《 ᠬᠢ ᠬᠢ ᠬᠢ 》 - ᠳ᠋᠊ ᠂ ᠨᠠᠴᠤᠭᠳᠣᠷᠵᠢ " Хи хи хи " - Д ᠂ Нацагдорж
321《 ᠬᠢ ᠬᠢ ᠬᠢ 》
ᠬᠣᠱᠣᠩ ᠥᠭᠦᠯᠡᠯᠭᠡ
ᠴᠡᠩᠭᠡᠯᠳᠦᠬᠦ ᠬᠦᠷᠢᠶᠡᠯᠡᠩ ᠦ᠋ᠨ ᠵᠣᠴᠢᠳ ᠤ᠋ᠨ ᠲᠠᠰᠤᠯᠭᠠᠨ ᠤ᠋ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠮᠡᠭᠴᠡ ᠭᠤᠷᠪᠠᠨ ᠵᠠᠯᠠᠭᠤ ᠪᠦᠰᠡᠭᠦᠢ ᠰᠢᠷᠡᠭᠡ ᠲᠣᠭᠣᠷᠢᠨ ᠰᠠᠭᠤᠵᠤ ᠬᠣᠭᠣᠯᠠᠯᠠᠨᠠ ᠃ ᠬᠦᠶᠢ ᠶᠠᠭᠠᠬᠢᠳᠠᠭ ᠪᠢᠯᠡ ᠂ ᠲᠠ ᠪᠤᠰᠢᠭᠤ ᠬᠠᠭᠠᠯᠭᠠ ᠶ᠋ᠢ ᠬᠠᠭᠠᠴᠢᠬᠠ ᠭᠡᠳ 《 ᠬᠢ ᠬᠢ ᠬᠢ》 ᠭᠡᠵᠦ ᠢᠨᠢᠶᠡᠯᠳᠦᠨᠡ ᠃ ᠨᠢᠳᠦ ᠪᠡᠨ ᠠᠨᠢᠯᠳᠤᠭᠤᠯᠤᠨ ᠢᠷᠮᠡᠯᠳᠦᠭᠦᠯᠦᠨ ᠂ ᠠᠭᠠᠯᠢ ᠦᠭᠡᠢᠲᠦᠬᠦ ᠪᠥᠭᠡᠳ 《 ᠬᠥᠮᠦᠨ ᠡᠴᠡ ᠠᠶᠤᠳᠠᠭ ᠶᠠᠭᠠᠬᠢᠭᠰᠠᠨ ᠬᠡᠦᠬᠡᠨ ᠨᠤᠭᠦᠳ ᠪᠣᠢ》 ᠭᠡᠪᠡᠯ ᠮᠥᠷᠥ ᠪᠡᠨ ᠬᠠᠪᠴᠢᠨ ᠬᠦᠵᠦᠭᠦᠦ ᠪᠡᠨ ᠭᠠᠩᠬᠤᠭᠤᠯᠤᠨ ᠂ 《 ᠠᠶᠤᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ ᠂ ᠠᠶᠤᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ 》 ᠭᠡᠵᠦ ᠪᠠᠰᠠ ᠯᠠ ᠳᠠᠬᠢᠨ 《 ᠬᠢ ᠬᠢ ᠬᠢ》 ᠭᠡᠵᠦ ᠢᠨᠢᠶᠡᠯᠳᠦᠨᠡ ᠃
ᠣᠷᠣᠵᠤ ᠰᠠᠭᠤᠭᠠᠳ ᠨᠢᠭᠡᠨᠲᠡ ᠰᠢᠷᠪᠢᠨ ᠠᠵᠢᠭᠯᠠᠪᠠᠯ ᠂ 《 ᠬᠥᠮᠦᠨ ᠬᠣᠭᠣᠯᠠ ᠢᠳᠡᠵᠦ ᠪᠠᠢᠬᠤ ᠳ᠋ᠤ᠌ ᠶᠠᠭᠠᠬᠢᠭᠰᠠᠨ ᠬᠥᠮᠦᠨ ᠪᠣᠢ ! 》 ᠭᠡᠵᠦ ᠮᠥᠨ ᠳᠠᠬᠢᠨ 《 ᠬᠢ ᠬᠢ ᠬᠢ 》 ᠭᠡᠵᠦ ᠢᠨᠢᠶᠡᠯᠳᠦᠨᠡ ᠃
ᠬᠦᠷᠡᠩ ᠳᠠᠪᠤᠤ ᠳᠡᠪᠡᠯ ᠢ᠋ ᠨᠠᠷᠢᠨ ᠳᠤᠷᠳᠤᠩ ᠪᠦᠰᠡ ᠪᠡᠷ ᠪᠦᠰᠡᠯᠡᠵᠦ ᠂ ᠴᠠᠭᠠᠨ ᠣᠷᠣᠰ ᠮᠠᠯᠠᠭᠠᠢ ᠡᠮᠦᠰᠦᠭᠰᠡᠨ᠂ ᠵᠡᠭᠦᠨ ᠲᠠᠯᠠ ᠶ᠋ᠢᠨ ᠰᠣᠶᠣᠭᠠᠨ ᠳ᠋ᠠᠭᠠᠨ ᠠᠯᠲᠠᠨ ᠰᠢᠳᠦ ᠶ᠋ᠢ ᠬᠢᠭᠰᠡᠨ ᠂ ᠬᠦᠷᠢᠶᠡᠨ ᠦ᠌ ᠬᠥᠭᠡᠷᠦᠬᠦᠢ ᠶ᠋ᠢᠨ ᠲᠣᠭᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠨᠢᠭᠡ ᠬᠡᠦᠬᠡᠨ ᠬᠥᠳᠡᠯᠬᠦ ᠪᠦᠷᠢ ᠠᠭᠠᠯᠢ ᠦᠭᠡᠢᠲᠡᠵᠦ ᠂ ᠬᠠᠷᠠᠬᠤ ᠪᠦᠷᠢ 《 ᠬᠢ ᠬᠢ ᠬᠢ 》 ᠭᠡᠵᠦ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠢᠨᠢᠶᠡᠨᠡ ᠃ ᠳᠠᠷᠠᠭᠠ ᠪᠠᠷ ᠂ ᠴᠢ ᠢᠩᠭᠢᠭᠡᠳ ᠂ ᠪᠢ ᠢᠩᠭᠢᠭᠡᠳ ᠂ ᠲᠠᠪᠠᠭ ᠢ᠋ᠶ᠋ᠠᠨ ᠴᠠᠭᠠᠰᠢ ᠨᠢ ᠂ ᠱᠠᠭᠠᠵᠠᠩ ᠢ᠋ᠶ᠋ᠠᠨ ᠨᠠᠭᠠᠰᠢ ᠨᠢ ᠂ ᠡᠨᠡ ᠬᠥᠮᠦᠨ ᠨᠢ ᠂ ᠲᠡᠷᠡ ᠶᠠᠭᠤᠮᠠ ᠶ᠋ᠢ ᠭᠡᠯᠴᠡᠨ ᠳᠡᠭᠡᠭᠦᠷ ᠳᠣᠣᠭᠤᠷ ᠢ᠋ᠶ᠋ᠠᠨ ᠨᠢᠳᠤᠷᠤᠯᠴᠠᠨ ᠂ ᠠᠷᠪᠠᠨ ᠲᠠᠪᠤᠨ ᠮᠢᠨᠦ᠋ᠲ ᠦ᠋ᠨ ᠵᠠᠭᠤᠷᠠ ᠦᠷᠭᠦᠯᠵᠢ 《 ᠬᠢ ᠬᠢ ᠬᠢ 》 ᠂ 《 ᠬᠢ ᠬᠢ ᠬᠢ 》 ᠭᠡᠵᠦ ᠢᠨᠢᠶᠡᠯᠳᠦᠵᠦ ᠪᠠᠢᠭᠠᠳ ᠪᠠᠰᠠ ᠯᠠ 《 ᠬᠢ ᠬᠢ ᠬᠢ 》 ᠭᠡᠵᠦ ᠠᠭᠠᠯᠢ ᠦᠭᠡᠢᠲᠡᠵᠦ ᠭᠣᠳᠣᠯᠵᠠᠭᠰᠠᠭᠠᠷ ᠭᠠᠷᠴᠤ ᠣᠳᠪᠠ ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠲᠩᠷᠢ ᠡᠵᠢ ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠪᠠ
2023 ᠂ 6 ᠂10 ᠶ᠋ᠢᠨ ᠡᠳᠦᠷ