ᠬᠠᠪᠤᠷ ᠤᠨ ᠦᠳᠡᠰᠢ ᠶᠢᠨ ᠳᠠᠭᠤᠤ - ᠷ ᠂ ᠴᠣᠢᠨᠣᠮ Хаврын үдшийн дуу – Р ᠂ Чойном
311ᠬᠠᠪᠤᠷ ᠤᠨ ᠦᠳᠡᠰᠢ ᠶᠢᠨ ᠳᠠᠭᠤᠤ
ᠤᠷᠢᠳᠤ ᠶ᠋ᠢᠨ ᠢᠷᠦᠭᠡᠯ ᠢ᠋ᠶ᠋ᠡᠷ ᠤᠴᠠᠷᠠᠭᠰᠠᠨ ᠶᠤᠮᠰᠠᠨ
ᠠᠭᠤᠯᠵᠠᠬᠤ ᠶ᠋ᠢᠨ ᠲᠠᠪᠢᠯᠠᠩ ᠢ᠋ᠶ᠋ᠠᠷ ᠵᠣᠯᠭᠠᠭᠰᠠᠨ ᠶᠤᠮᠰᠠᠨ
ᠤᠴᠠᠷᠠᠭᠰᠠᠨ ᠢᠷᠦᠭᠡᠯ ᠢ᠋ᠶ᠋ᠡᠷ ᠲᠠᠨᠢᠭᠰᠠᠨ ᠬᠣᠢᠨᠠ
ᠤᠴᠠᠷᠠᠩᠬᠠᠨ ᠳᠠᠰᠢᠶᠠ ᠤᠤ ᠳᠠ ᠪᠦᠰᠡᠭᠦᠢ ᠮᠢᠨᠢ
ᠬᠠᠯᠬᠠ ᠶ᠋ᠢᠨ ᠵᠠᠩᠰᠢᠯ ᠢ᠋ᠶ᠋ᠠᠷ ᠲᠠᠨᠢᠯᠴᠠᠭᠰᠠᠨ ᠶᠤᠮᠰᠠᠨ
ᠬᠠᠢᠷᠠᠯᠠᠩᠬᠠᠨ ᠳᠠᠰᠢᠶᠠ ᠳᠠ ᠠᠯᠳᠠᠷᠠᠢ ᠮᠢᠨᠢ
ᠬᠠᠷᠠᠬᠠᠨ ᠨᠢᠳᠦᠨ ᠦ᠌ ᠴᠢᠨᠢ ᠰᠢᠷᠳᠡᠯᠲᠡ ᠳ᠋ᠦ᠍
ᠬᠠᠨᠢ ᠶ᠋ᠢᠨ ᠵᠢᠷᠭᠠᠯ ᠢ᠋ᠶ᠋ᠠᠨ ᠲᠣᠯᠢᠳᠠᠬᠤ ᠰᠠᠨ ᠳᠠ
ᠢᠨᠠᠭ ᠤ᠋ᠨ ᠳᠡᠨᠴᠢᠩ ᠰᠢᠭ ᠬᠠᠪᠤᠷ ᠮᠢᠨᠢ
ᠢᠷᠭᠤᠢ ᠶ᠋ᠢᠨ ᠳᠡᠯᠪᠢ ᠰᠢᠭ᠋ ᠠᠮᠠᠷᠠᠭ ᠮᠢᠨᠢ
ᠳᠤᠷᠠᠯᠠᠯ ᠨᠡᠷᠡ ᠲᠡᠢ ᠴᠡᠩᠭᠡᠯ ᠢ᠋ ᠬᠥ᠋
ᠳᠤᠮᠳᠠᠭᠤᠷ ᠦᠭᠡᠢ ᠬᠠᠢᠷᠠᠯᠠᠨᠠ ᠤᠤ ᠳᠠ ᠬᠥ᠋᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ