ᠣᠷᠳᠣᠰ ᠤ᠋ᠨ ᠢᠵᠠᠭᠤᠷ ᠬᠤᠷᠢᠮ ᠤ᠋ᠨ ᠬᠤᠷ ᠰᠠᠭᠠᠳᠠᠭ ᠤ᠋ᠨ ᠣᠩᠭᠣᠨ ᠠᠵᠢᠷᠭᠠᠨ ᠤ᠋ ᠢᠷᠦᠭᠡᠯОрдсын язгуур хурмын хор саадган онгон азарганы ерөөл
341ᠣᠷᠳᠣᠰ ᠤ᠋ᠨ ᠢᠵᠠᠭᠤᠷ ᠬᠤᠷᠢᠮ ᠤ᠋ᠨ ᠬᠤᠷ ᠰᠠᠭᠠᠳᠠᠭ ᠤ᠋ᠨ ᠣᠩᠭᠣᠨ ᠠᠵᠢᠷᠭᠠᠨ ᠤ᠋ ᠢᠷᠦᠭᠡᠯ
ᠬᠣᠨᠵᠢᠨ ᠢᠷᠦᠭᠡᠯᠴᠢ᠄ ᠬᠡᠷᠡᠢᠳ ᠪᠠ᠂ ᠬᠡᠢᠷᠦᠪ
ᠤᠸᠮ ᠠ ᠬᠣᠩ ᠤᠸᠮ ᠠ ᠬᠣᠩ ᠤᠸᠮ ᠰᠠᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠰᠠᠩᠮᠠᠢ ᠳᠤᠮᠳᠠ ᠪᠠᠨ ᠰᠠᠷᠠ ᠲᠠᠢ
ᠰᠠᠷᠠᠨ ᠳᠡᠭᠡᠷᠡ ᠪᠡᠨ ᠨᠠᠷᠠ ᠲᠠᠢ
ᠯᠣᠪᠣᠨ ᠭᠠᠷᠪᠤ ᠶ᠋ᠢᠨ ᠲᠠᠮᠠᠭᠠ ᠲᠠᠢ
ᠯᠤᠤᠰ ᠤ᠋ᠨ ᠬᠠᠭᠠᠨ ᠤ᠋ ᠰᠡᠲᠡᠷ ᠲᠡᠢ
ᠵᠠᠭᠠᠨ ᠮᠡᠲᠦ ᠶᠡᠬᠡ ᠲᠣᠯᠣᠭᠠᠢ ᠲᠠᠢ
ᠵᠢᠭᠠᠰᠤᠨ ᠮᠡᠲᠦ ᠡᠷᠢᠶᠡᠨ ᠲᠠᠩᠨᠠᠢ ᠲᠠᠢ
ᠴᠢᠨᠣᠠ ᠶ᠋ᠢᠨ ᠬᠣᠶᠠᠷ ᠴᠢᠬᠢ ᠲᠡᠢ
ᠴᠣᠯᠮᠣᠨ ᠬᠣᠶᠠᠷ ᠨᠢᠳᠦ ᠲᠡᠢ
ᠴᠣᠮᠪᠣᠨ ᠳᠥᠷᠪᠡᠨ ᠲᠤᠭᠤᠷᠠᠢ ᠲᠠᠢ
ᠲᠠᠰᠠᠮᠠ ᠶ᠋ᠢᠨ ᠳᠡᠯ ᠲᠡᠢ
ᠰᠣᠯᠣᠩᠭᠠ ᠶ᠋ᠢᠨ ᠰᠡᠭᠦᠯ ᠲᠡᠢ
ᠦᠶᠡ ᠪᠦᠷᠢ ᠳ᠋ᠡᠭᠡᠨ ᠦᠰᠦ ᠲᠡᠢ
ᠦᠰᠦ ᠪᠦᠷᠢ ᠳ᠋ᠡᠭᠡᠨ ᠠᠯᠲᠠ ᠲᠠᠢ
ᠡᠷᠳᠡᠨᠢ ᠶ᠋ᠢᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ
ᠡᠷᠳᠡᠨᠢᠲᠦ ᠬᠦᠯᠦᠭ ᠮᠣᠷᠢ ᠶ᠋ᠢ ᠴᠢᠨᠢ
ᠡᠯᠳᠡᠪ ᠦ᠋ᠨ ᠠᠮᠲᠠᠲᠤ ᠢᠳᠡᠭᠡᠨ ᠤᠮᠳᠠᠭᠠᠨ
ᠰᠦᠨ ᠰᠠᠷᠬᠤᠳ ᠢ᠋ᠶ᠋ᠠᠷ ᠢᠷᠦᠭᠡᠵᠦ ᠮᠢᠯᠢᠶᠠᠮᠤᠢ!
ᠥᠷᠭᠡᠵᠢᠨ ᠪᠠᠶᠠᠵᠢᠬᠤ ᠥᠷᠭᠡᠨ ᠲᠥᠷᠥᠯ ᠦ᠋ᠨ
ᠲᠥᠪ ᠳᠤᠮᠳᠠ ᠡᠩᠬᠡ ᠶᠠᠪᠤᠵᠤ
ᠴᠡᠩᠭᠡᠨ ᠵᠢᠷᠭᠠᠬᠤ ᠶ᠋ᠢᠨ ᠪᠡᠯᠭᠡ ᠲᠡᠢ ᠪᠣᠯᠲᠤᠭᠠᠢ!
ᠲᠡᠷᠡ ᠪᠡᠯᠭᠡ ᠪᠡᠷ ᠪᠣᠯᠲᠤᠭᠠᠢ!
2008 ᠣᠨ ᠤ᠋7 ᠰᠠᠷᠠ ᠶ᠋ᠢᠨ19 ᠦ᠌ ᠡᠳᠦᠷ
※ ᠲᠠᠢᠯᠪᠤᠷᠢ᠄
ᠭᠠᠷᠴᠠᠭ ᠲᠤ᠌᠂ ᠢᠵᠠᠭᠤᠷ ᠤ᠋ᠨ ᠰᠠᠭᠠᠳᠠᠭ ᠲᠤ᠌ ᠰᠢᠨᠡ ᠬᠦᠷᠭᠡᠨ ᠬᠦᠦ ᠨᠤᠮᠤ ᠰᠠᠭᠠᠳᠠᠭ ᠢ᠋ᠶ᠋ᠠᠨ ᠪᠦᠰᠡᠯᠡᠵᠦ ᠣᠩᠭᠣᠨ ᠠᠵᠢᠷᠭᠠ ᠤᠨᠤᠵᠤ ᠰᠥᠨᠢ ᠪᠡᠷ ᠶᠠᠪᠤᠵᠤ ᠰᠢᠨᠡ ᠪᠡᠷᠢ ᠪᠡᠨ ᠪᠠᠭᠤᠯᠭᠠᠬᠤ ᠪᠠᠷ ᠶᠠᠪᠤᠳᠠᠭ ᠵᠠᠩ ᠢ᠋ ᠤᠯᠠᠮᠵᠢᠯᠠᠨ ᠦᠯᠡᠳᠡᠭᠡᠬᠦ ᠶ᠋ᠢᠨ ᠡᠭᠦᠳᠡᠨᠡᠴᠡ ᠨᠡᠮᠡᠯᠲᠡ ᠣᠷᠣᠭᠤᠯᠪᠠ᠃ *ᠭᠣᠣᠯ ᠳ᠋ᠤ᠌ ᠨᠢ ᠰᠢᠩᠭᠡᠭᠡᠯᠲᠡ ᠶ᠋ᠢᠨ ᠠᠯᠳᠠᠭᠳᠠᠯ ᠠ᠋ᠴᠠ ᠨᠢᠭᠡ ᠮᠥᠷ ᠦᠭᠡ ᠶ᠋ᠢ ᠨᠡᠮᠡᠵᠦ ᠣᠷᠣᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ
ᠦᠰᠦᠭ ᠬᠠᠳᠠᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ
ᠦᠰᠦᠭ ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠡ᠂ ᠲᠣᠳᠣᠭᠡᠷᠡᠯ