ᠢᠨᠢᠶᠡᠪᠡᠯ ᠵᠠᠯᠠᠭᠤᠵᠢᠨᠠ - ᠳ᠋᠊ ᠂ ᠨᠠᠸᠠᠩᠰᠦ᠋ᠷᠦᠩ Инээвэл залуужна - Д ᠂ Наваансүрэн
286ᠢᠨᠢᠶᠡᠪᠡᠯ ᠵᠠᠯᠠᠭᠤᠵᠢᠨᠠ
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠢᠷᠠᠭᠤ ᠠᠯᠳᠠᠷᠲᠤ ᠵᠢᠷᠠᠨ ᠵᠢᠯ ᠦ᠋ᠨ ᠣᠢ ᠶ᠋ᠢᠨ ᠪᠠᠶᠠᠷ ᠢ᠋ᠶ᠋ᠠᠨ ᠴᠣᠭ ᠵᠢᠪᠬᠤᠯᠠᠩᠲᠤ ᠲᠡᠮᠳᠡᠭᠯᠡᠵᠦ ᠪᠠᠢᠭᠠ ᠡᠷᠬᠢᠮ ᠬᠦᠨᠳᠦᠲᠦ ᠤᠩᠰᠢᠭᠴᠢᠳ ᠲᠠ ᠪᠦᠬᠦᠨ ᠳ᠋ᠡᠭᠡᠨ ᠮᠣᠩᠭᠣᠯ ᠤ᠋ᠨ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠢ᠋ᠶ᠋ᠠᠨ ᠳᠡᠭᠡᠵᠢ ᠶ᠋ᠢ ᠡᠷᠭᠦᠨ ᠪᠠᠷᠢᠵᠤ ᠪᠠᠢᠨᠠ ᠃
ᠡᠨᠡ ᠨᠣᠮ ᠪᠣᠯ ᠡᠯᠳᠡᠪ ᠳᠤᠲᠠᠭᠳᠠᠯ ᠢ᠋ ᠱᠣᠭ ᠬᠣᠱᠣᠩ ᠢᠨᠢᠶᠡᠳᠦ ᠪᠡᠷ ᠠᠨᠠᠭᠠᠵᠤ ᠢᠷᠡᠭᠰᠡᠨ ᠠᠷᠠᠳ ᠲᠦᠮᠡᠨ ᠪ ᠪᠡᠨ ᠰᠠᠢᠬᠠᠨ ᠤᠯᠠᠮᠵᠢᠯᠠᠯ ᠢ᠋ ᠮᠣᠩᠭᠣᠯ ᠤ᠋ᠨ ᠰᠢᠨᠡ ᠤᠳᠬᠠ ᠵᠣᠬᠢᠶᠠᠯ ᠥᠪᠯᠡᠨ ᠠᠪᠴᠤ ᠬᠥᠭᠵᠢᠭᠦᠯᠵᠦ᠂ ᠮᠠᠨ ᠪ ᠤᠷᠤᠭᠰᠢᠯᠠᠬᠤ ᠬᠥᠳᠡᠯᠭᠡᠭᠡᠨ ᠳ᠋ᠦ᠍ ᠰᠠᠭᠠᠳ ᠲᠣᠳᠬᠠᠷ ᠪᠣᠯᠤᠭᠰᠠᠨ ᠰᠠᠭᠠᠷ ᠮᠠᠭᠤ ᠶ᠋ᠢ ᠠᠷᠢᠯᠭᠠᠨ ᠵᠠᠰᠠᠬᠤ ᠶ᠋ᠢᠨ ᠲᠥᠯᠥᠭᠡ ᠲᠡᠮᠡᠴᠡᠵᠦ ᠂ ᠨᠠᠮ ᠤ᠋ᠨ ᠢ᠋ᠶ᠋ᠠᠨ ᠦᠵᠡᠯ ᠰᠤᠷᠲᠠᠯ ᠤ᠋ᠨ ᠳᠠᠢᠴᠢᠨ ᠬᠤᠷᠴᠠ ᠵᠡᠪᠰᠡᠭ ᠦ᠋ᠨ ᠡᠭᠦᠷᠭᠡ ᠶ᠋ᠢ ᠪᠡᠶᠡᠯᠡᠭᠦᠯᠵᠦ ᠢᠷᠡᠭᠰᠡᠨ ᠪ ᠨᠢᠭᠡᠨ ᠲᠠᠢᠯᠤᠯ ᠶᠤᠮ ᠃
ᠮᠣᠩᠭᠣᠯ ᠤ᠋ᠨ ᠠᠷᠠᠳ ᠲᠦᠮᠡᠨ ᠪ ᠪᠦᠲᠦᠭᠡᠭᠰᠡᠨ ᠱᠣᠭ ᠬᠣᠱᠣᠩ ᠦᠯᠢᠭᠡᠷ ᠂ ᠵᠦᠢᠷ ᠰᠡᠴᠡᠨ ᠦᠭᠡ ᠂ ᠶᠣᠭᠲᠠᠯᠠᠯ ᠂ ᠪᠠᠳᠢᠷᠴᠢᠨ ᠪ ᠶᠠᠪᠤᠲᠠᠯ ᠂ ᠳᠠᠯᠠᠨ ᠬᠤᠳᠠᠯᠴᠢ ᠶ᠋ᠢᠨ ᠦᠯᠢᠭᠡᠷ ᠂ ᠮᠠᠨ ᠪ ᠰᠢᠨᠡ ᠦᠶᠡ ᠶ᠋ᠢᠨ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠣᠱᠣᠩ ᠱᠣᠭ ᠴᠠᠭ ᠢᠮᠠᠭᠲᠠ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠡᠴᠡ ᠳᠡᠪᠰᠢᠭᠦᠯᠦᠭᠰᠡᠨ ᠵᠣᠷᠢᠯᠲᠠ ᠶ᠋ᠢ ᠬᠡᠷᠡᠭᠵᠢᠭᠦᠯᠬᠦ ᠳ᠋ᠦ᠍ ᠥᠪᠡᠷ ᠦ᠋ᠨ ᠬᠠᠭᠤᠳᠠᠰᠤ ᠪᠠᠨ ᠵᠣᠷᠢᠭᠤᠯᠵᠤ ᠢᠷᠡᠭᠰᠡᠨ ᠶᠤᠮ ᠃
ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠶ᠋ᠢᠠᠷ ᠰᠢᠷᠡᠭᠡᠨ ᠡᠴᠡ ᠪᠡᠨ ᠰᠡᠭᠰᠦᠷᠦᠭᠳᠡᠭᠰᠡᠨ ᠬᠠᠷᠠ ᠰᠢᠷᠠ ᠹᠧᠣᠳᠠᠯ ᠂ ᠡᠯᠳᠡᠪ ᠪᠤᠷᠤᠩᠬᠤᠢ ᠶᠠᠪᠤᠲᠠᠯ ᠂ ᠬᠠᠭᠤᠴᠢᠨ ᠨᠡᠢᠭᠡᠮ ᠡᠴᠡ ᠦᠯᠡᠳᠡᠵᠦ ᠬᠣᠴᠣᠷᠤᠭᠰᠠᠨ ᠠᠯᠢᠪᠠ ᠳᠤᠲᠠᠭᠳᠠᠯ ᠢ᠋ ᠢᠯᠡᠴᠢᠯᠡᠨ ᠭᠠᠷᠭᠠᠬᠤ ᠂ ᠰᠢᠭᠦᠮᠵᠢᠯᠡᠨ ᠵᠠᠰᠠᠬᠤ ᠳ᠋ᠤ᠌ ᠬᠣᠷᠢ ᠭᠤᠴᠢᠭᠠᠳ ᠣᠨ ᠪ ᠵᠣᠬᠢᠶᠠᠯᠴᠢᠳ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠢ᠋ᠶ᠋ᠠᠨ ᠵᠣᠷᠢᠭᠤᠯᠵᠤ ᠪᠠᠢᠬᠰᠠᠨ ᠪᠣᠯ ᠂ ᠳᠥᠴᠢ ᠲᠠᠪᠢᠭᠠᠳ ᠣᠨ ᠳ᠋ᠤ᠌ ᠳᠠᠢᠨ ᠪ ᠬᠡᠨᠡᠭᠡᠲᠡᠨ ( ᠭᠣᠷᠢ ᠰᠢᠨᠤᠯᠲᠠᠨ ) ᠨᠤᠭᠤᠳ ᠂ ᠬᠦᠨᠳᠦ ᠰᠤᠷᠲᠠᠯ ᠂ ᠨᠢᠭᠡᠳᠦᠯᠴᠡᠬᠦ ᠬᠥᠳᠡᠯᠭᠡᠭᠡᠨ ᠳ᠋ᠦ᠍ ᠰᠠᠭᠠᠳ ᠪᠣᠯᠤᠭᠴᠢᠳ ᠢ᠋ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠢ᠋ᠶ᠋ᠠᠨ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠵᠠᠢ ᠃ ᠡᠳᠦᠭᠡ ᠦᠶᠡ ᠳ᠋ᠦ᠍ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠡᠭᠦᠷᠭᠡ ᠤᠯᠠᠮ ᠲᠣᠳᠣᠷᠬᠠᠢ ᠪᠣᠯᠵᠤ ᠂ ᠲᠡᠭᠦᠨ ᠪ ᠠᠴᠢ ᠬᠣᠯᠪᠣᠭᠳᠠᠯ ᠤᠯᠠᠮ ᠥᠷᠭᠡᠵᠢᠵᠦ ᠪᠠᠢᠨᠠ ᠃ ᠮᠠᠨ ᠪ ᠠᠷᠠᠳ ᠲᠦᠮᠡᠨ ᠰᠤᠽᠢᠶᠠᠯᠢᠰᠲ ( ᠨᠡᠢᠭᠡᠮ ᠵᠢᠷᠤᠮ ) ᠠᠵᠤ ᠲᠥᠷᠬᠦ ᠶᠣᠰᠣᠨ ᠳ᠋ᠤ᠌ ᠬᠠᠷᠰᠢ ᠵᠦᠢᠯ ᠪᠦᠬᠦᠨ ᠂ ᠲᠤᠬᠠᠢᠯᠠᠪᠠᠯ 《 ᠁ ᠠᠮᠢᠲᠤᠷᠠᠯ ᠳ᠋ᠤ᠌ ᠠᠪᠬᠤ ᠵᠠᠪᠰᠢᠬᠤ ᠶ᠋ᠢᠨ ᠡᠭᠦᠳᠦᠨ ᠡᠴᠡ ᠬᠠᠨᠳᠤᠬᠤ ᠂ ᠬᠠᠷᠠ ᠠᠮᠢ ᠪᠠᠨ ᠬᠢᠴᠢᠶᠡᠬᠦ ᠂ ᠪᠤᠰᠤᠳ ᠤ᠋ᠨ ᠬᠦᠴᠦ ᠶ᠋ᠢ ᠰᠣᠷᠣᠬᠤ ᠂ ᠠᠷᠢᠬᠢᠨ ᠳ᠋ᠤ᠌ ᠠᠪᠲᠠᠭᠳᠠᠬᠤ ᠂ ᠲᠠᠩᠬᠠᠢᠷᠠᠬᠤ ᠂ ᠬᠤᠪᠢ ᠶ᠋ᠢᠨ ᠥᠮᠴᠢ ᠶ᠋ᠢᠨ ᠬᠠᠨᠲᠤᠯᠭᠠ ᠭᠠᠷᠭᠠᠬᠤ ᠵᠡᠷᠭᠡ ᠨᠡᠢᠭᠡᠮ ᠳ᠋ᠦ᠍ ᠬᠠᠷᠰᠢ ᠡᠯᠳᠡᠪ ᠦᠵᠡᠭᠳᠡᠯ ᠲᠡᠢ ᠡᠪᠯᠡᠷᠡᠰᠢ ᠦᠭᠡᠢ ᠲᠡᠮᠡᠴᠡᠬᠦ ᠁ 》 ᠨᠢ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠭᠣᠣᠯ ᠰᠡᠳᠦᠪ ᠶᠤᠮ ᠃ ᠡᠭᠦᠨ ᠪ ᠵᠡᠷᠭᠡᠴᠡᠭᠡ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠦ᠋ᠨ ᠦᠨᠡᠨ ᠨᠢᠭᠤᠷ ᠴᠢᠷᠠᠢ ᠂ ᠪᠤᠷᠤᠩᠬᠤᠢ ᠶᠠᠪᠤᠲᠠᠯ ᠢ᠋ ᠢᠯᠡᠴᠢᠯᠡᠬᠦ ᠳ᠋ᠦ᠍ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠡᠭᠦᠷᠭᠡ ᠤᠯᠠᠮ ᠨᠡᠮᠡᠭᠳᠡᠵᠦ ᠪᠠᠢᠨᠠ ᠃
ᠮᠣᠩᠭᠣᠯ ᠤ᠋ᠨ ᠰᠢᠨᠡ ᠦᠶᠡ ᠶ᠋ᠢᠨ ᠤᠳᠬᠠ ᠵᠣᠬᠢᠶᠠᠯ ᠳ᠋ᠤ᠌ ᠳ · ᠨᠠᠴᠤᠭᠳᠣᠷᠵᠢ ᠂ ᠴ · ᠳᠠᠮᠳᠢᠨᠰᠦ᠋ᠷᠦᠩ ᠂ ᠴ · ᠴᠢᠮᠡᠳ ᠂ ᠴ · ᠣᠢᠲᠤᠪ ᠂ ᠯ · ᠪᠠᠳᠢᠷᠴᠢ ᠂ ᠯ · ᠸᠠᠩᠭᠠᠨ ᠵᠡᠷᠭᠡ ᠱᠣᠭ ᠵᠣᠬᠢᠶᠠᠯ ᠤ᠋ᠨ ᠵᠡᠪᠰᠡᠭ ᠢ᠋ ᠴᠢᠳᠠᠮᠠᠭᠠᠢ ᠡᠵᠡᠮᠰᠢᠭᠰᠡᠨ ᠠᠪᠢᠶᠠᠰᠯᠢᠭ ᠵᠣᠬᠢᠶᠠᠯᠴᠢᠳ ᠣᠯᠠᠨ ᠲᠥᠷᠥᠨ ᠭᠠᠷᠴᠠᠢ ᠃ ᠮᠣᠩᠭᠣᠯ ᠤ᠋ᠨ ᠰᠢᠨᠡ ᠦᠶᠡ ᠶ᠋ᠢᠨ ᠤᠳᠬᠠ ᠵᠣᠬᠢᠶᠠᠯ ᠢ᠋ ᠦᠨᠳᠦᠰᠦᠯᠡᠭᠴᠢ ᠳ · ᠨᠠᠴᠤᠭᠳᠣᠷᠵᠢ ᠱᠣᠭ ᠬᠣᠱᠣᠩ ᠰᠢᠯᠢᠳᠡᠭ ᠣᠯᠠᠨ ᠵᠣᠬᠢᠶᠠᠯ ᠲᠤᠭᠤᠷᠪᠢᠭᠰᠠᠨ ᠪ ᠳᠣᠲᠣᠷᠠ 《 ᠬᠦᠨᠲᠦᠭ ᠴᠢᠪᠠᠭᠠᠨᠴᠠ ᠭᠦᠷᠢᠮ ᠦ᠋ᠨ ᠬᠡᠩᠭᠡᠷᠭᠡ 》 ᠭᠡᠳᠡᠭ ᠰᠢᠯᠦᠭ ᠪᠤᠢ ᠃ ᠨᠢᠭᠡ ᠦᠶᠡ ᠯᠠᠮᠠ ᠨᠠᠷ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠭᠡᠵᠦ ᠨᠡᠷᠡᠯᠡᠭᠳᠡᠵᠦ ᠪᠠᠢᠬᠰᠨᠨ ᠪᠣᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪ ᠡᠮᠨᠡᠯᠭᠡ ᠨᠡᠪᠲᠡᠷᠡᠵᠦ ᠂ ᠲᠡᠭᠦᠨ ᠪ ᠤᠳᠬᠠ ᠤᠴᠢᠷ ᠢ᠋ ᠬᠥᠮᠦᠨ ᠪ ᠨᠢᠳᠦ ᠪᠡᠷ ᠬᠠᠷᠠᠬᠤ ᠳ᠋ᠤ᠌ ᠡᠨᠡ ᠨᠢ ᠶᠠᠮᠠᠷ ᠢᠨᠢᠶᠡᠳᠦ ᠲᠡᠢ ᠪᠣᠯᠬᠤ ᠂ ᠯᠠᠮᠠ ᠨᠠᠷ ᠨᠢ ᠬᠥᠮᠦᠨ ᠡᠮᠨᠡᠬᠦ ᠪᠠᠢᠲᠤᠭᠠᠢ ᠂ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠡᠪᠡᠳᠴᠢᠨ ᠲᠠᠷᠬᠠᠭᠠᠭᠴᠢᠳ ᠪᠠᠢᠬᠰᠠᠨ ᠢ᠋ ᠤᠭ ᠰᠢᠯᠦᠭ ᠲᠦ᠍ ᠤᠷᠠᠨ ᠳᠦᠷᠰᠦᠯᠡᠵᠦ ᠂ ᠲᠡᠳᠡᠨ ᠪ ᠦᠨᠡᠨ ᠨᠢᠭᠤᠷ ᠴᠢᠷᠠᠢ ᠶ᠋ᠢ ᠢᠯᠡᠴᠢᠯᠡᠵᠦ ᠥᠭᠭᠦᠭᠰᠡᠨ ᠪᠠᠢᠨᠠ ᠃
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠬᠣᠴᠣᠷᠤᠭᠳᠠᠵᠤ ᠬᠠᠭᠤᠴᠢᠷᠠᠭᠰᠠᠨ ᠢ᠋ᠶ᠋ᠠᠨ ᠢᠨᠢᠶᠡᠳᠦᠮ ᠶ᠋ᠢᠡᠷ ᠦᠳᠡᠬᠦ ᠶ᠋ᠢᠨ ᠵᠡᠷᠭᠡᠴᠡᠭᠡ ᠰᠢᠨᠡ ᠶ᠋ᠢ ᠪᠠᠰᠠ ᠢᠨᠢᠶᠡᠳᠦ ᠪᠡᠷ ᠤᠭᠲᠤᠳᠠᠭ ᠶᠤᠮ ᠃ ᠯ · ᠸᠠᠩᠭᠠᠨ ᠪ 《 ᠵᠣᠵᠢ ᠰᠡᠷᠡᠭᠡᠨᠡᠩ 》 ᠥᠭᠦᠯᠡᠯᠭᠡ ᠳ᠋ᠦ᠍ ᠤᠯᠤᠰ ᠣᠷᠣᠨ ᠳ᠋ᠤ᠌ ᠮᠢᠨᠢ ᠳᠥᠩᠭᠡᠵᠦ ᠡᠬᠢᠯᠡᠨ ᠲᠦᠭᠡᠵᠦ ᠬᠥᠳᠡᠭᠡ ᠶ᠋ᠢᠨ ᠮᠠᠯᠴᠢᠨ ᠢ᠋ ᠢᠨᠢᠶᠡᠳᠦᠮᠲᠦ ᠪᠠᠢᠲᠠᠯ ᠳ᠋ᠤ᠌ ᠣᠷᠣᠭᠤᠯᠵᠤ ᠪᠠᠢᠭᠠ ᠴᠠᠬᠢᠯᠭᠠᠨ ᠭᠡᠷᠡᠯ ᠦ᠋ᠨ ᠲᠤᠬᠠᠢ ᠥᠭᠦᠯᠡᠭᠰᠡᠨ ᠪᠣᠯ ᠂ ᠣᠲᠣ ᠬᠣᠲᠠ ᠬᠥᠳᠡᠭᠡ ᠦᠭᠡᠢ ᠴᠠᠬᠢᠯᠭᠠᠨᠵᠢᠵᠤ ᠨᠠᠢ᠍ᠮᠠ ᠬᠦᠷᠦᠭᠡ ᠦᠭᠡᠢ ᠪᠠᠯᠴᠢᠷ ᠡᠴᠡ ᠡᠬᠢᠯᠡᠭᠡᠳ ᠨᠠᠶᠠ ᠥᠩᠭᠡᠷᠡᠭᠰᠡᠨ ᠪᠤᠭᠤᠷᠤᠯ ᠬᠦᠷᠲᠡᠯᠡ ᠲᠡᠭᠦᠨ ᠪ ᠤᠳᠬᠠ ᠤᠴᠢᠷ ᠢ᠋ ᠨᠠᠷᠢᠨ ᠮᠡᠳᠡᠬᠦ ᠪᠣᠯᠤᠭᠰᠠᠨ ᠪᠠᠢᠨᠠ ᠃
ᠮᠣᠩᠭᠣᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠡᠢᠨ ᠬᠦ ᠬᠤᠪᠢᠰᠬᠠᠯᠲᠤ ᠵᠠᠮᠨᠠᠯ ᠤ᠋ᠨ ᠢ᠋ᠶ᠋ᠠᠨ 60 ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠱᠣᠭ ᠵᠣᠬᠢᠶᠠᠯ ᠤ᠋ᠨ ᠵᠡᠪᠰᠡᠭ ᠢ᠋ᠶ᠋ᠡᠨ ᠠᠭᠰᠠᠵᠤ ᠂ ᠰᠠᠭᠠᠷ ᠮᠠᠭᠤ ᠶ᠋ᠢ ᠲᠣᠭᠰᠢᠨ ᠢᠨᠢᠶᠡᠳᠦᠮ ᠶ᠋ᠢᠡᠷ ᠲᠠᠰᠢᠭᠤᠷᠳᠠᠨ ᠂ ᠦᠰᠦᠨ ᠬᠥᠭᠵᠢᠬᠦ ᠰᠠᠢᠨ ᠪᠦᠬᠦᠨ ᠢ᠋ ᠦᠬᠦᠭᠡᠷᠲᠦᠯ ᠦ᠋ᠨ ᠬᠠᠯᠠᠭᠤᠨ ᠢᠨᠢᠶᠡᠳᠦᠮ ᠶ᠋ᠢᠡᠷ ᠬᠥᠭᠵᠢᠭᠦᠯᠦᠨ ᠳᠡᠮᠵᠢᠵᠦ ᠢᠷᠡᠭᠰᠡᠨ ᠪᠢᠯᠡ ᠃ ᠰᠤᠽᠢᠶᠠᠯᠢᠰᠮ ( ᠨᠡᠢᠭᠡᠮ ᠵᠢᠷᠤᠮ ) ᠢ᠋ ᠥᠷᠨᠢᠭᠦᠨ ᠪᠠᠢᠭᠤᠯᠵᠤ ᠪᠠᠢᠭᠠ ᠥᠨᠥ ᠦᠶᠡ ᠳ᠋ᠦ᠍ ᠱᠣᠭ ᠵᠣᠬᠢᠶᠠᠯ ᠤ᠋ᠨ ᠡᠭᠦᠷᠭᠡ ᠤᠯᠠᠮ ᠥᠨᠳᠥᠷ ᠪᠣᠯᠵᠤ ᠬᠠᠭᠤᠴᠢᠨ ᠡᠴᠡ ᠦᠯᠡᠳᠡᠵᠦ ᠬᠣᠴᠣᠷᠤᠭᠰᠠᠨ ᠲᠣᠯᠪᠣ ᠰᠡᠪ ᠢ᠋ ᠴᠡᠪᠡᠷᠯᠡᠵᠦ ᠂ ᠨᠡᠢᠭᠡᠮ ᠢ᠋ᠶ᠋ᠡᠨ ᠤᠯᠠᠮ ᠬᠥᠭᠵᠢᠭᠦᠯᠦᠨ ᠪᠠᠲᠤᠵᠢᠭᠤᠯᠬᠤ ᠳ᠋ᠤ᠌ ᠦᠢᠯᠡᠴᠢᠯᠡᠵᠦ ᠪᠠᠢᠨᠠ ᠃ ᠬᠥᠮᠦᠰ ᠢ᠋ ᠴᠢᠯᠥᠭᠡᠲᠦ ᠴᠠᠭ ᠢ᠋ᠶ᠋ᠠᠨ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ ᠢᠨᠢᠶᠡᠳᠦ ᠨᠠᠷᠭᠢᠶᠠᠨ ᠲᠠᠢ ᠥᠩᠭᠡᠷᠡᠭᠦᠯᠬᠦ ᠳ᠋ᠦ᠍ ᠲᠤᠰᠠᠯᠠᠵᠤ ᠪᠠᠢᠨᠠ ᠃ ᠨᠠᠮ ᠡᠴᠡ ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠢ᠋ ᠬᠥᠭᠵᠢᠭᠦᠯᠬᠦ ᠲᠠᠯᠠ ᠪᠠ ᠪᠠᠢᠩᠭᠤ ᠠᠩᠬᠠᠷᠴᠤ ᠳᠡᠮᠵᠢᠵᠦ ᠢᠷᠡᠭᠰᠡᠨ ᠶ᠋ᠢᠡᠷ ᠵᠢᠯ ᠡᠴᠡ ᠵᠢᠯ ᠳ᠋ᠦ᠍ ᠱᠣᠭ ᠵᠣᠬᠢᠶᠠᠯ ᠤ᠋ᠨ ᠲᠥᠷᠥᠯ ᠵᠦᠢᠯ ᠬᠡᠪᠯᠡᠭᠳᠡᠬᠦ ᠬᠡᠮᠵᠢᠶᠡ ᠥᠰᠴᠦ ᠂ ᠱᠣᠭ ᠵᠣᠬᠢᠶᠠᠯᠴᠢ ᠰᠢᠨᠡ ᠵᠠᠯᠠᠭᠤ ᠠᠪᠢᠶᠠᠰᠲᠠᠨ ᠣᠯᠠᠰᠢᠷᠠᠵᠤ ᠪᠠᠢᠨᠠ ᠃ ᠣᠯᠠᠨ ᠲᠣᠭᠠᠨ ᠪ ᠵᠣᠬᠢᠶᠠᠯᠴᠢᠳ ᠤ᠋ᠨ ᠱᠣᠭ ᠵᠣᠬᠢᠶᠠᠯ ᠤ᠋ᠨ ᠲᠡᠭᠦᠪᠦᠷᠢ ᠨᠣᠮ ᠪᠡᠶᠡ ᠳᠠᠭᠠᠭᠠᠨ ᠬᠡᠪᠯᠡᠭᠳᠡᠵᠦ ᠪᠠᠢᠭᠠ ᠶ᠋ᠢᠨ ᠳᠡᠭᠡᠷᠡ ᠂ ᠵᠢᠯ ᠪᠣᠯᠭᠠᠨ 《 ᠢᠨᠢᠶᠡᠳᠦᠮ ᠦ᠋ᠨ ᠡᠪᠦᠷ ᠦ᠋ᠨ ᠳᠡᠪᠲᠡᠷ 》 ᠭᠡᠳᠡᠭ ᠱᠣᠭ ᠵᠣᠬᠢᠶᠠᠯ ᠤ᠋ᠨ ᠡᠮᠬᠢᠳᠬᠡᠯ ᠭᠠᠷᠴᠤ ᠤᠯᠤᠰ ᠲᠥᠷᠥ ᠶ᠋ᠢᠨ ᠬᠣᠴᠢᠯᠠᠯ ᠷᠣᠮᠠᠨ ᠬᠦᠷᠲᠡᠯᠡ ᠪᠢᠴᠢᠭᠳᠡᠯᠡ ᠃ 《 ᠱᠣᠭ ᠵᠣᠬᠢᠶᠠᠯ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ 》 ᠨᠣᠮ ᠳ᠋ᠤ᠌ ᠣᠷᠣᠵᠤ ᠪᠠᠢᠭᠠ ᠵᠣᠬᠢᠶᠠᠯ ᠤ᠋ᠳ ᠪᠣᠯ ᠮᠣᠩᠭᠣᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠲᠤᠭᠤᠷᠪᠢᠭᠰᠠᠨ ᠱᠣᠭ ᠤ᠋ᠨ ᠵᠥᠪᠬᠡᠨ ᠪᠣᠭᠣᠨᠢ ᠲᠥᠷᠥᠯ ᠦ᠋ᠨ ᠳᠡᠭᠡᠵᠢ ᠶᠤᠮ ᠃ ᠤᠬᠠᠭᠠᠨᠲᠤ ᠲᠦᠮᠡᠨ ᠮᠢᠨᠢ 《 ᠢᠨᠢᠶᠡᠪᠡᠯ ᠵᠠᠯᠠᠭᠤᠵᠢᠨᠠ 》 ᠂ ᠢᠨᠢᠶᠡᠳᠦ ᠪᠣᠯ ᠡᠷᠭᠦᠯ ᠴᠢᠭᠢᠷᠠᠭ ᠤ᠋ᠨ ᠪᠡᠯᠭᠡ ᠲᠡᠮᠳᠡᠭ ᠭᠡᠯᠴᠡᠳᠡᠭ ᠪᠢᠯᠡ ᠃ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠢ᠋ᠶ᠋ᠠᠨ ᠶᠡᠬᠡ ᠣᠢ ᠶ᠋ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠵᠣᠬᠢᠶᠠᠯᠴᠢᠳ ᠤᠩᠰᠢᠭᠴᠢᠳ ᠲᠠᠭᠠᠨ 《 ᠢᠨᠢᠶᠡᠳᠦᠮ ᠲᠡᠢ ᠪᠡᠯᠭᠡ ᠪᠣᠯᠭᠠᠨ 》 ᠡᠷᠭᠦᠬᠦ ᠶ᠋ᠢᠨ ᠢᠯᠳᠠᠮ ᠳ᠋ᠤ᠌ ᠦᠷᠭᠦᠯᠵᠢ ᠢᠨᠢᠶᠡᠳᠦ ᠪᠡᠷ ᠵᠠᠯᠠᠭᠤᠵᠢᠵᠤ ᠂ ᠢᠨᠢᠶᠡᠳᠦᠮ ᠶ᠋ᠢᠡᠷ ᠤᠬᠠᠭᠠᠵᠢᠵᠤ ᠂ ᠢᠨᠢᠶᠡᠨ ᠪᠡᠶᠡᠰᠴᠦ ᠶᠠᠪᠤᠬᠤ ᠶ᠋ᠢᠨ ᠥᠯᠵᠡᠢ ᠢᠷᠥᠭᠡᠯ ᠢ᠋ ᠳᠡᠪᠰᠢᠭᠦᠯᠵᠦ ᠪᠠᠢᠨᠠ ᠃
ᠲᠩᠷᠢ ᠡᠵᠢ ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠪᠠ
2023 ᠂6 ᠂7 ᠂ ᠪ ᠡᠳᠦᠷ