ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – ᠬᠤᠪᠢᠯᠪᠤᠷᠢ ᠶ᠋ᠢᠨ ᠠᠶ᠋ᠢᠮᠠᠭ 1 Ертөнцийн гурав – Хувилбарын аймаг 1
1929ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – ᠬᠤᠪᠢᠯᠪᠤᠷᠢ ᠶ᠋ᠢᠨ ᠠᠶ᠋ᠢᠮᠠᠭ 1
ᠬᠤᠪᠢᠯᠪᠤᠷᠢ ᠶ᠋ᠢᠨ ᠠᠶ᠋ᠢᠮᠠᠭ
ᠳᠥᠷᠪᠡᠨ ᠴᠠᠭᠠᠨ
ᠥᠰᠬᠦ ᠳᠤ ᠰᠢᠲᠦ ᠨᠢᠭᠡ ᠴᠠᠭᠠᠨ
ᠥᠲᠡᠯᠬᠦ ᠳᠤ ᠦᠰᠦ ᠨᠢᠭᠡ ᠴᠠᠭᠠᠨ
ᠦᠬᠦᠬᠦ ᠳᠤ ᠶᠠᠰᠤ ᠨᠢᠭᠡ ᠴᠠᠭᠠᠨ
ᠥᠷ ᠴᠠᠭ ᠴᠣᠯᠮᠣᠨ ᠨᠢᠭᠡ ᠴᠠᠭᠠᠨ
ᠳᠥᠷᠪᠡᠨ ᠰᠢᠷᠠ
ᠱᠠᠭᠢᠵᠤ ᠬᠤᠷᠠᠲᠠᠭ ᠱᠠᠰᠢᠨ ᠨᠢᠭᠡ ᠰᠢᠷᠠ
ᠰᠢᠷᠠᠯᠠᠵᠤ ᠬᠠᠷᠠᠭᠲᠠᠲᠠᠭ ᠠᠯᠲᠠ ᠨᠢᠭᠡ ᠰᠢᠷᠠ
ᠣᠭᠲᠠᠷᠭᠤᠢ ᠳᠤ ᠪᠠᠶ᠋ᠢᠲᠠᠭ ᠨᠠᠷᠠ ᠨᠢᠭᠡ ᠰᠢᠷᠠ
ᠣᠷᠴᠢᠯᠠᠩ ᠳᠤ ᠪᠠᠶ᠋ᠢᠲᠠᠭ ᠳᠡᠯᠡᠬᠡᠢ ᠨᠢᠭᠡ ᠰᠢᠷᠠ
ᠳᠥᠷᠪᠡᠨ ᠬᠠᠷᠠ
ᠰᠦ᠋ ᠦᠭᠡᠢ ᠴᠠᠢ ᠨᠢᠭᠡ ᠬᠠᠷᠠ
ᠰᠦᠰᠦᠭ ᠦᠭᠡᠢ ᠯᠠᠮᠠ ᠨᠢᠭᠡ ᠬᠠᠷᠠ
ᠳᠡᠪᠢᠭᠦᠷ ᠦᠭᠡᠢ ᠪᠤᠲᠠᠬ᠋ᠠ ᠨᠢᠭᠡ ᠬᠠᠷᠠ
ᠳ᠋ᠸᠩ ᠦᠭᠡᠢ ᠪᠠᠶ᠋ᠢᠰᠢᠩ ᠨᠢᠭᠡ ᠬᠠᠷᠠ
ᠳᠥᠷᠪᠡᠨ ᠨᠣᠭᠣᠭᠠᠨ
ᠤᠷᠭᠤᠵᠤ ᠪᠠᠶ᠋ᠢᠬ᠋ᠠ ᠨᠣᠭᠣᠬ᠋ᠠ ᠨᠢᠭᠡ ᠨᠣᠭᠣᠭᠠᠨ
ᠤᠰᠤᠨ ᠳᠤ ᠪᠠᠶ᠋ᠢᠬ᠋ᠠ ᠵᠠᠮᠠᠭ ᠨᠢᠭᠡ ᠨᠣᠭᠣᠭᠠᠨ
ᠭᠡᠵᠢᠭᠡᠨ ᠳᠤ ᠪᠠᠶ᠋ᠢᠬ᠋ᠠ ᠣᠭ᠌ᠶᠤ ᠨᠢᠭᠡ ᠨᠣᠭᠣᠭᠠᠨ
ᠭᠡᠲᠡᠰᠦᠨ ᠳᠤ ᠪᠠᠶ᠋ᠢᠲᠠᠭ ᠰᠥᠰᠥ ᠨᠢᠭᠡ ᠨᠣᠭᠣᠭᠠᠨ
ᠳᠥᠷᠪᠡᠨ ᠶᠡᠬᠡ
ᠡᠷᠲᠡᠮ ᠪᠠᠭᠠᠲᠤ ᠶ᠋ᠢᠨ ᠣᠮᠣᠭ ᠨᠢ ᠶᠡᠬᠡ
ᠢᠰᠢᠭᠡᠨ ᠤᠬᠤᠨᠠ ᠶ᠋ᠢᠨ ᠲᠣᠴᠢᠬ ᠨᠢ ᠶᠡᠬᠡ
ᠡᠴᠢᠭᠡ ᠦᠭᠡᠢ ᠬᠦᠦ ᠶ᠋ᠢᠨ ᠲᠣᠯᠣᠭᠠᠢ ᠨᠢ ᠶᠡᠬᠡ
ᠡᠬᠡ ᠦᠭᠡᠢ ᠬᠡᠦᠬᠡᠨ ᠪ ᠪᠦᠭᠰᠡ ᠨᠢ ᠶᠡᠬᠡ
ᠳᠥᠷᠪᠡᠨ ᠠᠶᠤᠬᠤ
ᠨᠣᠮ ᠦᠭᠡᠢ ᠯᠠᠮᠠ ᠬᠤᠷᠠᠯ ᠠ᠋ᠴᠠ ᠠᠶᠤᠬᠤ
ᠨᠣᠯᠤᠤᠷ ᠦᠭᠡᠢ ᠢᠮᠠᠬ᠋ᠠ ᠬᠦᠢᠲᠡᠨ ᠡᠴᠡ ᠠᠶᠤᠬᠤ
ᠰᠠᠨᠠᠬ᠋ᠠ ᠮᠠᠭᠤᠲᠤ ᠦᠨᠡᠨ ᠡᠴᠡ ᠠᠶᠤᠬᠤ
ᠰᠠᠷᠢᠰᠤᠨ ᠪᠠᠭᠪᠠᠬᠠᠢ ᠨᠠᠷᠠ ᠠ᠋ᠴᠠ ᠠᠶᠤᠬᠤ
ᠳᠥᠷᠪᠡᠨ ᠶᠠᠩᠰᠢᠶᠠ
ᠬᠠᠷᠠᠮᠴᠢ ᠡᠮᠡ ᠭᠡᠷ ᠦ᠋ᠨ ᠶᠠᠩᠰᠢᠶᠠ
ᠬᠠᠷᠠ ᠨᠣᠬᠠᠢ ᠬᠣᠲᠠ ᠶ᠋ᠢᠨ ᠶᠠᠩᠰᠢᠶᠠ
ᠬᠠᠰᠠᠭ ᠲᠡᠷᠭᠡ ᠵᠠᠮ ᠦ᠋ᠨ ᠶᠠᠩᠰᠢᠶᠠ
ᠬᠠᠲᠠᠭᠰᠠᠨ ᠮᠡᠯᠡᠬᠡᠢ ᠨᠠᠭᠤᠷ ᠦ᠋ᠨ ᠶᠠᠩᠰᠢᠶᠠ
ᠳᠥᠷᠪᠡᠨ ᠵᠢᠮᠰᠡᠭ
ᠰᠠᠭᠠᠲᠠᠭ ᠨᠤᠮᠤ ᠡᠷᠡ ᠶ᠋ᠢᠨ ᠵᠢᠮᠰᠡᠭ
ᠰᠠᠭᠯᠠᠭᠠᠷ ᠮᠣᠲᠣ ᠠᠭᠤᠯᠠ ᠶ᠋ᠢᠨ ᠵᠢᠮᠰᠡᠭ
ᠰᠠᠵᠢᠯᠬ᠋ᠠ ᠰᠦᠢᠬᠡ ᠡᠮᠡ ᠶ᠋ᠢᠨ ᠵᠢᠮᠰᠡᠭ
ᠰᠠᠶ᠋ᠢᠨ ᠡᠬᠡᠨᠡᠷ ᠭᠡᠷ ᠦ᠋ᠨ ᠵᠢᠮᠰᠡᠭ
ᠳᠥᠷᠪᠡᠨ ᠭᠡᠷᠡᠴᠢ
ᠠᠯᠲᠠᠨ ᠪᠡᠶᠡ ᠳᠤ ᠠᠮᠠ ᠭᠡᠷᠡᠴᠢ
ᠠᠯᠪᠠᠨ ᠪᠢᠴᠢᠭ ᠲᠦ ᠲᠠᠮᠠᠬ᠋ᠠ ᠭᠡᠷᠡᠴᠢ
ᠠᠲᠤᠭᠤ ᠮᠠᠯ ᠳᠤ ᠲᠡᠮᠲᠡᠭ ᠭᠡᠷᠡᠴᠢ
ᠠᠪᠤᠯ ᠥᠭᠭᠦᠯ ᠳᠤ ᠪᠠᠷᠢᠮᠲᠠ ᠭᠡᠷᠡᠴᠢ
ᠳᠥᠷᠪᠡᠨ ᠪᠤᠯᠠᠢ
ᠬᠤᠶᠠᠯᠢᠴᠢ ᠡᠮᠡ ᠢᠨᠠᠭ ᠦ᠋ᠨ ᠨᠢᠭᠡ ᠪᠤᠯᠠᠢ
ᠬᠤᠲᠠᠯᠴᠢ ᠬᠥᠮᠦᠨ ᠨᠥᠬᠥᠷ ᠦ᠋ᠨ ᠨᠢᠭᠡ ᠪᠤᠯᠠᠢ
ᠬᠣᠪᠲᠣᠭ ᠨᠣᠶᠠᠨ ᠨᠡᠶ᠋ᠢᠭᠡᠮ ᠦ᠋ᠨ ᠨᠢᠭᠡ ᠪᠤᠯᠠᠢ
ᠬᠤᠶ᠋ᠢᠬᠤᠷ ᠲᠦᠰᠢᠮᠡᠯ ᠲᠥᠷᠥ ᠶ᠋ᠢᠨ ᠨᠢᠭᠡ ᠪᠤᠯᠠᠢ
ᠳᠥᠷᠪᠡᠨ ᠬᠠᠷᠠ
ᠲᠣᠰᠣ ᠶ᠋ᠢ ᠪᠠᠷᠠᠲᠠᠭ ᠠ᠋ᠴᠠ ᠲᠣᠭᠣᠬ᠋ᠠ ᠬᠠᠷᠠ
ᠲᠦᠯᠡᠭᠡ ᠶ᠋ᠢ ᠪᠠᠷᠠᠲᠠᠭ ᠠ᠋ᠴᠠ ᠵᠤᠤᠬᠠ ᠬᠠᠷᠠ
ᠲᠣᠯᠣᠭᠠᠢ ᠶ᠋ᠢ ᠲᠣᠭᠣᠷᠢᠬᠰᠠᠨ ᠠ᠋ᠴᠠ ᠦᠰᠦ ᠬᠠᠷᠠ
ᠲᠡᠮᠦᠷ ᠊ᠢ ᠳᠠᠪᠲᠠᠳᠠᠭ ᠠ᠋ᠴᠠ ᠳᠠᠷᠬᠠᠨ ᠬᠠᠷᠠ
ᠳᠥᠷᠪᠡᠨ ᠴᠡᠩᠬᠡᠷ
ᠬᠣᠯᠠ ᠪᠠᠶ᠋ᠢᠭᠠ ᠠᠭᠤᠯᠠ ᠨᠢᠭᠡ ᠴᠡᠩᠬᠡᠷ
ᠬᠣᠩᠬᠣᠯ ᠳᠤ ᠪᠠᠶ᠋ᠢᠭᠠ ᠨᠠᠭᠤᠷ ᠨᠢᠭᠡ ᠴᠡᠩᠬᠡᠷ
ᠬᠣᠷᠸ᠋ᠠ ᠳᠤ ᠪᠠᠶ᠋ᠢᠭᠠ ᠲᠩᠷᠢ ᠨᠢᠭᠡ ᠴᠡᠩᠬᠡᠷ
ᠬᠤᠯᠠᠩ ᠠ᠋ᠴᠠ ᠭᠠᠷᠤᠭᠰᠠᠨ ᠤᠲᠤᠭᠠ ᠨᠢᠭᠡ ᠴᠡᠩᠬᠡᠷ
ᠳᠥᠷᠪᠡᠨ ᠲᠣᠭᠣᠷᠢᠭᠤ
ᠪᠦᠰᠡ ᠲᠤᠤᠬᠠᠢ ᠪᠡᠶᠡ ᠪᠠᠨ ᠲᠣᠭᠣᠷᠢᠭᠤ
ᠪᠦᠰᠡᠯᠡᠭᠦᠷ ᠣᠭᠣᠰᠣᠷ ᠭᠡᠷ ᠢᠶ᠋ᠠᠨ ᠲᠣᠭᠣᠷᠢᠭᠤ
ᠪᠦᠭᠦᠳᠡ ᠠᠮᠢᠲᠠᠨ ᠲᠤᠯᠭᠠ ᠪᠠᠨ ᠲᠣᠭᠣᠷᠢᠭᠤ
ᠪᠥᠭᠲᠦᠭᠡᠷ ᠡᠯᠵᠢᠭᠡ ᠢᠩ ᠢᠶ᠋ᠠᠨ ᠲᠣᠭᠣᠷᠢᠭᠤ
ᠳᠥᠷᠪᠡᠨ ᠲᠦᠰᠢᠭ
ᠥᠨᠳᠥᠷ ᠮᠣᠳᠣ ᠭᠡᠷ ᠤᠨ ᠲᠦᠰᠢᠭ
ᠦᠶᠡ ᠶ᠋ᠢᠨ ᠨᠥᠬᠥᠷ ᠪᠡᠶᠡ ᠶ᠋ᠢᠨ ᠲᠦᠰᠢᠭ
ᠬᠠ ᠭᠤᠶᠠ ᠳ᠋ᠠᠭᠠᠨ ᠲᠦᠰᠢᠭ
ᠬᠠᠮᠠᠷ ᠠᠮᠠ ᠳ᠋ᠠᠭᠠᠨ ᠲᠦᠰᠢᠭ
ᠳᠥᠷᠪᠡᠨ ᠠᠭᠤᠰᠬᠤ
ᠠᠯᠢᠮᠠ ᠭᠡᠭᠴᠢ ᠠᠷᠠᠭᠠᠨ ᠳᠤ ᠠᠭᠤᠰᠬᠤ
ᠠᠮᠲᠠ ᠭᠡᠭᠴᠢ ᠲᠠᠩᠨᠠᠢ ᠳᠤ ᠠᠭᠤᠰᠬᠤ
ᠠᠷᠢᠬᠢ ᠭᠡᠭᠴᠢ ᠪᠡᠶᠡ ᠳᠤ ᠠᠭᠤᠰᠬᠤ
ᠠᠮᠠᠷᠠᠭ ᠭᠡᠭᠴᠢ ᠵᠢᠷᠦᠬᠡᠨ ᠳᠤ ᠠᠭᠤᠰᠬᠤ
ᠳᠥᠷᠪᠡᠨ ᠨᠡᠮᠡᠬᠦ
ᠬᠣᠨᠢᠴᠢᠨ ᠬᠥᠮᠦᠨ ᠳᠤ ᠬᠣᠭᠣᠯᠠ ᠨᠡᠮᠡᠬᠦ
ᠬᠤᠷᠳᠤᠨ ᠮᠣᠷᠢᠨ ᠳᠤ ᠲᠠᠰᠢᠭᠤᠷ ᠨᠡᠮᠡᠬᠦ
ᠬᠤᠷᠠ ᠪᠣᠷᠣᠭᠠᠨ ᠳᠤ ᠤᠰᠤ ᠨᠡᠮᠡᠬᠦ
ᠬᠣᠨᠢᠨ ᠮᠢᠬᠠᠨ ᠳᠤ ᠱᠥᠯᠥ ᠨᠡᠮᠡᠬᠦ
ᠳᠥᠷᠪᠡᠨ ᠵᠣᠪᠠᠳᠠᠭ
ᠥᠬᠢᠨ ᠲᠡᠵᠢᠭᠡᠭᠰᠡᠨ ᠬᠥᠮᠦᠨ ᠦᠭᠭᠦᠨ ᠦᠭᠭᠦᠲᠡᠯᠠ ᠵᠣᠪᠠᠳᠠᠭ
ᠦᠬᠡᠷ ᠲᠠᠭᠤᠭᠰᠠᠨ ᠬᠥᠮᠦᠨ ᠬᠦᠷᠦᠨ ᠬᠦᠷᠲᠡᠯᠡ ᠵᠣᠪᠠᠳᠠᠭ
ᠦᠨᠳᠦᠰᠦ ᠮᠠᠭᠤ ᠮᠣᠳᠣ ᠤᠨᠠᠨ ᠤᠨᠠᠲᠠᠯᠠ ᠵᠣᠪᠠᠳᠠᠭ
ᠦᠷᠡ ᠮᠠᠭᠤᠲᠤ ᠬᠥᠮᠦᠨ ᠦᠬᠦᠨ ᠦᠬᠦᠲᠡᠯᠡ ᠵᠣᠪᠠᠳᠠᠭ
ᠳᠥᠷᠪᠡᠨ ᠪᠤᠭ
ᠦᠨᠡᠰᠦ ᠶᠡᠬᠡᠳᠪᠡᠯ ᠲᠤᠯᠭᠠ ᠶ᠋ᠢᠨ ᠪᠤᠭ
ᠥᠬᠢᠨ ᠥᠲᠡᠯᠪᠡᠯ ᠭᠡᠷ ᠤᠨ ᠪᠤᠭ
ᠬᠠᠪᠲᠠᠭᠠᠢ ᠲᠦᠯᠡᠭᠡ ᠭᠠᠯ ᠤᠨ ᠪᠤᠭ
ᠬᠠᠷᠠᠮᠴᠢ ᠡᠬᠡᠨᠡᠷ ᠭᠡᠷ ᠤᠨ ᠪᠤᠭ
ᠳᠥᠷᠪᠡᠨ ᠳᠡᠭᠦᠦ
ᠪᠠᠶᠠᠨ ᠬᠥᠮᠦᠨ ᠨᠣᠶᠠᠳ ᠤᠨ ᠳᠡᠭᠦᠦ
ᠦᠭᠡᠶ᠋ᠢᠭᠦᠦ ᠬᠥᠮᠦᠨ ᠦᠬᠦᠭᠰᠡᠳ ᠤᠨ ᠳᠡᠭᠦᠦ
ᠤᠨᠲᠠᠭᠰᠠᠨ ᠬᠥᠮᠦᠨ ᠬᠣᠭᠣᠰᠣᠨ ᠤ ᠳᠡᠭᠦᠦ
ᠬᠤᠳᠠᠯᠴᠢ ᠬᠥᠮᠦᠨ ᠬᠤᠯᠠᠭᠠᠶ᠋ᠢᠴᠢ ᠶ᠋ᠢᠨ ᠳᠡᠭᠦᠦ
ᠳᠥᠷᠪᠡᠨ ᠬᠣᠯᠠ
ᠦᠬᠦᠭᠰᠡᠨ ᠬᠥᠮᠦᠨ ᠳᠤ ᠲᠥᠷᠥᠯ ᠬᠣᠯᠠ
ᠦᠬᠡᠷ ᠲᠠᠭᠤᠭᠰᠠᠨ ᠬᠥᠮᠦᠨ ᠳᠤ ᠵᠠᠮ ᠬᠣᠯᠠ
ᠬᠠᠷᠢᠶᠠᠯᠴᠢ ᠬᠥᠮᠦᠨ ᠳᠤ ᠬᠠᠨᠢ ᠬᠣᠯᠠ
ᠬᠠᠱᠠᠩ ᠮᠣᠷᠢᠨ ᠳᠤ ᠵᠠᠮ ᠬᠣᠯᠠ
ᠳᠥᠷᠪᠡᠨ ᠪᠤᠰᠤ
ᠭᠡᠳᠡᠰᠦᠨ ᠳ᠋ᠡᠭᠡᠨ ᠯᠡ ᠢᠳᠡᠭᠰᠡᠳ ᠪᠠᠶᠠᠨ ᠪᠤᠰᠤ
ᠬᠡᠬᠡᠷᠡᠭᠰᠡᠨ ᠳ᠋ᠡᠭᠡᠨ ᠯᠡ ᠴᠠᠳᠤᠭᠰᠠᠳ ᠡᠷᠬᠢᠮ ᠪᠤᠰᠤ
ᠬᠡᠯᠡᠭᠰᠡᠨ ᠳ᠋ᠡᠭᠡᠨ ᠯᠡ ᠢᠨᠢᠶᠡᠭᠰᠡᠳ ᠰᠡᠴᠡᠨ ᠪᠤᠰᠤ
ᠭᠡᠷᠭᠡᠢ ᠳ᠋ᠡᠭᠡᠨ ᠯᠡ ᠰᠢᠪᠡᠨᠡᠭᠰᠡᠳ ᠮᠡᠷᠭᠡᠨ ᠪᠤᠰᠤ
ᠳᠥᠷᠪᠡᠨ ᠡᠷᠳᠡᠨᠢ
ᠠᠯᠵᠠᠭᠤ ᠬᠥᠮᠦᠨ ᠳᠤ ᠮᠡᠬᠡ ᠨᠢᠭᠡ ᠡᠷᠳᠡᠨᠢ
ᠠᠮᠢᠨᠴᠢᠷ ᠬᠥᠮᠦᠨ ᠳᠤ ᠠᠰᠢᠬ ᠨᠢᠭᠡ ᠡᠷᠳᠡᠨᠢ
ᠠᠪᠯᠢᠭᠠᠴᠢ ᠬᠥᠮᠦᠨ ᠳᠤ ᠮᠥᠯᠵᠢᠯ ᠨᠢᠭᠡ ᠡᠷᠳᠡᠨᠢ
ᠠᠵᠢᠯᠴᠢ ᠬᠥᠮᠦᠨ ᠳᠤ ᠬᠥᠳᠡᠯᠮᠦᠷᠢ ᠨᠢᠭᠡ ᠡᠷᠳᠡᠨᠢ
ᠳᠥᠷᠪᠡᠨ ᠠᠯᠳᠠᠬᠤ ᠦᠭᠡᠢ
ᠨᠣᠬᠠᠢ ᠬᠠᠮᠢᠭᠠ ᠶᠠᠪᠤᠪᠠᠴᠤ ᠪᠠᠭᠠᠰᠤ ᠢᠳᠡᠬᠦ ᠪᠠᠨ ᠠᠯᠳᠠᠬᠤ ᠦᠭᠡᠢ
ᠨᠣᠶᠠᠨ ᠬᠠᠮᠢᠭᠠ ᠶᠠᠪᠤᠪᠠᠴᠤ ᠬᠡᠭᠡᠯᠢ ᠢᠳᠡᠬᠦ ᠪᠠᠨ ᠠᠯᠳᠠᠬᠤ ᠦᠭᠡᠢ
ᠯᠠᠮᠠ ᠬᠠᠮᠢᠭᠠ ᠶᠠᠪᠤᠪᠠᠴᠤ ᠬᠣᠪᠳᠣᠭ ᠵᠠᠩ ᠢᠶ᠋ᠠᠨ ᠠᠯᠳᠠᠬᠤ ᠦᠭᠡᠢ
ᠯᠤᠶ᠋ᠢᠪᠠᠷᠴᠢᠨ ᠬᠠᠮᠢᠭᠠ ᠶᠠᠪᠤᠪᠠᠴᠤ ᠬᠡᠷᠡᠭ ᠲᠠᠲᠠᠬᠤ ᠪᠠᠨ ᠠᠯᠳᠠᠬᠤ ᠦᠭᠡᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠳᠠᠴᠢ ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ᠂ ᠬᠠᠷᠠᠨᠤᠳ ᠲᠤᠶᠠᠭᠠ