ᠪᠠᠭᠠᠪᠠᠭᠠᠢ – ᠯ᠂ ᠪᠠᠳᠠᠷᠴᠢ Баавгай – Л ᠂ Бадарч
253ᠪᠠᠭᠠᠪᠠᠭᠠᠢ
( ᠶᠣᠭᠲᠠ ᠦᠯᠢᠭᠡᠷ)
ᠠᠩ ᠠᠮᠢᠲᠠᠨ ᠪᠦᠷᠢᠲᠦᠭᠰᠡᠨ
ᠠᠵᠤ ᠠᠬᠤᠢ ᠶ᠋ᠢᠨ ᠭᠠᠵᠠᠷ ᠲᠤ
ᠪᠣᠯᠪᠠᠰᠤᠨ ᠬᠦᠴᠦᠨ ᠢ ᠡᠷᠬᠢᠯᠡᠭᠰᠡᠨ
ᠪᠣᠷᠣ ᠪᠠᠭᠠᠪᠠᠭᠠᠢ ᠰᠠᠭᠤᠵᠤ ᠭᠡᠨᠡ᠃
ᠵᠠᠯᠬᠠᠭᠤ ᠪᠠᠭᠠᠪᠠᠭᠠᠢ ᠥᠷᠥᠭᠡᠨ ᠳ᠋ᠡᠭᠡᠨ
ᠲᠠᠮᠠᠬᠢ ᠪᠠᠨ ᠪᠠᠭᠠᠬᠢᠭᠤᠯᠵᠤ ᠰᠠᠭᠤᠬᠤ ᠳᠤ
《 ᠪᠣᠯᠬᠤ ᠤᠤ》 ᠭᠡᠰᠡᠨ ᠨᠢᠯᠤᠭᠤᠨ ᠳᠠᠭᠤ
ᠪᠣᠱᠣᠭᠠᠨ ᠪ ᠴᠠᠭᠠᠨᠠ ᠠ᠋ᠴᠠ ᠭᠠᠷᠤᠯᠠ᠃
《 ᠵᠠ》 ᠭᠡᠵᠦ ᠪᠠᠭᠠᠪᠠᠭᠠᠢ ᠭᠤᠸᠠᠢ
ᠵᠠᠩᠲᠤᠷᠤᠩᠭᠤᠶ᠋ᠢᠬᠠᠨ ᠬᠡᠯᠡᠪᠡ᠃
《 ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ》 ᠭᠡᠭᠰᠡᠭᠡᠷ
ᠰᠠᠭᠠᠷᠠᠯ ᠴᠢᠨᠣᠠ ᠣᠷᠣᠵᠤ ᠢᠷᠡᠪᠡ᠃
ᠲᠠ ᠶᠠᠭᠤ ᠭᠡᠵᠦ ᠶᠠᠪᠤᠨᠠ ᠪᠤᠢ ᠭᠡᠵᠦ
ᠪᠠᠭᠠᠪᠠᠭᠠᠢ ᠭᠤᠸᠠᠢ ᠪᠠᠪᠠᠲᠤᠨᠠᠪᠠ᠃
ᠲᠠᠨ ᠪ ᠳᠤ ᠠᠵᠢᠯ ᠪᠠᠶ᠋ᠢᠨᠠ ᠤᠤ ᠭᠡᠵᠦ
ᠵᠢᠷᠲᠠᠭᠠᠢ ᠴᠢᠨᠣᠠ ᠵᠢᠷᠪᠠᠯᠵᠠᠪᠠ᠃
ᠨᠢᠲᠦᠨ ᠪ ᠰᠢᠯ ᠶ᠋ᠢᠡᠨ ᠵᠡᠭᠦᠭᠡᠳ
ᠨᠦᠰᠡᠷ ᠪᠠᠭᠠᠪᠠᠭᠠᠢ ᠬᠡᠯᠡᠪᠡ᠄
ᠠᠵᠢᠯ ᠡᠷᠢᠵᠦ ᠶᠠᠪᠤᠨᠠ ᠤᠤ?
ᠠᠰᠢᠭᠦᠢ ᠶᠠᠭᠤᠨ ᠰᠠᠶ᠋ᠢᠨ ᠶᠤᠮ ᠪᠤᠢ!
ᠢᠷᠵᠠᠶ᠋ᠢᠵᠤ ᠢᠨᠢᠶᠡᠬᠦ ᠶᠠᠭᠤ ᠪᠠᠶ᠋ᠢᠬᠤ ᠪᠤᠢ
ᠶᠠᠮᠠᠷ ᠠᠵᠢᠯ ᠳᠤ ᠰᠠᠨᠠᠬ᠋ᠠ ᠲᠠᠢ ᠪᠤᠢ?
ᠵᠢᠷᠲᠠᠭᠠᠢ ᠴᠢᠨᠣᠠ ᠮᠠᠭᠠᠰᠠᠭᠠᠨᠠᠭᠠᠳ
ᠵᠠᠯᠢᠲᠠᠢ ᠭᠡᠭᠴᠢ ᠪᠡᠷ ᠬᠡᠯᠡᠪᠡ᠃
ᠮᠠᠰᠢ ᠪᠠᠬ᠋ᠠ ᠨᠠᠰᠤᠨ ᠠ᠋ᠴᠠ ᠪᠠᠨ
ᠮᠠᠯ ᠪᠠᠷᠠᠲᠠᠭᠰᠠᠨ ᠪᠣᠯᠬᠣᠷ
ᠬᠣᠨᠢᠴᠢᠨ ᠪᠣᠯᠬᠤ ᠶ᠋ᠢ ᠬᠦᠰᠡᠵᠦ
ᠬᠣᠯᠠ ᠠ᠋ᠴᠠ ᠪᠢ ᠢᠷᠡᠯᠡ ᠭᠡᠪᠡ᠃
ᠠᠰᠢᠭᠦᠢ ᠶᠠᠭᠤᠨ ᠰᠠᠶ᠋ᠢᠨ ᠶᠤᠮ ᠪᠤᠢ
ᠠᠵᠠ ᠪᠠᠷ ᠴᠢ ᠬᠦᠷᠴᠦ ᠢᠷᠡᠵᠡᠢ᠃
ᠬᠣᠨᠢᠴᠢᠨ ᠪ ᠣᠷᠣᠨ ᠣᠩᠭᠣᠷᠬᠠᠢ᠁
ᠬᠣᠩᠭᠣᠷ ᠮᠢᠨᠢ ᠠᠵᠢᠯᠯᠠᠭᠠᠷᠠᠢ᠃
ᠣᠲᠣᠬᠠᠨ ᠠᠵᠢᠯ ᠢ ᠴᠢᠨᠢ
ᠣᠯᠤᠭᠠᠳ ᠥᠭᠭᠦᠶᠡ ᠴᠢᠮᠠ ᠳᠤ ᠭᠡᠳ
ᠨᠠᠷᠢᠨ ᠪᠢᠴᠢᠭ ᠦ᠋ᠨ ᠳᠠᠷᠤᠬ᠋ᠠ ᠪᠠᠨ
ᠪᠦᠲᠦᠭᠦᠨ ᠪᠠᠭᠠᠪᠠᠭᠠᠢ ᠳᠠᠭᠤᠲᠠᠯᠠ
ᠬᠠᠷᠪᠢᠩ ᠤᠨᠵᠢᠬᠰᠠᠨ ᠭᠠᠬᠠᠢ
ᠬᠠᠭᠠᠯᠬ᠋ᠠ ᠪᠠᠷ ᠳᠥᠩᠭᠡᠵᠦ ᠴᠣᠬᠤᠶ᠋ᠢᠯᠠ
ᠬᠦᠨᠲᠦᠲᠦ ᠴᠢᠨᠣᠠ ᠶ᠋ᠢᠨ ᠠᠨᠺᠸᠭᠧ ①
ᠬᠦᠰᠦᠨᠦᠭᠲᠦ ᠳᠡᠭᠡᠷᠡ ᠪᠡᠨ ᠪᠦᠷᠢᠤᠠᠬᠡᠵᠦ
ᠳᠠᠷᠤᠢ ᠬᠣᠨᠢᠴᠢᠨ ᠶ᠋ᠢᠠᠷ ᠠᠪᠬᠤ
ᠳᠠᠷᠤᠬ᠋ᠠ ᠶ᠋ᠢᠨ ᠲᠤᠰᠢᠶᠠᠯ ᠪᠢᠴᠢ! ᠭᠡᠵᠦ
ᠪᠣᠯᠪᠠᠰᠤᠨ ᠬᠦᠴᠦᠨ ᠪ ᠡᠷᠬᠢᠯᠡᠭᠴᠢ
ᠪᠣᠷᠣ ᠪᠠᠭᠠᠪᠠᠭᠠᠢ ᠲᠤᠰᠢᠶᠠᠯᠠ᠃
ᠪᠦᠲᠦᠭᠦᠨ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠯᠲᠠᠷ
ᠪᠦᠬᠦ ᠣᠢ ᠪᠠᠷ ᠲᠠᠷᠬᠠᠯᠠ᠃
ᠡᠷᠭᠦᠲᠡᠯ ᠪᠠᠷᠢᠬᠰᠠᠨ ᠠᠮᠢᠲᠠᠳ
ᠡᠲᠦᠷ ᠪᠦᠷᠢ ᠴᠤᠪᠤᠯᠠ᠃
ᠠᠷᠭᠠᠲᠤ ᠰᠢᠷᠠ ᠦᠨᠡᠭᠡ
ᠠᠯᠲᠠ ᠡᠷᠭᠦᠲᠡᠯ ᠪᠠᠷᠢᠭᠠᠳ
ᠠᠵᠤ ᠠᠬᠤᠢ ᠳᠤ ᠳᠠᠬᠢᠶᠠᠴᠢᠨ ᠶ᠋ᠢᠠᠷ
ᠠᠪᠤᠨᠠ ᠤᠤ ᠭᠡᠵᠦ ᠢᠷᠡᠯᠡ᠃
ᠤᠬᠤᠨᠠ ᠭᠤᠸᠠᠢ ᠬᠦᠷᠲᠡᠯᠡ
ᠤᠷᠲᠤ ᠡᠷᠭᠦᠲᠡᠯ ᠬᠢᠭᠡᠳ
ᠠᠵᠤ ᠠᠬᠤᠢ ᠳ᠋ᠤ ᠴᠡᠪᠡᠷᠯᠡᠭᠴᠢ ᠪᠡᠷ
ᠠᠵᠢᠯᠯᠠᠭᠤᠯ ᠭᠡᠵᠦ ᠭᠤᠶᠤᠯᠠ᠃
ᠬᠤᠯᠤᠭᠠᠨᠠ ᠬᠦᠦ ᠬᠦᠷᠲᠡᠯᠡ
ᠬᠤᠪᠢ ᠶ᠋ᠢᠨ ᠡᠷᠭᠦᠲᠡᠯ ᠪᠢᠴᠢᠭᠡᠳ
ᠠᠷᠬᠢᠸ ② ᠰᠺᠯᠠᠳ᠋ ③ ᠬᠣᠶᠠᠷ ᠦ᠋ᠨ
ᠠᠯᠢ ᠨᠢᠭᠡᠨ ᠳ᠋ᠤᠨᠢ ᠣᠷᠣᠶᠠ ᠭᠡᠪᠡ᠃
ᠡᠷᠭᠦᠲᠡᠯ ᠪᠠᠷᠢᠬᠰᠠᠨ ᠠᠮᠢᠲᠠᠳ
ᠥᠷᠥᠰᠢᠶᠡᠯ ᠬᠠᠶ᠋ᠢᠷᠠ ᠬᠦᠷᠲᠡᠯᠡ᠃
ᠪᠠᠭᠠᠪᠠᠭᠠᠢ ᠭᠤᠸᠠᠢ ᠴᠣᠬᠢᠵᠤ
ᠭᠠᠬᠠᠢ ᠭᠤᠸᠠᠢ ᠳᠠᠩᠰᠠᠯᠠᠵᠤ
ᠥᠪᠡᠷ ᠥᠪᠡᠷ ᠦ᠋ᠨ ᠬᠢᠨᠢ ᠬᠦᠰᠡᠭᠰᠡᠨ
ᠥᠨᠲᠥᠷ ᠲᠤᠰᠢᠶᠠᠯ ᠳᠤ ᠳᠡᠪᠰᠢᠭᠦᠯᠵᠡᠢ᠃
ᠲᠡᠷᠡ ᠪᠠᠭᠠᠪᠠᠭᠠᠢ ᠶ᠋ᠢᠨ ᠶᠠᠪᠤᠲᠠᠯ
ᠲᠡᠭᠡᠭᠡᠳ ᠶᠠᠭᠤ ᠪᠣᠯᠤᠭᠰᠠᠨ ᠨᠢ
ᠬᠡᠨ ᠬᠥᠮᠦᠨ ᠢᠯᠡᠷᠬᠡᠢ ᠲᠤᠯᠠ
ᠬᠡᠯᠡᠵᠦ ᠨᠤᠷᠰᠢᠭᠠᠳ ᠶᠠᠭᠠᠬᠢᠵᠤ ᠪᠤᠢ ᠳ᠋ᠠ᠃
— — — —
① ᠠᠨᠺᠸᠭᠧ – ᠪᠡᠶᠡ ᠶ᠋ᠢᠨ ᠪᠠᠶ᠋ᠢᠴᠠᠭᠠᠯᠲᠠ ᠶ᠋ᠢᠨ ᠬᠦᠰᠦᠨᠦᠭᠲᠦ
② ᠠᠷᠬᠢᠸ – ᠬᠠᠭᠤᠴᠢᠨ ᠳᠠᠩᠰᠠ ᠬᠠᠲᠠᠭᠠᠯᠠᠬᠤ ᠭᠠᠵᠠᠷ
③ ᠰᠺᠯᠠᠳ᠋ – ᠠᠭᠤᠯᠬᠤ ᠬᠥᠮᠥᠷᠭᠡ
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠪᠠᠭᠠᠲᠤᠷ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠣᠨ ᠪ 7 ᠰᠠᠷᠠ ᠶ᠋ᠢᠨ 4