ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ-ᠮᠠᠨᠳᠤᠬᠤ ᠪᠠᠭᠰᠢ ᠶᠢᠨ ᠤᠷᠠᠨ ᠪᠢᠴᠢᠯᠭᠡ
518ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ
ᠰᠢᠯᠦᠭ᠄ ᠯ· ᠮᠥᠩᠬᠡᠲᠥ᠋ᠷᠦ
ᠬᠥᠭᠵᠢᠮ᠄ ᠪᠠᠰᠠᠩᠳᠣᠷᠵᠢ
ᠳᠠᠭᠤᠴᠢᠨ᠄ ᠪᠠᠰᠠᠩᠳᠣᠷᠵᠢ
ᠠᠭᠢ ᠦᠨᠦᠷᠲᠦᠭᠰᠡᠨ ᠴᠡᠩᠬᠡᠷ ᠲᠠᠯᠠ ᠶ᠋ᠢᠨ
ᠠᠳᠤᠭᠤ ᠨᠢ ᠲᠠᠩᠳᠠ ᠰᠤᠷᠯᠢᠭ ᠪᠠᠢᠳᠠᠭ ᠠ᠋
ᠠᠭᠤᠵᠢᠭᠤ ᠲᠠᠢᠪᠤᠭᠤ ᠤᠬᠠᠭᠠᠨ ᠲᠠᠢ ᠠᠪᠤ ᠶ᠋ᠢᠨ ᠮᠢᠨᠢ
ᠦᠭᠡ ᠨᠢ ᠲᠠᠩᠳᠠ ᠡᠷᠳᠡᠨᠢ ᠪᠠᠢᠳᠠᠭ ᠠ᠋
ᠵᠡᠭᠦᠳᠦ ᠬᠦᠷᠲᠡᠯᠡ ᠵᠢᠷᠭᠠᠭᠠᠳ ᠰᠡᠷᠢᠳᠡᠭ
ᠵᠥᠪ ᠶᠠᠪᠤᠪᠠᠯ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ᠃
ᠨᠠᠷᠠ ᠦᠳᠡᠯᠡᠭᠰᠡᠨ ᠪᠤᠭᠤᠷᠤᠯ ᠭᠣᠪᠢ ᠶ᠋ᠢᠨ
ᠰᠠᠯᠬᠢ ᠨᠢ ᠲᠠᠩᠳᠠ ᠪᠦᠯᠢᠶᠡᠨ ᠪᠠᠢᠳᠠᠭ
ᠨᠠᠰᠤᠨ ᠥᠨᠳᠥᠷ ᠰᠠᠢᠬᠠᠨ ᠡᠵᠢ ᠶ᠋ᠢᠨ ᠮᠢᠨᠢ
ᠰᠠᠨᠠᠭᠠ ᠨᠢ ᠲᠠᠩᠳᠠ ᠰᠦ ᠪᠠᠢᠳᠠᠭ
ᠵᠡᠭᠦᠳᠦ ᠬᠦᠷᠲᠡᠯᠡ ᠵᠢᠷᠭᠠᠭᠠᠳ ᠰᠡᠷᠢᠳᠡᠭ
ᠵᠥᠪ ᠶᠠᠪᠤᠪᠠᠯ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ᠃
ᠪᠥᠵᠥᠩ ᠲᠠᠤᠯᠠᠢ ᠬᠡᠷᠦᠭᠰᠡᠨ ᠪᠤᠲᠠ ᠨᠢ
ᠬᠠᠷᠠᠬᠤ ᠳ᠋ᠤ᠌ ᠨᠢᠭᠡ ᠯᠡ ᠨᠥᠮᠥᠷᠢ ᠲᠡᠢ ᠪᠠᠢᠳᠠᠭ
ᠪᠦᠪᠡᠢ ᠠᠶᠠᠯᠤᠭᠰᠠᠨ ᠪᠦᠰᠡᠭᠦᠢ ᠬᠥᠮᠦᠨ ᠦ᠌
ᠬᠠᠷᠠᠴᠠ ᠨᠢ ᠲᠠᠩᠳᠠ ᠵᠥᠭᠡᠯᠡᠨ ᠪᠠᠢᠳᠠᠭ
ᠵᠡᠭᠦᠳᠦ ᠬᠦᠷᠲᠡᠯᠡ ᠵᠢᠷᠭᠠᠭᠠᠳ ᠰᠡᠷᠢᠳᠡᠭ
ᠵᠥᠪ ᠶᠠᠪᠤᠪᠠᠯ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ
ᠵᠡᠭᠦᠳᠦ ᠬᠦᠷᠲᠡᠯᠡ ᠵᠢᠷᠭᠠᠭᠠᠳ ᠰᠡᠷᠢᠳᠡᠭ
ᠵᠥᠪ ᠶᠠᠪᠤᠪᠠᠯ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ
ᠵᠥᠪ ᠶᠠᠪᠤᠪᠠᠯ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠠᠷᠠᠨᠲᠣᠭᠣᠰ
ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ