ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠶᠠ ᠂ ᠷᠠ ᠂ ᠸᠠ > ᠶ᠋ᠢᠨ ᠠᠶ᠋ᠢᠮᠠᠭ Ертөнцийн гурав – < Я ᠂ Ра᠂ Ва > ин аймаг
1259ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠶᠠ ᠂ ᠷᠠ ᠂ ᠸᠠ > ᠶ᠋ᠢᠨ ᠠᠶ᠋ᠢᠮᠠᠭ
ᠶᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠬᠦᠨᠲᠦ
ᠶᠠᠲᠠᠭᠰᠠᠨ ᠬᠥᠮᠦᠨ ᠳᠤ ᠴᠢᠬᠢ ᠨᠢᠭᠡ ᠬᠦᠨᠲᠦ
ᠢᠴᠢᠭᠰᠡᠨ ᠬᠥᠮᠦᠨ ᠳᠤ ᠦᠭᠡ ᠨᠢᠭᠡ ᠬᠦᠨᠲᠦ
ᠡᠴᠡᠭᠰᠡᠨ ᠮᠣᠷᠢᠨ ᠳᠤ ᠡᠮᠡᠭᠡᠯ ᠨᠢᠭᠡ ᠬᠦᠨᠲᠦ
ᠭᠤᠷᠪᠠᠨ ᠬᠠᠷᠠᠮᠴᠢ
ᠶᠠᠰᠤ ᠵᠠᠭᠤᠭᠰᠠᠨ ᠨᠣᠬᠠᠢ ᠨᠢᠭᠡ ᠬᠠᠷᠠᠮᠴᠢ
ᠶᠠᠩᠪᠠ ᠲᠠᠲᠠᠭᠰᠠᠨ ᠯᠠᠮᠠ ᠨᠢᠭᠡ ᠬᠠᠷᠠᠮᠴᠢ
ᠶᠠᠮᠤᠨ ᠳᠤ ᠰᠠᠭᠤᠭᠰᠠᠨ ᠨᠣᠶᠠᠳ ᠨᠢᠭᠡ ᠬᠠᠷᠠᠮᠴᠢ
ᠭᠤᠷᠪᠠᠨ ᠴᠣᠬᠣᠷ
ᠶᠠᠷᠭᠠᠴᠢ ᠶᠠᠪᠤᠭᠰᠠᠨ ᠵᠠᠮ ᠨᠢᠭᠡ ᠴᠣᠬᠣᠷ
ᠢᠯᠠᠬ᠋ᠠ ᠰᠠᠭᠤᠭᠰᠠᠨ ᠰᠢᠯ ᠨᠢᠭᠡ ᠴᠣᠬᠣᠷ
ᠢᠩ ᠲᠣᠭᠣᠷᠢᠬᠰᠠᠨ ᠪᠤᠲᠠᠬ᠋ᠠ ᠨᠢᠭᠡ ᠴᠣᠬᠣᠷ
ᠭᠤᠷᠪᠠᠨ ᠳᠤᠷᠠᠲᠠᠢ
ᠶᠠᠩᠭᠢᠷ ᠢᠮᠠᠬ᠋ᠠ ᠶᠠᠪᠤᠬᠤ ᠨᠢᠭᠡ ᠳᠤᠷᠠᠲᠠᠢ
ᠶᠠᠪᠠ ᠬᠥᠮᠦᠨ ᠶᠠᠷᠢᠬᠤ ᠨᠢᠭᠡ ᠳᠤᠷᠠᠲᠠᠢ
ᠶᠠᠩᠬᠠᠨ ᠡᠬᠡᠨᠡᠷ ᠶᠠᠩᠪᠠᠯᠠᠬᠤ ᠨᠢᠭᠡ ᠳᠤᠷᠠᠲᠠᠢ
ᠭᠤᠷᠪᠠᠨ ᠦᠨᠡᠨ
ᠶᠠᠪᠤᠵᠤ ᠪᠠᠶ᠋ᠢᠭᠠᠳ ᠶᠠᠪᠤᠲᠠᠯ ᠊ᠢ ᠪᠦᠲᠦᠭᠡᠬᠦ ᠦᠨᠡᠨ
ᠬᠡᠯᠡᠵᠦ ᠪᠠᠶ᠋ᠢᠭᠠᠳ ᠬᠡᠷᠡᠭ ᠊ᠢ ᠪᠦᠲᠦᠭᠡᠬᠦ ᠦᠨᠡᠨ
ᠬᠢᠵᠦ ᠪᠠᠶ᠋ᠢᠭᠠᠳ ᠤᠶ᠋ᠢᠯᠠ ᠶ᠋ᠢ ᠪᠦᠲᠦᠭᠡᠬᠦ ᠦᠨᠡᠨ
ᠭᠤᠷᠪᠠᠨ ᠲᠠᠨᠢᠬᠲᠠᠬᠤ
ᠶᠠᠰᠤ ᠮᠠᠭᠤᠲᠠᠢ ᠬᠥᠮᠦᠨ ᠶᠠᠪᠤᠨ ᠪᠠᠶ᠋ᠢᠵᠤ ᠲᠠᠨᠢᠬᠲᠠᠬᠤ
ᠤᠬᠠᠭᠠᠨ ᠮᠠᠭᠤᠲᠠᠢ ᠬᠥᠮᠦᠨ ᠶᠠᠷᠢᠨ ᠪᠠᠶ᠋ᠢᠵᠤ ᠲᠠᠨᠢᠬᠲᠠᠬᠤ
ᠶᠠᠪᠤᠲᠠᠯ ᠮᠠᠭᠤᠲᠠᠢ ᠮᠣᠷᠢ ᠤᠨᠤᠨ ᠪᠠᠶ᠋ᠢᠵᠤ ᠲᠠᠨᠢᠬᠲᠠᠬᠤ
ᠭᠤᠷᠪᠠᠨ ᠬᠡᠴᠡᠭᠦᠦ
ᠶᠠᠩᠪᠠᠲᠤ ᠨᠣᠶᠠᠳ ᠦ᠋ᠨ ᠵᠠᠩ ᠨᠢᠭᠡ ᠬᠡᠴᠡᠭᠦᠦ
ᠶᠠᠩᠰᠢᠶᠠ ᠬᠥᠮᠦᠰ ᠦ᠋ᠨ ᠤᠷᠤᠭᠤᠯ ᠨᠢᠭᠡ ᠬᠡᠴᠡᠭᠦᠦ
ᠶᠠᠩᠬᠠᠨ ᠡᠮᠡᠰ ᠦ᠋ᠨ ᠪᠥᠭᠰᠡ ᠨᠢᠭᠡ ᠬᠡᠴᠡᠭᠦᠦ
ᠭᠤᠷᠪᠠᠨ ᠬᠡᠴᠡᠭᠦᠦ
ᠶᠠᠩᠰᠢᠶᠠ ᠬᠥᠮᠦᠨ ᠶ᠋ᠢᠡᠷ ᠨᠥᠬᠥᠷ ᠬᠢᠬᠦ ᠳᠤ ᠪᠡᠷᠬᠡ
ᠶᠠᠩᠪᠠᠲᠤ ᠯᠠᠮᠠ ᠪᠠᠷ ᠰᠢᠲᠦᠭᠡᠨ ᠬᠢᠬᠦ ᠳᠤ ᠪᠡᠷᠬᠡ
ᠶᠠᠩᠬᠠᠨ ᠡᠮᠡ ᠪᠡᠷ ᠭᠡᠷᠭᠡᠢ ᠬᠢᠬᠦ ᠳᠤ ᠪᠡᠷᠬᠡ
ᠭᠤᠷᠪᠠᠨ ᠠᠬᠠᠯᠠᠬᠤ
ᠶᠠᠮᠤᠨᠲᠤ ᠭᠠᠵᠠᠷ ᠬᠠᠨ ᠨᠢᠭᠡ ᠠᠬᠠᠯᠠᠬᠤ
ᠱᠠᠵᠢᠨᠲᠤ ᠭᠠᠵᠠᠷ ᠯᠠᠮᠠ ᠨᠢᠭᠡ ᠠᠬᠠᠯᠠᠬᠤ
ᠨᠣᠮᠲᠤ ᠭᠠᠵᠠᠷ ᠪᠢᠴᠢᠭᠲᠡᠨ ᠨᠢᠭᠡ ᠠᠬᠠᠯᠠᠬᠤ
ᠭᠤᠷᠪᠠᠨ ᠵᠣᠬᠢᠬᠤ ᠦᠭᠡᠢ
ᠶᠡᠬᠡ ᠰᠠᠨᠠᠬ᠋ᠠ ᠪᠡᠶᠡ ᠳᠤ ᠵᠣᠬᠢᠬᠤ ᠦᠭᠡᠢ
ᠢᠰᠡᠭᠡᠢ ᠬᠠᠪᠲᠠᠬ᠋ᠠ ᠲᠠᠰᠢᠶᠠᠨ ᠳᠤ ᠵᠣᠬᠢᠬᠤ ᠦᠭᠡᠢ
ᠢᠷᠥᠭᠡᠯ ᠮᠠᠭᠲᠠᠭᠠᠯ ᠲᠡᠨᠡᠭ ᠲᠦ ᠵᠣᠬᠢᠬᠤ ᠦᠭᠡᠢ
ᠭᠤᠷᠪᠠᠨ ᠦᠨᠦᠷᠲᠦᠬᠦ
ᠶᠠᠷᠭᠠᠴᠢᠳ ᠦ᠋ᠨ ᠠᠮᠠ ᠠ᠋ᠴᠠ ᠴᠢᠰᠤ ᠦᠨᠦᠷᠲᠦᠬᠦ
ᠢᠮᠠᠬ᠋ᠠ ᠶ᠋ᠢᠨ ᠬᠠᠰᠢᠶᠠᠨ ᠠ᠋ᠴᠠ ᠰᠢᠨᠭᠬᠡᠭ ᠦᠨᠦᠷᠲᠦᠬᠦ
ᠶᠠᠲᠠᠭᠤᠴᠤᠳ ᠦ᠋ᠨ ᠪᠡᠶᠡ ᠡᠴᠡ ᠬᠥᠯᠥᠰᠥ ᠦᠨᠦᠷᠲᠦᠬᠦ
ᠭᠤᠷᠪᠠᠨ ᠠᠶᠤᠬᠤ
ᠶᠠᠪᠠᠭᠠᠨ ᠬᠦᠮᠦᠨ ᠳᠠᠪᠠᠬ᠋ᠠ ᠠ᠋ᠴᠠ ᠨᠢᠭᠡ ᠠᠶᠤᠬᠤ
ᠶᠠᠩᠭᠢᠷ ᠢᠮᠠᠬ᠋ᠠ ᠬᠦᠢᠲᠡᠨ ᠡᠴᠡ ᠨᠢᠭᠡ ᠠᠶᠤᠬᠤ
ᠶᠠᠲᠠᠭᠤ ᠬᠥᠮᠦᠰ ᠭᠠᠶ᠋ᠢᠯᠢ ᠠ᠋ᠴᠠ ᠨᠢᠭᠡ ᠠᠶᠤᠬᠤ
ᠭᠤᠷᠪᠠᠨ ᠠᠷᠪᠢᠨ
ᠶᠠᠲᠠᠭᠤ ᠬᠦᠮᠦᠨ ᠳᠤ ᠨᠣᠶᠠᠨ ᠨᠢᠭᠡ ᠠᠷᠪᠢᠨ
ᠶᠠᠪᠠᠭᠠᠨ ᠬᠥᠮᠦᠨ ᠳᠤ ᠳᠠᠪᠠᠬ᠋ᠠ ᠨᠢᠭᠡ ᠠᠷᠪᠢᠨ
ᠶᠠᠩᠬᠠᠨ ᠬᠦᠮᠦᠨ ᠳᠤ ᠡᠷᠡ ᠨᠢᠭᠡ ᠠᠷᠪᠢᠨ
ᠭᠤᠷᠪᠠᠨ ᠦᠯᠦ ᠪᠣᠯᠬᠤ
ᠶᠠᠷᠭᠠᠴᠢᠨ ᠊ᠢ ᠬᠣᠣᠷ ᠲᠠᠢ ᠪᠣᠯᠪᠠᠴᠤ ᠴᠢᠨᠣᠠ ᠬᠡᠮᠡᠨ ᠬᠡᠯᠡᠵᠦ ᠦᠯᠦ ᠪᠣᠯᠬᠤ
ᠢᠮᠠᠬ᠋ᠠ ᠶ᠋ᠢ ᠡᠪᠡᠷ ᠲᠡᠢ ᠪᠣᠯᠪᠠᠴᠤ ᠦᠬᠡᠷ ᠬᠡᠮᠡᠨ ᠬᠡᠯᠡᠵᠦ ᠦᠯᠦ ᠪᠣᠯᠬᠤ
ᠶᠠᠰᠤ ᠶ᠋ᠢ ᠬᠠᠲᠠᠭᠤ ᠪᠣᠯᠪᠠᠴᠤ ᠴᠢᠯᠠᠭᠤ ᠬᠡᠮᠡᠨ ᠬᠡᠯᠡᠵᠦ ᠦᠯᠦ ᠪᠣᠯᠬᠤ
ᠭᠤᠷᠪᠠᠨ ᠬᠠᠷᠰᠢ
ᠶᠡᠬᠡ ᠰᠠᠨᠠᠬ᠋ᠠ ᠪᠡᠶᠡ ᠳᠤ ᠨᠢᠭᠡ ᠬᠠᠷᠰᠢ
ᠶᠡᠬᠡ ᠶᠠᠪᠤᠲᠠᠯ ᠬᠦᠷᠦᠩᠭᠡ ᠳᠤ ᠨᠢᠭᠡ ᠬᠠᠷᠰᠢ
ᠶᠡᠬᠡ ᠮᠥᠩᠭᠥ ᠠᠮᠢᠨ ᠳᠤ ᠨᠢᠭᠡ ᠬᠠᠷᠰᠢ
ᠷᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠬᠤᠲᠠᠯ
ᠷᠠᠰᠢᠶᠠᠨ ᠤᠰᠤ ᠤᠤᠭᠤᠪᠠᠯ ᠮᠥᠩᠬᠡᠷᠡᠬᠦ ᠭᠡᠳᠡᠭ ᠬᠤᠲᠠᠯ
ᠠᠪᠤᠷᠠᠯ ᠡᠷᠢᠪᠡᠯ ᠪᠤᠷᠬᠠᠨ ᠪᠣᠯᠬᠤ ᠭᠡᠳᠡᠭ ᠬᠤᠲᠠᠯ
ᠠᠭᠠᠷ ᠬᠤᠷᠮᠤᠰᠲᠠ ᠠ᠋ᠴᠠ ᠡᠨᠡᠷᠢᠯ ᠥᠷᠥᠰᠢᠶᠡᠬᠦ ᠭᠡᠳᠡᠭ ᠬᠤᠲᠠᠯ
ᠭᠤᠷᠪᠠᠨ ᠰᠣᠨᠢᠨ
ᠷᠢᠲᠢ ᠰᠢᠲᠢ ᠲᠡᠢ ᠦᠯᠢᠭᠡᠷ ᠳᠣᠮᠣᠭ ᠨᠢᠭᠡ ᠰᠣᠨᠢᠨ
ᠶᠢᠰᠦ ᠠᠷᠪᠠᠨ ᠲᠣᠯᠣᠭᠠᠢ ᠲᠠᠢ ᠮᠠᠩᠭᠤᠰ ᠨᠢᠭᠡ ᠰᠣᠨᠢᠨ
ᠥᠨᠲᠡᠭᠡ ᠲᠠᠬᠢᠶᠠ ᠶ᠋ᠢᠨ ᠡᠬᠢ ᠡᠭᠦᠰᠦᠯ ᠨᠢᠭᠡ ᠰᠣᠨᠢᠨ
ᠸᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠮᠥᠩᠬᠡ
ᠸᠠᠭᠠᠷ ᠲᠣᠭᠣᠰᠬᠠ ᠶ᠋ᠢᠨ ᠭᠡᠷ ᠵᠠᠭᠤᠨ ᠣᠨ ᠳ᠋ᠤᠷ ᠮᠥᠩᠬᠡ
ᠤᠬᠠᠭᠠᠨᠲᠠᠨ ᠰᠡᠴᠡᠳ ᠦ᠋ᠨ ᠨᠢᠲᠠᠷ ᠬᠡᠲᠦᠨ ᠦᠶᠡ ᠳ᠋ᠤᠷ ᠮᠥᠩᠬᠡ
ᠣᠣᠨᠬᠠᠲᠠᠨ ᠮᠡᠷᠭᠡᠳ ᠦ᠋ᠨ ᠠᠯᠲᠠᠷ ᠮᠢᠩᠭᠠᠨ ᠭᠠᠯᠠᠪ ᠲᠣᠷ ᠮᠥᠩᠬᠡ
ᠭᠤᠷᠪᠠᠨ ᠦᠨᠡᠨ
ᠸᠠᠩ ᠬᠦᠩ ᠦ᠋ᠨ ᠠᠯᠲᠠᠷ ᠨᠡᠷᠡ ᠲᠡᠷᠡᠬᠡᠨ ᠴᠠᠭ ᠲᠠᠭᠠᠨ ᠬᠦᠨᠲᠦᠲᠡᠢ ᠭᠡᠳᠡᠭ ᠦᠨᠡᠨ
ᠤᠯᠠᠭᠠᠨ ᠨᠣᠭᠣᠭᠠᠨ ᠭᠣᠴᠣ ᠥᠩᠭᠡ ᠨᠢᠭᠡᠯᠡᠬᠡᠨ ᠦᠶᠡ ᠳ᠋ᠡᠭᠡᠨ ᠬᠤᠷᠴᠠ ᠭᠡᠳᠡᠭ ᠦᠨᠡᠨ
ᠦᠶᠡ ᠣᠯᠠᠨ ᠭᠤᠪᠠᠢ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠤᠯᠠᠷᠢᠯ ᠳ᠋ᠠᠭᠠᠨ ᠰᠠᠶ᠋ᠢᠬᠠᠨ ᠭᠡᠳᠡᠭ ᠦᠨᠡᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠠᠯᠲᠠᠨᠲᠦᠶᠠᠭᠠ ᠂ ᠬᠠᠷᠠᠨᠤᠳ ᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠷᠠᠨᠤᠳ ᠲᠤᠶᠠᠭᠠ