ᠳ᠋ᠧᠢᠯᠠᠶ᠋ᠢᠲ ᠭᠦᠩᠵᠦ ᠪᠣᠯᠤᠨ ᠨᠠᠮᠤᠭ ᠤᠨ ᠰᠢᠳᠢᠲᠡᠨДэйлайт гүнж болон намгийн шидтэн
670ᠳ᠋ᠧᠢᠯᠠᠶ᠋ᠢᠲ ᠭᠦᠩᠵᠦ ᠪᠣᠯᠤᠨ ᠨᠠᠮᠤᠭ ᠤᠨ ᠰᠢᠳᠢᠲᠡᠨ
ᠡᠷᠲᠡ ᠳᠡᠭᠡᠷᠡ ᠴᠠᠭ ᠲᠤ᠌ ᠬᠠᠭᠠᠨ ᠬᠦᠦ ᠭᠦᠩᠵᠦ ᠨᠠᠷ ᠢ᠋ ᠲᠥᠷᠥᠭᠰᠡᠨ ᠦ᠌ ᠳᠠᠷᠠᠭᠠ ᠨᠢᠭᠡ ᠴᠠᠭ ᠤ᠋ᠨ ᠳᠣᠲᠣᠷᠠ ᠰᠢᠳᠢᠲᠡᠨ ᠨᠦ᠍ᠭᠦᠳ ᠢᠷᠡᠭᠡᠳ ᠬᠤᠪᠢ ᠲᠠᠪᠢᠯᠠᠩ ᠢ᠋ ᠨᠢ ᠬᠡᠯᠡᠵᠦ ᠥᠭᠳᠡᠭ ᠦᠶᠡ ᠶ᠋ᠢᠨ ᠲᠤᠬᠠᠢ ᠦᠯᠢᠭᠡᠷ ᠪᠢᠯᠡ᠃ ᠬᠤᠪᠢ ᠲᠠᠪᠢᠯᠠᠩ ᠬᠡᠯᠡᠳᠡᠭ ᠵᠢᠷᠭᠤᠭᠠᠨ ᠭᠦᠩᠵᠦ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠠᠮᠢᠳᠤᠷᠠᠳᠠᠭ ᠪᠠᠢᠯᠠ᠃ ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠳᠠᠬᠢᠭᠠᠳ ᠨᠢᠭᠡ ᠰᠢᠳᠢᠲᠡᠨ ᠪᠠᠢᠭᠰᠠᠨ ᠶᠤᠮ᠃ ᠲᠡᠷᠡ ᠰᠢᠳᠢᠲᠡᠨ ᠣᠢ ᠳ᠋ᠤ᠌ ᠪᠢᠰᠢ᠂ ᠨᠠᠮᠤᠭ ᠤ᠋ᠨ ᠭᠣᠣᠯ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ᠃ ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠢᠷᠡᠭᠡᠳ ᠤᠳᠠᠭᠠᠳᠤᠢ ᠲᠡᠷᠡ ᠰᠢᠳᠢᠲᠡᠨ ᠪᠤᠰᠤᠳ ᠵᠢᠷᠭᠤᠭᠠᠨ ᠰᠢᠳᠢᠲᠡᠨ ᠲᠡᠢ ᠪᠡᠨ ᠬᠣᠯᠪᠣᠭᠠ ᠲᠣᠭᠲᠠᠭᠠᠬᠤ ᠶ᠋ᠢ ᠬᠦᠰᠡᠳᠡᠭ ᠦᠭᠡᠢ ᠪᠠᠢᠯᠠ᠃ ᠤᠴᠢᠷ ᠨᠢ ᠲᠡᠷᠡ ᠬᠤᠪᠢ ᠶ᠋ᠢᠨ ᠬᠢᠴᠢᠶᠡᠭᠰᠡᠨ ᠬᠣᠷᠣᠨ ᠰᠠᠨᠠᠭᠠ ᠲᠠᠢ ᠪᠠᠢᠵᠠᠢ᠃ ᠡᠭᠦᠨ ᠡᠴᠡ ᠪᠣᠯᠤᠭᠠᠳ ᠴᠤ᠌ ᠲᠡᠷᠡ ᠤᠤ ᠤᠳᠠᠬᠤ ᠦᠭᠡᠢ ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠲᠥᠷᠥᠬᠦ ᠭᠦᠩᠵᠦ ᠶ᠋ᠢᠨ ᠲᠥᠯᠥᠭᠡ ᠰᠠᠢᠬᠠᠨ ᠰᠡᠳᠬᠢᠯ ᠳ᠋ᠦ᠍ ᠵᠢᠷᠭᠤᠭᠠᠨ ᠰᠢᠳᠢᠲᠡᠨ ᠦ᠌ ᠰᠠᠨᠠᠭᠠ ᠵᠣᠪᠠᠵᠤ ᠡᠬᠢᠯᠡᠭᠰᠡᠨ ᠶᠦᠮ᠃ ᠪᠢᠳᠡ ᠪᠣᠯᠭᠣᠮᠵᠢᠲᠠᠢ ᠪᠠᠢᠬᠤ ᠬᠡᠷᠡᠭ ᠲᠡᠢ᠃ ᠰᠠᠶᠢᠬᠠᠨ ᠢᠷᠡᠭᠰᠡᠨ ᠨᠠᠮᠤᠭ ᠤ᠋ᠨ ᠰᠢᠳᠢᠲᠡᠨ ᠤᠳᠠᠬᠤ ᠦᠭᠡᠢ ᠲᠥᠷᠥᠬᠦ ᠭᠦᠩᠵᠦ ᠳ᠋ᠦ᠍ ᠮᠠᠭᠤᠬᠠᠢ ᠰᠢᠪᠰᠢᠯᠭᠡ ᠬᠢᠴᠢᠬᠡᠪᠡᠯ ᠶᠠᠭᠠᠬᠢᠨᠠ? ᠲᠡᠷᠡ ᠰᠢᠳᠢᠲᠡᠨ ᠪᠢᠳᠡ ᠨᠠᠷ ᠢ᠋ ᠣᠳᠣᠬᠠᠨ ᠳ᠋ᠤ᠌ ᠪᠠᠨ ᠬᠠᠷᠠᠭᠠ ᠦᠭᠡᠢ ᠪᠣᠯᠬᠣᠷ ᠪᠢᠳᠡ ᠨᠠᠷ ᠢ᠋ ᠬᠡᠳᠦᠭᠦᠯᠡ ᠪᠡᠨ ᠭᠡᠳᠡᠭ ᠢ᠋ ᠮᠡᠳᠡᠬᠦ ᠦᠭᠡᠢ᠃ ᠲᠡᠢᠮᠦ ᠡᠴᠡ ᠪᠢᠳᠡᠨ ᠦ᠌ ᠬᠣᠶᠠᠷ ᠨᠢ ᠴᠦ᠍ ᠶᠦᠮ ᠤᠤ⁈ ᠪᠠᠭᠠᠨᠠ ᠶ᠋ᠢᠨ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠭᠠᠳ ᠨᠢᠭᠡ ᠴᠠᠭ ᠤ᠋ᠨ ᠬᠤᠭᠤᠴᠠᠭᠠ ᠨᠢ ᠳᠠᠭᠤᠰᠬᠤ ᠬᠦᠷᠲᠡᠯᠡ ᠪᠢᠳᠡᠨ ᠦ᠌ ᠠᠳᠢᠰᠯᠠᠯ ᠬᠠᠳᠠᠭᠠᠯᠠᠭᠳᠠᠬᠤ ᠶ᠋ᠢ ᠬᠦᠯᠢᠶᠡᠪᠡᠯ ᠶᠠᠮᠠᠷ ᠤᠤ? ᠲᠡᠭᠡᠵᠦ ᠴᠢᠳᠠᠪᠠᠯ ᠨᠠᠮᠤᠭ ᠤ᠋ᠨ ᠰᠢᠳᠢᠲᠡᠨ ᠢᠷᠡᠭᠡᠳ ᠮᠠᠭᠤᠬᠠᠢ ᠰᠢᠪᠰᠢᠯᠭᠡ ᠬᠢᠭᠰᠡᠨ ᠴᠦ᠍ ᠬᠡᠳᠦᠭᠦᠯᠡ ᠪᠡᠨ ᠬᠠᠮᠠᠭᠠᠯᠠᠭᠠᠳ ᠪᠠᠢᠵᠤ ᠴᠢᠳᠠᠬᠤ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠢᠨᠠ᠃ ᠲᠡᠢᠮᠦ ᠠ᠋᠂ ᠴᠢᠨᠦ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠬᠢᠭᠡᠳ ᠦᠵᠡᠶᠡ᠃ ᠲᠡᠷᠡ ᠰᠥᠨᠢ ᠦᠨᠡᠬᠡᠷ ᠭᠦᠩᠵᠦ ᠲᠥᠷᠥᠵᠦ ᠰᠢᠳᠢᠲᠡᠨ ᠨᠤᠭᠦᠳ ᠲᠥᠯᠥᠪᠯᠡᠭᠰᠡᠨ ᠦ᠌ ᠪᠡᠨ ᠳᠠᠭᠠᠤ ᠬᠠᠭᠠᠨ ᠬᠠᠲᠤᠨ ᠬᠣᠶᠠᠷ ᠬᠠᠷᠠᠵᠤ ᠪᠠᠢᠬᠤ ᠳ᠋ᠤ᠌ ᠬᠣᠶᠠᠷ ᠰᠢᠳᠢᠲᠡᠨ ᠨᠢ ᠭᠠᠳᠠᠨᠠ ᠭᠠᠷᠴᠤ ᠪᠠᠭᠠᠨᠠ ᠶ᠋ᠢᠨ ᠠᠷᠤ ᠪᠠᠷ ᠨᠢᠭᠤᠭᠳᠠᠵᠤ᠂ ᠦᠯᠡᠳᠡᠭᠰᠡᠨ ᠳᠥᠷᠪᠡᠨ ᠰᠢᠳᠢᠲᠡᠨ ᠨᠢ ᠣᠷᠳᠣᠨ ᠳ᠋ᠤ᠌ ᠦᠯᠡᠳᠡᠭᠡᠳ ᠭᠦᠩᠵᠦ ᠶ᠋ᠢ ᠮᠡᠳᠡᠳᠡᠭ ᠪᠦᠬᠦ ᠠᠳᠢᠰ ᠢᠷᠦᠭᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠳᠢᠰᠯᠠᠭᠰᠠᠨ ᠶᠤᠮ᠃ ᠭᠦᠩᠵᠦ ᠳ᠋ᠦ᠍᠄《ᠳ᠋ᠧᠢᠯᠠᠢᠲ᠋》 ᠭᠡᠵᠦ ᠨᠡᠷᠡ ᠥᠭᠭᠦᠶᠡ᠃ ᠬᠠᠮᠢᠭᠠ ᠴᠤ᠌ ᠣᠴᠢᠭᠰᠠᠨ ᠴᠤ᠌ ᠬᠠᠢᠷᠠ ᠲᠠᠯᠠᠷᠬᠠᠯ ᠢ᠋ ᠬᠦᠯᠢᠶᠡᠵᠦ ᠬᠠᠯᠠᠭᠤᠨ ᠳᠤᠯᠠᠭᠠᠬᠠᠨ ᠦᠭᠡᠰ ᠢ᠋ ᠰᠣᠨᠣᠰᠤᠨᠠ᠃ ᠭᠦᠩᠵᠦ ᠶ᠋ᠢᠨ ᠰᠡᠳᠬᠢᠯ ᠵᠢᠷᠦᠬᠡ ᠡᠷᠡ ᠵᠣᠷᠢᠭ ᠲᠠᠢ ᠰᠢᠢᠳᠮᠡᠭᠡᠢ ᠪᠣᠯᠤᠨᠠ᠃ ᠭᠦᠩᠵᠦ ᠬᠦᠨᠳᠦ ᠬᠡᠴᠡᠭᠦᠦ ᠵᠦᠢᠯ ᠲᠡᠢ ᠲᠤᠯᠭᠠᠷᠠᠭᠰᠠᠨ ᠴᠤ᠌ ᠦᠷᠭᠦᠯᠵᠢ ᠵᠥᠪ ᠤᠬᠠᠭᠠᠯᠢᠭ ᠰᠢᠢᠳᠪᠦᠷᠢ ᠭᠠᠷᠭᠠᠨᠠ᠃ ᠴᠢ ᠦᠷᠭᠦᠯᠵᠢ ᠪᠤᠰᠤᠳ ᠤ᠋ᠨ ᠬᠠᠢᠷᠠ ᠶ᠋ᠢ ᠲᠠᠲᠠᠵᠤ ᠬᠦᠨᠳᠦᠯᠡᠭᠦᠯᠦᠨᠡ᠃ ᠬᠠᠭᠠᠨ ᠬᠠᠲᠤᠨ ᠬᠣᠶᠠᠷ ᠰᠢᠳᠢᠲᠡᠨ ᠨᠤᠭᠦᠳ ᠦ᠋ᠨ ᠰᠠᠢᠬᠠᠨ ᠠᠳᠢᠰᠯᠠᠯ ᠢ᠋ ᠰᠣᠨᠣᠰᠤᠭᠠᠳ ᠰᠡᠳᠬᠢᠯ ᠨᠢ ᠶᠡᠬᠡᠳᠡ ᠬᠥᠳᠡᠯᠵᠦ᠂ ᠲᠡᠳᠡᠨ ᠳ᠋ᠦ᠍ ᠲᠠᠯᠠᠷᠬᠠᠯ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠯᠡ᠃ ᠭᠡᠲᠡᠯᠡ ᠶᠠᠭ ᠲᠡᠷᠡ ᠦᠶᠡ ᠳ᠋ᠦ᠍ ᠨᠠᠮᠤᠭ ᠤ᠋ᠨ ᠰᠢᠳᠢᠲᠡᠨ ᠢᠷᠡᠭᠡᠳ ᠪᠦᠬᠦ ᠶᠠᠭᠤᠮᠠ ᠶ᠋ᠢ ᠪᠠᠯᠠᠯᠵᠤ ᠣᠷᠬᠢᠪᠠ᠃
《ᠰᠣᠨᠣᠰᠤᠭᠠᠳ ᠪᠠᠢᠭᠰᠠᠨ ᠴᠢᠨᠢ ᠳ᠋ᠧᠢᠯᠠᠢᠲ᠋ ᠭᠡᠵᠦ ᠨᠡᠷᠡ ᠥᠭᠭᠦᠭᠰᠡᠨ ᠭᠡᠨᠡ ᠤᠤ⁈ ᠲᠡᠭᠡᠪᠡᠯ ᠨᠡᠷᠡ ᠳ᠋ᠡᠭᠡᠨ ᠲᠣᠬᠢᠷᠠᠭᠠᠳ ᠨᠠᠷᠠ ᠲᠠᠢ ᠦᠶᠡ ᠳ᠋ᠦ᠍ ᠨᠠᠷᠠᠨ ᠤ᠋ ᠭᠡᠷᠡᠯ ᠲᠤᠰᠬᠤ ᠯᠠ ᠶᠤᠮ ᠪᠣᠯ ᠡᠳᠦᠷ ᠥᠨᠵᠢᠬᠦ ᠦᠭᠡᠢ ᠭᠦᠨ ᠨᠣᠢᠷ ᠲᠤ᠌ ᠤᠮᠪᠠᠭᠠᠳ ᠮᠥᠩᠬᠡ ᠶ᠋ᠢᠨ ᠨᠣᠢᠷᠤᠨ ᠳ᠋ᠤ᠌ ᠤᠮᠪᠠᠬᠤ ᠶ᠋ᠢ ᠢᠷᠥᠭᠡᠵᠦ ᠪᠠᠢᠨᠠ᠂ ᠬᠠ ᠬᠠ ᠬᠠ ᠬᠠ》 ᠠ᠁ ᠠ᠁ ᠠ᠁ ᠭᠡᠪᠡᠴᠦ᠂ ᠰᠥᠨᠢ ᠰᠡᠷᠢᠵᠦ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠨᠠ᠃ ᠮᠢᠨᠦ ᠰᠢᠪᠰᠢᠯᠭᠡᠨ ᠳ᠋ᠦ᠍ ᠰᠠᠭᠠᠳ ᠬᠢᠨᠡ ᠭᠡᠨᠡ᠃ ᠴᠢᠨᠦ ᠡᠭᠡᠯᠵᠢ ᠳᠠᠭᠤᠰᠤᠭᠰᠠᠨ ᠰᠢᠲᠠ᠃ ᠠ! ᠪᠢ ᠵᠦᠭᠡᠷ ᠢᠨᠢᠶᠡᠵᠦ ᠪᠠᠢᠭᠰᠠᠨ ᠶᠤᠮ᠃ ᠢᠨᠢᠶᠡᠵᠦ ᠳᠠᠭᠤᠰᠤᠭᠠᠳᠤᠢ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠪᠣᠯᠤᠮᠵᠢ ᠮᠠᠨᠢ ᠳᠠᠭᠤᠰᠤᠭᠠᠳᠤᠢ ᠭᠡᠰᠡᠨ ᠦᠭᠡ᠃ ᠲᠡᠢᠮᠦ ᠠ᠋᠂ ᠰᠥᠨᠢ ᠳ᠋ᠡᠭᠡᠨ ᠰᠡᠷᠢᠵᠦ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠨᠠ᠃ ᠲᠡᠭᠷᠢ ᠶ᠋ᠢᠨ ᠰᠠᠷᠠᠨ ᠤ᠋ ᠬᠡᠯᠪᠡᠷᠢ ᠡᠴᠡ ᠰᠢᠯᠲᠠᠭᠠᠯᠠᠭᠠᠳ ᠰᠢᠦ ᠳᠡ᠂ ᠲᠡᠢᠮᠦ ᠡᠴᠡ ᠰᠠᠷᠠ ᠲᠠᠢ ᠬᠠᠮᠲᠤ ᠠᠵᠠ ᠵᠢᠷᠭᠠᠯ ᠨᠢ ᠨᠢᠭᠡ ᠶᠡᠬᠡᠰᠴᠦ ᠨᠢᠭᠡ ᠬᠣᠮᠰᠠᠳᠠᠬᠤ ᠪᠣᠯᠤᠯᠠ᠃ ᠬᠠ ᠬᠠ ᠬᠠ᠃ ᠨᠠᠮᠤᠭ ᠤ᠋ᠨ ᠰᠢᠳᠢᠲᠡᠨ ᠢᠩᠭᠢᠵᠦ ᠬᠡᠯᠡᠴᠢᠬᠡᠭᠡᠳ ᠦᠷᠭᠦᠯᠵᠢᠯᠡᠭᠦᠯᠦᠨ ᠢᠨᠢᠶᠡᠭᠰᠡᠭᠡᠷ ᠯᠡ ᠪᠠᠢᠯᠠ᠃ ᠨᠢᠭᠤᠭᠳᠠᠵᠤ ᠪᠠᠢᠭᠰᠠᠨ ᠰᠢᠳᠢᠲᠡᠨ ᠨᠠᠮᠤᠭ ᠤ᠋ᠨ ᠰᠢᠳᠢᠲᠡᠨ ᠳᠠᠭᠤ ᠦᠭᠡᠢ ᠪᠣᠯᠬᠤ ᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠭᠠᠳ ᠳᠠᠭᠤᠰᠤᠩᠭᠤᠲᠠ ᠲᠡᠷᠡ ᠭᠠᠷᠴᠤ ᠢᠷᠡᠯᠡ᠃ ᠢᠩᠭᠢᠬᠦ ᠳ᠋ᠦ᠍ ᠬᠡᠩ᠂ ᠢᠩᠭᠢᠬᠦ ᠳ᠋ᠦ᠍ ᠲᠠ ᠨᠠᠷ ᠬᠡᠳᠦᠭᠦᠯᠡ ᠪᠡᠨ ᠶᠦᠮ ᠪᠣᠢ? ᠬᠠ ᠬᠠ ᠬᠠ᠂᠂᠂᠂
ᠲᠡᠭᠡᠭᠡᠳ ᠭᠦᠩᠵᠦ ᠶ᠋ᠢᠨ ᠲᠠᠨᠢᠬᠤ ᠦᠭᠡᠢ ᠨᠢᠭᠡᠨ ᠬᠥᠮᠦᠨ ᠢᠷᠡᠭᠡᠳ ᠦᠨᠦᠰᠪᠡᠯ ᠭᠦᠨ ᠨᠣᠢᠷᠤᠨ ᠡᠴᠡ ᠪᠡᠨ ᠰᠡᠷᠡᠵᠦ ᠰᠠᠷᠠᠨ ᠤ᠋ ᠬᠡᠯᠪᠡᠷᠢ ᠶ᠋ᠢ ᠳᠠᠭᠠᠵᠤ ᠬᠤᠪᠢᠰᠤᠨ ᠥᠭᠡᠷᠡᠴᠢᠯᠡᠭᠳᠡᠳᠡᠭ᠂ ᠠᠵᠠ ᠵᠢᠷᠭᠠᠯ ᠨᠢ ᠬᠡᠪ ᠦ᠋ᠨ ᠪᠣᠯᠤᠨᠠ᠃ ᠬᠠ ᠬᠠ ᠬᠠ᠂ ᠴᠢᠨᠦ ᠡᠭᠡᠯᠵᠢ ᠳᠠᠭᠤᠰᠤᠭᠰᠠᠨ ᠶᠤᠮ ᠰᠢᠭ᠋ ᠪᠣᠯᠬᠣᠷ ᠨᠢ ᠬᠡᠯᠡᠵᠦ ᠪᠠᠢᠭᠠ ᠶᠤᠮ᠃ ᠬᠠ ᠬᠠ ᠬᠠ ᠢᠩᠭᠢᠭᠡᠳ ᠠᠳᠢᠰ ᠢᠷᠦᠭᠡᠯ ᠦ᠋ᠳ ᠪᠡᠶᠡᠯᠡᠵᠦ ᠡᠬᠢᠯᠡᠯᠡ᠃ ᠭᠦᠩᠵᠦ ᠰᠥᠨᠢ ᠰᠡᠷᠢᠵᠦ ᠢᠨᠢᠶᠡᠵᠦ ᠬᠥᠭᠡᠷᠴᠦ ᠡᠳᠦᠷ ᠨᠢ ᠤᠨᠲᠠᠳᠠᠭ ᠪᠣᠯᠪᠠ᠃ ᠭᠦᠩᠵᠦ ᠲᠡᠷᠭᠡᠯ ᠰᠠᠷᠠ ᠲᠠᠢ ᠰᠥᠨᠢ ᠬᠠᠮᠤᠭ ᠤ᠋ᠨ ᠶᠡᠬᠡ ᠠᠵᠠ ᠵᠢᠷᠭᠠᠯ ᠢ᠋ ᠮᠡᠳᠡᠷᠡᠳᠡᠭ ᠪᠠᠢᠯᠠ᠃ ᠰᠥᠨᠢ ᠪᠣᠯᠭᠠᠨ᠂ ᠬᠠᠪᠢᠷᠭᠠᠨ ᠰᠠᠷᠠ ᠠᠭᠠᠵᠢᠮ ᠠᠭᠠᠵᠢᠮ ᠢ᠋ᠶ᠋ᠠᠷ ᠳᠦᠭᠦᠷᠬᠦ ᠦᠶᠡ ᠳ᠋ᠦ᠍ ᠭᠦᠩᠵᠦ ᠪᠠᠭᠠ ᠪᠠᠭᠠ ᠪᠠᠷ ᠠᠵᠠ ᠵᠢᠷᠭᠠᠯ ᠲᠠᠢ ᠪᠣᠯᠵᠤ ᠲᠡᠷᠭᠡᠯ ᠰᠠᠷᠠ ᠲᠠᠢ ᠰᠥᠨᠢ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠠᠵᠠ ᠵᠢᠷᠭᠠᠯ ᠢ᠋ ᠮᠡᠳᠡᠷᠡᠳᠡᠭ ᠪᠠᠢᠯᠠ᠃ ᠬᠠᠷᠢᠨ ᠡᠰᠡᠷᠭᠦ ᠪᠡᠷ ᠰᠠᠷᠠ ᠪᠠᠭᠠᠰᠬᠤ ᠲᠣᠰᠤᠮ ᠬᠥᠷ ᠪᠠᠶᠠᠷ ᠨᠢ ᠪᠠᠭᠠᠰᠤᠭᠠᠳ᠂ ᠰᠠᠷᠠ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠯᠬᠤ ᠦᠶᠡ ᠳ᠋ᠦ᠍ ᠬᠥᠷ ᠪᠠᠶᠠᠷ ᠨᠢ ᠪᠠᠭᠤᠷᠠᠭᠠᠳ ᠰᠢᠨᠡ ᠰᠠᠷᠠ ᠭᠠᠷᠬᠤ ᠬᠦᠷᠲᠡᠯᠡ ᠡᠴᠦᠰ ᠲᠦ᠍ ᠪᠡᠨ ᠪᠦᠷ ᠦᠬᠦᠭᠰᠡᠨ ᠬᠥᠮᠦᠨ ᠰᠢᠭ ᠣᠷᠣᠨ ᠳ᠋ᠠᠭᠠᠨ ᠬᠡᠪᠲᠡᠳᠡᠭ ᠪᠣᠯᠵᠠᠢ᠃ ᠨᠠᠷᠠ ᠮᠠᠨᠳᠤᠵᠤ ᠦᠦᠷ ᠴᠠᠢᠬᠤ ᠳ᠋ᠤ᠌ ᠭᠦᠨ ᠨᠣᠢᠷ ᠲᠤ᠌ ᠠᠪᠲᠠᠨ ᠨᠠᠷᠠ ᠵᠢᠷᠭᠠᠬᠤ ᠬᠦᠷᠲᠡᠯᠡ ᠰᠠᠷᠠᠯ ᠦᠭᠡᠢ ᠤᠨᠲᠠᠳᠠᠭ ᠪᠠᠢᠯᠠ᠃ ᠢᠩᠭᠢᠭᠡᠳ ᠬᠣᠷᠢᠨ ᠵᠢᠯ ᠥᠩᠭᠡᠷᠡᠭᠰᠡᠨ ᠴᠦ᠍ ᠭᠡᠰᠡᠨ ᠭᠦᠩᠵᠦ ᠨᠢᠭᠡ ᠴᠦ᠍ ᠤᠳᠠᠭᠠ ᠠᠯᠲᠠᠨ ᠨᠠᠷᠠ ᠶ᠋ᠢ ᠬᠠᠷᠠᠭᠰᠠᠨ ᠦᠭᠡᠢ᠃ ᠭᠦᠩᠵᠦ ᠶ᠋ᠢᠨ ᠡᠨᠡ ᠵᠣᠪᠠᠯᠠᠩ ᠢ᠋ ᠬᠠᠷᠠᠭᠰᠠᠨ ᠭᠡᠷ ᠦ᠋ᠨ ᠬᠢᠨᠢ ᠴᠦ᠍ ᠭᠡᠰᠡᠨ ᠶᠡᠬᠡᠳᠡ ᠰᠢᠨᠠᠯᠵᠤ ᠵᠣᠪᠠᠳᠠᠭ ᠪᠠᠢᠯᠠ᠃ ᠠᠪᠤ ᠠ᠋᠂ ᠪᠢ ᠣᠢ ᠳ᠋ᠤ᠌ ᠪᠠᠢᠳᠠᠭ ᠷᠣᠰᠫᠤᠲ᠋ᠧ ᠶ᠋ᠢᠨ ᠭᠡᠷ ᠲᠦ᠍ ᠣᠴᠢᠵᠤ ᠠᠮᠢᠳᠤᠷᠠᠮᠠᠷ ᠪᠠᠢᠨᠠ᠃ ᠪᠣᠯᠬᠤ ᠥᠬᠡᠢ᠂ ᠪᠦᠭᠦᠳᠡ ᠬᠠᠮᠲᠤ ᠳ᠋ᠤ᠌ ᠪᠠᠨ ᠣᠷᠳᠣᠨ ᠳ᠋ᠤ᠌ ᠠᠮᠢᠳᠤᠷᠠᠨᠠ᠃ ᠴᠢᠮᠠ ᠶ᠋ᠢ ᠶᠠᠪᠤᠭᠤᠯᠤᠨᠠ ᠭᠡᠬᠦ ᠡᠴᠡ ᠪᠦᠷ ᠵᠢᠷᠦᠬᠡ ᠰᠡᠳᠬᠢᠯ ᠡᠪᠡᠳᠴᠦ ᠪᠠᠢᠨᠠ᠃ ᠠᠪᠤ ᠠ᠋᠂ ᠮᠢᠨᠦ ᠰᠡᠳᠬᠢᠯ ᠴᠦ᠍ ᠭᠡᠰᠡᠨ ᠡᠪᠡᠳᠴᠦ ᠪᠠᠢᠨᠠ᠃ ᠰᠠᠷᠠ ᠬᠣᠮᠰᠠᠳᠠᠬᠤ ᠪᠦᠷᠢ ᠳ᠋ᠦ᠍ ᠴᠦᠩᠬᠦᠢᠵᠦ ᠴᠠᠢᠵᠤ ᠪᠠᠢᠭᠠ ᠪᠠᠨ ᠬᠠᠷᠠᠭᠠᠳ ᠮᠢᠨᠦ ᠰᠡᠳᠬᠢᠯ ᠴᠦ᠍ ᠡᠪᠡᠳᠳᠡᠭ᠃ ᠣᠢ ᠳ᠋ᠤ᠌ ᠪᠠᠢᠪᠠᠯ ᠭᠠᠢᠭᠤᠢ ᠪᠠᠢᠨᠠ ᠠ᠋᠃ ᠮᠢᠨᠦ ᠡᠨᠡ ᠬᠠᠷᠢᠶᠠᠯ ᠡᠴᠡ ᠪᠣᠯᠤᠭᠠᠳ ᠰᠢᠨᠠᠯᠵᠤ ᠪᠠᠢᠭᠠ ᠲᠠ ᠬᠣᠶᠠᠷ ᠢ᠋ ᠪᠡᠨ ᠬᠠᠷᠠᠭᠠᠳ ᠰᠡᠳᠬᠢᠯ ᠡᠪᠡᠳᠬᠦ ᠪᠠᠭᠠᠰᠤᠨᠠ᠃ ᠲᠡᠨᠳᠡ ᠠᠮᠢᠳᠤᠷᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠭᠡᠴᠢ᠃ ᠮᠢᠨᠦ ᠬᠠᠷᠢᠶᠠᠯ ᠤᠰᠠᠳᠴᠤ ᠦᠭᠡᠢ ᠪᠣᠯᠬᠤ ᠬᠦᠷᠲᠡᠯᠡ᠃ ᠠ⁈ ᠭᠡᠬᠦ ᠳ᠋ᠡᠭᠡᠨ ᠶᠠᠪᠤᠭᠤᠯᠴᠢᠬᠠ! ᠬᠣᠩᠭᠣᠷ ᠮᠢᠨᠢ᠃ ᠥᠬᠢᠨ ᠮᠠᠨᠢ ᠲᠣᠮᠣ ᠪᠣᠯᠤᠭᠰᠠᠨ ᠰᠢᠦ ᠳᠡ᠃ ᠪᠢᠳᠡ ᠨᠠᠷ ᠡᠴᠡ ᠢᠯᠡᠭᠦᠦ ᠰᠢᠨᠠᠯᠵᠤ ᠪᠠᠢᠭᠠ ᠰᠢᠦ ᠳᠡ᠃ ᠰᠡᠳᠬᠢᠯ ᠰᠠᠨᠠᠭᠠ ᠴᠢᠨᠢ ᠶᠠᠮᠠᠷ ᠶᠡᠬᠡ ᠰᠢᠨᠠᠯᠵᠤ ᠪᠠᠢᠭᠰᠠᠨ ᠢ᠋ ᠣᠳᠣ ᠯᠠ ᠣᠢᠯᠠᠭᠠᠯᠠ᠃ ᠶᠠᠪᠤ ᠳᠠ᠂ ᠥᠬᠢᠨ ᠮᠢᠨᠢ᠂ ᠶᠠᠪᠤᠭᠠᠳ ᠨᠠᠷᠠ ᠶ᠋ᠢ ᠬᠠᠷᠠᠳᠠᠭ ᠪᠣᠯᠬᠤ ᠪᠠᠷ ᠢ᠋ᠶ᠋ᠠᠨ ᠡᠷᠭᠢᠵᠦ ᠢᠷᠡᠭᠡᠷᠡᠢ᠃ᠲᠡᠷᠡ ᠪᠣᠯᠲᠠᠯᠠ ᠪᠢᠳᠡ ᠨᠠᠷ ᠡᠨᠳᠡ ᠪᠡᠨ ᠬᠦᠯᠢᠶᠡᠵᠦ ᠪᠠᠢᠶᠠ᠃ ᠢᠩᠭᠢᠭᠡᠳ ᠭᠦᠩᠵᠦ ᠡᠪᠡᠳᠦᠭᠰᠡᠨ ᠦᠶᠡ ᠳ᠋ᠦ᠍ ᠨᠢ ᠥᠪᠡᠷ ᠢ᠋ ᠨᠢ ᠡᠮᠴᠢᠯᠡᠬᠦ ᠰᠢᠪᠡᠭᠴᠢᠨ ᠨᠦ᠍ᠭᠦᠳ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠨ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠣᠴᠢᠨ ᠰᠢᠨᠡ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠡᠬᠢᠯᠡᠭᠦᠯᠦᠯᠡ᠃ ᠭᠦᠩᠵᠦ ᠪᠡᠶᠡ ᠨᠢ ᠵᠦᠭᠡᠷ ᠦᠶᠡ ᠳ᠋ᠦ᠍ ᠣᠢ ᠪᠠᠷ ᠨᠠᠭᠠᠰᠢ ᠴᠠᠭᠠᠰᠢ ᠠᠯᠬᠤᠬᠤ ᠳᠤᠷᠠᠲᠠᠢ ᠪᠠᠢᠯᠠ᠃ ᠢᠩᠭᠢᠭᠡᠳ ᠰᠠᠷᠠ ᠬᠣᠮᠠᠰᠳᠠᠬᠤ ᠦᠶᠡ ᠳ᠋ᠦ᠍ ᠬᠡᠵᠢᠶᠡ ᠮᠥᠳᠳᠥ ᠦᠭᠡᠢ ᠤᠨᠠᠬᠤ ᠪᠠᠢᠬᠤ ᠭᠡᠰᠡᠨ ᠰᠠᠨᠠᠭᠠ ᠵᠣᠪᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠬᠠᠷᠠᠬᠤ ᠰᠢᠪᠡᠭᠴᠢᠨ ᠨᠦ᠍ᠭᠦᠳ ᠡᠴᠡ ᠪᠡᠨ ᠵᠢᠭᠤᠲᠠᠨ ᠣᠢ ᠪᠠᠷ ᠠᠯᠬᠤᠬᠤ ᠳᠤᠷᠠᠲᠠᠢ ᠪᠠᠢᠯᠠ᠃ ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠣᠢ ᠳ᠋ᠤ᠌ ᠲᠥᠭᠡᠷᠢᠭᠰᠡᠨ ᠨᠢᠭᠡᠨ ᠵᠠᠯᠠᠭᠤ ᠰᠢᠳᠢᠲᠡᠨ ᠨᠤᠭᠦᠳ ᠦ᠋ᠨ ᠪᠠᠢᠰᠢᠩ ᠳ᠋ᠤ᠌ ᠣᠴᠢᠯᠠ᠃ ᠵᠠ᠂ ᠡᠳᠧᠪᠤᠷᠳ᠋ ᠬᠠᠨ ᠬᠦᠦ ᠰᠠᠢᠨ ᠪᠠᠢᠨᠠ ᠤᠤ? ᠨᠠᠮᠠᠶ᠋ᠢ ᠲᠠᠨᠢᠳᠠᠭ ᠶᠤᠮ ᠤᠤ? ᠲᠠᠨᠢᠯ ᠦᠭᠡᠢ ᠶᠠᠭᠠᠬᠢᠬᠤᠪ! ᠪᠢ ᠴᠢᠨᠢ ᠰᠢᠳᠢᠲᠡᠨ ᠰᠢᠦ ᠳᠡ᠃ ᠲᠡᠭᠡᠪᠡᠯ ᠮᠠᠨ ᠤ᠋ ᠠᠪᠤ ᠲᠡᠢᠨ ᠳ᠋ᠦ᠍ ᠢᠯᠠᠭᠳᠠᠭᠠᠳ ᠨᠠᠮᠠ ᠶ᠋ᠢ ᠡᠨᠡ ᠣᠢ ᠤᠷᠤᠭᠤ ᠵᠢᠭᠤᠲᠠ ᠭᠡᠵᠦ ᠶᠠᠪᠤᠭᠤᠯᠤᠭᠰᠠᠨ ᠢ᠋ ᠴᠦ᠍ ᠭᠡᠰᠡᠨ ᠮᠡᠳᠡᠨᠡ ᠭᠡᠰᠡᠨ ᠦᠭᠡ ᠤᠤ? ᠣᠷᠣᠯ ᠳᠠ᠂ ᠵᠠᠷᠢᠮ ᠳ᠋ᠠᠭᠠᠨ ᠲᠡᠢᠨ ᠲᠤᠯᠤᠯᠳᠤᠭᠠᠨ ᠡᠴᠡ ᠵᠢᠭᠤᠲᠠᠬᠤ ᠨᠢ ᠵᠥᠪ ᠭᠠᠷᠴᠠ ᠪᠣᠯᠳᠠᠭ ᠶᠤᠮ ᠰᠢᠦ᠃ ᠢᠩᠭᠢᠭᠡᠳ ᠰᠢᠳᠢᠲᠡᠨ ᠬᠠᠨ ᠬᠦᠦ ᠳ᠋ᠦ᠍ ᠬᠠᠯᠠᠭᠤᠨ ᠬᠣᠭᠣᠯᠠ ᠲᠤᠬᠠᠲᠠᠢ ᠠᠮᠠᠷᠠᠬᠤ ᠣᠷᠣ ᠪᠡᠯᠡᠳᠴᠦ ᠥᠭᠭᠦᠯᠡ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠬᠠᠨ ᠬᠦᠦ ᠶ᠋ᠢ ᠰᠢᠳᠢᠲᠡᠨ ᠦ᠌ ᠪᠠᠢᠰᠢᠩ ᠢ᠋ ᠣᠷᠬᠢᠭᠠᠳ ᠶᠠᠪᠤᠬᠤ ᠮᠥᠴᠡ ᠳ᠋ᠦ᠍᠂ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠪᠠᠢᠳᠠᠭ ᠨᠠᠮᠤᠭ ᠠ᠋ᠴᠠ ᠬᠣᠯᠠᠭᠤᠷ ᠶᠠᠪᠤᠭᠠᠷᠠᠢ᠃ᠡᠨᠡ ᠦᠭᠡ ᠶ᠋ᠢ ᠬᠡᠵᠢᠶᠡ ᠴᠦ᠍ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠃ ᠥᠷᠦᠪᠴᠢ ᠰᠡᠳᠬᠢᠯ ᠡᠨᠡ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠬᠠᠮᠤᠭ ᠤ᠋ᠨ ᠬᠦᠴᠦᠷᠬᠡᠭ ᠷᠢᠳᠢ ᠰᠢᠳᠢ ᠡᠴᠡ ᠴᠦ᠍ ᠢᠯᠡᠭᠦᠦ ᠬᠦᠴᠦ ᠲᠡᠢ ᠭᠡᠳᠡᠭ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠃ ᠡᠨᠡ ᠦᠭᠡ ᠶ᠋ᠢ ᠴᠢᠨᠢ ᠪᠢ ᠬᠡᠵᠢᠶᠡ ᠴᠦ᠍ ᠮᠠᠷᠲᠠᠬᠤ ᠦᠭᠡᠢ᠃
ᠢᠩᠭᠢᠭᠡᠳ ᠬᠠᠭᠠᠨ ᠬᠦᠦ ᠪᠤᠴᠠᠭᠠᠳ ᠣᠢ ᠶ᠋ᠢᠨ ᠭᠦᠨ ᠤᠷᠤᠭᠤ ᠠᠯᠬᠤᠯᠠ᠃ ᠲᠡᠷᠡᠣᠷᠣᠢ ᠲᠡᠷᠭᠡᠯ ᠰᠠᠷᠠ ᠭᠠᠷᠬᠤ ᠡᠴᠡ ᠭᠤᠷᠪᠠ ᠬᠣᠨᠣᠭ ᠤ᠋ᠨ ᠡᠮᠦᠨᠡ ᠪᠠᠢᠯᠠ᠃ ᠠᠮᠠᠷᠠᠬᠤ ᠪᠠᠢᠷᠢ ᠬᠠᠢᠵᠤ ᠶᠠᠪᠤᠬᠤ ᠳ᠋ᠤᠨᠢ ᠬᠠᠮᠢᠭᠠ ᠨᠢᠭᠡ ᠨᠢᠭᠡᠨᠲᠡᠭᠡ ᠡᠴᠡ ᠳᠠᠭᠤ ᠰᠣᠨᠣᠰᠲᠠᠯᠠ᠃ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠡᠵᠢᠶᠡ ᠴᠦ᠍ ᠰᠣᠨᠣᠰᠴᠤ ᠪᠠᠢᠭᠠ ᠦᠭᠡᠢ ᠤᠶᠠᠩᠭᠠᠯᠢᠭ ᠰᠠᠢᠬᠠᠨ ᠳᠠᠭᠤᠤ ᠪᠠᠢᠯᠠ ᠲᠡᠷᠡ ᠳᠠᠭᠤᠤ ᠭᠠᠷᠴᠤ ᠪᠠᠢᠭᠠ ᠭᠠᠵᠠᠷ ᠤᠷᠤᠭᠤ ᠠᠯᠬᠤᠯᠠ᠃ ᠢᠩᠭᠢᠭᠡᠳ ᠣᠴᠢᠭᠰᠠᠨ ᠭᠠᠵᠠᠷ ᠨᠢ ᠨᠢᠭᠡᠨ ᠪᠦᠰᠡᠭᠦᠢ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠵᠣᠭᠰᠣᠵᠤ ᠪᠠᠢᠬᠤ ᠨᠢ᠂ ᠲᠡᠷᠡ ᠪᠦᠰᠡᠭᠦᠢ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠪᠥᠵᠢᠭᠯᠡᠨ ᠳᠠᠭᠤᠯᠠᠵᠤ ᠪᠠᠢᠭᠰᠠᠨ ᠶᠤᠮ᠃ ᠡᠨᠡ ᠳᠡᠯᠡᠬᠡᠢ ᠶ᠋ᠢᠨ ᠪᠦᠬᠦᠢᠯᠡ ᠬᠠᠢᠷᠠ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠢ᠋ ᠰᠡᠳᠬᠢᠯ ᠳ᠋ᠡᠭᠡᠨ ᠪᠠᠭᠲᠠᠭᠠᠭᠰᠠᠨ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠯᠠ᠃ ᠡᠭᠦᠨ ᠳ᠋ᠦ᠍ ᠰᠡᠳᠬᠢᠯ ᠠᠯᠳᠠᠷᠠᠭᠰᠠᠨ ᠬᠠᠨ ᠬᠦᠦ ᠰᠥᠨᠢᠵᠢᠨ ᠢ᠋ᠶ᠋ᠡᠨ ᠠᠵᠢᠭᠯᠠᠨ ᠬᠠᠷᠠᠭᠰᠠᠨ᠃ ᠦᠦᠷ ᠴᠠᠢᠬᠤ ᠶ᠋ᠢᠨ ᠡᠮᠦᠨᠡᠬᠡᠨ ᠬᠡᠳᠦᠨ ᠰᠢᠪᠡᠭᠴᠢᠨ ᠬᠦᠷᠴᠦ ᠢᠷᠡᠭᠡᠳ ᠳᠠᠭᠠᠭᠤᠯᠵᠤ ᠶᠠᠪᠤᠬᠤ ᠬᠦᠷᠲᠡᠯᠡ ᠬᠠᠷᠠᠯᠠ᠃ ᠡᠢᠨᠬᠦ ᠬᠠᠨ ᠬᠦᠦ ᠭᠦᠩᠵᠦ ᠶ᠋ᠢ ᠭᠤᠷᠪᠠᠨ ᠰᠥᠨᠢ ᠠᠵᠢᠭᠯᠠᠨ ᠬᠠᠷᠠᠭᠰᠠᠨ ᠶᠤᠮ᠃ ᠬᠠᠷᠢᠨ ᠭᠦᠩᠵᠦ ᠰᠠᠷᠠ ᠳᠦᠭᠦᠷᠬᠦ ᠶ᠋ᠢᠨ ᠬᠢᠷᠢ ᠪᠡᠷ ᠤᠯᠠᠮ ᠯᠠ ᠦᠵᠡᠰᠬᠦᠯᠡᠩᠲᠡᠢ ᠰᠠᠢᠬᠠᠨ ᠪᠣᠯᠵᠤ ᠳᠠᠭᠤᠯᠠᠭᠰᠠᠭᠠᠷ ᠯᠠ ᠪᠠᠢᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠲᠡᠷᠡ ᠰᠥᠨᠢ ᠬᠠᠨ ᠬᠦᠦ ᠣᠢᠷᠠᠲᠤᠨ ᠣᠴᠢᠯᠠ᠃ ᠥᠩᠭᠡᠷᠡᠭᠰᠡᠨ ᠰᠥᠨᠢ ᠪᠢ ᠴᠢᠨᠦ ᠳᠠᠭᠤᠯᠠᠬᠤ ᠳᠠᠭᠤᠤ ᠶ᠋ᠢ ᠰᠣᠨᠣᠰᠳᠠᠭ ᠪᠠᠢᠭᠰᠠᠨ᠃ ᠴᠢᠨᠦ ᠬᠣᠭᠣᠯᠠᠢ ᠦᠨᠡᠬᠡᠷ ᠭᠠᠢᠬᠠᠮᠰᠢᠭᠲᠠᠢ ᠪᠠᠢᠭᠰᠠᠨ ᠶᠤᠮ᠃ ᠨᠠᠮᠠ ᠶ᠋ᠢ ᠡᠳᠧᠪᠤᠷᠳ᠋ ᠬᠠᠨ ᠬᠦᠦ ᠭᠡᠳᠡᠭ᠃ ᠢᠩᠭᠢᠬᠦ ᠳ᠋ᠦ᠍ ᠴᠢᠮᠠ ᠶ᠋ᠢ ᠬᠡᠨ ᠭᠡᠳᠡᠭ ᠪᠢᠯᠡ?
ᠨᠠᠮᠠ ᠶ᠋ᠢ ᠳ᠋ᠧᠢᠯᠠᠢᠲ᠋ ᠭᠦᠩᠵᠦ ᠭᠡᠳᠡᠭ᠃
ᠡᠨᠳᠡ ᠠᠮᠢᠳᠤᠷᠠᠳᠠᠭ ᠶᠤᠮ ᠤᠤ? ᠡᠨᠡ ᠣᠢ ᠳ᠋ᠤ᠌ ᠤᠤ ⁈
ᠨᠠᠷᠠ ᠬᠠᠷᠠᠵᠤ ᠪᠠᠢᠭᠰᠠᠨ ᠤᠤ?
ᠶᠠᠭᠤ⁈ ᠨᠠᠷᠠ ᠬᠠᠷᠠᠭᠠᠳᠤᠢ ᠬᠥᠮᠦᠨ ᠭᠡᠵᠦ ᠪᠠᠢᠳᠠᠭ ᠭᠡᠵᠦ ᠤᠤ?
ᠪᠢ ᠶᠠᠪᠤᠯᠠ᠃ ᠳᠠᠬᠢᠵᠤ ᠨᠠᠮᠠᠶ᠋ᠢ ᠬᠦᠯᠢᠶᠡᠬᠦ ᠬᠡᠷᠡᠭ ᠦᠭᠡᠢ ᠰᠢᠦ᠃
ᠢᠩᠭᠢᠵᠦ ᠬᠡᠯᠡᠬᠦ ᠳ᠋ᠦ᠍ ᠭᠦᠩᠵᠦ ᠶ᠋ᠢᠨ ᠬᠣᠭᠣᠯᠠᠢ ᠳ᠋ᠤ᠌ ᠤᠢᠳᠬᠠᠷ ᠭᠤᠨᠢᠭ ᠬᠤᠷᠠᠵᠤ ᠪᠠᠢᠪᠠ᠃
ᠡᠭᠦᠨ ᠢ᠋ ᠰᠣᠨᠣᠰᠤᠭᠰᠠᠨ ᠬᠠᠨ ᠬᠦᠦ ᠶ᠋ᠢᠨ ᠰᠡᠳᠬᠢᠯ ᠴᠦ᠍ ᠡᠪᠡᠳᠦᠯᠡ᠃
ᠭᠡᠪᠡᠴᠦ ᠭᠦᠩᠵᠦ ᠬᠠᠨ ᠬᠦᠦ ᠲᠡᠢ ᠳᠠᠬᠢᠵᠤ ᠠᠭᠤᠯᠵᠠᠬᠤ ᠬᠦᠰᠡᠯ ᠦᠭᠡᠢ ᠪᠠᠢᠭᠠ ᠲᠤᠯᠠ ᠠᠮᠠᠯᠠᠭᠰᠠᠨ ᠠᠮᠠᠯᠠᠯᠲᠠ ᠳ᠋ᠤ᠌ ᠪᠠᠨ ᠬᠦᠷᠳᠡᠭ ᠪᠣᠯᠪᠠᠰᠤᠨ ᠬᠥᠮᠦᠨ ᠲᠤᠯᠠ ᠳᠠᠬᠢᠨ ᠣᠢ ᠤᠷᠤᠭᠤ ᠶᠠᠪᠤᠵᠤ ᠬᠡᠳᠦ ᠬᠣᠨᠣᠭ ᠣᠢ ᠪᠠᠷ ᠶᠠᠪᠤᠬᠤ ᠠ᠋ᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠤᠭᠰᠠᠨ᠃ ᠢᠩᠭᠢᠭᠡᠳ ᠰᠢᠨᠡ ᠰᠠᠷᠠ ᠭᠠᠷᠬᠤ ᠠ᠋ᠴᠠ ᠭᠤᠷᠪᠠᠨ ᠬᠣᠨᠣᠭ ᠤ᠋ᠨ ᠡᠮᠦᠨᠡ ᠰᠥᠨᠢ ᠣᠢ ᠪᠠᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠬᠠᠨ ᠬᠦᠦ ᠬᠡᠨ ᠨᠢᠭᠡᠨ ᠢ᠋ ᠬᠠᠢᠵᠤ ᠪᠠᠢᠭᠠ ᠰᠢᠭ᠋ ᠰᠡᠩᠳᠡ ᠮᠡᠩᠳᠡ ᠨᠢᠭᠡ ᠪᠦᠰᠡᠭᠦᠢ ᠲᠡᠢ ᠳᠠᠭᠠᠷᠢᠯᠠ᠃
ᠭᠦᠩᠵᠦ ᠠ᠋᠂ ᠪᠠᠢᠨᠠ ᠤᠤ? ᠭᠦᠩᠵᠦ ᠠ᠋᠂ ᠬᠠᠮᠢᠭᠠ ᠪᠠᠢᠨᠠ᠂᠂᠂᠂
ᠪᠦᠰᠡᠭᠦᠢ ᠮᠢᠨᠢ ᠶᠠᠭᠤ ᠪᠣᠯᠤᠭᠰᠠᠨ ᠶᠤᠮ ᠪᠣᠢ?ᠪᠢ ᠲᠠᠨ ᠳ᠋ᠤ᠌ ᠲᠤᠰᠠᠯᠠᠬᠤ ᠤᠤ?
ᠮᠠᠨ ᠤ᠋ ᠭᠦᠩᠵᠦ ᠰᠠᠯᠬᠢᠨ ᠳ᠋ᠤ᠌ ᠭᠠᠷᠴᠤ ᠶᠠᠪᠤᠭᠠᠳ ᠡᠷᠭᠢᠵᠦ ᠢᠷᠡᠳᠡᠭ ᠦᠭᠡᠢ᠂᠂᠂᠂
ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠰᠠᠨ ᠬᠠᠨ ᠬᠦᠦ ᠮᠠᠰᠢ ᠬᠤᠷᠳᠤᠬᠠᠨ ᠰᠢᠭ᠋ ᠭᠦᠩᠵᠦ ᠶ᠋ᠢ ᠣᠯᠬᠤ ᠬᠡᠷᠡᠭᠲᠡᠢ ᠭᠡᠰᠡᠨ ᠪᠣᠳᠣᠯ ᠳ᠋ᠤ᠌ ᠪᠠᠨ ᠬᠥᠲᠥᠯᠦᠭᠳᠡᠨ ᠶᠠᠭᠠᠷᠠᠨ ᠬᠠᠢᠵᠤ ᠡᠬᠢᠯᠡᠯᠡ ᠪᠦᠬᠦᠯᠢ ᠣᠢ ᠪᠠᠷ ᠡᠷᠢᠭ᠌ᠰᠡᠨ ᠤ ᠡᠴᠦᠰ ᠲᠦ᠍ ᠨᠠᠮᠤᠭ ᠳᠡᠭᠡᠷᠡ ᠢᠷᠡᠯᠡ᠃ ᠨᠠᠮᠤᠭ ᠤ᠋ᠨ ᠰᠢᠳᠢᠲᠡᠨ ᠬᠠᠨ ᠬᠦᠦ ᠶ᠋ᠢ ᠬᠠᠷᠠᠯᠠ᠃ ᠡᠨᠡ ᠬᠠᠨ ᠬᠦᠦ ᠭᠦᠩᠵᠦ ᠶ᠋ᠢ ᠦᠨᠦᠰᠦᠭᠡᠳ ᠬᠠᠷᠢᠶᠠᠯ ᠢ᠋ ᠨᠢ ᠤᠰᠠᠳᠬᠠᠬᠤ ᠪᠣᠢ ᠭᠡᠵᠦ ᠰᠢᠳᠢᠲᠡᠨ ᠠᠶᠤᠵᠤ ᠪᠠᠢᠯᠠ᠃
ᠲᠡᠭᠡᠭᠡᠳ ᠬᠠᠨ ᠬᠦᠦ ᠶ᠋ᠢ ᠬᠦᠷᠲᠡᠯᠡ ᠬᠠᠷᠢᠶᠠᠭᠰᠠᠨ ᠶᠤᠮ᠃ ᠴᠢ ᠬᠡᠵᠢᠶᠡ ᠴᠦ᠍ ᠳ᠋ᠧᠢᠯᠠᠢᠲ ᠭᠦᠩᠵᠦ ᠶ᠋ᠢ ᠦᠨᠦᠰᠬᠦ ᠶ᠋ᠢ ᠬᠦᠰᠡᠬᠦ ᠦᠭᠡᠢ᠃ ᠬᠠ ᠬᠠ ᠬᠠ᠂᠂᠂᠂
ᠬᠠᠨ ᠬᠦᠦ ᠣᠢ ᠪᠠᠷ ᠶᠠᠪᠤᠵᠤ ᠪᠠᠢᠭᠠᠳ ᠬᠠᠷᠠᠩᠭᠤᠢ ᠳ᠋ᠤ᠌ ᠨᠢᠭᠡᠨ ᠬᠠᠴᠢᠷᠬᠠᠯᠲᠠᠢ ᠬᠥᠮᠦᠨ ᠢ᠋ ᠣᠯᠵᠤ ᠬᠠᠷᠠᠵᠠᠢ᠃ ᠢᠩᠭᠢᠭᠡᠳ ᠳᠥᠭᠥᠨ ᠣᠴᠢᠯᠠ᠃
ᠭᠡᠲᠡᠯᠡ ᠴᠦᠩᠬᠦᠢᠭᠰᠡᠨ ᠴᠠᠭᠠᠨ ᠴᠢᠷᠠᠢ ᠲᠠᠢ ᠡᠴᠢᠵᠦ ᠲᠤᠢᠯᠳᠠᠭᠰᠠᠨ ᠡᠮᠡᠭᠡᠨ ᠵᠣᠭᠰᠣᠵᠤ ᠪᠠᠢᠯᠠ᠃ ᠡᠮᠡᠭᠡᠨ ᠨᠢᠳᠦ ᠪᠡᠨ ᠴᠦ᠍ ᠨᠡᠭᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠢᠭᠰᠠᠨ ᠶᠤᠮ᠃
ᠡᠮᠧ ᠠ᠋᠂ ᠪᠢ ᠲᠠᠨ ᠳ᠋ᠤ᠌ ᠲᠤᠰᠠᠯᠠᠬᠤ ᠤᠤ?
ᠠ᠋᠂ ᠠ᠋᠂ ᠦ᠂᠂᠂᠂
ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠬᠦ ᠲᠣᠰᠤᠮ ᠡᠮᠡᠭᠡᠨ ᠤᠯᠠᠮ ᠪᠦᠷ ᠴᠠᠩᠬᠠᠢᠵᠤ ᠰᠤᠯᠠ ᠳᠣᠷᠣᠢ ᠪᠣᠯᠵᠤ ᠪᠠᠢᠯᠠ᠃ ᠲᠡᠭᠡᠭᠡᠳ ᠬᠠᠨ ᠬᠦᠦ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠪᠡᠨ ᠪᠣᠯᠢᠯᠠ ᠃
ᠡᠪᠡᠳᠴᠦ ᠰᠢᠨᠠᠯᠤᠭᠰᠠᠨ ᠳ᠋ᠠᠭᠠᠨ ᠨᠢᠯᠪᠤᠰᠤ ᠬᠦᠷᠲᠡᠯᠡ ᠤᠨᠠᠭᠠᠬᠤ ᠡᠮᠡᠭᠡᠨ ᠢ᠋ ᠬᠠᠷᠠᠭᠠᠳ ᠶᠠᠭᠠᠬᠢᠵᠤ ᠲᠤᠰᠠᠯᠠᠬᠤ ᠪᠠᠨ ᠴᠤ᠌ ᠮᠡᠳᠡᠬᠦ ᠦᠭᠡᠢ ᠪᠠᠢᠯᠠ᠃
ᠬᠠᠨ ᠬᠦᠦ ᠭᠠᠷ ᠢ᠋ ᠨᠢ ᠠᠳᠬᠤᠵᠤ ᠳᠤᠬᠤᠨ ᠳᠡᠭᠡᠷᠡ ᠨᠢ ᠢᠯᠢᠯᠭᠡ ᠬᠢᠨ ᠡᠮᠡᠭᠡᠨ ᠢ᠋ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠦᠷᠦ ᠡᠪᠡᠳᠴᠦ ᠡᠬᠢᠯᠡᠯᠡ᠃ ᠡᠮᠡᠭᠡᠨ ᠢ᠋ ᠲᠠᠢᠳᠬᠤᠷᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠭᠠᠷ ᠳᠡᠭᠡᠷᠡ ᠨᠢ ᠦᠨᠦᠰᠦᠯᠡ᠃ ᠭᠡᠲᠡᠯᠡ ᠦᠨᠦᠰᠦᠮᠡᠭᠴᠡ ᠡᠮᠡᠭᠡᠨ ᠦ᠌ ᠪᠡᠶᠡ ᠭᠡᠨᠡᠳᠲᠡ ᠰᠠᠢᠵᠢᠷᠠᠵᠤ ᠬᠠᠭᠤᠴᠢᠨ ᠬᠡᠪ ᠲᠡᠭᠡᠨ ᠣᠷᠣᠴᠢᠬᠠᠯᠠ᠃ ᠲᠡᠭᠦᠨ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠳ᠋ᠧᠢᠯᠠᠢᠲ ᠭᠦᠩᠵᠦ ᠪᠠᠢᠯᠠ᠃ ᠬᠠᠷᠢᠶᠠᠯ ᠨᠢ ᠤᠰᠠᠳᠤᠭᠰᠠᠨ ᠢ᠋ ᠮᠡᠳᠡᠭᠰᠡᠨ ᠰᠢᠳᠢᠲᠡᠨ ᠬᠠᠨ ᠬᠦᠦ ᠭᠦᠩᠵᠦ ᠬᠣᠶᠠᠷ ᠤ᠋ᠨ ᠬᠠᠮᠲᠤ ᠪᠠᠢᠭᠠ ᠭᠠᠵᠠᠷ ᠤᠷᠤᠭᠤ ᠲᠡᠷᠡ ᠳᠣᠣᠷᠠ ᠪᠠᠨ ᠨᠢᠰᠦᠨ ᠣᠴᠢᠵᠠᠢ᠃
ᠭᠦᠩᠵᠦ ᠠ᠋᠂᠂᠂᠂
ᠪᠣᠯᠬᠤ ᠦᠭᠡᠢ᠃ ᠦᠭᠡᠢ᠃ ᠬᠡᠵᠢᠶᠡ ᠴᠦ᠍ ᠡᠢᠮᠦ ᠶᠠᠭᠤᠮᠠ ᠪᠣᠯᠬᠤ ᠶᠣᠰᠣ ᠦᠭᠡᠢ᠃ ᠭᠦᠩᠵᠦ ᠶ᠋ᠢ ᠦᠨᠦᠰᠦᠭᠦᠯᠬᠦ ᠦᠭᠡᠢ ᠶᠦᠮ ᠭᠡᠵᠦ ᠬᠠᠷᠢᠶᠠᠭᠰᠠᠨ ᠶᠤᠮ ᠰᠠᠨ᠃
ᠠ! ᠥᠷᠦᠪᠴᠢ ᠰᠠᠢᠬᠠᠨ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠯᠡ ᠦᠨᠦᠰᠦᠭᠰᠡᠨ᠃ ᠬᠡᠳᠦᠢ ᠬᠦᠨᠳᠦ ᠲᠤᠰᠠᠯᠠᠬᠤ ᠶ᠋ᠢ ᠬᠦᠰᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠴᠤ᠌ ᠭᠡᠰᠡᠨ ᠥᠷᠦᠪᠴᠢ ᠰᠠᠢᠬᠠᠨ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠬᠥᠮᠦᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠬᠥᠮᠦᠨ ᠢ᠋ ᠥᠷᠦᠪᠳᠦᠵᠦ ᠬᠠᠢᠷᠠᠯᠠᠳᠠᠭ᠃ ᠴᠢᠨᠦ ᠬᠤᠪᠢ ᠪᠠᠨ ᠬᠢᠴᠢᠶᠡᠭᠰᠡᠨ ᠰᠡᠳᠬᠢᠯ ᠡᠢᠮᠦ ᠥᠷᠦᠪᠴᠢ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ ᠣᠢᠯᠠᠭᠠᠬᠤ ᠦᠭᠡᠢ ᠶᠦᠮ᠃ᠴᠢᠨᠦ ᠡᠨᠡ ᠬᠣᠷᠣᠨ ᠲᠣᠭᠯᠠᠭᠠᠮ ᠢᠩᠭᠢᠭᠡᠳ ᠳᠠᠭᠤᠰᠤᠯᠠ᠃ ᠣᠳᠣ ᠳᠠᠬᠢᠵᠤ ᠬᠡᠵᠢᠶᠡ ᠴᠦ᠍ ᠬᠥᠮᠦᠨ ᠳ᠋ᠦ᠍ ᠬᠣᠣᠷ ᠤᠴᠠᠷᠠᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠴᠢᠮᠠ ᠶ᠋ᠢ ᠶᠠᠭ ᠣᠳᠣ ᠲᠠᠮᠤ ᠤᠷᠤᠭᠤ ᠤᠨᠠᠭᠠᠭᠠᠳ ᠥᠭᠭᠦᠶᠡ᠃
ᠦᠭᠡᠢ᠂᠂᠂᠂
ᠢᠩᠭᠢᠭᠡᠳ ᠲᠤᠩ ᠤᠳᠠᠯ ᠦᠭᠡᠢ ᠨᠠᠷᠠ ᠮᠠᠨᠳᠤᠵᠤ ᠳ᠋ᠧᠢᠯᠠᠢᠲ ᠭᠦᠩᠵᠦ ᠰᠡᠷᠭᠦᠯᠡ ᠃
ᠭᠦᠩᠵᠦ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠠᠩᠬᠠ ᠤᠳᠠᠭᠠ ᠲᠡᠭᠷᠢ ᠳ᠋ᠦ᠍ ᠮᠠᠨᠳᠤᠭᠰᠠᠨ ᠦᠵᠡᠰᠬᠦᠯᠡᠩᠲᠦ ᠨᠠᠷᠠ ᠶ᠋ᠢ ᠬᠠᠷᠠᠵᠤ ᠪᠠᠢᠯᠠ᠃
ᠠ⁈ ᠡᠨᠡ ᠲᠡᠭᠡᠭᠡᠳ ᠨᠠᠷᠠ ᠶᠤᠮ ᠤᠤ?
ᠡᠵᠢ ᠠᠪᠤ ᠨᠢ ᠡᠰᠡᠨ ᠮᠡᠨᠳᠦ ᠢᠷᠡᠭᠰᠡᠨ ᠥᠬᠢᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠪᠠᠶᠠᠷ ᠤ᠋ᠨ ᠨᠢᠯᠪᠤᠰᠤ ᠤᠨᠠᠭᠠᠵᠤ ᠥᠬᠢᠨ ᠢ᠋ᠶ᠋ᠡᠨ ᠪᠣᠯᠭᠣᠮᠵᠢᠲᠠᠢ ᠲᠡᠪᠡᠷᠢᠯᠡ᠃
ᠥᠬᠢᠨ ᠦ᠌ ᠬᠢᠨᠢ ᠬᠠᠷᠢᠶᠠᠯ ᠢ᠋ ᠤᠰᠠᠳᠬᠠᠵᠤ ᠥᠭᠭᠦᠭᠰᠡᠨ ᠬᠠᠨ ᠬᠦᠦ ᠳ᠋ᠦ᠍᠂ ᠡᠳᠧᠪᠤᠷᠢᠳ᠋ ᠬᠠᠭᠠᠨ ᠪᠠᠶᠠᠷᠯᠠᠵᠤ ᠬᠠᠷᠢᠭᠤ ᠳ᠋ᠤ᠌ ᠨᠢ ᠬᠠᠭᠤᠴᠢᠨ ᠬᠠᠭᠠᠨᠲᠤ ᠤᠯᠤᠰ ᠢ᠋ᠶ᠋ᠠᠨ ᠪᠤᠴᠠᠭᠠᠵᠤ ᠠᠪᠬᠤ ᠳ᠋ᠤ᠌ ᠨᠢ ᠲᠤᠰᠠᠯᠠᠯᠠ᠃ ᠤᠳᠠᠯ ᠦᠭᠡᠢ ᠬᠠᠨ ᠬᠦᠦ ᠭᠦᠩᠵᠦ ᠬᠣᠶᠠᠷ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠳᠤᠷᠠᠯᠠᠵᠤ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠵᠦ ᠡᠳᠦᠷ ᠪᠦᠷᠢ ᠨᠠᠷᠠᠨ ᠤ᠋ ᠠᠯᠲᠠᠨ ᠰᠠᠴᠤᠷᠠᠭ ᠲᠤ᠌ ᠲᠠᠯᠠᠷᠬᠠᠯ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠨ ᠠᠵᠠ ᠵᠢᠷᠭᠠᠯᠲᠠᠢ ᠠᠮᠢᠳᠤᠷᠠᠭᠰᠠᠨ ᠭᠡᠳᠡᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠰᠬᠠ
ᠦᠰᠦᠭ ᠬᠠᠲᠠᠭᠴᠢ᠄ ᠬᠠᠪᠤᠷᠵᠢᠶᠠ
ᠦᠰᠦᠭ ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠬᠠᠲᠠᠴᠢ ᠤᠷᠠᠨᠠ᠂ ᠭᠠᠷᠮᠠ᠂ ᠪᠠᠶᠠᠨᠰᠡᠷᠡᠩ