ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠴᠠ ᠂ ᠵᠠ > ᠶ᠋ᠢᠨ ᠠᠶ᠋ᠢᠮᠠᠭ Ертөнцийн гурав – < Ча ᠂ Жа > ин аймаг
1496ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠴᠠ ᠂ ᠵᠠ > ᠶ᠋ᠢᠨ ᠠᠶ᠋ᠢᠮᠠᠭ
ᠴᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠴᠠᠭᠠᠨ
ᠴᠠᠭ ᠦ᠋ᠨ ᠬᠤᠷᠠ ᠳᠤ ᠴᠠᠰᠤ ᠨᠢᠭᠡ ᠴᠠᠭᠠᠨ
ᠴᠠᠶ᠋ᠢᠷᠠᠨ ᠬᠥᠪᠦᠯᠵᠡᠬᠦ ᠳᠤ ᠡᠭᠦᠯᠡ ᠨᠢᠭᠡ ᠴᠠᠭᠠᠨ
ᠴᠠᠶ᠋ᠢᠲᠠᠮ ᠲᠠᠯᠠ ᠳᠤ ᠬᠣᠨᠢ ᠨᠢᠭᠡ ᠴᠠᠭᠠᠨ
ᠭᠤᠷᠪᠠᠨ ᠬᠠᠷᠠ
ᠴᠠᠰᠤ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠤᠰᠤ ᠨᠢ ᠬᠠᠷᠠ
ᠴᠠᠭᠠᠰᠤ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠦᠰᠦᠭ ᠨᠢ ᠬᠠᠷᠠ
ᠴᠠᠬ᠋ᠠ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠠᠷᠢᠬᠢ ᠨᠢ ᠬᠠᠷᠠ
ᠭᠤᠷᠪᠠᠨ ᠴᠢᠮᠡᠭ
ᠴᠠᠭᠠᠨ ᠬᠤᠨ ᠨᠠᠭᠤᠷ ᠲᠠᠭᠠᠨ ᠴᠢᠮᠡᠭ
ᠴᠡᠴᠡᠭ ᠬᠤᠸᠠᠷ ᠵᠤᠨ ᠳ᠋ᠠᠭᠠᠨ ᠴᠢᠮᠡᠭ
ᠴᠠᠰᠤ ᠮᠥᠰᠥ ᠡᠪᠦᠯ ᠳ᠋ᠡᠭᠡᠨ ᠴᠢᠮᠡᠭ
ᠭᠤᠷᠪᠠᠨ ᠰᠠᠶ᠋ᠢᠨ
ᠴᠠᠢ ᠴᠢᠨᠠᠬᠤ ᠳᠤ ᠴᠢᠪᠠᠭᠠᠨᠴᠠ ᠰᠠᠶ᠋ᠢᠨ
ᠴᠠᠪᠠᠤ ᠴᠢᠨᠠᠬᠤ ᠳᠤ ᠮᠣᠲᠣᠴᠢᠨ ᠰᠠᠶ᠋ᠢᠨ
ᠴᠠᠪ ᠳᠡᠭᠡᠵᠢᠯᠡᠬᠦ ᠳᠤ ᠯᠠᠮᠠ ᠰᠠᠶ᠋ᠢᠨ
ᠭᠤᠷᠪᠠᠨ ᠰᠠᠶ᠋ᠢᠨ
ᠴᠠᠭ ᠦ᠋ᠨ ᠠᠵᠢᠯ ᠴᠠᠭ ᠲᠠᠭᠠᠨ ᠰᠠᠶ᠋ᠢᠨ
ᠴᠠᠬᠢᠯᠲᠠᠭ ᠡᠪᠡᠰᠦ ᠬᠠᠪᠤᠷ ᠲᠠᠭᠠᠨ ᠰᠠᠶ᠋ᠢᠨ
ᠴᠢᠨᠠᠭᠰᠠᠨ ᠮᠢᠬᠠ ᠬᠠᠯᠠᠭᠤᠨ ᠳ᠋ᠠᠭᠠᠨ ᠰᠠᠶ᠋ᠢᠨ
ᠭᠤᠷᠪᠠᠨ ᠭᠠᠷᠲᠠᠭ
ᠴᠡᠭᠡ ᠰᠠᠷᠬᠤᠳ ᠰᠦᠨ ᠡᠴᠡ ᠭᠠᠷᠲᠠᠭ
ᠴᠡᠴᠡᠭ ᠨᠠᠪᠴᠢ ᠭᠠᠵᠠᠷ ᠠ᠋ᠴᠠ ᠭᠠᠷᠲᠠᠭ
ᠴᠡᠴᠡᠨ ᠦᠭᠡ ᠴᠡᠭᠡᠵᠢᠨ ᠡᠴᠡ ᠭᠠᠷᠲᠠᠭ
ᠭᠤᠷᠪᠠᠨ ᠦᠬᠦᠬᠦ
ᠴᠠᠭ ᠮᠡᠲᠡᠬᠦ ᠦᠭᠡᠢ ᠬᠥᠮᠦᠨ ᠶᠠᠲᠠᠷᠠᠵᠤ ᠦᠬᠦᠬᠦ
ᠴᠠᠪ ᠮᠡᠲᠡᠬᠦ ᠦᠭᠡᠢ ᠬᠥᠮᠦᠨ ᠥᠯᠪᠡᠷᠴᠦ ᠦᠬᠦᠬᠦ
ᠴᠠᠭᠠᠵᠠ ᠮᠡᠲᠡᠬᠦ ᠦᠭᠡᠢ ᠬᠥᠮᠦᠨ ᠲᠣᠷᠴᠤ ᠦᠬᠦᠬᠦ
ᠭᠤᠷᠪᠠᠨ ᠵᠥᠪ
ᠴᠢᠨᠣᠠ ᠮᠠᠭᠤᠲᠠᠪᠠᠴᠤ ᠬᠣᠨᠢ ᠳ᠋ᠠᠭᠠᠨ ᠵᠥᠪ
ᠴᠠᠴᠠᠷ ᠮᠠᠭᠤᠲᠠᠪᠠᠴᠤ ᠴᠠᠰᠤᠨ ᠳ᠋ᠠᠭᠠᠨ ᠵᠥᠪ
ᠴᠣᠷᠵᠢ ᠮᠠᠭᠤᠲᠠᠪᠠᠴᠤ ᠳᠣᠭᠵᠢᠷ ᠲᠠᠭᠠᠨ ᠵᠥᠪ
ᠭᠤᠷᠪᠠᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠴᠠᠭ ᠴᠠᠭ ᠶ᠋ᠢᠠᠷ ᠶ᠋ᠢᠠᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠴᠠᠰᠤ ᠬᠡᠪ ᠶ᠋ᠢᠡᠷ ᠶ᠋ᠢᠡᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠴᠠᠬᠢᠯᠲᠠᠭ ᠬᠥᠬᠡ ᠪᠡᠷ ᠶ᠋ᠢᠡᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠭᠤᠷᠪᠠᠨ ᠳᠠᠭᠠᠭᠠᠬᠤ ᠦᠭᠡᠢ
ᠴᠠᠭᠠᠨ ᠬᠢᠷᠠᠭᠤ ᠨᠠᠷᠠ ᠶ᠋ᠢ ᠳᠠᠭᠠᠭᠠᠬᠤ ᠦᠭᠡᠢ
ᠴᠠᠭᠠᠨ ᠰᠢᠪᠠᠭᠤ ᠵᠢᠪᠠᠷ ᠊ᠢ ᠳᠠᠭᠠᠭᠠᠬᠤ ᠦᠭᠡᠢ
ᠴᠠᠭᠠᠨ ᠥᠩᠭᠡ ᠬᠬᠢᠷ ᠊ᠢ ᠳᠠᠭᠠᠭᠠᠬᠤ ᠦᠭᠡᠢ
ᠭᠤᠷᠪᠠᠨ ᠬᠠᠷᠠ
ᠴᠠᠰᠤᠨ ᠳᠤ ᠮᠥᠷ ᠨᠢᠭᠡ ᠬᠠᠷᠠ
ᠴᠠᠭᠠᠰᠤᠨ ᠳᠤ ᠦᠰᠦᠭ ᠨᠢᠭᠡ ᠬᠠᠷᠠ
ᠴᠢᠲᠠᠯ ᠳᠤ ᠬᠦᠴᠦ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠰᠠᠶ᠋ᠢᠨ
ᠴᠠᠬᠢᠷᠰᠤᠨ ᠮᠠᠯᠠᠭᠠᠢ ᠲᠣᠯᠣᠭᠠᠢ ᠳᠤ ᠰᠠᠶ᠋ᠢᠨ
ᠴᠡᠩᠭᠡᠯ ᠵᠢᠷᠭᠠᠯ ᠠᠮᠢᠲᠤᠷᠠᠯ ᠳᠤ ᠰᠠᠶ᠋ᠢᠨ
ᠴᠡᠭᠡ ᠠᠶ᠋ᠢᠷᠠᠭ ᠭᠡᠲᠡᠰᠦᠨ ᠳᠤ ᠰᠠᠶ᠋ᠢᠨ
ᠭᠤᠷᠪᠠᠨ ᠰᠠᠶ᠋ᠢᠨ
ᠴᠡᠭᠡᠵᠢᠨ ᠳ᠋ᠡᠭᠡᠨ ᠪᠣᠲᠣᠯᠬ᠋ᠠ ᠲᠠᠢ ᠶᠠᠪᠤᠪᠠᠯ ᠰᠠᠶ᠋ᠢᠨ
ᠴᠢᠬᠢᠨ ᠳ᠋ᠡᠭᠡᠨ ᠰᠣᠨᠣᠷ ᠲᠠᠢ ᠶᠠᠪᠤᠪᠠᠯ ᠰᠠᠶ᠋ᠢᠨ
ᠴᠡᠩᠭᠡᠯ ᠳ᠋ᠡᠭᠡᠨ ᠬᠢᠴᠢᠶᠡᠮᠵᠢ ᠲᠡᠢ ᠶᠠᠪᠤᠪᠠᠯ ᠰᠠᠶ᠋ᠢᠨ
ᠭᠤᠷᠪᠠᠨ ᠳᠣᠭᠰᠢᠨ
ᠴᠡᠩᠬᠡᠷ ᠠᠭᠠᠷ ᠲᠤ ᠨᠢᠰᠬᠦ ᠡᠴᠡ ᠪᠦᠷᠭᠦᠳ ᠳᠣᠭᠰᠢᠨ
ᠴᠠᠰᠤᠲᠤ ᠣᠢ ᠳᠤ ᠠᠮᠢᠲᠤᠷᠠᠬᠤ ᠠ᠋ᠴᠠ ᠪᠠᠷᠰ ᠳᠣᠭᠰᠢᠨ
ᠴᠡᠨᠡᠭᠲᠦ ᠫᠤᠤ ᠳᠤ ᠳᠠᠷᠤᠬᠤ ᠠ᠋ᠴᠠ ᠰᠤᠮᠤ ᠳᠣᠭᠰᠢᠨ
ᠭᠤᠷᠪᠠᠨ ᠴᠠᠭᠠᠨ
ᠴᠡᠪᠡᠷ ᠢᠳᠡᠭᠡᠨ ᠳᠤ ᠰᠦ᠋ ᠨᠢᠭᠡ ᠴᠠᠭᠠᠨ
ᠴᠡᠩᠭᠡᠯ ᠪᠡᠯᠭᠡ ᠳᠤ ᠬᠠᠳᠠᠭ ᠨᠢᠭᠡ ᠴᠠᠭᠠᠨ
ᠴᠢᠩ ᠵᠢᠷᠤᠮᠲᠠᠨ ᠳᠤ ᠰᠡᠳᠬᠢᠯ ᠨᠢᠭᠡ ᠴᠠᠭᠠᠨ
ᠭᠤᠷᠪᠠᠨ ᠴᠠᠭᠠᠨ
ᠴᠢᠩ ᠵᠣᠷᠢᠬᠲᠤ ᠮᠣᠩᠭᠣᠯᠴᠤᠳ ᠤᠨ ᠰᠡᠳᠬᠢᠯ ᠴᠠᠭᠠᠨ
ᠴᠢᠭᠴᠢ ᠦᠨᠡᠨᠴᠢ ᠲᠠᠬᠢᠯᠭᠠ ᠶ᠋ᠢᠨ ᠰᠢᠲᠦᠭᠡᠨ ᠨᠢ ᠴᠠᠭᠠᠨ
ᠴᠡᠪᠡᠷ ᠠᠷᠢᠭᠤᠨ ᠢᠳᠡᠭᠡᠨ ᠤ ᠥᠩᠭᠡ ᠨᠢ ᠴᠠᠭᠠᠨ
ᠭᠤᠷᠪᠠᠨ ᠪᠠᠲᠤ
ᠴᠢᠨᠠᠷ ᠰᠠᠶ᠋ᠢᠲᠠᠢ ᠬᠥᠮᠦᠨ ᠤ ᠠᠮᠠ ᠨᠢᠭᠡ ᠪᠠᠲᠤ
ᠴᠢᠷᠮᠠᠶ᠋ᠢᠯᠭᠠ ᠰᠠᠶ᠋ᠢᠲᠠᠢ ᠯᠠᠮᠠ ᠶ᠋ᠢᠨ ᠡᠷᠳᠡᠮ ᠨᠢᠭᠡ ᠪᠠᠲᠤ
ᠴᠡᠭᠡᠵᠢ ᠰᠠᠶ᠋ᠢᠲᠠᠢ ᠮᠡᠷᠭᠡᠳ ᠤᠨ ᠮᠡᠳᠡᠯᠭᠡ ᠨᠢᠭᠡ ᠪᠠᠲᠤ
ᠭᠤᠷᠪᠠᠨ ᠦᠭᠡᠢ
ᠴᠤᠤᠲᠤ ᠲᠩᠷᠢ ᠪᠣᠷᠣᠭᠠᠨ ᠨᠢᠭᠡ ᠦᠭᠡᠢ
ᠴᠤᠤᠲᠤ ᠬᠡᠦᠬᠡᠨ ᠬᠤᠷᠢᠮ ᠨᠢᠭᠡ ᠦᠭᠡᠢ
ᠴᠤᠤᠲᠤ ᠪᠠᠶᠠᠨ ᠬᠦᠨᠳᠦ ᠨᠢᠭᠡ ᠦᠭᠡᠢ
ᠭᠤᠷᠪᠠᠨ ᠵᠢᠮᠰᠡᠭ
ᠴᠣᠩᠬᠣ ᠡᠭᠦᠳᠡ ᠭᠡᠷ ᠤᠨ ᠵᠢᠮᠰᠡᠭ
ᠴᠣᠪᠣᠭᠣ ᠰᠡᠷᠭᠦᠯᠡᠩ ᠪᠡᠶᠡ ᠶ᠋ᠢᠨ ᠵᠢᠮᠰᠡᠭ
ᠴᠤᠯᠪᠤᠭᠤᠷ ᠨᠣᠭᠲᠣ ᠮᠣᠷᠢᠨ ᠤ ᠵᠢᠮᠰᠡᠭ
ᠭᠤᠷᠪᠠᠨ ᠲᠡᠮᠳᠡᠭ
ᠴᠦᠯᠡᠵᠦ ᠪᠠᠶ᠋ᠢᠬᠤ ᠨᠢ ᠬᠣᠭᠣᠰᠣᠷᠠᠬᠤ ᠶ᠋ᠢᠨ ᠲᠡᠮᠳᠡᠭ
ᠴᠥᠭᠡᠷᠡᠵᠦ ᠪᠠᠶ᠋ᠢᠬᠤ ᠨᠢ ᠪᠠᠷᠠᠭᠳᠠᠬᠤ ᠶ᠋ᠢᠨ ᠲᠡᠮᠳᠡᠭ
ᠴᠥᠯᠪᠡᠵᠦ ᠪᠠᠶ᠋ᠢᠬᠤ ᠨᠢ ᠳᠠᠭᠤᠰᠤᠭᠰᠠᠨ ᠤ ᠲᠡᠮᠳᠡᠭ
ᠭᠤᠷᠪᠠᠨ ᠰᠢᠭᠠᠷᠤ
ᠴᠥᠴᠥᠭᠡᠢ ᠴᠠᠭᠠ ᠨᠢ ᠰᠦ᠋ ᠶ᠋ᠢᠨ ᠰᠢᠭᠠᠷᠤ
ᠴᠥᠯᠪᠡᠬᠦᠨ ᠵᠣᠯᠪᠢᠩ ᠨᠢ ᠵᠠᠩ ᠤᠨ ᠰᠢᠭᠠᠷᠤ
ᠴᠦᠯ ᠡᠯᠡᠰᠦ ᠨᠢ ᠭᠠᠵᠠᠷ ᠤᠨ ᠰᠢᠭᠠᠷᠤ
ᠵᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠤᠯᠠᠭᠠᠨ
ᠵᠠᠭᠤᠳᠠᠭ ᠨᠣᠬᠠᠢ ᠶ᠋ᠢᠨ ᠵᠠᠪᠠᠵᠢ ᠨᠢᠭᠡ ᠤᠯᠠᠭᠠᠨ
ᠵᠢᠪᠠᠷ ᠲᠤ᠌ ᠭᠦᠶᠦᠭᠰᠡᠨ ᠦᠨᠡᠭᠡ ᠨᠢᠭᠡ ᠤᠯᠠᠭᠠᠨ
ᠵᠢᠯᠠᠭᠠᠨ ᠳᠤ ᠤᠷᠭᠤᠭᠰᠠᠨ ᠰᠤᠬᠠᠢ ᠨᠢᠭᠡ ᠤᠯᠠᠭᠠᠨ
ᠭᠤᠷᠪᠠᠨ ᠪᠡᠷᠬᠡ
ᠵᠠᠮ ᠦᠭᠡᠢ ᠳᠠᠪᠠᠭᠠ ᠶ᠋ᠢ ᠳᠠᠪᠠᠬᠤ ᠳᠤ ᠪᠡᠷᠬᠡ
ᠵᠠᠩᠭᠢᠯᠠᠭᠰᠠᠨ ᠦᠭᠡ ᠶ᠋ᠢ ᠲᠠᠶ᠋ᠢᠯᠬᠤ ᠳᠤ ᠪᠡᠷᠬᠡ
ᠵᠠᠭᠠᠨ ᠤ ᠰᠣᠶᠣᠭᠠ ᠶ᠋ᠢ ᠵᠠᠯᠠᠬᠤ ᠳᠤ ᠪᠡᠷᠬᠡ
ᠭᠤᠷᠪᠠᠨ ᠤᠯᠠᠭᠠᠨ
ᠵᠠᠭᠤᠳᠠᠭ ᠪᠤᠤᠷᠠ ᠶ᠋ᠢᠨ ᠰᠢᠯᠢ ᠨᠢᠭᠡ ᠤᠯᠠᠭᠠᠨ
ᠵᠠᠪᠬᠠᠢ ᠬᠥᠮᠦᠨ ᠤ ᠨᠢᠳᠦ ᠨᠢᠭᠡ ᠤᠯᠠᠭᠠᠨ
ᠵᠢᠷᠠᠨ ᠰᠠᠶ᠋ᠢᠳ ᠤᠨ ᠵᠠᠯᠠᠭᠠ ᠨᠢᠭᠡ ᠤᠯᠠᠭᠠᠨ
ᠭᠤᠷᠪᠠᠨ ᠰᠢᠪᠰᠢᠭ
ᠵᠠᠮ ᠳᠤᠮᠳᠠ ᠮᠣᠷᠢ ᠠ᠋ᠴᠠ ᠰᠠᠯᠬᠤ ᠰᠢᠪᠰᠢᠭ
ᠤᠰᠤᠨ ᠳᠤᠮᠳᠠ ᠣᠩᠭᠣᠴᠠ ᠠ᠋ᠴᠠ ᠰᠠᠯᠬᠤ ᠰᠢᠪᠰᠢᠭ
ᠵᠠᠯᠠᠭᠤ ᠨᠠᠰᠤᠨ ᠳᠤ ᠡᠬᠡᠨᠡᠷ ᠠ᠋ᠴᠠ ᠰᠠᠯᠬᠤ ᠰᠢᠪᠰᠢᠭ
ᠭᠤᠷᠪᠠᠨ ᠭᠠᠭᠴᠠᠬᠠᠨ
ᠵᠠᠭᠠᠨ ᠨᠢ ᠥᠨᠳᠥᠷ ᠪᠣᠯᠪᠠᠴᠤ ᠵᠤᠯᠵᠠᠭᠠ ᠨᠢ ᠭᠠᠭᠴᠠᠬᠠᠨ
ᠵᠠᠰᠠᠭ ᠨᠢ ᠣᠯᠠᠨ ᠪᠣᠯᠪᠠᠴᠤ ᠵᠠᠬᠢᠷᠬᠤ ᠨᠢ ᠭᠠᠭᠴᠠᠬᠠᠨ
ᠵᠠᠯᠠᠭᠠ ᠨᠢ ᠣᠯᠠᠨ ᠪᠣᠯᠪᠠᠴᠤ ᠵᠡᠪᠰᠡᠭ ᠨᠢ ᠭᠠᠭᠴᠠᠬᠠᠨ
ᠭᠤᠷᠪᠠᠨ ᠢᠯᠡᠭᠦᠦ
ᠵᠠᠮ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠲᠥᠭᠡᠷᠢᠬᠦ ᠨᠢ ᠢᠯᠡᠭᠦᠦ
ᠵᠣᠷᠢᠬ ᠰᠢᠢᠳᠪᠦᠷᠢ ᠦᠭᠡᠢ ᠬᠥᠮᠦᠨ ᠭᠤᠶ᠋ᠢᠪᠢᠬᠤ ᠨᠢ ᠢᠯᠡᠭᠦᠦ
ᠵᠣᠯ ᠵᠢᠷᠭᠠᠯ ᠦᠭᠡᠢ ᠬᠥᠮᠦᠨ ᠵᠣᠪᠠᠬᠤ ᠨᠢ ᠢᠯᠡᠭᠦᠦ
ᠭᠤᠷᠪᠠᠨ ᠪᠠᠷᠠᠳᠠᠭ
ᠵᠠᠭᠤᠳᠠᠭ ᠨᠣᠬᠠᠢ ᠰᠢᠳᠦ ᠪᠠᠨ ᠨᠢᠭᠡ ᠪᠠᠷᠠᠳᠠᠭ
ᠵᠠᠪᠬᠠᠢ ᠡᠮᠡ ᠨᠢᠭᠤᠷ ᠢᠶ᠋ᠠᠨ ᠨᠢᠭᠡ ᠪᠠᠷᠠᠳᠠᠭ
ᠵᠢᠰᠤᠷᠴᠢ ᠬᠥᠮᠦᠨ ᠨᠡᠷᠡ ᠪᠡᠨ ᠨᠢᠭᠡ ᠪᠠᠷᠠᠲᠠᠬ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠵᠠᠭᠠᠯ ᠤᠯᠠᠭᠠᠨ ᠥᠩᠭᠡ ᠨᠢᠭᠡ ᠰᠠᠶ᠋ᠢᠬᠠᠨ
ᠵᠠᠮ ᠦ᠋ᠨ ᠬᠠᠵᠠᠭᠤ ᠳᠦ ᠤᠰᠤ ᠨᠢᠭᠡ ᠰᠠᠶ᠋ᠢᠬᠠᠨ
ᠵᠢᠭᠠᠯ ᠦᠶᠡ ᠳᠦ ᠵᠠᠩ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠴᠤᠭᠯᠠᠷᠠᠨᠠ
ᠵᠠᠮᠠᠭ ᠰᠠᠶ᠋ᠢᠲᠠᠢ ᠨᠠᠭᠤᠷ ᠲᠤ ᠵᠢᠭᠠᠰᠤ ᠠᠷᠪᠢᠨ ᠴᠤᠭᠯᠠᠷᠠᠨᠠ
ᠵᠠᠩ ᠰᠠᠶ᠋ᠢᠲᠠᠢ ᠬᠥᠮᠦᠨ ᠳᠦ ᠨᠥᠬᠥᠷ ᠠᠷᠪᠢᠨ ᠴᠤᠭᠯᠠᠷᠠᠨᠠ
ᠵᠠᠰᠠᠯ ᠰᠠᠶ᠋ᠢᠲᠠᠢ ᠬᠡᠦᠬᠡᠨ ᠳᠦ ᠨᠢᠲᠦ ᠠᠷᠪᠢᠨ ᠴᠤᠭᠯᠠᠷᠠᠨᠠ
ᠭᠤᠷᠪᠠᠨ ᠳᠡᠭᠡᠷᠡ
ᠵᠠᠭᠤᠨ ᠬᠥᠮᠦᠨ ᠪ ᠨᠢᠲᠦᠨ ᠳᠡᠭᠡᠷᠡ
ᠵᠠᠭᠤᠲᠠᠭ ᠨᠣᠬᠠᠢ ᠶ᠋ᠢᠨ ᠰᠢᠲᠤᠨ ᠳᠡᠭᠡᠷᠡ
ᠵᠢᠷᠭᠤᠭᠠᠯᠵᠢᠨ ᠵᠠᠮ ᠦ᠋ᠨ ᠠᠭᠤᠯᠵᠠᠷ ᠳᠡᠭᠡᠷᠡ
ᠭᠤᠷᠪᠠᠨ ᠬᠠᠭᠤᠷᠮᠠᠭ
ᠵᠠᠯᠠᠭᠤ ᠠ᠋ᠴᠠ ᠪᠣᠯᠤᠭᠰᠠᠨ ᠡᠪᠡᠤᠠᠴᠢᠨ ᠬᠠᠭᠤᠷᠮᠠᠭ
ᠵᠣᠭᠣᠰ ᠠ᠋ᠴᠠ ᠪᠣᠯᠤᠭᠰᠠᠨ ᠢᠨᠠᠭ ᠬᠠᠭᠤᠷᠮᠠᠭ
ᠵᠠᠬᠢᠷᠤᠯ ᠠ᠋ᠴᠠ ᠪᠣᠯᠤᠭᠰᠠᠨ ᠶᠠᠪᠤᠲᠠᠯ ᠬᠠᠭᠤᠷᠮᠠᠭ
ᠭᠤᠷᠪᠠᠨ ᠣᠯᠠᠨ
ᠵᠠᠪᠬᠠᠢ ᠬᠥᠮᠦᠨ ᠊ᠢ ᠭᠤᠯᠤᠭᠴᠢ ᠣᠯᠠᠨ
ᠵᠠᠯᠠᠭᠤ ᠬᠥᠮᠦᠨ ᠊ᠢ ᠵᠠᠩᠲᠤᠷᠤᠭᠴᠢ ᠣᠯᠠᠨ
ᠵᠠᠩ ᠮᠠᠭᠤᠲᠤ ᠶ᠋ᠢ ᠵᠢᠭᠰᠢᠭᠴᠢ ᠣᠯᠠᠨ
ᠭᠤᠷᠪᠠᠨ ᠣᠯᠠᠨ
ᠵᠠᠯᠠᠭᠤ ᠬᠥᠮᠦᠨ ᠳᠦ ᠰᠢᠯᠲᠠᠬ ᠨᠢᠭᠡ ᠣᠯᠠᠨ
ᠵᠠᠯᠭᠠᠵᠤ ᠬᠡᠷᠡᠭᠯᠡᠬᠦ ᠳᠦ ᠦᠭᠡ ᠨᠢᠭᠡ ᠣᠯᠠᠨ
ᠵᠠᠯᠠᠭᠤ ᠪᠡᠷᠢ ᠳᠦ ᠬᠠᠨᠢ ᠨᠢᠭᠡ ᠣᠯᠠᠨ
ᠭᠤᠷᠪᠠᠨ ᠳᠠᠭᠠᠨᠠ
ᠵᠠᠭᠠᠨ ᠪᠣᠯᠪᠠᠴᠤ ᠵᠠᠮ ᠦ᠋ᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠵᠠᠩᠵᠤᠨ ᠪᠣᠯᠪᠠᠴᠤ ᠶᠤᠰᠤ ᠶ᠋ᠢᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠵᠢᠪᠡᠷ ᠪᠣᠯᠪᠠᠴᠤ ᠭᠠᠵᠠᠷ ᠦ᠋ᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠭᠤᠷᠪᠠᠨ ᠦᠨᠡᠨ
ᠵᠠᠯᠢᠬᠠᠢ ᠪᠣᠯᠪᠠᠯ ᠠᠲᠠ ᠪᠣᠯᠬᠤ ᠦᠨᠡᠨ
ᠵᠠᠶ᠋ᠢᠲᠠᠩ ᠤᠨᠤᠪᠠᠯ ᠪᠥᠭᠰᠡ ᠬᠣᠯᠭᠣᠬᠤ ᠦᠨᠡᠨ
ᠵᠠᠪᠬᠠᠢ ᠶᠠᠪᠤᠪᠠᠯ ᠰᠢᠪᠰᠢᠭ ᠪᠣᠯᠬᠤ ᠦᠨᠡᠨ
ᠭᠤᠷᠪᠠᠨ ᠳᠠᠭᠠᠨᠠ
ᠵᠠᠭᠠᠨ ᠬᠡᠲᠦᠢ ᠲᠣᠮᠣ ᠪᠣᠯᠪᠠᠴᠤ ᠵᠠᠮ ᠦ᠋ᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠵᠠᠩᠵᠤᠨ ᠬᠡᠲᠦᠢ ᠴᠢᠲᠠᠯ ᠲᠠᠢ ᠪᠣᠯᠪᠠᠴᠤ ᠬᠠᠤᠯᠢ ᠶ᠋ᠢᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠵᠢᠭᠠᠰᠤ ᠬᠡᠲᠦᠢ ᠪᠦᠲᠦᠭᠦᠨ ᠪᠣᠯᠪᠠᠴᠤ ᠤᠰᠤᠨ ᠪ ᠠᠶᠠ ᠶ᠋ᠢ ᠳᠠᠭᠠᠨᠠ
ᠭᠤᠷᠪᠠᠨ ᠦᠭᠡᠢ
ᠵᠠᠯᠬᠠᠭᠤ ᠬᠥᠮᠦᠨ ᠡᠴᠡ ᠨᠣᠶ᠋ᠢᠷ ᠰᠠᠯᠲᠠᠭ ᠦᠭᠡᠢ
ᠵᠡᠪᠡ ᠭᠠᠵᠠᠷ ᠠ᠋ᠴᠠ ᠮᠠᠨᠠᠨ ᠰᠠᠯᠲᠠᠭ ᠦᠭᠡᠢ
ᠵᠠᠮ ᠦ᠋ᠨ ᠳᠣᠣᠷᠠ ᠠ᠋ᠴᠠ ᠵᠢᠭᠠᠰᠤ ᠰᠠᠯᠲᠠᠭ ᠦᠭᠡᠢ
ᠭᠤᠷᠪᠠᠨ ᠴᠢᠮᠡᠭ
ᠵᠠᠭᠠᠨ ᠪᠠᠷᠰ ᠠᠭᠤᠯᠠᠨ ᠪ ᠴᠢᠮᠡᠭ
ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠤᠰᠤᠨ ᠪ ᠴᠢᠮᠡᠭ
ᠵᠠᠰᠠᠯ ᠵᠢᠮᠰᠡᠭ ᠪᠠᠶᠠᠨ ᠪ ᠴᠢᠮᠡᠭ
ᠭᠤᠷᠪᠠᠨ ᠨᠢᠭᠡ
ᠵᠡᠭᠡᠷᠲᠡ ᠮᠣᠷᠢᠨ ᠪ ᠬᠣᠯᠪᠣᠬ᠋ᠠ ᠨᠢᠭᠡ
ᠵᠢᠭᠡ ᠨᠠᠭᠠᠴᠤ ᠶ᠋ᠢᠨ ᠰᠥᠯᠪᠡᠭᠡ ᠨᠢᠭᠡ
ᠵᠡᠪᠡ ᠨᠤᠮᠤ ᠶ᠋ᠢᠨ ᠲᠦᠷᠦ ᠨᠢᠭᠡ
ᠭᠤᠷᠪᠠᠨ ᠬᠥᠭᠡᠭᠡᠬᠦ
ᠵᠠᠮᠠᠭ ᠦ᠋ᠨ ᠵᠢᠭᠠᠰᠤ ᠶ᠋ᠢ ᠰᠡᠷᠡᠭᠡ ᠬᠥᠭᠡᠭᠡᠬᠦ
ᠵᠦᠯᠭᠡᠨ ᠪ ᠲᠠᠤᠯᠠᠢ ᠶ᠋ᠢ ᠨᠣᠬᠠᠢ ᠬᠥᠭᠡᠭᠡᠬᠦ
ᠵᠢᠷᠦᠬᠡᠨ ᠪ ᠦᠭᠡ ᠶ᠋ᠢ ᠠᠷᠢᠬᠢ ᠬᠥᠭᠡᠭᠡᠬᠦ
ᠭᠤᠷᠪᠠᠨ ᠲᠠᠷᠭᠤᠯᠠᠬᠤ
ᠵᠤᠳ ᠪᠣᠯᠬᠤ ᠳᠦ ᠨᠣᠬᠠᠢ ᠨᠢᠭᠡ ᠲᠠᠷᠭᠤᠯᠠᠬᠤ
ᠵᠤᠨ ᠪᠣᠯᠬᠤ ᠳᠦ ᠮᠠᠯ ᠨᠢᠭᠡ ᠲᠠᠷᠭᠤᠯᠠᠬᠤ
ᠵᠣᠪᠠᠯᠠᠩ ᠪᠣᠯᠬᠤ ᠳᠦ ᠯᠠᠮᠠ ᠨᠢᠭᠡ ᠲᠠᠷᠭᠤᠯᠠᠬᠤ
ᠭᠤᠷᠪᠠᠨ ᠡᠯᠪᠡᠭ
ᠵᠣᠪᠠᠯᠠᠩ ᠲᠠᠢ ᠭᠠᠵᠠᠷ ᠨᠣᠶᠠᠳ ᠨᠢᠭᠡ ᠡᠯᠪᠡᠭ
ᠵᠥᠭᠡᠢ ᠲᠡᠢ ᠭᠠᠵᠠᠷ ᠪᠠᠯ ᠨᠢᠭᠡ ᠡᠯᠪᠡᠭ
ᠴᠢᠳᠬᠦᠷ ᠲᠡᠢ ᠭᠠᠵᠠᠷ ᠯᠠᠮᠠ ᠨᠢᠭᠡ ᠡᠯᠪᠡᠭ
ᠭᠤᠷᠪᠠᠨ ᠦᠭᠡᠢ
ᠵᠣᠳᠣᠯᠴᠠᠭᠰᠠᠨ ᠬᠥᠮᠦᠨ ᠳᠦ ᠰᠠᠶ᠋ᠢᠨ ᠭᠠᠷ ᠦᠭᠡᠢ
ᠴᠤᠤᠭᠢᠬᠰᠠᠨ ᠬᠥᠮᠦᠨ ᠳᠦ ᠰᠠᠶ᠋ᠢᠨ ᠠᠮᠠ ᠦᠭᠡᠢ
ᠵᠣᠪᠠᠭᠰᠠᠨ ᠬᠥᠮᠦᠨ ᠳᠦ ᠰᠠᠶ᠋ᠢᠨ ᠶᠠᠪᠤᠳᠠᠯ ᠦᠭᠡᠢ
ᠭᠤᠷᠪᠠᠨ ᠦᠭᠡᠢ
ᠵᠤᠷᠮᠠᠨ ᠲᠣᠯᠣᠭᠠᠢ ᠳᠤ ᠮᠢᠬᠠ ᠨᠢᠭᠡ ᠦᠭᠡᠢ
ᠵᠠᠭᠤᠴᠢ ᠬᠥᠮᠦᠨ ᠳᠦ ᠨᠢᠭᠤᠷ ᠨᠢᠭᠡ ᠦᠭᠡᠢ
ᠵᠣᠪᠠᠯ ᠲᠠᠬᠤᠯ ᠳᠤ ᠨᠢᠳᠦ ᠨᠢᠭᠡ ᠦᠭᠡᠢ
ᠭᠤᠷᠪᠠᠨ ᠶᠡᠬᠡ
ᠵᠣᠪᠠᠯᠠᠩ ᠨᠢ ᠪᠠᠭᠠ ᠪᠣᠯᠪᠠᠯ ᠶᠣᠶ᠋ᠢᠯᠠᠬᠤ ᠨᠢ ᠶᠡᠬᠡ
ᠵᠣᠷᠢᠬ ᠨᠢ ᠪᠠᠭᠠ ᠪᠣᠯᠪᠠᠯ ᠠᠶᠤᠬᠤ ᠨᠢ ᠶᠡᠬᠡ
ᠵᠤᠳᠯᠠᠬᠤ ᠨᠢ ᠪᠠᠭᠠ ᠪᠣᠯᠪᠠᠯ ᠰᠠᠯᠬᠢᠯᠠᠬᠤ ᠨᠢ ᠶᠡᠬᠡ
ᠭᠤᠷᠪᠠᠨ ᠬᠡᠷᠡᠭᠲᠡᠢ
ᠵᠣᠪᠠᠵᠤ ᠶᠠᠪᠤᠬᠤ ᠳᠤ ᠵᠣᠷᠢᠬ ᠬᠡᠷᠡᠭᠲᠡᠢ
ᠵᠢᠷᠭᠠᠵᠤ ᠶᠠᠪᠤᠬᠤ ᠳᠤ ᠰᠦᠵᠢᠭ ᠬᠡᠷᠡᠭᠲᠡᠢ
ᠵᠥᠪᠯᠡᠵᠦ ᠶᠠᠪᠤᠬᠤ ᠳᠤ ᠠᠷᠭᠠ ᠬᠡᠷᠡᠭᠲᠡᠢ
ᠭᠤᠷᠪᠠᠨ ᠰᠢᠷᠦᠭᠦᠨ
ᠵᠠᠮ ᠢᠶ᠋ᠠᠷ ᠶᠠᠪᠤᠭᠰᠠᠨ ᠮᠣᠷᠢ ᠰᠢᠷᠦᠭᠦᠨ
ᠵᠠᠷᠯᠢᠬ ᠢᠶ᠋ᠠᠷ ᠶᠠᠪᠤᠭᠰᠠ ᠡᠯᠴᠢ ᠰᠢᠷᠦᠭᠦᠨ
ᠵᠠᠯᠠᠯᠭᠠ ᠪᠠᠷ ᠶᠠᠪᠤᠭᠰᠠᠨ ᠯᠠᠮᠠ ᠰᠢᠷᠦᠭᠦᠨ
ᠭᠤᠷᠪᠠᠨ ᠵᠥᠭᠡᠯᠡᠨ
ᠵᠠᠯᠢᠬᠠᠢ ᠬᠥᠮᠦᠨ ᠦ ᠵᠠᠩ ᠵᠥᠭᠡᠯᠡᠨ
ᠵᠠᠷᠤᠴᠠ ᠬᠥᠮᠦᠨ ᠦ ᠦᠭᠡ ᠵᠥᠭᠡᠯᠡᠨ
ᠵᠠᠭᠤᠴᠢ ᠬᠥᠮᠦᠨ ᠦ ᠬᠡᠯᠡ ᠵᠥᠭᠡᠯᠡᠨ
ᠭᠤᠷᠪᠠᠨ ᠤᠯᠠᠭᠠᠨ
ᠵᠡᠭᠡᠷᠳᠡ ᠮᠣᠷᠢᠨ ᠤ ᠵᠢᠰᠦ ᠨᠢᠭᠡ ᠤᠯᠠᠭᠠᠨ
ᠵᠢᠳᠠ ᠰᠡᠷᠡᠭᠡ ᠶ᠋ᠢᠨ ᠵᠠᠯᠠᠭᠠ ᠨᠢᠭᠡ ᠤᠯᠠᠭᠠᠨ
ᠵᠢᠩᠰᠡᠲᠦ ᠮᠠᠯᠠᠭᠠᠢ ᠶ᠋ᠢᠨ ᠤᠲᠤᠭᠠ ᠨᠢᠭᠡ ᠤᠯᠠᠭᠠᠨ
ᠭᠤᠷᠪᠠᠨ ᠬᠤᠷᠳᠤᠨ
ᠵᠸ ᠭᠡᠬᠦ ᠳᠦ ᠮᠣᠷᠢ ᠨᠢᠭᠡ ᠬᠤᠷᠳᠤᠨ
ᠵᠡᠷᠭᠡᠴᠡᠭᠡᠳ ᠣᠴᠢᠬᠤ ᠳᠤ ᠵᠡᠭᠡᠷᠡ ᠨᠢᠭᠡ ᠬᠤᠷᠳᠤᠨ
ᠵᠢᠷᠡᠯᠵᠡᠭᠡᠳ ᠭᠦᠶᠦᠬᠦ ᠳᠦ ᠨᠣᠬᠠᠢ ᠨᠢᠭᠡ ᠬᠤᠷᠳᠤᠨ
ᠭᠤᠷᠪᠠᠨ ᠤᠯᠠᠭᠠᠨ
ᠵᠢᠪᠠᠷ ᠲᠠᠢ ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠ ᠨᠢᠭᠡ ᠤᠯᠠᠭᠠᠨ
ᠵᠢᠷᠭᠠᠯ ᠲᠠᠢ ᠬᠠᠲᠤᠨ ᠤ ᠬᠠᠴᠠᠷ ᠨᠢᠭᠡ ᠤᠯᠠᠭᠠᠨ
ᠵᠢᠷᠳᠠᠭᠠᠢ ᠬᠥᠮᠦᠨ ᠦ ᠨᠢᠳᠦ ᠨᠢᠭᠡ ᠤᠯᠠᠭᠠᠨ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠵᠢᠭᠳᠡᠷᠡᠭᠰᠡᠨ ᠣᠳᠣᠨ ᠤ ᠳᠤᠮᠳᠠ ᠰᠠᠷᠠ ᠰᠠᠶ᠋ᠢᠬᠠᠨ
ᠵᠢᠭᠦᠷᠲᠡᠨ ᠰᠢᠪᠠᠭᠤᠳ ᠤᠨ ᠳᠤᠮᠳᠠ ᠲᠣᠭᠣᠰ ᠰᠠᠶ᠋ᠢᠬᠠᠨ
ᠵᠡᠷᠭᠡᠯᠡᠵᠦ ᠤᠷᠭᠤᠭᠰᠠᠨ ᠮᠣᠳᠣᠨ ᠳᠤᠮᠳᠠ ᠨᠠᠷᠠᠰᠤ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠬᠣᠤᠷ
ᠵᠢᠯᠣᠭᠣ ᠪᠠᠨ ᠠᠯᠳᠠᠪᠠᠯ ᠠᠮᠢᠨ ᠳᠤ ᠨᠢᠭᠡ ᠬᠣᠤᠷ
ᠵᠣᠷᠢᠬ ᠢᠶ᠋ᠠᠨ ᠠᠯᠳᠠᠪᠠᠯ ᠠᠵᠢᠯ ᠳᠤ ᠨᠢᠭᠡ ᠬᠣᠤᠷ
ᠵᠢᠪᠬᠤᠭᠠ ᠪᠠᠨ ᠠᠯᠳᠠᠪᠠᠯ ᠪᠡᠶᠡ ᠳᠦ ᠨᠢᠭᠡ ᠬᠣᠤᠷ
ᠭᠤᠷᠪᠠᠨ ᠡᠷᠳᠡᠨᠢ
ᠵᠢᠷᠭᠠᠵᠤ ᠨᠠᠶ᠋ᠢᠷᠯᠠᠯᠳᠤᠬᠤ ᠳᠤ ᠠᠷᠢᠬᠢ ᠨᠢᠭᠡ ᠡᠷᠳᠡᠨᠢ
ᠵᠠᠮ ᠶᠠᠪᠤᠬᠤ ᠳᠤ ᠬᠦᠯᠦᠭ ᠨᠢᠭᠡ ᠡᠷᠳᠡᠨᠢ
ᠵᠢᠷᠭᠠᠨ ᠰᠠᠭᠤᠬᠤ ᠳᠤ ᠡᠬᠡᠨᠡᠷ ᠨᠢᠭᠡ ᠡᠷᠳᠡᠨᠢ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠵᠥᠭᠡᠭᠡᠵᠦ ᠪᠠᠭᠤᠬᠤ ᠳᠤ ᠵᠦᠯᠭᠡ ᠨᠢᠭᠡ ᠰᠠᠶ᠋ᠢᠬᠠᠨ
ᠵᠥᠪᠯᠡᠵᠦ ᠶᠠᠷᠢᠯᠴᠠᠬᠤ ᠳᠤ ᠨᠦᠬᠦᠳ ᠨᠢᠭᠡ ᠰᠠᠶ᠋ᠢᠬᠠᠨ
ᠵᠦᠪᠲᠡᠭᠡᠵᠦ ᠰᠤᠷᠭᠠᠬᠤ ᠳᠤ ᠠᠪᠤ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠠᠯᠠᠭᠠ
ᠵᠥᠪᠯᠡᠪᠡᠯ ᠵᠦᠳᠡᠷᠡᠯ ᠭᠡᠵᠦ ᠨᠢᠭᠡ ᠠᠯᠠᠭᠠ
ᠡᠪᠯᠡᠪᠡᠯ ᠡᠪᠳᠡᠷᠡᠯ ᠭᠡᠵᠦ ᠨᠢᠭᠡ ᠠᠯᠠᠭᠠ
ᠰᠢᠮᠲᠠᠪᠡᠯ ᠬᠦᠴᠢᠷᠳᠡᠯ ᠭᠡᠵᠦ ᠨᠢᠭᠡ ᠠᠯᠠᠭᠠ
ᠭᠤᠷᠪᠠᠨ ᠬᠠᠷᠠ
ᠵᠤᠤᠬᠠᠨ ᠳᠣᠲᠣᠷᠠᠬᠢ ᠬᠦ᠋ ᠨᠢᠭᠡ ᠬᠠᠷᠠ
ᠵᠣᠯᠠᠨ ᠳᠣᠣᠷᠠᠬᠢ ᠪᠠᠤᠠᠮᠠ ᠨᠢᠭᠡ ᠬᠠᠷᠠ
ᠵᠢᠷᠦᠬᠡᠨ ᠳᠣᠲᠣᠷᠠᠬᠢ ᠰᠡᠤᠠᠬᠢᠯ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠠᠮᠤᠷ ᠦᠭᠡᠢ
ᠵᠣᠪᠠᠯᠠᠩ ᠣᠯᠠᠨ ᠪᠣᠯ ᠰᠡᠤᠠᠬᠢᠯ ᠠᠮᠤᠷ ᠦᠭᠡᠢ
ᠵᠡᠭᠦᠲᠦ ᠣᠯᠠᠨ ᠪᠣᠯ ᠲᠠᠷᠢᠬᠢ ᠠᠮᠤᠷ ᠦᠭᠡᠢ
ᠵᠣᠭᠣᠰ ᠣᠯᠠᠨ ᠪᠣᠯ ᠰᠠᠨᠠᠬ᠋ᠠ ᠠᠮᠤᠷ ᠦᠭᠡᠢ
ᠭᠤᠷᠪᠠᠨ ᠪᠢᠰᠢ
ᠵᠥᠷᠢᠭ᠍ᠰᠡᠨ ᠪᠦᠬᠦᠨ ᠳᠠᠶ᠋ᠢᠰᠤᠨ ᠪᠢᠰᠢ
ᠵᠤᠮᠠᠶ᠋ᠢᠬᠰᠠᠨ ᠪᠦᠬᠦᠨ ᠨᠥᠬᠥᠷ ᠪᠢᠰᠢ
ᠵᠣᠭᠣᠭᠲᠠᠭᠰᠠᠨ ᠪᠦᠬᠦᠨ ᠳᠣᠲᠣᠨᠣ ᠪᠢᠰᠢ
ᠭᠤᠷᠪᠠᠨ ᠬᠡᠴᠡᠭᠦᠦ
ᠵᠥᠭᠡᠯᠡᠨ ᠤᠷᠤᠭᠤᠯᠲᠤ ᠶ᠋ᠢᠨ ᠠᠷᠬ᠋ᠠ ᠬᠡᠴᠡᠭᠦᠦ
ᠵᠥᠷᠢᠭᠦᠦ ᠵᠠᠩᠲᠤ ᠶ᠋ᠢᠨ ᠠᠭᠠᠰᠢ ᠬᠡᠴᠡᠭᠦᠦ
ᠵᠥᠷᠢᠭ ᠵᠠᠮ ᠦ᠋ᠨ ᠪᠠᠷᠲᠠᠬ᠋ᠠ ᠬᠡᠴᠡᠭᠦᠦ
ᠭᠤᠷᠪᠠᠨ ᠦᠭᠡᠢ
ᠵᠥᠪ ᠵᠦᠭᠡᠷ ᠰᠠᠭᠤᠪᠠᠰᠤ ᠳᠠᠪᠰᠢᠬᠤ ᠦᠭᠡᠢ
ᠵᠥᠷᠢᠭᠦᠦ ᠵᠠᠩ ᠲᠠᠢ ᠪᠣᠯᠪᠠᠰᠤ ᠨᠡᠶ᠋ᠢᠯᠡᠬᠦ ᠦᠭᠡᠢ
ᠵᠥᠪ ᠦᠨᠡᠨ ᠶ᠋ᠢᠡᠷ ᠶᠠᠪᠤᠪᠠᠰᠤ ᠬᠢᠯᠢᠨᠴᠡ ᠦᠭᠡᠢ
ᠭᠤᠷᠪᠠᠨ ᠮᠠᠭᠤᠬᠠᠢ
ᠵᠥᠪ ᠶᠠᠪᠤᠭᠴᠢ ᠶ᠋ᠢ ᠳᠠᠷᠤᠯᠠᠬᠤ ᠨᠢᠭᠡ ᠮᠠᠭᠤᠬᠠᠢ
ᠵᠥᠷᠢᠭᠦᠦ ᠶᠠᠷᠢᠬᠴᠢ ᠶ᠋ᠢ ᠵᠥᠪᠲᠡᠭᠡᠬᠦ ᠨᠢᠭᠡ ᠮᠠᠭᠤᠬᠠᠢ
ᠵᠠᠪᠬᠠᠢ ᠶᠠᠪᠤᠭᠴᠢ ᠶ᠋ᠢ ᠥᠮᠥᠭᠯᠡᠬᠦ ᠨᠢᠭᠡ ᠮᠠᠭᠤᠬᠠᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠳᠠᠴᠢ ᠤᠷᠠᠨᠠ ᠂ ᠣᠶᠤᠨᠲᠤᠨᠠᠯ ᠂ ᠳ᠋ᠦᠩ ᠹᠸᠩ ᠂ ᠠᠯᠲᠠᠨᠲᠦᠶᠠᠭᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ᠂ ᠬᠠᠷᠠᠨᠤᠳ ᠲᠤᠶᠠᠭᠠ