ᠴᠢ ᠬᠡᠨ ᠪᠠᠢᠭᠰᠠᠨ ᠪᠣᠢ - ᠷ ᠂ ᠴᠣᠢᠨᠣᠮ Чи хэн байсан бэ – Р ᠂ Чойном
272ᠴᠢ ᠬᠡᠨ ᠪᠠᠢᠭᠰᠠᠨ ᠪᠣᠢ
ᠨᠠᠢᠵᠠ ᠮᠢᠨᠢ ᠠ᠋! ᠴᠢ ᠬᠡᠨ ᠪᠠᠢᠭᠰᠠᠨ ᠪᠣᠢ?
ᠨᠠᠭᠠᠳᠴᠤ ᠨᠠᠭᠠᠯᠳᠤᠵᠤ ᠶᠠᠪᠤᠭᠰᠠᠨ ᠠ᠋ᠴᠠ ᠥᠭᠡᠷᠡ ᠶ᠋ᠢ ᠴᠢᠨᠢ ᠲᠠᠨᠢᠭᠰᠠᠨ ᠦᠭᠡᠢ
ᠨᠠᠰᠤ ᠰᠡᠭᠦᠳᠡᠷ ᠬᠢᠭᠡᠳ ᠪᠣᠳᠣᠯ ᠢ᠋ ᠴᠢᠨᠢ ᠮᠡᠳᠡᠭᠰᠡᠨ ᠦᠭᠡᠢ
ᠨᠠᠮᠤᠷ ᠤ᠋ᠨ ᠭᠤᠷᠪᠠᠨ ᠰᠠᠷᠠ ᠳ᠋ᠠᠭᠠᠨ ᠰᠤᠷᠠᠭᠯᠠᠭᠠᠳ ᠣᠯᠤᠭᠰᠠᠨ ᠦᠭᠡᠢ
ᠳᠠᠭᠤ ᠠᠯᠳᠠᠭᠰᠠᠨ ᠢᠨᠢᠶᠡᠳᠦ ᠴᠢᠨᠢ ᠰᠢᠯ ᠦ᠋ᠨ ᠬᠤᠨᠳᠠᠭᠠᠨ ᠤ᠋ ᠠᠪᠢᠶᠠ ᠶᠤᠮᠰᠠᠨ ᠤᠤ
ᠳᠤᠷᠠᠯᠠᠯ ᠤ᠋ᠨ ᠲᠤᠬᠠᠢ ᠶᠠᠷᠢᠶᠠ ᠴᠢᠨᠢ ᠰᠢᠳᠢᠲᠦ ᠰᠥᠨᠢ ᠶ᠋ᠢᠨ ᠦᠯᠢᠭᠡᠷ ᠶᠤᠮᠰᠠᠨ ᠤᠤ
ᠲᠤᠩ ᠴᠠᠭᠠᠨ ᠪᠡᠶᠡ ᠴᠢᠨᠢ ᠠᠮᠢᠳᠤ ᠦᠢᠯᠡᠳᠪᠦᠷᠢ ᠶ᠋ᠢᠨ ᠫᠸᠴᠤᠷᠢᠨ ᠶᠤᠮᠰᠠᠨ ᠤᠤ
ᠳᠤᠲᠠᠭᠤᠬᠠᠨ ᠳᠠᠰᠢᠭᠰᠠᠨ ᠲᠡᠰᠦᠯᠲᠡ ᠮᠠᠨᠢ ᠠᠮᠢᠳᠤᠷᠠᠯ ᠤ᠋ᠨ ᠲᠠᠢᠵᠠᠨ ᠤ᠋ ᠵᠦᠴᠦᠭᠡ ᠶᠤᠮᠰᠠᠨ ᠤᠤ
ᠨᠠᠭᠠᠯᠢᠩᠬᠠᠢ ᠬᠣᠶᠠᠷ ᠨᠢᠳᠦ ᠶ᠋ᠢ ᠴᠢᠨᠢ ᠬᠠᠷᠠᠶᠠ ᠳᠠ ᠭᠡᠰᠡᠨ ᠴᠢᠨᠢ
ᠨᠠᠷᠠᠨ ᠤ᠋ ᠪᠠᠷᠠᠭᠠᠨ ᠰᠢᠯ ᠬᠠᠯᠠᠭᠯᠠᠭᠠᠳ ᠪᠣᠯᠤᠭᠰᠠᠨ ᠦᠭᠡᠢ
ᠨᠠᠪᠴᠢᠨ ᠬᠣᠶᠠᠷ ᠤᠷᠤᠭᠤᠯ ᠢ᠋ ᠴᠢᠨᠢ ᠠᠮᠲᠠᠯᠠᠶᠠ ᠳᠠ ᠭᠡᠰᠡᠨ ᠴᠢᠨᠢ
ᠨᠠᠷᠠᠨ ᠰᠢᠩᠭᠡᠬᠦ ᠵᠦᠭ ᠦ᠋ᠨ ᠪᠣᠳᠣᠭ ᠠᠮᠲᠠᠭᠳᠠᠭᠠᠳ ᠰᠠᠯᠤᠭᠰᠠᠨ ᠦᠭᠡᠢ
ᠴᠢᠬᠠᠷᠠᠭᠰᠠᠨ ᠬᠥᠯᠥᠰᠥ ᠶ᠋ᠢ ᠴᠢᠨᠢ ᠦᠨᠦᠷᠯᠡᠶᠡ ᠳᠡ ᠭᠡᠰᠡᠨ ᠴᠢᠨᠢ
ᠴᠢᠴᠧ ᠶ᠋ᠢᠨ ᠦᠨᠦᠷ᠂ ᠣᠷᠣᠰ ᠲᠣᠬᠢᠲᠠᠢ ᠬᠠᠩᠬᠤᠯᠤᠭᠠᠳ ᠪᠣᠯᠤᠭᠰᠠᠨ ᠦᠭᠡᠢ
ᠴᠢᠩ ᠰᠡᠳᠬᠢᠯ ᠦ᠋ᠨ ᠦᠭᠡ ᠶ᠋ᠢ ᠴᠢᠨᠢ ᠰᠣᠨᠣᠰᠤᠶᠠ ᠳᠠ ᠭᠡᠰᠡᠨ ᠴᠢᠨᠢ
ᠴᠢᠮᠡᠳ ᠳᠠᠷᠪᠠ ᠬᠣᠶᠠᠷ ᠤ᠋ᠨ ᠰᠢᠯᠦᠭ ᠰᠣᠨᠣᠰᠳᠠᠭᠠᠳ ᠪᠣᠯᠤᠭᠰᠠᠨ ᠦᠭᠡᠢ᠃
*《 ᠨᠠᠢᠵᠠ ᠮᠢᠨᠢ ᠠ᠋! ᠴᠢ ᠬᠡᠨ ᠪᠠᠢᠭᠰᠠᠨ ᠪᠣᠢ?》 ᠭᠡᠰᠡᠨ ᠭᠠᠷᠴᠠᠭ ᠲᠠᠢ ᠪᠠᠷ《 ᠬᠣᠨᠣᠴᠠ ᠶ᠋ᠢᠨ ᠬᠡᠦᠬᠡᠳ》 ᠨᠣᠮ ᠳ᠋ᠤ᠌ ᠪᠣᠢ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣ ᠠ᠋