ᠠᠭᠠᠯᠢ ᠦᠭᠡᠢ ᠡᠴᠡ ᠬᠠᠮᠠᠷ ᠦᠭᠡᠢ - ᠳ᠋᠊ ᠂ ᠨᠠᠴᠤᠭᠳᠣᠷᠵᠢ Аальгүйгээс хамаргүй - Д ᠂ Нацагдорж
300ᠠᠭᠠᠯᠢ ᠦᠭᠡᠢ ᠡᠴᠡ ᠬᠠᠮᠠᠷ ᠦᠭᠡᠢ
( ᠱᠤᠭ ᠥᠭᠥᠯᠡᠯᠭᠡ )
ᠰᠢᠨᠡᠬᠡᠨ ᠠᠪᠤᠭᠰᠠᠨ ᠤᠫᠸ᠋ᠯ ( ᠭ᠌ᠸᠷᠮᠠᠨ ᠤ ) ᠳᠤᠭᠤᠢ ᠶᠢᠨ ᠳᠡᠭᠡᠷᠡ ᠪᠦᠭᠰᠡ ᠪᠡᠨ ᠬᠤᠯᠪᠢᠯᠵᠠᠭᠤᠯᠵᠤ᠂ ᠰᠡᠶ᠋ᠢᠮᠡᠬᠡᠢ ᠲᠤᠷᠭᠠᠨ ᠣᠶ᠋ᠢᠮᠣᠰᠤᠨ ᠤ ᠳᠡᠭᠡᠭᠦᠷ ᠭᠤᠶᠠ ᠪᠠᠨ ᠭᠢᠯᠠᠯᠵᠠᠭᠤᠯᠤᠭᠰᠠᠨ᠂ ᠬᠦᠳᠡᠭᠡᠨ ᠦ ᠭᠡᠬᠦ ᠳᠦ ᠭᠣᠶᠣᠮᠰᠣᠭ ᠂ ᠬᠦᠷᠢᠶᠡᠨ ᠦ ᠭᠡᠬᠦ ᠳ᠋ᠦ᠍ ᠤᠷᠢᠳᠤ ᠥᠵᠡᠭᠲᠡᠭᠡ ᠥᠭᠡᠢ ᠭᠡᠤᠭᠡᠨ ᠤᠰᠤᠨ ᠤ ᠭᠤᠳᠤᠮᠵᠢ ᠶᠢ ᠤᠷᠤᠭᠤᠳᠠᠨ᠂ ᠤᠬᠠᠭᠠᠨ ᠥᠭᠡᠢ ᠵᠢᠭᠢᠵᠤ ᠶᠠᠪᠤᠨᠠ᠃ ᠺᠤᠮᠪᠢᠨᠠᠲ ( ᠥᠢᠯᠡᠳᠪᠥᠷᠢ ) ᠳᠡᠭᠡᠷᠡ ᠡᠴᠡ ᠭᠠᠷᠤᠭᠰᠠᠨ᠂ ᠬᠣᠶ᠋ᠢᠨᠠ ᠪᠠᠨ ᠶᠠᠭᠤᠮᠠ ᠠᠴᠢᠵᠤ᠂ ᠤᠷᠳᠤ ᠪᠠᠨ ᠬᠥᠮᠦᠨ ᠰᠠᠭᠤᠯᠭᠠᠭᠰᠠᠨ ᠪᠤᠬᠢᠷ ᠬᠠᠷᠠ ᠳᠤᠭᠤᠢ ᠲᠠᠢ᠂ ᠪᠤᠷᠤ ᠳᠠᠪᠤᠤ ᠳᠡᠪᠡᠯ ᠲᠠᠢ᠂ ᠠᠵᠢᠯᠴᠢᠨ ᠭᠠᠷᠴᠤ ᠢᠷᠡᠬᠥ ᠳᠦ ᠭᠡᠤᠭᠡᠨ ᠳᠡᠭᠡᠭᠦᠷ ᠬᠠᠷᠠᠵᠤ ᠢᠰᠬᠢᠷᠤᠨ᠂ ᠳᠡᠭᠵᠢᠷᠬᠡᠨ ᠰᠡᠭᠡᠮᠡᠯᠵᠡᠵᠤ᠂ ᠶᠠᠭ ᠭᠢᠲᠡᠯᠡ ᠲᠤᠯᠭᠠᠷᠠᠨ ᠵᠠᠪᠳᠤᠬᠤ ᠳᠤ ᠯᠤᠪᠰᠠᠩ ᠪᠤᠬᠢᠷ ᠬᠠᠷᠠ ᠳᠤᠭᠤᠢ ᠪᠠᠨ ᠪᠤᠷᠤᠭᠤ ᠲᠡᠶ᠋ᠢᠰᠢ ᠨᠢ ᠨᠢᠭᠡ ᠡᠷᠭᠢᠬᠦᠯᠵᠤ᠂ ᠵᠦᠪ ᠲᠡᠶ᠋ᠢᠰᠢ ᠨᠢ ᠬᠤᠶᠠᠷ ᠬᠤᠯᠪᠤᠯᠵᠢᠭᠤᠯᠤᠭᠰᠠᠨ ᠪᠤᠯᠪᠠᠴᠤ᠂ ᠬᠣᠶ᠋ᠢᠨᠠ ᠠᠴᠠ ᠢᠷᠡᠵᠤ ᠪᠠᠶ᠋ᠢᠭᠠ ᠭᠡᠤᠭᠡᠨ ᠬᠠᠶ᠋ᠢᠬᠤᠷᠤᠯ ᠥᠭᠡᠢ ᠪᠠᠶ᠋ᠢᠭᠠᠳ ᠬᠠᠷᠢᠭᠤ ᠥᠭᠡᠢ ᠤᠶ᠋ᠢᠷᠠᠳᠬᠤ ᠳᠤ 《 ᠬᠥᠶᠢ᠂ ᠶᠠᠭᠠᠬᠢᠳᠠᠭ ᠪᠢᠯᠡ᠂ ᠬᠥᠷᠥᠭᠡᠳ ᠢᠷᠡᠯᠡ᠂ ᠬᠠᠯᠳᠠᠭ᠂ ᠪᠠᠯᠳᠠᠭ᠂ ᠬᠠᠮᠢᠭᠠᠰᠢ ᠪᠠᠨ ᠬᠥᠮᠦᠨ ᠪᠤᠢ 》 ᠭᠡᠵᠤ ᠬᠠᠰᠬᠢᠷᠤᠨ ᠤᠤᠯᠭᠠ ᠠᠯᠳᠠᠭᠠᠳ ᠲᠤᠯᠭᠠᠷᠠᠨ ᠤᠨᠠᠪᠠ᠃
ᠳᠤᠷᠳᠤᠩ ᠳᠡᠪᠡᠯ ᠨᠢ ᠳᠤᠭᠤᠢ ᠶᠢᠨ ᠭᠢᠨᠵᠢᠨ ᠳᠦ ᠤᠷᠤᠵᠤ᠂ ᠲᠦᠭᠦᠷᠢᠭ ᠴᠠᠭᠠᠨ ᠴᠢᠷᠡᠢ ᠨᠢ ᠤᠪ ᠤᠯᠠᠭᠠᠨ ᠪᠤᠯᠪᠠ᠃ ᠬᠠᠵᠠᠭᠤ ᠪᠠᠷ ᠨᠢ ᠶᠠᠪᠤᠭᠰᠠᠨ ᠬᠥᠮᠦᠨ ᠢ ᠬᠠᠨᠴᠤᠢ ᠪᠠᠷ ᠢᠶ᠋ᠠᠨ ᠳᠠᠯᠠᠯᠵᠤ 《 ᠶᠣ᠋ ᠂ ᠶᠣ᠋ 》 ᠭᠡᠵᠤ ᠢᠷᠪᠡᠶ᠋ᠢᠨ ᠤᠷᠤᠭᠤᠯ ᠢᠶ᠋ᠠᠨ ᠤᠨᠵᠢᠭᠤᠯᠵᠤ ᠤᠬᠢᠯᠠᠬᠤ ᠮᠡᠲᠦ ᠬᠢᠩᠭᠢᠨᠡᠵᠤ᠂ ᠡᠨᠡ ᠬᠥᠮᠦᠨ ᠳᠦ ᠡᠷᠬᠡᠯᠡᠵᠤ᠂ ᠲᠡᠷᠡ ᠬᠥᠮᠦᠨ ᠳᠦ ᠲᠡᠮᠡᠤᠯᠤᠨᠡ᠃
ᠠᠵᠢᠯᠴᠢᠨ ᠬᠥᠮᠦᠨ᠄ 《 ᠠᠭᠠᠯᠢ ᠦᠭᠡᠢ ᠡᠴᠡ ᠬᠠᠮᠠᠷ ᠦᠭᠡᠢ 》 ᠭᠡᠪᠡᠯ 《 ᠵᠠ ᠶᠠᠷᠰᠢᠭ ᠳ᠋ᠠ ᠂ ᠲᠠ ᠶᠠᠭᠤ ᠬᠡᠯᠡᠵᠤ ᠪᠠᠶ᠋ᠢᠭᠠ ᠶᠤᠮ ᠪᠤᠢ? ᠳ᠋ᠸ ᠂ ᠬᠥᠶᠢ ᠶᠠᠭᠠᠬᠢᠳᠠᠭ ᠪᠢᠯᠡ᠂ ᠬᠠᠮᠠᠷ ᠥᠬᠡᠢ ᠪᠤᠯ ᠬᠠᠷᠢᠨ ᠭᠡᠴᠡᠭᠥᠥ ᠪᠠᠶ᠋ᠢᠭᠠ ᠂ ᠦᠭᠡᠢ ᠶᠡᠷᠦ ᠳ᠋ᠡᠭᠡᠨ ᠬᠥᠮᠦᠨ ᠦ ᠴᠢᠷᠡᠢ ᠶᠠᠭᠠᠬᠢᠵᠤ ᠬᠠᠷᠠᠬᠤ ᠪᠢᠯᠡ 》 ᠭᠡᠵᠤ ᠨᠢᠭᠤᠷ ᠢᠶ᠋ᠠᠨ ᠲᠠᠭᠯᠠᠨᠠ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠣᠨ ᠪ 6 ᠰᠠᠷᠠ ᠶ᠋ᠢᠨ 13