ᠡᠷᠡᠭᠦᠯ ᠶᠠᠪᠤᠬᠤ ᠤᠬᠠᠭᠠᠨ - ᠳ ᠂ ᠪᠠᠲᠤᠪᠠᠶᠠᠷ Эрүүл явах ухаан - Д ᠂ Батбаяр
263ᠡᠷᠡᠭᠦᠯ ᠶᠠᠪᠤᠬᠤ ᠤᠬᠠᠭᠠᠨ
( ᠬᠣᠱᠣᠩ ᠥᠭᠦᠯᠡᠯᠭᠡ ）
ᠠᠵᠢᠯ ᠲᠠᠷᠬᠠᠬᠤ ᠶ᠋ᠢᠨ ᠠᠯᠲᠠ ᠳ᠋ᠤ᠌ ᠨᠠᠴᠤᠭ ᠂ ᠸᠴᠢᠷ ᠦ᠋ᠨ ᠥᠷᠥᠭᠡᠨ ᠳ᠋ᠦ᠍ ᠣᠷᠣᠪᠠᠯ ᠲᠡᠷᠡ ᠪᠡᠷ ᠱᠠᠬᠠᠢ ᠪᠠᠨ ᠦᠳᠡᠵᠦ ᠰᠠᠭᠤᠯᠠ ᠃
- ᠵᠠ ᠰᠣᠨᠢᠨ ᠰᠠᠢᠬᠠᠨ ᠶᠠᠭᠤ ᠲᠠᠢ ᠪᠣᠢ ᠭᠡᠮᠡᠨ ᠨᠠᠴᠤᠭ ᠢ᠋ ᠠᠰᠠᠭᠤᠬᠤ ᠳ᠋ᠤ᠌ ᠸᠴᠢᠷ ᠳᠤᠤᠭᠠᠷᠤᠭᠰᠠᠨ ᠴᠤ᠌ ᠦᠭᠡᠢ ᠂ ᠲᠡᠭᠦᠨ ᠦ᠌ ᠥᠭᠡᠳᠡ ᠡᠴᠡ ᠬᠠᠷᠠᠭᠰᠠᠨ ᠴᠤ᠌ ᠦᠭᠡᠢ᠂ ᠥᠷᠥᠭᠡᠨ ᠳ᠋ᠡᠭᠡᠨ ᠭᠠᠭᠴᠠᠭᠠᠷ ᠢᠶᠠᠨ ᠰᠠᠭᠤᠭᠠ ᠮᠡᠲᠦ ᠱᠠᠬᠠᠢ ᠪᠠᠨ ᠦᠳᠡᠨᠡ᠃ 《 ᠨᠠᠮᠠ ᠶ᠋ᠢ ᠣᠷᠣᠵᠤ ᠢᠷᠡᠭᠰᠡᠨ ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠵᠤ ᠪᠠᠢᠭᠠᠳ ᠭᠡᠨᠡᠳᠲᠡ ᠰᠣᠴᠢᠬᠤ ᠶᠤᠮ ᠪᠢᠰᠢ ᠪᠠᠢᠭᠠ 》 ᠭᠡᠵᠦ ᠪᠣᠳᠣᠭᠰᠠᠨ ᠨᠠᠴᠤᠭ ᠬᠣᠭᠣᠯᠠᠢ ᠵᠠᠰᠠᠨ ᠵᠣᠭᠰᠣᠲᠠᠯᠠ ᠬᠣᠶᠠᠷ ᠱᠠᠬᠠᠢ ᠪᠠᠨ ᠦᠳᠡᠵᠦ ᠳᠠᠭᠤᠰᠤᠭᠰᠠᠨ ᠸᠴᠢᠷ :
- ᠵᠠ ᠲᠡᠭᠡᠭᠡᠳ ᠭᠡᠳ ᠨᠠᠴᠤᠭ ᠢ᠋ ᠲᠣᠯᠣᠭᠠᠢ ᠠ᠋ᠴᠠ ᠨᠢ ᠬᠥᠯ ᠢ᠋ ᠨᠢ ᠬᠦᠷᠲᠡᠯᠡ ᠭᠦᠶᠦᠯᠭᠡᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠄
- ᠶᠠᠭᠤ ᠪᠠᠢᠨᠠ ᠳᠠ ᠭᠡᠵᠦ ᠲᠠᠢᠪᠤᠩ ᠢ᠋ᠶ᠋ᠠᠷ ᠥᠭᠦᠯᠡᠪᠡ ᠃
- ᠵᠦᠭᠡᠷ ᠥᠨᠥᠳᠥᠷ ᠵᠢᠭᠠᠯ ᠰᠠᠭᠤᠴᠢᠬᠠᠭᠰᠠᠨ ᠴᠢᠨᠢ ᠨᠢᠷᠤᠭᠤ ᠡᠪᠡᠳᠦᠭᠡᠳ ᠁ ᠭᠡᠵᠦ ᠨᠠᠴᠤᠭ ᠢ᠋ ᠬᠡᠯᠡᠬᠦ ᠳ᠋ᠦ᠍ :
- ᠨᠢᠷᠤᠭᠤ ? ᠬᠠᠮᠢᠭᠠ ? ᠭᠡᠰᠡᠨ ᠢ᠋ᠶ᠋ᠡᠨ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠣᠬᠣᠷ ᠰᠡᠭᠦᠯ ᠡᠴᠡ ᠲᠡᠭᠡᠨᠡᠬᠡᠨ ᠳᠠᠷᠤᠨ:
- ᠡᠨᠳᠡ ᠤᠤ ᠭᠡᠭᠦ ᠳ᠋ᠦ᠍ᠨᠢ ᠨᠠᠴᠤᠭ :
- ᠡᠨᠳᠡ ᠭᠡᠳ ᠡᠪᠡᠳᠴᠦ ᠪᠠᠢᠭᠠ ᠭᠠᠵᠠᠷ ᠢ᠋ᠶ᠋ᠠᠨ ᠵᠢᠭᠠᠪᠠ ᠃ ᠸᠴᠢᠷ ᠲᠡᠭᠦᠨ ᠦ᠌ ᠡᠪᠡᠳᠴᠦ ᠪᠠᠢᠭᠠ ᠭᠠᠵᠠᠷ ᠢ᠋ ᠳᠠᠷᠤᠵᠤ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠄
- ᠠ ᠨᠠᠭᠠᠳᠤᠬᠢ ᠢ ᠴᠢᠨᠢ《 ᠣᠯᠠᠨ ᠠᠭᠤᠯᠵᠠᠬᠤ 》 ᠭᠡᠳᠡᠭ ᠶᠦᠮ ᠭᠡᠳ ᠰᠢᠷᠣᠢᠳᠠᠭᠰᠠᠨ ᠮᠡᠲᠦ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠨ ᠥᠷᠥᠵᠦ ᠰᠡᠭᠰᠦᠷᠦᠭᠰᠡᠨ ᠢᠶᠠᠨ:
- ᠳᠣᠣᠷᠠ ᠠ᠋ᠴᠠ ᠪᠠᠨ ᠲᠠᠭᠠᠷᠠᠭᠰᠠᠨ ᠤ᠋ ᠬᠢ ᠂ ᠡᠨᠡ ᠮᠠᠭᠤ ᠭᠡᠳ ᠨᠠᠴᠤᠭ ᠤᠨ ᠡᠮᠦᠰᠦᠭᠰᠡᠨ ᠱᠠᠬᠠᠢ ᠶ᠋ᠢ ᠵᠢᠭᠠᠨ :
- ᠷᠧᠽᠢᠨ ( ᠵᠢᠶᠣᠤᠫᠢ ) ᠤ ᠤᠯᠠ ᠲᠠᠢ ᠭᠤᠲᠤᠯ ᠤᠤ ? ᠵᠠ ᠴᠢ ᠡᠷᠡᠭᠦᠯ ᠶᠠᠪᠤᠶᠠ ᠭᠡᠪᠡᠯ ᠪᠠᠢᠨᠠ ᠰᠢᠦ ᠂ ᠢᠩᠭᠢ ᠂ ᠶᠡᠬᠡ ᠠᠮᠠᠷᠬᠠᠨ ᠂ ᠡᠷᠡᠭᠦᠯ ᠶᠠᠪᠤᠬᠤ ᠰᠢᠭ᠋ ᠠᠮᠠᠷᠬᠠᠨ ᠶᠠᠭᠤᠮᠠ ᠴᠤ᠌ ᠪᠠᠢᠳᠠᠭ ᠦᠭᠡᠢ ᠶᠦᠮ᠃ ᠳᠠᠩᠴᠤ ᠬᠥᠮᠦᠨ ᠬᠦᠰᠡᠬᠦ ᠦᠭᠡᠢ ᠳ᠋ᠡᠭᠡᠨ ᠯᠡ ᠪᠠᠢᠭᠠ ᠶᠤᠮ ᠭᠡᠳ ᠵᠡᠭᠦᠨ ᠬᠥᠯ ᠦ᠋ᠨ ᠢᠶᠡᠨ ᠱᠠᠬᠠᠢ ᠶ᠋ᠢ ᠲᠠᠢᠯᠵᠤ ᠳᠣᠲᠣᠷᠠ ᠠ᠋ᠴᠠ ᠨᠢ ᠬᠠᠷᠠ ᠬᠥᠬᠡ ᠳᠠᠪᠤᠤ ᠪᠠᠷ ᠰᠢᠷᠢᠴᠢᠭᠡᠭᠰᠡᠨ ᠤᠯᠠᠪᠴᠢ ᠭᠠᠷᠭᠠᠵᠤ :
- ᠡᠨᠡ ᠂ ᠶᠠᠭᠤ ᠶᠠᠭᠤᠨ ᠠ᠋ᠴᠠ ᠲᠡᠷᠢᠭᠦᠨ ᠳ᠋ᠦ᠍ ᠡᠢᠮᠦ ᠤᠯᠠᠪᠴᠢ ᠭᠤᠷᠪᠠ ᠶ᠋ᠢ ᠬᠢᠭᠡᠳ ᠠᠪᠴᠢᠬᠠ ᠂ ᠴᠢᠳᠠᠬᠤ ᠤᠤ ᠭᠡᠳ ᠨᠠᠴᠤᠭ ᠢ᠋ ᠰᠢᠷᠲᠡᠬᠦ ᠳ᠋ᠦ᠍ ᠴᠠᠭᠠᠳᠤᠬᠢ ᠨᠢ :
- ᠴᠢᠳᠠᠨᠠ ᠭᠡᠵᠦ ᠲᠣᠯᠣᠭᠠᠢ ᠳᠣᠬᠢᠯᠠ᠃
- ᠲᠡᠭᠡᠭᠡᠳ ᠥᠷᠯᠥᠭᠡ ᠠᠵᠢᠯ ᠳᠡᠭᠡᠷᠡ ᠪᠡᠨ ᠢᠷᠡᠩᠭᠦᠲᠡ ᠤᠯᠠᠪᠴᠢ ᠪᠠᠨ ᠰᠣᠯᠢᠭᠠᠳ ᠨᠣᠢᠲᠠᠨ ᠢ᠋ ᠪᠡᠨ ᠡᠨᠡ ᠤᠰᠤᠨ ᠫᠢᠰᠢᠩ ( ᠳᠤᠯᠠᠭᠠᠴᠠᠭᠤᠷ ) ᠤ᠋ᠨ ᠢ᠋ᠶ᠋ᠠᠨ ᠠᠷᠤ ᠪᠠᠷ ᠬᠢᠴᠢᠬᠡ ᠂ ᠣᠷᠣᠢ ᠠᠵᠢᠯ ᠲᠠᠷᠬᠠᠬᠤ ᠳ᠋ᠤ᠌ ᠨᠥᠭᠥᠭᠡᠬᠢ ᠴᠢᠨᠢ ᠰᠠᠢᠬᠠᠨ ᠬᠠᠲᠠᠴᠢᠬᠠᠭᠰᠠᠨ ᠪᠠᠢᠬᠤ ᠪᠣᠢ ᠂ ᠲᠡᠭᠡᠬᠦ ᠪᠡᠷ ᠨᠢ ᠨᠥᠭᠥᠭᠡᠬᠢ ᠪᠡᠨ ᠠᠪᠴᠤ ᠰᠣᠯᠢᠴᠢᠬᠠᠭᠠᠳ ᠯᠠ ᠨᠣᠢᠲᠠᠨ ᠢ᠋ᠶ᠋ᠠᠨ ᠣᠷᠣᠨ ᠳ᠋ᠤᠨᠢ ᠬᠢᠴᠢᠬᠡᠭᠡᠳ ᠶᠠᠪᠤᠴᠢᠬᠠ ᠃
- ᠲᠡᠢᠮᠦ ᠠᠮᠠᠷᠬᠠᠨ ᠨᠣᠷᠴᠢᠬᠠᠨᠠ ᠭᠡᠵᠢ ᠦᠦ ?
- ᠬᠠᠮᠢᠶᠠ ᠦᠭᠡᠢ ᠂ ᠬᠠᠭᠤᠷᠠᠢ ᠴᠤ᠌ ᠪᠠᠢᠭᠰᠠᠨ ᠵᠠᠪᠠᠯ ᠰᠣᠯᠢᠨᠠ ᠂ ᠲᠡᠭᠡᠵᠦ ᠯᠡ ᠪᠠᠢᠩᠭᠤ ᠰᠣᠯᠢᠬᠤ ᠦᠭᠡᠢ ᠪᠣᠯ ᠶᠠᠭᠠᠬᠢᠵᠤ ᠰᠤᠷᠬᠤ ᠪᠣᠢ᠂ ᠰᠤᠷᠬᠤ ᠦᠭᠡᠢ ᠰᠢᠦ ᠳᠡ ᠃ ᠵᠠ ᠲᠡᠭᠡᠭᠡᠳ ᠬᠠᠷᠢᠯᠠ ᠂ ᠣᠷᠣᠨ ᠳ᠋ᠠᠭᠠᠨ ᠥᠨᠥᠬᠢ ᠪᠡᠨ ᠰᠣᠯᠢᠭᠠᠳ ᠡᠮᠦᠰᠴᠦ ᠢᠷᠡᠭᠰᠡᠨ ᠢ᠋ ᠪᠡᠨ ᠬᠠᠲᠠᠭᠠᠬᠤ ᠪᠠᠷ ᠲᠠᠯᠪᠢᠨᠠ ᠃ ᠭᠦᠢᠴᠡᠭᠡ ᠂ ᠢᠩᠭᠢᠭᠡᠳ ᠯᠡ ᠲᠣᠭᠲᠠᠮᠠᠯ ᠰᠣᠯᠢᠴᠢᠬᠠᠭᠠᠳ ᠬᠦᠢᠲᠡᠨ ᠳ᠋ᠦ᠍ ᠲᠠᠭᠠᠷᠠᠬᠤ ᠦᠭᠡᠢ ᠂ ᠬᠠᠯᠠᠭᠤᠨ ᠳ᠋ᠤ᠌ ᠬᠠᠯᠠᠭᠤᠳᠠᠬᠤ ᠦᠭᠡᠢ ᠶᠠᠪᠤᠭᠠᠳ ᠪᠠᠢᠬᠤ ᠳ᠋ᠤ᠌ ᠬᠥᠮᠦᠨ ᠶᠡᠷᠦ ᠨᠢ ᠶᠠᠭᠠᠬᠢᠵᠤ ᠡᠪᠡᠳᠴᠢᠨ ᠲᠤᠰᠬᠤ ᠪᠣᠢ ?
- ᠲᠠ ᠶᠠᠮᠤᠨ ᠳ᠋ᠤ᠌ ᠬᠣᠷᠢᠭᠠᠳ ᠵᠢᠯ ᠪᠣᠯᠬᠤ ᠳ᠋ᠠᠭᠠᠨ ᠨᠢᠭᠡ ᠴᠤ᠌ ᠤᠳᠠᠭᠠ ᠡᠪᠡᠳᠦᠭᠡ ᠦᠭᠡᠢ ᠭᠡᠯᠡ ᠦᠦ?
- ᠡᠪᠡᠳᠬᠦ ᠪᠠᠢᠲᠤᠭᠠᠢ ᠪᠢ ᠰᠡᠭᠦᠯ ᠦ᠋ᠨ ᠬᠣᠷᠢᠭᠠᠳ ᠵᠢᠯ ᠡᠮ ᠤᠤᠭᠤᠵᠤ ᠦᠵᠡᠭᠡ ᠦᠭᠡᠢ ᠂ ᠤᠬᠠᠭᠠᠨ ᠳ᠋ᠠᠭᠠᠨ ᠴᠤ᠌ ᠪᠣᠯ ᠤᠷᠢ ᠤᠨᠠᠭᠠᠳ ᠢᠷᠡᠬᠦᠯᠡᠷ ᠨᠣᠣᠰᠣᠨ ᠥᠮᠥᠳᠥ ᠪᠡᠨ ᠲᠠᠢᠯᠤᠭᠠᠳ ᠯᠠ ᠬᠠᠶᠠᠴᠢᠬᠠᠳᠠᠭ ᠳᠠ ᠃
- ᠵᠤᠨ ᠴᠤ᠌ ᠬᠠᠷᠠ ᠠᠶᠠᠨᠳᠠᠭᠠᠨ ᠬᠠᠯᠠᠭᠤᠴᠠᠭᠠᠳ ᠡᠮᠦᠰᠴᠦ ᠪᠣᠯᠬᠤ ᠪᠠᠨ ᠪᠤᠯᠢᠴᠢᠬᠠᠳᠠᠭ ᠶᠤᠮ ᠳᠠ ᠃
- ᠵᠠ ᠲᠡᠷᠡ ᠳᠠ ᠂ ᠪᠣᠯᠬᠤ ᠦᠭᠡᠢ ᠂ ᠪᠢᠲᠡᠭᠡᠢ ᠲᠠᠢᠯᠵᠤ ᠪᠠᠢ ᠪᠡᠶᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠧᠮᠫᠧᠷᠠᠲᠦ᠋ᠷ (ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ) ᠢ ᠲᠣᠭᠲᠠᠮᠠᠯ ᠪᠠᠢᠯᠭᠠᠵᠤ ᠴᠢᠳᠠᠵᠤ ᠭᠡᠮᠡᠨ ᠬᠥᠮᠦᠨ ᠡᠪᠡᠳᠬᠦ ᠦᠭᠡᠢ ᠃ ᠲᠡᠷᠡ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ ᠭᠡᠪᠡᠯ ᠭᠠᠳᠠᠭᠠ ᠬᠦᠢᠲᠡᠨ ᠴᠤ᠌ ᠪᠠᠢ ᠂ ᠳᠤᠯᠠᠭᠠᠨ ᠴᠤ᠌ ᠪᠠᠢ᠂ ᠪᠡᠶᠡ ᠶ᠋ᠢᠨ ᠢᠶᠡᠨ ᠳᠤᠯᠠᠭᠠᠨ ᠢ ᠨᠢᠭᠡ ᠲᠦᠪᠰᠢᠨ ᠳ᠋ᠦ᠍ ᠪᠠᠢᠯᠭᠠᠨᠠ ᠭᠡᠰᠡᠨ ᠦᠭᠡ ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠬᠠᠯᠠᠭᠤᠨ ᠰᠠᠪᠠ ᠰᠢᠭ᠋ ᠪᠠᠢᠯᠭᠠᠨᠠ ᠭᠡᠰᠡᠨ ᠦᠭᠡ᠃
- ᠭᠠᠭᠴᠠᠬᠠᠨ ᠲᠡᠭᠡᠵᠦ ᠴᠢᠳᠠᠭᠰᠠᠨ ᠠ᠋ᠴᠠ ᠯᠠ ᠁
- ᠦᠭᠡᠢ ᠠ᠋ ᠂ ᠡᠷᠡᠭᠦᠯ ᠶᠠᠪᠤᠬᠤ ᠳ᠋ᠤ᠌ ᠥᠭᠡᠷᠡ ᠪᠠᠰᠠ ᠶᠡᠬᠡ ᠶᠠᠭᠤᠮᠠ ᠪᠣᠢ ᠰᠢᠦ ᠭᠡᠳ ᠸᠴᠢᠷ ᠨᠠᠴᠤᠭ ᠲᠤ᠌ ᠬᠡᠯᠡᠶᠡ ᠦᠦ ᠂ ᠪᠠᠢᠶᠠ ᠤᠤ ᠭᠡᠰᠡᠨ ᠰᠢᠭ᠌ ᠲᠡᠭᠡᠨᠡᠭᠡᠯᠵᠡᠨ ( ᠰᠠᠨᠠᠭᠠ ᠬᠣᠶᠠᠷᠳᠠᠬᠤ ) ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ :
- ᠪᠢ ᠡᠨᠡ ᠶᠠᠮᠤᠨ ᠳ᠋ᠤ᠌ ᠬᠣᠷᠢᠭᠠᠳ ᠵᠢᠯ ᠪᠣᠯᠬᠤ ᠳ᠋ᠠᠭᠠᠨ ᠨᠢᠭᠡ ᠴᠤ᠌ ᠤᠳᠠᠭᠠ ᠠᠵᠢᠯ ᠢ᠋ᠶ᠋ᠠᠨ ᠰᠣᠯᠢᠵᠤ ᠥᠭᠡᠷᠡᠴᠢᠯᠡᠭᠡ ᠦᠭᠡᠢ ᠂ ᠨᠢᠭᠡ ᠴᠤ᠌ ᠤᠳᠠᠭᠠ ᠠᠭᠤᠷᠯᠠᠵᠤ ᠪᠣᠬᠢᠮᠳᠤᠭᠠ ᠦᠭᠡᠢ ᠂ ᠡᠨᠡ ᠶᠠᠭᠤᠨ ᠳ᠋ᠤ᠌ ᠬᠡᠷᠡᠭᠲᠡᠢ ᠪᠣᠢ ᠭᠡᠪᠡᠯ ᠁ ᠭᠡᠳ ᠲᠣᠯᠣᠭᠠᠢ ᠪᠠᠨ ᠵᠢᠭᠠᠨ ᠄
- ᠡᠨᠡ ᠪᠥᠨᠳᠥᠭᠡᠷ ᠢ᠋ᠶ᠋ᠡᠨ ᠪᠠᠰᠠ ᠨᠢᠭᠡᠨ ᠬᠡᠪ ᠦ᠋ᠨ ᠲᠠᠢᠪᠤᠩ ᠪᠠᠢᠯᠭᠠᠬᠤ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠂ ᠡᠨᠡ ᠴᠤ᠌ ᠬᠡᠴᠡᠭᠦᠦ ᠳᠡ ᠃
ᠠᠳᠠᠭ ᠤᠨ ᠠᠭᠠᠲᠤ ᠵᠠᠬᠠ ᠨᠢ ᠠᠵᠢᠯ ᠳ᠋ᠠᠭᠠᠨ ᠢᠷᠡᠬᠦ ᠂ ᠪᠤᠴᠠᠬᠤ ᠵᠠᠮ ᠢ᠋ᠶ᠋ᠠᠨ ᠬᠦᠷᠲᠡᠯᠡ ᠥᠭᠡᠷᠡᠴᠢᠯᠡᠵᠦ ᠪᠣᠯᠳᠠᠭ ᠦᠭᠡᠢ ᠶᠦᠮ ᠃ ᠪᠦᠬᠦ ᠶᠠᠭᠤᠮᠠᠨ ᠳ᠋ᠤ᠌ ᠵᠠᠩᠰᠢᠴᠢᠬᠠᠭᠰᠠᠨ ᠵᠠᠩ ᠬᠠᠲᠠᠭᠤ ᠴᠢᠩᠳᠠ ᠲᠢᠭ᠌ᠯᠢᠮ ᠴᠢᠬᠤᠯᠠ᠃ ᠲᠡᠷᠡ ᠶ᠋ᠢ ᠪᠡᠨ ᠬᠡᠷᠬᠢᠪᠡᠴᠦ ᠥᠭᠡᠷᠡᠴᠢᠯᠡᠵᠦ ᠂ ᠭᠡᠷᠬᠢᠪᠡᠴᠦ ᠥᠷᠥᠭᠡᠯ ᠪᠤᠰᠤᠳ ᠲᠤ ᠠᠪᠲᠠᠵᠤ ᠪᠣᠯᠬᠤ ᠦᠭᠡᠢ᠃ ᠡᠢᠮᠦ ᠴᠤ᠌ ᠰᠢᠨᠡ ᠨᠣᠮ ᠭᠠᠷᠴᠤ ᠭᠡᠨᠡ᠂ ᠲᠡᠷᠡ ᠴᠤ᠌ ᠰᠠᠢᠨ ᠨᠣᠮ ᠭᠡᠨᠡ ᠭᠡᠰᠡᠨ ᠲᠡᠢᠮᠦ ᠶᠠᠭᠤᠮᠠᠨ ᠳ᠋ᠤ᠌ ᠬᠠᠭᠤᠷᠳᠠᠵᠤ ᠥᠪᠡᠷ ᠦᠨ ᠬᠡᠪᠰᠢᠭᠰᠡᠨ ᠵᠠᠩᠰᠢᠭ᠍ᠰᠠᠨ ᠢᠶᠠᠨ ᠣᠷᠬᠢᠵᠤ ᠪᠣᠯᠬᠤ ᠦᠭᠡᠢ᠃
ᠲᠡᠷᠡ ᠪᠤᠤ ᠬᠡᠯᠡ ᠭᠡᠳ ᠳᠠᠭᠤ ᠪᠠᠨ ᠨᠠᠮᠣᠰᠬᠠᠨ :
- ᠡᠳᠦᠷ ᠲᠦ ᠠᠷᠪᠠᠨ ᠬᠤᠷᠤᠭᠤᠨ ᠤ ᠪᠠᠨ ᠬᠡᠳᠦ ᠶ᠋ᠢ ᠨᠢ ᠬᠥᠳᠡᠯᠭᠡᠬᠦ ᠪᠤᠢ ᠭᠡᠬᠦ ᠳ᠋ᠡᠭᠡᠨ ᠬᠦᠷᠲᠡᠯᠡ ᠨᠠᠷᠢᠨ ᠪᠣᠳᠣᠬᠤ ᠬᠡᠷᠡᠭᠲᠡᠢ ᠭᠡᠳ ᠴᠠᠭ ᠢᠶᠠᠨ ᠬᠠᠷᠠᠭᠰᠠᠨ ᠢᠶᠠᠨ:
- ᠵᠠ ᠳ᠋ᠠ ᠲᠡᠭᠡᠭᠡᠳ ᠡᠷᠡᠭᠦᠯ ᠶᠠᠪᠤᠬᠤ ᠳ᠋ᠤ᠌ ᠤᠬᠠᠭᠠᠨ ᠶᠡᠬᠡ ᠬᠡᠷᠡᠭᠲᠡᠢ ᠳ᠋ᠠ ᠭᠡᠳ ᠭᠠᠳᠠᠭᠤᠷ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠯᠡ᠃
ᠨᠠᠴᠤᠭ :
- ᠬᠡᠨ ᠢ ᠶᠠᠭᠠᠬᠢᠨᠠ ᠦᠭᠡᠢ ᠶᠠᠪᠤᠶᠠ ᠳᠠ᠂ ᠲᠠ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠪᠣᠢ ᠭᠡᠬᠦ ᠳ᠋ᠤ᠌ ᠂
- ᠦᠭᠡᠢ ᠂ ᠦᠭᠡᠢ ᠂ ᠥᠭᠡᠷᠡ ᠳᠠᠢᠰᠢ ᠪᠠᠨ ᠶᠠᠪᠤᠨᠠ ᠭᠡᠳ ᠶᠠᠭᠠᠷᠠᠨ ᠭᠠᠷᠴᠤ ᠡᠭᠦᠳᠡ ᠪᠡᠨ ᠴᠣᠣᠵᠢᠯᠠᠪᠠ ᠃
ᠨᠠᠴᠤᠭ ᠶᠠᠭᠤᠮᠠ ᠴᠤ᠌ ᠬᠡᠯᠡᠭᠰᠡᠨ ᠦᠭᠡᠢ ᠥᠷᠥᠭᠡ ᠤᠷᠤᠭᠤ ᠪᠠᠨ ᠶᠠᠪᠤᠬᠤ ᠳ᠋ᠤ᠌ ᠸᠴᠢᠷ:
- ᠬᠦᠶᠢ ᠭᠡᠮᠡᠨ ᠳᠠᠭᠤᠳᠠᠪᠠ ᠃ ᠨᠠᠴᠤᠭ ᠡᠷᠭᠢᠵᠦ ᠢᠷᠡᠪᠡᠯ
- ᠵᠠ ᠲᠡᠭᠡᠭᠡᠳ ᠣᠯᠠᠨ ᠵᠠᠮ ᠬᠥᠨᠳᠡᠯᠡᠨ ᠭᠠᠷᠬᠤ ᠭᠠᠵᠠᠷ ᠬᠥᠮᠦᠨ ᠲᠡᠢ ᠴᠣᠭ ᠪᠢᠲᠡᠭᠡᠢ ᠶᠠᠪᠤᠵᠤ ᠪᠠᠢ ᠂ ᠳᠡᠮᠡᠢ ᠴᠠᠯᠴᠢᠵᠤ ᠶᠠᠪᠤᠭᠠᠳ ᠮᠠᠰᠢᠨ ᠳ᠋ᠤ᠌ ᠣᠷᠣᠴᠢᠬᠠᠪᠠᠯ ᠶᠠᠭᠠᠬᠢᠨᠠ ᠂ ᠪᠣᠯᠬᠤ ᠦᠭᠡᠢ ᠰᠢᠦ ᠭᠡᠳ ᠡᠢᠰᠢ ᠲᠠᠢᠰᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ :
- ᠴᠢᠮᠠ ᠶ᠋ᠢ ᠳᠠᠭᠤ ᠦᠭᠡᠢ ᠲᠣᠮᠣᠭᠠᠲᠠᠢ ᠂ ᠬᠠᠭᠠᠷᠬᠠᠢ ᠬᠡᠩᠭᠡᠷᠭᠡ ᠣᠷᠬᠢᠭᠠᠳ ᠶᠠᠪᠤᠳᠠᠭ ᠦᠭᠡᠢ ᠪᠣᠯᠬᠣᠷ ᠴᠢᠨᠢ ᠡᠨᠡ ᠪᠦᠭᠦᠳᠡ ᠶ᠋ᠢ ᠶᠠᠷᠢᠯᠠ ᠰᠢᠦ ᠂ ᠮᠡᠳᠡᠪᠡ ᠤᠤ ᠭᠡᠳ ᠬᠦᠵᠦᠭᠦᠦ ᠪᠡᠨ ᠵᠠᠬᠠᠨ ᠳ᠋ᠠᠭᠠᠨ ᠰᠢᠭᠢᠳᠬᠡᠨ ᠰᠤᠭᠤᠨ ᠳ᠋ᠠᠭᠠᠨ ᠬᠠᠯᠠᠭᠤᠨ ᠤ ᠰᠢᠯ ᠲᠠᠢ ᠶᠤᠮ ᠰᠢᠭ᠋ ᠬᠠᠪᠴᠢᠨ ᠬᠡᠨ ᠳᠠᠭᠤᠳᠠᠭᠰᠠᠨ ᠴᠤ᠌ ᠡᠷᠭᠢᠵᠦ ᠬᠠᠷᠠᠬᠤ ᠪᠠᠷ ᠦᠭᠡᠢ ᠠᠯᠬᠤᠭᠰᠠᠭᠠᠷ ᠬᠣᠯᠠᠳᠬᠤ ᠶ᠋ᠢ ᠨᠢ ᠬᠠᠷᠠᠵᠤ ᠵᠣᠭᠰᠣᠭᠰᠠᠨ ᠨᠠᠴᠤᠭ 《 ᠬᠢᠩ 》 ᠭᠡᠵᠦ ᠥᠪᠡᠷ ᠲᠡᠭᠡᠨ ᠥᠭᠦᠯᠡᠭᠰᠡᠨ ᠢ᠋ᠶ᠋ᠡᠨ ᠡᠪᠡᠳᠴᠦ ᠪᠠᠢᠭᠠ ᠨᠢᠷᠤᠭᠤ ᠪᠠᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠠᠷᠤᠨ ᠥᠷᠥᠭᠡ ᠤᠷᠤᠭᠤ ᠪᠠᠨ ᠶᠠᠪᠤᠪᠠ ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃