ᠰᠢᠪᠠᠭᠤ ᠳᠠᠭᠠᠭᠤᠯᠤᠭᠰᠠᠨ ᠬᠥᠮᠦᠨ – ᠰ᠂ ᠪᠠᠽᠠᠷᠰᠠᠳ Шувуу дагуулсан хүн – С ᠂ Базарсад
283ᠰᠢᠪᠠᠭᠤ ᠳᠠᠭᠠᠭᠤᠯᠤᠭᠰᠠᠨ ᠬᠥᠮᠦᠨ
(ᠱᠣᠭ ᠰᠢᠯᠦᠭ)
ᠵᠤᠩᠳᠣᠢ ᠠᠷᠤᠭᠰᠢ ᠪᠠᠨ ᠬᠠᠷᠠᠪᠠᠯ
ᠵᠠᠭᠤᠨ ᠲᠠᠭᠲᠠᠭᠠ ᠳᠠᠭᠠᠵᠤ ᠶᠠᠪᠤᠨᠠ
ᠳᠠᠬᠢᠨ ᠴᠠᠭᠠᠰᠢ ᠨᠢ ᠬᠠᠷᠠᠪᠠᠯ
ᠳᠠᠯᠠᠨ ᠪᠣᠯᠵᠣᠮᠣᠷ ᠢᠷᠡᠵᠦ ᠶᠠᠪᠤᠨᠠ᠃
ᠪᠦᠷ ᠯᠠᠪᠯᠠᠨ ᠦᠵᠡᠪᠡᠯ
ᠪᠦᠳᠦᠭᠦᠨ ᠳᠤᠩᠰᠢᠭᠤᠯ ᠣᠢᠷᠠᠳᠵᠤ ᠶᠠᠪᠤᠨᠠ᠃
ᠳᠠᠪᠬᠢᠬᠤ ᠲᠡᠷᠭᠡᠨ ᠦ᠌ ᠬᠢᠨᠢ ᠬᠣᠢᠨᠠ ᠠ᠋ᠴᠠ
ᠳᠠᠭᠠᠭᠰᠠᠨ ᠰᠢᠪᠠᠭᠤᠳ ᠬᠣᠴᠣᠷᠳᠠᠭ ᠦᠭᠡᠢ
ᠬᠠᠭᠠᠵᠠ ᠪᠠᠨ ᠬᠡᠴᠢᠨᠡᠨ ᠭᠢᠰᠬᠢᠯᠡ ᠴᠦ᠍
ᠬᠠᠭᠠᠰ ᠵᠠᠷᠢᠮ ᠨᠢ ᠴᠦ᠍ ᠦᠯᠡᠳᠡᠳᠡᠭ ᠦᠭᠡᠢ
ᠰᠠᠯᠬᠤ ᠦᠭᠡᠢ ᠠᠷᠤ ᠠ᠋ᠴᠠ ᠨᠢ ᠪᠠᠷᠠᠳᠠᠬᠤ ᠳ᠋ᠤ᠌
ᠰᠠᠨᠠᠭᠠ ᠨᠢ ᠰᠦᠷᠡᠬᠡᠢ ᠵᠣᠪᠠᠵᠤ ᠭᠡᠨᠡ᠃
ᠲᠩᠷᠢ ᠳᠦᠭᠦᠷᠡᠩ ᠰᠢᠪᠠᠭᠤ
ᠲᠠᠪᠰᠢ ᠶ᠋ᠢᠨ ᠬᠢᠨᠢ ᠠᠷᠤᠬᠠᠨ ᠳ᠋ᠤ᠌ ᠨᠢᠰᠦᠨᠡ ᠭᠡᠨᠡ᠃
ᠰᠠᠯᠬᠢ ᠪᠠᠷ ᠢᠷᠡᠭᠰᠡᠨ ᠶᠠᠷᠢᠶᠠ ᠶ᠋ᠢ ᠨᠢ
ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠲᠡᠷᠡ ᠰᠣᠨᠣᠰᠴᠤ ᠭᠡᠨᠡ᠃
ᠵᠠᠢ ᠶ᠋ᠢ ᠨᠢ ᠴᠢᠭᠵᠡᠭᠡ ᠦᠭᠡᠢ ᠲᠡᠪᠰᠢᠲᠡᠢ
ᠵᠠᠩᠲᠠᠢ ᠰᠠᠢᠨ ᠵᠢᠯᠣᠭᠣᠴᠢ ᠮᠢᠨᠢ
ᠵᠢᠭᠦᠷᠲᠡᠨ ᠦ᠌ ᠵᠣᠭᠣᠭ ᠴᠤᠪᠤᠷᠠᠭᠤᠯᠤᠭᠰᠠᠨ
ᠵᠢᠭᠲᠡᠢ ᠰᠠᠢᠨ ᠨᠥᠬᠥᠷ ᠮᠢᠨᠢ
ᠪᠥᠭᠯᠡᠭᠡ ᠦᠭᠡᠢ ᠳᠠᠪᠰᠢᠨ ᠠ᠋ᠴᠠ ᠴᠢᠨᠢ ᠠᠰᠬᠠᠷᠠᠭᠰᠠᠨ
ᠪᠥᠮᠪᠥᠯᠢᠭ ᠪᠤᠭᠤᠳᠠᠢ ᠶ᠋ᠢ ᠴᠢᠨᠢ ᠮᠠᠷᠲᠠᠬᠤ ᠦᠭᠡᠢ
ᠰᠢᠪᠠᠭᠤᠳ ᠡᠢᠨ ᠬᠦ᠌ ᠳᠠᠭᠤᠯᠠᠯᠳᠤᠨ
ᠱᠤᠯᠤᠭᠠᠨᠠᠨ ᠵᠢᠷᠭᠢᠵᠦ ᠶᠠᠪᠤᠨᠠ ᠭᠡᠨᠡ᠃
《ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠲᠩᠷᠢ ᠡᠵᠢ ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠪᠠ᠂
ᠬᠢᠨᠠᠭᠴᠢ ᠄ ᠭᠠᠸᠠ
2023᠂ 7᠂ 10 ᠤ᠋ ᠡᠳᠦᠷ