ᠬᠠᠯᠵᠠᠨ ᠲᠣᠯᠣᠭᠠᠢᠲᠤ ᠬᠠᠷᠠ ᠭᠡᠵᠢᠭᠡᠲᠦ ᠬᠣᠶᠠᠷ - ᠴ᠂ ᠭᠠᠢᠳᠤᠪ Халзан толгойт хар гэзэгт хоёр - Ч᠂ Гайдов
334ᠬᠠᠯᠵᠠᠨ ᠲᠣᠯᠣᠭᠠᠢᠲᠤ ᠬᠠᠷᠠ ᠭᠡᠵᠢᠭᠡᠲᠦ ᠬᠣᠶᠠᠷ
( ᠱᠣᠭ ᠰᠢᠯᠦᠭ)
ᠥᠯ ᠬᠠᠯᠵᠠᠨ ᠲᠣᠯᠣᠭᠠᠢ ᠲᠠᠢ
ᠡᠪᠦᠭᠡᠨ ᠬᠥᠮᠦᠨ ᠦ᠌ ᠭᠡᠷ ᠲᠦ᠍
ᠥᠳᠬᠡᠨ ᠬᠠᠷᠠ ᠭᠡᠵᠢᠭᠡ ᠲᠡᠢ
ᠥᠩᠭᠡᠯᠢᠭ ᠪᠦᠰᠡᠭᠦᠢ ᠪᠠᠢᠳᠠᠭ ᠭᠡᠨᠡ᠃
ᠪᠠᠭᠠᠬᠠᠨ ᠪᠦᠰᠡᠭᠦᠢ ᠡᠪᠦᠭᠡᠨ ᠢ᠋
《 ᠴᠢ》 ᠭᠡᠵᠦ ᠳᠠᠭᠤᠳᠠᠳᠠᠭ ᠭᠡᠨᠡ᠃
ᠪᠠᠪᠠᠭᠠᠷ ᠡᠪᠦᠭᠡᠨ ᠪᠦᠰᠡᠭᠦᠢ ᠶ᠋ᠢ
ᠴᠢᠮᠡᠭ ᠭᠡᠵᠦ ᠰᠠᠨᠠᠳᠠᠭ ᠭᠡᠨᠡ᠃
ᠵᠢᠭᠠᠬᠠᠨ ᠲᠡᠷᠡ ᠪᠦᠰᠡᠭᠦᠢ
ᠴᠢᠮᠡᠭ ᠭᠡᠳᠡᠭ ᠨᠢ ᠴᠦ᠍ ᠶᠠᠭᠠᠬᠢᠬᠤᠪ
ᠵᠢᠷᠠ ᠬᠦᠷᠦᠭᠰᠡᠨ ᠡᠪᠦᠭᠡᠨ ᠢ᠋
《 ᠴᠢ》 ᠭᠡᠳᠡᠭ ᠯᠡ ᠬᠠᠴᠢᠨ ᠶᠤᠮ᠃
ᠨᠤᠲᠤᠭ ᠤ᠋ᠨ ᠬᠥᠮᠦᠨ ᠡᠴᠡ ᠰᠣᠨᠣᠰᠤᠭᠰᠠᠨ ᠢ᠋ᠶ᠋ᠠᠨ
ᠨᠢᠭᠤᠭᠠᠳ ᠶᠠᠭᠠᠬᠢᠬᠤᠪ ᠨᠥᠬᠥᠳ ᠮᠢᠨᠢ!
ᠡᠴᠢᠭᠡ ᠥᠬᠢᠨ ᠬᠣᠶᠠᠷ ᠪᠢᠰᠢ
ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠭᠡᠨᠡ᠃
ᠦᠰᠦᠨ ᠦ᠌ ᠥᠩᠭᠡ ᠪᠡᠷ ᠢᠯᠭᠠᠪᠠᠯ
ᠬᠠᠷᠠ ᠴᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠯᠭᠠᠭᠳᠠᠭᠰᠠᠨ
ᠦᠶᠡ ᠨᠠᠰᠤ ᠲᠣᠭᠠᠯᠠᠪᠠᠯ
ᠬᠠᠮᠢᠶᠠ ᠦᠭᠡᠢ ᠬᠡᠲᠦᠷᠡᠭᠡᠳ ᠶᠠᠪᠤᠴᠢᠬᠠᠭᠰᠠᠨ
ᠵᠣᠪᠠᠵᠤ ᠢᠴᠢᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ
ᠨᠠᠭᠠᠳᠤᠬᠢ ᠨᠢ ᠴᠦ᠍ ᠶᠠᠭᠠᠬᠢᠭᠰᠠᠨ ᠵᠠᠯᠠᠭᠤ ᠪᠣᠢ?
ᠵᠣᠪᠠᠯᠠᠩ ᠵᠥᠩᠳᠡᠭᠡᠨ ᠦᠵᠡᠭᠰᠡᠨ ᠬᠢᠷᠢᠨᠡ
ᠨᠠᠰᠤᠲᠠᠢ ᠨᠢ ᠴᠦ᠍ ᠪᠠᠰᠠ ᠶᠠᠭᠤ ᠪᠣᠢ ᠳᠠ?
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
2023᠂7᠂28 ᠤ᠋ ᠡᠳᠦᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ
2023᠂7᠂28 ᠤ᠋ ᠡᠳᠦᠷ