ᠠᠷᠠᠳ ᠦᠨ ᠠᠮᠠᠨ ᠵᠣᠬᠢᠶᠠᠯ ᠢ᠋ ᠴᠢᠬᠤᠯᠠᠴᠢᠯᠠᠨ ᠵᠢᠭᠠᠬᠤ ᠶ᠋ᠢᠨ ᠤᠴᠢᠷАрдын аман зохилыг чухалчлан заахын очир
318ᠠᠷᠠᠳ ᠦᠨ ᠠᠮᠠᠨ ᠵᠣᠬᠢᠶᠠᠯ ᠢ᠋ ᠴᠢᠬᠤᠯᠠᠴᠢᠯᠠᠨ ᠵᠢᠭᠠᠬᠤ ᠶ᠋ᠢᠨ ᠤᠴᠢᠷ
ᠠᠷᠠᠳ ᠊ᠣᠨ ᠠᠮᠠᠨ ᠵᠣᠬᠢᠶᠠᠯ ᠢ᠋ ᠴᠢᠬᠤᠯᠠᠴᠢᠯᠠᠨ ᠵᠢᠭᠠᠬᠤ ᠶ᠋ᠢᠨ ᠤᠴᠢᠷ
ᠰᠢᠯᠢ ᠶ᠋ᠢᠨ ᠭᠣᠣᠯ ᠠᠢᠮᠠᠭ ᠊ᠣᠨ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠊ᠣ᠌ ᠮᠣᠩᠭᠣᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠰᠠᠢᠨᠪᠠᠶᠠᠷ
ᠠᠩᠬᠠ ᠳᠤᠮᠳᠠᠳᠤ᠂ ᠳᠡᠭᠡᠳᠦ ᠳᠤᠮᠳᠠᠳᠤ ᠶ᠋ᠢᠨ ᠰᠤᠷᠬᠤ ᠪᠢᠴᠢᠭ ᠲᠦ᠍ 《ᠵᠠᠩᠭᠠᠷ 》᠂《ᠭᠡᠰᠡᠷ》᠁ ᠵᠡᠷᠭᠡ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠠ᠋ᠴᠠ ᠠᠷᠪᠠ ᠭᠠᠷᠤᠢ ᠡᠷᠲᠡᠨ ᠊ᠥ ᠠᠮᠠᠨ ᠵᠣᠬᠢᠶᠠᠯ ᠊ᠣᠳ ᠰᠣᠩᠭᠣᠭᠳᠠᠭᠰᠠᠨ ᠪᠠᠢᠨᠠ᠃
ᠡᠷᠲᠡᠨ ᠊ᠥ ᠠᠮᠠᠨ ᠵᠣᠬᠢᠶᠠᠯ ᠊ᠤᠨ ᠰᠣᠩᠭᠣᠭᠳᠠᠭᠰᠠᠨ ᠬᠠᠷᠢᠴᠠᠯ ᠨᠢ ᠪᠠᠭᠠ ᠪᠣᠯᠪᠠᠴᠤ ᠥᠪᠡᠷ ᠊ᠥ᠍ᠨ ᠬᠢᠨᠢ ᠬᠠᠭᠤᠳᠠᠰᠤ ᠬᠡᠮᠵᠢᠶᠡ ᠨᠢ ᠠᠷᠪᠢᠨ ᠪᠥᠭᠡᠳ ᠭᠦᠨ ᠤᠬᠠᠭᠠᠯᠢᠭ᠋᠂ ᠰᠠᠨᠠᠭᠠ ᠪᠠᠶᠠᠯᠢᠭ᠂ ᠤᠷᠠᠯᠢᠭ᠋ ᠊ᠣᠨ ᠣᠨᠴᠠᠯᠢᠭ᠋ ᠭᠣᠢᠳᠠ ᠰᠠᠢᠬᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠡᠯᠡᠬᠡᠢ ᠶ᠋ᠢᠨ ᠤᠷᠠᠨ ᠵᠣᠬᠢᠶᠠᠯ ᠊ᠣᠨ ᠲᠠᠪᠴᠠᠩ
ᠢ᠋ ᠴᠢᠮᠡᠭᠯᠡᠵᠦ ᠪᠠᠶ᠋ᠢᠭᠠ ᠶᠤᠮ᠃
ᠭᠡᠲᠡᠯᠡ ᠪᠣᠳᠠᠲᠠᠢ ᠵᠢᠭᠠᠨ ᠰᠤᠷᠭᠠᠬᠤ ᠶᠠᠪᠤᠴᠠ ᠳ᠋ᠤ᠌ ᠪᠠᠨ ᠬᠦᠨᠳᠦᠳᠬᠡᠬᠦ ᠦᠭᠡᠢ ᠬᠢᠴᠢᠶᠡᠯᠯᠡᠭᠡ ᠵᠥᠩᠳᠡᠭᠡᠨ ᠲᠣᠬᠢᠶᠠᠯᠳᠤᠭᠠᠳ ᠯᠠ ᠪᠠᠢᠳᠠᠭ᠃
ᠡᠷᠲᠡᠨ ᠊ᠥ ᠠᠮᠠᠨ ᠵᠣᠬᠢᠶᠠᠯ ᠨᠢ ᠰᠤᠷᠤᠭᠴᠢᠳ ᠊ᠤᠨ ᠬᠤᠪᠢ ᠳ᠋ᠤ᠌ ᠤᠩᠰᠢᠬᠤ ᠳ᠋ᠤ᠌ ᠣᠢᠯᠠᠭᠠᠮᠵᠢ ᠪᠠᠷ ᠪᠠᠷᠤᠭᠲᠠᠢ ᠤᠩᠰᠢᠪᠤᠷᠢ ᠦᠭᠡᠢ᠃ ᠤᠴᠢᠷ ᠨᠢ ᠬᠡᠯᠡ ᠬᠡᠯᠡᠯᠭᠡ ᠰᠤᠨᠵᠢᠷᠠᠭᠤᠨ ᠪᠥᠭᠡᠳ ᠣᠢᠯᠠᠭᠠᠮᠵᠢ ᠪᠠᠷ ᠪᠠᠷᠤᠭᠲᠠᠢ᠂ ᠬᠠᠭᠤᠳᠠᠰᠤ ᠬᠡᠮᠵᠢᠶᠡ ᠨᠢ ᠤᠷᠲᠤ ᠪᠠᠢᠳᠠᠭ ᠠ᠋ᠴᠠ ᠶᠡᠬᠡ ᠬᠠᠰᠢᠷᠠᠭᠠᠨ ᠲᠠᠢ ᠶᠤᠮ᠃ ᠪᠠᠭᠰᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠤᠩᠰᠢᠭᠠᠳ ᠠᠭᠤᠯᠭᠠ ᠶ᠋ᠢ ᠨᠢ ᠶᠠᠷᠢᠭᠠᠳ ᠥᠭᠪᠡᠯ ᠪᠣᠯᠴᠢᠬᠠᠨᠠ ᠭᠡᠳᠡᠭ ᠲᠦᠭᠦᠬᠡᠢ ᠪᠣᠳᠣᠯ ᠲᠠᠢ ᠬᠢᠴᠢᠶᠡᠯᠯᠡᠭᠡ ᠨᠢ ᠪᠠᠭᠰᠢ ᠰᠤᠷᠤᠭᠴᠢ ᠲᠠᠢ ᠪᠠᠨ ᠪᠦᠬᠦᠯᠢ ᠬᠣᠶᠠᠷ ᠴᠠᠭ ᠊ᠣᠨ ᠤᠩᠰᠢᠯᠭᠠ ᠬᠢᠵᠡᠭᠡᠭᠡᠳ ᠳᠡᠮᠡᠢ ᠴᠦ᠍ ᠶᠠᠭᠤᠮᠠ ᠦᠭᠡᠢ ᠰᠤᠷᠤᠭᠰᠠᠨ ᠲᠡᠳᠦᠢ ᠥᠩᠭᠡᠷᠡᠭᠡᠳ ᠯᠡ ᠪᠠᠷᠠᠳᠠᠭ ᠬᠢᠴᠢᠶᠡᠯᠯᠡᠭᠡ ᠨᠦ᠍ᠭᠦᠳ ᠨᠢ ᠪᠢᠳᠡᠨ ᠳ᠋ᠦ᠍ ᠶᠡᠬᠡ ᠣᠯᠠᠨ ᠬᠠᠷᠠᠮᠰᠠᠯ ᠢ᠋ ᠦᠯᠡᠳᠡᠭᠡᠯᠡ᠃
ᠪᠠᠭᠠᠲᠤᠷᠯᠢᠭ᠋ ᠲᠤᠤᠯᠢ ᠪᠣᠯ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠊ᠥ ᠡᠷᠲᠡᠨ ᠊ᠥ ᠤᠷᠠᠨ ᠵᠣᠬᠢᠶᠠᠯ ᠊ᠣᠨ ᠲᠡᠦᠬᠡᠨ ᠳ᠋ᠦ᠍ ᠴᠢᠬᠤᠯᠠ ᠪᠠᠢᠷᠢ ᠶ᠋ᠢ ᠡᠵᠡᠯᠡᠬᠦ ᠪᠡᠷ ᠪᠠᠷᠠᠬᠤ ᠦᠭᠡᠢ ᠳᠡᠯᠡᠬᠡᠢ ᠶ᠋ᠢᠨ ᠵᠣᠬᠢᠶᠠᠯ ᠊ᠣᠨ ᠲᠠᠪᠴᠠᠩ ᠳ᠋ᠤ᠌ ᠥᠪᠡᠷ ᠊ᠥ᠍ᠨ ᠥᠩᠭᠡ ᠭᠢᠯᠪᠠᠭᠠ ᠪᠠᠨ ᠰᠠᠴᠤᠷᠠᠭᠤᠯᠤᠭᠰᠠᠨ ᠠᠭᠤᠤ ᠪᠦᠲᠦᠭᠡᠯ
ᠪᠣᠯᠬᠤ ᠶᠤᠮ ᠭᠡᠵᠦ ᠣᠨᠣᠯ ᠤᠬᠠᠭᠳᠠᠬᠤᠨ ᠢ᠋ᠶ᠋ᠠᠷ ᠨᠢ ᠭᠣᠶᠣ ᠰᠠᠢᠬᠠᠨ ᠶᠠᠷᠢᠵᠤ ᠬᠡᠯᠡᠵᠡᠭᠡᠳᠡᠭ ᠪᠣᠯᠪᠠᠴᠤ ᠪᠣᠳᠠᠲᠠᠢ ᠬᠢᠴᠢᠶᠡᠯᠯᠡᠭᠡ ᠶ᠋ᠢᠨ ᠶᠠᠪᠤᠴᠠ ᠳ᠋ᠤ᠌ ᠳᠡᠮᠡᠢ ᠣᠨᠣᠯᠲᠠ ᠦᠭᠡᠢ ᠶ᠋ᠢ ᠠᠩᠬᠠᠷᠬᠤ ᠴᠢᠬᠤᠯᠠ ᠬᠡᠷᠡᠭᠲᠡᠢ ᠪᠣᠯᠵᠠᠢ᠃
ᠪᠠᠭᠠᠲᠤᠷᠯᠢᠭ᠋ ᠲᠤᠤᠯᠢ ᠳ᠋ᠤ᠌ ᠭᠣᠣᠯᠳᠠᠭᠤ ᠲᠠᠯᠠ ᠶ᠋ᠢᠨ ᠮᠠᠯᠴᠢᠳ ᠪᠠ ᠣᠢ ᠶ᠋ᠢᠨ ᠠᠩᠴᠢᠳ ᠤ᠋ᠨ ᠠᠵᠤ ᠠᠮᠢᠳᠤᠷᠠᠯ ᠬᠢᠭᠡᠳ ᠪᠣᠳᠣᠯ ᠰᠠᠨᠠᠭᠠ᠂ᠬᠦᠰᠡᠯ ᠮᠥᠷᠥᠭᠡᠳᠦᠯ᠂ ᠠᠮᠢᠳᠤᠷᠠᠯ ᠤ᠋ᠨ ᠭᠦᠨ ᠤᠬᠠᠭᠠᠨ᠂ ᠬᠡᠯᠡᠨ ᠦ᠌ ᠤᠷᠠᠯᠢᠭ᠂ ᠦᠨᠳᠦᠰᠦᠲᠡᠨ ᠦ᠌ ᠦᠵᠡᠯ ᠰᠠᠨᠠᠭᠠ ᠶ᠋ᠢ ᠠᠮᠢᠳᠤᠯᠢᠭ᠋ ᠳᠦᠷᠰᠦᠯᠢᠭ ᠰᠠᠢᠬᠠᠨ ᠰᠢᠯᠦᠭᠯᠢᠭ ᠬᠡᠯᠡ ᠬᠡᠯᠡᠯᠭᠡ᠂ ᠠᠢᠵᠠᠮ ᠴᠣᠬᠢᠯᠭᠠ ᠲᠠᠢ ᠮᠥᠷ ᠪᠠᠳᠠᠭ᠂ ᠡᠷᠲᠡᠨ ᠦ᠌ ᠰᠣᠩᠭᠣᠳᠠᠭ ᠰᠠᠢᠬᠠᠨ ᠬᠡᠯᠡ ᠬᠡᠯᠡᠯᠭᠡ᠂ ᠰᠡᠳᠬᠢᠯᠭᠡ ᠪᠢᠯᠬᠠᠮᠠ᠂ ᠤᠷᠠᠨ ᠨᠠᠢᠷᠠᠭᠤᠯᠭᠠ ᠶ᠋ᠢᠨ ᠣᠷᠣᠭᠤᠯᠤᠯ᠂ ᠳᠠᠪᠠᠭᠤᠯᠤᠯ᠂ ᠵᠡᠷᠭᠡᠴᠡᠭᠦᠯᠦᠯ᠂ ᠵᠦᠢᠷᠯᠡᠯ᠂ ᠮᠥᠷ ᠪᠠᠳᠠᠭ ᠲᠠᠭᠠᠨ ᠦᠭᠡ ᠶ᠋ᠢ ᠤᠳᠬᠠ ᠢᠵᠢᠯᠰᠢᠭᠦᠯᠬᠦ᠁ ᠵᠡᠷᠭᠡ ᠤᠷᠠᠯᠢᠭ᠋ ᠤ᠋ᠨ ᠣᠨᠴᠠᠯᠢᠭ᠋ ᠢ᠋ ᠬᠠᠳᠠᠭᠠᠯᠠᠭᠰᠠᠨ ᠠ᠋ᠴᠠ ᠳᠡᠯᠡᠬᠡᠢ ᠶ᠋ᠢᠨ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠲᠠᠪᠴᠠᠩ ᠳ᠋ᠤ᠌ ᠥᠪᠡᠷ ᠦ᠋ᠨ ᠥᠩᠭᠡ ᠭᠢᠯᠪᠠᠭᠠ ᠪᠠᠨ ᠰᠠᠴᠤᠷᠠᠭᠤᠯᠤᠭᠰᠠᠨ ᠠᠭᠤᠤ ᠪᠦᠲᠦᠭᠡᠯ ᠪᠣᠯᠬᠤ ᠶᠤᠮ᠃
ᠡᠢᠮᠦ ᠡᠴᠡ ᠪᠡᠨ ᠪᠣᠳᠠᠲᠠᠢ ᠵᠢᠭᠠᠨ ᠰᠤᠷᠭᠠᠬᠤ ᠳ᠋ᠤ᠌ ᠪᠠᠨ ᠡᠳᠡᠭᠡᠷ ᠣᠨᠴᠠᠯᠢᠭ᠋ ᠢ᠋ ᠠᠮᠢᠳᠤᠯᠢᠭ᠋ ᠰᠠᠢᠬᠠᠨ ᠵᠢᠭᠠᠵᠤ᠂ ᠬᠡᠦᠬᠡᠳ ᠦ᠋ᠨ ᠣᠶᠤᠨ ᠰᠠᠨᠠᠭᠠᠨ ᠳ᠋ᠤ᠌ ᠪᠠᠭᠠᠲᠤᠷᠯᠢᠭ᠋ ᠲᠤᠤᠯᠢ ᠶ᠋ᠢᠨ ᠣᠬᠢ ᠰᠢᠮᠡ ᠶ᠋ᠢ ᠬᠠᠳᠠᠩᠰᠢᠭᠤᠯᠤᠨ ᠰᠢᠩᠭᠡᠭᠡᠵᠦ ᠵᠢᠭᠠᠨ ᠥᠭᠬᠦ ᠬᠡᠷᠡᠭᠲᠡᠢ᠃
ᠠᠷᠠᠳ ᠤ᠋ᠨ ᠠᠮᠠᠨ ᠵᠣᠬᠢᠶᠠᠯ ᠊ᠢ ᠬᠡᠷᠬᠢᠨ ᠵᠢᠭᠠᠭᠰᠠᠨ ᠲᠤᠷᠰᠢᠯᠭᠠ ᠪᠠᠨ ᠳᠥᠷᠪᠡᠨ ᠲᠠᠯᠠ ᠪᠠᠷ ᠰᠢᠨᠵᠢᠯᠡᠨ ᠵᠠᠳᠠᠯᠤᠨ ᠶᠠᠷᠢᠶᠠ!
ᠨᠢᠭᠡ᠂ ᠠᠮᠠᠨ ᠵᠣᠬᠢᠶᠠᠯ ᠳ᠋ᠠᠬᠢ ᠡᠷᠲᠡᠨ ᠦ᠌ ᠮᠣᠩᠭᠣᠯᠴᠤᠳ ᠤ᠋ᠨ ᠪᠡᠶᠡᠯᠢᠭ ᠰᠠᠢᠬᠠᠨ ᠠᠮᠢᠳᠤ ᠳᠦᠷᠰᠦᠯᠢᠭ ᠠᠮᠠᠨ ᠶᠠᠷᠢᠶᠠ᠂ ᠪᠠᠭᠠᠲᠤᠷᠯᠢᠭ᠋ ᠵᠣᠷᠢᠭ ᠰᠠᠨᠠᠭᠠ᠂ ᠰᠡᠴᠡᠨ ᠰᠡᠷᠭᠦᠯᠡᠩ ᠠᠪᠬᠠᠯᠵᠢ ᠤᠬᠠᠭᠠᠨ ᠢ᠋ ᠰᠢᠨᠵᠢᠯᠡᠨ ᠰᠤᠳᠤᠯᠤᠨ ᠵᠢᠭᠠᠶᠠ!
ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠲᠠᠪᠤᠳᠤᠭᠠᠷ ᠣᠨ ᠤ᠋ ᠳᠡᠭᠡᠳᠦ ᠳᠡᠪᠲᠡᠷ ᠲᠦ᠍ 《ᠮᠣᠭᠵᠤᠭᠤᠠᠠᠠᠨ ᠳᠠᠭᠠ ᠲᠠᠢ ᠵᠣᠭᠵᠤᠭᠤᠬᠠᠠ ᠬᠦᠦ》 ᠳ᠋ᠦ᠍
⒈᠂ ᠵᠣᠭᠵᠤᠭᠤᠬᠠᠠ ᠬᠦᠦ ᠮᠣᠭᠵᠤᠭᠤᠠᠠᠠᠨ ᠳᠠᠭᠠ ᠪᠠᠨ ᠤᠨᠤᠭᠠᠳ ᠨᠢᠭᠡ ᠡᠳᠦᠷ ᠲᠠᠷᠳᠠᠩᠬᠠᠨ ᠵᠠᠮ ᠢ᠋ᠶ᠋ᠠᠷ ᠲᠠᠰᠢᠭᠤᠷᠳᠠᠩᠬᠠᠨ ᠳᠠᠪᠬᠢᠩᠬᠠᠨ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠢ ᠰᠢᠯᠤᠭᠤᠬᠠᠨ ᠨᠦᠬᠡ ᠤᠷᠤᠭᠤ ᠱᠣᠯᠳᠤᠩᠬᠠᠨ ᠵᠤᠷᠠᠮᠠ ᠭᠤᠯᠳᠤᠩᠬᠠᠨ ᠬᠢᠭᠡᠳ ᠣᠷᠣᠴᠢᠬᠠᠵᠠᠢ᠃
《ᠲᠤᠰ ᠬᠡᠰᠡᠭᠯᠡᠯ ᠳ᠋ᠦ᠍ ᠲᠠᠷᠳᠠᠩᠬᠠᠨ ᠵᠠᠮ᠂ ᠲᠠᠰᠢᠭᠤᠷᠳᠠᠩᠬᠠᠨ᠂ ᠳᠠᠪᠬᠢᠩᠬᠠᠨ᠂ ᠰᠢᠯᠤᠭᠤᠬᠠᠨ ᠨᠦᠬᠡ ᠤᠷᠤᠭᠤ ᠱᠣᠯᠳᠤᠩᠬᠠᠨ ᠵᠤᠷᠠᠮᠠ ᠭᠤᠯᠳᠤᠩᠬᠠᠨ ᠬᠢᠭᠡᠳ ᠣᠷᠣᠴᠢᠬᠠᠵᠠᠢ᠃ 》ᠭᠡᠬᠦ ᠮᠡᠲᠦ ᠶ᠋ᠢᠨ ᠬᠡᠳᠦᠨ ᠦᠭᠡ ᠪᠡᠷ ᠵᠢᠭᠠᠯ ᠬᠦᠦ᠂ ᠪᠢᠴᠢᠬᠠᠨ ᠳᠠᠭᠠ ᠪᠠᠨ ᠤᠨᠤᠭᠠᠳ ᠬᠥᠳᠡᠭᠡ ᠶ᠋ᠢᠨ ᠵᠥᠷᠢᠭ ᠵᠠᠮ ᠢ᠋ᠶ᠋ᠠᠷ ᠳᠠᠭᠠ ᠪᠠᠨ ᠵᠥᠭᠡᠯᠡᠨ ᠲᠠᠰᠢᠭᠤᠷᠳᠠᠨ ᠲᠣᠭᠰᠢᠭᠤᠯᠤᠨ ᠶᠠᠪᠤᠬᠤ ᠳ᠋ᠤ᠌ ᠪᠢᠴᠢᠬᠠᠨ ᠵᠤᠷᠠᠮᠠ ᠨᠦᠬᠡ ᠤᠷᠤᠭᠤ ᠭᠤᠯᠭᠢᠰ ᠬᠢᠨ ᠣᠷᠣᠬᠤ ᠪᠠᠢᠳᠠᠯ ᠢ᠋ ᠨᠢᠳᠦᠨ ᠳ᠋ᠦ᠍ ᠦᠵᠡᠭᠳᠡᠮᠡ᠂ ᠭᠠᠷ ᠲᠤ᠌ ᠪᠠᠷᠢᠭᠳᠠᠮᠠ ᠠᠮᠢᠳᠤ ᠳᠦᠷᠰᠦᠯᠢᠭ ᠭᠣᠶᠣ ᠰᠠᠶᠢᠬᠠᠨ ᠢᠯᠡᠳᠬᠡᠪᠡ᠃
⒉᠂ ᠠᠳᠤᠭᠤᠴᠢᠨ᠂ ᠲᠡᠭᠷᠢ ᠴᠢᠮᠠ ᠶ᠋ᠢ ᠨᠢᠷᠭᠡᠭ ᠭᠡᠬᠦ ᠳ᠋ᠦ᠍ ᠵᠣᠭᠵᠤᠭᠤᠬᠠᠠ ᠬᠦᠦ᠄
ᠴᠡᠴᠡᠨ ᠦᠭᠡ ᠴᠡᠭᠡᠵᠢᠨ ᠳ᠋ᠦ᠍
ᠴᠡᠴᠡᠭ ᠨᠠᠪᠴᠢ ᠠᠭᠤᠯᠠᠨ ᠳ᠋ᠤ᠌
ᠬᠣᠱᠣᠩ ᠦᠭᠡ ᠬᠣᠭᠣᠯᠠᠢ ᠳ᠋ᠤ᠌
ᠬᠣᠩᠬᠣ ᠳᠠᠮᠠᠷᠤ ᠯᠠᠮᠠ ᠳ᠋ᠤ᠌ ᠪᠠᠢᠳᠠᠭ᠃
ᠳᠠᠬᠤ ᠲᠠᠢ ᠪᠠᠷ ᠨᠢ ᠲᠠᠨ ᠢ᠋ ᠨᠢᠷᠭᠡᠭ
ᠳᠠᠯᠠᠩ ᠲᠠᠢ ᠪᠠᠷ ᠨᠢ ᠠᠵᠢᠷᠭᠠ ᠶ᠋ᠢ ᠴᠢᠨᠢ ᠨᠢᠷᠭᠡᠭ
ᠳᠠᠭᠠᠬᠢ ᠲᠠᠢ ᠪᠠᠷ ᠨᠢ ᠳᠠᠭᠠ ᠶ᠋ᠢ ᠴᠢᠨᠢ ᠨᠢᠷᠭᠡᠭ! ᠭᠡᠵᠦ ᠠᠳᠤᠭᠤᠴᠢᠨ ᠢ᠋ ᠬᠠᠷᠢᠭᠤ ᠦᠭᠡ ᠦᠭᠡᠢ ᠪᠣᠯᠭᠠᠨ ᠨᠢᠴᠤᠭᠠᠪᠠ᠃
⒊ᠢᠮᠠᠭᠠᠨ ᠲᠣᠯᠣᠭᠠᠢ ᠶᠠᠮᠪᠠᠨ ᠳ᠋ᠤ᠌ ᠣᠷᠣᠳᠠᠭ ᠦᠭᠡᠢ
ᠶᠠᠨᠲᠠᠭᠠᠷ ᠬᠠᠲᠤᠨ ᠵᠠᠷᠭᠤ ᠰᠢᠭᠦᠳᠡᠭ ᠦᠭᠡᠢ
ᠲᠡᠮᠡᠭᠡᠨ ᠲᠣᠯᠣᠭᠠᠢ ᠲᠠᠪᠰᠢᠨ ᠳ᠋ᠤ᠌ ᠪᠠᠭᠲᠠᠳᠠᠭ ᠦᠭᠡᠢ
ᠲᠡᠨᠲᠡᠭᠡᠷ ᠬᠠᠲᠤᠨ ᠵᠠᠷᠭᠤ ᠰᠢᠭᠦᠳᠡᠭ ᠦᠭᠡᠢ
ᠬᠣᠨᠢᠨ ᠲᠣᠯᠣᠭᠠᠢ ᠶ᠋ᠢ ᠬᠣᠢᠮᠣᠷ ᠲᠤ᠌ ᠳᠡᠭᠡᠵᠢᠯᠡᠳᠡᠭ
ᠬᠣᠲᠠᠯᠠ ᠳ᠋ᠤ᠌ ᠨᠡᠷᠡᠲᠡᠢ ᠬᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠠᠷᠭᠤ ᠰᠢᠭᠦᠯᠭᠡᠨᠡ!ᠭᠡᠮᠡᠨ ᠬᠠᠲᠤᠨ ᠢ᠋ ᠮᠥᠨ ᠦᠭᠡ ᠳᠠᠭᠤ ᠦᠭᠡᠢ ᠬᠠᠭᠠ ᠨᠢᠴᠤᠭᠠᠪᠠ᠃ ᠵᠣᠭᠵᠤᠭᠤᠬᠠᠠ ᠬᠦᠦ ᠶ᠋ᠢᠨ ᠡᠳᠡᠭᠡᠷ ᠴᠡᠴᠡᠨ ᠮᠡᠷᠭᠡᠨ ᠦᠭᠡ ᠶᠠᠷᠢᠶᠠ᠂ ᠶᠠᠭᠤᠨ ᠠ᠋ᠴᠠ ᠠᠶᠤᠬᠤ ᠦᠭᠡᠢ ᠰᠥᠰᠥ ᠵᠣᠷᠢᠭ ᠠ᠋ᠴᠠ ᠬᠠᠭᠠᠨ ᠤ᠋ ᠠᠯᠪᠠᠲᠤ᠂ ᠲᠦᠰᠢᠮᠡᠳ ᠨᠢ ᠬᠠᠷᠠᠴᠤ ᠠᠷᠠᠳ ᠤ᠋ᠨ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠰᠠᠷᠠᠭᠤᠯ ᠤᠬᠠᠭᠠᠨ᠂ ᠬᠡᠯᠡ ᠠᠮᠠᠨ ᠳ᠋ᠤ᠌ ᠪᠠᠨ ᠬᠤᠷᠴᠠ ᠪᠠᠢᠳᠠᠭ ᠢ᠋
ᠠᠶᠤᠨ ᠪᠢᠰᠢᠷᠡᠭᠡᠳ ᠳᠣᠷᠣᠮᠵᠢᠯᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠭᠡᠨᠡ᠃
ᠡᠳᠡᠭᠡᠷ ᠦᠢᠯᠡ ᠶᠠᠪᠤᠳᠠᠯ ᠢ᠋ ᠦᠨᠳᠦᠰᠦᠯᠡᠵᠦ᠂ ᠰᠤᠷᠤᠭᠴᠢ ᠪᠠᠷ ᠢ᠋ᠶ᠋ᠠᠨ ᠳᠣᠣᠷᠠᠬᠢ ᠬᠡᠯᠡᠴᠡ ᠶ᠋ᠢ ᠡᠷᠢᠭᠦᠯᠵᠦ᠂ ᠶᠠᠷᠢᠭᠤᠯᠵᠤ ᠬᠡᠯᠡᠴᠡ ᠪᠡᠷ ᠰᠠᠨᠠᠭᠠ ᠶ᠋ᠢ ᠬᠤᠷᠢᠶᠠᠩᠭᠤᠢᠯᠠᠬᠤ ᠴᠢᠳᠠᠪᠤᠷᠢ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠳ᠋ᠤ᠌ ᠲᠤᠢᠯ ᠤ᠋ᠨ ᠠᠰᠢᠭᠲᠠᠢ ᠶᠤᠮ᠃ ᠵᠢᠱ᠌ᠢᠶᠡᠯᠡᠪᠡᠯ᠂
⑴᠂ ᠶᠠᠳᠠᠭᠤ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠠᠷᠪᠢᠨ
ᠶᠠᠪᠠᠭᠠᠨ ᠬᠥᠮᠦᠨ ᠳ᠋ᠦ᠍ ᠲᠠᠪᠠᠭ ᠠᠷᠪᠢᠨ᠃
⑵᠂ ᠶᠠᠳᠠᠭᠤ ᠬᠥᠮᠦᠨ
ᠶᠠᠰᠤ ᠬᠠᠲᠠᠭᠤ᠃
⑶᠂ ᠶᠠᠳᠠᠩᠬᠠᠢ ᠪᠣᠯᠪᠠᠴᠤ
ᠶᠠᠰᠤᠨ ᠳ᠋ᠤ᠌ ᠪᠠᠨ ᠱᠥᠯᠥ ᠲᠡᠢ
ᠬᠣᠶᠠᠷ᠂ ᠡᠷᠲᠡᠨ ᠦ᠌ ᠮᠣᠩᠭᠣᠯᠴᠤᠳ ᠤ᠋ᠨ ᠠᠮᠢᠳᠤᠷᠠᠯ ᠶᠠᠪᠤᠴᠠ ᠳ᠋ᠤ᠌ ᠪᠠᠨ ᠭᠦᠨ ᠤᠬᠠᠭᠠᠨ ᠤ᠋ ᠠᠷᠭᠠ ᠤᠬᠠᠭᠠᠨ ᠢ᠋ ᠬᠠᠪᠤᠯᠢᠭ᠋ ᠰᠠᠢᠬᠠᠨ ᠬᠡᠷᠡᠭᠯᠡᠵᠦ᠂ ᠲᠡᠷᠰᠯᠡᠭᠦᠦ ᠡᠲᠡᠭᠡᠳ ᠢ᠋ᠶ᠋ᠡᠨ ᠨᠤᠮᠤᠠᠬᠠᠵᠤ ᠂ ᠳᠠᠷᠬᠠᠨ ᠴᠣᠯᠠ ᠪᠠᠨ ᠬᠠᠮᠠᠭᠠᠯᠠᠳᠠᠭ ᠠᠷᠭᠠ ᠶ᠋ᠢ ᠵᠢᠱ᠌ᠢᠶᠡ ᠲᠠᠲᠠᠵᠤ ᠵᠢᠭᠠᠶᠠ!
ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠩᠬᠠ ᠳᠤᠮᠳᠠᠳᠤ ᠶ᠋ᠢᠨ ᠳᠣᠯᠣᠳᠤᠭᠠᠷ ᠣᠨ ᠤ᠋ ᠳᠡᠭᠡᠳᠦ ᠳᠡᠪᠲᠡᠷ ᠲᠦ᠍ 《 ᠲᠣᠭᠰᠢᠨ ᠬᠠᠷᠠ ᠯᠤᠤᠰ ᠤ᠋ᠨ ᠬᠠᠭᠠᠨ ᠢ᠋
ᠳᠠᠷᠤᠭᠰᠠᠨ ᠨᠢ 》 ᠳ᠋ᠦ᠍ ᠣᠳᠣᠢ ᠡᠪᠦᠭᠡᠨ ᠦ᠌ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠡᠲᠡᠭᠡᠳ ᠲᠦ᠍ ᠠᠪᠤᠭᠰᠠᠨ ᠮᠡᠷᠭᠡᠨ ᠠᠷᠭᠠ ᠤᠬᠠᠭᠠᠨ ᠢ᠋ ᠵᠢᠱ᠌ᠢᠶᠡ ᠲᠡᠳᠡᠨ ᠦᠵᠡᠶᠡ!
ᠣᠳᠣᠢ ᠡᠪᠦᠭᠡᠨ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠯᠠ ᠪᠠᠢᠳᠠᠭ ᠲᠡᠭᠡ ᠶ᠋ᠢᠨ ᠡᠪᠡᠷ ᠦ᠋ᠨ ᠬᠠᠯᠪᠠᠭᠠ᠂ ᠲᠡᠮᠡᠭᠡᠨ ᠬᠦᠵᠦᠭᠦᠨ ᠤᠭᠤᠲᠠ ᠵᠡᠷᠭᠡ ᠶ᠋ᠢᠨ ᠡᠪ ᠡᠩ ᠦ᠋ᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢ᠋ᠶ᠋ᠡᠨ ᠠᠰᠢᠭᠯᠠᠨ᠂ ᠯᠤᠤᠰ ᠤ᠋ᠨ ᠬᠠᠭᠠᠨ ᠢ᠋ ᠳᠠᠷᠤᠵᠤ᠂ ᠠᠷᠠᠳ ᠲᠦᠮᠡᠨ ᠢ᠋ ᠵᠣᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠭᠤᠯᠵᠤ ᠴᠢᠳᠠᠭᠰᠠᠨ ᠪᠠᠢᠨᠠ᠃ ᠡᠳᠡᠭᠡᠷ ᠪᠠᠭᠠᠵᠢ ᠵᠡᠪᠰᠡᠭ ᠨᠢ ᠳᠣᠭᠰᠢᠨ ᠬᠠᠷᠠ ᠯᠤᠤᠰ ᠤ᠋ᠨ ᠬᠠᠭᠠᠨ ᠢ᠋ ᠳᠠᠷᠤᠬᠤ ᠳ᠋ᠤ᠌ ᠳᠤᠲᠠᠭᠳᠠᠰᠢ ᠦᠭᠡᠢ ᠨᠥ᠋ᠬᠥᠴᠡᠯ ᠪᠣᠯᠳᠠᠭ᠃ ᠣᠳᠣᠢ ᠡᠪᠦᠭᠡᠨ ᠯᠤᠤᠰ ᠤ᠋ᠨ ᠬᠠᠭᠠᠨ ᠢ᠋ ᠳᠠᠷᠤᠬᠤ ᠪᠠᠷ ᠶᠠᠪᠤᠬᠤ ᠳ᠋ᠤ᠌ ᠪᠠᠨ ᠲᠠᠩᠭᠢᠰ᠂ᠦᠨᠡᠭᠡ᠂ ᠴᠢᠨᠣᠠ ᠲᠠᠢ ᠲᠠᠭᠠᠷᠠᠯᠳᠤᠬᠤ ᠳ᠋ᠤ᠌ ᠡᠪᠦᠭᠡᠨ ᠢ᠋ ᠶᠡᠬᠡ ᠪᠡᠷ ᠪᠠᠰᠤᠮᠵᠢᠯᠠᠨ ᠱᠣᠣᠯᠠᠭᠰᠠᠨ ᠳ᠋ᠤ᠌ ᠡᠪᠦᠭᠡᠨ ᠠᠵᠢᠭ ᠴᠤ᠌ ᠦᠭᠡᠢ ᠪᠡᠷ ᠲᠡᠳᠡᠭᠡᠷ ᠢ᠋ ᠤᠭᠤᠲᠠᠯᠠᠨ ᠠᠪᠤᠭᠠᠳ 《ᠬᠠᠯᠳᠠᠬᠤ ᠪᠠᠷ ᠢᠷᠡᠭᠰᠡᠳ ᠢ᠋ ᠭᠠᠷ ᠊ᠣᠨ ᠠᠶᠠ ᠪᠠᠷ ᠢ᠋ᠶ᠋ᠠᠨ ᠨᠣᠮᠣᠬᠠᠳᠬᠠᠳᠠᠭ᠃ ᠵᠢᠱ᠌ᠢᠶᠡᠯᠡᠬᠦ ᠳ᠋ᠦ᠍ 《ᠪᠢ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠊ᠥ ᠵᠠᠨᠤᠯᠲᠤ ᠳᠠᠢᠰᠤᠨ ᠲᠣᠭᠰᠢᠨ ᠬᠠᠭᠠᠨ ᠯᠤᠤᠰ ᠊ᠣᠨ ᠬᠠᠭᠠᠨ ᠢ᠋ ᠳᠠᠷᠤᠬᠤ ᠪᠠᠷ ᠢᠷᠡᠵᠡᠢ!》 ᠭᠡᠵᠦ ᠲᠡᠭᠷᠢ ᠭᠠᠵᠠᠷ ᠢ᠋ ᠳᠣᠷᠭᠢᠲᠠᠯᠠ ᠯᠤᠤᠰ ᠊ᠣᠨ ᠵᠢᠷᠦᠬᠡ ᠶ᠋ᠢ ᠴᠡᠴᠡᠷᠡᠲᠡᠯᠡ ᠬᠠᠰᠬᠢᠷᠬᠤ ᠳ᠋ᠤ᠌ ᠲᠣᠭᠰᠢᠨ ᠬᠠᠭᠠᠨ ᠯᠤᠤᠰ ᠊ᠣᠨ ᠬᠠᠭᠠᠨ ᠲᠦᠮᠡᠨ ᠬᠣᠨᠢ ᠪᠠᠨ ᠲᠠᠯᠪᠢᠵᠤ᠂ ᠲᠣᠭᠣᠰᠣ ᠪᠠᠷ ᠨᠢ ᠣᠳᠣᠢ ᠡᠪᠦᠭᠡᠨ ᠢ᠋ ᠳᠠᠷᠤᠵᠤ ᠠᠯᠠᠬᠤ ᠭᠡᠵᠦ ᠬᠣᠨᠢ ᠪᠠᠨ ᠲᠠᠯᠪᠢᠬᠤ ᠳ᠋ᠤ᠌ ᠣᠳᠣᠢ ᠡᠪᠦᠭᠡᠨ᠂ ᠲᠡᠮᠡᠭᠡᠨ ᠬᠦᠵᠦᠭᠦᠨ ᠤᠭᠤᠲᠠ ᠠ᠋ᠴᠠ ᠴᠢᠨᠣᠠ ᠪᠠᠨ ᠲᠠᠯᠪᠢᠬᠤ ᠳ᠋ᠤ᠌ ᠬᠣᠨᠢᠳ ᠨᠢ ᠭᠣᠳ ᠳᠤᠲᠠᠭᠠᠪᠠ᠃ ᠳᠠᠷᠠᠭᠠ ᠳ᠋ᠤ᠌ ᠨᠢ ᠳᠣᠭᠰᠢᠨ ᠬᠠᠭᠠᠨ ᠯᠤᠤᠰ ᠤ᠋ᠨ ᠬᠠᠭᠠᠨ ᠬᠠᠰᠠᠷ ᠬᠤᠰᠤᠷ ᠬᠣᠶᠠᠷ ᠨᠣᠬᠠᠢ ᠪᠠᠨ ᠲᠠᠯᠪᠢᠬᠤ ᠳ᠋ᠤ᠌ ᠣᠳᠣᠢ ᠡᠪᠦᠭᠡᠨ ᠤᠭᠤᠲᠠᠨ ᠳ᠋ᠠᠬᠢ ᠦᠨᠡᠭᠡ ᠪᠡᠨ ᠲᠠᠯᠪᠢᠬᠤ ᠳ᠋ᠤ᠌ ᠨᠣᠬᠠᠢ ᠨᠢ ᠲᠡᠭᠦᠨ ᠢ᠋ ᠲᠠᠭᠤᠭᠠᠳ ᠠᠯᠠᠭᠠ ᠪᠣᠯᠪᠠ᠃ ᠬᠠᠮᠤᠭ ᠰᠡᠭᠦᠯ ᠳ᠋ᠦ᠍ ᠨᠢ ᠬᠠᠭᠠᠨ ᠲᠦᠮᠡᠨ ᠴᠡᠷᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠳᠣᠢ ᠡᠪᠦᠭᠡᠨ ᠢ᠋ ᠪᠦᠰᠡᠯᠡᠨ ᠳᠠᠭᠠᠷᠢᠬᠤ ᠳ᠋ᠤ᠌ ᠲᠡᠭᠡ ᠶ᠋ᠢᠨ ᠡᠪᠡᠷ ᠳᠠᠬᠢ ᠤᠰᠤ ᠪᠠᠨ ᠴᠢᠳᠬᠤᠬᠤ ᠳ᠋ᠤ᠌ ᠬᠠᠭᠠᠨ ᠤ᠋ ᠪᠠᠢᠳᠠᠭ ᠶᠠᠭᠤᠮᠠ ᠨᠢ ᠦᠶᠡᠷ ᠦ᠋ᠨ ᠤᠰᠤᠨ ᠳ᠋ᠤ᠌ ᠪᠦᠷᠢᠮᠦᠰᠦᠨ ᠠᠯᠠᠭᠠ ᠪᠣᠯᠪᠠ᠃ ᠰᠡᠴᠡᠨ ᠮᠡᠷᠭᠡᠨ ᠠᠷᠠᠳ ᠲᠦᠮᠡᠨ ᠠᠮᠢᠳᠤᠷᠠᠯ ᠤ᠋ᠨ ᠡᠪ ᠡᠩ ᠭᠦ᠋ᠨ ᠤᠬᠠᠭᠠᠨ ᠤ᠋ ᠶᠣᠰᠣᠨ ᠢ᠋ ᠪᠣᠳᠠᠲᠠᠢ ᠠᠮᠢᠳᠤᠷᠠᠯ ᠤ᠋ᠨ ᠳᠤᠮᠳᠠ ᠪᠠᠨ ᠢᠩᠭᠢᠵᠦ ᠲᠤᠤᠱᠲᠠᠢ ᠰᠠᠢᠬᠠᠨ ᠬᠡᠷᠡᠭᠵᠢᠭᠦᠯᠦᠭᠰᠡᠭᠡᠷ ᠯᠡ ᠢᠷᠡᠭᠰᠡᠨ ᠡᠴᠡ 《ᠠᠢᠯ ᠠ᠋ᠴᠠ ᠡᠷᠢᠬᠦ ᠪᠡᠷ ᠢ᠋ᠶ᠋ᠡᠨᠠᠪᠳᠠᠷᠠ ᠠ᠋ᠴᠠ ᠪᠠᠨ ᠡᠷᠢᠬᠦ 》ᠭᠡᠳᠡᠭ ᠵᠦᠢᠷ ᠰᠡᠴᠡᠨ ᠦᠭᠡ ᠢᠩᠭᠢᠵᠦ ᠯᠡ ᠪᠣᠢ ᠪᠣᠯᠤᠭᠰᠠᠨ ᠶᠣᠰᠣ ᠤᠴᠢᠷ ᠢ᠋ ᠮᠡᠳᠡᠭᠦᠯᠵᠦ ᠪᠣᠯᠤᠨᠠ ᠃
ᠭᠤᠷᠪᠠ᠂ ᠤᠳᠬᠠ ᠢᠵᠢᠯᠰᠢᠭᠦᠯᠬᠦ ᠠᠷᠭᠠ ᠶ᠋ᠢ ᠬᠡᠯᠡᠨ ᠦ᠌ ᠵᠦᠢ ᠲᠡᠢ ᠤᠶᠠᠯᠳᠤᠭᠤᠯᠤᠨ ᠵᠢᠭᠠᠶᠠ!
ᠳᠣᠯᠣᠳᠤᠭᠠᠷ ᠣᠨ ᠤ᠋ ᠳᠡᠭᠡᠳᠦ ᠳᠡᠪᠲᠡᠷ 《 ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠬᠦᠷᠡᠯ ᠵᠠᠮᠪᠠᠯ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠯᠤᠭᠡ ᠪᠠᠢᠷᠢ ᠪᠠᠷᠢᠯᠳᠤᠭᠰᠠᠨ》ᠪᠦᠯᠦᠭ ᠲᠦ᠍ ᠄
⒈ᠲᠡᠢᠨ ᠦ᠌ ᠴᠠᠭ ᠲᠤ᠌ ᠲᠦᠩ ᠪᠣᠯᠤᠯᠴᠠᠶᠠ ᠂
ᠳᠠᠢᠪᠠᠯᠵᠠᠬᠤ ᠴᠠᠭ ᠲᠤ᠌ ᠳᠤᠯᠭᠠᠷᠢ ᠪᠣᠯᠤᠯᠴᠠᠶᠠ !
ᠳᠣᠯᠣᠳᠤᠭᠠᠷ ᠣᠨ ᠤ᠋ ᠳᠣᠣᠷᠠᠲᠤ ᠳᠡᠪᠲᠡᠷ 《ᠲᠣᠭᠣᠭᠠᠨ ᠰᠢᠷᠡᠮᠦᠨ ᠬᠠᠨ ᠳ᠋ᠤ᠌》
2.ᠠᠢᠯ ᠳ᠋ᠤ᠌ ᠣᠷᠣᠬᠤ ᠳ᠋ᠤ᠌ ᠴᠢᠨᠢ
ᠠᠶᠠᠭᠠᠨ ᠴᠢᠨᠢ ᠲᠠᠯᠪᠢᠭᠤᠷ ᠪᠣᠯᠤᠶᠠ
ᠠᠪᠠ ᠳ᠋ᠤ᠌ ᠶᠠᠪᠤᠬᠤ ᠳ᠋ᠤ᠌ ᠴᠢᠨᠢ
ᠠᠭᠲᠠ ᠮᠣᠷᠢᠨ ᠤ᠋ ᠴᠢᠨᠢ ᠵᠢᠯᠣᠭᠣ ᠪᠣᠯᠤᠶᠠ !
⒊ᠠᠪᠤ ᠶ᠋ᠢᠨ ᠲᠦᠯᠬᠢᠨ ᠳ᠋ᠦ᠍ ᠦᠵᠡᠪᠡᠯ
ᠠᠯᠠᠯ ᠦᠭᠡᠢ ᠪᠣᠯᠬᠤ ᠦᠭᠡᠢ
ᠡᠵᠢ ᠶ᠋ᠢᠨ ᠲᠦᠯᠬᠢᠨ ᠳ᠋ᠦ᠍ ᠦᠵᠡᠪᠡᠯ
ᠡᠪᠳᠡᠯᠡ ᠦᠭᠡᠢ ᠪᠣᠯᠬᠤ ᠦᠭᠡᠢ᠃
ᠳᠡᠭᠡᠳᠦ ᠳᠤᠮᠳᠠᠳᠤ ᠶ᠋ᠢᠨ ᠲᠠᠪᠤᠳᠤᠭᠠᠷ ᠳᠡᠪᠲᠡᠷ ᠲᠦ᠍ 《ᠭᠤᠷᠪᠠᠨ ᠨᠠᠰᠤᠲᠠᠢ ᠭᠤᠨᠠᠭᠠᠨ ᠤᠯᠠᠭᠠᠨ ᠪᠠᠭᠠᠲᠤᠷ 》 ᠲᠤ᠌ ᠄ ᠮᠠᠩᠭᠤᠰ ᠭᠤᠨᠠᠭᠠᠨ ᠤᠯᠠᠭᠠᠨ ᠪᠠᠭᠠᠲᠤᠷ ᠲᠤ᠌
4.ᠠᠶᠠᠨ ᠳ᠋ᠤ᠌ ᠶᠠᠪᠤᠬᠤ ᠳ᠋ᠤ᠌ ᠴᠢᠨᠢ
ᠠᠴᠢᠶᠠ ᠶ᠋ᠢ ᠴᠢᠨᠢ ᠳᠠᠭᠠᠶᠠ
ᠠᠩ ᠳ᠋ᠤ᠌ ᠶᠠᠪᠤᠬᠤ ᠳ᠋ᠤ᠌ ᠴᠢᠨᠢ
ᠠᠩ ᠢ᠋ ᠴᠢᠨᠢ ᠴᠤᠭᠯᠠᠭᠤᠯᠤᠶᠠ
ᠠᠷᠢᠬᠢ ᠤᠤᠭᠤᠬᠤ ᠳ᠋ᠤ᠌ ᠴᠢᠨᠢ ᠰᠥᠩ ᠲᠦᠰᠢᠶᠡ
ᠨᠣᠮᠣᠬᠠᠨ ᠮᠣᠷᠢᠨ ᠤ᠋ ᠴᠢᠨᠢ ᠨᠣᠭᠲᠣ ᠪᠣᠯᠤᠶᠠ
ᠲᠣᠭᠰᠢᠨ ᠮᠣᠷᠢᠨ ᠤ᠋ ᠴᠢᠨᠢ ᠴᠢᠳᠥᠷ ᠪᠣᠯᠤᠶᠠ
ᠠᠬᠠ ᠳᠡᠭᠦᠦ ᠪᠣᠯᠤᠨ ᠨᠥᠬᠥᠷᠯᠡᠶᠡ!
ᠡᠳᠡᠭᠡᠷ ᠤᠳᠬᠠ ᠢᠵᠢᠯᠢᠰᠢᠭᠰᠡᠨ ᠬᠡᠰᠡᠭ ᠪᠠᠳᠠᠭ ᠦ᠋ᠳ ᠢ᠋ ᠡᠮᠬᠢᠳᠬᠡᠨ ᠴᠤᠭᠯᠠᠭᠤᠯᠵᠤ᠂ ᠵᠢᠭᠠᠪᠠᠯ ᠰᠤᠷᠤᠭᠴᠢᠳ ᠣᠶᠤᠨ ᠲᠠᠷᠢᠬᠢᠨ ᠳ᠋ᠤ᠌
ᠪᠠᠨ ᠬᠡᠯᠬᠢᠶᠡᠰᠦᠯᠡᠵᠦ ᠰᠠᠭᠤᠭᠳᠠᠭᠤᠯᠵᠤ᠂ ᠵᠢᠩᠬᠢᠨᠢ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠶᠠᠭᠤᠮᠠ ᠪᠣᠯᠭᠠᠵᠤ ᠵᠣᠬᠢᠶᠠᠨ ᠪᠢᠴᠢᠬᠦ ᠳ᠋ᠦ᠍ ᠪᠡᠨ ᠠᠰᠢᠭᠯᠠᠵᠤ ᠳᠡᠢᠯᠬᠦ ᠮᠥᠷᠲᠡᠭᠡᠨ ᠳᠠᠭᠤᠷᠢᠶᠠᠨ ᠪᠢᠴᠢᠵᠦ ᠴᠢᠳᠠᠨᠠ᠃ ᠬᠠᠷᠢᠨ ᠡᠳᠡᠭᠡᠷ ᠠᠭᠤᠯᠭᠠ ᠶ᠋ᠢ ᠦᠬᠦᠮᠡᠯ ᠢ᠋ᠶ᠋ᠡᠷ ᠴᠡᠭᠡᠵᠢᠯᠡᠭᠦᠯᠵᠦ᠂ ᠰᠢᠯᠭᠠᠬᠤ ᠪᠣᠯ ᠰᠠᠭᠤᠭᠳᠠᠯ ᠢ᠋ᠶ᠋ᠠᠷ ᠠᠨᠠᠢ ᠪᠥᠭᠡᠳ ᠪᠠᠭᠰᠢ ᠰᠤᠷᠤᠭᠴᠢ ᠬᠣᠶᠠᠭᠤᠯᠠ ᠪᠠᠨ ᠶᠠᠳᠠᠷᠠᠳᠠᠭ ᠠᠵᠢᠯ ᠭᠡᠵᠦ ᠦᠵᠡᠨᠡ᠃
ᠳᠥᠷᠪᠡ᠂ ᠡᠷᠲᠡᠨ ᠦ᠌ ᠰᠣᠩᠭᠣᠳᠠᠭ ᠰᠠᠢᠬᠠᠨ᠂ ᠠᠮᠢᠳᠤᠯᠢᠭ᠋ ᠳᠦᠷᠰᠦᠯᠢᠭ ᠬᠡᠯᠡ ᠬᠡᠯᠡᠯᠭᠡ᠂ ᠤᠷᠠᠨ ᠨᠠᠢᠷᠠᠭᠤᠯᠭᠠ ᠶ᠋ᠢᠨ ᠣᠷᠣᠨ ᠢ᠋ ᠤᠷᠠᠯᠢᠭ᠋ ᠬᠡᠷᠡᠭᠯᠡᠵᠦ᠂ ᠲᠤᠤᠯᠢ ᠳ᠋ᠠᠬᠢ ᠪᠠᠭᠠᠲᠤᠷᠯᠢᠭ᠋ ᠳᠦᠷᠢ ᠬᠢᠭᠡᠳ ᠪᠠᠢᠯᠳᠤᠭᠠᠨ ᠤ᠋ ᠠᠬᠤᠢ ᠪᠠᠢᠳᠠᠯ᠂ ᠪᠠᠭᠠᠲᠤᠷ ᠡᠷᠡᠴᠦᠦᠯ ᠦ᠋ᠨ ᠪᠠᠢᠯᠳᠤᠭᠠᠨ ᠤ᠋ ᠳᠦᠷᠢ ᠪᠠᠢᠳᠠᠯ᠂ ᠬᠤᠶᠠᠭ ᠳᠤᠭᠤᠯᠠᠭᠠ ᠵᠠᠷ ᠵᠡᠪᠰᠡᠭ᠁ ᠵᠡᠷᠭᠡ ᠶ᠋ᠢ ᠳᠦᠷᠰᠦᠯᠡᠭᠰᠡᠨ ᠭᠣᠢᠳᠠ ᠰᠠᠢᠬᠠᠨ ᠮᠥᠷ ᠪᠠᠳᠠᠭ ᠦ᠋ᠳ ᠢ᠋ ᠴᠢᠬᠤᠯᠠᠴᠢᠯᠠᠨ ᠵᠢᠭᠠᠶᠠ!
ᠳᠣᠯᠣᠳᠤᠭᠠᠷ ᠣᠨ ᠤ᠋ ᠳᠡᠭᠡᠳᠦ ᠳᠡᠪᠲᠡᠷ 《 ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠬᠦᠷᠡᠯ ᠵᠠᠮᠪᠠᠯ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠯᠤᠭᠡ ᠪᠠᠢᠷᠢ ᠪᠠᠷᠢᠯᠳᠤᠭᠰᠠᠨ
》ᠪᠦᠯᠦᠭ ᠲᠦ᠍ ᠄
⒈ᠳᠣᠬᠢᠭᠠᠳ ᠲᠠᠯᠪᠢᠬᠤᠯᠠ
ᠳᠣᠯᠣᠭᠠᠨ ᠲᠦᠮᠡᠨ ᠳ᠋ᠦ᠍ ᠪᠡᠨ ᠵᠥᠪᠯᠡᠳᠡᠭ
ᠳᠠᠯᠠᠢᠳᠠᠭᠠᠳ ᠲᠠᠯᠪᠢᠬᠤᠯᠠ
ᠳᠠᠯᠠᠨ ᠲᠦᠮᠡᠨ ᠳ᠋ᠦ᠍ ᠪᠡᠨ ᠵᠥᠪᠯᠡᠳᠡᠭ᠃
（ ᠳᠠᠪᠠᠭᠤᠯᠤᠯ ）
⒉ᠬᠡ ᠳ᠋ᠦ᠍ ᠡᠮᠦᠰᠳᠡᠭ
ᠺᠬᠢᠪ ᠲᠣᠷᠭᠠ ᠪᠠᠨ ᠲᠠᠢᠯᠪᠠ
ᠨᠣᠣᠯᠳᠤᠭᠠᠠ ᠳ᠋ᠤ᠌ ᠡᠮᠦᠰᠳᠡᠭ
ᠨᠣᠭᠣᠭᠠᠨ ᠲᠣᠷᠭᠠ ᠪᠠᠨ ᠡᠮᠦᠰᠪᠡ᠃
⒊ᠲᠡᠭᠡ ᠶ᠋ᠢᠨ ᠠᠷᠠᠰᠤᠨ ᠱᠠᠯᠪᠤᠷ ᠢ᠋ᠶ᠋ᠠᠨ
ᠲᠠᠬᠢᠮ ᠲᠠᠯᠠ ᠪᠠᠨ ᠡᠪᠬᠡᠪᠡ
ᠪᠤᠭᠤ ᠶ᠋ᠢᠨ ᠠᠷᠠᠰᠤᠨ ᠱᠠᠯᠪᠤᠷ ᠢ᠋ᠶ᠋ᠠᠨ
ᠪᠤᠯᠴᠢᠩ ᠲᠠᠯᠠ ᠪᠠᠨ ᠡᠪᠬᠡᠪᠡ᠃
（ ᠬᠤᠶᠠᠭ ᠲᠤᠭᠤᠯᠭᠠ ᠶ᠋ᠢᠨ ᠳᠦᠷᠰᠦᠯᠡᠯ）
⒋ᠬᠣᠨᠣᠭ ᠤ᠋ᠨ ᠭᠠᠵᠠᠷ ᠢ᠋ᠶ᠋ᠠᠷ ᠡᠷᠭᠢᠯᠴᠡᠭᠡᠳ
ᠬᠣᠨᠢ ᠶ᠋ᠢᠨ ᠴᠢᠨᠡᠭᠡᠨ ᠴᠢᠯᠠᠭᠤ ᠪᠠᠷ ᠥᠭᠭᠦᠯᠴᠡᠭᠡᠳ
ᠦᠳᠡ ᠶ᠋ᠢᠨ ᠭᠠᠵᠠᠷ ᠢ᠋ᠶ᠋ᠠᠷ ᠡᠷᠭᠢᠯᠴᠡᠭᠡᠳ
ᠦᠬᠡᠷ ᠦ᠋ᠨ ᠴᠢᠨᠡᠭᠡᠨ ᠴᠢᠯᠠᠭᠤ ᠪᠠᠷ ᠥᠭᠭᠦᠯᠴᠡᠭᠡᠳ᠃
⒌ᠠᠴᠢ ᠳᠠᠴᠢ ᠠᠪᠤᠯᠴᠠᠭᠠᠳ
ᠣᠬᠢᠮ ᠳᠡᠭᠡᠭᠡ ᠲᠠᠯᠪᠢᠯᠴᠠᠭᠠᠳ
ᠪᠠᠷᠢᠭᠰᠠᠨ ᠭᠠᠵᠠᠷ ᠠ᠋ᠴᠠ ᠪᠠᠨ
ᠪᠠᠷᠢᠮᠠ ᠮᠢᠬᠠ ᠠᠪᠤᠯᠴᠠᠭᠠᠳ
ᠠᠳᠬᠤᠭᠰᠠᠨ ᠭᠠᠵᠠᠷ ᠠ᠋ᠴᠠ ᠪᠠᠨ
ᠠᠳᠬᠤ ᠮᠢᠬᠠ ᠠᠪᠤᠯᠴᠠᠭᠠᠳ᠃
（ ᠳᠠᠪᠠᠭᠤᠯᠤᠯ ）
⒍ ᠲᠠᠩᠭᠠᠷᠢᠭ᠋ ᠲᠠᠰᠤᠷᠠᠬᠤᠯᠠ
ᠲᠠᠮᠤ ᠶ᠋ᠢᠨ ᠢᠷᠣᠭᠠᠷ ᠲᠤ᠌
ᠰᠠᠯ ᠲᠠᠰᠤᠷᠠᠬᠤᠯᠠ
ᠳᠠᠯᠠᠢ ᠶ᠋ᠢᠨ ᠢᠷᠣᠭᠠᠷ ᠲᠤ᠌ ᠤᠨᠠᠨᠠ᠃
（ ᠵᠡᠷᠭᠡᠴᠡᠭᠦᠯᠦᠯ ）
⒎
ᠶᠡᠬᠡ ᠪᠦᠷᠢᠶᠡ ᠪᠡᠨ ᠲᠠᠲᠠᠵᠤ
ᠶᠡᠬᠡ ᠲᠦᠮᠡᠨ ᠢ᠋ᠶ᠋ᠡᠨ ᠴᠤᠭᠯᠠᠭᠠᠵᠤ
ᠪᠠᠭᠠ ᠪᠦᠷᠢᠶᠡ ᠪᠡᠨ ᠲᠠᠲᠠᠵᠤ
ᠪᠠᠭᠠ ᠲᠦᠮᠡᠨ ᠢ᠋ᠶ᠋ᠡᠨ ᠴᠤᠭᠯᠠᠭᠠᠵᠤ
ᠨᠠᠶ᠋ᠢᠷ ᠊ᠤᠨ ᠶᠡᠬᠡ ᠳ᠋ᠦ᠍ ᠨᠠᠶᠠ ᠬᠣᠨᠣᠵᠤ
ᠵᠢᠷᠭᠠᠯ ᠤ᠋ᠨ ᠶᠡᠬᠡ ᠳ᠋ᠦ᠍ ᠵᠢᠷᠠ ᠬᠣᠨᠣᠵᠤ᠃
（ᠳᠠᠪᠠᠭᠤᠯᠤᠯ ）
⒏ᠦᠬᠦᠯ ᠦᠭᠡᠢ ᠮᠥᠩᠬᠡ ᠪᠣᠯᠪᠠ
ᠦᠷᠭᠦᠭᠡᠨ ᠦᠭᠡᠢ ᠲᠣᠭᠲᠠᠭᠤᠨ ᠪᠣᠯᠪᠠ
ᠥᠨᠥᠴᠢᠨ ᠦᠭᠡᠢ ᠥᠨᠢᠷ ᠪᠣᠯᠪᠠ᠃
（ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠤ᠋ ᠲᠠᠢᠪᠤᠩ ᠪᠠᠢᠳᠠᠯ ᠤ᠋ᠨ ᠳᠦᠷᠰᠦᠯᠡᠯ）
ᠳᠣᠯᠣᠳᠤᠭᠠᠷ ᠣᠨ ᠤ᠋ ᠳᠣᠣᠷᠠᠲᠤ ᠳᠡᠪᠲᠡᠷ 《ᠲᠣᠭᠣᠭᠠᠨ ᠰᠢᠷᠡᠮᠦᠨ ᠬᠠᠨ 》 ᠳ᠋ᠤ᠌ ᠨᠠᠷᠢᠨ ᠳᠦᠷᠰᠦᠯᠡᠯ ᠪᠠ ᠤᠷᠠᠨ ᠨᠠᠢᠷᠠᠭᠤᠯᠭᠠ ᠶ᠋ᠢᠨ
ᠳᠠᠪᠠᠭᠤᠯᠤᠯ ᠪᠠ ᠬᠥᠮᠦᠨᠴᠢᠯᠡᠯ ᠢ᠋ ᠭᠣᠢᠳᠠ ᠰᠠᠢᠬᠠᠨ ᠬᠡᠷᠡᠭᠯᠡᠵᠦ᠂ ᠲᠤᠤᠯᠢ ᠶ᠋ᠢᠨ ᠳᠦᠷᠢ ᠶ᠋ᠢ ᠨᠡᠩ ᠰᠠᠢᠬᠠᠨ ᠠᠮᠢᠯᠠᠭᠤᠯᠵᠤ ᠴᠢᠳᠠᠭᠰᠠᠨ ᠪᠠᠢᠨᠠ᠃
⒈ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠲᠠᠢ
ᠠᠯᠲᠠᠨ ᠰᠢᠭᠦᠷ ᠬᠠᠲᠤᠨ ᠤ᠋
ᠠᠷᠤ ᠶ᠋ᠢᠨ ᠰᠠᠢᠬᠠᠨ ᠲᠤᠶᠠᠭᠠᠨ ᠳ᠋ᠤ᠌
ᠠᠳᠤᠭᠤ ᠮᠠᠯ ᠢ᠋ᠶ᠋ᠠᠨ ᠮᠠᠨᠠᠳᠠᠭ
ᠥᠪᠥᠷ ᠦ᠋ᠨ ᠰᠠᠢᠬᠠᠨ ᠲᠤᠶᠠᠭᠠᠨ ᠳ᠋ᠤ᠌
ᠦᠢᠯᠡ ᠣᠶᠣᠳᠠᠯ ᠢ᠋ᠶ᠋ᠠᠨ ᠣᠶᠣᠳᠠᠭ᠃
⒉ᠠᠯᠬᠤᠵᠤ ᠶᠠᠪᠤᠭᠰᠠᠨ ᠭᠠᠵᠠᠷ ᠨᠢ
ᠠᠯᠢᠮᠠ ᠵᠢᠮᠢᠰ ᠤᠷᠭᠤᠳᠠᠭ
ᠠᠢᠯ ᠤ᠋ᠨ ᠥᠬᠢᠳ ᠬᠥᠪᠡᠭᠦᠳ
ᠠᠪᠴᠤ ᠴᠤᠭᠯᠠᠭᠠᠵᠤ ᠶᠠᠪᠤᠳᠠᠭ᠃
⒊ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠲᠠᠢ
ᠠᠯᠲᠠᠨ ᠰᠢᠬᠦᠷ ᠬᠠᠲᠤᠨ ᠊ᠤ
ᠲᠤᠩ ᠴᠠᠭᠠᠨ ᠰᠢᠳᠦ ᠶ᠋ᠢ ᠨᠢ
ᠳᠤᠷᠠᠯᠵᠠᠲᠠᠯᠡ ᠨᠢ ᠳᠤᠷᠠᠨᠳᠠᠵᠢ
ᠮᠣᠶ᠋ᠢᠯ ᠬᠠᠷᠠ ᠨᠢᠳᠦ ᠶ᠋ᠢ ᠨᠢ
ᠮᠡᠯᠮᠡᠯᠵᠡᠲᠡᠯᠡ ᠳᠤᠷᠠᠨᠳᠠᠭᠠᠳ᠃
（ ᠨᠠᠷᠢᠨ
ᠳᠦᠷᠰᠦᠯᠡᠯ ）
⒋ ᠭᠤᠷᠪᠠᠨ ᠵᠢᠯ ᠊ᠦᠨ ᠭᠠᠵᠠᠷ ᠊ᠢ
ᠭᠤᠷᠪᠠᠨ ᠰᠠᠷᠠ ᠪᠠᠷ ᠲᠣᠪᠴᠢᠯᠠᠵᠤ
ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠭᠠᠵᠠᠷ ᠊ᠢ
ᠭᠤᠷᠪᠠᠨ ᠡᠳᠦᠷ ᠢ᠋ᠶ᠋ᠡᠷ ᠲᠣᠪᠴᠢᠯᠠᠭᠠᠳ
᠃
（ ᠳᠠᠪᠠᠭᠤᠯᠤᠯ）
⒌
ᠬᠠᠭᠠᠨ ᠶᠠᠭᠤᠨ ᠳ᠋ᠤ᠌ ᠳᠠᠭᠤᠳᠠᠪᠠ?
ᠬᠠᠵᠠᠭᠠᠷ ᠶᠠᠭᠤᠨ ᠳ᠋ᠤ᠌ ᠬᠠᠩᠭᠢᠨᠠᠪᠠ?
ᠡᠵᠡᠨ ᠶᠠᠭᠤᠨ ᠳ᠋ᠤ᠌ ᠳᠠᠭᠤᠳᠠᠪᠠ?
ᠡᠮᠡᠭᠡᠯ ᠶᠠᠭᠤᠨ ᠳ᠋ᠤ᠌ ᠬᠠᠩᠭᠢᠨᠠᠪᠠ?
（ ᠬᠥᠮᠦᠨᠴᠢᠯᠡᠯ）
⒍ᠨᠠᠮ ᠰᠢᠭ᠋ ᠭᠠᠵᠠᠷ ᠊ᠢ
ᠨᠠᠭᠤᠷ ᠪᠣᠯᠲᠠᠯᠠ ᠤᠬᠢᠯᠠᠵᠤ
ᠲᠠᠯᠠ ᠲᠡᠭᠰᠢ ᠭᠠᠵᠠᠷ ᠊ᠢ
ᠲᠠᠩᠭᠢᠰ ᠲᠣᠭᠲᠠᠲᠠᠯᠠ ᠣᠬᠢᠯᠠᠵᠢ᠃
（ ᠳᠠᠪᠠᠭᠤᠯᠤᠯ ）
⒎ᠡᠷᠡ ᠬᠥᠮᠦᠨ ᠲᠥᠷᠥᠪᠡᠯ
ᠡᠷᠢᠯᠲᠡ ᠶ᠋ᠢᠨ ᠭᠠᠵᠠᠷ ᠢ᠋ᠶ᠋ᠠᠨ ᠬᠦᠷᠳᠡᠭ
ᠡᠷᠡ ᠮᠣᠷᠢ ᠲᠥᠷᠥᠪᠡᠯ
ᠡᠴᠢᠬᠦ ᠭᠡᠰᠡᠨ ᠭᠠᠵᠠᠷ ᠢ᠋ᠶ᠋ᠠᠨ ᠬᠦᠷᠳᠡᠭ
（ ᠵᠡᠷᠭᠡᠴᠡᠭᠦᠯᠦᠯ ）
⒏ᠦᠷᠡ ᠪᠡᠨ ᠲᠠᠨᠢᠬᠤ ᠦᠭᠡᠢ
ᠥᠨᠢᠷ ᠪᠣᠯᠵᠤ
ᠦᠷᠢᠶᠡ ᠪᠡᠨ ᠲᠠᠨᠢᠬᠤ ᠦᠭᠡᠢ
ᠪᠠᠶᠠᠨ ᠪᠣᠯᠵᠤ
（ ᠵᠡᠷᠭᠡᠴᠡᠭᠦᠯᠦᠯ ）᠂ （ ᠬᠣᠣᠰᠯᠠᠭᠤᠯ ）
ᠡᠳᠡᠭᠡᠷ ᠠᠭᠤᠯᠭᠠ ᠶ᠋ᠢ ᠪᠠᠭᠰᠢ ᠠ᠋ᠴᠠ ᠠ᠋ᠴᠠ ᠤᠷᠢᠳᠠᠪᠠᠷ ᠰᠣᠩᠭᠣᠯᠲᠠ ᠬᠢᠵᠦ ᠬᠠᠨᠳᠤᠯᠭᠠ ᠲᠠᠢ ᠪᠠᠷ ᠰᠤᠷᠤᠭᠴᠢ ᠪᠠᠷ ᠵᠠᠪᠠᠯ ᠴᠡᠭᠡᠵᠢ ᠪᠡᠷ
ᠶᠠᠷᠢᠭᠤᠯᠵᠤ᠂ ᠪᠢᠴᠢᠭᠦᠯᠵᠦ᠂ ᠤᠩᠰᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠢᠩᠭᠢᠪᠡᠯ ᠰᠠᠶᠢ ᠲᠡᠳᠡᠭᠡᠷ ᠪᠠᠭᠠᠲᠤᠷᠯᠢᠭ᠋ ᠲᠤᠤᠯᠢ ᠶ᠋ᠢᠨ ᠳᠦᠷᠢ ᠭᠢᠯᠪᠠᠭᠠ ᠰᠤᠷᠤᠭᠴᠢ ᠶ᠋ᠢᠨ ᠣᠶᠤᠨ ᠰᠠᠨᠠᠭᠠᠨ ᠳ᠋ᠤ᠌ ᠨᠢ ᠣᠷᠣᠭᠤᠯᠵᠤ᠂ᠵᠡᠪᠰᠡᠭ ᠪᠠᠷᠢᠭᠰᠠᠨ ᠪᠠᠭᠠᠲᠤᠷ ᠢᠳᠡᠲᠡᠨ ᠪᠣᠯᠬᠤ ᠦᠭᠡᠢ ᠴᠦ᠍ ᠪᠡᠶᠡ ᠴᠣᠭᠴᠠ ᠳ᠋ᠤ᠌ ᠨᠢ ᠡᠷᠴᠢ ᠵᠣᠷᠢᠭ ᠣᠷᠣᠵᠤ᠂
ᠦᠢᠯᠡ ᠬᠥᠳᠡᠯᠦᠯ ᠨᠢ ᠬᠥᠩᠭᠡᠷᠡᠨ ᠭᠠᠪᠰᠢᠭᠠᠢᠯᠠᠵᠤ ᠂ ᠠᠵᠢᠯᠯᠠᠭᠠ ᠪᠦᠷᠢ ᠳ᠋ᠦ᠍ ᠪᠡᠨ ᠰᠢᠭᠤᠳᠤᠮᠠᠢᠭᠠᠢᠷᠠᠵᠤ᠂ ᠪᠢᠴᠢᠭ ᠨᠣᠮ ᠳ᠋ᠤ᠌ ᠵᠢᠪᠡᠷᠡᠭᠰᠡᠨ ᠨᠣᠮᠣᠢ ᠲᠣᠮᠣᠢ ᠮᠠᠩᠬᠤᠤ ᠪᠣᠯᠬᠤ ᠦᠭᠡᠢ ᠶᠦ᠍ᠮ᠃
ᠳᠡᠭᠡᠷᠡᠬᠢ ᠶ᠋ᠢ ᠬᠤᠷᠢᠶᠠᠩᠭᠤᠢᠯᠠᠪᠠᠯ ᠡᠷᠲᠡᠨ ᠦ᠌ ᠮᠣᠩᠭᠣᠯᠴᠤᠳ ᠮᠢᠨᠢ ᠠᠮᠢᠳᠤᠷᠠᠯ ᠤ᠋ᠨ ᠪᠦᠬᠦᠯᠢ ᠶᠠᠪᠤᠴᠠ ᠳ᠋ᠤ᠌ ᠪᠠᠨ ᠥᠨᠢᠳᠡ ᠪᠠᠷᠠᠰᠢ ᠦᠭᠡᠢ ᠨᠡᠯᠦᠭᠡᠷ ᠳᠠᠯᠠᠢ ᠰᠢᠭ᠋ ᠠᠷᠠᠳ ᠤ᠋ᠨ ᠠᠮᠠᠨ ᠪᠦᠲᠦᠭᠡᠯ ᠦ᠋ᠳ ᠢ᠋ ᠬᠡᠴᠢᠨᠡᠨ ᠮᠢᠩᠭᠠᠨ ᠵᠢᠯ ᠦ᠋ᠨ ᠲᠣᠷᠰᠢ ᠠᠷᠠᠳ ᠲᠦᠮᠡᠨ ᠦ᠌ ᠠᠮᠠ ᠪᠠᠷ ᠳᠠᠮᠵᠢᠭᠳᠠᠭᠰᠠᠨ ᠪᠦᠲᠦᠭᠡᠯ ᠦ᠋ᠨ ᠢ᠋ ᠥᠨᠥᠳᠥᠷ ᠪᠣᠯᠬᠤ ᠳ᠋ᠤ᠌ ᠪᠠᠭᠠᠴᠤᠳ ᠤ᠋ᠨ ᠣᠶᠤᠨ ᠤ᠋ ᠮᠡᠯᠮᠡᠢ ᠳ᠋ᠦ᠍ ᠬᠦᠷᠭᠡᠬᠦ ᠪᠣᠯᠤᠭᠰᠠᠨ ᠪᠠᠭᠰᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌
ᠵᠠᠪᠠᠯ ᠰᠢᠨᠵᠢᠯᠡᠨ ᠰᠤᠳᠤᠯᠵᠤ ᠴᠢᠬᠤᠯᠠᠴᠢᠯᠠᠨ ᠵᠢᠭᠠᠵᠤ᠂ ᠬᠢᠴᠢᠶᠡᠩᠭᠦᠢᠯᠡᠨ ᠵᠠᠯᠭᠠᠮᠵᠢᠯᠠᠭᠤᠯᠵᠤ ᠥᠭᠪᠡᠯ ᠰᠠᠶᠢ ᠠᠷᠠᠳ ᠤ᠋ᠨ ᠠᠮᠠᠨ ᠵᠣᠬᠢᠶᠠᠯ ᠢ᠋ ᠦᠶᠡ ᠶ᠋ᠢᠨ ᠦᠶᠡ ᠳ᠋ᠦ᠍ ᠲᠡᠰᠦᠷᠡᠰᠢ ᠦᠭᠡᠢ ᠤᠨᠳᠤᠷᠤᠨ ᠳᠡᠯᠭᠡᠷᠡᠭᠦᠯᠵᠦ᠂ ᠣᠬᠢ ᠰᠢᠮᠡ ᠶ᠋ᠢ ᠰᠤᠷᠤᠭᠴᠢᠳ ᠲᠤ᠌ ᠪᠠᠨ ᠮᠡᠳᠡᠭᠦᠯᠵᠦ ᠴᠢᠳᠠᠨᠠ᠃
ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠰᠡᠳᠬᠦᠯ ᠦ᠋ᠨ 2016 ᠣᠨ ᠤ᠋ 9 ᠳ᠋ᠦ᠍ᠭᠡᠷ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠨᠡᠢᠲᠡᠯᠡᠭᠳᠡᠪᠡ᠃
ᠠᠷᠠᠳ ᠤ᠋ᠨ ᠠᠮᠠᠨ ᠵᠣᠬᠢᠶᠠᠯ ᠪᠣᠯ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠤᠨᠲᠠᠷᠠᠰᠢ ᠦᠭᠡᠢ ᠡᠬᠢ ᠪᠤᠯᠠᠭ ᠶᠤᠮ᠃