ᠪᠠᠭᠠ ᠨᠠᠰᠤ– ᠷ᠂ ᠴᠣᠢᠨᠣᠮ Бага нас– Р᠂ ЧойномBaga nas-Choinom
748ᠪᠠᠭᠠ ᠨᠠᠰᠤ
ᠬᠠᠲᠠᠭᠤ ᠡᠪᠦᠯ ᠦᠨ ᠶᠢᠰᠤᠨ ᠶᠢᠰᠤ ᠶᠢ ᠳᠠᠰᠤᠵᠤ
ᠬᠠᠪᠤᠷ ᠤᠨ ᠶᠡᠬᠡ ᠰᠢᠭᠤᠷᠭᠠ ᠶᠢ ᠳᠠᠪᠠᠭᠠᠳ
ᠳᠣᠤᠯᠢᠮᠠ ᠲᠠᠯᠠ ᠶᠢᠨ ᠬᠠᠭᠤᠷᠠᠢ ᠬᠦᠷᠤᠰᠥᠨ ᠳᠤ
ᠳᠤᠷᠠᠲᠠᠢ ᠳᠠᠭᠠᠨ ᠤᠷᠭᠤᠳᠠᠭ ᠲᠠᠴᠢᠷᠬᠠᠨ ᠡᠪᠡᠰᠦ ᠰᠢᠭ
ᠲᠡᠷᠡ ᠦᠶᠡ ᠶᠢᠨ ᠬᠢᠨ ᠦ ᠮᠢᠨᠢ ᠪᠠᠭᠠ ᠨᠠᠰᠤ
ᠲᠩᠷᠢ ᠶᠢᠨ ᠵᠡᠭᠦᠳᠦᠨ ᠳᠦ ᠪᠠᠭᠳᠠᠭᠠ ᠦᠭᠡᠢ ᠶᠤᠮ
ᠲᠠᠰᠪᠤᠷᠢ ᠬᠠᠲᠠᠭᠤᠵᠢᠯ ᠦᠨ ᠦᠳᠤᠷᠮᠡ ᠳᠤ
ᠨᠣᠨᠳᠠᠭᠯᠠᠭᠤᠯᠤᠩᠬᠠᠨ ᠦᠰᠦᠭᠰᠡᠨ ᠶᠤᠮ
ᠥᠨᠣ ᠶᠢᠨ ᠬᠡᠣᠬᠡᠳ ᠲᠣᠭᠣᠬᠤ ᠴᠤ᠌ ᠦᠭᠡᠢ
ᠦᠯᠮᠡᠢ ᠳᠣᠣᠷᠠᠬᠢ ᠴᠢᠯᠠᠭᠤ ᠲᠠᠢ ᠠᠳᠠᠯᠢ ᠦᠵᠡᠵᠦ
ᠢᠰᠭᠦᠯᠵᠦ ᠣᠷᠬᠢᠳᠠᠭ ᠶᠤᠤᠳᠠᠩ ᠢ ᠪᠢᠳᠡ
ᠡᠪᠦᠯ ᠦᠨ ᠤᠷᠲᠤ ᠰᠥᠨᠢ ᠵᠡᠭᠦᠳᠦᠯᠡᠨ ᠦᠰᠦᠭᠰᠡᠨ ᠶᠤᠮ
ᠠᠷᠠᠰᠤᠨ ᠨᠡᠬᠡᠢ ᠶᠢ ᠳᠣᠲᠤᠭᠤᠷ ᠨᠢ ᠵᠢᠬᠢᠷᠢᠭ ᠦᠭᠡᠢ ᠡᠮᠦᠰᠴᠤ
ᠠᠳᠤᠭᠤᠨ ᠤ ᠮᠢᠬᠠ ᠶᠢ ᠳᠠᠪᠤᠰᠤ ᠴᠤ᠌ ᠬᠣᠯᠢᠯ ᠦᠭᠡᠢ ᠢᠳᠡᠵᠦ
ᠠᠢᠯ ᠤᠨ ᠨᠤᠲᠤᠭ ᠳᠡᠭᠡᠷᠡ ᠡᠴᠡ ᠣᠯᠣᠭᠰᠠᠨ ᠱᠠᠭᠠᠵᠠᠩ ᠤᠨ ᠬᠠᠭᠠᠷᠬᠠᠢ
ᠠᠯᠠᠭ ᠴᠢᠯᠠᠭᠤ ᠬᠣᠶᠠᠷ ᠢᠶᠠᠷ ᠲᠣᠭᠯᠠᠵᠤ ᠦᠰᠦᠭᠰᠡᠨ ᠶᠤᠮ
ᠲᠡᠷᠡ ᠦᠶᠡ ᠳᠦ ᠬᠥᠳᠡᠭᠡ ᠨᠤᠲᠤᠭ ᠲᠤ ᠨᠣᠮ ᠳᠡᠪᠲᠡᠷ ᠪᠠᠢᠭᠰᠠᠨ ᠦᠭᠡᠢ
ᠲᠧᠯᠸᠢᠰ ᠂ ᠺᠢᠨᠣ᠋ ᠵᠢᠷᠤᠭ ᠂ ᠭᠡᠷᠡᠯ ᠵᠢᠷᠤᠭ
ᠲᠸᠯᠸᠹᠦᠨ ᠂ ᠷᠠᠳᠢᠣ᠋ ᠂ ᠠᠭᠤᠷ ᠤᠨ ᠲᠡᠷᠭᠡ ᠪᠠᠢᠭᠰᠠᠨ ᠦᠭᠡᠢ
ᠲᠡᠷᠡ ᠦᠶᠡ ᠳᠦ ᠡᠨᠡ ᠦᠶᠡ ᠶᠢᠨ ᠶᠠᠭᠤᠮᠠ ᠪᠥᠬᠥᠨ ᠪᠠᠢᠭᠠ ᠦᠭᠡᠢ
ᠬᠠᠷᠢᠨ ᠭᠠᠭᠴᠠ ᠯᠠ ᠶᠠᠭᠤᠮᠠ ᠪᠠᠢᠯᠠ
ᠬᠠᠮᠢᠭᠠ ᠴᠤ᠌ ᠣᠴᠢᠵᠤ ᠦᠨᠣ ᠶᠢᠨ ᠬᠡᠣᠬᠡᠳ ᠲᠤ ᠭᠠᠢᠬᠠᠭᠤᠯᠤᠮᠠᠷ
ᠬᠠᠪᠢ ᠶᠢᠨ ᠬᠢᠨ ᠤ ᠪᠠᠨ ᠶᠠᠭᠤᠮᠠ ᠶᠢ ᠬᠦᠨᠳᠦᠯᠡᠳᠡᠭ
ᠬᠠᠢᠷᠠᠯᠠᠳᠠᠭ ᠦᠵᠡᠯ ᠪᠦᠬᠥᠳᠡ ᠳᠤ ᠮᠠᠨᠢ ᠪᠠᠢᠯᠠ ᠃
ᠪᠦᠬᠦᠳᠡ ᠪᠡᠷ ᠢᠶᠡᠨ ᠪᠢᠳᠡ ᠪᠡᠶᠡ ᠪᠡᠶᠡ ᠪᠡᠨ ᠲᠠᠨᠢᠬᠤ ᠦᠭᠡᠢ ᠴᠤ᠌ ᠭᠡᠰᠡᠨ
ᠪᠦᠯᠢ ᠭᠡᠷ ᠴᠣᠭ ᠳᠠᠭᠠᠨ ᠶᠤᠮ ᠰᠢᠭ᠋ ᠠᠳᠠᠯᠢᠬᠠᠨ
ᠪᠦᠳᠦᠭᠦᠨ ᠤᠯᠠᠭᠠᠨ ᠭᠤᠯᠢᠷ ᠢᠳᠡᠵᠤ ᠦᠯᠥᠰᠴᠤ ᠴᠠᠩᠭᠠᠵᠤ
ᠪᠦᠬᠦᠯᠢ ᠵᠣᠨ ᠳᠠᠭᠠᠨ ᠬᠥᠯ ᠨᠢᠴᠦᠭᠦᠨ ᠭᠦᠶᠦᠵᠦ
ᠬᠦᠵᠦᠭᠦᠦ ᠲᠣᠯᠣᠭᠠᠢ ᠪᠠᠨ ᠦᠯᠢᠳᠦᠨ ᠳᠤ ᠢᠳᠡᠭᠦᠯᠵᠦ
ᠬᠦᠮᠥᠨ ᠡᠴᠡ ᠨᠢᠭᠤᠨ ᠤᠩᠰᠢᠯᠭᠠ ᠲᠠᠢ ᠡᠪᠦᠭᠡᠨ ᠢᠶᠡᠷ ᠰᠠᠩ ᠲᠠᠯᠪᠢᠭᠤᠯᠵᠤ
ᠤᠯᠠᠭᠠᠨ ᠡᠰᠡᠷᠭᠡᠨᠡ ᠂ ᠰᠠᠯᠬᠢᠨ ᠴᠡᠴᠡᠭ ᠂ ᠬᠠᠮᠠᠭᠤ ᠲᠣᠮᠣᠭᠤ ᠪᠠᠷ
ᠤᠳᠠᠭᠠ ᠲᠠᠷᠠᠭᠠᠯᠠᠨ ᠡᠪᠡᠳᠴᠤ ᠰᠡᠭᠡᠵᠦ ᠦᠰᠦᠭᠰᠡᠨ
ᠬᠥᠭᠡᠷᠦᠭᠦᠢ ᠪᠠᠭᠠ ᠨᠠᠰᠤ ᠮᠢᠨᠢ
ᠬᠦᠯᠪᠡᠷᠢᠨ ᠡᠷᠬᠢᠬᠦ ᠬᠤᠪᠢ ᠵᠠᠶᠠᠭᠠᠨ ᠳᠠᠭᠠᠨ ᠳᠠᠭᠠᠳᠬᠠᠵᠤ
ᠬᠥᠳᠡᠭᠡ ᠶᠢᠨ ᠠᠭᠤᠯᠠ ᠲᠠᠯᠠ ᠶᠢᠨ ᠳᠤᠮᠳᠠ
ᠬᠦᠲᠦᠰᠦᠨ ᠳᠤ ᠪᠣᠭᠤᠯᠳᠠᠲᠠᠢ ᠦᠰᠦᠭᠰᠡᠨ ᠠᠯᠳᠠᠩᠬᠠᠨ ᠪᠠᠭᠠ ᠨᠠᠰᠤ ᠮᠢᠨᠢ ᠡ!
ᠳᠡᠷᠳᠡᠭᠡ ᠶᠢᠨ ᠲᠠᠢᠨ ᠤ ᠬᠠᠷᠠ ᠲᠣᠭᠣᠯᠠᠭᠠ ᠰᠢᠭ᠋ ᠰᠡᠭᠦᠳᠡᠷ
ᠲᠢᠪ_ᠳᠠᠮᠨᠠᠵᠤ ᠪᠣᠷᠣ ᠭᠡᠷ ᠢ ᠮᠢᠨᠢ ᠳᠠᠷᠤᠭᠠᠳ
ᠬᠥᠭᠡᠷᠦᠭᠦᠢ ᠠᠪᠤ ᠨᠤᠭᠤᠳ ᠢ ᠮᠢᠨᠢ ᠫᠤᠤᠳᠠᠭᠰᠠᠨ ᠲᠡᠷᠡ ᠫᠤᠤ ᠨᠤᠭᠤᠳ ᠤᠨ ᠠᠮᠠ
ᠬᠦᠰᠢᠭᠡᠨ ᠣᠳᠤᠭᠠᠨ ᠴᠠᠭᠠᠨᠠ ᠠᠴᠠ ᠨᠠᠭᠠᠰᠢ ᠪᠠᠨ ᠤᠩᠭᠣᠢᠵᠤ ᠪᠠᠢᠯᠠ
ᠡᠪᠦᠭᠡᠳ ᠡᠮᠡᠭᠡᠳ ᠴᠠᠢ ᠶᠢᠨ ᠢᠳᠡᠭᠡ ᠪᠡᠷ ᠭᠠᠴᠢᠭᠳᠠᠵᠤ
ᠡᠷᠡᠴᠤᠳ ᠬᠠᠷᠠᠴᠤᠤᠯ ᠲᠠᠲᠠᠬᠤ ᠲᠡᠮᠡᠬᠢ ᠪᠡᠷ ᠳᠤᠲᠠᠭᠳᠠᠵᠤ
ᠬᠡᠤᠬᠡᠳ ᠦᠳ ᠠᠮᠲᠠᠲᠠᠨ ᠢᠶᠠᠷ ᠦᠯᠣᠰᠴᠦ
ᠬᠡᠣᠬᠡᠨ ᠨᠤᠭᠦᠳ ᠠᠮᠠᠷᠬᠠᠯᠠᠯ ᠢᠶᠠᠷ ᠴᠠᠩᠭᠠᠵᠤ_
ᠵᠣᠪᠠᠯᠠᠩ ᠵᠢᠷᠭᠠᠯ ᠬᠣᠶᠠᠷ ᠢ ᠵᠠᠬᠠ ᠳᠡᠭᠡᠷᠡ
ᠵᠣᠭᠣᠰ ᠮᠦᠩᠬᠦ ᠪᠡᠷ ᠵᠠᠷᠤᠵᠤ ᠪᠠᠢᠭᠰᠠᠨ ᠴᠠᠭ
ᠮᠣᠷᠢᠳᠤ ᠤᠲᠷᠢᠶᠠᠳ᠋ ᠶᠠᠪᠤᠨ ᠤ ᠲᠠᠩᠺ ᠤᠨ ᠤᠷᠢᠳᠤ ᠠᠴᠠ
ᠮᠣᠳᠣᠨ ᠬᠣᠢᠲᠤ ᠵᠡᠭᠦᠭᠡᠳ ᠵᠢᠭᠰᠠᠵᠤ ᠪᠠᠢᠭᠰᠠᠨ ᠦᠶᠡ!
ᠽᠣᠷᠺᠠᠢ! ᠭᠡᠲᠡᠯᠡ ᠲᠠᠩᠺ ᠢ ᠪᠠᠢᠳᠤᠭᠠᠢ
ᠶᠠᠫᠤᠨ ᠢ ᠵᠣᠭᠰᠣᠭᠠᠭᠠᠳ ᠥᠪᠡᠷ ᠢᠶᠡᠨ ᠳᠡᠭᠦᠵᠢᠯᠡᠭᠦᠯᠦᠭᠰᠡᠨ ᠶᠤᠮ
《ᠲᠸᠯᠸ ᠮᠸᠬᠠᠨᠢᠭ》ᠵᠠᠯᠠᠭᠤᠷ ᠲᠠᠢ ᠬᠦᠮᠦᠨ ᠦᠭᠡᠢ ᠲᠠᠩᠺ ᠤᠳ ᠢᠷᠡᠭᠰᠡᠨ ᠪᠤᠯ
ᠳᠡᠭᠡᠬᠦ ᠳᠤ ᠶᠡᠷᠤ ᠨᠢ ᠶᠠᠭᠤ ᠪᠣᠯᠬᠤ ᠪᠠᠢᠭᠰᠠᠨ ᠪᠣᠯ
ᠤᠯᠠ ᠠᠴᠠ ᠬᠡᠩᠰᠢᠭᠦᠦ ᠭᠠᠷᠳᠠᠯᠠ ᠵᠢᠩᠨᠡᠭᠰᠡᠨ
ᠤᠯᠠᠭᠠᠨ ᠭᠠᠩ ᠲᠠᠢ ᠵᠣᠨ
ᠴᠠᠩ ᠲᠠᠢ ᠵᠢᠪᠡᠷ ᠲᠦ ᠨᠠᠷᠠ ᠭᠤᠷᠪᠠᠯᠠᠭᠰᠠᠨ
ᠴᠠᠭᠠᠨ ᠵᠤᠳ ᠲᠠᠢ ᠡᠪᠦᠯ
ᠬᠥᠳᠡᠭᠡ ᠲᠠᠯᠠ ᠶᠢ ᠬᠠᠨᠠ ᠶᠢᠨ ᠨᠢᠳᠦ ᠰᠢᠭ ᠴᠣᠬᠤᠷᠯᠠᠨ
ᠬᠥᠯᠳᠡᠵᠦ ᠦᠬᠦᠭᠰᠡᠨ ᠠᠳᠤᠭᠤ ᠮᠠᠯ ᠤᠨ ᠰᠡᠭ
ᠬᠤᠪᠬᠠᠢ ᠬᠣᠭᠣᠰᠤᠨ ᠪᠠᠭᠤᠴᠠᠨ ᠤ ᠬᠥᠯ ᠳᠤ ᠵᠣᠭᠰᠣᠭᠠᠳ
ᠬᠤᠪᠢᠩ ᠢᠶᠠᠨ ᠪᠠᠷᠢᠭᠠᠳ ᠤᠬᠢᠯᠠᠵᠤ ᠪᠠᠢᠭᠰᠠᠨ ᠡᠵᠡᠭᠲᠡᠢ
ᠪᠠᠯᠴᠢᠷ ᠨᠠᠰᠤᠨ ᠤ ᠮᠢᠨᠢ ᠣᠢ ᠤᠬᠠᠭᠠᠨ ᠳᠤ
ᠪᠡᠯᠡᠷᠡᠰᠢ ᠦᠭᠡᠢ ᠡᠢᠮᠦ ᠵᠢᠷᠤᠭ ᠦᠯᠡᠳᠡᠭᠡᠭᠡᠳ
ᠴᠠᠭ ᠤᠨ ᠮᠠᠭᠤ ᠬᠥᠮᠤᠨ ᠤ ᠮᠠᠭᠤ ᠬᠣᠶᠠᠷ
ᠴᠠᠰᠤ ᠰᠢᠭ᠋ ᠬᠠᠢᠯᠤᠨ ᠣᠳᠣᠭᠰᠠᠨ ᠶᠤᠮ
ᠠᠶᠠ ᠂ ᠬᠥᠭᠡᠷᠦᠭᠦᠢ ᠪᠠᠭᠠ ᠨᠠᠰᠤ ᠮᠢᠨᠢ
ᠠᠮᠢᠳᠤᠷᠠᠯ ᠤᠨ ᠴᠡᠭᠡᠭᠡᠨ ᠪᠤᠯᠠᠭ ᠤᠷᠤᠭᠤ ᠵᠣᠷᠢᠭᠠᠳ
ᠠᠩᠭᠠᠵᠤ ᠴᠠᠩᠭᠠᠵᠤ ᠶᠠᠪᠤᠭᠰᠠᠨ
ᠠᠯᠤᠰ ᠬᠣᠯᠠ ᠶᠢᠨ ᠪᠦᠲᠡᠬᠢᠬᠡᠨ ᠬᠠᠷᠭᠤᠢ ᠮᠢᠨᠢ
ᠣᠭᠲᠠᠷᠭᠤᠢ ᠶᠢᠨ ᠪᠦᠷᠭᠦᠭ ᠲᠦ ᠲᠥᠭᠡᠭᠰᠡᠨ
ᠤᠯᠠᠨ ᠮᠢᠩᠭᠠᠨ ᠣᠳᠣ ᠰᠢᠭ᠋
ᠣᠨ ᠵᠢᠯ ᠦᠨ ᠪᠤᠳᠠᠩ ᠳᠤᠮᠳᠠ ᠲᠦᠷᠦᠭᠰᠡᠨ
ᠤᠯᠠᠨ ᠲᠦᠮᠡᠨ ᠰᠠᠴᠠᠭᠤᠲᠠᠨ ᠮᠢᠨᠢ ᠡ
ᠬᠠᠲᠠᠭᠤ ᠰᠢᠷᠦᠭᠦᠨ ᠬᠣᠷᠸᠠ ᠳᠤ
ᠬᠠᠨᠢ ᠢᠵᠢᠯ ᠮᠢᠨᠢ ᠪᠣᠯᠵᠤ
ᠬᠠᠮᠲᠤ ᠵᠣᠪᠠᠵᠤ ᠴᠡᠩᠬᠡᠵᠤ ᠦᠰᠦᠭᠰᠡᠨ
ᠲᠠ ᠨᠠᠷ ᠳᠠᠭᠠᠨ ᠪᠢ ᠬᠠᠢᠷᠠᠲᠠᠢ!