ᠰᠣᠶᠣᠯ ᠤᠨ ᠴᠡᠴᠡᠭᠯᠡᠯ - ᠣᠴᠢᠨᠭᠠᠯ Соёлын цэцэглэл – Очингал
263ᠰᠣᠶᠣᠯ ᠤᠨ ᠴᠡᠴᠡᠭᠯᠡᠯ
ᠣᠴᠢᠨᠭᠠᠯ
ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠰᠠᠭᠠᠳᠠᠭᠠᠳ
ᠵᠢᠷᠦᠬᠡᠨ ᠦ᠌ ᠲᠠᠮᠢᠷ ᠢ᠋ᠶ᠋ᠠᠨ ᠴᠡᠨᠡᠭᠯᠡᠭᠡᠳ ᠠᠪᠤᠯᠠ
ᠵᠢᠭᠠᠯ ᠪᠠᠭᠠ ᠶ᠋ᠢᠨ ᠨᠠᠰᠤᠨ ᠤ᠋ ᠳᠤᠷᠠᠰᠤᠮᠵᠢ ᠪᠠᠨ ᠵᠡᠭᠦᠳᠦᠯᠡᠭᠡᠳ
ᠰᠡᠷᠡᠭᠰᠡᠨ ᠰᠢᠭ ᠰᠠᠢᠬᠠᠨ ᠰᠠᠨᠠᠭᠳᠠᠯᠠ
ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠡᠵᠡᠮᠰᠢᠭᠰᠡᠨ ᠦᠭᠡᠢ ᠰᠣᠶᠣᠯ ᠳ᠋ᠠᠭᠠᠨ ᠬᠠᠷᠠᠮᠰᠠᠨ ᠭᠤᠲᠤᠵᠤ
ᠪᠡᠶᠡ ᠪᠡᠨ ᠪᠤᠷᠤᠭᠤᠳᠬᠠᠨ ᠪᠢᠴᠢᠭ ᠢ᠋ᠶ᠋ᠡᠷ ᠪᠠᠬᠠᠷᠬᠠᠯᠠ
ᠪᠣᠰᠤᠭᠠ ᠦᠰᠦᠭ ᠭᠡᠳᠡᠭ ᠶᠠᠮᠠᠷ ᠰᠠᠢᠬᠠᠨ ᠬᠡᠢᠮᠣᠷᠢᠯᠢᠭ᠋ ᠪᠣᠢ
ᠡᠬᠡ ᠬᠡᠯᠡ ᠭᠡᠳᠡᠭ ᠶᠠᠮᠠᠷ ᠰᠠᠢᠬᠠᠨ ᠤᠶᠠᠩᠭᠠᠯᠢᠭ ᠪᠣᠢ
ᠰᠣᠶᠣᠯ ᠪᠢᠴᠢᠭ ᠭᠡᠳᠡᠭ ᠶᠠᠮᠠᠷ ᠰᠠᠢᠬᠠᠨ ᠬᠦᠨᠡᠰᠦ ᠪᠣᠢ
ᠮᠣᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠴᠡᠭᠡᠵᠢᠯᠡᠭᠰᠡᠨ ᠰᠣᠶᠣᠯ ᠢ᠋ᠶ᠋ᠠᠨ ᠪᠠᠶᠠᠯᠢᠭᠵᠢᠭᠤᠯᠵᠤ
ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠰᠠᠩ ᠢ᠋ᠶ᠋ᠠᠨ ᠠᠰᠠᠭᠠᠵᠤ
ᠮᠣᠯᠣᠷ ᠡᠷᠳᠡᠨᠢ ᠶ᠋ᠢᠨ ᠰᠣᠶᠣᠯ ᠳᠡᠯᠭᠡᠷᠡᠬᠦ ᠰᠠᠢᠬᠠᠨ
ᠵᠥᠪ ᠪᠡᠯᠡᠳᠬᠡᠯ᠂ ᠰᠢᠯᠢᠳᠡᠭ ᠪᠢᠴᠢᠯᠭᠡ᠂ ᠠᠮᠢᠳᠤ ᠦᠰᠦᠭ ᠭᠡᠳ
ᠠᠩᠭᠢ ᠲᠠᠪᠰᠢᠬᠤ ᠰᠠᠢᠬᠠᠨ
ᠠ᠂ ᠠ᠋᠂ ᠢ ᠶ᠋ᠢᠨ ᠴᠠᠭᠠᠨ ᠲᠣᠯᠣᠭᠠᠢ ᠠᠮᠢᠯᠠᠨ ᠳᠡᠯᠭᠡᠷᠡᠭᠡᠳ
ᠨᠣᠮ ᠤ᠋ᠨ ᠴᠠᠭᠠᠨ ᠪᠤᠶᠠᠨ ᠢᠪᠡᠭᠡᠨ ᠲᠡᠳᠬᠦᠬᠦ ᠰᠠᠢᠬᠠᠨ
ᠣᠳᠬᠠᠨᠰᠣ ᠠ᠋ ᠪᠠᠭᠰᠢ ᠠ᠋ᠴᠠ
ᠣᠪᠣᠭᠠ ᠪᠤᠰᠬᠠᠭᠰᠠᠨ ᠨᠣᠮ ᠤ᠋ᠨ ᠱᠠᠲᠤ ᠳᠡᠯᠭᠡᠭᠳᠡᠨᠡ
ᠮᠧᠢ ᠷᠦᠩ ᠪᠠᠭᠰᠢ ᠠ᠋ᠴᠠ
ᠮᠡᠳᠡᠯᠭᠡ ᠶ᠋ᠢᠨ ᠰᠠᠢᠬᠠᠨ ᠱᠠᠩ ᠬᠦᠷᠲᠡᠭᠡᠨᠡ
ᠡᠩᠬᠡ ᠪᠠᠭᠰᠢ ᠠ᠋ᠴᠠ
ᠡᠷᠳᠡᠮ ᠦ᠋ᠨ ᠰᠠᠢᠬᠠᠨ ᠪᠤᠶᠠᠨ ᠢᠪᠡᠭᠡᠨᠡ
ᠴᠣᠭᠵᠢᠯᠮᠠ ᠪᠠᠭᠰᠢ ᠠ᠋ᠴᠠ
ᠴᠣᠭ ᠵᠢᠪᠬᠤᠭᠠᠯᠢᠭ ᠤ᠋ᠨ ᠬᠠᠢᠷᠠ ᠢᠪᠢᠯᠦᠨᠡ
ᠭᠠᠩᠪᠣᠯᠣᠳ ᠪᠠᠭᠰᠢ ᠠ᠋ᠴᠠ
ᠭᠠᠢᠬᠠᠮᠰᠢᠭᠲᠤ ᠦᠢᠯᠡᠰ ᠦ᠋ᠨ ᠪᠠᠬᠠᠷᠬᠠᠯ ᠴᠤᠤᠷᠢᠶᠠᠳᠠᠨᠠ
ᠰᠣᠷᠢᠯᠲᠠ ᠪᠠᠨ ᠪᠣᠯᠪᠠᠰᠤᠷᠠᠳᠠᠭ ᠬᠠᠮᠲᠤ ᠰᠤᠷᠤᠯᠭᠠᠲᠠᠨ ᠠ᠋ᠴᠠ
ᠰᠣᠶᠣᠯ ᠤ᠋ᠨ ᠰᠢᠮᠡ ᠶ᠋ᠢᠨ ᠴᠡᠴᠡᠭ ᠦᠨᠦᠷᠲᠦᠨᠡ
ᠡᠷᠳᠡᠮᠲᠡᠨ ᠮᠡᠷᠭᠡᠳ ᠪᠠᠭᠰᠢ ᠨᠠᠷ ᠤ᠋ᠨ
ᠡᠷᠳᠡᠮ ᠦ᠋ᠨ ᠰᠠᠢᠬᠠᠨ ᠨᠠᠢᠷᠠᠭ ᠨᠢ ᠳᠠᠪᠠᠷᠠᠨᠠ
ᠡᠢᠮᠦ ᠯᠡ ᠰᠠᠢᠬᠠᠨ ᠮᠣᠩᠭᠣᠯ ᠰᠣᠶᠣᠯ ᠤ᠋ᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠪᠠᠢᠬᠤ ᠪᠠᠷ ᠢ᠋ᠶ᠋ᠠᠨ ᠪᠢ
ᠰᠣᠶᠣᠯ ᠤ᠋ᠨ ᠴᠡᠴᠡᠭᠯᠡᠯ ᠲᠡᠢ ᠭᠡᠭᠡᠨ ᠦᠢᠯᠡᠰ ᠦ᠋ᠨ ᠮᠥᠷ ᠢ᠋ᠶ᠋ᠡᠷ ᠭᠢᠯᠠᠷᠠᠭᠤᠯᠤᠨ ᠬᠠᠢᠷᠠᠯᠠᠭᠳᠠᠨᠠ
ᠪᠣᠰᠤᠭᠠ ᠮᠣᠩᠭᠣᠯ ᠪᠢᠴᠢᠭ ᠭᠡᠳᠡᠭ ᠶᠠᠮᠠᠷ ᠰᠠᠢᠬᠠᠨ ᠬᠡᠢᠮᠣᠷᠢᠯᠢᠭ᠋ ᠪᠣᠢ
ᠡᠬᠡ ᠬᠡᠯᠡ ᠭᠡᠳᠡᠭ ᠶᠠᠮᠠᠷ ᠰᠠᠢᠬᠠᠨ ᠤᠶᠠᠩᠭᠠᠯᠢᠭ ᠪᠣᠢ
ᠪᠢᠴᠢᠭ ᠰᠣᠶᠣᠯ ᠭᠡᠳᠡᠭ ᠶᠠᠮᠠᠷ ᠰᠠᠢᠬᠠᠨ ᠬᠦᠨᠡᠰᠦ ᠪᠣᠢ
ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠯᠠᠯᠠ
ᠲᠠᠯᠠᠷᠬᠠᠯᠠ᠂ ᠲᠠᠯᠠᠷᠬᠠᠯᠠ᠂ ᠲᠠᠯᠠᠷᠬᠠᠯᠠ
2023.07.18
ᠰᠡᠷᠬᠡ ᠶ᠋ᠢᠨ ᠭᠣᠣᠯ ᠳ᠋ᠤ᠌
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣ ᠠ᠋