ᠮᠠᠨᠤᠤᠬᠠᠢ – ᠳ ᠂ ᠭᠣᠮᠪᠣᠵᠠᠪ Мануухай – Д ᠂ Гомбожав
261ᠮᠠᠨᠤᠤᠬᠠᠢ
( ᠱᠣᠭ ᠰᠢᠯᠦᠭ)
《 ᠰᠡᠷᠡᠮᠵᠢ ᠰᠠᠢᠲᠠᠢ》 ᠵᠠᠯᠠᠭᠤ ᠮᠠᠨᠠᠭᠠᠴᠢᠨ
ᠰᠡᠪᠭᠡᠨᠡᠭᠦᠷ ᠰᠠᠯᠬᠢ ᠲᠠᠢ ᠨᠠᠮᠤᠷ ᠤ᠋ᠨ ᠰᠥᠨᠢ
ᠮᠠᠯ ᠢ᠋ᠶ᠋ᠠᠨ ᠴᠢᠨᠣᠠ ᠠ᠋ᠴᠠ《 ᠬᠠᠮᠠᠭᠠᠯᠠᠬᠤ》 ᠪᠠᠷ
ᠮᠠᠨᠤᠤᠬᠠᠢ ᠪᠣᠰᠬᠠᠭᠠᠳ ᠤᠨᠲᠠᠵᠠᠢ᠃
ᠥᠷᠯᠥᠭᠡ ᠣᠷᠣᠢᠬᠠᠨ ᠪᠣᠰᠬᠤ ᠳ᠋ᠤᠨᠢ
ᠥᠷᠭᠡᠨ ᠰᠦᠷᠦᠭ ᠨᠢ ᠠᠯᠠᠭᠠ
ᠥᠪᠡᠷ ᠢ᠋ ᠨᠢ ᠣᠷᠣᠯᠠᠭᠠᠳ ᠬᠣᠴᠣᠷᠤᠭᠰᠠᠨ
ᠥᠨᠥᠬᠢ ᠮᠠᠨᠤᠤᠯ ᠨᠢ ᠴᠦ᠍ ᠠᠯᠠᠭᠠ᠃
ᠠᠮᠢᠲᠠᠨ ᠬᠥᠮᠦᠨ ᠳ᠋ᠦ᠍ ᠳᠠᠭᠠᠷᠢᠯᠳᠤᠭᠠ ᠦᠭᠡᠢ
《 ᠠᠳᠠ ᠥᠭᠡᠷᠡ》 ᠴᠢᠨᠣᠠ ᠭᠠᠷᠴᠠᠢ᠃
ᠮᠠᠯ ᠢᠳᠡᠬᠦ ᠪᠡᠷ ᠪᠠᠷᠠᠬᠤ ᠦᠭᠡᠢ
ᠮᠠᠨᠤᠤᠯ ᠪᠠᠷᠢᠬᠤ ᠪᠣᠯᠵᠠᠢ᠃
ᠮᠢᠬᠠ ᠢᠳᠡᠬᠦ ᠪᠡᠷ ᠵᠣᠭᠰᠣᠬᠤ ᠦᠭᠡᠢ
ᠮᠣᠳᠣ ᠢᠳᠡᠬᠦ ᠪᠣᠯᠵᠠᠢ ᠭᠡᠵᠦ
ᠠᠶᠠᠨᠳᠠᠭᠠᠨ ᠵᠠᠯᠠᠭᠤ ᠪᠣᠳᠣᠵᠤ
ᠠᠶᠤᠬᠤ ᠭᠠᠢᠬᠠᠬᠤ ᠵᠡᠷᠭᠡᠴᠡᠵᠡᠢ᠃
ᠦᠨᠡᠨ ᠳ᠋ᠡᠭᠡᠨ ᠲᠡᠷᠡ ᠨᠢ ᠲᠡᠢᠮᠦ ᠪᠢᠰᠢ
ᠦᠬᠡᠷ ᠨᠢ ᠦᠷᠭᠦᠵᠦ ᠳᠠᠪᠬᠢᠬᠤ ᠳ᠋ᠠᠭᠠᠨ
ᠡᠵᠡᠨ ᠢ᠋ᠶ᠋ᠡᠷ ᠣᠷᠣᠯᠠᠭᠰᠠᠨ ᠮᠠᠨᠤᠤᠯ ᠢ᠋
ᠡᠪᠡᠷ ᠲᠡᠭᠡᠨ ᠡᠯᠭᠦᠭᠡᠳ ᠶᠠᠪᠤᠴᠢᠬᠠᠵᠠᠢ᠃
ᠬᠠᠷᠢᠨ ᠥᠯᠥᠨ ᠴᠢᠨᠣᠠ
ᠬᠠᠷᠠᠩᠭᠤᠢ ᠰᠥᠨᠢ ᠢᠷᠡᠬᠦ ᠳ᠋ᠡᠭᠡᠨ
ᠮᠠᠨᠤᠤᠯ ᠢ᠋ ᠲᠣᠭᠣᠯᠭᠦᠢ ᠲᠣᠭᠣᠷᠢᠭᠠᠳ
ᠮᠠᠯ ᠬᠥᠭᠡᠭᠡᠳ ᠲᠠᠯᠢᠢᠵᠠᠢ
ᠠᠵᠠ ᠦᠭᠡᠢ ᠮᠠᠨᠤᠤᠯ ᠤ᠋ᠨ ᠤᠴᠢᠷ ᠢ᠋
ᠠᠨᠠᠢ ᠵᠠᠯᠠᠭᠤ ᠮᠡᠳᠡᠭᠡ ᠪᠣᠯ ᠤᠤ ?
《 ᠠᠳᠠ ᠥᠭᠡᠷᠡ》 ᠴᠢᠨᠣᠠ ᠶ᠋ᠢᠨ ᠠᠶᠤᠯ ᠠ᠋ᠴᠠ
ᠠᠶᠤᠬᠤ ᠨᠢ ᠶᠡᠷᠦ ᠨᠠᠮᠳᠠᠭᠠ ᠪᠣᠯ ᠤᠤ?
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ
2023᠂8᠂18 ᠤ᠋ ᠡᠳᠦᠷ