ᠲᠡᠷᠡ ᠨᠢᠭᠡ ᠨᠠᠮᠤᠷ-ᠴᠡᠴᠡᠭ ᠦ᠋ᠨ ᠰᠢᠪᠡᠨᠡᠭᠡДар нэг намар-цэцгийн шивнээ
319ᠲᠡᠷᠡ ᠨᠢᠭᠡ ᠨᠠᠮᠤᠷ
ᠴᠡᠴᠡᠭ ᠦ᠋ᠨ ᠰᠢᠪᠡᠨᠡᠭᠡ
ᠰᠡᠳᠬᠢᠯ ᠲᠠᠩᠳᠠ ᠰᠠᠯᠬᠢᠨ ᠤ᠋ ᠠᠶᠠ ᠪᠠᠷ ᠰᠡᠮᠡᠷᠡᠴᠢᠬᠡᠭᠰᠡᠨ
ᠰᠡᠭᠦᠷᠡᠰᠦ ᠠᠯᠲᠠᠨ ᠪᠣᠳᠣᠯ ᠨᠢᠭᠡᠯᠡ ᠬᠥᠨᠲᠥᠷᠴᠢᠬᠡᠭᠰᠡᠨ
ᠨᠡᠲᠦᠢᠬᠦ ᠡᠭᠦᠯᠡᠰ ᠦ᠋ᠨ ᠬᠣᠷᠮᠣᠢ ᠠ᠋ᠴᠠ ᠪᠣᠷᠣᠭᠠ ᠠᠰᠬᠠᠷᠠᠴᠢᠬᠠᠭᠰᠠᠨ
ᠨᠢᠳᠦᠨ ᠦ᠌ ᠮᠢᠨᠢ ᠵᠣᠪᠬᠢᠨ ᠳ᠋ᠤ᠌ ᠨᠢᠯᠪᠤᠰᠤ ᠨᠢᠭᠡᠯᠡ ᠵᠠᠢᠷᠲᠤᠴᠢᠬᠠᠭᠰᠠᠨ
ᠡᠨᠡ ᠨᠠᠮᠤᠷ ᠤ᠋ᠨ ᠡᠳᠦᠷ ᠦ᠋ᠳ ᠳᠠᠩᠴᠤ ᠤᠶᠠᠷᠠᠮᠠ ᠪᠠᠢᠯᠠ
ᠠᠭᠤᠯᠠ ᠲᠤᠯᠤᠭᠠᠳ ᠪᠤᠳᠠᠩᠲᠤᠨ ᠤᠨᠢᠶᠠᠷᠲᠤᠭᠠᠳ ᠲᠦᠩᠬᠦᠢᠴᠢᠬᠡᠭᠰᠡᠨ
ᠡᠪᠡᠰᠦᠨ ᠦ᠌ ᠲᠣᠯᠣᠭᠠᠢ ᠴᠠᠭ ᠠ᠋ᠴᠠ ᠪᠠᠨ ᠡᠷᠲᠡ ᠪᠤᠭᠤᠷᠤᠯᠲᠤᠴᠢᠬᠠᠭᠰᠠᠨ
ᠡᠭᠡᠬᠦ ᠭᠠᠯᠠᠭᠤᠳ ᠨᠠᠭᠤᠷ ᠲᠠᠭᠠᠨ ᠬᠣᠷᠭᠣᠳᠠᠨ ᠭᠤᠩᠭᠠᠨᠠᠴᠢᠬᠠᠭᠰᠠᠨ
ᠡᠬᠡ ᠡᠴᠡ ᠪᠡᠨ ᠰᠠᠯᠤᠭᠰᠠᠨ ᠠᠩᠭᠠᠬᠠᠢ ᠰᠢᠤᠬᠠᠨ ᠬᠡᠦᠬᠡᠳ ᠮᠢᠨᠢ ᠠᠩᠭᠠᠯᠵᠠᠴᠢᠬᠠᠭᠰᠠᠨ
ᠡᠷᠬᠡ ᠬᠥᠭᠡᠷᠦᠬᠦᠨ ᠵᠢᠭᠠᠯ ᠤ᠋ᠳ ᠤ᠋ᠨ ᠨᠠᠮᠤᠷ ᠣᠢ ᠭᠤᠲᠤᠮᠠ ᠪᠠᠢᠯᠠ
ᠲᠩᠷᠢ ᠨᠢ ᠬᠦᠷᠲᠡᠯᠡ ᠤᠰᠤᠨ ᠨᠢᠳᠦᠯᠡᠨ ᠤᠶᠠᠷᠠᠴᠢᠬᠠᠭᠰᠠᠨ
ᠳᠡᠭᠡᠪᠦᠷ ᠲᠣᠪᠰᠢᠬᠤ ᠳᠠᠭᠤᠨ ᠨᠢ ᠬᠦᠷᠲᠡᠯᠡ ᠵᠢᠷᠦᠬᠡ ᠰᠢᠪᠡᠴᠢᠬᠡᠭᠰᠡᠨ
ᠳᠡᠷᠭᠡᠳᠡᠭᠦᠷ ᠤᠷᠤᠰᠬᠤ ᠡᠳᠦᠷ ᠬᠣᠨᠣᠭ ᠤ᠋ᠳ ᠡᠯᠡᠭᠳᠡᠭᠰᠡᠭᠡᠷ
ᠳᠡᠷᠪᠡᠬᠦ ᠨᠠᠪᠴᠢᠰ ᠰᠡᠳᠬᠢᠯ ᠡᠮᠵᠡᠭᠯᠡᠲᠡᠯᠡ ᠱᠠᠷᠴᠢᠭᠢᠨᠠᠴᠢᠬᠠᠭᠰᠠᠨ
ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠰᠢᠯᠭᠠᠴᠢᠬᠠᠭᠰᠠᠨ ᠬᠠᠲᠠᠭᠤᠬᠠᠨ ᠨᠠᠮᠤᠷ ᠪᠠᠢᠯᠠ᠁
※※※※※
ᠬᠢᠷᠠᠭᠤ ᠲᠠᠢ ᠨᠠᠮᠤᠷ ᠪᠤᠴᠠᠬᠤ ᠪᠠᠷ
ᠬᠠᠬᠢᠷ ᠬᠦᠢᠲᠡᠨ ᠢᠷᠡᠳᠡᠭ ᠶᠦ᠍ᠮ
ᠬᠠᠲᠠᠭᠤᠬᠠᠨ ᠲᠡᠷᠡ ᠲᠡᠪᠴᠢᠶᠡᠷᠢ ᠳ᠋ᠦ᠍ ᠨᠢ
ᠬᠠᠳᠠ ᠴᠢᠯᠠᠭᠤ ᠴᠤ᠌ ᠤᠶᠠᠷᠠᠵᠤ
ᠬᠠᠭᠳᠠ ᠶ᠋ᠢᠨ ᠨᠣᠭᠣᠭᠠ ᠴᠤᠬᠤᠢᠬᠤ ᠶᠤᠮ᠁
2020-8-29
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠡᠴᠡᠭ ᠦ᠋ᠨ ᠰᠢᠪᠡᠨᠡᠭᠡ
ᠬᠢᠨᠠᠭᠴᠢ᠄ ᠨᠡᠷᠡᠨᠡ