ᠰᠡᠤᠠᠬᠢᠯ ᠦ᠋ᠨ ᠨᠣᠭᠤᠭᠠᠨ ᠳᠡᠨᠵᠢ – ᠪᠣᠷᠵᠢᠭᠢᠨ᠂ ᠰᠠᠶ᠋ᠢᠨᠪᠠᠶᠠᠷ Сэтгэлийн ногоон дэнж – Боржгин ᠂ Сайнбаяр
322ᠰᠡᠤᠠᠬᠢᠯ ᠦ᠋ᠨ ᠨᠣᠭᠤᠭᠠᠨ ᠳᠡᠨᠵᠢ
ᠬᠡᠨ ᠴᠦ᠍ ᠮᠡᠳᠡᠳᠡᠭ ᠦᠭᠡᠢ
ᠣᠢ ᠰᠠᠨᠠᠮᠵᠢ ᠶ᠋ᠢᠨ ᠭᠦᠨ ᠳ᠋ᠦ᠍
ᠬᠡᠵᠢᠶᠡ ᠴᠦ᠍ ᠮᠠᠷᠲᠠᠭᠳᠠᠳᠠᠭ ᠦᠭᠡᠢ
ᠵᠢᠵᠢᠭᠬᠡᠨ ᠨᠣᠭᠣᠭᠠᠨ ᠳᠡᠨᠵᠢ ᠪᠣᠢ
ᠵᠢᠩ ᠦ᠋ᠨ ᠳᠠᠭᠤᠨ ᠳ᠋ᠤ᠌ ᠴᠦᠷᠭᠡᠯᠳᠦᠭᠰᠡᠨ
ᠵᠢᠯ ᠣᠨ ᠲᠣᠭᠣᠰᠣᠷᠠᠬᠤ ᠳ᠋ᠤ᠌
ᠵᠡᠭᠦᠳᠦᠨ ᠦ᠌ ᠵᠢᠵᠢᠭᠬᠡᠨ ᠳᠡᠨᠵᠢᠨ ᠳ᠋ᠦ᠍
ᠵᠤᠨ ᠠ᠋ᠴᠠ ᠥᠭᠡᠷᠡ ᠤᠯᠠᠷᠢᠯ ᠦᠭᠡᠢ
ᠦᠵᠡᠰᠬᠦᠯᠡᠩᠲᠦ ᠲᠡᠷᠡ ᠣᠨ ᠰᠠᠷᠠ ᠶ᠋ᠢ
ᠤᠷᠪᠠᠭᠤᠯᠵᠤ ᠪᠤᠴᠠᠭᠠᠵᠤ ᠰᠠᠨᠠᠬᠤ ᠳ᠋ᠤ᠌
ᠥᠩᠭᠡᠷᠡᠭᠰᠡᠨ ᠲᠡᠷᠡ ᠪᠦᠬᠦᠨ
ᠠᠭᠢᠭᠠᠳ ᠠᠮᠢᠯᠠᠬᠤ ᠰᠢᠭ᠋᠁
《 ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ᠁》
ᠡᠨᠡ ᠳᠡᠨᠵᠢᠨ ᠡᠴᠡ ᠡᠬᠢᠯᠡᠵᠦ ᠪᠠᠢᠯᠠ
ᠡᠪᠦᠭᠡ ᠮᠢᠨᠢ ᠲᠡᠭᠡᠭᠡᠳ
ᠤᠯᠠᠮᠵᠢᠯᠠᠵᠤ ᠮᠠᠨ ᠳ᠋ᠤ᠌ ᠶᠠᠷᠢᠵᠤ ᠪᠠᠢᠯᠠ
ᠠᠮᠢᠲᠠᠨ ᠵᠢᠷᠭᠤᠭᠠᠨ ᠵᠦᠢᠯ
ᠡᠨᠡ ᠳᠡᠨᠵᠢᠨ ᠳ᠋ᠦ᠍ ᠪᠠᠭᠲᠠᠵᠤ ᠪᠠᠢᠯᠠ
ᠡᠮᠡᠭᠡ ᠮᠢᠨᠢ ᠲᠠᠩᠳᠠ
ᠠᠮᠤᠷ ᠠᠮᠤᠭᠤᠯᠠᠩ ᠢ᠋ ᠨᠢ ᠳᠠᠭᠠᠳᠬᠠᠵᠤ ᠪᠠᠢᠯᠠ᠁
ᠨᠢᠴᠦᠭᠦᠨ ᠪᠣᠷᠣ ᠲᠠᠪᠠᠭ ᠤ᠋ᠨ ᠮᠢᠨᠢ
ᠵᠢᠭᠠᠬᠠᠨ ᠮᠥᠷ ᠲᠡᠨᠳᠡ ᠪᠣᠢ
ᠨᠠᠷᠭᠢᠵᠤ ᠲᠣᠭᠯᠠᠳᠠᠭ ᠦᠶᠡᠴᠦᠦᠯ ᠦ᠋ᠨ ᠮᠢᠨᠢ
ᠵᠢᠩᠭᠢᠨᠡᠭᠰᠡᠨ ᠢᠨᠢᠶᠡᠳᠦ ᠲᠡᠨᠳᠡ ᠪᠣᠢ
ᠰᠠᠭᠠᠯᠢᠴᠢᠨ ᠠᠯᠳᠠᠷ ᠲᠠᠢ ᠡᠵᠢ ᠶ᠋ᠢᠨ ᠮᠢᠨᠢ
ᠭᠤᠩᠬᠠᠵᠤ ᠶᠠᠪᠤᠭᠰᠠᠨ ᠪᠠᠷᠠ ᠪᠣᠢ
ᠰᠠᠢᠴᠤᠤᠯ ᠴᠣᠯᠠ ᠲᠠᠢ ᠠᠪᠤ ᠶ᠋ᠢᠨ ᠮᠢᠨᠢ
ᠭᠠᠯᠭᠢᠭᠤᠯᠵᠤ ᠶᠠᠪᠤᠭᠰᠠᠨ ᠳᠤᠷᠠᠰᠤᠮᠵᠢ ᠪᠣᠢ
ᠬᠣᠨᠢ ᠮᠠᠯ ᠤ᠋ᠨ ᠮᠢᠨᠢ ᠰᠦᠷᠦᠭ
ᠲᠠᠪᠠᠲᠠᠢᠬᠠᠨ ᠪᠡᠯᠴᠢᠬᠦ ᠦᠵᠡᠮᠵᠢ ᠪᠣᠢ
ᠬᠤᠷᠠᠭᠠ ᠲᠤᠭᠤᠯ ᠲᠠᠢ ᠪᠠᠨ ᠲᠣᠭᠯᠠᠵᠤ ᠥᠰᠦᠭᠰᠡᠨ
ᠬᠡᠦᠬᠡᠳ ᠨᠠᠰᠤᠨ ᠤ᠋ ᠮᠢᠨᠢ ᠠᠮᠢᠳᠤᠷᠠᠯ ᠪᠣᠢ
ᠦᠭᠡᠢᠯᠡᠨ ᠰᠠᠨᠠᠬᠤ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ
ᠴᠡᠴᠡᠭᠲᠦ ᠨᠣᠭᠣᠭᠠᠨ ᠳᠡᠨᠵᠢ ᠪᠣᠢ
ᠥᠨᠢᠳᠡ ᠶ᠋ᠢᠨ ᠨᠣᠭᠣᠭᠠᠨ ᠲᠡᠷᠡ ᠳᠡᠨᠵᠢᠨ ᠳ᠋ᠦ᠍
ᠵᠤᠨ ᠠ᠋ᠴᠠ ᠥᠭᠡᠷᠡ ᠤᠯᠠᠷᠢᠯ ᠦᠭᠡᠢ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠣᠷᠵᠢᠭᠢᠨ ᠠᠵᠠᠵᠠᠶᠠᠭᠠ
ᠬᠢᠨᠠᠭᠴᠢ᠄ ᠰᠣᠳᠨᠠᠮᠳᠣᠷᠵᠢ ᠶ᠋ᠢᠨ ᠪᠠᠶᠠᠨᠨ᠌ᠠᠭᠤᠯᠠ