ᠬᠠᠷᠭᠠᠨᠠ ᠶ᠋ᠢᠨ ᠲᠦᠮᠡᠨ ᠬᠡᠭᠡᠷ-ᠣᠷᠳᠣᠰ ᠭᠦᠷᠦ ᠳᠠᠭᠤᠤ004Харганын түмэн хээр
374ᠬᠠᠷᠭᠠᠨᠠ ᠶ᠋ᠢᠨ ᠲᠦᠮᠡᠨ ᠬᠡᠭᠡᠷ
ᠬᠠᠷᠭᠠᠨᠠ ᠶ᠋ᠢᠨ ᠲᠦᠮᠡᠨ ᠬᠡᠭᠡᠷ ᠢ᠋ ᠪᠡᠨ
ᠬᠠᠨᠠᠷᠠᠭᠤᠯᠵᠤ ᠮᠣᠷᠳᠠᠶᠠ ᠳ᠋ᠣᠣ
ᠬᠠᠷᠠᠩᠭᠤᠢ ᠪᠦᠷᠦᠢ ᠶ᠋ᠢᠨ ᠦᠶᠡᠰ ᠲᠦ᠍
ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠠᠷᠠ ᠶ᠋ᠢ ᠬᠠᠷᠠᠯᠠ ᠳ᠋ᠣᠣ
ᠠᠪᠤ ᠲᠠᠢ ᠪᠠᠨ ᠦᠷᠡ ᠨᠢ
ᠠᠷᠲᠤ ᠲᠣᠷᠭᠠᠨ ᠨᠢ ᠠᠳᠠᠯᠢᠬᠠᠨ
ᠠᠪᠤ ᠨᠢ ᠦᠭᠡᠢ ᠦᠷᠡ ᠨᠢ
ᠠᠬᠠ ᠳᠡᠭᠦᠦ ᠶ᠋ᠢᠨ ᠲᠣᠷᠤᠮᠵᠢ
ᠡᠵᠢ ᠲᠡᠢ ᠪᠡᠨ ᠦᠷᠡ ᠨᠢ
ᠡᠩᠲᠦ ᠲᠣᠷᠭᠠᠨ ᠨᠢ ᠠᠳᠠᠯᠢᠬᠠᠨ
ᠡᠵᠢ ᠨᠢ ᠦᠭᠡᠢ ᠦᠷᠡ ᠨᠢ
ᠡᠭᠡᠴᠢ ᠳᠡᠭᠦᠦ ᠶ᠋ᠢᠨ ᠲᠣᠷᠣᠮᠵᠢ
ᠬᠥᠨᠳᠡᠢ ᠳᠤᠮᠳᠠ ᠪᠠᠨ ᠤᠷᠭᠤᠭᠰᠠᠨ
ᠬᠦᠦᠨᠡᠨ ᠴᠡᠴᠡᠭ ᠬᠥᠭᠡᠷᠦᠬᠦᠢ
ᠬᠥᠮᠦᠨ ᠦ᠌ ᠭᠠᠵᠠᠷ ᠲᠤ᠌ ᠥᠭᠭᠦᠭᠰᠡᠨ
ᠬᠡᠦᠬᠡᠨ ᠦᠷᠡ ᠯᠡ ᠬᠥᠭᠡᠷᠦᠬᠦᠢ
ᠣᠯᠠᠨ ᠲᠦᠮᠡᠨ ᠬᠡᠭᠡᠷ ᠢ᠋ ᠪᠡᠨ
ᠣᠨ ᠤ᠋ ᠵᠠᠮ ᠳ᠋ᠤ᠌ ᠪᠠᠨ ᠤᠨᠤᠶᠠ ᠳ᠋ᠣᠣ
ᠣᠷᠣᠢ ᠪᠦᠷᠦᠢ ᠶ᠋ᠢᠨ ᠦᠶᠡᠰ ᠲᠦ᠍
ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠠᠷᠠ ᠶ᠋ᠢ ᠬᠠᠷᠠᠯᠠ ᠳ᠋ᠣᠣ
ᠠᠷᠳᠠᠭ ᠬᠣᠯᠠ ᠶ᠋ᠢᠨ ᠤᠨᠠᠭᠠ ᠨᠢ
ᠠᠴᠢᠲᠤ ᠠᠪᠤ ᠶ᠋ᠢᠨ ᠪᠤᠶᠠᠨ ᠰᠢᠦ
ᠠᠯᠤᠰ ᠲᠤ᠌ ᠪᠠᠨ ᠰᠤᠷᠬᠤ ᠰᠤᠷᠭᠠᠯ ᠨᠢ
ᠠᠳᠠᠭ ᠮᠠᠭᠤ ᠳ᠋ᠠᠭᠠᠨ ᠰᠤᠷᠤᠭᠰᠠᠨ ᠦᠭᠡᠢ
ᠬᠡᠷᠳᠡᠭ ᠬᠣᠯᠠ ᠶ᠋ᠢᠨ ᠤᠨᠠᠭᠠ ᠨᠢ
ᠬᠡᠷᠬᠡᠮᠲᠦ ᠠᠪᠤ ᠶ᠋ᠢᠨ ᠪᠤᠶᠠᠨ ᠰᠢᠦ
ᠬᠡᠵᠢᠶᠡᠳᠡ ᠳ᠋ᠦ᠍ ᠪᠡᠨ ᠰᠤᠷᠬᠤ ᠰᠤᠷᠭᠠᠯ ᠨᠢ
ᠬᠡᠷᠳᠡᠭ ᠮᠠᠭᠤ ᠳ᠋ᠠᠭᠠᠨ ᠰᠤᠷᠤᠭᠰᠠᠨ ᠦᠭᠡᠢ
ᠠᠷᠭᠠ ᠲᠠᠢ ᠨᠢ ᠴᠦ᠍ ᠪᠣᠯᠤᠶᠠ ᠳᠠ
ᠠᠪᠤ ᠲᠠᠢ ᠪᠠᠨ ᠰᠠᠭᠤᠶᠠ ᠳᠠ
ᠬᠡᠷᠬᠡᠮ ᠲᠡᠢ ᠴᠦ᠍ ᠪᠣᠯᠤᠶᠠ ᠳᠠ
ᠬᠡᠪᠢᠰ ᠳᠡᠭᠡᠷᠡ ᠪᠡᠨ ᠰᠠᠭᠤᠶᠠ ᠳᠠ
ᠢᠷᠦᠭᠡᠯ ᠲᠡᠢ ᠨᠢ ᠴᠦ᠍ ᠪᠣᠯᠤᠶᠠ ᠳᠠ
ᠡᠵᠢ ᠲᠡᠢ ᠪᠡᠨ ᠰᠠᠭᠤᠶᠠ ᠳᠠ
ᠡᠷᠳᠡᠮ ᠲᠡᠢ ᠴᠦ᠍ ᠪᠣᠯᠤᠶᠠ ᠳᠠ
ᠣᠯᠪᠣᠭ ᠳᠡᠭᠡᠷᠡ ᠪᠡᠨ ᠰᠠᠭᠤᠶᠠ ᠳᠠ
ᠡᠵᠢ ᠲᠡᠢ ᠪᠡᠨ ᠢᠨᠵᠠᠭᠠ ᠨᠢ
ᠡᠷᠭᠢ ᠪᠡᠨ ᠳᠠᠭᠠᠭᠠᠳ ᠳᠡᠭᠰᠢᠨᠡ ᠳᠡ
ᠡᠵᠢ ᠨᠢ ᠦᠭᠡᠢ ᠢᠨᠵᠠᠭᠠ ᠨᠢ
ᠡᠢᠰᠢ ᠳᠠᠢᠰᠢ ᠪᠠᠨ ᠬᠠᠢᠨᠠ᠃