ᠨᠤᠲᠤᠭ - ᠶ · ᠮᠥᠩᠬᠡᠵᠢᠷᠭᠠᠯ Нутаг - Я · Мөнхжаргал
313ᠨᠤᠲᠤᠭ
ᠶ · ᠮᠥᠩᠬᠡᠵᠢᠷᠭᠠᠯ
ᠬᠥᠮᠦᠨ ᠢ᠋ᠶ᠋ᠡᠷ ᠴᠥᠭᠡᠨ ᠴᠦ᠍ ᠶᠣᠰᠣ ᠪᠠᠷ ᠲᠠᠩᠰᠤᠭ ᠤᠷᠠᠳ ᠲᠦᠮᠡᠨ ᠮᠢᠨᠢ
ᠬᠥᠯᠥᠨ ᠦ᠌ ᠬᠥᠪᠡᠭᠡᠨ ᠡᠴᠡ ᠮᠤᠨᠠ ᠶ᠋ᠢᠨ ᠡᠯᠢᠭᠡᠨ ᠳ᠋ᠦ᠍ ᠵᠣᠭᠰᠣᠭᠰᠠᠨ ᠪᠢᠯᠡ
ᠬᠥᠮᠦᠨ ᠢ᠋ᠶ᠋ᠡᠷ ᠴᠥᠭᠡᠨ ᠴᠦ᠍ ᠶᠠᠰᠤ ᠪᠠᠷ ᠬᠠᠲᠠᠭᠤ ᠤᠷᠠᠳ ᠲᠦᠮᠡᠨ ᠮᠢᠨᠢ
ᠬᠦᠢ ᠪᠡᠨ ᠮᠠᠨᠠᠵᠤ ᠬᠥᠯ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠭᠰᠠᠨ ᠪᠢᠯᠡ
ᠭᠤᠷᠪᠠᠨ ᠮᠢᠩᠭᠠᠨ ᠺᠢᠯᠣᠮᠧᠲ᠋ᠷ ᠭᠡᠵᠦ ᠠᠯᠤᠰ ᠤ᠋ᠨ ᠨᠢᠭᠡᠨ ᠨᠤᠲᠤᠭ ᠭᠡᠬᠦ ᠳ᠋ᠦ᠍
ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠵᠢᠯ ᠭᠡᠵᠦ ᠠᠶᠠᠨ ᠤ᠋ ᠠᠯᠲᠠᠨ ᠬᠠᠭᠤᠳᠠᠰᠤ ᠪᠤᠶᠤ
ᠭᠤᠷᠪᠠᠨ ᠳᠠᠢᠴᠢᠨ ᠠᠬᠠᠯᠠᠭᠴᠢ ᠭᠡᠵᠦ ᠠᠯᠮᠠᠰ ᠪᠠᠲᠤ ᠵᠣᠷᠢᠭᠲᠠᠨ ᠭᠡᠬᠦ ᠳ᠋ᠦ᠍
ᠭᠤᠷᠪᠠᠨ ᠤᠷᠠᠳ ᠤ᠋ᠨ ᠨᠤᠲᠤᠭ ᠭᠡᠵᠦ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠦ᠋ᠨ ᠡᠭᠡᠰᠢᠭᠯᠢᠭ ᠪᠤᠶᠤ
ᠠᠯᠳᠠᠭ ᠤᠨᠤᠭ ᠠᠮᠢᠳᠤᠷᠠᠯ ᠨᠢ ᠳᠥᠷᠥᠭᠡ ᠴᠢᠩᠭᠠᠯᠠᠭᠰᠠᠨ ᠳᠠᠪᠠᠭᠠ ᠭᠡᠬᠦ ᠳ᠋ᠦ᠍
ᠠᠯᠳᠠᠷᠠᠢ ᠰᠢᠨᠡᠬᠡᠨ ᠪᠠᠭᠤᠴᠠ ᠨᠢ ᠰᠦ ᠪᠡᠨ ᠢᠪᠢᠯᠦᠭᠰᠡᠨ ᠡᠵᠢ ᠪᠤᠶᠤ
ᠠᠷᠤ ᠥᠪᠥᠷ ᠲᠦᠮᠡᠨ ᠭᠡᠵᠦ ᠳᠡᠭᠡᠳᠦᠰ ᠨᠢᠭᠡᠲᠡᠢ ᠠᠬᠠᠨ ᠳᠡᠭᠦᠦ ᠭᠡᠬᠦ ᠳ᠋ᠦ᠍
ᠠᠯᠲᠠᠨ ᠬᠢᠯᠢ ᠪᠡᠨ ᠰᠠᠬᠢᠨᠠ ᠭᠡᠵᠦ ᠠᠮᠤᠭᠤᠯᠠᠩ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠪᠤᠶᠤ ᠁
ᠨᠣᠮᠢᠨ ᠨᠣᠭᠣᠭᠠᠨ ᠨᠤᠲᠤᠭ ᠮᠢᠨᠢ ᠡᠳᠦᠷᠵᠢᠨ ᠰᠠᠯᠬᠢᠯᠠᠬᠤ ᠨᠢ ᠬᠡᠴᠡᠭᠦᠦ ᠪᠠᠢᠨᠠ
ᠨᠣᠮᠣᠬᠠᠨ ᠰᠢᠯᠤᠭᠤᠨ ᠠᠷᠠᠳ ᠤ᠋ᠳ ᠮᠢᠨᠢ ᠨᠤᠲᠤᠭ ᠢ᠋ᠶ᠋ᠠᠨ ᠣᠷᠬᠢᠭᠠᠳ ᠬᠣᠲᠠᠵᠢᠵᠤ ᠪᠠᠢᠨᠠ
ᠨᠣᠶᠠᠨ ᠰᠠᠷᠢᠳᠠᠭ᠂ ᠬᠠᠨ ᠬᠠᠩᠭᠠᠢ᠂ ᠬᠥᠬᠥᠯ ᠵᠢᠯᠠᠭᠠ᠂ ᠭᠣᠪᠢ ᠨᠤᠭᠤᠳ ᠮᠢᠨᠢ ᠠ᠋
ᠨᠣᠭᠲᠣ ᠦᠭᠡᠢ᠂ ᠡᠵᠡᠨ ᠴᠦ᠍ ᠦᠭᠡᠢ᠂ ᠳᠡᠯᠲᠦ ᠰᠢᠪᠠᠭᠤ ᠶ᠋ᠢ ᠮᠢᠨᠢ ᠬᠠᠷᠠᠪᠠ ᠤᠤ᠂ ᠳᠠ!
ᠡᠷᠬᠡᠮᠰᠦᠭ ᠳᠠᠷᠬᠠᠨ ᠬᠠᠢᠷᠬᠠᠨ ᠮᠢᠨᠢ ᠡᠮᠡᠭᠡᠯ ᠲᠣᠬᠣᠰᠢᠨ ᠳ᠋ᠤ᠌ ᠡᠪᠭᠦᠢᠷᠬᠡᠨᠡ
ᠡᠩ ᠦᠭᠡᠢ ᠰᠢᠷᠭᠠᠯ ᠭᠣᠪᠢ ᠮᠢᠨᠢ ᠡᠯᠳᠡᠭᠦᠷ ᠮᠠᠯᠲᠠᠭᠤᠷ ᠲᠤ᠌ ᠰᠢᠨᠠᠯᠤᠨᠠ
ᠡᠴᠢᠭᠡ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠢ᠋ᠶ᠋ᠠᠨ ᠭᠡᠮᠡᠨ ᠦᠷᠡ ᠬᠡᠦᠬᠡᠳ ᠮᠢᠨᠢ ᠵᠣᠪᠠᠨᠢᠨᠠ
ᠡᠪ ᠢ᠋ ᠨᠢ ᠦᠵᠡᠭᠡᠳ ᠭᠠᠳᠠᠨᠠ ᠠ᠋ᠴᠠ ᠳᠣᠲᠣᠭᠰᠢ ᠲᠡᠨᠦᠭᠦᠯ ᠮᠠᠢᠮᠠᠢᠴᠢᠳ ᠴᠤᠪᠤᠷᠠᠨᠠ
ᠲᠠᠯᠠ ᠪᠠᠨ ᠲᠣᠣᠷᠯᠠᠭᠤᠯᠤᠭᠰᠠᠨ ᠮᠠᠯᠴᠢᠳ ᠲᠠᠭᠲᠤ ᠳ᠋ᠤ᠌ ᠰᠠᠭᠤᠭᠠᠳ ᠪᠠᠶᠠᠰᠤᠯᠴᠠᠨᠠ
ᠲᠠᠭᠲᠤ ᠳ᠋ᠤ᠌ ᠰᠠᠭᠤᠭᠰᠠᠨ ᠲᠡᠳᠡᠨᠦᠰ《 ᠶᠠᠰᠤᠨ ᠬᠡᠷᠡᠮ》 ᠳ᠋ᠦ᠍ ᠶᠠᠭᠠᠷᠠᠯᠳᠤᠨᠠ
ᠲᠠᠲᠠᠭᠤ ᠭᠠᠷ ᠲᠠᠢ ᠰᠢᠭ᠋ ᠦ᠋ᠳ ᠨᠢ ᠬᠣᠲᠠ ᠵᠡᠭᠡᠯᠢ ᠶ᠋ᠢ ᠴᠡᠪᠡᠷᠯᠡᠨᠡ
ᠳᠡᠷᠡᠰᠦᠨ ᠳ᠋ᠦ᠍ ᠲᠠᠯᠠ ᠲᠠᠢ ᠰᠢᠭ᠋ ᠦ᠋ᠳ ᠨᠢ ᠬᠣᠭᠣᠯᠠᠨ ᠭᠡᠷ ᠢ᠋ ᠪᠠᠶᠠᠰᠬᠠᠨᠠ
ᠠᠷᠠᠳ ᠨᠢ ᠴᠥᠭᠡᠨ ᠴᠦ᠍ ᠶᠠᠰᠤ ᠨᠢ ᠬᠠᠲᠠᠭᠤ ᠬᠠᠰᠠᠷ ᠤ᠋ᠨ ᠳᠠᠢᠴᠢᠨ ᠤᠳᠤᠮ ᠮᠢᠨᠢ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠮᠢᠨᠢ ᠬᠢᠮᠤᠷᠠᠭᠠ ᠲᠣᠰᠤᠭᠠᠳ ᠬᠠᠯᠠᠭᠤᠷᠠᠵᠤ ᠪᠠᠢᠨᠠ ᠰᠢᠦ
ᠠᠷᠠᠳ ᠨᠢ ᠴᠥᠭᠡᠨ ᠴᠦ᠍ ᠶᠣᠰᠣ ᠨᠢ ᠲᠠᠩᠰᠤᠭ ᠴᠡᠴᠡᠨ ᠤᠷᠠᠳ ᠲᠦᠮᠡᠨ ᠮᠢᠨᠢ ᠠ᠋
ᠠᠭᠢᠭᠠᠳ ᠪᠢᠳᠡ ᠬᠥᠯᠥᠨ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠯᠲᠠᠢ ᠪᠢᠰᠢ ᠭᠡᠳᠡᠭ ᠢᠶᠠᠨ ᠤᠬᠠᠭᠠᠷᠠᠭᠠᠷᠠᠢ!
ᠬᠠᠶᠢᠭ᠄ ᠤᠷᠠᠳ ᠤ᠋ᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ᠋ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠰᠤᠷᠭᠠᠭᠤᠯᠢ
※ᠢᠷᠡᠯᠲᠡ᠄ ᠲᠤᠷᠤᠭ ᠰᠠᠷᠠᠨᠠ( ᠬᠣᠣᠰ ᠰᠠᠷᠠ ᠶ᠋ᠢᠨ ᠰᠡᠳᠬᠦᠯ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ