ᠬᠣᠨᠢᠴᠢᠨ ᠬᠥᠮᠦᠨ ᠦ ᠨᠠᠷᠠ ᠬᠥᠯᠥᠰᠦ ᠲᠠᠢ ᠪᠠᠢᠳᠠᠭ ᠶᠤᠮ – ᠭᠣ ᠂ ᠪᠠᠳᠠᠷᠠᠩᠭᠤᠢ Хоньчин хүний нар хөлстай байдаг юм – Г ᠂ Бадрангуй
286ᠬᠣᠨᠢᠴᠢᠨ ᠬᠥᠮᠥᠨ ᠦ ᠨᠠᠷᠠ ᠬᠥᠯᠥᠰᠦ ᠲᠠᠢ ᠪᠠᠢᠳᠠᠭ ᠶᠤᠮ
ᠭᠣ · ᠪᠠᠳᠠᠷᠠᠩᠭᠤᠢ
ᠬᠣᠨᠢᠴᠢᠨ ᠬᠥᠮᠦᠨ ᠦ᠌ ᠨᠠᠷᠠ ᠬᠥᠯᠥᠰᠥ ᠲᠡᠢ ᠪᠠᠢᠳᠠᠭ ᠶᠤᠮ
ᠬᠣᠨᠢᠳ ᠨᠢ ᠲᠡᠭᠡᠬᠦ ᠳ᠋ᠦ᠍ ᠲᠠᠷᠭᠤ ᠲᠠᠢ ᠪᠠᠢᠳᠠᠭ ᠶᠤᠮ
ᠬᠡᠨ ᠳ᠋ᠦ᠍ ᠴᠦ᠍ ᠶᠠᠷᠢᠭᠠ ᠦᠭᠡᠢ ᠦᠭᠡ ᠪᠡᠨ
ᠨᠠᠷᠠᠨ ᠳ᠋ᠤ᠌ ᠪᠠᠨ ᠰᠢᠪᠡᠨᠡᠵᠦ ᠠᠯᠬᠤᠯᠠᠳᠠᠭ
ᠬᠥᠭᠡᠷᠦᠬᠦᠢ ᠲᠡᠷᠡ ᠬᠥᠮᠦᠨ ᠦ᠌
ᠨᠠᠷᠠ ᠨᠢ ᠬᠥᠯᠥᠰᠥ ᠲᠡᠢ ᠪᠠᠢᠳᠠᠭ ᠶᠤᠮ
ᠠᠯᠢᠪᠠ ᠪᠠᠨ ᠬᠥᠳᠡᠯᠮᠦᠷᠢ ᠪᠡᠷ ᠢᠨᠢᠶᠡᠯᠭᠡᠵᠦ
ᠠᠯᠢ ᠰᠠᠢᠬᠠᠨ ᠢ᠋ᠶ᠋ᠠᠨ ᠬᠥᠯᠥᠰᠥ ᠪᠡᠷ ᠤᠮᠳᠠᠯᠠᠭᠰᠠᠨ
ᠠᠪᠴᠤ ᠶᠠᠪᠤᠳᠠᠭ ᠭᠠᠭᠴᠠᠬᠠᠨ ᠨᠠᠷᠠ ᠲᠠᠢ ᠴᠦ᠍
ᠣᠯᠵᠤ ᠢᠷᠡᠳᠡᠭ ᠲᠦᠮᠡᠨ ᠠᠯᠳᠠᠷ ᠲᠠᠢ
ᠬᠣᠨᠢᠴᠢᠨ ᠬᠥᠮᠦᠨ ᠦ᠌ ᠨᠠᠷᠠ ᠬᠥᠯᠥᠰᠥ ᠲᠡᠢ ᠪᠠᠢᠳᠠᠭ ᠶᠤᠮ
ᠬᠣᠨᠢᠨ ᠤ᠋ ᠬᠢᠨᠢ ᠪᠡᠯᠴᠢᠭᠡᠷ ᠢ᠋ᠶ᠋ᠡᠷ ᠬᠡᠵᠢᠶᠡᠳᠡ ᠤᠷᠤᠰᠳᠠᠭ ᠶᠤᠮ
ᠪᠡᠯᠴᠢᠭᠡᠷ ᠦ᠋ᠨ ᠵᠠᠬᠠ ᠠ᠋ᠴᠠ ᠨᠠᠷᠠ ᠲᠡᠭᠦᠵᠦ
ᠡᠪᠡᠰᠦᠨ ᠡᠴᠡ ᠣᠯᠠᠨ ᠲᠤᠷᠰᠢᠯᠭᠠ ᠨᠣᠣᠷᠠᠭᠯᠠᠵᠤ
ᠡᠳᠦᠷᠵᠢᠨ ᠨᠠᠷᠠᠨ ᠤ᠋ ᠳᠣᠣᠷᠠ
ᠥᠲᠡᠯᠲᠡᠯᠡ ᠪᠡᠨ ᠨᠠᠷᠠᠨ ᠤ᠋ ᠳᠣᠣᠷᠠ
ᠬᠣᠨᠢᠴᠢᠨ ᠬᠥᠮᠦᠨ ᠶᠠᠪᠤᠳᠠᠭ ᠪᠣᠯᠬᠣᠷ
ᠨᠠᠷᠠᠨ ᠨᠢ ᠲᠡᠭᠡᠵᠦ ᠯᠡ ᠢᠨᠢᠶᠡᠳᠡᠭ ᠪᠠᠢᠵᠤ ᠰᠢᠦ
ᠨᠠᠭᠠᠨᠠ ᠨᠢ ᠢᠩᠭᠢᠵᠦ ᠯᠡ ᠪᠠᠶᠠᠷᠯᠠᠳᠠᠭ ᠪᠠᠢᠵᠠᠢ
ᠠᠯᠢᠪᠠ ᠨᠢ ᠬᠤᠪᠢᠷᠠᠵᠤ ᠠᠳᠤᠭᠤᠳ ᠨᠢ ᠴᠥᠭᠡᠬᠡᠷᠡᠭᠰᠡᠨ ᠴᠦ᠍
ᠠᠢ᠂ ᠬᠥᠭᠡᠷᠦᠬᠦᠢ! ᠨᠤᠲᠤᠭ ᠤ᠋ᠨ ᠮᠢᠨᠢ
ᠬᠣᠨᠢᠴᠢᠨ ᠨᠢ ᠬᠤᠪᠢᠷᠠᠭᠠ ᠦᠭᠡᠢ
ᠬᠣᠢᠮᠣᠷ ᠲᠤᠨᠢ ᠭᠡᠷᠡᠯᠲᠦᠭᠰᠡᠨ
ᠬᠥᠯᠥᠰᠥ ᠲᠡᠢ ᠨᠠᠷᠠ ᠨᠢ ᠴᠦ᠍ ᠤᠨᠠᠭᠠ ᠦᠭᠡᠢ
ᠬᠣᠨᠢ ᠪᠠᠨ ᠲᠠᠭᠤᠵᠤ ᠨᠠᠷᠠ ᠪᠠᠨ ᠬᠥᠲᠥᠯᠦᠭᠰᠡᠨ
ᠬᠣᠨᠢᠴᠢᠨ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ
ᠬᠣᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠳᠠᠢᠰᠢ
ᠬᠣᠯᠠ ᠶ᠋ᠢᠨ ᠶᠡᠬᠡ ᠮᠠᠷᠭᠠᠰᠢ ᠳᠠᠢᠰᠢ
ᠬᠥᠯᠥᠰᠥ ᠲᠡᠢ ᠪᠠᠢᠳᠠᠭ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠤᠠᠬᠠᠨᠰᠣᠠ