ᠡᠷᠡᠭᠦᠯ ᠮᠡᠨᠳᠦ ᠮᠢᠨᠢ ᠵᠣᠭᠰᠣᠯᠲᠠ ᠦᠭᠡᠢ - ᠷ ᠂ ᠴᠣᠢᠨᠣᠮ Эрүүл мэнд минь зогсолтгүй – Р ᠂ Чойном
259ᠡᠷᠡᠭᠦᠯ ᠮᠡᠨᠳᠦ ᠮᠢᠨᠢ ᠵᠣᠭᠰᠣᠯᠲᠠ ᠦᠭᠡᠢ
ᠡᠷᠡᠭᠦᠯ ᠮᠡᠨᠳᠦ ᠮᠢᠨᠢ ᠵᠣᠭᠰᠣᠯᠲᠠ ᠦᠭᠡᠢ
ᠡᠯᠡᠰᠦᠨ ᠦ᠌ ᠰᠢᠷᠬᠡᠭ ᠰᠢᠭ ᠨᠤᠷᠠᠭᠰᠠᠭᠠᠷ ᠪᠠᠢᠨᠠ
ᠠᠮᠢᠳᠤᠷᠠᠯ ᠤ᠋ᠨ ᠵᠠᠮ ᠡᠳᠦᠷ ᠡᠴᠡ ᠡᠳᠦᠷ ᠲᠦ᠍
ᠠᠯᠬᠤᠮ ᠭᠢᠰᠬᠢᠮ ᠢ᠋ᠶ᠋ᠡᠷ ᠠᠭᠰᠢᠭᠰᠠᠭᠠᠷ ᠪᠠᠢᠨᠠ᠃
ᠬᠤᠭᠤᠴᠠᠭᠠᠲᠤ ᠴᠠᠭ ᠤ᠋ᠨ ᠬᠠᠲᠠᠭᠤ ᠪᠤᠭᠤᠢᠯᠢ
ᠭᠣᠭᠴᠣᠭᠠ ᠨᠢ ᠤᠯᠠᠮ ᠴᠢᠩᠭᠠᠷᠠᠭᠰᠠᠭᠠᠷ ᠪᠠᠢᠨᠠ
ᠬᠤᠪᠢ ᠶ᠋ᠢᠨ ᠬᠣᠷᠸᠠ ᠲᠡᠭᠦᠰᠬᠡᠯ ᠤᠷᠤᠭᠤ ᠪᠠᠨ
ᠬᠤᠷᠳᠤᠯᠠᠵᠤ ᠤᠯᠠᠮ ᠬᠡᠯᠲᠡᠢᠭᠰᠡᠭᠡᠷ ᠪᠠᠢᠨᠠ᠃
ᠶᠠᠭᠠᠷᠠᠤᠬᠠᠨ ᠴᠠᠭ ᠤ᠋ᠨ ᠵᠠᠭᠤᠯᠲᠠᠲᠠᠢ ᠬᠥᠮᠦᠰ
ᠶᠠᠳᠠᠷᠠᠬᠤ ᠶ᠋ᠢ ᠮᠢᠨᠢ ᠬᠠᠷᠠᠨ ᠪᠠᠶᠠᠰᠤᠭᠰᠠᠭᠠᠷ ᠪᠠᠢᠨᠠ
ᠶᠠᠭᠠᠮᠠᠢ ᠳᠠᠰᠢᠭᠰᠠᠨ ᠳᠣᠲᠣᠨᠣ ᠶ᠋ᠢᠨ ᠨᠥᠬᠥᠳ
ᠶᠠᠭᠠᠬᠢᠶᠠ ᠳᠠ ᠭᠡᠮᠡᠨ ᠲᠦᠭᠰᠢᠭᠰᠡᠭᠡᠷ ᠪᠠᠢᠨᠠ᠃
ᠳᠠᠷᠬᠠᠨ ᠬᠠᠤᠯᠢ ᠲᠠᠢ ᠪᠤᠷᠬᠠᠨ ᠪᠠᠢᠭᠠᠯᠢ ᠶ᠋ᠢ
ᠳᠠᠪᠠᠬᠤ ᠦᠭᠡᠢ᠂ ᠳᠠᠭᠠᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ᠴᠦ᠍
ᠳᠠᠢᠰᠤᠨ ᠢ᠋ ᠢᠨᠢᠶᠡᠯᠭᠡᠵᠦ ᠨᠥᠬᠥᠳ ᠢ᠋ ᠣᠬᠢᠯᠠᠭᠤᠯᠵᠤ
ᠳᠠᠯᠳᠢᠷᠠᠬᠤ ᠴᠠᠭ ᠮᠢᠨᠢ ᠪᠠᠰᠠ ᠴᠤ᠌ ᠪᠣᠯᠤᠭᠠ ᠦᠭᠡᠢ!
ᠠᠮᠠᠨ ᠳ᠋ᠤ᠌ ᠬᠢᠭᠰᠡᠨ ᠬᠣᠭᠣᠯᠠ ᠪᠦᠬᠦᠨ ᠬᠠᠲᠠᠭᠤᠳᠠᠵᠤ
ᠠᠶᠠᠭᠠᠨ ᠳ᠋ᠤ᠌ ᠬᠢᠭᠰᠡᠨ ᠳᠠᠷᠠᠰᠤ ᠪᠦᠬᠦᠨ ᠭᠠᠰᠢᠭᠤᠳᠠᠵᠤ
ᠠᠪᠤᠭᠠᠳ ᠤᠩᠰᠢᠭᠰᠠᠨ ᠨᠣᠮ ᠪᠦᠬᠦᠨ ᠬᠦᠨᠳᠦᠳᠡᠵᠦ
ᠲᠡᠷᠡ ᠴᠠᠭ ᠲᠤ᠌ ᠪᠢ ᠥᠪᠡᠷ ᠢ᠋ᠶ᠋ᠡᠷ ᠶᠠᠪᠤᠨᠠ᠃
ᠪᠡᠭᠡᠷᠡᠭᠰᠡᠨ ᠢᠯᠠᠭᠠ ᠰᠢᠭ᠋ ᠴᠣᠩᠬᠣᠨ ᠤ᠋ ᠨᠠᠷᠠ ᠪᠠᠷᠠᠳᠠᠵᠤ
ᠪᠡᠯᠡᠨ ᠬᠤᠪᠴᠠᠰᠤᠨ ᠤ᠋ ᠳ᠋ᠤᠭᠠᠷ ᠪᠦᠬᠦᠨ ᠲᠣᠮᠣᠳᠠᠵᠤ
ᠪᠡᠬᠡ ᠴᠠᠭᠠᠰᠤ ᠦᠵᠦᠭ ᠭᠤᠷᠪᠠ ᠠᠬᠠᠳᠠᠵᠤ
ᠲᠡᠷᠡ ᠴᠠᠭ ᠲᠤ᠌ ᠪᠢ ᠥᠪᠡᠷ ᠢ᠋ᠶ᠋ᠡᠷ ᠶᠠᠪᠤᠨᠠ᠃
ᠲᠡᠩᠬᠡᠭᠡ ᠰᠤᠯᠠᠷᠠᠭᠰᠠᠨ ᠠᠷᠪᠠᠨ ᠬᠤᠷᠤᠭᠤ
ᠲᠡᠮᠡᠴᠡᠯ ᠦ᠋ᠨ ᠵᠠᠪᠰᠠᠩ ᠦᠵᠦᠭ ᠢ᠋ᠶ᠋ᠡᠷ ᠣᠷᠬᠢᠬᠤ ᠳ᠋ᠤ᠌
ᠳᠠᠢᠰᠤᠨ ᠰᠥᠭᠥᠳᠴᠦ᠂ ᠨᠥᠬᠥᠳ ᠥᠨᠳᠡᠢᠬᠦ
ᠳᠠᠷᠬᠠᠨ ᠪᠦᠲᠦᠭᠡᠯ ᠮᠢᠨᠢ ᠦᠯᠡᠳᠡᠬᠦ ᠪᠣᠯᠤᠨᠠ᠃
1975.11
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ