ᠪᠠᠶᠠᠨ ᠰᠥᠩ ᠦ᠋ᠨ ᠢᠷᠥᠭᠡᠯ-ᠬᠣᠱᠤᠳ ᠴᠡᠩᠭᠡᠯбаян сүнгийн ерөөл-хошод цэнгэл
497ᠪᠠᠶᠠᠨ ᠰᠥᠩ ᠦ᠋ᠨ ᠢᠷᠥᠭᠡᠯ
ᠠᠷᠢᠭᠤᠳᠬᠠᠨ ᠡᠮᠬᠢᠯᠡᠭᠰᠡᠨ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ《ᠪᠠᠶᠠᠨ ᠰᠥᠩ ᠦ᠋ᠨ ᠢᠷᠦᠭᠡᠯ》
ᠬᠣᠱᠤᠳ ᠴᠡᠩᠭᠡᠯ
《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠪᠣᠯ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ ᠢᠷᠦᠭᠡᠯ ᠦ᠋ᠨ ᠰᠣᠶᠣᠯ ᠳᠣᠲᠣᠷᠠᠬᠢ ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠨᠢ ᠮᠥᠨ᠃ ᠲᠤᠰ ᠢᠷᠦᠭᠡᠯ ᠳᠣᠲᠣᠷᠠ ᠰᠠᠩᠭᠠᠷᠵᠠ ᠪᠣᠯᠤᠨ ᠴᠡᠴᠡᠨ ᠳᠠᠢᠴᠢᠩ ᠡᠷᠳᠡᠨᠢ ( ᠣᠮᠪᠣ ) ᠬᠣᠶᠠᠷ ᠨᠣᠶᠠᠨ ᠡᠷᠬᠡᠪᠰᠢ ᠳᠤᠷᠠᠳᠤᠭᠳᠠᠵᠤ ᠪᠠᠢᠳᠠᠭ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠲᠡᠳᠡᠨ ᠦ᠌ ᠬᠣᠢᠴᠢᠰ ᠤ᠋ᠨ ᠤᠭ ᠪᠣᠯᠬᠤ ᠬᠥᠷᠯᠦᠭ ᠪᠠᠢᠰᠠ ᠶ᠋ᠢᠨ ᠬᠣᠰᠢᠭᠤ ᠪᠣᠯᠤᠨ ᠬᠥᠷᠯᠦᠭ ᠵᠠᠰᠠᠭ ᠬᠤᠰᠢᠭᠤᠨ ᠳ᠋ᠤ᠌ ᠢᠯᠡᠭᠦᠦ ᠢᠷᠦᠭᠡᠭᠳᠡᠵᠦ ᠪᠠᠢᠭᠰᠠᠨ ᠰᠦᠪᠡᠭᠴᠢ ᠲᠡᠢ ᠶᠦᠮ᠃《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠳ᠋ᠦ᠍ ᠡᠵᠡᠨ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠢ᠋ ᠳᠡᠭᠡᠳᠦᠯᠡᠨ ᠰᠦᠰᠦᠭᠯᠡᠵᠦ ᠂ ᠰᠥᠩ ᠦ᠋ᠨ ᠳᠡᠭᠡᠵᠢ ᠶ᠋ᠢ ᠬᠤᠷᠤᠢᠯᠠᠨ ᠡᠷᠭᠦᠬᠦ ᠪᠡᠷ ᠢᠷᠦᠭᠡᠯ ᠦ᠋ᠨ ᠬᠠᠨᠳᠤᠯᠭᠠ ᠪᠣᠯᠤᠨ ᠶᠣᠰᠣᠯᠠᠯ ᠤ᠋ᠨ ᠭᠣᠣᠯ ᠴᠢᠭᠯᠡᠯ ᠪᠣᠯᠭᠠᠵᠠᠢ ᠃ ᠡᠭᠦᠨ ᠳ᠋ᠦ᠍ ᠳᠡᠭᠡᠳᠦᠰ ᠦ᠋ᠨ ᠭᠠᠷᠤᠯ ᠡᠭᠦᠰᠦᠯ ᠡᠴᠡ ᠭᠡᠭᠡᠨ ᠭᠦᠦᠰᠢ ᠬᠠᠭᠠᠨ ᠬᠦᠷᠲᠡᠯᠡᠬᠢ ᠲᠥᠷᠥ ᠱᠠᠵᠢᠨ ᠤ᠋ ᠴᠢᠬᠤᠯᠠ ᠲᠡᠦᠬᠡᠨ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ ᠲᠡᠦᠬᠡ ᠶ᠋ᠢᠨ ᠳᠠᠷᠠᠭᠠᠯᠠᠯ ᠢ᠋ᠶ᠋ᠠᠷ ᠨᠢ ᠲᠣᠭᠠᠴᠢᠭᠰᠠᠨ ᠪᠠᠢᠨᠠ ᠃ ᠡᠢᠮᠦᠷᠬᠦ ᠪᠢᠴᠢᠭ ᠦ᠋ᠨ ᠪᠠ ᠠᠮᠠᠨ ᠰᠣᠶᠣᠯ ᠢ᠋ ᠬᠣᠣᠰᠯᠠᠭᠤᠯᠤᠭᠰᠠᠨ ᠠᠷᠠᠳ ᠤ᠋ᠨ ᠢᠷᠦᠭᠡᠯ ᠠᠯᠢ ᠴᠤ᠌ ᠮᠣᠩᠭᠣᠯ ᠨᠤᠲᠤᠭ ᠲᠤ᠌ ᠪᠠᠢᠭᠠ ᠦᠭᠡᠢ ᠃ ᠡᠭᠦᠨ ᠢ᠋ ᠨᠠᠷᠢᠨ ᠠᠵᠢᠭᠯᠠᠪᠠᠰᠤ ᠂ ᠬᠠᠭᠠᠨ ᠨᠣᠶᠠᠳ ᠤ᠋ᠨ ᠣᠷᠳᠣᠨ ᠤ᠋ ᠶᠣᠰᠣᠯᠠᠯ ᠤ᠋ᠨ ᠰᠢᠨᠵᠢᠲᠡᠢ ᠪᠠᠢᠳᠠᠭ ᠂ ᠪᠣᠳᠣᠪᠠᠰᠤ ᠡᠨᠡ ᠨᠢ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ ᠭᠡᠭᠡᠨ ᠭᠦᠦᠰᠢ ᠬᠠᠭᠠᠨ ᠤ᠋ ᠬᠣᠱᠤᠳ ᠡᠦᠲᠦᠮ ᠨᠢ ᠠᠯᠲᠠᠨ ᠤᠷᠤᠭ ᠠ᠋ᠴᠠ ᠡᠭᠦᠰᠦᠯᠲᠡᠢ ᠪᠥᠭᠡᠳ ᠡᠷᠲᠡ ᠦᠶᠡ ᠡᠴᠡ ᠡᠪᠦᠭᠡ ᠳᠡᠭᠡᠳᠦᠰ᠂ ᠡᠵᠡᠨ ᠴᠢᠩᠭᠢᠰ ᠢ᠋ᠶ᠋ᠡᠨ ᠰᠦᠰᠦᠭᠯᠡᠨ ᠳᠠᠬᠢᠵᠤ ᠪᠠᠢᠭᠰᠠᠨ ᠣᠷᠳᠣᠨ ᠤ᠋ ᠶᠣᠰᠣᠯᠠᠯ ᠤ᠋ᠨ ᠲᠡᠦᠬᠡᠨ ᠤᠯᠠᠮᠵᠢᠯᠠᠯ ᠲᠠᠢ ᠬᠣᠯᠪᠣᠭᠠᠲᠠᠢ ᠭᠡᠵᠦ ᠦᠵᠡᠯᠲᠡᠢ ᠃ ᠭᠠᠭᠴᠠᠬᠦ ᠬᠣᠱᠤᠳ ᠨᠣᠶᠠᠳ ᠤ᠋ᠨ ᠨᠤᠲᠤᠭ ᠰᠡᠯᠭᠦᠭᠰᠡᠨ ᠶᠡᠬᠡ ᠬᠤᠪᠢᠷᠠᠯᠲᠠ᠂ ᠢᠯᠠᠩᠭᠤᠶᠠ ᠣᠢᠷᠠ ᠶ᠋ᠢᠨ ᠭᠤᠷᠪᠠᠨ ᠵᠠᠭᠤᠨ ᠵᠢᠯ ᠦ᠋ᠨ ᠣᠷᠣᠭᠠ ᠪᠣᠰᠤᠭᠠ ᠲᠡᠦᠬᠡᠨ ᠶᠠᠪᠤᠴᠠ ᠳ᠋ᠤ᠌ 《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠦ᠋ᠨ ᠠᠭᠤᠯᠭᠠ ᠬᠡᠯᠪᠡᠷᠢ ᠶᠡᠬᠡᠬᠡᠨ ᠬᠤᠪᠢᠷᠠᠯᠲᠠ ᠭᠠᠷᠤᠭᠰᠠᠨ ᠨᠢ ᠭᠠᠷᠴᠠᠭᠠ ᠦᠭᠡᠢ ᠃ ᠡᠳᠦᠭᠡ ᠪᠣᠯᠬᠤ ᠳ᠋ᠤ᠌ ᠠᠷᠠᠳ ᠣᠯᠠᠨ ᠤ᠋ ᠨᠠᠢᠷ ᠴᠤᠭᠯᠠᠭᠠᠨ ᠳ᠋ᠤ᠌ ᠢᠯᠡᠭᠦᠦ ᠬᠡᠷᠡᠭᠯᠡᠭᠳᠡᠬᠦ ᠪᠣᠯᠤᠭᠰᠠᠨ ᠪᠠ ᠨᠠᠢᠷ ᠤ᠋ᠨ ᠬᠦᠨᠳᠦ ᠬᠥᠩᠭᠡᠨ ᠂ ᠶᠡᠬᠡ ᠪᠠᠭᠠ ᠶ᠋ᠢᠨ ᠬᠦᠷᠢᠶᠡ ᠬᠡᠪᠴᠢᠶᠡᠨ ᠳ᠋ᠦ᠍ ᠵᠣᠬᠢᠴᠠᠭᠤᠯᠤᠨ ᠳᠡᠯᠭᠡᠷᠡᠩᠭᠦᠢ ᠪᠤᠶᠤ ᠬᠤᠷᠢᠶᠠᠩᠭᠤᠢ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠡᠷ ᠢᠷᠦᠭᠡᠭᠳᠡᠬᠦ ᠪᠥᠭᠡᠳ ᠲᠡᠭᠦᠨ ᠢᠶᠠᠨ ᠪᠠᠰᠠ 《ᠶᠡᠬᠡ ᠴᠢᠩᠭᠢᠰ》᠂《ᠪᠠᠭᠠ ᠴᠢᠩᠭᠢᠰ》 ᠭᠡᠵᠦ ᠨᠡᠷᠡᠯᠡᠬᠦ ᠪᠣᠯᠵᠠᠢ ᠃ ᠲᠡᠢᠮᠦ ᠡᠴᠡ ᠡᠳᠦᠭᠡ ᠮᠠᠨ ᠤ᠋ ᠳᠡᠭᠡᠳᠦ ᠮᠣᠩᠭᠣᠯ ᠳ᠋ᠤ᠌ ᠨᠡᠯᠢᠶᠡᠳ ᠣᠯᠠᠨ ᠬᠤᠪᠢᠯᠪᠤᠷᠢ ᠲᠠᠢ 《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠢᠷᠦᠭᠡᠭᠳᠡᠵᠦ ᠪᠣᠢ ᠃ ᠶᠡᠷᠦᠩᠬᠡᠢᠯᠡᠨ ᠦᠵᠡᠪᠡᠰᠦ᠂《ᠰᠥᠩ ᠦ᠋ᠨ ᠢᠷᠦᠭᠡᠯ》ᠨᠢ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠭᠣᠣᠯ ᠭᠣᠣᠯ ᠬᠡᠳᠦᠨ ᠲᠡᠦᠬᠡᠨ ᠬᠥᠮᠦᠨ ᠪᠠ ᠲᠡᠦᠬᠡᠨ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ ᠬᠠᠶᠠᠭᠳᠠᠯ ᠦᠭᠡᠢ ᠬᠠᠮᠤᠷᠴᠤ ᠂ ᠮᠥᠨ ᠲᠣᠭᠲᠠᠭᠰᠠᠨ ᠨᠢᠭᠡ ᠪᠦᠯᠦᠭ ᠦᠭᠡᠰ ᠦ᠋ᠨ ᠰᠠᠩ ᠂ ᠬᠡᠯᠡᠴᠡ ᠂ ᠦᠭᠡ ᠥᠭᠦᠯᠡᠪᠦᠷᠢ ᠪᠡᠷ ᠠᠶᠠᠯᠤᠭᠤᠯᠤᠨ ᠬᠡᠯᠡᠳᠡᠭ ᠨᠢᠭᠡᠨ ᠦᠨᠳᠦᠰᠦᠨ ᠬᠡᠪ ᠵᠠᠭᠪᠤᠷ ᠲᠠᠢ ᠪᠠᠢᠨᠠ ᠃ ᠭᠡᠬᠦ ᠳ᠋ᠡᠭᠡᠨ ᠵᠠᠷᠢᠮ ᠬᠤᠪᠢᠯᠪᠤᠷᠢ ᠳ᠋ᠤ᠌ ᠲᠡᠦᠬᠡᠨ ᠴᠠᠭ ᠳᠠᠷᠠᠭᠠᠯᠠᠯ ᠢ᠋ ᠬᠣᠯᠢᠯᠳᠤᠭᠤᠯᠤᠭᠰᠠᠨ᠂ ᠲᠡᠦᠬᠡᠨ ᠬᠥᠮᠦᠨ ᠂ ᠲᠡᠦᠬᠡᠨ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ ᠬᠤᠳᠬᠤᠭᠰᠠᠨ ᠂ ᠤᠯᠠᠮ ᠢᠶᠠᠷ ᠬᠥᠮᠦᠨ ᠂ ᠠᠢᠮᠠᠭ ᠂ ᠭᠠᠵᠠᠷ ᠤᠰᠤᠨ ᠂ ᠪᠤᠷᠬᠠᠳ ᠤ᠋ᠨ ᠨᠡᠷᠡ ᠲᠣᠮᠢᠶᠠ ᠶ᠋ᠢ ᠳᠤᠲᠠᠭᠤ ᠵᠡᠷᠡᠮᠳᠡᠭ ᠪᠤᠶᠤ ᠪᠤᠷᠤᠭᠤ ᠬᠡᠯᠡᠬᠦ ᠪᠠᠢᠳᠠᠯ ᠴᠤ᠌ ᠴᠥᠭᠡᠨ ᠪᠤᠰᠤ ᠪᠠᠢᠭᠠ ᠃ ᠠᠷᠠᠳ ᠤ᠋ᠨ ᠤᠯᠠᠮᠵᠢᠯᠠᠯ ᠪᠠ ᠵᠠᠩᠰᠢᠯ ᠪᠦᠬᠦᠨ ᠨᠢ ᠠᠮᠠᠨ ᠰᠣᠶᠣᠯ ᠤ᠋ᠨ ᠨᠢᠭᠡᠨ ᠬᠡᠰᠡᠭ ᠪᠣᠯᠬᠣᠷ ᠡᠨᠡ ᠬᠡᠪ ᠢᠶᠠᠷ ᠪᠠᠢᠵᠤ ᠪᠠᠢᠬᠤ ᠳ᠋ᠤ᠌ ᠪᠣᠯᠬᠤ ᠦᠭᠡᠢ ᠶᠠᠭᠤᠮᠠ ᠭᠡᠵᠦ ᠦᠭᠡᠢ ᠃ ᠬᠠᠷᠢᠨ ᠰᠤᠳᠤᠯᠭᠠᠨ ᠤ᠋ ᠲᠦᠪᠰᠢᠨ ᠳ᠋ᠦ᠍ ᠠᠯᠢ ᠨᠢ ᠢᠯᠡᠭᠦᠦ ᠵᠦᠢ ᠶᠣᠰᠣᠲᠠᠢ ᠂ ᠠᠯᠢ ᠨᠢ ᠭᠦᠢᠴᠡᠳ ᠪᠤᠰᠤ ᠶ᠋ᠢ ᠨᠢ ᠳᠤᠷᠠᠳᠬᠤ ᠴᠢᠬᠤᠯᠠᠲᠠᠢ ᠂ ᠤᠯᠠᠮ ᠢᠶᠠᠷ ᠠᠷᠢᠭᠤᠳᠬᠠᠵᠤ ᠴᠡᠭᠴᠡᠯᠡᠬᠦ ᠲᠤᠬᠠᠢ ᠰᠠᠨᠠᠭᠠᠴᠢᠯᠠᠭᠠ ᠪᠠᠨ ᠳᠡᠪᠰᠢᠭᠦᠯᠬᠦ ᠡᠭᠦᠷᠭᠡ ᠲᠡᠢ ᠭᠡᠵᠦ ᠰᠠᠨᠠᠮᠤᠢ ᠃
ᠲᠡᠢᠮᠦ ᠡᠴᠡ ᠣᠯᠠᠨ ᠬᠤᠪᠢᠯᠪᠤᠷᠢ ᠤ᠋ᠳ ᠢ᠋ ᠬᠠᠷᠢᠴᠠᠭᠤᠯᠤᠨ ᠰᠤᠳᠤᠯᠵᠤ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠦ᠋ᠨ ᠭᠣᠣᠯ ᠪᠦᠲᠦᠴᠡ ᠪᠦᠷᠢᠯᠳᠦᠬᠦᠨ ᠢ᠋ ᠬᠠᠮᠤᠷᠤᠭᠰᠠᠨ ᠪᠥᠭᠡᠳ ᠳᠤᠷᠠᠳᠤᠭᠳᠠᠵᠤ ᠪᠠᠢᠭᠠ ᠬᠥᠮᠦᠨ ᠂ ᠬᠡᠷᠡᠭ ᠶᠠᠪᠤᠳᠠᠯ ᠨᠢ ᠲᠡᠦᠬᠡᠨ ᠶᠠᠪᠤᠴᠠ ᠲᠠᠢ ᠪᠠᠨ ᠲᠣᠬᠢᠷᠠᠯᠴᠠᠭᠰᠠᠨ ᠂ ᠤᠭ ᠤᠯᠠᠮᠵᠢᠯᠠᠯ ᠳ᠋ᠤ᠌ ᠣᠢᠷᠠᠯᠴᠠᠭᠠ ᠂ ᠬᠠᠷᠢᠴᠠᠩᠭᠤᠢ ᠵᠥᠪ ᠣᠨᠣᠪᠴᠢᠲᠠᠢ ᠂ ᠢᠲᠡᠭᠡᠯ ᠨᠠᠢᠳᠠᠪᠤᠷᠢᠲᠠᠢ ᠂ ᠰᠤᠷᠬᠤ ᠬᠥᠮᠦᠰ ᠲᠦ᠍ ᠪᠠᠷᠢᠮᠵᠢᠶᠠ ᠪᠣᠯᠵᠤ ᠬᠡᠷᠡᠭᠯᠡᠭᠳᠡᠵᠦ ᠪᠣᠯᠬᠤ ᠨᠢᠭᠡᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ᠢ᠋ ᠡᠮᠬᠢᠯᠡᠵᠦ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ᠃ ᠲᠡᠷᠡ ᠨᠢ ᠡᠯᠡ ᠬᠤᠪᠢᠯᠪᠤᠷᠢ ᠨᠤᠭᠤᠳ ᠤ᠋ᠨ ᠰᠢᠯᠢᠳᠡᠭ ᠰᠠᠢᠨ ᠢ᠋ ᠪᠦᠷᠢᠨ ᠰᠢᠩᠭᠡᠭᠡᠭᠰᠡᠨ ᠪᠥᠭᠡᠳ ᠣᠳᠣᠬᠢᠴᠢᠯᠠᠭᠰᠠᠨ ᠰᠡᠳᠬᠢᠬᠦᠢ ᠪᠠ ᠬᠡᠯᠡᠯᠭᠡ ᠪᠡᠷ ᠨᠠᠢᠷᠠᠭᠤᠯᠬᠤ ᠠ᠋ᠴᠠ ᠵᠠᠢᠯᠠᠰᠬᠢᠭᠰᠠᠨ ᠪᠠᠢᠬᠤ ᠶᠣᠰᠣᠲᠠᠢ ᠃ ᠡᠢᠮᠦ ᠲᠠᠨᠢᠯᠲᠠ ᠳ᠋ᠤ᠌ ᠲᠤᠯᠭᠠᠭᠤᠷᠢᠯᠠᠵᠤ ᠂ ᠠᠳᠠ ᠮᠥᠨ ᠬᠠᠮᠤᠭ ᠤ᠋ᠨ ᠰᠠᠢᠨ ᠡᠬᠡ ᠪᠣᠯᠬᠤ ᠯᠠᠯᠠ ᠶ᠋ᠢᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠢᠶᠠᠷ ᠰᠠᠭᠤᠷᠢ ᠪᠣᠯᠭᠠᠨ ᠂ ᠪᠤᠰᠤᠳ ᠪᠠᠰᠠ ᠠᠷᠠᠳ ᠤ᠋ᠨ ᠢᠷᠦᠭᠡᠯᠴᠢ ᠵᠠᠯᠰᠠᠨ ᠂ ᠱᠠᠩᠴᠢᠪ᠂ ᠴᠦᠨᠡᠳ ᠨᠠᠷ ᠪᠣᠯᠤᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠪᠢᠴᠢᠮᠡᠯ ᠡᠬᠡ ᠶ᠋ᠢ ᠨᠥᠬᠥᠪᠥᠷᠢ ᠪᠣᠯᠭᠠᠨ ᠨᠢᠭᠡᠨ ᠳᠡᠯᠭᠡᠷᠡᠩᠭᠦᠢ ᠡᠬᠡ ᠶ᠋ᠢ ᠠᠩᠬᠠ ᠤᠳᠠᠭᠠ ᠡᠮᠬᠢᠯᠡᠵᠦ ᠭᠠᠷᠭᠠᠪᠠ ᠃ ᠡᠨᠡ ᠨᠢ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠤᠨ ᠤᠴᠢᠷ ᠤᠳᠬᠠ ᠶ᠋ᠢ ᠭᠦᠨᠵᠡᠭᠡᠢᠷᠡᠭᠦᠯᠵᠦ ᠂ ᠤᠯᠠᠮᠵᠢᠯᠠᠯ ᠳᠡᠯᠭᠡᠷᠡᠯ ᠢ᠋ ᠵᠥᠪ ᠲᠡᠰᠢ ᠠᠬᠢᠭᠤᠯᠬᠤ ᠪᠣᠯᠤᠭᠠᠰᠠᠢ ᠭᠡᠵᠦ ᠬᠦᠰᠡᠨᠡᠮ᠃ ᠮᠥᠨ ᠬᠣᠵᠢᠮ ᠨᠡᠩ ᠰᠠᠢᠨ ᠪᠦᠷᠢᠨ ᠡᠬᠡ ᠶ᠋ᠢ ᠡᠮᠬᠢᠯᠡᠵᠦ ᠭᠠᠷᠭᠠᠬᠤ ᠳ᠋ᠤ᠌ ᠰᠠᠭᠤᠷᠢ ᠪᠣᠯᠬᠤ ᠪᠣᠯᠪᠠᠤ ᠭᠡᠵᠦ ᠰᠠᠨᠠᠨᠠᠮ ᠃
ᠲᠤᠰ ᠠᠷᠢᠭᠤᠳᠬᠠᠭᠰᠠᠨ ᠡᠬᠡ ᠳ᠋ᠦ᠍ ᠢᠷᠦᠭᠡᠯ ᠦ᠋ᠨ ᠦᠭᠡ ᠬᠡᠯᠡᠯᠭᠡ ᠶ᠋ᠢᠨ ᠲᠠᠯᠠ ᠪᠠᠷ᠂ ᠡᠯᠡ ᠬᠤᠪᠢᠯᠪᠤᠷᠢ ᠳ᠋ᠤ᠌ ᠪᠠᠢᠳᠠᠭ ᠦᠭᠡ ᠥᠭᠦᠯᠡᠪᠦᠷᠢ ᠶ᠋ᠢ ᠬᠠᠷᠢᠯᠴᠠᠨ ᠨᠥᠬᠥᠵᠦ ᠰᠡᠯᠪᠢᠭᠰᠡᠨ ᠲᠡᠳᠦᠢ ᠪᠥᠭᠡᠳ ᠰᠢᠨᠡ ᠦᠭᠡ ᠬᠡᠯᠡᠯᠭᠡ ᠪᠡᠷ ᠣᠷᠣᠯᠠᠭᠤᠯᠤᠭᠰᠠᠨ ᠵᠦᠢᠯ ᠠᠯᠠᠭᠠ ᠃ ᠠᠭᠤᠯᠭᠠ ᠶ᠋ᠢᠨ ᠲᠠᠯᠠ ᠪᠠᠷ ᠂ ᠨᠡᠢᠲᠡ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠤᠨ ᠠᠭᠤᠯᠭᠠ ᠶ᠋ᠢᠨ ᠪᠦᠲᠦᠴᠡ ᠶ᠋ᠢ ᠠᠵᠢᠭᠯᠠᠪᠠᠰᠤ ᠂ ᠡᠬᠢᠯᠡᠯᠲᠡ— ᠭᠠᠯ ᠤ᠋ᠨ ᠪᠤᠷᠬᠠᠨ— ᠭᠡᠭᠡᠨ ᠭᠦᠦᠰᠢ ᠬᠠᠭᠠᠨ ᠤ᠋ ᠲᠣᠳᠣᠷᠠᠭᠰᠠᠨ— ᠳᠥᠷᠪᠡᠨ ᠣᠢᠷᠠᠳ ᠤ᠋ᠨ ᠴᠢᠭᠤᠯᠭᠠᠨ— ᠪᠤᠷᠬᠠᠨ ᠪᠠᠭᠰᠢ ᠵᠢᠴᠢ ᠣᠯᠠᠨ ᠪᠤᠷᠬᠠᠳ ᠪᠣᠳᠢ ᠰᠠᠳ᠋ᠸᠠ— ᠲᠥᠪᠡᠳ ᠦ᠋ᠨ ᠬᠠᠭᠠᠨ ᠤ᠋ ᠭᠠᠷᠤᠯ— ᠴᠢᠩᠭᠢᠰ ᠬᠠᠭᠠᠨ ᠤ᠋ ᠤᠭᠰᠠᠭᠠ— ᠨᠠᠢ᠍ᠮᠠᠨ ᠦᠰᠦᠭ ᠦ᠋ᠨ ᠬᠠᠰ ᠲᠠᠮᠠᠭᠠ— ᠠᠯᠲᠠᠨ ᠬᠠᠭᠠᠨ— ᠭᠦᠦᠰᠢ ᠬᠠᠭᠠᠨ ᠤ᠋ ᠬᠥᠬᠡᠨᠠᠭᠤᠷ ᠲᠥᠪᠡᠳ ᠳᠠᠬᠢ ᠦᠢᠯᠡ ᠠᠵᠢᠯᠯᠠᠭᠠ— ᠭᠦᠦᠰᠢ ᠬᠠᠭᠠᠨ ᠤ᠋ ᠬᠣᠢᠴᠢᠰ— ᠢᠷᠦᠭᠡᠯ ᠥᠨᠳᠥᠷᠯᠡᠬᠦ ᠵᠡᠷᠭᠡ ᠦᠨᠳᠦᠰᠦᠨ ᠪᠦᠷᠢᠯᠳᠦᠬᠦᠨ ᠲᠡᠢ ᠪᠠᠢᠨᠠ ᠃ ᠡᠨᠡᠬᠦ ᠠᠷᠢᠭᠤᠳᠬᠠᠨ ᠡᠮᠬᠢᠯᠡᠭᠰᠡᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ᠨᠢ ᠮᠥᠨ ᠡᠨᠡ ᠪᠦᠲᠦᠴᠡ ᠪᠦᠷᠢᠯᠳᠦᠬᠦᠨ ᠪᠣᠯᠤᠨ ᠨᠢᠷᠤᠭᠤ ᠶ᠋ᠢ ᠪᠠᠷᠢᠮᠲᠠᠯᠠᠨ ᠡᠯᠡ ᠬᠤᠪᠢᠯᠪᠤᠷᠢ ᠨᠤᠭᠤᠳ ᠢ᠋ ᠬᠠᠷᠢᠯᠴᠠᠨ ᠨᠥᠬᠥᠪᠥᠷᠢᠯᠡᠬᠦ ᠠᠷᠭᠠ ᠪᠠᠷ ᠡᠮᠬᠢᠯᠡᠨ ᠴᠡᠭᠴᠡᠯᠡᠪᠡ ᠃ ᠭᠠᠭᠴᠠᠬᠦ 《ᠬᠠᠨᠠᠢ ᠨᠣᠶᠠᠨ ᠬᠣᠩᠭᠣᠷ ᠤ᠋ᠨ ᠲᠠᠢᠵᠢ》 ᠲᠠᠪᠤᠨ ᠪᠠᠷᠰ ᠤ᠋ᠨ ᠭᠤᠷᠪᠠᠳᠤᠭᠠᠷ ᠪᠠᠷᠰ ᠲᠥᠷᠦᠪᠠᠢᠬᠤ ᠭᠦᠦᠰᠢ ᠬᠠᠭᠠᠨ ᠢ᠋ ᠳᠤᠷᠠᠳᠤᠭᠰᠠᠨ ᠪᠣᠯᠬᠣᠷ ᠨᠥᠭᠥᠭᠡ ᠬᠡᠳᠦᠨ ᠪᠠᠷᠰ ᠤ᠋ᠨ ᠨᠡᠷᠡ ᠶ᠋ᠢ ᠪᠦᠷᠢᠳᠦᠭᠦᠯᠵᠦ ᠪᠢᠴᠢᠭᠰᠡᠨ ᠪᠠ ᠭᠦᠦᠰᠢ ᠬᠠᠭᠠᠨ ᠤ᠋ ᠬᠣᠢᠴᠢᠰ ᠤ᠋ᠨ ᠲᠤᠬᠠᠢ 《ᠡᠵᠡᠨ ᠠᠷᠪᠠᠨ ᠲᠠᠢᠵᠢ》 ᠭᠡᠳ ᠵᠥᠪᠬᠡᠨ ᠰᠠᠩᠭᠠᠷᠵᠠ ᠪᠣᠯᠤᠨ ᠴᠡᠴᠡᠨ ᠳᠠᠢᠴᠢᠩ ᠢ᠋ ᠳᠤᠷᠠᠳᠤᠭᠰᠠᠨ ᠪᠣᠯᠬᠣᠷ ᠲᠡᠷᠡ ᠠᠷᠪᠠᠨ ᠲᠠᠢᠵᠢ ᠶ᠋ᠢᠨ ᠠᠯᠳᠠᠷ ᠨᠡᠷᠡ ᠶ᠋ᠢ ᠮᠥᠨ ᠪᠦᠷᠢᠳᠦᠭᠦᠯᠵᠦ ᠪᠢᠴᠢᠭᠰᠡᠨ ᠨᠢ ᠤᠭᠰᠠᠭᠠ ᠣᠪᠣᠭ ᠤ᠋ᠨ ᠤᠯᠠᠮᠵᠢᠯᠠᠯ ᠢ᠋ ᠨᠡᠩ ᠲᠡᠭᠦᠯᠳᠡᠷ ᠪᠣᠯᠭᠠᠬᠤ ᠶ᠋ᠢᠨ ᠲᠤᠰᠠ ᠳ᠋ᠤ᠌ ᠡᠮᠬᠢᠯᠡᠭᠴᠢ ᠮᠢᠨᠦ ᠪᠡᠶᠡ ᠪᠡᠷ ᠵᠣᠷᠢᠭᠯᠠᠨ ᠰᠢᠰᠲ᠋ᠧᠮ ᠦ᠋ᠨ ᠰᠢᠨᠵᠢ ᠲᠡᠢ ᠬᠢᠭᠰᠡᠨ ᠵᠢᠵᠢᠭ ᠨᠡᠮᠡᠯᠲᠡ ᠪᠣᠯᠤᠨᠠ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠳ᠋ᠦ᠍ ᠲᠦᠮᠡᠳ ᠦ᠋ᠨ ᠠᠯᠲᠠᠨ ᠬᠠᠭᠠᠨ ᠂ ᠴᠣᠭᠲᠤ ᠲᠠᠢᠵᠢ ᠶ᠋ᠢᠨ ᠨᠡᠷᠡ ᠠᠯᠳᠠᠷ ᠳᠤᠷᠠᠳᠤᠭᠳᠠᠬᠤ ᠪᠣᠯᠪᠠᠴᠤ ᠤᠭᠰᠠᠭᠠ ᠠᠢᠮᠠᠭ ᠂ ᠲᠡᠦᠬᠡᠨ ᠬᠣᠯᠪᠣᠭᠳᠠᠯ ᠤ᠋ᠨ ᠬᠢᠨᠢ ᠲᠠᠯᠠ ᠪᠠᠷ ᠪᠠᠯᠠᠷᠬᠠᠢ ᠮᠥᠷᠲᠡᠭᠡᠨ ᠬᠤᠳᠬᠤᠯᠳᠤᠵᠤ ᠪᠠᠢᠨᠠ᠂ ᠲᠡᠢᠮᠦ ᠡᠴᠡ ᠲᠡᠳᠡᠨ ᠦ᠌ ᠨᠤᠲᠤᠭ ᠪᠤᠶᠤ ᠠᠢᠮᠠᠭ ᠤᠭᠰᠠᠭᠠ ᠶ᠋ᠢ ᠥᠴᠦᠬᠡᠨ ᠲᠣᠳᠣᠳᠬᠠᠭᠰᠠᠨ ᠭᠡᠬᠦ ᠮᠡᠲᠦ ᠮᠠᠰᠢ ᠴᠥᠭᠡᠨ ᠭᠦᠦᠰᠢ ᠬᠠᠭᠠᠨ ᠤ᠋ ᠬᠣᠢᠴᠢᠰ ᠢᠷᠦᠭᠡᠯ ᠥᠨᠳᠥᠷᠯᠡᠬᠦ ᠵᠡᠷᠭᠡ ᠦᠨᠳᠦᠰᠦᠨ ᠪᠦᠷᠢᠯᠳᠦᠬᠦᠨ ᠲᠡᠢ ᠪᠠᠢᠨᠠ ᠃ ᠡᠨᠡᠬᠦ ᠠᠷᠢᠭᠤᠳᠬᠠᠨ ᠡᠮᠬᠢᠯᠡᠭᠰᠡᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ᠨᠢ ᠮᠥᠨ ᠡᠨᠡ ᠪᠦᠲᠦᠴᠡ ᠪᠦᠷᠢᠯᠳᠦᠬᠦᠨ ᠪᠣᠯᠤᠨ ᠨᠢᠷᠤᠭᠤ ᠶ᠋ᠢ ᠪᠠᠷᠢᠮᠲᠠᠯᠠᠨ ᠡᠯᠡ ᠬᠤᠪᠢᠯᠪᠤᠷᠢ ᠣᠳ ᠢ᠋ ᠬᠠᠷᠢᠯᠴᠠᠨ ᠨᠥᠬᠥᠪᠥᠷᠢᠯᠡᠬᠦ ᠠᠷᠭᠠ ᠪᠠᠷ ᠡᠮᠬᠢᠯᠡᠨ ᠴᠡᠭᠴᠡᠯᠡᠪᠡ ᠃ ᠭᠠᠭᠴᠠᠬᠦ ᠬᠠᠨᠠᠢ ᠨᠣᠶᠠᠨ ᠬᠣᠩᠭᠣᠷ ᠤ᠋ᠨ ᠲᠠᠢᠵᠢ ᠲᠠᠪᠤᠨ ᠪᠠᠷᠰ ᠤ᠋ᠨ ᠭᠤᠷᠪᠠᠳᠤᠭᠠᠷ ᠪᠠᠷᠰ ᠲᠥᠷᠦᠪᠠᠢᠬᠤ ᠭᠦᠦᠰᠢ ᠬᠠᠭᠠᠨ ᠳᠤᠷᠠᠳᠤᠭᠰᠠᠨ ᠪᠣᠯᠬᠣᠷ ᠨᠥᠭᠥᠭᠡ ᠬᠡᠳᠦᠨ ᠪᠠᠷᠰ ᠤ᠋ᠨ ᠨᠡᠷᠡ ᠶ᠋ᠢ ᠪᠦᠷᠢᠳᠦᠭᠦᠯᠵᠦ ᠪᠢᠴᠢᠭᠰᠡᠨ ᠪᠠ ᠭᠦᠦᠰᠢ ᠬᠠᠭᠠᠨ ᠤ᠋ ᠬᠣᠢᠴᠢᠰ ᠤ᠋ᠨ ᠲᠤᠬᠠᠢ ᠡᠵᠡᠨ ᠠᠷᠪᠠᠨ ᠲᠠᠢᠵᠢ ᠭᠡᠳ ᠵᠥᠪᠬᠡᠨ ᠰᠠᠩᠭᠠᠷᠵᠠ ᠪᠣᠯᠤᠨ ᠴᠡᠴᠡᠨ ᠳᠠᠢᠴᠢᠩ ᠢ᠋ ᠳᠤᠷᠠᠳᠤᠭᠰᠠᠨ ᠪᠣᠯᠬᠣᠷ ᠲᠡᠷᠡ ᠠᠷᠪᠠᠨ ᠲᠠᠢᠵᠢ ᠶ᠋ᠢᠨ ᠠᠯᠳᠠᠷ ᠨᠡᠷᠡ ᠶ᠋ᠢ ᠮᠥᠨ ᠪᠦᠷᠢᠳᠦᠭᠦᠯᠵᠦ ᠪᠢᠴᠢᠭᠰᠡᠨ ᠨᠢ ᠤᠭᠰᠠᠭᠠ ᠣᠪᠣᠭ ᠤ᠋ᠨ ᠤᠯᠠᠮᠵᠢᠯᠠᠯ ᠢ᠋ ᠨᠡᠩ ᠲᠡᠭᠦᠯᠳᠡᠷ ᠪᠣᠯᠭᠠᠬᠤ ᠶ᠋ᠢᠨ ᠲᠤᠰᠠᠳᠠ ᠡᠮᠬᠢᠯᠡᠭᠴᠢ ᠮᠢᠨᠦ ᠪᠡᠶᠡ ᠪᠡᠷ ᠵᠣᠷᠢᠭᠯᠠᠨ ᠰᠢᠰᠲ᠋ᠧᠮ ᠦ᠋ᠨ ᠰᠢᠨᠵᠢ ᠲᠡᠢ ᠬᠢᠭᠰᠡᠨ ᠵᠢᠵᠢᠭ ᠨᠡᠮᠡᠯᠲᠡ ᠪᠣᠯᠤᠨᠠ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠳ᠋ᠦ᠍ ᠲᠦᠮᠡᠳ ᠦ᠋ᠨ ᠠᠯᠲᠠᠨ ᠬᠠᠭᠠᠨ᠂ ᠴᠣᠭᠲᠤ ᠲᠠᠢᠵᠢ ᠶ᠋ᠢᠨ ᠨᠡᠷᠡ ᠠᠯᠳᠠᠷ ᠳᠤᠷᠠᠳᠤᠭᠳᠠᠬᠤ ᠪᠣᠯᠪᠠᠴᠤ ᠤᠭᠰᠠᠭᠠ ᠠᠢᠮᠠᠭ ᠂ ᠲᠡᠦᠬᠡᠨ ᠬᠣᠯᠪᠣᠭᠳᠠᠯ ᠤ᠋ᠨ ᠬᠢᠨᠢ ᠲᠠᠯᠠ ᠪᠠᠷ ᠪᠠᠯᠠᠷᠬᠠᠢ ᠮᠥᠷᠲᠡᠭᠡᠨ ᠬᠤᠳᠬᠤᠯᠳᠤᠵᠤ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠲᠡᠳᠡᠨ ᠦ᠌ ᠨᠤᠲᠤᠭ ᠪᠤᠶᠤ ᠠᠢᠮᠠᠭ ᠤᠭᠰᠠᠭᠠ ᠶ᠋ᠢ ᠥᠴᠦᠬᠡᠨ ᠲᠣᠳᠣᠳᠬᠠᠭᠰᠠᠨ ᠭᠡᠬᠦ ᠮᠡᠲᠦ ᠮᠠᠰᠢ ᠴᠥᠭᠡᠨ ᠨᠡᠮᠡᠯᠲᠡ ᠬᠢᠭᠰᠡᠨ ᠵᠦᠢᠯ ᠪᠣᠢ ᠃
ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》ᠨᠢ ᠵᠢᠵᠢᠭ ᠬᠡᠮᠵᠢᠶᠡᠨ ᠦ᠌ ᠢᠷᠦᠭᠡᠯ ᠮᠡᠲᠦ ᠲᠣᠯᠣᠭᠠᠢ ᠲᠠᠭᠠᠷᠠᠭᠤᠯᠤᠨ ᠠᠢᠵᠠᠮ ᠬᠥᠭ ᠢ᠋ ᠨᠢᠭᠡᠨ ᠵᠢᠭᠳᠡ ᠪᠠᠢᠯᠭᠠᠳᠠᠭ ᠰᠢᠯᠦᠭᠯᠡᠯ ᠦ᠋ᠨ ᠠᠷᠭᠠ ᠪᠠᠷᠢᠯ ᠢᠶᠠᠷ ᠭᠣᠣᠯ ᠪᠣᠯᠭᠠᠬᠤ ᠪᠢᠰᠢ ᠂ ᠬᠠᠷᠢᠨ ᠢᠷᠦᠭᠡᠯ ᠦ᠋ᠨ ᠠᠭᠤᠯᠭᠠ ᠳ᠋ᠤ᠌ ᠵᠣᠬᠢᠴᠠᠭᠰᠠᠨ ᠦᠭᠡᠰ ᠦ᠋ᠨ ᠰᠠᠩ ᠤ᠋ᠨ ᠴᠢᠩᠭᠠ ᠰᠤᠯᠠ ᠂ ᠦᠰᠦᠭᠴᠢᠯᠡᠭᠰᠡᠨ ᠳᠠᠭᠤᠳᠠᠯᠭᠠ ᠪᠣᠯᠤᠨ ᠥᠭᠦᠯᠡᠪᠦᠷᠢ ᠶ᠋ᠢᠨ ᠴᠡᠭᠯᠡᠯᠲᠡ ᠪᠡᠷ ᠠᠶᠠᠩᠭᠠᠯᠠᠨ ᠳᠠᠭᠤᠳᠠᠬᠤ ᠣᠨᠴᠠᠯᠢᠭ ᠲᠠᠢ᠃ ᠡᠨᠡ ᠨᠢ ᠢᠷᠦᠭᠡᠯᠴᠢ ᠬᠥᠮᠦᠨ ᠳ᠋ᠦ᠍ ᠢᠷᠦᠭᠡᠯ ᠦ᠋ᠨ ᠤᠳᠬᠠ ᠰᠠᠨᠠᠭᠠᠨ ᠤ᠋ ᠭᠦᠨ ᠮᠡᠳᠡᠷᠡᠮᠵᠢ ᠪᠠ ᠲᠡᠭᠦᠨ ᠢ᠋ ᠤᠯᠠᠮᠵᠢᠯᠠᠯᠲᠤ ᠶᠣᠰᠣᠯᠠᠯ ᠵᠠᠩᠰᠢᠯ ᠢᠶᠠᠷ ᠣᠯᠠᠨ ᠨᠡᠢᠲᠡ ᠶ᠋ᠢᠨ ᠰᠣᠨᠣᠷ ᠲᠤ᠌ ᠬᠦᠷᠭᠡᠬᠦ ᠴᠢᠳᠠᠪᠤᠷᠢ ᠶ᠋ᠢ ᠥᠨᠳᠥᠷ ᠱᠠᠭᠠᠷᠳᠠᠳᠠᠭ᠃ ᠲᠡᠢᠮᠦ ᠡᠴᠡ ᠰᠢᠯᠢᠳᠡᠭ ᠤᠷᠠᠨ ᠰᠠᠢᠬᠠᠨᠴᠢ ᠶ᠋ᠢᠨ ᠠᠮᠠᠨ ᠠ᠋ᠴᠠ ᠰᠣᠨᠣᠰᠳᠠᠬᠤ《ᠰᠥᠩ ᠦ᠋ᠨ ᠢᠷᠦᠭᠡᠯ》ᠨᠢ ᠶᠠᠮᠠᠷᠴᠤ ᠢᠷᠠᠭᠤ ᠮᠠᠭᠲᠠᠭᠠᠯ ᠳᠠᠭᠤᠯᠠᠯ ᠠ᠋ᠴᠠ ᠳᠤᠲᠠᠭᠤ ᠦᠭᠡᠢ ᠤᠶᠠᠩᠭᠠᠯᠢᠭ ᠮᠥᠷᠲᠡᠭᠡᠨ ᠣᠯᠠᠨ ᠠᠷᠪᠢᠨ ᠲᠡᠦᠬᠡ ᠰᠣᠶᠣᠯ ᠤ᠋ᠨ ᠤᠴᠢᠷ ᠶᠠᠪᠤᠳᠠᠯ ᠢ᠋ ᠲᠣᠭᠠᠴᠠᠵᠤ ᠪᠠᠢᠳᠠᠭ ᠢᠶᠠᠷ ᠢᠶᠠᠨ ᠮᠠᠰᠢ ᠶᠡᠬᠡᠮᠰᠦᠭ ᠰᠦᠷ ᠵᠢᠪᠬᠤᠯᠠᠩᠲᠠᠢ ᠪᠠᠢᠳᠠᠭ ᠠᠮᠤᠢ ᠃ ᠡᠨᠡ ᠵᠢᠱ᠌ᠢᠶᠡ ᠶ᠋ᠢ ᠳᠡᠭᠡᠳᠦ ᠮᠣᠩᠭᠣᠯ ᠤ᠋ᠨ ᠬᠥᠷᠯᠦᠭ ᠬᠤᠰᠢᠭᠤᠨ ᠤ᠋ ᠭᠣᠪᠢ ᠲᠣᠬᠣᠢ ᠶ᠋ᠢᠨ ᠠᠷᠠᠳ ᠤᠷᠠᠨ ᠰᠠᠢᠬᠠᠨᠴᠢ ᠠᠭᠰᠠᠨ ᠯᠠᠯᠠ ᠶ᠋ᠢᠨ ᠢᠷᠦᠭᠡᠭᠰᠡᠨ《ᠰᠥᠩ ᠦ᠋ᠨ ᠢᠷᠦᠭᠡᠯ》 ᠢᠶᠠᠷ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠣᠯᠭᠠᠨ ᠠᠪᠴᠤ ᠦᠵᠡᠬᠦ ᠪᠣᠯᠪᠠᠤ᠃