ᠴᠠᠰᠤᠩᠭᠤᠸᠠ ᠪᠠ ᠳᠣᠯᠣᠭᠠᠨ ᠣᠳᠣᠢЦасан гуа ба долоон одой
569ᠴᠠᠰᠤᠩᠭᠤᠸᠠ ᠪᠠ ᠳᠣᠯᠣᠭᠠᠨ ᠣᠳᠣᠢ
ᠰᠢᠳᠢᠲᠦ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌᠂ ᠬᠠᠭᠠᠨ ᠬᠠᠲᠤᠨ ᠬᠣᠶᠠᠷ ᠠᠯᠤᠰ ᠬᠣᠯᠠ ᠶ᠋ᠢᠨ ᠨᠢᠭᠡᠨ ᠤᠯᠤᠰ ᠢ᠋ ᠵᠠᠬᠢᠷᠤᠨ ᠰᠠᠭᠤᠳᠠᠭ ᠪᠣᠯᠵᠠᠢ᠃ ᠬᠠᠲᠤᠨ ᠨᠢ ᠡᠶᠡᠯᠳᠡᠭ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ᠂ ᠡᠵᠡᠨᠲᠦ ᠤᠯᠤᠰ ᠤ᠋ᠨ ᠬᠥᠮᠦᠨ ᠪᠦᠷᠢ ᠬᠠᠲᠤᠨ ᠢ᠋ ᠬᠠᠢᠷᠠᠯᠠᠳᠠᠭ᠃ ᠭᠡᠪᠡᠴᠦ ᠬᠠᠲᠤᠨ ᠬᠡᠦᠬᠡᠳ ᠬᠦᠰᠡᠭᠡᠳ ᠴᠤ᠌ ᠣᠯᠵᠤ ᠴᠢᠳᠠᠭᠠ ᠦᠭᠡᠢ ᠨᠢ ᠲᠡᠭᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠭᠠᠭᠴᠠ ᠭᠤᠨᠢᠭ ᠬᠠᠷᠠᠭᠤᠰᠤᠯ ᠪᠠᠢᠪᠠ᠃
—ᠧ ᠂᠂᠂᠂
—ᠡᠪᠦᠯ ᠦ᠋ᠨ ᠨᠢᠭᠡᠨ ᠡᠳᠦᠷ ᠬᠠᠲᠤᠨ ᠰᠢᠨᠡᠰᠦ ᠮᠣᠳᠣᠨ ᠴᠣᠩᠬᠣᠨ ᠤ᠋ ᠳᠡᠷᠭᠡᠳᠡ ᠰᠠᠭᠤᠭᠠᠳ ᠨᠣᠣᠰᠣᠨ ᠬᠤᠪᠴᠠᠰᠤ ᠨᠡᠬᠡᠵᠦ ᠪᠠᠢᠯᠠ᠂ ᠭᠡᠨᠡᠳᠲᠡ ᠶᠡᠬᠡ ᠭᠣᠶᠣᠮᠰᠣᠭ ᠴᠠᠰᠤᠨ ᠤ᠋ ᠰᠢᠪᠠᠭᠤᠬᠠᠢ ᠴᠣᠩᠬᠣᠨ ᠳᠡᠭᠡᠷᠡ ᠰᠠᠭᠤᠭᠠᠳ ᠬᠠᠲᠤᠨ ᠢ᠋ ᠰᠣᠴᠢᠭᠠᠴᠢᠬᠠᠪᠠ᠃ ᠰᠢᠪᠠᠭᠤ ᠬᠠᠲᠤᠨ ᠤ᠋ ᠠᠩᠬᠠᠷᠤᠯ ᠢ᠋ ᠰᠠᠷᠨᠢᠭᠤᠯᠬᠤ ᠲᠡᠳᠦᠢ ᠳ᠋ᠦ᠍ ᠬᠠᠲᠤᠨ ᠬᠤᠷᠤᠭᠤ ᠪᠠᠨ ᠬᠠᠳᠬᠤᠴᠢᠬᠠᠵᠠᠢ᠃ ᠳᠤᠰᠤᠯ ᠴᠢᠰᠤ ᠴᠣᠩᠬᠣᠨ ᠤ᠋ ᠭᠠᠳᠠᠨᠠᠬᠢ ᠴᠠᠰᠤᠨ ᠳᠡᠭᠡᠷᠡ ᠤᠨᠠᠯᠠ᠂ ᠴᠣᠩᠬᠣᠨ ᠤ᠋ ᠭᠠᠳᠠᠨᠠ ᠤᠨᠠᠭᠰᠠᠨ ᠳᠤᠰᠤᠯ ᠴᠢᠰᠤ ᠶ᠋ᠢ ᠬᠠᠷᠠᠲᠠᠯᠠ ᠬᠡᠦᠬᠡᠳ ᠦ᠋ᠨ ᠬᠢ ᠮᠡᠲᠦ ᠴᠢᠷᠠᠢ ᠦᠵᠡᠭᠳᠡᠪᠡ ᠭᠡᠨᠡ᠃ ᠬᠠᠲᠤᠨ ᠶᠡᠬᠡᠳᠡ ᠭᠠᠢᠬᠠᠵᠤ ᠢᠩᠭᠢᠵᠦ ᠥᠭᠦᠯᠡᠪᠡ᠄
—ᠴᠠᠰᠤᠨ ᠤ᠋ ᠪᠤᠷᠬᠠᠨ ᠮᠢᠨᠢ᠂ ᠨᠠᠳᠠ ᠳ᠋ᠤ᠌ ᠴᠠᠰᠤ ᠰᠢᠭ᠋ ᠴᠠᠭᠠᠨ ᠠᠷᠠᠰᠤ ᠲᠠᠢ᠂ ᠴᠢᠰᠤ ᠰᠢᠭ᠋ ᠤᠯᠠᠭᠠᠨ ᠤᠷᠤᠭᠤᠯ ᠲᠠᠢ᠂ ᠰᠢᠨᠡᠰᠦ ᠮᠣᠳᠣ ᠰᠢᠭ᠋ ᠬᠠᠷᠠ ᠦᠰᠦ ᠲᠡᠢ ᠥᠬᠢᠨ ᠵᠠᠶᠠᠭᠠᠭᠰᠠᠨ ᠴᠤ᠌ ᠪᠣᠯᠤᠭᠠᠰᠠᠢ᠁
—ᠲᠤᠩ ᠤᠳᠠᠯ ᠦᠭᠡᠢ ᠬᠠᠲᠤᠨ ᠬᠥᠯ ᠬᠦᠨᠳᠦ ᠪᠣᠯᠵᠤ ᠪᠠᠰᠠ ᠨᠢᠭᠡᠨ ᠵᠡᠷᠭᠡ ᠪᠡᠶᠡ ᠨᠢ ᠡᠪᠡᠳᠴᠡᠢ ᠭᠡᠨᠡ᠃ ᠣᠯᠠᠨ ᠡᠮᠴᠢ ᠠᠨᠠᠭᠠᠬᠤ ᠭᠡᠵᠦ ᠦᠵᠡᠭᠰᠡᠨ ᠴᠤ᠌ ᠬᠠᠲᠤᠨ ᠡᠳᠡᠭᠡᠭᠰᠡᠨ ᠦᠭᠡᠢ᠃
—ᠬᠠᠢᠷᠠᠲᠤ ᠮᠢᠨᠢ ᠰᠠᠨᠠᠭᠠ ᠪᠤᠤ ᠵᠣᠪᠠ ᠳᠠ᠂ ᠴᠢ ᠤᠳᠠᠬᠤ ᠦᠭᠡᠢ ᠡᠳᠡᠭᠡᠨᠡ᠂ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠪᠠᠨ ᠯᠠ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ᠂ ᠪᠤᠷᠬᠠᠨ ᠳ᠋ᠤ᠌ ᠢᠳᠡᠭᠡ᠃ ᠬᠡᠦᠬᠡᠳ ᠲᠡᠢ ᠪᠣᠯᠬᠤ ᠮᠠᠨ ᠤ᠋ ᠮᠥᠷᠥᠭᠡᠳᠦᠯ ᠪᠡᠶᠡᠯᠡᠬᠦ ᠭᠡᠵᠦ ᠪᠠᠢᠨᠠ ᠰᠢᠦ ᠳᠡ!
—ᠵᠠ᠂ ᠬᠠᠢᠷᠠᠲᠤ ᠮᠢᠨᠢ᠂ ᠪᠢ ᠰᠠᠢᠨ ᠰᠠᠢᠬᠠᠨ ᠢ᠋ ᠯᠡ ᠬᠦᠰᠡᠵᠦ ᠪᠠᠢᠨᠠ᠂ ᠴᠠᠰᠤᠨ ᠤ᠋ ᠪᠤᠷᠬᠠᠨ ᠪᠢᠳᠡᠨ ᠢ᠋ ᠢᠪᠡᠭᠡᠭᠰᠡᠨ᠂ ᠶᠠᠭᠤ ᠴᠤ᠌ ᠪᠤᠷᠤᠭᠤ ᠪᠠᠷ ᠡᠷᠭᠢᠬᠦ ᠤᠴᠢᠷ ᠦᠭᠡᠢ᠃
—ᠤᠳᠠᠬᠤ ᠦᠭᠡᠢ ᠬᠠᠪᠤᠷ ᠠᠢᠯᠴᠢᠯᠠᠵᠤ
ᠬᠡᠦᠬᠡᠳ ᠲᠥᠷᠥᠬᠦ ᠶ᠋ᠢ ᠪᠡᠯᠭᠡᠳᠡᠬᠦ ᠨᠢᠭᠡ ᠬᠠᠮᠢᠭᠠ ᠰᠠᠢ ᠦᠭᠡᠢ ᠴᠡᠴᠡᠭᠡᠰ ᠳᠡᠯᠪᠢᠯᠡᠯᠡ᠃ ᠡᠳᠦᠷ ᠬᠣᠨᠣᠭ
ᠣᠢᠷᠠᠳᠬᠤ ᠶ᠋ᠢᠨ ᠬᠢᠷᠢ ᠪᠡᠷ ᠬᠠᠲᠤᠨ ᠤ᠋ ᠪᠡᠶᠡ ᠤᠯᠠᠮ ᠪᠦᠷ ᠡᠪᠡᠳᠬᠦ ᠪᠣᠯᠵᠠᠢ᠃
ᠨᠢᠭᠡᠨ ᠨᠠᠷᠠ ᠲᠠᠢ ᠥᠷᠯᠥᠭᠡ ᠡᠪᠦᠯ ᠦ᠋ᠨ ᠴᠠᠰᠤ ᠶ᠋ᠢ
ᠪᠦᠭᠦᠳᠡ ᠶ᠋ᠢ ᠨᠢ
ᠬᠠᠢᠯᠤᠭᠤᠯᠬᠤ ᠭᠡᠰᠡᠨ ᠮᠡᠲᠦ ᠨᠠᠷᠠᠨ ᠡᠭᠡᠭᠡᠬᠦ ᠳ᠋ᠦ᠍ ᠬᠠᠲᠤᠨ ᠴᠠᠰᠤ ᠮᠡᠲᠦ ᠴᠠᠭᠠᠨ ᠠᠷᠠᠰᠤ ᠲᠠᠢ᠂ ᠴᠢᠰᠤ ᠮᠡᠲᠦ ᠤᠯᠠᠭᠠᠨ ᠤᠷᠤᠭᠤᠯ ᠲᠠᠢ᠂ ᠰᠢᠨᠡᠰᠦ ᠰᠢᠭ ᠬᠠᠷᠠ ᠦᠰᠦ ᠲᠡᠢ ᠥᠬᠥᠭᠡᠷᠳᠡᠮᠡ ᠬᠥᠭᠡᠷᠦᠬᠦᠨ ᠥᠬᠢᠨ ᠳᠦᠷᠦᠭᠦᠯᠦᠯᠡ᠃
— ᠬᠠᠲᠤᠨ ᠮᠢᠨᠢ᠂ ᠴᠢ ᠨᠠᠳᠠ ᠳ᠋ᠤ᠌ ᠪᠠᠨ ᠬᠠᠮᠤᠭ ᠤ᠋ᠨ ᠦᠨᠡᠲᠡᠢ ᠪᠡᠯᠡᠭ ᠢ᠋ ᠲᠥᠷᠥᠭᠦᠯᠵᠦ ᠥᠭᠭᠦᠯᠡ᠃ ᠭᠤᠶᠤᠶᠠ! ᠶᠠᠭᠤ ᠬᠦᠰᠡᠵᠦ ᠪᠠᠢᠬᠤ ᠪᠠᠨ
ᠬᠡᠯᠡ! ᠪᠢ ᠬᠦᠰᠡᠯ ᠪᠦᠷᠢ ᠶ᠋ᠢ ᠴᠢᠨᠢ ᠪᠡᠶᠡᠯᠡᠭᠦᠯᠦᠨᠡ᠃
—ᠪᠠᠶᠠᠷᠯᠠᠯᠠ᠂ ᠬᠠᠢᠷᠠᠲᠤ ᠮᠢᠨᠢ! ᠭᠡᠪᠡᠴᠦ ᠪᠢ ᠨᠢᠯᠬᠠ ᠦᠷᠡ ᠲᠡᠢ ᠪᠡᠨ ᠬᠠᠮᠲᠤ ᠴᠠᠭ ᠢ᠋ ᠥᠩᠭᠡᠷᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠦᠮ ᠰᠢᠭ ᠪᠠᠢᠨᠠ᠃
— ᠦ᠂ ᠬᠠᠢᠷᠠᠲᠤ ᠮᠢᠨᠢ᠂ ᠬᠡᠩ ᠬᠡᠩ ᠬᠡᠩ᠁
—ᠴᠢ ᠮᠢᠨᠢ ᠴᠠᠰᠤ ᠰᠢᠭ᠋ ᠴᠠᠭᠠᠨ ᠶᠤᠮ᠂ ᠪᠢ ᠴᠢᠮᠠ ᠶ᠋ᠢ ᠴᠠᠰᠤᠩᠭᠤᠸᠠ ᠭᠡᠵᠦ ᠨᠡᠷᠡᠯᠡᠶᠡ! ᠨᠠᠳᠠ ᠳ᠋ᠤ᠌ ᠠᠮᠠᠯᠠᠭᠠᠴᠢ ᠳᠠ᠂ ᠳᠡᠭᠡᠳᠦᠰ ᠮᠢᠨᠢ ᠥᠬᠢᠨ ᠢ᠋ ᠮᠢᠨᠢ ᠦᠷᠭᠦᠯᠵᠢ ᠬᠠᠢᠷᠠᠯᠠᠨᠠ ᠭᠡᠵᠦ ᠠᠮᠠᠯᠠ! ᠪᠠᠰᠠ ᠳᠠᠬᠢᠨ ᠬᠥᠮᠦᠨ ᠲᠡᠢ ᠭᠡᠷᠯᠡᠵᠦ ᠨᠠᠳᠠ ᠦᠭᠡᠢ ᠪᠡᠷ ᠭᠤᠨᠢᠵᠤ ᠠᠮᠢᠳᠤᠷᠠᠬᠤ ᠦᠭᠡᠢ ᠭᠡᠵᠦ ᠠᠮᠠᠯᠠᠭᠠᠴᠢ!
— ᠪᠢ ᠶᠠᠭᠤ ᠴᠤ᠌ ᠪᠣᠯᠵᠤ ᠪᠠᠢᠭᠰᠠᠨ ᠴᠤ᠌ ᠥᠬᠢᠨ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠵᠤ ᠶᠠᠪᠤᠨᠠ ᠬᠠᠢᠷᠠᠲᠤ ᠮᠢᠨᠢ!
— ᠤᠬᠢᠯᠠᠬᠤ ᠬᠡᠷᠡᠭ ᠦᠭᠡᠢ᠂ ᠬᠠᠭᠠᠨ ᠮᠢᠨᠢ ᠪᠠᠶᠠᠷᠲᠠᠢ᠂ ᠬᠠᠢᠷᠠᠲᠤ ᠮᠢᠨᠢ ᠪᠠᠶᠠᠷᠲᠠᠢ!
—ᠬᠠᠢᠷᠠᠲᠤ ᠮᠢᠨᠢ ᠭᠤᠶᠤᠶᠠ ᠳᠠ᠂ ᠨᠠᠮᠠ ᠶ᠋ᠢ ᠪᠢᠲᠡᠭᠡᠢ ᠭᠠᠭᠴᠠᠭᠠᠷ ᠢ᠋ ᠮᠢᠨᠢ ᠣᠷᠬᠢᠭᠠᠴᠢ ᠳᠠ᠂ ᠧ ᠧ᠂᠂᠂᠂
—ᠬᠠᠲᠤᠨ ᠴᠠᠭ ᠪᠤᠰᠤ ᠪᠠᠷ ᠣᠳᠤᠭᠰᠠᠨ ᠳ᠋ᠤ᠌ ᠬᠠᠭᠠᠨ ᠬᠡᠳᠦᠨ ᠵᠢᠯ ᠶᠡᠬᠡᠳᠡ ᠭᠤᠨᠢᠭᠯᠠᠪᠠ᠃ ᠬᠠᠭᠠᠨ ᠥᠪᠡᠷ ᠢ᠋ᠶ᠋ᠡᠨ ᠴᠠᠰᠤᠩᠭᠤᠸᠠ ᠶ᠋ᠢ ᠬᠠᠷᠠᠳᠠᠭ ᠪᠠᠢᠪᠠ᠃
ᠭᠡᠪᠡᠴᠦ ᠶᠡᠬᠡᠩᠬᠢ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠬᠠᠭᠠᠨ᠂ ᠲᠥᠷᠥ ᠶ᠋ᠢᠨ ᠬᠡᠷᠡᠭ ᠰᠢᠢᠳᠦᠭᠡᠳ
ᠵᠠᠪ ᠦᠭᠡᠢ ᠪᠠᠢᠳᠠᠭ᠃ ᠥᠬᠢᠨ ᠢ᠋ ᠨᠢ ᠥᠰᠬᠡᠬᠦ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠡᠵᠢ ᠬᠡᠷᠡᠭᠲᠡᠢ ᠶ᠋ᠢ ᠬᠠᠭᠠᠨ ᠣᠢᠯᠠᠭᠠᠪᠠ᠃ ᠲᠡᠭᠡᠭᠡᠳ ᠳᠠᠬᠢᠨ ᠭᠡᠷᠯᠡᠬᠦ ᠪᠡᠷ ᠰᠢᠢᠳᠦᠯᠡ᠂ ᠰᠢᠨᠡ ᠬᠠᠲᠤᠨ ᠶᠡᠬᠡ ᠦᠵᠡᠰᠬᠦᠯᠡᠩᠲᠡᠢ᠂ ᠭᠡᠪᠡᠴᠦ ᠲᠡᠭᠦᠨ ᠡᠴᠡ ᠭᠠᠳᠠᠨᠠ ᠶᠡᠬᠡ ᠵᠠᠩ ᠲᠠᠢ ᠬᠠᠷᠭᠢᠰ ᠡᠮᠡᠭᠲᠡᠢ ᠪᠠᠢᠪᠠ᠃ ᠬᠠᠲᠤᠨ ᠬᠠᠷᠠ ᠰᠢᠳᠢ ᠰᠤᠷᠤᠯᠴᠠᠭᠰᠠᠨ ᠪᠥᠭᠡᠳ ᠰᠢᠳᠢ ᠪᠡᠷ ᠢ᠋ᠶ᠋ᠡᠨ ᠬᠠᠭᠠᠨ ᠢ᠋ ᠤᠳᠤᠷᠢᠳᠤᠭᠰᠠᠨ ᠪᠠᠢᠵᠠᠢ᠃ ᠲᠡᠭᠦᠨ ᠳ᠋ᠦ᠍ ᠪᠠᠰᠠ ᠬᠦᠰᠡᠭᠰᠡᠨ ᠦᠶᠡ ᠳ᠋ᠦ᠍ ᠨᠢ ᠬᠦᠰᠡᠭᠰᠡᠨ ᠪᠦᠬᠦᠨ ᠢ᠋ ᠨᠢ ᠴᠢᠩ ᠦᠨᠡᠨ ᠢ᠋ᠶ᠋ᠡᠷ ᠬᠡᠯᠡᠳᠡᠭ ᠰᠢᠳᠢᠲᠦ ᠲᠣᠯᠢ ᠪᠠᠢᠳᠠᠭ ᠪᠠᠢᠪᠠ᠃
— ᠬᠠᠢᠷᠠᠲᠤ ᠲᠣᠯᠢ ᠮᠢᠨᠢ᠂ ᠬᠠᠨᠠᠨ ᠳᠡᠭᠡᠷᠡᠬᠢ ᠲᠣᠯᠢ ᠮᠢᠨᠢ᠂ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠬᠡᠨ ᠪᠣᠢ?
— ᠦ᠂ ᠬᠠᠲᠤᠨ ᠮᠢᠨᠢ ᠲᠠ ᠬᠠᠮᠤᠭ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠪᠢᠯᠡ᠃
—ᠥ ᠲᠡᠢᠮᠦ ᠭᠡᠵᠢ ᠤᠤ! ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠴᠢ ᠮᠢᠨᠢ ᠤᠬᠠᠭᠠᠨ ᠲᠠᠢ ᠰᠢᠦ᠃
—ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠬᠦ ᠶ᠋ᠢᠨ ᠬᠢᠷᠢ ᠪᠡᠷ ᠴᠠᠰᠤᠨᠩᠭᠣᠡ ᠤᠯᠠᠮ ᠪᠦᠷ ᠬᠥᠭᠡᠷᠦᠬᠦᠨ᠂ ᠬᠡᠵᠢᠶᠡ ᠬᠡᠵᠢᠶᠡᠨ ᠦ᠌ ᠬᠢ ᠡᠴᠡ ᠪᠡᠨ ᠢᠯᠡᠭᠦᠦ ᠦᠵᠡᠰᠬᠦᠯᠡᠩᠲᠡᠢ ᠪᠣᠯᠤᠭᠰᠠᠭᠠᠷ ᠡᠵᠡᠨᠲᠦ ᠭᠦᠷᠦᠨ ᠳᠠᠶᠠᠭᠠᠷ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠪᠦᠰᠡᠭᠦᠢ ᠪᠣᠯᠵᠠᠢ᠃ ᠬᠣᠢᠲᠤ ᠡᠬᠡ ᠨᠢ ᠲᠡᠭᠦᠨ ᠦ᠌ ᠭᠤᠸᠠ ᠰᠠᠢᠬᠠᠨ ᠳ᠋ᠤ᠌ ᠠᠲᠠᠭᠠᠷᠬᠠᠵᠤ ᠡᠬᠢᠯᠡᠯᠡ᠃
—ᠲᠣᠯᠢ ᠮᠢᠨᠢ᠂ ᠬᠠᠨᠠᠨ ᠳᠡᠭᠡᠷᠡᠬᠢ ᠲᠣᠯᠢ ᠮᠢᠨᠢ᠂ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠬᠡᠨ ᠪᠣᠢ?
—ᠲᠠ᠂ ᠬᠠᠲᠤᠨ ᠮᠢᠨᠢ ᠦᠵᠡᠰᠬᠦᠯᠡᠩᠲᠡᠢ ᠬᠥᠭᠡᠷᠦᠬᠦᠨ᠂ ᠦᠨᠡᠨ ᠰᠢᠦ᠂ ᠭᠡᠪᠡᠴᠦ ᠴᠠᠰᠤᠩᠭᠤᠸᠠ ᠲᠠᠨ ᠡᠴᠡ ᠴᠤ᠌ ᠢᠯᠡᠭᠦᠦ ᠦᠵᠡᠰᠬᠦᠯᠡᠩᠲᠡᠢ ᠪᠢᠯᠡ᠃
—ᠠ᠂ ᠴᠢ ᠶᠠᠭᠠᠬᠢᠵᠤ ᠢᠩᠭᠢᠵᠦ ᠶᠠᠷᠢᠵᠤ ᠴᠢᠳᠠᠵᠤ ᠪᠠᠢᠨᠠ᠂ ᠬᠡᠷᠡᠭ ᠦᠭᠡᠢ ᠠᠮᠢᠲᠠᠨ᠃
—ᠥᠷᠥᠰᠢᠶᠡᠯ ᠳᠡ᠂ ᠪᠢ ᠵᠥᠪᠬᠡᠨ ᠦᠨᠡᠨ ᠢ᠋ ᠬᠡᠯᠡᠬᠦ ᠶᠣᠰᠣᠲᠠᠢ ᠰᠢᠦ ᠳᠡ᠂ ᠡᠵᠡᠭᠲᠡᠢ ᠮᠢᠨᠢ᠃
—ᠬᠠᠲᠤᠨ ᠠᠭᠤᠷ ᠲᠤ ᠪᠠᠨ ᠰᠢᠲᠠᠵᠤ ᠠᠩᠴᠢᠨ ᠢ᠋ᠶ᠋ᠠᠨ ᠲᠠᠭᠤᠲᠠᠯᠠ᠃
—ᠲᠡᠷᠡ ᠴᠠᠰᠤᠩᠭᠤᠸᠠ ᠶ᠋ᠢ ᠣᠢ ᠳ᠋ᠤ᠌ ᠠᠪᠠᠴᠢᠵᠤ ᠦᠭᠡᠢ ᠬᠢ᠂ ᠪᠠᠰᠠ ᠪᠠᠲᠤᠯᠠᠭᠠ ᠪᠣᠯᠭᠠᠵᠤ ᠨᠠᠳᠠ ᠳ᠋ᠤ᠌ ᠵᠢᠷᠦᠬᠡ ᠶ᠋ᠢ ᠨᠢ ᠠᠪᠴᠢᠷᠠ!
—ᠵᠠ᠂ ᠡᠵᠡᠭᠲᠡᠢ᠁
—ᠬᠠᠲᠤᠨ᠂ ᠴᠠᠰᠤᠩᠭᠤᠸᠠ ᠶ᠋ᠢ ᠣᠢ ᠤᠷᠤᠭᠤ ᠶᠠᠪᠤᠵᠤ ᠪᠦᠷ ᠴᠤ᠌ ᠢᠯᠡᠭᠦᠦ ᠦᠵᠡᠰᠬᠦᠯᠡᠩᠲᠡᠢ ᠪᠣᠯᠭᠠᠬᠤ ᠰᠢᠳᠢᠲᠦ ᠴᠡᠴᠡᠭ ᠠᠪᠴᠢᠷᠠ ᠭᠡᠵᠦ ᠭᠤᠶᠤᠯᠠ᠃ ᠬᠥᠭᠡᠷᠦᠬᠦᠢ ᠠᠩᠴᠢᠨ ᠴᠠᠰᠤᠩᠭᠤᠸᠠ ᠶᠢ ᠣᠢ ᠤᠷᠤᠭᠤ ᠠᠪᠴᠤ ᠶᠠᠪᠤᠭᠰᠠᠨ ᠴᠤ᠌ ᠥᠬᠢᠨ ᠢ᠋ ᠬᠣᠷᠣᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠶ᠋ᠢ ᠮᠡᠳᠡᠪᠡ᠃
—ᠬᠥᠭᠡᠷᠦᠬᠦᠢ ᠭᠦᠩᠵᠦ ᠮᠢᠨᠢ᠂ ᠬᠣᠢᠲᠤ ᠡᠬᠡ ᠴᠢᠨᠢ ᠨᠠᠳᠠ ᠳ᠋ᠤ᠌ ᠲᠠᠨ ᠢ᠋ ᠠᠯᠠᠬᠤ ᠶ᠋ᠢ ᠲᠤᠰᠢᠶᠠᠭᠰᠠᠨ᠂ ᠭᠡᠪᠡᠴᠦ ᠪᠢ ᠲᠠᠨ ᠰᠢᠭ᠋ ᠦᠵᠡᠰᠬᠦᠯᠡᠩᠲᠡᠢ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠥᠮᠦᠨ ᠢ᠋ ᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠠᠯᠢ ᠪᠣᠯᠬᠤ ᠪᠠᠷ ᠬᠣᠯᠠ ᠵᠢᠭᠤᠲᠠ᠂ ᠳᠠᠬᠢᠵᠤ ᠣᠷᠳᠣᠨ ᠳ᠋ᠤ᠌ ᠪᠢᠲᠡᠭᠡᠢ ᠡᠷᠭᠢᠵᠦ ᠢᠷᠡᠭᠡᠷᠡᠢ!
—ᠦ᠂ ᠰᠠᠢᠬᠠᠨ ᠰᠡᠳᠬᠢᠯᠲᠦ ᠬᠥᠮᠦᠨ ᠮᠢᠨᠢ᠂ ᠨᠠᠮᠠ ᠶ᠋ᠢ ᠠᠯᠠᠬᠤ ᠦᠭᠡᠢ ᠪᠣᠯ ᠡᠬᠡ ᠮᠢᠨᠢ ᠲᠠᠨ ᠢ᠋ ᠰᠢᠢᠳᠬᠡᠨᠡ ᠰᠢᠦ ᠳᠡ!
—ᠪᠢ ᠨᠢᠭᠡ ᠠᠷᠭᠠ ᠣᠯᠵᠤ ᠲᠡᠭᠦᠨ ᠢ᠋ ᠲᠣᠷᠭᠠᠨᠠ᠂ ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠲᠠ ᠣᠳᠣ ᠶᠠᠪᠤ!
— ᠴᠠᠰᠤᠩᠭᠤᠸᠠ ᠠᠯᠢ ᠪᠣᠯᠬᠤ ᠪᠠᠷ ᠬᠤᠷᠳᠤᠨ ᠭᠦᠶᠦᠯᠡ᠃ ᠠᠩᠴᠢᠨ ᠵᠡᠷᠯᠢᠭ ᠪᠣᠳᠣᠩ ᠠᠩᠨᠠᠭᠠᠳ ᠵᠢᠷᠦᠬᠡ ᠶ᠋ᠢ ᠨᠢ ᠬᠠᠲᠤᠨ ᠳ᠋ᠤ᠌ ᠥᠭᠭᠦᠯᠡ᠃
—ᠬᠠ᠂᠂᠂᠂ ᠪᠢ ᠣᠳᠣ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠪᠣᠯᠤᠯᠠ᠃
— ᠴᠠᠰᠤᠩᠭᠤᠸᠠ ᠭᠦᠨ ᠬᠠᠷᠠᠩᠭᠤᠢ ᠣᠢ ᠳ᠋ᠤ᠌ ᠭᠠᠪ ᠭᠠᠭᠴᠠᠭᠠᠷ ᠶᠠᠪᠤᠨᠠ᠂ ᠶᠠᠭᠤ ᠬᠢᠬᠦ ᠪᠡᠨ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠪᠠᠨ ᠴᠤ᠌ ᠮᠡᠳᠡᠬᠦ ᠦᠭᠡᠢ ᠪᠠᠢᠪᠠ᠂ ᠮᠣᠳᠣᠳ ᠬᠣᠭᠣᠷᠣᠨᠳᠣ ᠪᠠᠨ ᠰᠢᠪᠡᠨᠡᠯᠳᠦᠭᠡᠳ ᠴᠤ᠌ ᠪᠠᠢᠬᠤ ᠰᠢᠭ᠋᠂ ᠴᠠᠰᠤᠩᠭᠤᠸᠠ ᠠᠶᠤᠭᠰᠠᠨ ᠳ᠋ᠤ᠌ ᠪᠠᠨ ᠪᠣᠯᠤᠭᠠᠳ ᠵᠢᠭᠤᠲᠠᠯᠠ᠂ ᠢᠷᠮᠡᠭ ᠲᠡᠢ ᠴᠢᠯᠠᠭᠤ᠂ ᠥᠷᠭᠡᠰᠦᠲᠦ ᠣᠢ ᠳᠤᠮᠳᠠᠭᠤᠷ ᠭᠦᠶᠦᠭᠰᠡᠭᠡᠷ ᠬᠠᠷᠠᠩᠭᠤᠢ ᠨᠥᠮᠥᠷᠳᠡᠭ ᠦ᠋ᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠬᠡᠳᠦᠨ ᠰᠢᠪᠠᠭᠤ ᠲᠡᠭᠦᠨ ᠢ᠋ ᠲᠣᠭᠣᠷᠢᠨ ᠨᠢᠰᠴᠦ ᠣᠷᠢᠶᠠᠯᠲᠠ ᠡᠴᠡ ᠨᠢ ᠲᠠᠲᠠᠵᠤ ᠡᠬᠢᠯᠡᠪᠡ᠂ ᠲᠡᠳᠡ ᠥᠪᠡᠷ ᠲᠦ᠍ ᠨᠢ ᠨᠢᠭᠡ ᠶᠠᠭᠤᠮᠠ ᠦᠵᠡᠭᠦᠯᠬᠦ ᠭᠡᠳ ᠪᠠᠢᠭᠠ ᠶ᠋ᠢ ᠲᠡᠷᠡ ᠮᠡᠳᠡᠵᠡᠢ᠃
ᠲᠡᠷᠡ ᠰᠢᠪᠠᠭᠤᠳ ᠢ᠋ ᠳᠠᠭᠠᠯᠠ᠃ ᠭᠡᠨᠡᠳᠲᠡ ᠨᠢᠭᠡ ᠬᠠᠴᠢᠷᠬᠠᠯ ᠲᠠᠢ ᠪᠠᠢᠰᠢᠩ ᠣᠯᠵᠤ ᠬᠠᠷᠠᠭᠠᠳ ᠰᠢᠪᠠᠭᠤᠳ ᠲᠠᠢ ᠬᠠᠮᠲᠤ ᠶᠠᠪᠤᠵᠤ ᠣᠷᠣᠪᠠ᠃ ᠪᠠᠢᠰᠢᠩ ᠳᠣᠲᠣᠷᠠ ᠪᠦᠬᠦ ᠶᠠᠭᠤᠮᠠ ᠨᠢ ᠵᠢᠵᠢᠭᠬᠡᠨ ᠴᠤ᠌ ᠴᠡᠪᠡᠷᠬᠡᠨ ᠠᠵᠢ᠃ ᠴᠠᠪ ᠴᠠᠭᠠᠨ ᠪᠦᠲᠡᠭᠡᠯᠭᠡ ᠲᠡᠢ ᠵᠢᠵᠢᠭᠬᠡᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠣᠭᠣᠯᠠ ᠲᠠᠪᠠᠭᠯᠠᠭᠰᠠᠨ ᠳᠣᠯᠣᠭᠠᠨ
ᠵᠢᠵᠢᠭᠬᠡᠨ ᠲᠠᠪᠠᠭ ᠪᠠᠢᠪᠠ᠃ ᠬᠠᠨᠠ ᠨᠠᠯᠠᠭᠤᠯᠤᠭᠠᠳ ᠳᠣᠯᠣᠭᠠᠨ ᠵᠢᠵᠢᠭ ᠣᠷᠣ ᠲᠠᠯᠪᠢᠵᠠᠢ᠃ ᠪᠦᠭᠦᠳᠡ ᠶ᠋ᠢ ᠨᠢ ᠡᠩᠨᠡᠭᠦᠯᠦᠭᠡᠳ ᠪᠦᠲᠡᠭᠡᠯᠭᠡ ᠪᠡᠷ ᠪᠦᠲᠡᠭᠡᠭᠰᠡᠨ ᠪᠠᠢᠪᠠ᠂ ᠴᠠᠰᠤᠩᠭᠤᠸᠠ ᠥᠯᠥᠰᠦᠭᠰᠡᠨ ᠳ᠋ᠦ᠍ ᠪᠡᠨ ᠵᠢᠵᠢᠭᠬᠡᠨ ᠲᠠᠪᠠᠭ ᠪᠦᠷᠢ ᠡᠴᠡ ᠵᠢᠭᠠᠬᠠᠨ ᠵᠢᠭᠠᠬᠠᠨ ᠨᠣᠭᠣᠭᠠ ᠲᠠᠯᠬᠠ ᠠᠪᠤᠭᠠᠳ ᠢᠳᠡᠴᠢᠬᠡᠯᠡ᠃ ᠪᠠᠰᠠ ᠠᠶᠠᠭᠠ ᠪᠦᠷᠢ ᠡᠴᠡ ᠵᠢᠭᠠᠬᠠᠨ ᠵᠢᠭᠠᠬᠠᠨ ᠰᠦ ᠤᠤᠭᠤᠵᠠᠢ᠃ ᠣᠢ ᠪᠠᠷ ᠤᠳᠠᠭᠠᠨ ᠶᠠᠪᠤᠭᠠᠳ ᠶᠡᠬᠡ ᠶᠠᠳᠠᠷᠠᠵᠠᠢ᠃ ᠲᠡᠭᠡᠭᠡᠳ ᠵᠢᠵᠢᠭᠬᠡᠨ ᠣᠷᠣᠨ ᠳᠡᠭᠡᠷᠡ ᠬᠡᠪᠲᠡᠭᠡᠳ ᠨᠠᠮ ᠤᠨᠲᠠᠴᠢᠬᠠᠪᠠ ᠭᠡᠨᠡ᠃
ᠬᠠᠷᠠᠩᠭᠤᠢ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠭᠡᠷ ᠦ᠋ᠨ ᠡᠵᠡᠳ ᠪᠣᠯᠬᠤ ᠳᠣᠯᠣᠭᠠᠨ ᠣᠳᠣᠢ ᠭᠡᠷ ᠲᠦ᠍ ᠢᠷᠡᠯᠡ᠂ ᠲᠡᠳᠡ ᠠᠭᠤᠯᠠᠨ ᠳ᠋ᠤ᠌ ᠠᠯᠲᠠ ᠣᠯᠪᠤᠷᠢᠯᠠᠳᠠᠭ᠃ ᠰᠢᠪᠠᠭᠤᠳ ᠴᠠᠰᠤᠩᠭᠤᠸ᠋ᠠ ᠶ᠋ᠢ ᠰᠡᠷᠡᠭᠡᠬᠦ ᠭᠡᠵᠦ ᠣᠷᠣᠯᠳᠣᠭᠰᠠᠨ ᠪᠣᠯᠪᠠᠴᠤ᠂ ᠲᠡᠷᠡ ᠭᠦᠨ ᠨᠣᠢᠷ ᠲᠤ ᠳᠠᠷᠤᠭᠳᠠᠵᠠᠢ᠃ ᠣᠳᠣᠢ ᠨᠠᠷ ᠭᠡᠷ ᠲᠡᠭᠡᠨ ᠢᠷᠡᠮᠡᠭᠴᠡ ᠬᠡᠨ ᠨᠢᠭᠡᠨ ᠢᠷᠡᠭᠰᠡᠨ ᠢ᠋ ᠠᠩᠵᠠᠭᠠᠷᠠᠯᠠ᠃
—ᠬᠡᠨ ᠮᠢᠨᠦ ᠰᠠᠨᠳᠠᠯᠢ ᠳᠡᠭᠡᠷᠡ ᠰᠠᠭᠤᠭᠰᠠᠨ ᠶᠤᠮ ᠪᠣᠢ?
—ᠬᠡᠨ ᠮᠢᠨᠦ ᠲᠠᠪᠠᠭ ᠡᠴᠡ ᠢᠳᠡᠭᠰᠡᠨ ᠶᠦᠮ ᠪᠣᠢ?
—ᠬᠡᠨ ᠮᠢᠨᠦ ᠲᠠᠯᠬᠠᠨ ᠡᠴᠡ ᠢᠳᠡᠭᠰᠡᠨ ᠶᠦᠮ ᠪᠣᠢ?
—ᠬᠡᠨ ᠮᠢᠨᠦ ᠨᠣᠭᠣᠭᠠᠨ ᠡᠴᠡ ᠢᠳᠡᠭᠰᠡᠨ ᠶᠦᠮ ᠪᠣᠢ?
—ᠬᠡᠨ ᠮᠢᠨᠦ ᠰᠢᠷᠡᠭᠡ ᠶ᠋ᠢ ᠬᠡᠷᠡᠭᠯᠡᠴᠢᠬᠡᠪᠡ ᠪᠣᠢ?
—ᠬᠡᠨ ᠮᠢᠨᠦ ᠠᠶᠠᠭᠠᠨ ᠡᠴᠡ ᠤᠤᠭᠤᠭᠰᠠᠨ ᠪᠣᠢ?
—ᠭᠡᠪᠡᠴᠦ ᠣᠷᠣ ᠤᠷᠤᠭᠤ ᠪᠠᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠳᠣᠯᠣᠭᠠᠳᠡᠬᠢ ᠣᠳᠣᠢ ᠦᠵᠡᠰᠬᠦᠯᠡᠩᠲᠡᠢ ᠪᠦᠰᠡᠭᠦᠢ ᠤᠨᠲᠠᠵᠤ ᠪᠠᠢᠭᠠ ᠶ᠋ᠢ ᠬᠠᠷᠠᠵᠠᠢ᠃
—ᠮᠢᠨᠦ ᠣᠷᠣᠨ ᠳᠡᠭᠡᠷᠡ ᠨᠢᠭᠡ ᠬᠥᠮᠦᠨ ᠤᠨᠲᠠᠵᠤ ᠪᠠᠢᠨᠠ᠃
— ᠳᠣᠯᠣᠭᠠᠨ ᠣᠳᠣᠢ ᠣᠷᠣ ᠤᠷᠤᠭᠤ ᠪᠠᠨ ᠭᠦᠶᠦᠭᠡ ᠪᠡᠷ ᠢ᠋ᠶ᠋ᠡᠨ ᠢᠷᠡᠯᠡ᠃
—ᠦ! ᠲᠡᠭᠷᠢ ᠮᠢᠨᠢ᠂ ᠡᠨᠡ ᠪᠦᠰᠡᠭᠦᠢ ᠦᠨᠡᠬᠡᠷ ᠦᠵᠡᠰᠬᠦᠯᠡᠩᠲᠡᠢ ᠶᠦᠮ ᠠ᠋!
—ᠤᠨᠲᠠᠭ ᠠ᠋! ᠴᠢᠮᠡᠭᠡ ᠦᠭᠡᠢ ᠪᠠᠢᠵᠠᠭᠠᠶᠠ᠃
—ᠲᠡᠳᠡ ᠪᠦᠭᠦᠳᠡ ᠴᠠᠰᠤᠩᠭᠤᠸᠠ ᠶᠢᠨ ᠣᠷᠣ ᠶ᠋ᠢ ᠲᠣᠭᠣᠷᠢᠭᠠᠳ ᠤᠨᠲᠠᠵᠠᠭᠠᠯᠠ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠴᠠᠰᠤᠩᠭᠤᠸᠠ ᠰᠡᠷᠡᠭᠡᠳ ᠳᠣᠯᠣᠭᠠᠨ ᠣᠳᠣᠢ ᠶ᠋ᠢ ᠬᠠᠷᠠᠭᠠᠳ ᠶᠡᠬᠡ ᠠᠶᠤᠵᠠᠢ᠃
—ᠠ᠂᠂᠂᠂
— ᠲᠡᠭᠦᠨ ᠦ᠌ ᠳᠠᠭᠤ ᠶ᠋ᠢ ᠰᠣᠨᠣᠰᠤᠭᠠᠳ ᠣᠳᠣᠢ ᠨᠠᠷ ᠰᠡᠷᠡᠯᠡ᠃
—ᠪᠢᠲᠡᠭᠡᠢ ᠠᠶᠤ᠂ ᠪᠢᠲᠡᠭᠡᠢ ᠠᠶᠤ᠂ ᠪᠢᠳᠡ ᠪᠣᠯ ᠣᠳᠣᠢ ᠨᠠᠷ᠂ ᠴᠢ ᠮᠠᠨ ᠤ᠋ ᠭᠡᠷ ᠲᠦ᠍ ᠪᠠᠢᠨᠠ᠃
—ᠠ᠂᠂᠂᠂
—ᠴᠢᠮᠠ ᠶ᠋ᠢ ᠬᠡᠨ ᠭᠡᠳᠡᠭ ᠪᠣᠢ?
—ᠮᠢᠨᠦ ᠨᠡᠷᠡ ᠴᠠᠰᠤᠩᠭᠤᠸᠠ
—ᠴᠢ ᠮᠠᠨ ᠤ᠋ ᠪᠠᠢᠰᠢᠩ ᠢ᠋ ᠶᠠᠭᠠᠬᠢᠵᠤ ᠣᠯᠵᠤ ᠢᠷᠡᠭᠰᠡᠨ ᠶᠦᠮ ᠪᠣᠢ?
— ᠴᠠᠰᠤᠩᠭᠤᠸᠠ ᠲᠡᠳᠡᠨ ᠳ᠋ᠦ᠍ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠪᠦᠭᠦᠳᠡ ᠶ᠋ᠢ ᠶᠠᠷᠢᠪᠠ᠃ ᠣᠳᠣᠢ ᠨᠠᠷ ᠬᠣᠭᠣᠷᠣᠨᠳᠣ ᠪᠠᠨ ᠤᠳᠠᠭᠠᠨ ᠶᠠᠷᠢᠯᠴᠠᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠢᠩᠭᠢᠵᠦ ᠬᠡᠯᠡᠪᠡ:
—ᠬᠡᠷᠪᠡ ᠴᠢ ᠮᠠᠨ ᠤ᠋ ᠭᠡᠷ ᠢ᠋ ᠬᠠᠷᠠᠵᠤ ᠪᠠᠢᠪᠠᠯ᠂
ᠪᠠᠰᠠ ᠬᠣᠭᠣᠯᠠ ᠬᠢᠪᠡᠯ᠂
ᠣᠷᠣ ᠬᠤᠷᠢᠶᠠᠭᠠᠳ
ᠤᠬᠢᠶᠠᠵᠤ᠂ ᠣᠶᠣᠵᠤ ᠰᠢᠲᠠᠪᠠᠯ᠂
ᠪᠦᠭᠦᠳᠡ ᠶ᠋ᠢ ᠴᠡᠪᠡᠷᠬᠡᠨ ᠲᠢᠭ ᠲᠡᠢ ᠪᠠᠢᠯᠭᠠᠪᠠᠯ᠂
ᠪᠢᠳᠡᠨ ᠳᠡᠭᠡᠷᠡ ᠦᠯᠡᠳᠡᠵᠦ ᠪᠣᠯᠤᠨᠠ᠃
ᠪᠠᠰᠠ ᠴᠢᠮᠠ ᠳ᠋ᠤ᠌ ᠬᠦᠰᠡᠭᠰᠡᠨ ᠪᠦᠭᠦᠳᠡ ᠶ᠋ᠢ ᠴᠢᠨᠢ ᠦᠭᠭᠦᠨᠡ᠃
— ᠲᠡᠭᠡᠶᠡ᠂ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ᠁
—ᠢᠩᠭᠢᠭᠡᠳ ᠴᠠᠰᠤᠩᠭᠤᠸᠠ ᠣᠳᠣᠢ ᠨᠠᠷ ᠲᠠᠢ ᠬᠠᠮᠲᠤ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠵᠤ ᠪᠠᠢᠪᠠ᠃ ᠣᠳᠣᠢ ᠨᠠᠷ ᠥᠷᠯᠥᠭᠡ ᠪᠦᠷᠢ ᠠᠯᠲᠠ ᠬᠠᠢᠵᠤ ᠠᠭᠤᠯᠠ ᠤᠷᠤᠭᠤ ᠶᠠᠪᠤᠨᠠ᠂ ᠣᠷᠣᠢ ᠭᠡᠷ ᠲᠦ᠍ ᠪᠡᠨ ᠢᠷᠡᠬᠦ ᠳ᠋ᠦ᠍ ᠨᠢ ᠴᠠᠰᠤᠩᠭᠤᠸᠠ ᠲᠡᠳᠡᠨ ᠦ᠌ ᠬᠣᠭᠣᠯᠠ ᠶ᠋ᠢ ᠪᠡᠯᠡᠳᠬᠡᠵᠦ᠂ ᠭᠡᠷ ᠢ᠋ ᠨᠢ ᠴᠡᠪᠡᠷᠯᠡᠭᠰᠡᠨ ᠪᠠᠢᠯᠠ᠃ ᠡᠳᠦᠷ ᠦ᠋ᠨ ᠴᠠᠭ ᠢ᠋ᠶ᠋ᠠᠷ ᠴᠠᠰᠤᠩᠭᠤᠸᠠ ᠰᠢᠪᠠᠭᠤᠳ ᠪᠣᠯᠤᠨ ᠣᠢ ᠶ᠋ᠢᠨ ᠠᠮᠢᠲᠠᠳ ᠲᠠᠢ ᠲᠣᠭᠯᠠᠬᠤ ᠡᠴᠡ ᠪᠤᠰᠤᠳ ᠢ᠋ᠶ᠋ᠠᠷ ᠭᠠᠪ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠪᠠᠢᠯᠠ᠃
—ᠲᠣᠯᠢ ᠮᠢᠨᠢ᠂ ᠬᠠᠨᠠᠨ ᠳᠡᠭᠡᠷᠡᠬᠢ ᠲᠣᠯᠢ ᠮᠢᠨᠢ᠂ ᠡᠨᠡ ᠬᠣᠷᠸᠠ ᠳ᠋ᠤ᠌ ᠬᠡᠨ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠪᠣᠢ?
—ᠲᠠ᠂ ᠬᠠᠲᠤᠨ ᠮᠢᠨᠢ᠂ ᠶᠡᠬᠡ ᠦᠵᠡᠰᠬᠦᠯᠡᠩᠲᠡᠢ᠂ ᠡᠨᠡ ᠦᠨᠡᠨ ᠰᠢᠦ᠂ ᠭᠡᠪᠡᠴᠦ ᠠᠭᠤᠯᠠᠰ ᠤ᠋ᠨ ᠴᠠᠭᠠᠨᠠ ᠳᠣᠯᠣᠭᠠᠨ ᠣᠳᠣᠢ ᠲᠠᠢ ᠬᠠᠮᠲᠤ ᠪᠠᠢᠭᠠ ᠴᠠᠰᠤᠩᠭᠤᠸᠠ ᠲᠠᠨ ᠡᠴᠡ ᠮᠢᠩᠭᠠᠨ ᠳᠠᠬᠢᠨ ᠦᠵᠡᠰᠬᠦᠯᠡᠩᠲᠡᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ᠁
—ᠦᠭᠡᠢ᠂ ᠲᠡᠷᠡ ᠮᠠᠭᠤ ᠴᠠᠭᠠᠨ ᠥᠬᠢᠨ ᠠᠮᠢᠳᠤ ᠪᠠᠢᠬᠤ ᠨᠢ ᠠᠩᠴᠢᠨ ᠨᠠᠮᠠ ᠶ᠋ᠢ ᠮᠡᠬᠡᠯᠡᠵᠡᠢ᠂ ᠲᠡᠭᠦᠨ ᠦ᠌ ᠤᠴᠢᠷ ᠢ᠋ ᠣᠯᠤᠨᠠ᠂ ᠭᠡᠪᠡᠴᠦ ᠣᠳᠣ ᠪᠢ ᠲᠡᠷᠡ ᠴᠠᠰᠤᠩᠭᠤᠸᠠ ᠶ᠋ᠢ ᠬᠣᠷᠣᠭᠠᠬᠤ ᠶᠣᠰᠣᠲᠠᠢ᠃ ᠭᠡᠪᠡᠴᠦ ᠶᠠᠭᠠᠬᠢᠵᠤ᠂ ᠶᠠᠭᠠᠬᠢᠵᠤ᠂ ᠶᠠᠭᠠᠬᠢᠵᠤ ᠭᠡᠳᠡᠭ ᠢ᠋ ᠬᠡᠯᠡᠭᠡᠴᠢ!
— ᠠᠭᠤᠷ ᠲᠤ ᠪᠠᠨ ᠲᠣᠯᠢ ᠪᠠᠨ ᠬᠠᠭᠠᠯᠴᠢᠬᠠᠭᠰᠠᠨ ᠢ᠋ᠶ᠋ᠠᠨ ᠣᠢᠯᠠᠭᠠᠪᠠ᠂ ᠬᠠᠲᠤᠨ ᠴᠠᠰᠤᠩᠭᠤᠸᠠ ᠶ᠋ᠢ ᠶᠠᠭᠠᠬᠢᠵᠤ ᠦᠭᠡᠢ ᠬᠢᠬᠦ ᠪᠣᠢ ᠭᠡᠵᠦ ᠳᠠᠬᠢᠨ ᠳᠠᠬᠢᠨ ᠪᠣᠳᠣᠭᠰᠠᠭᠠᠷ᠂ ᠡᠴᠦᠰ ᠲᠦ᠍ ᠨᠢ ᠨᠢᠭᠡ ᠶᠠᠭᠤᠮᠠ ᠪᠣᠳᠣᠵᠤ ᠣᠯᠤᠯᠠ᠂ ᠬᠠᠲᠤᠨ ᠥᠭᠡᠷᠡ ᠬᠡᠨ ᠴᠤ᠌ ᠣᠷᠣᠳᠠᠭ ᠦᠭᠡᠢ ᠨᠢᠭᠤᠴᠠ ᠥᠷᠥᠭᠡᠨ ᠳ᠋ᠡᠭᠡᠨ ᠶᠠᠪᠤᠵᠤ ᠣᠷᠣᠪᠠ᠃ ᠲᠡᠨᠳᠡ ᠬᠣᠣᠷᠲᠠᠢ ᠠᠯᠢᠮᠠ ᠬᠢᠵᠡᠢ᠃ ᠠᠯᠢᠮᠠ ᠶ᠋ᠢ ᠮᠠᠰᠢ ᠴᠢᠳᠠᠪᠤᠷᠢᠯᠢᠭ ᠬᠢᠭᠰᠡᠨ ᠤᠴᠢᠷ ᠳᠣᠲᠣᠷᠠ ᠪᠠᠨ ᠬᠣᠣᠷᠲᠠᠢ᠂ ᠭᠠᠳᠠᠨᠠ ᠪᠠᠨ ᠰᠢᠨᠡᠬᠡᠨ ᠰᠠᠢᠬᠠᠨ ᠬᠠᠷᠠᠭᠳᠠᠵᠤ ᠪᠠᠢᠯᠠ᠃ ᠳᠠᠷᠠᠭᠠ ᠨᠢ ᠷᠢᠳᠢ ᠰᠢᠳᠢ ᠪᠡᠨ ᠠᠰᠢᠭᠯᠠᠨ ᠲᠡᠷᠡ ᠥᠪᠡᠷ ᠢ᠋ ᠪᠡᠨ ᠬᠥᠭᠰᠢᠨ ᠮᠠᠢᠮᠠᠢᠴᠢᠨ ᠡᠮᠡᠭᠡᠨ ᠪᠣᠯᠭᠠᠵᠤ ᠬᠤᠪᠢᠯᠭᠠᠪᠠ᠃ ᠠᠭᠤᠯᠠᠰ ᠤ᠋ᠨ ᠴᠠᠭᠠᠨᠠ ᠪᠠᠢᠬᠤ ᠣᠳᠣᠢ ᠨᠠᠷ ᠤ᠋ᠨ ᠪᠠᠢᠰᠢᠩ ᠳ᠋ᠤ᠌ ᠣᠴᠢᠵᠤ ᠬᠠᠭᠠᠯᠭᠠ ᠶ᠋ᠢ ᠨᠢ ᠲᠣᠭᠰᠢᠯᠠ᠃
ᠴᠠᠰᠤᠩᠭᠤᠸᠠ ᠴᠣᠩᠬᠣ ᠪᠠᠷ ᠲᠣᠯᠣᠭᠠᠢ ᠪᠠᠨ ᠴᠤᠬᠤᠢᠯᠭᠠᠪᠠ᠃
—ᠲᠠ ᠬᠡᠨ ᠪᠣᠢ? ᠡᠮᠡᠭᠡ! ᠪᠢ ᠲᠠᠨ ᠳ᠋ᠤ᠌ ᠶᠠᠭᠤ ᠪᠠᠷ ᠲᠤᠰᠠᠯᠠᠬᠤ ᠪᠣᠢ?
—ᠬᠠᠭᠠᠯᠭᠠ ᠪᠠᠨ ᠨᠡᠬᠡᠭᠡ᠂ ᠬᠥᠭᠡᠷᠦᠬᠦᠨ ᠥᠬᠢᠨ ᠮᠢᠨᠢ᠂ ᠪᠢ ᠶᠠᠳᠠᠭᠤ ᠬᠥᠮᠦᠨ᠂ ᠪᠢ ᠴᠢᠮᠠᠲᠤ ᠠᠯᠢᠮᠠ ᠥᠭᠴᠦ ᠠᠮᠢᠰᠬᠤᠯ ᠬᠤᠷᠢᠶᠠᠵᠤ ᠪᠠᠢᠭᠠ ᠨᠥᠬᠥᠷ ᠲᠤ ᠪᠠᠨ ᠥᠭᠬᠦ ᠵᠢᠭᠠᠬᠠᠨ ᠲᠠᠯᠬᠠ ᠠᠪᠤᠶᠠ᠃
—ᠪᠢ ᠬᠡᠨ ᠢ᠋ ᠴᠦ᠍ ᠣᠷᠣᠭᠤᠯᠵᠤ ᠪᠣᠯᠬᠤ ᠦᠭᠡᠢ᠂ ᠳᠣᠯᠣᠭᠠᠨ ᠣᠳᠣᠢ ᠨᠠᠮᠠ ᠶ᠋ᠢ ᠬᠥᠮᠦᠨ ᠣᠷᠣᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠭᠡᠰᠡᠨ᠃
—ᠣᠷᠣᠬᠤ ᠦᠭᠡᠢ ᠪᠠᠢᠭᠰᠠᠨ ᠴᠤ᠌ ᠵᠦᠭᠡᠷ ᠠ᠋᠂ ᠮᠠᠢ ᠡᠨᠡ ᠠᠮᠲᠠᠲᠠᠢ ᠰᠠᠢᠬᠠᠨ ᠠᠯᠢᠮᠠ ᠶ᠋ᠢ ᠥᠭᠭᠦᠭᠡᠳ ᠴᠢᠮᠠ ᠠ᠋ᠴᠠ ᠵᠢᠭᠠᠬᠠᠨ ᠲᠠᠯᠬᠠ ᠭᠤᠶᠤᠬᠤ ᠭᠡᠰᠡᠨ ᠶᠦᠮ᠂ ᠥᠬᠢᠨ ᠮᠢᠨᠢ᠃
— ᠴᠠᠰᠤᠩᠭᠤᠸᠠ ᠭᠢᠯᠠᠯᠵᠠᠭᠰᠠᠨ ᠰᠠᠢᠬᠠᠨ ᠠᠯᠢᠮᠠ ᠶ᠋ᠢ ᠬᠠᠷᠠᠭᠠᠳ ᠠᠪᠬᠤ ᠦᠭᠡᠢ ᠪᠠᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠭᠠᠯ ᠲᠣᠭᠣᠭᠠ ᠤᠷᠤᠭᠤ ᠣᠷᠣᠵᠤ ᠳᠣᠯᠣᠭᠠᠨ ᠣᠳᠣᠢ ᠶ᠋ᠢᠨ ᠬᠣᠭᠣᠯᠠᠨ ᠳ᠋ᠤ᠌ ᠵᠣᠷᠢᠭᠤᠯᠵᠤ ᠳᠥᠩᠭᠡᠵᠦ ᠵᠢᠩᠨᠡᠭᠰᠡᠨ ᠲᠣᠮᠣ ᠭᠡᠭᠴᠢ ᠶ᠋ᠢᠨ ᠲᠠᠯᠬᠠ ᠪᠠᠨ ᠠᠪᠴᠢᠷᠠᠵᠤ ᠥᠭᠪᠡ᠃ ᠣᠳᠣᠢ ᠨᠠᠷ ᠤ᠋ᠨ ᠬᠣᠭᠣᠯᠠᠨ ᠳ᠋ᠤ᠌ ᠵᠣᠷᠢᠭᠤᠯᠤᠭᠰᠠᠨ ᠲᠠᠯᠬᠠ ᠪᠠᠨ ᠡᠮᠡᠭᠡᠨ ᠳ᠋ᠦ᠍ ᠥᠭᠭᠦᠭᠡᠳ ᠠᠯᠢᠮᠠ ᠶ᠋ᠢ ᠠᠪᠤᠯᠠ᠃ ᠠᠯᠢᠮᠠᠨ ᠠ᠋ᠴᠠ ᠭᠠᠭᠴᠠ ᠬᠠᠵᠠᠬᠤ ᠲᠡᠳᠦᠢ ᠳ᠋ᠦ᠍ ᠭᠠᠵᠠᠷ ᠲᠤ ᠦᠬᠦᠳᠬᠢᠨ ᠤᠨᠠᠪᠠ ᠭᠡᠨᠡ᠃
ᠬᠣᠷᠣᠨ ᠰᠠᠨᠠᠭᠠᠲᠤ ᠬᠠᠲᠤᠨ ᠦᠨᠡᠨ ᠲᠥᠷᠬᠦ ᠳ᠋ᠡᠭᠡᠨ ᠣᠷᠣᠪᠠ᠃
—ᠴᠠᠰᠤ ᠰᠢᠭ᠋ ᠴᠠᠭᠠᠨ᠂ ᠴᠢᠰᠤ ᠰᠢᠭ᠋ ᠤᠯᠠᠭᠠᠨ᠂ ᠰᠢᠨᠡᠰᠦ ᠮᠣᠳᠣ ᠰᠢᠭ᠋ ᠬᠠᠷᠠ᠂ ᠳᠣᠯᠣᠭᠠᠨ ᠣᠳᠣᠢ ᠴᠢᠮᠠ ᠶ᠋ᠢ ᠬᠡᠵᠢᠶᠡ ᠴᠦ᠍ ᠰᠡᠷᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ᠃
—ᠲᠡᠷᠡ ᠳᠠᠷᠤᠢ ᠣᠷᠳᠣᠨ ᠤᠷᠤᠭᠤ ᠭᠦᠶᠦᠵᠦ ᠣᠴᠢᠭᠠᠳ ᠬᠠᠭᠠᠷᠬᠠᠢ ᠲᠣᠯᠢᠨ ᠤ᠋ ᠡᠮᠦᠨᠡ ᠵᠣᠭᠰᠣᠯᠠ᠃
— ᠲᠣᠯᠢ ᠮᠢᠨᠢ᠂ ᠬᠠᠨᠠᠨ ᠳᠡᠭᠡᠷᠡᠬᠢ ᠲᠣᠯᠢ ᠮᠢᠨᠢ᠂ ᠡᠨᠡ ᠤᠯᠤᠰ ᠲᠤ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠬᠡᠨ ᠪᠣᠢ?
—ᠲᠣᠯᠢ ᠡᠴᠦᠰ ᠲᠦ᠍ ᠨᠢ ᠲᠡᠭᠦᠨ ᠦ᠌ ᠬᠦᠰᠡᠯ ᠳ᠋ᠦ᠍ ᠬᠠᠷᠢᠭᠤ ᠥᠭᠪᠡ ᠭᠡᠨᠡ᠃
—ᠲᠠ ᠂ ᠬᠠᠲᠤᠨ ᠮᠢᠨᠢ᠂ ᠲᠠ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩᠲᠡᠢ ᠨᠢ ᠪᠢᠯᠡ᠃
—ᠣᠳᠣᠢ ᠨᠠᠷ ᠣᠷᠣᠢ ᠭᠡᠷ ᠲᠡᠭᠡᠨ ᠢᠷᠡᠭᠡᠳ ᠴᠠᠰᠤᠩᠭᠤᠸᠠ ᠶ᠋ᠢ ᠱᠠᠯᠠᠨ ᠳᠡᠭᠡᠷᠡ ᠬᠡᠪᠲᠡᠵᠦ ᠪᠠᠢᠬᠤ ᠳ᠋ᠤ᠌ ᠨᠢ ᠣᠯᠪᠠ᠃ ᠲᠡᠷᠡ ᠣᠭᠲᠣ ᠠᠮᠢᠰᠬᠤᠯᠠᠬᠤ ᠦᠭᠡᠢ ᠪᠠᠢᠯᠠ᠂ ᠦᠬᠦᠭᠰᠡᠨ ᠪᠠᠢᠵᠠᠢ᠃
ᠲᠡᠳᠡ ᠴᠠᠰᠤᠩᠭᠤᠸᠠ ᠶ᠋ᠢ ᠡᠷᠭᠦᠵᠦ ᠰᠠᠨᠠᠭᠠᠰᠢᠷᠠᠨ ᠬᠠᠷᠠᠯᠠ᠂ ᠣᠳᠣᠢ ᠨᠠᠷ ᠴᠠᠰᠤᠩᠭᠤᠸᠠ ᠲᠠᠢ ᠶᠠᠷᠢᠵᠤ ᠰᠡᠭᠰᠦᠷᠴᠦ ᠳᠡᠭᠡᠷᠡ ᠡᠴᠡ ᠨᠢ ᠤᠬᠢᠯᠠᠵᠤ ᠦᠵᠡᠪᠡ᠂ ᠭᠡᠪᠡᠴᠦ ᠶᠠᠭᠠᠬᠢᠭᠠᠳ ᠴᠤ᠌ ᠲᠤᠰᠠ ᠪᠣᠯᠤᠭᠰᠠᠨ ᠦᠭᠡᠢ᠂ ᠬᠥᠭᠡᠷᠦᠬᠦᠢ ᠥᠬᠢᠨ ᠦᠬᠦᠵᠡᠢ᠂ ᠲᠡᠷᠡ ᠦᠬᠦᠭᠰᠡᠨ ᠬᠡᠪ ᠢ᠋ᠶ᠋ᠡᠷ ᠦᠯᠡᠲᠡᠯᠡ᠃
ᠲᠡᠳᠡ ᠴᠠᠰᠤᠩᠭᠤᠸᠠ ᠶ᠋ᠢ ᠰᠦᠷᠡᠯ ᠦ᠋ᠨ ᠣᠷᠣᠨ ᠳᠡᠭᠡᠷᠡ ᠬᠡᠪᠲᠡᠭᠦᠯᠵᠦ ᠳᠣᠯᠣᠭᠤᠯᠠ ᠪᠠᠨ ᠳᠡᠷᠭᠡᠳᠡ ᠨᠢ ᠰᠠᠭᠤᠵᠤ ᠭᠠᠰᠢᠭᠤᠳᠠᠵᠤ ᠭᠤᠷᠪᠠᠨ ᠡᠳᠦᠷ ᠤᠬᠢᠯᠠᠵᠠᠢ᠃ ᠲᠡᠳᠡ ᠴᠠᠰᠤᠩᠭᠤᠸᠠ ᠶ᠋ᠢ ᠣᠷᠣᠰᠢᠭᠤᠯᠬᠤ ᠭᠡᠵᠦ ᠪᠠᠢᠪᠠ᠃ ᠭᠡᠪᠡᠴᠦ ᠲᠡᠷᠡ ᠠᠮᠢᠳᠤ ᠶ᠋ᠢᠨ ᠲᠤᠶᠠᠭᠠ ᠲᠠᠢ᠂ ᠪᠠᠰᠠ ᠤᠪ ᠤᠯᠠᠭᠠᠨ ᠬᠠᠴᠠᠷ ᠲᠠᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠠᠷᠠᠭᠳᠠᠵᠤ ᠪᠠᠢᠯᠠ᠃
— ᠴᠠᠰᠤᠩᠭᠤᠸᠠ ᠶ᠋ᠢ ᠬᠠᠷᠠ ᠰᠢᠷᠣᠢ ᠳ᠋ᠤ᠌ ᠣᠷᠣᠰᠢᠭᠤᠯᠵᠤ ᠪᠣᠯᠬᠤ ᠦᠭᠡᠢ᠂ ᠲᠡᠷᠡ ᠦ ᠦᠭᠡᠢ ᠴᠠᠭᠠᠨ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠡ ᠦᠯᠡᠳᠡᠬᠦ ᠶᠣᠰᠣᠲᠠᠢ᠃
—ᠲᠡᠳᠡ ᠴᠠᠰᠤᠩᠭᠤᠸᠠ ᠶ᠋ᠢ ᠪᠦᠬᠦ ᠲᠠᠯᠠ ᠠ᠋ᠴᠠ ᠪᠠᠨ ᠬᠠᠷᠠᠭᠳᠠᠵᠤ ᠪᠠᠢᠭ ᠭᠡᠰᠡᠨ ᠳ᠋ᠡᠭᠡᠨ ᠨᠡᠪᠲᠡ ᠬᠠᠷᠠᠭᠳᠠᠳᠠᠭ ᠰᠢᠯᠦᠨ ᠠᠪᠰᠠ ᠬᠢᠯᠡ᠂ ᠴᠠᠰᠤᠩᠭᠤᠸᠠ ᠶ᠋ᠢ ᠳᠣᠲᠣᠷᠠ ᠨᠢ ᠬᠡᠪᠲᠡᠭᠦᠯᠦᠭᠡᠳ ᠠᠪᠰᠠᠨ ᠳᠡᠭᠡᠷᠡ ᠠᠯᠲᠠᠨ ᠰᠢᠷᠠ ᠦᠰᠦᠭ ᠢ᠋ᠶ᠋ᠡᠷ ᠡᠨᠳᠡ ᠴᠠᠰᠤᠩᠭᠤᠸᠠ ᠭᠦᠩᠵᠦ ᠨᠣᠢᠷᠰᠤᠵᠤ ᠪᠠᠢᠨᠠ ᠭᠡᠵᠦ ᠪᠢᠴᠢᠵᠡᠢ᠃ ᠳᠠᠷᠠᠭᠠ ᠨᠢ ᠲᠡᠳᠡ ᠠᠪᠰᠠ ᠶ᠋ᠢ ᠭᠠᠳᠠᠭᠠ ᠠᠭᠤᠯᠠ ᠶ᠋ᠢᠨ ᠴᠠᠰᠤᠨ ᠳ᠋ᠤ᠌ ᠭᠠᠷᠭᠠᠯᠠ᠃ ᠠᠮᠢᠲᠠᠳ ᠰᠢᠪᠠᠭᠤᠳ ᠴᠤ᠌ ᠭᠡᠰᠡᠨ ᠢᠷᠡᠵᠦ ᠴᠠᠰᠤᠩᠭᠤᠸᠠ ᠶ᠋ᠢᠨ ᠠᠷᠤ ᠠ᠋ᠴᠠ ᠭᠠᠰᠢᠭᠤᠳᠠᠯᠠ᠃
ᠶᠠᠭ ᠡᠨᠡ ᠦᠶᠡ ᠳ᠋ᠦ᠍ ᠠᠭᠤᠯᠠ ᠶ᠋ᠢᠨ ᠡᠨᠡ ᠬᠡᠰᠡᠭ ᠲᠦ᠍ ᠨᠢᠭᠡᠨ ᠬᠠᠨ ᠬᠦᠦ ᠠᠩ ᠬᠢᠬᠦ ᠪᠡᠷ ᠣᠷᠣᠵᠤ ᠢᠷᠡᠪᠡ᠃ ᠲᠡᠷᠡ ᠰᠢᠯᠦᠨ ᠬᠣᠷᠭᠣ ᠲᠣᠭᠣᠷᠢᠭᠰᠠᠨ ᠣᠳᠣᠢ ᠨᠠᠷ ᠢ᠋᠂ ᠠᠮᠢᠲᠠᠳ ᠢ᠋ ᠣᠯᠵᠤ ᠬᠠᠷᠠᠯᠠ᠃ ᠰᠢᠯᠦᠨ ᠬᠣᠷᠭᠣᠨ ᠳ᠋ᠤ᠌ ᠶᠠᠭᠤ ᠪᠠᠢᠭᠠ ᠪᠣᠯᠤᠭᠠᠳ ᠡᠢᠮᠦ ᠣᠯᠠᠨ ᠠᠮᠢᠲᠠᠳ ᠢ᠋ ᠲᠠᠲᠠᠳᠠᠭ ᠪᠢᠯᠡ ᠭᠡᠵᠦ ᠬᠠᠨ ᠬᠦᠦ ᠪᠣᠳᠣᠵᠠᠢ᠃ ᠬᠠᠨ ᠬᠦᠦ ᠣᠢᠷᠠᠳᠴᠤ ᠢᠷᠡᠭᠡᠳ ᠠᠯᠲᠠᠨ ᠰᠢᠷᠠ ᠦᠰᠦᠭ ᠢ᠋ᠶ᠋ᠡᠷ ᠪᠢᠴᠢᠭᠰᠡᠨ ᠢ᠋ ᠤᠩᠰᠢᠯᠠ᠂ ᠲᠡᠷᠡ ᠦᠷᠭᠦᠯᠵᠢ ᠵᠡᠭᠦᠳᠦᠯᠡᠳᠡᠭ ᠪᠠᠢᠭᠰᠠᠨ ᠲᠡᠷᠡ ᠪᠦᠰᠡᠭᠦᠢ ᠨᠢ ᠮᠥᠨ ᠪᠠᠢᠨᠠ ᠭᠡᠵᠦ ᠪᠣᠳᠣᠯᠠ᠃ ᠳᠠᠷᠠᠭᠠ ᠨᠢ ᠣᠢᠷᠠᠬᠠᠨ ᠪᠠᠢᠭᠠ ᠣᠳᠣᠢ ᠨᠠᠷ ᠢ᠋ ᠬᠠᠷᠠᠪᠠ᠃
—ᠠᠪᠰᠠ ᠶ᠋ᠢ ᠨᠠᠳᠠᠳᠤ ᠥᠭᠴᠢᠬᠡ᠂ ᠪᠢ ᠡᠨᠡ ᠬᠥᠭᠡᠷᠦᠬᠦᠨ ᠥᠬᠢᠨ ᠢ᠋ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ ᠲᠠ ᠨᠠᠷ ᠲᠤ ᠬᠦᠰᠡᠭᠰᠡᠨ ᠢ᠋ ᠴᠢᠨᠢ ᠥᠭᠭᠦᠶᠡ᠃
—ᠡᠨᠡ ᠬᠣᠷᠸᠠ ᠶ᠋ᠢᠨ ᠪᠦᠬᠦ ᠠᠯᠲᠠ ᠪᠠᠢᠭᠰᠠᠨ ᠴᠤ᠌ ᠪᠢᠳᠡ ᠰᠣᠯᠢᠬᠤ ᠦᠭᠡᠢ᠃
—ᠨᠠᠳᠠ ᠳ᠋ᠤ᠌ ᠥᠭᠴᠢᠬᠡ ᠯᠡ ᠳᠡ᠂ ᠪᠢ ᠲᠡᠭᠦᠨ ᠢ᠋ ᠬᠠᠷᠠᠬᠤ ᠦᠭᠡᠢ ᠪᠡᠷ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠨᠠᠳᠠ ᠳ᠋ᠤ᠌ ᠥᠭᠬᠦ ᠶ᠋ᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠪᠣᠯ ᠪᠢ ᠦᠬᠦᠬᠦ ᠪᠣᠯᠤᠨᠠ᠃
— ᠴᠢ ᠴᠢᠨᠢ ᠭᠠᠯᠵᠠᠭᠤ ᠶᠤᠮ ᠤᠤ? ᠴᠢ ᠦᠬᠦᠭᠰᠡᠨ ᠬᠥᠮᠦᠨ ᠦ᠌ ᠴᠣᠭᠴᠠᠰ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠶᠤᠮ ᠪᠣᠢ?
—ᠪᠢ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠵᠦ ᠣᠷᠳᠣᠨ ᠤ᠋ ᠪᠠᠨ ᠣᠢᠷᠠᠯᠴᠠᠭᠠ ᠪᠤᠩᠬᠤᠨ ᠪᠠᠷᠢᠵᠤ ᠰᠦᠨᠡᠰᠦ ᠶ᠋ᠢ ᠨᠢ ᠠᠮᠤᠭᠤᠯᠠᠩ ᠨᠣᠢᠷᠰᠤᠭᠤᠯᠤᠨᠠ᠃
— ᠰᠠᠢᠬᠠᠨ ᠰᠡᠳᠬᠢᠯᠲᠦ ᠣᠳᠣᠢ ᠨᠠᠷ ᠬᠠᠨ ᠬᠦᠦ ᠶ᠋ᠢ ᠦᠷᠦ ᠡᠪᠡᠳᠴᠦ ᠬᠦᠰᠡᠯᠲᠡ ᠶ᠋ᠢ ᠨᠢ ᠵᠥᠪᠰᠢᠶᠡᠷᠡᠪᠡ᠃ ᠬᠠᠨ ᠬᠦᠦ ᠶ᠋ᠢᠨ ᠲᠤᠰᠢᠶᠠᠯ ᠢ᠋ᠶ᠋ᠠᠷ ᠵᠠᠷᠤᠴᠠ ᠨᠠᠷ ᠠᠪᠰᠠ ᠶ᠋ᠢ ᠮᠥᠷᠦᠨ ᠳᠡᠭᠡᠷᠡ ᠪᠡᠨ ᠡᠷᠭᠦᠵᠦ ᠶᠠᠪᠤᠪᠠ᠃ ᠭᠡᠪᠡᠴᠦ ᠳᠠᠷᠠᠭᠠ ᠨᠢ ᠠᠪᠰᠠ ᠡᠷᠭᠦᠵᠦ ᠶᠠᠪᠤᠭᠰᠠᠨ ᠨᠢᠭᠡ ᠵᠠᠷᠤᠴᠠ ᠴᠢᠯᠠᠭᠤᠨ ᠳ᠋ᠤ᠌ ᠪᠦᠳᠦᠷᠢᠵᠦ ᠴᠠᠰᠤᠩᠭᠤᠸᠠ ᠶ᠋ᠢᠨ ᠬᠠᠵᠠᠭᠰᠠᠨ ᠬᠣᠣᠷ ᠲᠠᠢ ᠠᠯᠢᠮᠠ ᠶ᠋ᠢ ᠠᠮᠠᠨ ᠠ᠋ᠴᠠ ᠨᠢ ᠭᠠᠷᠭᠠᠴᠢᠬᠠᠯᠠ᠂ ᠬᠠᠨ ᠬᠦᠦ ᠲᠡᠷᠡ ᠳᠠᠷᠤᠢ ᠭᠦᠶᠦᠵᠦ ᠣᠴᠢᠭᠠᠳ ᠠᠪᠰᠠᠨ ᠠ᠋ᠴᠠ ᠪᠠᠷᠢᠵᠤ ᠠᠪᠤᠪᠠ᠃ ᠴᠠᠰᠤᠩᠭᠤᠸᠠ ᠶ᠋ᠢ ᠮᠣᠳᠣᠨ ᠳᠣᠣᠷᠠ ᠲᠠᠯᠪᠢᠭᠠᠳ ᠬᠡᠰᠡᠭ ᠰᠢᠷᠳᠡᠯᠡ᠃ ᠥᠬᠢᠨ ᠬᠥᠭᠡᠷᠦᠬᠦᠨ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠯᠠ᠂ ᠶᠠᠭ ᠯᠠ ᠠᠮᠢᠳᠤ ᠶᠤᠮ ᠰᠢᠭ᠋᠂ ᠬᠠᠨ ᠬᠦᠦ ᠳᠤᠬᠤᠨ ᠳᠡᠭᠡᠷᠡ ᠨᠢ ᠦᠨᠦᠰᠦᠯᠡ᠂ ᠴᠠᠰᠤᠩᠭᠤᠸᠠ ᠶ᠋ᠢ ᠦᠨᠦᠰᠦᠭᠰᠡᠨ ᠳᠠᠷᠤᠢ ᠳ᠋ᠤ᠌ ᠲᠡᠷᠡ ᠨᠢᠳᠦ ᠪᠡᠨ ᠨᠡᠭᠡᠭᠡᠯᠡ᠂ ᠴᠠᠰᠤᠩᠭᠤᠸᠠ ᠠᠮᠢ ᠣᠷᠣᠵᠤ ᠥᠨᠳᠡᠢᠨ ᠰᠠᠭᠤᠯᠠ᠃
— ᠪᠤᠷᠬᠠᠨ ᠮᠢᠨᠢ᠂ ᠪᠢ ᠬᠠᠮᠢᠭᠠ ᠪᠠᠢᠨᠠ?
—ᠴᠢ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠨᠠ᠂ ᠪᠢ ᠪᠣᠯ ᠬᠠᠨ ᠬᠦᠦ
—ᠬᠠᠨ ᠬᠦᠦ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠶᠠᠷᠢᠵᠤ ᠥᠭᠭᠦᠯᠡ᠃
— ᠠᠢ᠂ ᠪᠤᠷᠬᠠᠨ ᠮᠢᠨᠢ᠂ ᠲᠠ ᠨᠠᠮᠠ ᠶ᠋ᠢ ᠦᠬᠦᠭᠰᠡᠨ ᠪᠠᠢᠭᠰᠠᠨ ᠴᠤ᠌ ᠠᠪᠴᠤ ᠶᠠᠪᠤᠬᠤ ᠶ᠋ᠢ ᠬᠦᠰᠡᠭᠰᠡᠨ ᠭᠡᠵᠢ ᠤᠤ? ᠭᠡᠬᠦ ᠳ᠋ᠡᠭᠡᠨ ᠶᠠᠭᠠᠬᠢᠭᠠᠳ?
— ᠴᠢ ᠪᠣᠯ ᠮᠢᠨᠦ ᠵᠡᠭᠦᠳᠦᠨ ᠳ᠋ᠦ᠍ ᠣᠷᠣᠳᠠᠭ ᠭᠠᠭᠴᠠ ᠪᠦᠰᠡᠭᠦᠢ᠂ ᠪᠢ ᠴᠢᠮᠠ ᠳ᠋ᠤ᠌ ᠡᠨᠡ ᠬᠣᠷᠸᠠ ᠶ᠋ᠢᠨ ᠶᠠᠭᠤ ᠶᠠᠭᠤᠨ ᠠ᠋ᠴᠠ ᠴᠤ᠌ ᠢᠯᠡᠭᠦᠦ ᠬᠠᠢᠷᠠᠲᠠᠢ᠂ ᠨᠠᠳᠠ ᠲᠠᠢ ᠬᠠᠮᠲᠤ ᠰᠢᠯᠲᠦᠭᠡᠨ ᠤᠷᠤᠭᠤ ᠶᠠᠪᠤᠭᠠᠴᠢ ᠳᠠ᠂ ᠨᠠᠳᠠ ᠲᠠᠢ ᠭᠡᠷᠯᠡᠵᠦ ᠬᠠᠲᠤᠨ ᠮᠢᠨᠢ ᠪᠣᠯᠤᠭᠠᠴᠢ!
—ᠲᠡᠭᠡᠶᠡ᠂ ᠰᠠᠢᠬᠠᠨ ᠬᠠᠨ ᠬᠦᠦ ᠮᠢᠨᠢ᠂ ᠭᠡᠪᠡᠴᠦ ᠪᠢ ᠡᠬᠢᠯᠡᠭᠡᠳ ᠠᠪᠤ ᠲᠠᠢ ᠪᠠᠨ ᠠᠭᠤᠯᠵᠠᠮᠠᠷ ᠪᠠᠢᠨᠠ᠂ ᠠᠪᠤ ᠪᠠᠷ ᠢ᠋ᠶ᠋ᠠᠨ ᠭᠡᠷᠯᠡᠯᠲᠡ ᠪᠡᠨ ᠵᠥᠪᠰᠢᠶᠡᠷᠡᠭᠦᠯᠦᠮᠡᠷ ᠪᠠᠢᠨᠠ᠃
—ᠭᠡᠬᠦ ᠳ᠋ᠡᠭᠡᠨ ᠪᠢ ᠠᠪᠤ ᠶ᠋ᠢ ᠴᠢᠨᠢ ᠬᠠᠮᠢᠭᠠ ᠨᠢᠭᠡᠲᠡᠢ ᠲᠥᠭᠡᠷᠢᠭᠡᠳ ᠡᠵᠡᠨᠲᠦ ᠭᠦᠷᠦᠨ ᠳ᠋ᠡᠭᠡᠨ ᠢᠷᠡᠭᠡ ᠦᠭᠡᠢ ᠤᠳᠠᠵᠤ ᠪᠠᠢᠭᠠ ᠭᠡᠵᠦ ᠲᠤᠭᠤᠯᠤᠭᠰᠠᠨ ᠶᠤᠮ ᠠ᠋᠃
—ᠬᠣᠷᠣᠨ ᠰᠠᠨᠠᠭᠠᠲᠤ ᠬᠣᠢᠲᠤ ᠡᠬᠡ ᠶ᠋ᠢᠨ ᠮᠢᠨᠢ ᠬᠢᠵᠦ ᠪᠠᠢᠭᠠ ᠬᠡᠷᠡᠭ᠂ ᠠᠪᠤ ᠶ᠋ᠢ ᠮᠢᠨᠢ ᠣᠯᠬᠤ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠬᠢᠭᠡᠴᠢ ᠳᠡ᠃
— ᠲᠡᠭᠡᠶᠡ᠂ ᠣᠷᠳᠣᠨ ᠤᠷᠤᠭᠤ ᠣᠴᠢᠵᠤ ᠠᠪᠤ ᠶ᠋ᠢ ᠴᠢᠨᠢ ᠬᠠᠢᠵᠠᠭᠠᠶᠠ᠃
—ᠢᠩᠭᠢᠭᠡᠳ ᠬᠠᠨ ᠬᠦᠦ ᠠᠯᠠᠭᠠ ᠪᠣᠯᠤᠭᠰᠠᠨ ᠠᠪᠤ ᠶ᠋ᠢ ᠨᠢ ᠬᠠᠢᠬᠤ ᠪᠠᠷ ᠰᠢᠢᠳᠦᠯᠡ᠂ ᠬᠠᠨ ᠬᠦᠦ ᠬᠣᠷᠣᠨ ᠬᠠᠲᠤᠨ ᠠ᠋ᠴᠠ ᠴᠠᠰᠤᠩᠭᠤᠸᠠ ᠶ᠋ᠢᠨ ᠡᠵᠡᠨᠲᠦ ᠤᠯᠤᠰ ᠢ᠋ ᠪᠤᠯᠢᠶᠠᠵᠤ ᠠᠪᠤᠪᠠ᠃ ᠲᠡᠳᠡ ᠣᠷᠳᠣᠨ ᠠ᠋ᠴᠠ ᠬᠠᠲᠤᠨ ᠤ᠋ ᠨᠢᠭᠤᠴᠠ ᠥᠷᠥᠭᠡ ᠶ᠋ᠢ ᠣᠯᠤᠯᠠ᠃ ᠲᠡᠨᠳᠡ ᠨᠢᠭᠤᠴᠠ ᠱᠣᠷᠣᠩ ᠳ᠋ᠤ᠌ ᠴᠠᠰᠤᠩᠭᠤᠸᠠ ᠶ᠋ᠢᠨ ᠠᠪᠤ ᠶ᠋ᠢ ᠬᠣᠷᠢᠭᠰᠠᠨ ᠪᠠᠢᠬᠤ ᠶ᠋ᠢ ᠣᠯᠵᠤ ᠰᠤᠯᠠᠯᠠᠪᠠ᠃ ᠭᠡᠲᠡᠯᠡ ᠬᠠᠭᠠᠨ ᠤ᠋ ᠰᠤᠯᠠᠯᠠᠭᠳᠠᠬᠤ ᠶ᠋ᠢ ᠬᠠᠷᠠᠭᠰᠠᠨ ᠬᠠᠲᠤᠨ᠂ ᠬᠠᠭᠠᠨ ᠪᠣᠯᠤᠨ ᠪᠤᠰᠤᠳ ᠬᠥᠮᠦᠰ ᠡᠴᠡ ᠠᠶᠤᠵᠤ ᠳᠠᠬᠢᠨ ᠬᠡᠵᠢᠶᠡ ᠴᠤ᠌ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠡᠷ ᠡᠵᠡᠨᠲᠦ ᠤᠯᠤᠰ ᠠ᠋ᠴᠠ ᠵᠢᠭᠤᠲᠠᠯᠠ᠃
ᠣᠷᠳᠣᠨ ᠤ᠋ ᠲᠠᠩᠬᠢᠮ ᠳ᠋ᠤ᠌ ᠬᠠᠭᠠᠨ ᠥᠬᠢᠨ ᠦ᠌ ᠪᠡᠨ ᠬᠤᠷᠢᠮ ᠤ᠋ᠨ ᠲᠣᠪ ᠢ᠋ ᠵᠠᠷᠯᠠᠯᠠ᠃ ᠴᠠᠰᠤᠩᠭᠤᠸᠠ ᠨᠢᠵᠢᠭᠡᠷ ᠬᠤᠷᠢᠮ ᠨᠠᠢᠷ ᠬᠢᠭᠰᠡᠨ ᠶᠦᠮ᠃ ᠢᠩᠭᠢᠭᠡᠳ ᠪᠦᠭᠦᠳᠡ ᠠᠮᠤᠷ ᠰᠠᠢᠬᠠᠨ ᠳ᠋ᠠᠭᠠᠨ ᠵᠢᠷᠭᠠᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲ· ᠲᠥᠮᠡᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠲᠣᠳᠣᠭᠡᠷᠡᠯ
ᠬᠢᠨᠠᠭᠴᠢ᠄ ᠤᠶᠠᠳᠠᠨᠠ᠂ ᠢᠷᠡᠭᠡᠳᠦᠢ