ᠬᠠᠶ᠋ᠢᠷᠠᠯᠠᠶᠠ ᠥᠬᠢᠨ ᠴᠢᠨᠢ - ᠠᠨᠠᠷ Хайрлая охин чинь - Анар
272ᠬᠠᠶ᠋ᠢᠷᠠᠯᠠᠶᠠ ᠥᠬᠢᠨ ᠴᠢᠨᠢ
ᠠᠨᠠᠷ
ᠰᠠᠷᠠᠭᠤᠯ ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢᠲᠠᠨ ᠢ᠋ ᠡᠩᠬᠡ ᠶ᠋ᠢᠨ ᠢᠷᠦᠭᠡᠯ ᠡᠴᠡ ᠴᠦ᠍ ᠪᠤᠤ
ᠬᠣᠯᠠᠳᠤᠭᠠᠰᠠᠢ ᠭᠡᠵᠦ ᠳᠠᠭᠠᠳᠬᠠᠳᠠᠭ᠂ ᠪᠤᠷᠬᠠᠨ ᠤ᠋ ᠪᠦᠷᠢᠯᠸᠠ ᠡᠵᠢ ᠮᠢᠨᠢ
ᠨᠢᠭᠡ ᠨᠢ ᠰᠠᠨᠰᠠᠷ ᠲᠩᠷᠢ ᠶ᠋ᠢᠨ ᠣᠳᠣᠳ ᠢ᠋ ᠣᠯᠠᠨ ᠤ᠋ ᠵᠠᠶᠠᠭᠠᠨ ᠠ᠋ᠴᠠ ᠨᠢᠭᠡ ᠴᠦ᠍ ᠪᠤᠤ
ᠬᠠᠯᠢᠭᠠᠰᠠᠢ ᠭᠡᠵᠦ ᠵᠠᠯᠪᠠᠷᠢᠳᠠᠭ᠂ ᠠᠮᠢᠨ ᠤ᠋ ᠰᠠᠬᠢᠶᠠ ᠡᠵᠢ ᠮᠢᠨᠢ
ᠰᠠᠩ ᠤ᠋ᠨ ᠪᠣᠢᠫᠣᠷ ᠲᠤ᠌ ᠲᠦᠮᠡᠨ ᠦ᠌ ᠦᠷᠡ ᠶ᠋ᠢ ᠲᠠᠢᠪᠤᠩ
ᠪᠠᠢᠭᠠᠰᠠᠢ ᠭᠡᠵᠦ ᠰᠢᠪᠡᠨᠡᠭᠡ ᠪᠡᠷ ᠢᠶᠠᠨ ᠰᠥᠬᠥᠷᠡᠳᠡᠭ ᠡᠵᠢ ᠮᠢᠨᠢ
ᠰᠠᠭᠠᠯᠢ ᠶ᠋ᠢᠨ ᠳᠠᠯᠠᠢ ᠰᠦᠷᠦᠭ ᠮᠢᠨᠢ ᠵᠤᠵᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
ᠲᠣᠭᠲᠠᠭᠠᠰᠠᠢ ᠭᠡᠵᠦ ᠬᠤᠪᠢᠩ ᠲᠠᠢ ᠰᠦ ᠪᠡᠷ ᠢᠶᠠᠨ ᠬᠤᠷᠤᠢᠯᠠᠳᠠᠭ ᠡᠵᠢ ᠮᠢᠨᠢ
ᠡᠨᠡᠷᠢᠯᠲᠦ ᠡᠵᠢ ᠶ᠋ᠢᠨ ᠮᠢᠨᠢ ᠬᠠᠢᠷᠠ ᠰᠤᠷᠭᠠᠯ ᠬᠣᠶᠠᠷ ᠠᠭᠤᠯᠠ ᠪᠣᠯᠪᠠᠴᠤ
ᠵᠤᠯᠠᠢ ᠪᠠᠷ ᠢ᠋ᠶ᠋ᠠᠨ ᠳᠤᠰᠤᠶᠠ ᠥᠬᠢᠨ ᠴᠢᠨᠢ
ᠡᠭᠡᠯ ᠶᠠᠩᠵᠤ ᠪᠠᠷ ᠢ᠋ᠶ᠋ᠠᠨ ᠪᠤᠷᠤᠭᠤ ᠵᠥᠪ ᠬᠣᠶᠠᠷ ᠢ᠋ ᠨᠢᠭᠤᠯ ᠦᠭᠡᠢ
ᠴᠠᠢᠯᠭᠠᠨ ᠢ᠋ᠶ᠋ᠠᠷ ᠲᠤᠩᠭᠠᠵᠤ ᠶᠠᠪᠤᠶᠠ ᠥᠬᠢᠨ ᠴᠢᠨᠢ
ᠥᠩᠭᠡᠯᠢᠭ ᠽᠠᠨᠳᠠᠨ ᠡᠵᠢ ᠮᠢᠨᠢ ᠥᠨᠳᠡᠢᠬᠦ ᠬᠠᠷᠢᠭᠤ ᠦᠭᠡᠢ ᠥᠲᠡᠯᠦᠭᠰᠡᠨ ᠴᠦ᠍
ᠡᠪᠦᠷ ᠦ᠋ᠨ ᠰᠢᠭᠢᠳᠬᠡᠷ ᠥᠬᠢᠨ ᠴᠢᠨᠢ ᠨᠢᠯᠬᠠ ᠶ᠋ᠢᠨ ᠶᠣᠰᠣᠭᠠᠷ ᠬᠠᠢᠷᠠᠯᠠᠶᠠ ᠡᠵᠢ ᠮᠢᠨᠢ
ᠽᠠᠮᠪᠤᠲᠢᠪ ᠤ᠋ᠨ ᠵᠢᠷᠭᠤᠭᠠᠨ ᠵᠦᠢᠯ ᠦ᠋ᠨ ᠣᠴᠢ ᠥᠨᠳᠥᠷ ᠪᠠᠢᠭᠠᠰᠠᠢ ᠭᠡᠵᠦ
ᠨᠠᠷᠠᠨ ᠪᠤᠷᠬᠠᠨ ᠳ᠋ᠤ᠌ ᠪᠠᠨ ᠳᠠᠭᠠᠳᠬᠠᠳᠠᠭ ᠬᠡᠢᠮᠣᠷᠢ ᠶ᠋ᠢᠨ ᠰᠠᠩ ᠠᠪᠤ ᠮᠢᠨᠢ
ᠽᠠᠨᠳᠠᠨ ᠪᠣᠷᠣ ᠡᠷᠢᠭᠡ ᠪᠡᠨ ᠲᠣᠭᠠᠯᠠᠵᠤ ᠨᠠᠯᠠᠭᠠᠷ ᠪᠠᠶᠠᠨ ᠪᠠᠢᠭᠠᠰᠠᠢ ᠭᠡᠵᠦ
ᠨᠠᠮᠰᠠᠷᠠᠢ ᠪᠤᠷᠬᠠᠨ ᠳ᠋ᠤ᠌ ᠪᠠᠨ ᠳᠠᠭᠠᠳᠬᠠᠳᠠᠭ ᠪᠤᠶᠠᠨ ᠤ᠋ ᠢᠷᠦᠭᠡᠯ ᠠᠪᠤ ᠮᠢᠨᠢ᠃
ᠵᠢᠭᠠᠯᠬᠠᠨ ᠠᠯᠠᠭ ᠦᠷᠡᠰ ᠦ᠋ᠳ ᠢ᠋ ᠢᠯᠭᠠᠯ ᠦᠭᠡᠢ ᠬᠠᠢᠷᠠᠯᠠᠳᠠᠭ
ᠥᠮᠥᠭ ᠪᠣᠯᠤᠭᠰᠠᠨ ᠬᠥᠮᠦᠨ ᠦ᠌ ᠳᠡᠭᠡᠳᠦ ᠠᠪᠤ ᠮᠢᠨᠢ
ᠵᠠᠶᠠᠭᠠ ᠳᠦᠭᠦᠷᠡᠩ ᠭᠡᠷ ᠲᠡᠭᠡᠨ ᠳᠡᠯᠭᠡᠷ ᠠᠮᠢᠳᠤᠷᠠᠶᠠ ᠭᠡᠵᠦ
ᠵᠢᠳᠬᠦᠵᠦ ᠬᠦᠴᠦᠨ ᠲᠤᠯᠭᠠᠭᠤᠷᠢ ᠠᠪᠤ ᠮᠢᠨᠢ
ᠬᠠᠢᠷᠬᠠᠨ ᠪᠤᠭᠤᠷᠤᠯ ᠠᠪᠤ ᠶ᠋ᠢᠨ ᠮᠢᠨᠢ ᠪᠤᠶᠠᠨ ᠲᠦᠰᠢᠭ ᠬᠣᠶᠠᠷ ᠳᠠᠯᠠᠢ ᠪᠣᠯᠪᠠᠴᠤ
ᠡᠯᠢᠭᠡᠨ ᠳ᠋ᠡᠭᠡᠨ ᠰᠢᠩᠭᠡᠭᠡᠶᠡ ᠥᠬᠢᠨ ᠴᠢᠨᠢ
ᠬᠠᠨᠢᠰᠠᠬᠤ ᠶ᠋ᠢᠨ ᠲᠠᠪᠢᠯᠠᠩ ᠪᠦᠬᠦᠨ ᠲᠡᠢ ᠪᠡᠨ ᠬᠠᠷᠠᠮ ᠦᠭᠡᠢ
ᠬᠤᠪᠢᠶᠠᠯᠴᠠᠵᠤ ᠠᠮᠢᠳᠤᠷᠠᠶᠠ ᠥᠬᠢᠨ ᠴᠢᠨᠢ
ᠬᠠᠷᠴᠠᠭᠠᠢ ᠰᠢᠭ᠋ ᠡᠷᠡᠯᠬᠡᠭ ᠠᠪᠤ ᠮᠢᠨᠢ ᠰᠣᠷᠮᠤᠤᠰᠤ ᠨᠢ ᠴᠠᠢᠲᠠᠯᠠ ᠥᠲᠡᠯᠦᠭᠰᠡᠨ ᠴᠦ᠍
ᠬᠠᠢᠷᠠᠲᠤ ᠥᠬᠢᠨ ᠴᠢᠨᠢ ᠥᠰᠬᠦ ᠶ᠋ᠢᠨ ᠶᠣᠰᠣᠭᠠᠷ ᠠᠰᠠᠷᠠᠶᠠ ᠠᠪᠤ ᠮᠢᠨᠢ
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶ᠋ᠢᠨ ᠪᠦᠬᠦᠨ ᠢ᠋ ᠡᠩᠬᠡ ᠪᠠᠢᠬᠤ ᠶ᠋ᠢ ᠬᠦᠰᠡᠶᠡ
ᠠᠭᠤᠯᠠ ᠲᠦᠰᠢᠭ ᠠᠪᠤ ᠶ᠋ᠢᠨ ᠢᠶᠠᠨ ᠥᠨᠳᠥᠷ ᠨᠠᠰᠤᠯᠠᠬᠤ ᠶ᠋ᠢ ᠢᠷᠥᠭᠡᠶᠡ
ᠵᠠᠶᠠᠭᠠ ᠲᠠᠪᠢᠯᠠᠩ ᠬᠣᠶᠠᠷ ᠤ᠋ᠨ ᠲᠡᠭᠰᠢ ᠪᠠᠢᠬᠤ ᠶ᠋ᠢ ᠬᠦᠰᠡᠶᠡ
ᠵᠠᠵᠢᠨ ᠪᠤᠭᠤᠷᠤᠯ ᠡᠵᠢ ᠶ᠋ᠢᠨ ᠢᠶᠠᠨ ᠤᠷᠲᠤ ᠨᠠᠰᠤᠯᠠᠬᠤ ᠶ᠋ᠢ ᠢᠷᠥᠭᠡᠶᠡ
ᠬᠠᠢᠭ᠄ ᠤᠷᠠᠳ ᠤ᠋ᠨ ᠬᠣᠢᠲᠤ ᠬᠣᠰᠢᠭᠤ
※ ᠢᠷᠡᠯᠲᠡ᠄ ᠲᠤᠷᠤᠭ ᠰᠠᠷᠠᠨᠠ( ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠬᠣᠣᠰ ᠰᠠᠷᠠ ᠶ᠋ᠢᠨ ᠰᠡᠳᠬᠦᠯ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠤᠠᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ᠂ ᠭᠠᠷᠮᠠ᠂ ᠰᠡᠷᠭᠦᠯᠡᠩ᠂ ᠣᠤᠠᠬᠠᠨᠰᠣᠠ