᠡᠵᠦ ᠰᠢᠭᠤᠳ ᠪᠠᠷᠰ᠄
ᠲᠡᠷᠲᠡᠭᠡ ᠬᠥᠪᠴᠢ ᠶ᠋ᠢᠨ ᠵᠠᠬᠠ ᠳ᠋ᠤ᠌ ᠳᠣᠪᠣ ᠲᠤᠯᠤᠭᠠᠳ ᠤ᠋ᠨ ᠳᠤᠮᠳᠠ ᠠᠢᠬᠤᠪᠲᠤᠷ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠪᠠᠢᠨᠠ᠃ ᠨᠠᠮᠠ ᠶ᠋ᠢ ᠠᠯᠠᠵᠤ ᠢᠳᠡᠬᠦ ᠰᠢᠬᠠᠯᠠ᠃ ᠲᠡᠭᠡᠭᠡᠳ ᠵᠢᠭᠤᠲᠠᠵᠤ ᠶᠠᠪᠤᠨᠠ ᠭᠡᠵᠦ ᠭᠡᠨᠡ᠃
ᠴᠢᠨᠣᠠ᠄ ᠦ! ᠬᠡ ᠪᠢ ᠡᠳᠦᠷ ᠪᠣᠯᠭᠠᠨ ᠲᠡᠳᠡᠨ ᠦ᠌ ᠮᠠᠯ ᠠ᠋ᠴᠠ ᠢᠳᠡᠳᠡᠭ ᠶᠦ᠍ᠮ ᠃ ᠠᠶᠤᠬᠤ ᠬᠡᠷᠡᠭ ᠦᠭᠡᠢ᠂ ᠬᠡᠷᠪᠡ ᠲᠠ ᠠᠶᠤᠭᠠᠳ ᠪᠠᠢᠭᠠ ᠪᠣᠯ ᠬᠣᠶᠠᠭᠤᠯᠠ ᠪᠠᠨ ᠲᠣᠯᠣᠭᠠᠢ ᠪᠠᠨ ᠨᠡᠢᠯᠡᠭᠦᠯᠦᠭᠡᠳ ᠣᠴᠢᠶᠠ ᠭᠡᠬᠦ ᠳ᠋ᠦ᠍ ᠪᠠᠷᠰ ᠵᠥᠪᠰᠢᠶᠡᠷᠡᠪᠡ᠃
ᠡᠪᠦᠭᠡᠨ ᠭᠠᠳᠠᠭᠠ ᠭᠠᠷᠤᠭᠠᠳ ᠠᠯᠤᠰ ᠢ᠋ ᠬᠠᠷᠠᠵᠤ ᠪᠠᠢᠲᠠᠯᠠ᠂ ᠪᠠᠷᠰ ᠴᠢᠨᠣᠠ ᠬᠣᠶᠠᠷ ᠲᠣᠯᠣᠭᠠᠢ ᠪᠠᠨ ᠬᠣᠯᠪᠣᠴᠢᠬᠠᠭᠰᠠᠨ ᠢᠷᠡᠵᠦ ᠪᠠᠢᠬᠤ ᠶᠤᠮ᠃
ᠡᠪᠦᠭᠡᠨ ᠴᠢᠩᠭᠠ ᠳᠠᠭᠤ ᠪᠠᠷ᠄ ᠦ! ᠥᠯᠥᠨ ᠬᠥᠬᠡ ᠴᠢᠨᠣᠠ ᠴᠢ ᠨᠠᠳᠠ ᠳ᠋ᠤ᠌ ᠨᠢᠭᠡ ᠪᠠᠷᠰ ᠤ᠋ᠨ ᠥᠷᠢ ᠲᠡᠢ ᠪᠠᠢᠭᠰᠠᠨ ᠶᠤᠮ! ᠠᠰᠢᠭᠦᠢ ᠲᠡᠭᠦᠨ ᠢ᠋ ᠪᠡᠨ ᠠᠪᠴᠢᠷᠠᠯᠠ ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠪᠠᠷᠰ ᠠᠶᠤᠭᠰᠠᠨ ᠳ᠋ᠤ᠌ ᠪᠠᠨ᠄ ᠠ! ᠬᠠ! ᠴᠢ ᠪᠠᠰᠠ ᠨᠠᠮᠠ ᠶ᠋ᠢ ᠵᠠᠯᠭᠢᠵᠤ᠂ ᠡᠪᠦᠭᠡᠨ ᠡᠮᠡᠭᠡᠨ ᠬᠣᠶᠠᠷ ᠲᠤ᠌ ᠢᠳᠡᠭᠦᠯᠦᠨᠡ ᠭᠡᠨᠡ᠂ ᠭᠡᠳ ᠡᠷᠭᠢᠨ ᠬᠠᠷᠠᠭᠠᠳ ᠣᠮ ᠬᠣᠮ ᠦᠭᠡᠢ ᠵᠢᠭᠤᠲᠠᠪᠠ ᠭᠡᠨᠡ᠃
ᠨᠡᠯᠢᠶᠡᠳ ᠵᠢᠭᠤᠲᠠᠭᠰᠠᠨ ᠤ ᠳᠠᠷᠠᠭᠠ ᠡᠷᠭᠢᠨ ᠬᠠᠷᠠᠲᠠᠯᠠ ᠴᠢᠨᠣᠠ ᠶ᠋ᠢᠨ ᠠᠷᠠᠭᠠ ᠰᠢᠲᠦ ᠨᠢ ᠠᠷᠵᠠᠢᠭᠠᠳ ᠪᠣᠭᠣᠵᠤ ᠦᠬᠦᠭᠰᠡᠨ ᠪᠠᠢᠪᠠ᠃
ᠡᠢᠨ ᠬᠦ᠌ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠷᠤᠭᠠᠳ ᠠᠮᠤᠷ ᠰᠠᠢᠬᠠᠨ ᠳ᠋ᠠᠭᠠᠨ ᠵᠢᠭᠠᠵᠠᠢ᠃
ᠦᠰᠦᠭ ᠬᠠᠲᠠᠭᠴᠢ ᠄ᠲᠣᠳᠣᠭᠡᠷᠡᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ᠂ᠲᠣᠳᠣᠭᠡᠷᠡᠯ
ᠬᠢᠨᠠᠭᠴᠢ᠄ ᠠᠯᠲᠠᠠᠠᠠᠭᠤᠯᠠ ᠂ ᠮᠥᠩᠭᠥᠨᠴᠡᠴᠡᠭ᠂ ᠣᠳᠣᠨ᠂ ᠭᠠᠷᠮᠠ