ᠮᠢᠨᠦ ᠬᠥᠭᠡᠷᠦᠬᠦᠨ ᠰᠢᠳᠦᠨ ᠦ ᠠᠶᠠᠯᠠᠯМиний Хөөрхөн Шүдний Аялал
487ᠮᠢᠨᠦ ᠬᠥᠭᠡᠷᠦᠬᠦᠨ ᠰᠢᠳᠦᠨ ᠦ ᠠᠶᠠᠯᠠᠯ
ᠦᠯᠢᠭᠡᠷ ᠳᠣᠮᠣᠭ
ᠮᠢᠨᠦ ᠬᠥᠭᠡᠷᠦᠬᠦᠨ ᠰᠢᠲᠦᠨ ᠦ᠌ ᠠᠶᠠᠯᠠᠯ
ᠰᠢᠳᠦᠨ ᠦ᠌ ᠡᠪᠡᠳᠴᠢᠨ ᠡᠴᠡ ᠰᠡᠷᠭᠡᠢᠯᠡᠵᠡᠭᠡᠶᠡ
ᠡᠨᠳᠡ ᠪᠢ ᠲᠠ ᠨᠠᠷ ᠲᠤ᠌ ᠪᠠᠨ
ᠡᠩ ᠦ᠋ᠨ ᠪᠢᠰᠢ ᠨᠢᠭᠡᠨ ᠲᠡᠦᠬᠡ ᠶ᠋ᠢ ᠥᠭᠦᠯᠡᠶᠡ
ᠡᠷᠬᠡ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠮᠤᠨᠤᠨ ᠬᠦᠦ ᠳ᠋ᠦ᠍
ᠡᠢᠮᠦ ᠨᠢᠭᠡᠨ ᠶᠠᠪᠤᠳᠠᠯ ᠲᠣᠬᠢᠶᠠᠯᠳᠤᠵᠠᠢ ᠭᠡᠨᠡ
ᠵᠡᠭᠦᠳᠦ ᠨᠣᠢᠷ ᠤ᠋ᠨ ᠶᠢᠷᠲᠢᠨᠴᠦ ᠳ᠋ᠤ᠌ ᠭᠡᠨᠡ
ᠵᠠᠬᠠ ᠬᠢᠵᠠᠭᠠᠷ ᠦᠭᠡᠢ ᠭᠠᠵᠠᠷ ᠲᠤ᠌ ᠭᠡᠨᠡ
ᠠᠯᠤᠰ ᠬᠣᠯᠠ ᠶ᠋ᠢᠨ ᠴᠠᠬᠢᠭᠤᠷ ᠴᠠᠭᠠᠨ ᠭᠠᠷᠠᠭ ᠲᠤ᠌
ᠠᠴᠢᠯᠠᠯ ᠢᠲᠡᠭᠡᠯᠲᠦ 》 ᠥᠨᠢᠷ ᠥᠳᠬᠡᠨ ᠠᠢᠯ
ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠭᠡᠨᠡ
ᠲᠡᠳᠡᠨ ᠦ᠌ ᠲᠡᠭᠷᠢ ᠶ᠋ᠢᠨ ᠣᠳᠣ ᠰᠢᠭ᠋
ᠲᠣᠭᠠᠯᠠᠵᠤ ᠪᠠᠷᠠᠮᠠ ᠦᠭᠡᠢ
ᠰᠢᠳᠦᠨ ᠦ᠌ ᠣᠯᠠᠨ ᠬᠡᠦᠬᠡᠳ ᠦ᠋ᠳ ᠲᠡᠢ ᠪᠥᠭᠡᠳ
ᠥᠰᠴᠦ ᠥᠨᠳᠡᠢᠮᠡᠭᠴᠡ ᠲᠡᠳᠡ ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠶ᠋ᠢᠨ
ᠠᠮᠠᠨ ᠤ᠋ ᠬᠥᠨᠳᠡᠢ ᠳ᠋ᠦ᠍ ᠣᠴᠢᠵᠤ
ᠠᠵᠢᠯ ᠬᠢᠬᠦ ᠪᠡᠷ ᠶᠠᠪᠤᠳᠠᠭ ᠶᠤᠮ ᠰᠠᠨᠵᠠᠢ᠃
ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠤᠷᠤᠭᠤ ᠲᠡᠳᠡᠨ ᠢ᠋
ᠮᠥᠩᠭᠥᠨ ᠳᠠᠭᠢᠨᠢ ᠬᠥᠯᠭᠡ ᠣᠩᠭᠣᠴᠠ ᠪᠠᠷ ᠢ᠋ᠶ᠋ᠠᠨ
ᠬᠦᠷᠭᠡᠵᠦ ᠥᠭᠭᠦᠭᠡᠳ ᠪᠤᠴᠠᠳᠠᠭ ᠭᠡᠨᠡ᠃
ᠡᠨᠡ ᠤᠳᠠᠭᠠ ᠮᠥᠩᠭᠥᠨ ᠳᠠᠭᠢᠨᠢ
ᠡᠭᠦᠳᠡᠨᠡ᠂ ᠰᠣᠶᠣᠭᠠᠨᠠ᠂ ᠠᠷᠠᠭᠠᠬᠠᠢ ᠭᠡᠬᠦ
ᠰᠢᠲᠦᠨ ᠬᠡᠦᠬᠡᠳ ᠢ᠋ ᠮᠤᠨᠤᠨ ᠬᠦᠦ ᠶ᠋ᠢᠨ
ᠠᠮᠠᠨ ᠬᠥᠨᠳᠡᠢ ᠳ᠋ᠦ᠍ ᠬᠦᠷᠭᠡᠵᠦ ᠥᠭᠭᠦᠭᠡᠳ
《ᠡᠷᠡᠭᠦᠯ ᠡᠩᠬᠡ ᠪᠠᠢᠭᠠᠷᠠᠢ 》 ᠭᠡᠵᠦ ᠢᠷᠥᠭᠡᠨ
ᠡᠷᠭᠢᠭᠡᠳ ᠴᠠᠬᠢᠭᠤᠷ ᠴᠠᠭᠠᠨ ᠭᠠᠷᠠᠭ ᠤᠷᠤᠭᠤ ᠪᠠᠨ ᠪᠤᠴᠠᠯᠠ᠃
ᠠᠮᠠᠨ ᠬᠥᠨᠳᠡᠢ ᠶ᠋ᠢ ᠡᠵᠡᠩᠨᠡᠭᠰᠡᠨ
ᠤᠮᠳᠠᠭᠠᠬᠠ ᠰᠢᠬᠢᠷᠭᠡᠨ ᠬᠣᠶᠠᠷ ᠲᠡᠳᠡᠨ ᠢ᠋ ᠤᠭᠲᠤᠨ ᠮᠡᠳᠦᠴᠢᠯᠡᠯᠡ᠃
《ᠰᠠᠢᠨ ᠤᠤ ᠰᠢᠲᠦᠨ ᠬᠡᠦᠬᠡᠳ ᠦ᠋ᠳ ᠠ᠋!
ᠰᠠᠢᠨ ᠶᠠᠪᠤᠭᠠᠳ ᠢᠷᠡᠪᠡᠦ⁈
ᠠᠮᠠᠨ ᠬᠥᠨᠳᠡᠢ ᠳ᠋ᠦ᠍ ᠪᠡᠨ ᠲᠠᠪᠠᠲᠠᠢ ᠮᠣᠷᠢᠯᠠᠵᠤ
ᠠᠮᠲᠠᠲᠤ ᠪᠢᠳᠡᠨ ᠲᠡᠢ ᠨᠠᠢᠵᠠᠯᠠᠭᠠᠷᠠᠢ
ᠮᠤᠨᠤᠨ ᠡᠵᠡᠨ ᠦ᠌ ᠳᠤᠷᠠ ᠲᠠᠢ
ᠮᠠᠭᠠᠳ ᠪᠦᠬᠦ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠳᠤᠷᠠ ᠲᠠᠢ
ᠤᠮᠳᠠᠭᠠᠬᠠᠨ ᠰᠢᠬᠢᠷᠭᠡᠨ ᠭᠡᠵᠦ ᠪᠢᠳᠡ ᠪᠠᠢᠨᠠ 》
ᠠ᠋ ᠬᠡ᠂ ᠨᠠᠢᠵᠠ ᠨᠤᠭᠤᠳ ᠠ᠋
ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠠᠮᠲᠤ ᠳ᠋ᠠᠭᠠᠨ ᠨᠠᠭᠠᠳᠤᠨ ᠴᠡᠩᠭᠡᠯᠳᠦᠵᠡᠭᠡᠶᠡ
ᠲᠡᠢᠮᠦ ᠠ᠋᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠲᠣᠭᠯᠠᠵᠠᠭᠠᠶᠠ
ᠠᠷᠠᠭᠠᠬᠠᠢ ᠨᠠᠢᠵᠠ ᠮᠢᠨᠢ ᠪᠣᠯᠭᠣᠮᠵᠢᠲᠠᠢ
《ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠮᠠᠭᠤ ᠰᠢᠦ 》 ᠭᠡᠵᠦ
ᠤᠬᠠᠭᠠᠨᠲᠤ ᠪᠤᠭᠤᠷᠤᠯ ᠮᠥᠩᠭᠥᠨ ᠴᠠᠭᠠᠨ ᠡᠪᠦᠭᠡ ᠬᠡᠯᠡᠭᠰᠡᠨ
《ᠴᠠᠰᠤᠨ ᠴᠠᠭᠠᠨ ᠰᠢᠳᠦᠨ ᠬᠡᠦᠬᠡᠳ ᠨᠦ᠍ᠭᠦᠳ ᠢ᠋ ᠴᠤᠭᠤᠯᠠᠵᠤ
ᠡᠪᠡᠳᠬᠡᠳᠡᠭ ᠠᠢᠬᠤᠪᠲᠤᠷ ᠮᠠᠭᠤᠬᠠᠢ ᠶ᠋ᠢ ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠠᠪᠴᠢᠷᠠᠳᠠᠭ 》 ᠭᠡᠵᠦ ᠤᠷᠢᠳᠤ ᠡᠮᠦᠨᠡ ᠮᠥᠩᠭᠥᠨ ᠳᠠᠭᠢᠨᠢ ᠴᠤ᠌ ᠪᠠᠰᠠ ᠰᠠᠨᠠᠭᠤᠯᠤᠭᠰᠠᠨ᠃
ᠴᠠᠬᠢᠭᠤᠷ ᠴᠠᠭᠠᠨ ᠭᠠᠷᠠᠭ ᠤ᠋ᠨ ᠢ᠋ᠶ᠋ᠠᠨ ᠦᠨᠡᠨᠴᠢ ᠰᠠᠢᠨ ᠨᠠᠢᠵᠠ ᠨᠤᠭᠤᠳ ᠤ᠋ᠨ ᠦᠭᠡ ᠶ᠋ᠢ ᠠᠷᠠᠭᠠᠬᠠᠢ ᠰᠣᠨᠣᠰᠤᠭᠰᠠᠨ ᠦᠭᠡᠢ᠂ ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠦ᠌ ᠠᠮᠲᠠ ᠦᠨᠦᠷ ᠲᠦ᠍ ᠠᠪᠲᠠᠨ᠂ ᠨᠠᠢᠵᠢᠯᠠᠬᠤ ᠪᠣᠯᠵᠤ ᠦᠷᠭᠦᠯᠵᠢ ᠴᠣᠭ ᠪᠠᠢᠬᠤ ᠪᠣᠯᠵᠠᠢ᠃
ᠡᠷᠡᠭᠦᠯ ᠪᠠᠢᠬᠤ ᠳ᠋ᠤ᠌ ᠴᠢᠨᠢ ᠪᠢᠳᠡ ᠲᠤᠰᠠᠯᠠᠶᠠ
ᠦᠵᠦᠮ ᠦ᠋ᠨ ᠰᠢᠬᠢᠷ ᠡᠰᠢᠲᠡᠢ ᠰᠢᠬᠢᠷ
ᠦᠨᠡᠬᠡᠷ ᠭᠣᠶᠣᠬᠠᠨ ᠠᠮᠲᠠᠲᠠᠢ ᠳᠠ
ᠠᠯᠢᠮᠠ ᠰᠢᠬᠢᠷ ᠠᠶᠠᠯᠠᠬᠤ ᠳᠤᠮᠳᠠ ᠪᠠᠨ
ᠠᠯᠵᠢᠶᠠᠯ ᠦᠭᠡᠢ ᠱᠤᠭᠤᠭᠠᠳ
ᠠᠯᠠᠭ ᠴᠣᠬᠣᠷ ᠪᠣᠯᠭᠠᠨᠠ ᠳᠠ
ᠠᠩᠬᠢᠯᠤᠮᠠ ᠰᠠᠢᠬᠠᠨ ᠦᠨᠦᠷ ᠢ᠋ᠶ᠋ᠡᠷ ᠨᠢ
ᠠᠷᠵᠠᠭᠠᠬᠠᠢ ᠨᠠᠢᠵᠠ ᠮᠢᠨᠢ ᠢᠷᠡᠨᠡ ᠳᠠ
ᠠᠷᠠᠭᠠ ᠰᠠᠢᠬᠠᠨ ᠰᠢᠲᠦ ᠶ᠋ᠢ ᠴᠢᠨᠢ
ᠠᠯᠠᠭ ᠴᠣᠬᠣᠷ ᠪᠣᠯᠭᠠᠨᠠ ᠳᠠ
ᠠᠮᠲᠠᠲᠤ ᠰᠢᠬᠢᠷ ᠳᠡ ᠠᠢ ᠳᠠ ᠰᠠᠢᠬᠠᠨ ᠳᠠ
ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠦ᠌ ᠠᠮᠲᠠᠨ ᠳ᠋ᠤ᠌ ᠬᠠᠭᠤᠷᠲᠠᠭᠰᠠᠭᠠᠷ
ᠬᠠᠷᠠ ᠴᠣᠬᠣᠷ ᠪᠣᠯᠴᠢᠬᠠᠵᠠᠢ ᠠᠷᠠᠭᠠᠬᠠᠨ ᠮᠠᠨᠢ
ᠤᠳᠠᠬᠤ ᠦᠭᠡᠢ ᠡᠭᠦᠳᠡᠨᠡ ᠰᠣᠶᠣᠭᠠᠨᠠ ᠨᠤᠭᠤᠳ ᠴᠤ᠌
ᠪᠠᠰᠠ ᠬᠠᠷᠠ ᠴᠣᠬᠣᠷ ᠲᠣᠯᠪᠣ ᠨᠠᠭᠠᠯᠳᠤᠴᠢᠬᠠᠪᠠ
ᠤᠳᠠᠬᠤ ᠦᠭᠡᠢ ᠮᠤᠨᠤᠨ ᠬᠦᠦ ᠲᠡᠳᠡᠨ ᠢ᠋
ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠶ᠋ᠢ ᠵᠠᠯᠬᠠᠭᠤᠷᠠᠭᠰᠠᠨ ᠡᠴᠡ
ᠬᠣᠣᠷᠤᠨ ᠰᠠᠨᠠᠭᠠ ᠲᠠᠢ ᠠᠷᠵᠠᠭᠠᠬᠠᠢ
ᠠᠮᠠᠨ ᠬᠥᠨᠳᠡᠢ ᠶ᠋ᠢ ᠳᠦᠭᠦᠷᠭᠡᠵᠦ
ᠡᠷᠡᠭᠦᠯ ᠴᠠᠭᠠᠨ ᠰᠢᠲᠦᠨ ᠳᠡᠭᠡᠷᠡ
ᠬᠥᠨᠳᠡᠢᠯᠡᠵᠦ ᠴᠤᠭᠤᠯᠤᠭᠠᠳ ᠡᠪᠡᠳᠬᠡᠵᠡᠢ
ᠶᠣᠣ ᠶᠣᠣ᠂᠂᠂᠂ ᠰᠥᠨᠢ ᠳᠤᠮᠳᠠ ᠶ᠋ᠢᠨ ᠨᠣᠢᠷ ᠦᠷᠭᠦᠭᠡᠨᠡ
ᠮᠤᠨᠤᠨ ᠬᠦᠦ ᠶᠣᠣᠯᠠᠨ ᠰᠡᠷᠡᠯᠡ
ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠠᠵᠢᠯᠠ᠃
ᠮᠡᠳᠡᠬᠦ ᠦᠭᠡᠢ ᠭᠠᠵᠠᠷ ᠢᠷᠡᠭᠰᠡᠨ ᠪᠠᠢᠯᠠ
ᠠ᠋᠂ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠰᠢᠲᠦᠨ ᠬᠡᠦᠬᠡᠳ ᠦ᠋ᠳ ᠲᠡᠢ
ᠶᠠᠮᠠᠷ ᠭᠠᠵᠠᠷ ᠢᠷᠡᠴᠢᠬᠡᠪᠡ? ᠡᠨᠡ ᠴᠢᠨᠢ ᠣᠳᠣ
ᠡᠷᠬᠡ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠵᠠᠩ ᠲᠠᠢ
ᠡᠵᠢ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡᠨ ᠳ᠋ᠦ᠍ ᠣᠷᠣᠳᠠᠭ ᠦᠭᠡᠢ
ᠠᠮᠲᠠᠲᠠᠨ ᠢᠳᠡᠬᠦ ᠳᠤᠷᠠᠲᠠᠢ ᠴᠤ᠌
ᠠᠮᠠ ᠪᠠᠨ ᠤᠬᠢᠶᠠᠬᠤ ᠳᠤᠷᠠ ᠦᠭᠡᠢ
ᠮᠤᠨᠤᠨ ᠭᠡᠳᠡᠭ ᠬᠦᠦ ᠶ᠋ᠢᠨ
ᠵᠡᠭᠦᠳᠦ ᠨᠣᠢᠷ ᠤ᠋ᠨ ᠶᠢᠷᠲᠢᠨᠴᠦ ᠳ᠋ᠡᠬᠢ
ᠠᠮᠠᠨ ᠬᠥᠨᠳᠡᠢ ᠡᠨᠡ ᠪᠠᠢᠨᠠ
ᠠ! ᠮᠤᠨᠤᠨ ᠬᠦᠦ ᠭᠡᠳᠡᠭ ᠴᠢᠨᠢ ᠪᠢ ᠪᠠᠢᠨᠠ᠂
ᠶᠠᠭᠠᠬᠢᠭᠠᠳ ᠲᠠ ᠨᠠᠷ
ᠬᠠᠷᠠ ᠴᠣᠬᠣᠷ ᠪᠣᠯᠴᠢᠬᠠᠭᠰᠠᠨ ᠶᠤᠮ?
ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠬᠣᠶᠠᠷ ᠠᠷᠠᠭᠠᠬᠠᠢ ᠶ᠋ᠢ
ᠬᠠᠭᠤᠷᠴᠤ ᠠᠮᠲᠠᠲᠠᠨ ᠦᠭᠭᠦᠭᠰᠡᠭᠡᠷ ᠪᠠᠢᠭᠠᠳ
ᠬᠠᠷᠠ ᠴᠣᠬᠣᠷ ᠪᠣᠯᠴᠢᠬᠠᠭᠰᠠᠨ
ᠮᠤᠨᠤᠨ ᠴᠢ ᠴᠦ᠍ ᠪᠠᠰᠠ ᠰᠢᠲᠦ ᠪᠡᠨ ᠤᠬᠢᠶᠠᠬᠤ ᠦᠭᠡᠢ
ᠵᠠᠯᠬᠠᠭᠤᠷᠠᠭᠰᠠᠭᠠᠷ ᠪᠠᠢᠭᠠᠳ
ᠠᠷᠠᠭᠠᠬᠠᠢ ᠪᠠᠨ ᠬᠠᠷᠠ ᠴᠣᠬᠣᠷ ᠪᠣᠯᠭᠠᠭᠠᠳ
ᠡᠪᠡᠳᠴᠢᠯᠡᠭᠦᠯᠴᠢᠬᠡᠯᠡ
ᠪᠢᠳᠡ ᠴᠦ᠍ ᠪᠠᠰᠠ ᠬᠠᠷᠠ ᠴᠣᠬᠣᠷ ᠪᠣᠯᠴᠢᠬᠠᠭᠰᠠᠨ
ᠣᠷᠣᠢ ᠤᠨᠲᠠᠬᠤ ᠳ᠋ᠤ᠌ ᠪᠠᠨ ᠴᠤ᠌
ᠤᠬᠢᠶᠠᠳᠠᠭ ᠦᠭᠡᠢ ᠪᠣᠯᠬᠣᠷ ᠴᠢᠨᠢ
ᠣᠯᠢᠭ ᠦᠭᠡᠢ ᠮᠠᠭᠤᠬᠠᠢ ᠠᠷᠵᠠᠭᠠᠬᠠᠢ
ᠣᠩᠭᠢᠷᠠᠵᠤ ᠢᠷᠡᠭᠡᠳ ᠴᠤᠭᠤᠯᠠᠵᠤ ᠡᠪᠡᠳᠬᠡᠭᠰᠡᠨ᠃
ᠠᠮᠠᠨ ᠬᠥᠨᠳᠡᠢ ᠠᠴᠢᠲᠤ ᠴᠠᠭᠠᠨ ᠰᠢᠳᠦ ᠪᠡᠨ
ᠠᠷᠠᠴᠢᠯᠠᠵᠤ ᠴᠡᠪᠡᠷᠯᠡᠭᠡ ᠦᠭᠡᠢ ᠨᠢ
ᠮᠢᠨᠦ ᠪᠤᠷᠤᠭᠤ ᠶᠤᠮ ᠪᠠᠢᠨᠠ
ᠣᠳᠣ ᠬᠠᠷᠢᠨ ᠪᠢ ᠶᠠᠭᠠᠬᠢᠬᠤ ᠪᠣᠢ
ᠶᠠᠭᠠᠬᠢᠪᠠᠯ ᠪᠤᠴᠠᠭᠠᠳ ᠴᠠᠭᠠᠨ ᠪᠣᠯᠬᠤ ᠪᠣᠢ︖
ᠵᠡᠭᠦᠳᠦᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠦ᠍ ᠵᠥᠪᠬᠡᠨ
ᠮᠥᠩᠭᠥᠨ ᠳᠠᠭᠢᠨᠢ ᠯᠠ ᠲᠤᠰᠠᠯᠠᠵᠤ ᠴᠢᠳᠠᠨᠠ
ᠬᠠᠮᠲᠤ ᠳ᠋ᠠᠭᠠᠨ ᠲᠡᠭᠦᠨ ᠢ᠋ ᠳᠠᠭᠤᠳᠠᠶᠠ
ᠬᠠᠮᠤᠭ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠰᠬᠢᠷᠤᠭᠠᠷᠠᠢ
ᠮᠥᠩᠭᠥᠨ ᠳᠠᠭᠢᠨᠢ ᠠ᠋᠂ ᠮᠥᠩᠭᠥᠨ ᠳᠠᠭᠢᠨᠢ ᠠ᠋
ᠬᠥᠭᠡᠷᠦᠬᠦᠢ ᠰᠢᠲᠦᠨ ᠬᠡᠦᠬᠡᠳ ᠦ᠋ᠳ ᠮᠢᠨᠢ
ᠬᠠᠷᠠᠯᠠᠵᠤ ᠴᠣᠭᠣᠷᠠᠭᠠᠳ ᠡᠪᠡᠳᠴᠢᠯᠡᠵᠡᠢ᠃
ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠲᠡᠢ ᠨᠠᠢᠵᠠᠯᠠᠭᠰᠠᠨ ᠪᠣᠯᠬᠣᠷ
ᠤᠷᠰᠢᠭᠲᠤ ᠠᠷᠵᠠᠭᠠᠬᠠᠢ ᠢᠷᠡᠭᠰᠡᠨ ᠪᠣᠯᠤᠯᠲᠠᠢ
ᠮᠤᠨᠤᠨ ᠬᠦᠦ ᠮᠢᠨᠢ ᠴᠢ
ᠤᠭᠤᠯᠠᠢ᠂ ᠰᠤᠢᠵᠢᠮᠠ᠂ ᠰᠡᠯᠡᠮᠡ᠂ ᠤᠯᠤᠰᠤᠩᠬᠠᠨ ᠳᠥᠷᠪᠡ ᠶ᠋ᠢ
ᠮᠠᠰᠢ ᠬᠤᠷᠳᠤᠨ ᠣᠯᠤᠭᠠᠳ ᠢᠷᠡ
ᠣᠯᠳᠠᠪᠠᠯ ᠪᠠᠰᠠ ᠠᠮᠠ ᠵᠠᠢᠯᠤᠭᠴᠢ ᠶ᠋ᠢ ᠠᠪᠴᠢᠷᠠᠭᠠᠷᠠᠢ
ᠵᠠ᠂ ᠲᠡᠭᠡᠶᠡ
ᠪᠤᠢᠯᠠ ᠰᠢᠳᠦ ᠶ᠋ᠢ ᠰᠠᠢᠨ ᠱᠦᠭᠦᠷᠳᠡᠵᠦ
ᠪᠦᠭᠦᠳᠡ ᠶ᠋ᠢ ᠭᠢᠯᠠᠯᠵᠠᠲᠠᠯᠠ ᠴᠡᠪᠡᠷᠯᠡᠳᠡᠭ
ᠰᠤᠢᠵᠢᠮᠠ ᠪᠢ ᠢᠷᠡᠯᠡ
ᠠᠮᠠᠨ ᠬᠥᠨᠳᠡᠢ ᠶ᠋ᠢᠨ ᠡᠪ ᠦᠭᠡᠢ ᠦᠨᠦᠷ ᠢ᠋ ᠠᠷᠢᠯᠭᠠᠳᠠᠭ
ᠠᠷᠵᠠᠭᠠᠬᠠᠢ ᠨᠤᠭᠤᠳ ᠢ᠋ ᠬᠥᠭᠡᠭᠡᠨ ᠤᠰᠠᠳᠬᠠᠬᠤ ᠴᠢᠳᠠᠪᠤᠷᠢ ᠲᠠᠢ
ᠤᠭᠤᠯᠠᠢ ᠪᠢ ᠢᠷᠡᠯᠡ
ᠰᠢᠳᠦ ᠨᠤᠭᠦᠳ ᠦ᠋ᠨ ᠵᠠᠪᠰᠠᠷ ᠢ᠋ ᠴᠡᠪᠡᠷᠯᠡᠳᠡᠭ
ᠰᠢᠯᠢᠮᠡᠯ ᠤᠲᠠᠰᠤ ᠪᠠᠷ ᠬᠢᠭᠳᠡᠭᠰᠡᠨ ᠤᠯᠤᠰᠤᠩᠬᠠᠨ ᠪᠢ ᠢᠷᠡᠯᠡ
ᠬᠡᠯᠡᠨ ᠳ᠋ᠦ᠍ ᠲᠣᠭᠲᠠᠭᠰᠠᠨ ᠥᠩᠭᠥᠷ ᠢ᠋
ᠬᠤᠢᠨᠠ ᠡᠴᠡ ᠨᠢ ᠤᠷᠤᠭᠰᠢ ᠬᠤᠰᠤᠵᠤ ᠠᠷᠢᠯᠭᠠᠳᠠᠭ
ᠰᠡᠯᠡᠮᠡ ᠪᠢ ᠢᠷᠡᠯᠡ
ᠰᠤᠢᠵᠢᠮᠠ ᠤᠭᠤᠯᠠᠢ ᠬᠣᠶᠠᠷ ᠰᠢᠭ᠋ ᠰᠠᠢᠨ ᠴᠡᠪᠡᠷᠯᠡᠵᠦ
ᠴᠢᠳᠠᠬᠤ ᠦᠭᠡᠢ ᠴᠦ᠍᠂ ᠰᠡᠩᠭᠢᠨᠡᠭᠰᠡᠨ ᠦᠨᠦᠷ ᠲᠦᠭᠡᠭᠡᠵᠦ
ᠨᠢᠶᠠᠨ ᠤᠰᠠᠳᠬᠠᠳᠠᠭ ᠠᠮᠠ ᠵᠠᠢᠯᠤᠭᠴᠢ ᠪᠢ ᠢᠷᠡᠯᠡ
ᠮᠤᠨᠤᠨ ᠬᠦᠦ ᠪᠢ ᠲᠠᠨ ᠤ᠋ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ
ᠠᠮᠠᠨ ᠬᠥᠨᠳᠡᠢ ᠶ᠋ᠢᠨ ᠪᠦᠬᠦ ᠨᠠᠢᠵᠠ ᠨᠠᠷ ᠢ᠋ ᠠᠪᠤᠭᠠᠳ ᠢᠷᠡᠯᠡ
ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠲᠠ ᠪᠦᠬᠦᠨ ᠮᠢᠨᠢ
ᠬᠥᠭᠡᠷᠦᠬᠦᠨ ᠰᠢᠲᠦᠨ ᠬᠡᠦᠬᠡᠳ ᠦ᠋ᠳ ᠢ᠋
ᠡᠷᠡᠭᠦᠯ ᠪᠠᠢᠯᠭᠠᠬᠤ ᠰᠢᠳᠢᠲᠦ ᠬᠥᠭᠡᠰᠦ ᠪᠡᠨ ᠭᠠᠷᠭᠠᠵᠤ
ᠮᠤᠨᠤᠨ ᠬᠦᠦ ᠳ᠋ᠦ᠍ ᠲᠤᠰᠠᠯᠠᠭᠠᠷᠠᠢ
ᠠᠷᠠᠭᠠ ᠰᠢᠳᠦ ᠪᠡᠨ ᠲᠣᠭᠣᠷᠢᠭᠤᠯᠤᠨ
ᠠᠷᠤ ᠥᠪᠥᠷ ᠦᠭᠡᠢ ᠰᠠᠢᠨ ᠴᠡᠪᠡᠷᠯᠡ
ᠠᠶᠤᠯᠲᠤ ᠠᠷᠵᠠᠭᠠᠬᠠᠢ ᠦᠯᠡᠳᠡᠬᠦ ᠪᠣᠢ ᠳᠠ
ᠳᠡᠭᠡᠳᠦ ᠰᠢᠳᠦ ᠶ᠋ᠢ ᠳᠡᠭᠡᠷᠡ ᠡᠴᠡ ᠨᠢ
ᠳᠣᠣᠷᠠᠲᠤ ᠰᠢᠲᠦ ᠶ᠋ᠢ ᠲᠤᠤᠷᠠ ᠡᠴᠡ ᠨᠢ
ᠳᠣᠲᠣᠨᠠ ᠭᠠᠳᠠᠨᠠ ᠦᠭᠡᠢ ᠱᠦᠸᠠᠰᠳᠠᠭᠠᠷᠠᠢ
ᠶᠠᠭᠠᠷᠠᠬᠤ ᠬᠡᠷᠡᠭ ᠦᠭᠡᠢ ᠶᠠᠭ ᠭᠤᠷᠪᠠᠨ ᠮᠢᠨᠦ᠋ᠲ
ᠤᠭᠤᠯᠠᠢ ᠰᠤᠢᠵᠢᠮᠠ ᠲᠠᠢ ᠨᠠᠢᠵᠠᠯᠠᠭᠠᠷᠠᠢ
ᠨᠠᠷᠢᠨ ᠤᠲᠠᠰᠤ ᠪᠠᠷ ᠴᠡᠪᠡᠷᠯᠡ
ᠬᠤᠢᠨᠠ ᠡᠴᠡ ᠤᠷᠤᠭᠰᠢ ᠪᠠᠨ ᠬᠤᠰᠤᠭᠠᠳ
ᠬᠡᠯᠡᠨ ᠦ᠌ ᠥᠩᠭᠥᠷ ᠢ᠋ᠶ᠋ᠡᠨ ᠠᠷᠢᠯᠭᠠᠭᠠᠷᠠᠢ
ᠨᠢᠭᠡ ᠬᠣᠶᠠᠷ ᠭᠤᠷᠪᠠ ᠪᠦᠭᠦᠳᠡ ᠶ᠋ᠢ ᠰᠠᠢᠲᠤᠷ ᠦᠷᠦᠭᠡᠳ
ᠪᠦᠯᠢᠶᠡᠨ ᠤᠰᠤ ᠪᠠᠷ ᠵᠠᠢᠯᠤᠭᠠᠷᠠᠢ
ᠬᠦᠢ᠂ ᠲᠠ ᠦᠨᠡᠬᠡᠷ ᠰᠢᠳᠢ ᠲᠡᠢ ᠶᠦᠮ ᠠ᠋
ᠷᠢᠳᠢ ᠰᠢᠳᠢ ᠣᠭᠲᠣᠬᠠᠨ ᠴᠤ᠌ ᠪᠢᠰᠢ ᠠ᠋ ᠬᠦᠦ ᠮᠢᠨᠢ
ᠡᠵᠢ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡᠨ ᠳ᠋ᠦ᠍ ᠣᠷᠣᠭᠠᠳ
ᠤᠮᠳᠠᠭᠠᠨ ᠰᠢᠬᠢᠷᠭᠡᠨ ᠬᠣᠶᠠᠷ ᠲᠠᠢ ᠨᠠᠢᠵᠠᠯᠠᠭᠰᠠᠨ ᠪᠣᠯ
ᠰᠢᠲᠦ ᠪᠡᠨ ᠵᠠᠪᠠᠯ ᠤᠬᠢᠶᠠᠵᠤ ᠪᠠᠢᠭᠠᠷᠠᠢ
ᠴᠣᠭᠣᠷᠠᠵᠤ ᠡᠪᠡᠴᠢᠯᠡᠭᠰᠡᠨ ᠬᠥᠭᠡᠷᠦᠬᠦᠢ ᠠᠷᠠᠭᠠᠬᠠᠢ ᠶ᠋ᠢ
ᠴᠠᠭᠠᠨ ᠨᠥᠮᠥᠷᠭᠡ ᠲᠡᠢ ᠨᠠᠢᠵᠠ ᠪᠠᠷ ᠮᠢᠨᠢ ᠡᠮᠴᠢᠯᠡᠭᠦᠯᠦᠭᠡᠷᠡᠢ
ᠬᠣᠣᠷᠤᠨ ᠰᠠᠨᠠᠭᠠ ᠲᠠᠢ ᠠᠷᠵᠠᠭᠠᠬᠠᠢ ᠶ᠋ᠢ
ᠬᠥᠭᠡᠭᠡᠵᠦ ᠤᠰᠠᠳᠬᠠᠳᠠᠭ ᠡᠮᠴᠢ ᠨᠠᠷ ᠶᠤᠮ ᠰᠢᠦ ᠲᠡᠳᠡ
ᠢᠩᠭᠢᠵᠦ ᠬᠡᠯᠡᠭᠡᠳ ᠮᠥᠩᠭᠥᠨ ᠳᠠᠭᠢᠨᠢ ᠪᠤᠴᠠᠯᠠ᠃
ᠡᠷᠬᠡ ᠮᠤᠨᠤᠨ ᠴᠤ᠌ ᠰᠡᠷᠡᠯᠡ᠃
ᠣᠷᠣᠨ ᠠ᠋ᠴᠠ ᠪᠠᠨ ᠪᠣᠰᠤᠮᠠᠭᠴᠠ ᠲᠡᠷᠡ
ᠣ ᠱᠤᠸᠠᠰᠠ ᠪᠠᠨ ᠠᠪᠴᠤ ᠰᠢᠳᠦ ᠪᠡᠨ ᠰᠠᠢᠲᠤᠷ ᠤᠬᠢᠶᠠᠭᠠᠳ
ᠤᠳᠠᠬᠤ ᠦᠭᠡᠢ ᠡᠮᠴᠢ ᠳᠡᠭᠡᠷᠡ ᠣᠴᠢᠯᠠ
ᠥᠩᠭᠥᠷ ᠲᠣᠭᠲᠠᠵᠠᠢ ᠰᠢᠲᠦᠨ ᠳ᠋ᠦ᠍ ᠴᠢᠨᠢ
ᠡᠪᠡᠳᠴᠢᠯᠡᠵᠦ ᠪᠠᠰᠠ ᠴᠣᠭᠣᠷᠠᠴᠢᠬᠠᠵᠠᠢ
ᠰᠢᠲᠦ ᠪᠡᠨ ᠤᠬᠢᠶᠠᠳᠠᠭ ᠦᠭᠡᠢ ᠶᠦᠮ ᠦᠦ?ᠲᠠ
ᠰᠢᠷᠠᠯᠠᠴᠢᠬᠠᠭᠰᠠᠨ ᠪᠠᠢᠨᠠ ᠰᠢᠦ ᠳᠡ
ᠡᠩ᠂ ᠡᠮᠦᠨᠡ ᠨᠢ ᠰᠢᠲᠦ ᠪᠡᠨ
ᠰᠠᠢᠨ ᠤᠬᠢᠶᠠᠵᠤ ᠪᠠᠢᠭᠠ ᠦᠭᠡᠢ ᠴᠦ᠍
ᠥᠨᠥ ᠥᠷᠯᠥᠭᠡᠬᠡᠨ ᠮᠠᠰᠢ ᠰᠠᠢᠨ ᠤᠬᠢᠶᠠᠭᠰᠠᠨ ᠳᠠ
ᠡᠳᠦᠷ ᠪᠦᠷᠢ ᠯᠡ ᠤᠬᠢᠶᠠᠬᠤ ᠦᠭᠡᠢ ᠪᠣᠯ
ᠥᠩᠭᠥᠷ ᠲᠣᠭᠲᠠᠭᠠᠳ ᠠᠷᠢᠯᠳᠠᠭ ᠦᠭᠡᠢ ᠶᠦᠮ
ᠡᠪᠡᠳᠴᠦ ᠬᠠᠷᠠᠯᠠᠭᠠᠳ ᠴᠣᠭᠣᠷᠠᠬᠤ ᠪᠠᠷ ᠢ᠋ᠶ᠋ᠠᠨ
ᠡᠪᠡᠳᠴᠦ ᠴᠢᠮᠠ ᠶ᠋ᠢ ᠣᠬᠢᠯᠠᠭᠤᠯᠳᠠᠭ ᠶᠤᠮ
ᠲᠡᠢᠮᠦ ᠪᠣᠯᠬᠣᠷ ᠮᠤᠨᠤᠨ ᠬᠦᠦ ᠮᠢᠨᠢ
ᠥᠷᠯᠥᠭᠡ ᠡᠳᠦᠷ ᠣᠷᠣᠢ ᠭᠡᠳ ᠡᠳᠦᠷ ᠲᠦ᠍ ᠭᠤᠷᠪᠠᠨ ᠤᠳᠠᠭᠠ
ᠵᠠᠪᠠᠯ ᠰᠢᠳᠦ ᠪᠡᠨ ᠤᠬᠢᠶᠠᠬᠤ ᠬᠡᠷᠡᠭᠲᠡᠢ ᠶ᠋ᠢ
ᠵᠠᠬᠢᠵᠤ ᠴᠢᠮᠠ ᠳ᠋ᠤ᠌ ᠬᠡᠯᠡᠮᠡᠷ ᠪᠠᠢᠨᠠ
ᠬᠣᠷᠣᠮ ᠤ᠋ᠨ ᠲᠡᠳᠦᠢ ᠳ᠋ᠦ᠍ ᠡᠮᠴᠢ
ᠬᠣᠣᠷᠤᠨ ᠰᠠᠨᠠᠭᠠᠲᠤ ᠠᠷᠵᠠᠭᠠᠬᠠᠢ ᠶ᠋ᠢ ᠬᠥᠭᠡᠭᠡᠵᠦ
ᠡᠪᠡᠳᠴᠢᠨ ᠡᠴᠡ ᠨᠢ ᠰᠠᠯᠭᠠᠵᠤ ᠳᠠᠭᠤᠰᠤᠯᠠ᠃
ᠠᠷᠠᠭᠠ ᠰᠢᠳᠦ ᠶ᠋ᠢ ᠮᠢᠨᠢ ᠡᠮᠴᠢᠯᠡᠵᠦ ᠥᠭᠭᠦᠭᠰᠡᠨ
ᠠᠴᠢᠲᠤ ᠡᠮᠴᠢ ᠲᠠᠨ ᠳ᠋ᠤ᠌ ᠪᠠᠨ ᠪᠠᠶᠠᠷᠯᠠᠯᠠ ᠭᠡᠵᠦ ᠬᠡᠯᠡᠭᠡᠳ
ᠮᠤᠨᠤᠨ ᠪᠠᠶᠠᠷᠯᠠᠵᠤ ᠬᠥᠭᠡᠷᠦᠨ ᠢᠨᠢᠶᠡᠯᠡ᠃
ᠵᠡᠭᠦᠳᠦ ᠨᠣᠢᠷ ᠤ᠋ᠨ ᠶᠢᠷᠲᠢᠨᠴᠦ ᠳ᠋ᠦ᠍ ᠪᠡᠨ
ᠳᠠᠷᠠᠭᠠ ᠪᠠᠷ ᠳᠠᠬᠢᠨ ᠠᠭᠤᠯᠵᠠᠶᠠ
ᠵᠠᠯᠬᠠᠭᠤᠷᠠᠯ ᠦᠭᠡᠢ ᠰᠢᠳᠦ ᠪᠡᠨ ᠤᠬᠢᠶᠠᠵᠠᠭᠠᠶᠠ
ᠵᠠᠪ ᠭᠠᠷᠭᠠᠭᠠᠳ ᠡᠮᠴᠢ ᠳ᠋ᠦ᠍ ᠦᠵᠡᠭᠦᠯᠵᠡᠭᠡᠶᠡ
ᠵᠠ ᠨᠠᠢᠵᠠ ᠨᠤᠭᠤᠳ ᠠ᠋᠂ ᠪᠠᠶᠠᠷᠲᠠᠢ! ᠪᠠᠶᠠᠷᠲᠠᠢ!
*****
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ᠲᠦᠮᠡᠳ ᠤᠨᠳᠤᠷᠮᠠ
ᠦᠰᠦᠭ ᠬᠠᠲᠠᠭᠴᠢ᠄ᠲᠠᠪᠬᠤᠷᠪᠠᠶᠠᠷ
ᠬᠢᠨᠠᠭᠴᠢ᠄ᠱᠤᠳᠤᠷᠭᠤ᠂ᠤᠶᠠᠬᠠᠨ уяхан