ᠱᠤᠭ ᠰᠢᠯᠦᠭ - ᠳ᠋᠊ ᠂ ᠨᠠᠴᠤᠭᠳᠣᠷᠵᠢ Шог шүлэг - Д ᠂ Нацагдорж
313ᠱᠤᠭ ᠰᠢᠯᠦᠭ - ᠳ᠋᠊ ᠂ ᠨᠠᠴᠤᠭᠳᠣᠷᠵᠢ Шог шүлэг - Д ᠂ Нацагдорж
ᠬᠦᠵᠢᠷ ᠲᠣᠮᠣ ᠯᠠᠮᠠ ᠂ ᠮᠢᠨᠲᠠᠭ ᠲᠤᠰᠢᠶᠠᠯ ᠶ᠋ᠢᠠᠷ ᠥᠯᠥᠰᠬᠦᠯᠡᠩ ᠂
ᠭᠦᠷᠤᠮᠴᠢ ᠳᠤᠷᠤᠮᠴᠢ ᠯᠠᠮᠠ᠂ ᠡᠷᠭᠦᠯ ᠪᠠᠷᠢᠴᠠ ᠪᠠᠷ ᠥᠯᠥᠰᠬᠦᠯᠡᠩ ᠂
ᠭᠦᠶᠦᠵᠦ ᠶᠠᠪᠤᠲᠠᠭ ᠪᠠᠲᠢᠷᠴᠢᠨ᠂ ᠬᠣᠭᠣᠯᠠ ᠤᠮᠲᠠ ᠪᠠᠷ ᠥᠯᠥᠰᠬᠦᠯᠡᠩ ᠂
ᠭᠦᠵᠡᠭᠡ ᠶᠡᠬᠡ ᠨᠢᠷᠪᠠ᠂ ᠴᠣᠣᠵᠢ ᠲᠦᠯᠬᠢᠭᠦᠷ ᠶ᠋ᠢᠡᠷ ᠥᠯᠥᠰᠬᠦᠯᠡᠩ ᠂
ᠬᠦᠤᠨᠢᠶᠠᠩ ᠬᠤᠸᠠᠷ ᠬᠡᠦᠬᠡᠨ᠂ ᠨᠥᠬᠥᠷ ᠬᠠᠨᠢ ᠪᠠᠷ ᠥᠯᠥᠰᠬᠦᠯᠡᠩ ᠂
ᠬᠠᠭᠠᠳ ᠨᠣᠶᠠᠳ᠂ ᠲᠣᠷᠬ᠋ᠠ ᠳᠤᠷᠳᠤᠩ ᠡᠷᠢᠨᠡ ᠂
ᠬᠠᠮᠪᠤ ᠯᠠᠮᠠ᠂ ᠮᠢᠨᠲᠠᠭ ᠴᠣᠯᠠ ᠡᠷᠢᠨᠡ ᠂
ᠬᠠᠲᠤᠳ ᠠᠪᠠᠬᠠᠢ᠂ ᠰᠠᠶ᠋ᠢᠬᠠᠨ ᠥᠩᠭᠡ ᠡᠷᠢᠨᠡ ᠂
ᠬᠠᠷᠠᠴᠤ ᠠᠷᠠᠳ ᠦ᠋ᠳ᠂ ᠡᠷᠬᠡ ᠴᠢᠯᠥᠭᠡ ᠶ᠋ᠢ ᠡᠷᠢᠨᠡ ᠂
ᠬᠤᠲᠠᠯᠲᠤᠭᠠᠴᠢᠨ ᠳᠠᠮᠪᠢ᠂ ᠲᠣᠯᠣᠭᠠᠢ ᠰᠠᠯᠠᠭᠠᠪᠴᠢᠯᠠᠵᠤ ᠰᠠᠭᠤᠨᠠ
ᠬᠤᠲᠠᠯ ᠬᠡᠯᠡᠵᠦ ᠬᠥᠮᠦᠨ ᠊ᠢ ᠱᠤᠯᠤᠬᠤ ᠶ᠋ᠢ ᠬᠦᠰᠡᠨᠡ ᠃
ᠬᠤᠯᠠᠭᠠᠶ᠋ᠢᠴᠢ ᠰᠡᠷᠡᠬᠡ᠂ ᠬᠥᠮᠦᠨ ᠪ ᠨᠢᠲᠦ ᠬᠠᠷᠠᠭᠤᠯᠲᠠᠨᠠ ᠂
ᠬᠤᠪᠢᠰᠬᠠᠯᠲᠤ ᠵᠠᠯᠠᠭᠤᠴᠤᠳ ᠪᠢᠲᠡ ᠪᠣᠯ
ᠬᠤᠷᠲᠤᠨ ᠪᠣᠯᠪᠠᠰᠤᠷᠠᠵᠤ ᠲᠦᠷᠭᠡᠨ ᠬᠥᠭᠵᠢᠬᠦ ᠶ᠋ᠢ ᠪᠣᠲᠣᠨᠠ ᠃
ᠵᠠᠶᠠᠭᠠᠲᠤ ᠳᠠᠩᠵᠢᠶᠠᠳ ᠪᠣᠷᠣ ᠮᠣᠷᠢ ᠤᠨᠤᠭᠠᠳ
ᠵᠠᠮ ᠲᠣᠰᠴᠤ ᠠᠶᠠᠨᠴᠢᠨ ᠵᠢᠩᠴᠢᠨ ᠊ᠢ ᠪᠢᠯᠲᠠᠤᠴᠢᠯᠠᠨᠠ ᠂
ᠵᠠᠮᠰᠤ ᠯᠠᠮᠠ ᠲᠣᠮᠣ ᠳᠠᠮᠠᠷᠤ ᠪᠠᠷᠢᠭᠠᠳ
ᠵᠠᠬᠠ ᠬᠢᠵᠠᠭᠠᠷ ᠶ᠋ᠢᠠᠷ ᠶᠠᠪᠠᠭᠠᠨ ᠲᠡᠨᠦᠭᠦᠴᠢᠯᠡᠨᠡ ᠃
ᠵᠠᠪᠬᠠᠢ ᠬᠡᠦᠬᠡᠨ ᠨᠤᠭᠦᠳ ᠡᠷᠡᠴᠦᠦᠯ ᠣᠯᠠᠨ ᠴᠤᠭᠯᠠᠭᠠᠨᠠ ᠃
ᠳᠤᠭᠠᠩ ᠰᠦᠮᠡ ᠶ᠋ᠢᠨ ᠭᠣᠣᠯ ᠡᠭᠦᠲᠡᠨ ᠳ᠋ᠤ᠌
ᠲᠤᠮᠠ ᠴᠢᠪᠠᠭᠠᠨᠴᠠ ᠶ᠋ᠢ ᠵᠠᠯᠪᠠᠷᠢᠨ ᠮᠥᠷᠭᠥᠬᠦ ᠳ᠋ᠤ᠌
ᠲᠣᠭᠠᠩᠴᠢ ᠯᠠᠮᠠ ᠳᠠᠪᠠᠬᠠᠢ ᠢᠷᠡᠵᠦ
ᠳᠤᠭᠤᠢ ᠪᠣᠣᠪᠣ ᠶ᠋ᠢ ᠬᠠᠲᠠᠭ ᠶ᠋ᠢᠠᠷ ᠰᠣᠯᠢᠨᠠ ᠂
ᠳᠤᠯᠮᠠ ᠬᠡᠦᠬᠡᠨ ᠬᠠᠲᠠᠪᠴᠢ ᠪᠠᠷ ᠪᠠᠰᠠ ᠱᠠᠭᠠᠶ᠋ᠢᠨᠠ ᠃
ᠰᠠᠭᠠᠳ ᠪᠡᠷᠬᠡ ᠶ᠋ᠢ ᠳᠠᠪᠠᠨ ᠲᠤᠭᠤᠯᠬᠤ ᠶ᠋ᠢ
ᠰᠠᠶ᠋ᠢᠨ ᠵᠣᠷᠢᠬ ᠦᠨᠡᠨ ᠰᠠᠨᠠᠬ᠋ᠠ ᠮᠡᠲᠡᠨᠡ
ᠬᠤᠷᠴᠠ ᠰᠢᠭᠦᠮᠵᠢᠯᠡᠯ ᠊ᠢ ᠳᠡᠯᠭᠡᠷᠡᠭᠦᠯᠵᠦ ᠬᠡᠷᠪᠡ ᠴᠢᠲᠠᠪᠠᠯ
ᠬᠠᠭᠤᠴᠢᠨ ᠊ᠢ ᠬᠠᠯᠠᠵᠤ ᠰᠢᠨᠡ ᠶ᠋ᠢ ᠵᠣᠬᠢᠶᠠᠨᠠ
ᠬᠠᠤᠯᠢ ᠳᠦᠷᠢᠮ ᠲᠡᠭᠦᠨ ᠳ᠋ᠤ᠌ ᠪᠠᠰᠠ ᠲᠤᠰᠠᠯᠠᠨᠠ ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠪᠠᠭᠠᠲᠤᠷ
2023 ᠣᠨ ᠪ 6 ᠰᠠᠷᠠ ᠶ᠋ᠢᠨ 10