ᠢᠲᠡᠭᠡᠮᠵᠢᠲᠦ ᠨᠠᠶ᠋ᠢᠲᠠᠯᠬ᠋ᠠ ᠶ᠋ᠢᠨ ᠺᠣᠮᠫᠠᠨᠢ Итгэмжит найдлгын компани
467ᠢᠲᠡᠭᠡᠮᠵᠢᠲᠦ ᠨᠠᠶ᠋ᠢᠲᠠᠯᠬ᠋ᠠ ᠶ᠋ᠢᠨ ᠺᠣᠮᠫᠠᠨᠢ
ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠲᠡᠢᠨ ᠡᠴᠡ ᠡᠮᠦᠨᠡᠬᠡᠨ ᠂ ᠭᠧᠷᠮᠠᠨ ᠳᠤ ᠪᠠᠪᠢᠨᠠ ᠢᠲᠡᠭᠡᠮᠵᠢᠲᠦ ᠺᠣᠮᠫᠠᠨᠢ ᠭᠡᠳᠡᠭ ᠲᠤᠰᠬᠠᠢᠯᠠᠨ ᠵᠣᠴᠢᠳ ᠲᠤ᠌ ᠦᠨᠡᠲᠡᠢ ᠡᠳ᠋ ᠪᠣᠳᠠᠰ ᠬᠠᠳᠠᠭᠠᠯᠠᠵᠤ ᠥᠭᠳᠡᠭ ᠨᠢᠭᠡᠨ ᠶᠠᠯᠢᠮ ᠦᠭᠡᠢ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶᠢᠨ ᠺᠣᠮᠫᠠᠨᠢ ᠪᠠᠢᠪᠠ᠃ ᠲᠡᠢᠨ ᠡᠭᠦᠰᠦᠭᠰᠡᠨ ᠦ᠌ ᠳᠠᠷᠠᠭᠠ ᠂ ᠬᠥᠮᠦᠰ ᠬᠣᠢᠨᠠ ᠬᠣᠢᠨᠠ ᠠ᠋ᠴᠠ ᠪᠠᠨ ᠡᠳ᠋ ᠪᠣᠳᠠᠰ ᠢ᠋ᠶ᠋ᠠᠨ ᠠᠪᠴᠤ ᠶᠠᠪᠤᠭᠠᠳ ᠂ ᠳᠥᠷᠪᠡᠨ ᠵᠦᠭ ᠲᠦ᠍ ᠰᠠᠷᠨᠢᠨ ᠳᠤᠲᠠᠭᠠᠪᠠ᠃ ᠵᠠᠩᠭᠤᠢᠳᠠ ᠨᠢ ᠪᠠᠰᠠ ᠵᠢᠭᠠᠬᠠᠨ ᠲᠠᠲᠠᠭᠠᠯᠵᠠᠵᠤ ᠪᠠᠢᠭᠠᠳ ᠳᠤᠲᠠᠭᠠᠵᠤ ᠭᠡᠨᠡ ᠃ ᠵᠥᠪᠬᠡᠨ ᠰᠢ ᠶᠠ ᠪᠠᠰᠠ ᠯᠠ ᠲᠡᠨᠳᠡ ᠳᠠᠩᠰᠠ ᠪᠦᠷᠢᠳᠬᠡᠵᠦ ᠪᠠᠢᠨᠠ᠃ ᠳᠡᠯᠪᠡᠴᠢᠬᠦ ᠪᠥᠮᠪᠥᠭᠡ ᠨᠢᠭᠡ ᠨᠢᠭᠡ ᠪᠡᠷ ᠢᠲᠡᠭᠡᠯᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠬᠠᠪᠢ ᠳ᠋ᠤ᠌ ᠳᠡᠯᠪᠡᠷᠡᠨ ᠳᠤᠤᠭᠠᠷᠴᠤ ᠪᠠᠢᠬᠤ ᠳ᠋ᠤ᠌᠂ ᠰᠢ ᠶᠠ ᠶᠠᠭ ᠯᠠ ᠣᠯᠵᠤ ᠰᠣᠨᠣᠰᠤᠭᠰᠠᠨ ᠦᠭᠡᠢ ᠰᠢᠭ ᠪᠠᠢᠯᠠ᠃ ᠲᠡᠷᠡ ᠳᠠᠩᠰᠠ ᠪᠠᠨ ᠪᠦᠷᠢᠳᠬᠡᠵᠦ ᠳᠠᠭᠤᠰᠤᠭᠠᠳ ᠂ ᠯᠧᠭ᠌ ᠭᠡᠳᠡᠭ ᠵᠣᠴᠢᠨ ᠶᠠᠭᠤᠮᠠ ᠪᠠᠨ ᠠᠪᠴᠤ ᠶᠠᠪᠤᠭᠠ ᠦᠭᠡᠢ ᠪᠠᠢᠬᠤ ᠶ᠋ᠢ ᠣᠯᠵᠤ ᠮᠡᠳᠡᠪᠡ᠃ ᠲᠡᠷᠡ ᠪᠣᠯ ᠨᠢᠭᠡ 50 ᠳ᠋ᠦᠩᠰᠢᠭᠤᠷ ᠮᠠᠷᠺ ᠤ᠋ᠨ ᠥᠷᠲᠡᠭ ᠲᠡᠢ ᠪᠠᠳᠮᠠᠷᠠᠭᠠ( ᠤᠯᠠᠭᠠᠨ ᠥᠩᠭᠡ ᠲᠡᠢ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ) ᠪᠣᠯᠤᠨᠠ ᠃ ᠰᠢ ᠶᠠ ᠂ ᠪᠠᠳᠮᠠᠷᠠᠭᠠ ᠪᠣᠯᠤᠨ ᠪᠦᠬᠦ ᠮᠠᠲ᠋ᠧᠷᠢᠶᠠᠯ ᠢ᠋ ᠨᠢᠭᠡ ᠵᠢᠵᠢᠭ ᠬᠠᠢᠷᠴᠠᠭ ᠲᠤ᠌ ᠬᠢᠵᠦ ᠂ ᠳᠠᠷᠠᠭᠠ ᠨᠢ ᠪᠦᠬᠦ ᠳᠠᠩᠰᠠ ᠪᠠᠨ ᠠᠪᠴᠤ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠠ᠋ᠴᠠ ᠰᠠᠯᠵᠠᠢ᠃
ᠬᠡᠳᠦᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ᠂ ᠲᠡᠢᠨ ᠦ᠌ ᠭᠠᠯ ᠪᠠᠪᠢᠨᠠ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠣᠢᠷᠠ ᠣᠷᠴᠢᠮ ᠢ ᠲᠠᠮᠲᠤᠭ ᠪᠣᠯᠲᠠᠯᠠ ᠲᠠᠯᠬᠢᠨ ᠲᠡᠭᠰᠢᠯᠡᠪᠡ᠃ ᠰᠢ ᠶᠠ ᠴᠦ᠍ ᠲᠡᠢᠨ ᠦ᠌ ᠰᠠᠮᠠᠭᠤᠷᠠᠯ ᠠ᠋ᠴᠠ ᠵᠠᠢᠯᠠᠬᠤ ᠶ᠋ᠢᠨ ᠲᠥᠯᠥᠭᠡ ᠭᠠᠵᠠᠷ ᠪᠣᠯᠭᠠᠨ ᠳ᠋ᠤ᠌ ᠲᠤᠲᠠᠭᠠᠨ ᠭᠦᠶᠦᠪᠡ᠃ ᠭᠡᠪᠡᠴᠦ ᠬᠠᠮᠢᠭᠠ ᠣᠴᠢᠭᠰᠠᠨ ᠴᠤ᠌᠂ ᠰᠢ ᠶᠠ ᠪᠦᠷ ᠪᠡᠶᠡ ᠳ᠋ᠡᠭᠡᠨ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠳᠠᠩᠰᠠ ᠪᠠ ᠲᠡᠷᠡ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠶ᠋ᠢ ᠠᠪᠴᠤ ᠶᠠᠪᠤᠵᠤ ᠪᠠᠢᠯᠠ᠃ ᠲᠡᠭᠦᠨ ᠦ᠌ ᠪᠣᠳᠣᠬᠤ ᠪᠠᠷ᠂ ᠲᠡᠷᠡ ᠪᠠᠰᠠ ᠪᠠᠪᠢᠨᠠ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠠᠵᠢᠯᠲᠠᠨ ᠂ ᠲᠡᠷᠡ ᠲᠡᠢᠨ ᠳᠠᠭᠤᠰᠬᠤ ᠪᠣᠯᠲᠠᠯᠠ ᠳᠠᠩᠰᠠ ᠬᠠᠷᠠ ᠪᠣᠯᠤᠨ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ ᠬᠠᠳᠠᠭᠠᠯᠠᠵᠤ᠂ ᠲᠡᠢᠨ ᠳᠠᠭᠤᠰᠤᠮᠠᠭᠴᠠ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠳ᠋ᠤ᠌ ᠬᠦᠷᠭᠡᠨᠡ ᠭᠡᠵᠦ ᠪᠣᠳᠣᠪᠠ᠃
ᠲᠡᠢᠨ ᠡᠴᠦᠰ ᠲᠡᠭᠡᠨ ᠳᠠᠭᠤᠰᠴᠤ᠂ ᠰᠢ ᠶᠠ ᠭᠤᠷᠪᠠᠨ ᠬᠡᠦᠬᠡᠳ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠨ ᠪᠧᠷᠯᠢᠨ ᠳ᠋ᠦ᠍ ᠪᠤᠴᠠᠪᠠ᠃ ᠭᠡᠲᠡᠯᠡ ᠪᠠᠪᠢᠨᠠ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠵᠠᠩᠭᠤᠢᠳᠠ ᠨᠢᠭᠡᠨᠲᠡ ᠲᠡᠢᠨ ᠳᠠᠵᠢᠨ ᠤ᠋ ᠳᠤᠮᠳᠠ ᠦᠬᠦᠵᠦ᠂ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠨᠢ ᠨᠢᠭᠡᠨᠲᠡ ᠣᠷᠣᠰᠢᠬᠤ ᠪᠠᠨ ᠪᠣᠯᠢᠪᠠ᠃ ᠭᠡᠪᠡᠴᠦ ᠰᠢ ᠶᠠ ᠪᠠᠰᠠᠯᠠ ᠳᠠᠩᠰᠠ ᠪᠠ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠶ᠋ᠢ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠢᠯᠠ᠃ ᠤᠴᠢᠷ ᠨᠢ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠪᠣᠯ ᠨᠠᠢᠳᠠᠭᠴᠢ ᠶ᠋ᠢᠨ ᠨᠠᠢᠳᠠᠨ ᠬᠠᠳᠠᠭᠠᠯᠠᠭᠤᠯᠤᠭᠰᠠᠨ ᠶᠠᠭᠤᠮᠠ ᠶᠤᠮ ᠂ ᠨᠠᠢᠳᠠᠭᠴᠢ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ ᠠᠪᠴᠤ ᠶᠠᠪᠤᠭᠰᠠᠨ ᠦᠭᠡᠢ ᠪᠣᠯ ᠲᠡᠷᠡ ᠳᠠᠷᠤᠢ ᠨᠠᠢᠳᠠᠭᠴᠢ ᠳ᠋ᠤ᠌ ᠬᠠᠳᠠᠭᠠᠯᠠᠨ ᠬᠠᠮᠢᠶᠠᠷᠴᠤ ᠥᠭᠴᠦ᠂ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠢᠲᠡᠭᠡᠯ ᠬᠦᠨᠳᠦ ᠶ᠋ᠢ ᠪᠠᠲᠤ ᠰᠠᠬᠢᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠪᠣᠳᠣᠵᠠᠢ᠃
ᠬᠡᠴᠢᠨᠡᠨ ᠵᠢᠯ ᠥᠩᠭᠡᠷᠡᠯᠡ᠃ ᠰᠢ ᠶᠠ ᠶᠡᠷᠦ ᠨᠢ ᠠᠵᠢᠯ ᠣᠯᠤᠭᠠ ᠦᠭᠡᠢ ᠂ ᠲᠡᠷᠡ ᠭᠤᠷᠪᠠᠨ ᠬᠡᠦᠬᠡᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠲᠤᠢᠯ ᠤ᠋ᠨ ᠶᠠᠳᠠᠭᠤ ᠵᠦᠳᠡᠭᠦᠦ ᠠᠮᠢᠳᠤᠷᠠᠵᠤ ᠪᠠᠢᠪᠠ᠃ ᠦᠨᠡᠨ ᠳ᠋ᠡᠭᠡᠨ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠳ᠋ᠤ᠌ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠬᠠᠳᠠᠭᠠᠯᠠᠵᠤ ᠪᠠᠢᠭᠰᠠᠨ ᠯᠧᠭ᠌ ᠴᠦ᠍ ᠲᠡᠢᠨ ᠦ᠌ ᠰᠠᠮᠠᠭᠤᠷᠠᠯ ᠳᠤᠮᠳᠠ ᠦᠬᠦᠴᠢᠬᠡᠵᠡᠢ᠃ ᠲᠡᠷᠡ ᠬᠦ᠌ ᠦᠨᠡᠯᠡᠰᠢ ᠦᠭᠡᠢ ᠪᠠᠳᠮᠠᠷᠠᠭᠠ( ᠤᠯᠠᠭᠠᠨ ᠥᠩᠭᠡ ᠲᠡᠢ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ) ᠶ᠋ᠢ ᠠᠯᠢ ᠡᠷᠲᠡ ᠲᠠᠨᠢᠵᠤ ᠠᠪᠬᠤ ᠬᠥᠮᠦᠨ ᠦᠭᠡᠢ ᠪᠣᠯᠵᠠᠢ ᠃ ᠰᠢ ᠶᠠ ᠲᠡᠭᠦᠨ ᠢ᠋ ᠰᠡᠮᠡᠭᠡᠷᠬᠡᠨ ᠬᠤᠳᠠᠯᠳᠤᠵᠤ ᠂ ᠬᠡᠮᠡᠷᠯᠢᠭ ᠡᠮᠦᠰᠴᠦ᠂ ᠬᠠᠰ ᠢ᠋ᠶ᠋ᠠᠷ ᠭᠣᠶᠣᠯᠠᠬᠤ ᠠᠮᠢᠳᠤᠷᠠᠯ ᠢ᠋ ᠣᠯᠵᠤ ᠪᠣᠯᠤᠨᠠ᠃ ᠭᠡᠲᠡᠯᠡ ᠲᠡᠷᠡ ᠲᠡᠭᠡᠵᠦ ᠬᠢᠭᠰᠡᠨ ᠦᠭᠡᠢ᠃ ᠲᠡᠷᠡ ᠪᠣᠯ ᠨᠠᠢᠳᠠᠭᠴᠢ ᠶᠢᠨ ᠡᠳ᠋ ᠪᠣᠳᠠᠰ ᠶᠤᠮ᠃ ᠲᠡᠷᠡ ᠵᠥᠪᠬᠡᠨ ᠬᠠᠳᠠᠭᠠᠯᠠᠵᠤ ᠪᠣᠯᠤᠨᠠ ᠂ ᠶᠠᠮᠠᠷ ᠴᠤ᠌ ᠥᠭᠡᠷᠡ ᠰᠠᠨᠠᠭᠠ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠵᠣᠷᠢᠵᠠᠢ ᠃
1978 ᠣᠨ ᠳ᠋ᠤ᠌ ᠂ ᠲᠤᠬᠠᠢ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠲᠡᠢᠨ ᠦ᠌ ᠮᠦᠽᠧᠢ ᠪᠠᠢᠭᠤᠯᠵᠤ᠂ ᠨᠡᠢᠭᠡᠮ ᠨᠡᠢᠲᠡ ᠡᠴᠡ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠲᠡᠢᠨ ᠦ᠌ ᠦᠯᠡᠳᠡᠭᠳᠡᠯ ᠪᠣᠳᠠᠰ ᠢ᠋ ᠴᠤᠭᠯᠠᠭᠤᠯᠤᠭᠰᠠᠨ ᠳ᠋ᠤ᠌ ᠂ ᠰᠢ ᠶᠠ ᠳᠠᠷᠤᠢ ᠲᠡᠭᠦᠨ ᠦ᠌ ᠬᠠᠳᠠᠭᠠᠯᠠᠵᠤ ᠪᠠᠢᠭᠰᠠᠨ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠶ᠋ᠢᠨ ᠳᠠᠩᠰᠠ ᠬᠠᠷᠠ ᠪᠠ ᠪᠠᠳᠮᠠᠷᠠᠭᠠ ᠪᠠᠨ ᠭᠠᠷᠭᠠᠨ ᠥᠭᠴᠡᠢ᠃ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠣᠯᠠᠨ ᠲᠠᠯᠠ ᠪᠠᠷ ᠴᠢᠷᠮᠠᠢᠵᠤ᠂ ᠰᠢ ᠶᠠ ᠶ᠋ᠢ ᠬᠠᠪᠰᠤᠷᠤᠨ ᠯᠧᠭ᠌ ᠤᠨ ᠣᠮᠪᠣᠯᠣ ᠳ᠋ᠤᠷᠯ ᠢ ᠡᠷᠢᠵᠦ ᠣᠯᠪᠠ᠃ ᠳ᠋ᠤᠷᠯ ᠲᠡᠷᠡ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠶ᠋ᠢ ᠠᠪᠤᠭᠠᠳ ᠂ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ ᠬᠤᠳᠠᠯᠳᠤᠭᠰᠠᠨ ᠤ᠋ ᠳᠠᠷᠠᠭᠠ᠂ ᠬᠠᠭᠠᠰ ᠢ᠋ ᠨᠢ ᠰᠢ ᠶᠠ ᠳ᠋ᠤ᠌ ᠥᠭᠭᠦᠨᠡ ᠭᠡᠰᠡᠨ ᠳ᠋ᠦ᠍ ᠂ ᠰᠢ ᠶᠠ ᠵᠥᠪᠬᠡᠨ ᠡᠳᠡᠭᠡᠷ ᠵᠢᠯ ᠦ᠋ᠳ ᠦ᠋ᠨ ᠬᠠᠳᠠᠭᠠᠯᠠᠭᠰᠠᠨ ᠰᠦᠢᠳᠬᠡᠯ ᠢᠶᠠᠨ ᠯᠠ ᠬᠤᠷᠢᠶᠠᠨᠠ ᠭᠡᠵᠡᠢ᠃
ᠰᠢ ᠶᠠ ᠶ᠋ᠢᠨ ᠬᠡᠷᠡᠭ ᠰᠣᠨᠢᠨ ᠳᠡᠭᠡᠷᠡ ᠭᠠᠷᠴᠤ ᠂ ᠬᠥᠮᠦᠰ ᠲᠡᠭᠦᠨ ᠦ᠌ ᠦᠨᠡᠨᠴᠢ ᠢᠲᠡᠭᠡᠮᠵᠢ ᠳ᠋ᠦ᠍ ᠰᠡᠳᠬᠢᠯ ᠳᠣᠭᠳᠣᠯᠵᠤ᠂ ᠵᠠᠷᠢᠮ ᠬᠥᠮᠦᠨ ᠲᠡᠭᠦᠨ ᠢ᠋ ᠬᠤᠳᠠᠯᠳᠤᠭᠠᠴᠢᠳ ᠤ᠋ᠨ ᠡᠪᠯᠡᠯ ᠦ᠋ᠨ ᠶᠡᠷᠦᠩᠬᠡᠢ ᠵᠥᠪᠯᠡᠭᠴᠢ ᠪᠣᠯᠭᠠᠬᠤ ᠪᠠᠷ ᠳᠤᠷᠠᠳᠤᠯᠭᠠ ᠭᠠᠷᠭᠠᠬᠤ ᠳ᠋ᠤ᠌ ᠲᠡᠷᠡ ᠨᠠᠰᠤ ᠠᠭᠰᠢᠷᠠᠭᠰᠠᠨ ᠢ᠋ᠶ᠋ᠠᠷ ᠰᠢᠯᠲᠠᠭ ᠪᠣᠯᠭᠠᠵᠤ ᠲᠦᠯᠬᠢᠵᠡᠢ᠃ ᠰᠡᠭᠦᠯᠡᠷ ᠨᠢ ᠪᠠᠰᠠ ᠬᠡᠳᠦᠨ ᠲᠣᠮᠣ ᠬᠡᠯᠪᠡᠷᠢ ᠶ᠋ᠢᠨ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠲᠡᠭᠦᠨ ᠢ᠋ ᠡᠷᠢᠵᠦ ᠂ ᠨᠡᠷᠡ ᠬᠦᠨᠳᠦᠲᠦ ᠶᠡᠷᠦᠩᠬᠡᠢ ᠵᠠᠬᠢᠷᠤᠯ ᠲᠣᠮᠢᠯᠠᠭᠤᠯᠬᠤ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠳ᠋ᠤ᠌ ᠲᠡᠷᠡ ᠪᠦᠷ ᠵᠥᠪᠰᠢᠶᠡᠷᠡᠭᠰᠡᠨ ᠦᠭᠡᠢ᠃
ᠤᠳᠠᠯ ᠦᠭᠡᠢ ᠰᠢ ᠶᠠ ᠨᠠᠰᠤ ᠪᠠᠷᠠᠪᠠ᠃ ᠬᠡᠳᠦᠨ ᠺᠣᠮᠫᠠᠨᠢ ᠲᠡᠭᠦᠨ ᠦ᠌ ᠬᠦᠦ ᠺᠷᠢᠰ ᠢ᠋ ᠡᠷᠢᠵᠦ ᠣᠯᠤᠭᠠᠳ᠂ ᠰᠢ ᠶᠠ ᠶ᠋ᠢᠨ ᠨᠡᠷᠡ ᠶ᠋ᠢ ᠨᠢ ᠬᠤᠳᠠᠯᠳᠤᠨ ᠠᠪᠴᠤ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠭᠡᠵᠦ ᠨᠡᠷᠡᠢᠳᠬᠦ ᠶ᠋ᠢ ᠱᠠᠭᠠᠷᠳᠠᠪᠠ᠃ ᠺᠷᠢᠰ ᠴᠤᠬᠤᠮ ᠶᠠᠭᠠᠬᠢᠵᠤ ᠰᠤᠩᠭᠤᠯᠲᠠ ᠬᠢᠪᠡᠯ ᠵᠣᠬᠢᠰᠲᠠᠢ ᠪᠢᠯᠡ ᠬᠡᠮᠡᠨ ᠲᠠᠲᠠᠭᠠᠯᠵᠠᠵᠤ ᠪᠠᠢᠭᠰᠠᠨ ᠢᠶᠠᠨ᠂ ᠰᠡᠭᠦᠯ ᠳᠦ ᠨᠢ ᠬᠡᠳᠦᠨ ᠺᠣᠮᠫᠠᠨᠢ ᠪᠡᠷ ᠥᠷᠢᠰᠦᠯᠳᠦᠭᠦᠯᠦᠭᠰᠡᠨ ᠦ ᠳ᠋ᠦᠩ ᠳᠤ ᠂ ᠫᠯᠠᠲ᠋ᠤ᠋ ᠶ᠋ᠢᠨ ᠢᠲᠡᠭᠡᠮᠵᠢ ᠶ᠋ᠢᠨ ᠺᠣᠮᠫᠠᠨᠢ 80 ᠳ᠋ᠦᠩᠰᠢᠭᠤᠷ ᠮᠠᠷᠺ ᠤ᠋ᠨ ᠥᠨᠳᠥᠷ ᠦᠨᠡ ᠪᠡᠷ ᠰᠢ ᠶᠠ ᠶ᠋ᠢᠨ ᠨᠡᠷᠡ ᠬᠠᠲᠠᠬᠤ ᠡᠷᠬᠡ ᠶ᠋ᠢ ᠣᠯᠵᠠᠢ᠃ ᠮᠠᠰᠢ ᠣᠯᠠᠨ ᠬᠥᠮᠦᠨ ᠣᠢᠯᠠᠭᠠᠬᠤ ᠦᠭᠡᠢ᠄《 ᠨᠢᠭᠡ ᠨᠡᠷᠡ ᠲᠡᠢᠮᠦ ᠠᠷᠪᠢᠨ ᠵᠣᠭᠣᠰ ᠬᠦᠷᠦᠨᠡ ᠦᠦ?》 ᠭᠡᠵᠡᠭᠡᠵᠡᠢ᠃ ᠫᠯᠠᠲ᠋ᠤ᠋ ᠺᠣᠮᠫᠠᠨᠢ ᠶ᠋ᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠯ ᠬᠡᠯᠡᠬᠦ ᠳ᠋ᠡᠭᠡᠨ ᠄《〈 ᠰᠢ ᠶᠠ〉ᠨᠢ ᠨᠢᠭᠡᠨᠲᠡ ᠬᠤᠪᠢ ᠬᠥᠮᠦᠨ ᠦ᠌ ᠨᠡᠷᠡ ᠲᠡᠳᠦᠢ ᠪᠢᠰᠢ ᠪᠣᠯᠵᠠᠢ ᠂ ᠲᠡᠷᠡ ᠨᠢ ᠨᠢᠭᠡ ᠵᠦᠢᠯ ᠦ᠋ᠨ ᠠᠵᠤ ᠠᠬᠤᠢᠯᠠᠯ ᠤ᠋ᠨ ᠵᠣᠷᠢᠭ ᠰᠠᠨᠠᠭᠠ ᠶ᠋ᠢ ᠲᠥᠯᠥᠭᠡᠯᠡᠳᠡᠭ ᠂ ᠨᠢᠭᠡ ᠵᠦᠢᠯ ᠦ᠋ᠨ ᠦᠨᠡ ᠲᠡᠢ ᠪᠢᠳᠦᠷᠢᠶᠡ ᠶ᠋ᠢᠨ ᠦᠨᠡᠨᠴᠢ ᠢᠲᠡᠭᠡᠮᠵᠢ ᠪᠣᠯᠤᠨᠠ᠂ 80 ᠳ᠋ᠦᠩᠰᠢᠭᠤᠷ ᠵᠠᠷᠤᠴᠠᠭᠤᠯᠵᠤ ᠪᠠᠢᠭᠠᠳ ᠡᠨᠡ ᠬᠦ᠌ ᠢᠷᠠᠭᠤ ᠠᠯᠳᠠᠷ ᠢ᠋ ᠬᠤᠳᠠᠯᠳᠤᠨ ᠠᠪᠬᠤ ᠨᠢ ᠪᠡᠨᠡ ᠲᠡᠢ ᠶᠦᠮ》 ᠭᠡᠵᠡᠢ!
ᠤᠳᠠᠯ ᠦᠭᠡᠢ ᠫᠯᠠᠲ᠋ᠤ᠋ ᠶ᠋ᠢᠨ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠨᠢ ᠰᠢ ᠶᠠ ᠶ᠋ᠢᠨ ᠢᠲᠡᠭᠡᠮᠵᠢᠲᠦ ᠨᠠᠢᠳᠠᠯᠭᠠ ᠶ᠋ᠢᠨ ᠺᠣᠮᠫᠠᠨᠢ ᠭᠡᠵᠦ ᠨᠡᠷᠡ ᠪᠡᠨ ᠬᠠᠯᠠᠭᠰᠠᠨ ᠳ᠋ᠤ᠌ ᠠᠷᠠᠯᠵᠢᠶᠠᠨ ᠤ᠋ ᠬᠡᠮᠵᠢᠶᠡ ᠨᠢ ᠦᠨᠡᠬᠡᠷ ᠳᠡᠭᠡᠭᠰᠢᠯᠡᠵᠡᠢ᠃ ᠦᠨᠡᠨᠴᠢ ᠢᠲᠡᠭᠡᠮᠵᠢ ᠨᠢ ᠥᠷᠲᠡᠭ ᠢ᠋ ᠪᠦᠲᠦᠭᠡᠳᠡᠭ ᠦ᠋ᠨ ᠤᠴᠢᠷ ᠨᠢ᠂ ᠦᠨᠡᠨᠴᠢ ᠢᠲᠡᠭᠡᠮᠵᠢ ᠶ᠋ᠢᠨ ᠲᠤᠰ ᠪᠡᠶᠡ ᠨᠢ ᠦᠨᠡᠯᠡᠰᠢ ᠦᠭᠡᠢ ᠥᠷᠲᠡᠭ ᠲᠠᠢ ᠡᠴᠡ ᠪᠣᠯᠤᠭᠰᠠᠨ ᠶᠤᠮ᠃
ᠴᠢ ᠦᠨᠡᠨᠴᠢ ᠢᠲᠡᠭᠡᠮᠵᠢ ᠶ᠋ᠢ ᠢᠲᠡᠭᠡᠯ ᠪᠢᠰᠢᠷᠡᠯ ᠪᠠ ᠬᠠᠷᠢᠭᠤᠴᠠᠯᠭᠠ ᠪᠣᠯᠭᠠᠬᠤ ᠦᠶᠡᠰ ᠂ ᠴᠢ ᠬᠥᠮᠦᠰ ᠦ᠋ᠨ ᠳᠡᠮᠵᠢᠯᠭᠡ ᠪᠠ ᠢᠲᠡᠭᠡᠯ ᠢ᠋ ᠣᠯᠵᠤ ᠂ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠡᠳ᠋ ᠬᠥᠷᠥᠩᠭᠡ ᠲᠡᠢ ᠪᠣᠯᠵᠤ ᠴᠢᠳᠠᠳᠠᠭ ᠨᠢ ᠡᠭᠦᠨ ᠡᠴᠡ ᠡᠭᠦᠰᠦᠯᠲᠡᠢ᠃
ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠡᠢᠮᠦ ᠲᠣᠮᠣ ᠂ ᠢᠲᠡᠭᠡᠯ ᠨᠠᠢᠳᠠᠪᠤᠷᠢᠲᠠᠢ ᠨᠢ ᠮᠠᠰᠢ ᠴᠢᠬᠤᠯᠠ ᠃
※ ᠨᠢᠭᠡ ᠬᠥᠮᠦᠨ ᠦ᠌ ᠡᠷᠬᠢᠮ ᠳᠡᠭᠡᠳᠦ ᠰᠤᠷᠲᠠᠯ ᠨᠢ ᠲᠡᠭᠦᠨ ᠦ᠌ ᠪᠠᠶᠠᠨ ᠶᠠᠳᠠᠭᠤ ᠲᠠᠢ ᠬᠣᠯᠪᠣᠭᠳᠠᠯ ᠦᠭᠡᠢ᠃ ᠬᠠᠷᠢᠨ ᠲᠡᠭᠦᠨ ᠦ᠌ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠪᠠ ᠠᠵᠢᠯ ᠤ᠋ᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠰᠢᠭᠤᠳ ᠨᠥᠯᠥᠭᠡ ᠲᠡᠢ ᠪᠠᠢᠳᠠᠭ᠃ ᠠᠯᠢᠪᠠ ᠪᠦᠬᠦᠨ ᠳ᠋ᠦ᠍ ᠭᠠᠭᠴᠠ ᠬᠦ᠌ ᠬᠠᠯᠠᠭᠤᠨ ᠬᠠᠢᠷᠠ ᠪᠣᠯ ᠬᠠᠮᠤᠭ ᠤ᠋ᠨ ᠰᠠᠢᠨ ᠪᠠᠭᠰᠢ ᠮᠥᠨ᠃ ᠲᠡᠷᠡ ᠨᠢ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡ ᠡᠴᠡ ᠢᠷᠡᠯᠲᠡ ᠲᠡᠢ᠃ ᠦᠨᠡᠨ ᠪᠣᠳᠠᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠬᠠᠮᠤᠭ ᠤ᠋ᠨ ᠭᠣᠶᠣ ᠪᠠᠢᠳᠠᠭ᠃ ᠦᠨᠡᠨ ᠢ᠋ ᠠᠯᠳᠠᠪᠠᠯ ᠰᠠᠢᠬᠠᠨ ᠢ᠋ ᠴᠦ᠍ ᠬᠠᠮᠲᠤ ᠳ᠋ᠤᠨᠢ ᠠᠯᠳᠠᠨᠠ᠃ ᠨᠢᠭᠡᠨ ᠠᠪᠢᠶᠠᠰ ᠪᠢᠯᠢᠭ ᠲᠡᠢ ᠬᠥᠮᠦᠨ ᠬᠠᠮᠤᠭ ᠤ᠋ᠨ ᠬᠦᠴᠢᠷ ᠵᠣᠪᠠᠭᠤᠷᠢᠲᠠᠢ ᠴᠠᠭ ᠲᠤ᠌ ᠴᠤ᠌ ᠭᠤᠸᠠ ᠰᠠᠢᠬᠠᠨ ᠤ᠋ ᠡᠯᠧᠮᠧᠨ᠋ᠲ ᠢ᠋ ᠡᠷᠢᠵᠦ ᠣᠯᠳᠠᠭ ᠶᠤᠮ ᠪᠠᠢᠨᠠ ᠭᠡᠰᠡᠨ ᠦᠨᠡᠨ ᠶᠣᠰᠣ ᠶ᠋ᠢ ᠬᠠᠷᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠯᠵᠢ
ᠬᠢᠨᠠᠭᠴᠢ᠄ ᠮᠥᠩᠬᠡᠭᠠᠯ᠂ ᠰᠡᠬᠡᠭᠡᠷᠡᠯ
ᠨᠠᠢᠷᠠᠭᠤᠯᠵᠤ ᠪᠢᠴᠢᠭᠡᠳ ᠲᠠᠢᠯᠪᠤᠷᠢ ᠬᠠᠲᠠᠭᠰᠠᠨ ᠨᠢ᠄ ᠣᠳᠬᠠᠨᠰᠣ ᠠ᠋