ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠲᠠ ᠂ ᠳ᠋ᠠ > ᠶ᠋ᠢᠨ ᠠᠶ᠋ᠢᠮᠠᠭ Ертөнцийн гурав – < Та ᠂ Да > ин аймаг
848ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠲᠠ ᠂ ᠳ᠋ᠠ > ᠶ᠋ᠢᠨ ᠠᠶ᠋ᠢᠮᠠᠭ
ᠲᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠨᠣᠭᠣᠭᠠᠨ
ᠲᠠᠯᠠ ᠳᠦ ᠤᠷᠭᠤᠭᠰᠠᠨ ᠵᠡᠭᠡᠷᠭᠡᠨᠡ ᠨᠣᠭᠣᠭᠠᠨ
ᠲᠠᠶ᠋ᠢᠬ᠋ᠠ ᠳᠦ ᠤᠷᠭᠤᠭᠰᠠᠨ ᠬᠥᠪᠲᠥ ᠨᠣᠭᠣᠭᠠᠨ
ᠲᠠᠭ ᠲᠤ ᠤᠷᠭᠤᠭᠰᠠᠨ ᠠᠷᠴᠠ ᠨᠣᠭᠣᠭᠠᠨ
ᠭᠤᠷᠪᠠᠨ ᠴᠢᠮᠡᠭ
ᠲᠠᠪᠤᠨ ᠲᠠᠷᠢᠶᠠ ᠲᠠᠷᠢᠶᠠᠴᠢᠨ ᠪ ᠴᠢᠮᠡᠭ
ᠲᠠᠩᠰᠤᠭ ᠰᠥᠷᠦᠭ ᠮᠠᠯᠴᠢᠨ ᠪ ᠴᠢᠮᠡᠭ
ᠲᠠᠯᠠ ᠭᠣᠪᠢ ᠨᠤᠲᠤᠭ ᠦ᠋ᠨ ᠴᠢᠮᠡᠭ
ᠭᠤᠷᠪᠠᠨ ᠪᠠᠶᠠᠨ
ᠲᠠᠯᠠ ᠡᠪᠡᠰᠦ ᠪᠡᠷ ᠨᠢᠭᠡ ᠪᠠᠶᠠᠨ
ᠲᠩᠷᠢ ᠣᠲᠣ ᠪᠠᠷ ᠨᠢᠭᠡ ᠪᠠᠶᠠᠨ
ᠳᠠᠯᠠᠢ ᠤᠰᠤ ᠪᠠᠷ ᠨᠢᠭᠡ ᠪᠠᠶᠠᠨ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠲᠠᠯᠠ ᠳᠦ ᠤᠷᠭᠤᠭᠰᠠᠨ ᠴᠡᠴᠡᠭ ᠨᠢᠭᠡ ᠰᠠᠶ᠋ᠢᠬᠠᠨ
ᠲᠠᠭᠠᠯᠠᠵᠤ ᠥᠰᠭᠡᠭᠰᠡᠨ ᠡᠵᠢ ᠨᠢᠭᠡ ᠰᠠᠶ᠋ᠢᠬᠠᠨ
ᠲᠠᠮᠰᠢᠶᠠᠯᠠᠵᠤ ᠢᠳᠡᠭᠰᠡᠨ ᠰᠦ᠋ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠬᠡᠷᠡᠭ ᠦᠭᠡᠢ
ᠲᠠᠪᠤᠨ ᠲᠠᠷᠢᠶᠠ ᠲᠠᠨᠢᠬᠤ ᠦᠭᠡᠢ ᠡᠷᠡ ᠲᠠᠷᠢᠶᠠᠴᠢᠨ ᠲᠠᠢ ᠵᠣᠭᠣᠭᠲᠠᠬᠤ ᠬᠡᠷᠡᠭ ᠦᠭᠡᠢ
ᠲᠠᠪᠤᠨ ᠵᠣᠭᠣᠰ ᠪᠠᠶ᠋ᠢᠬᠤ ᠦᠭᠡᠢ ᠬᠥᠮᠦᠨ ᠬᠣᠲᠠ ᠳᠦ ᠣᠷᠣᠬᠤ ᠬᠡᠷᠡᠭ ᠦᠭᠡᠢ
ᠲᠠᠪᠤᠨ ᠢᠷᠥᠭᠡᠯ ᠮᠡᠲᠡᠬᠦ ᠦᠭᠡᠢ ᠯᠠᠮᠠ ᠬᠤᠷᠠᠯ ᠳᠦ ᠰᠠᠭᠤᠬᠤ ᠬᠡᠷᠡᠭ ᠦᠭᠡᠢ
ᠭᠤᠷᠪᠠᠨ ᠮᠡᠲᠡᠬᠦ ᠦᠭᠡᠢ
ᠲᠠᠮᠤᠯᠠᠭᠲᠠᠬᠤ ᠦᠭᠡᠢ ᠪᠣᠯ ᠵᠢᠷᠭᠠᠯ ᠊ᠢ ᠮᠡᠲᠡᠬᠦ ᠦᠭᠡᠢ
ᠲᠣᠯᠣᠭᠣᠬᠤ ᠦᠭᠡᠢ ᠪᠣᠯ ᠭᠠᠰᠢᠭᠤᠨ ᠊ᠢ ᠮᠡᠲᠡᠬᠦ ᠦᠭᠡᠢ
ᠲᠤᠯᠤᠭᠲᠠᠬᠤ ᠦᠭᠡᠢ ᠪᠣᠯ ᠭᠠᠴᠢᠬᠲᠠᠬᠤ ᠶ᠋ᠢ ᠮᠡᠲᠡᠬᠦ ᠦᠭᠡᠢ
ᠭᠤᠷᠪᠠᠨ ᠮᠡᠲᠡᠬᠦ ᠦᠭᠡᠢ
ᠲᠠᠯᠠ ᠠ᠋ᠴᠠ ᠴᠠᠰᠢ ᠵᠠᠮ ᠮᠡᠲᠡᠬᠦ ᠦᠭᠡᠢ
ᠲᠠᠷᠪᠠᠬ᠋ᠠ ᠠ᠋ᠴᠠ ᠥᠭᠡᠷᠡ ᠠᠮᠢᠲᠠᠨ ᠮᠡᠲᠡᠬᠦ ᠦᠭᠡᠢ
ᠲᠠᠪᠤ ᠡᠴᠡ ᠴᠠᠰᠢ ᠲᠣᠬ᠋ᠠ ᠮᠡᠲᠡᠬᠦ ᠦᠭᠡᠢ
ᠭᠤᠷᠪᠠᠨ ᠭᠡᠴᠡᠭᠦᠦ
ᠲᠠᠷᠢᠶᠠ ᠲᠥᠮᠦᠰᠦᠨ ᠳᠦ ᠬᠣᠷᠣᠬᠠᠢ ᠶ᠋ᠢᠨ ᠠᠶᠤᠯ ᠭᠡᠴᠡᠭᠦᠦ
ᠲᠠᠷᠴᠢᠯᠠᠭᠠᠨ ᠵᠣᠪᠠᠭᠠᠬᠤ ᠳᠦ ᠡᠪᠡᠤᠠᠴᠢᠨ ᠪ ᠠᠶᠤᠯ ᠭᠡᠴᠡᠭᠦᠦ
ᠲᠠᠷᠠᠭ ᠠᠶ᠋ᠢᠷᠠᠭ ᠦᠭᠡᠢ ᠭᠠᠴᠢᠬ ᠦ᠋ᠨ ᠠᠶᠤᠯ ᠭᠡᠴᠡᠭᠦᠦ
ᠭᠤᠷᠪᠠᠨ ᠰᠠᠶ᠋ᠢᠨ ᠦᠭᠡᠢ
ᠳᠠᠲᠠᠪᠤᠷᠢ ᠭᠡᠷᠭᠡᠢ ᠪᠡᠶᠡ ᠳ᠋ᠤᠷ ᠨᠢᠭᠡ ᠰᠠᠶ᠋ᠢᠨ ᠦᠭᠡᠢ
ᠲᠠᠪᠠ ᠳᠤᠷᠠ ᠬᠣᠵᠢᠮ ᠳ᠋ᠤᠷ ᠨᠢᠭᠡ ᠰᠠᠶ᠋ᠢᠨ ᠦᠭᠡᠢ
ᠳᠠᠲᠠᠭᠤ ᠲᠤᠲᠠᠭᠤ ᠦᠢᠯᠡᠰ ᠲᠤᠷ ᠨᠢᠭᠡ ᠰᠠᠶ᠋ᠢᠨ ᠦᠭᠡᠢ
ᠭᠤᠷᠪᠠᠨ ᠦᠭᠡᠢ
ᠲᠩᠷᠢ ᠶ᠋ᠢᠨ ᠰᠠᠯᠬᠢᠨ ᠲᠡᠭᠰᠢ ᠦᠭᠡᠢ
ᠲᠥᠷᠥᠭᠰᠡᠨ ᠪᠡᠶᠡ ᠮᠥᠩᠬᠡ ᠦᠭᠡᠢ
ᠲᠡᠷᠭᠡᠯ ᠰᠠᠷᠠ ᠬᠡᠪ ᠶ᠋ᠢᠡᠷ ᠦᠭᠡᠢ
ᠭᠤᠷᠪᠠᠨ ᠦᠭᠡᠢ
ᠲᠡᠮᠦᠷ ᠦ᠋ᠨ ᠰᠠᠶ᠋ᠢᠨ ᠵᠢᠪᠡᠷᠡᠳᠡᠭ ᠦᠭᠡᠢ
ᠲᠥᠷᠥᠯ ᠦ᠋ᠨ ᠰᠠᠶ᠋ᠢᠨ ᠮᠠᠷᠲᠠᠲᠠᠭ ᠦᠭᠡᠢ
ᠲᠡᠨᠭᠬᠡᠯᠢᠭ ᠦ᠋ᠨ ᠰᠠᠶ᠋ᠢᠨ ᠬᠤᠭᠤᠷᠠᠲᠠᠭ ᠦᠭᠡᠢ
ᠭᠤᠷᠪᠠᠨ ᠪᠤᠷᠤᠭᠤ ᠦᠵᠡᠬᠦ
ᠲᠩᠰᠢ ᠦᠭᠡᠢ ᠶᠠᠪᠤᠲᠠᠯ ᠲᠩᠷᠢ ᠪᠤᠷᠤᠭᠤ ᠦᠵᠡᠬᠦ
ᠲᠡᠮᠡᠴᠡᠭᠡᠨ ᠲᠡᠢ ᠢᠲᠡᠪᠡᠯ ᠭᠡᠲᠡᠰᠦ ᠪᠤᠷᠤᠭᠤ ᠦᠵᠡᠬᠦ
ᠲᠡᠨᠡᠭ ᠠᠲᠠᠯᠢ ᠶᠠᠪᠤᠪᠠᠯ ᠬᠥᠮᠦᠰ ᠪᠤᠷᠤᠭᠤ ᠦᠵᠡᠬᠦ
ᠭᠤᠷᠪᠠᠨ ᠣᠯᠠᠨ
ᠲᠡᠨᠦᠭᠦᠯᠴᠢ ᠬᠥᠮᠦᠨ ᠳᠦ ᠲᠠᠨᠢᠯ ᠨᠢᠭᠡ ᠣᠯᠠᠨ
ᠬᠤᠲᠠᠯᠴᠢ ᠬᠥᠮᠦᠨ ᠳᠦ ᠰᠢᠯᠲᠠᠬ ᠨᠢᠭᠡ ᠣᠯᠠᠨ
ᠪᠠᠲᠢᠷᠴᠢ ᠬᠥᠮᠦᠨ ᠳᠦ ᠲᠠᠭᠠᠷᠴᠤᠭ ᠨᠢᠭᠡ ᠣᠯᠠᠨ
ᠭᠤᠷᠪᠠᠨ ᠴᠢᠮᠡᠭ
ᠲᠡᠮᠡᠭᠡ ᠭᠣᠪᠢ ᠳ᠋ᠠᠭᠠᠨ ᠨᠢᠭᠡ ᠴᠢᠮᠡᠭ
ᠲᠡᠷᠭᠡ ᠬᠣᠲᠠ ᠳ᠋ᠠᠭᠠᠨ ᠨᠢᠭᠡ ᠴᠢᠮᠡᠭ
ᠲᠡᠭᠡ ᠲᠠᠯᠠ ᠳ᠋ᠠᠭᠠᠨ ᠨᠢᠭᠡ ᠴᠢᠮᠡᠭ
ᠭᠤᠷᠪᠠᠨ ᠬᠠᠷᠠ
ᠳᠤᠰᠤ ᠤᠤᠭᠤᠪᠠᠴᠤ ᠪᠠᠭᠠᠰᠤ ᠨᠢ ᠨᠢᠭᠡ ᠬᠠᠷᠠ
ᠲᠣᠷᠬ᠋ᠠ ᠡᠮᠦᠰᠪᠡᠴᠦ ᠰᠡᠭᠦᠲᠡᠷ ᠨᠢ ᠨᠢᠭᠡ ᠬᠠᠷᠠ
ᠲᠣᠭᠣᠷᠴᠣᠭ ᠤᠭᠯᠠᠪᠠᠴᠤ ᠲᠣᠯᠣᠭᠠᠢ ᠨᠢ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠬᠠᠷᠠ
ᠲᠣᠰᠣ ᠲᠠᠢ ᠠ᠋ᠴᠠ ᠲᠣᠭᠣᠭᠠ ᠨᠢᠭᠡ ᠬᠠᠷᠠ
ᠪᠡᠯᠭᠡ ᠲᠡᠢ ᠡᠴᠡ ᠪᠡᠬᠡ ᠨᠢᠭᠡ ᠬᠠᠷᠠ
ᠠᠮᠲᠠᠲᠠᠢ ᠠ᠋ᠴᠠ ᠠᠷᠢᠬᠢ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠪᠠᠷᠠᠬᠤ
ᠲᠡᠮᠦᠷ ᠪᠣᠯᠣᠳ ᠬᠠᠲᠠᠭᠤ ᠪᠣᠯᠪᠠᠴᠤ ᠤᠳᠠᠭᠠᠨ ᠳ᠋ᠠᠭᠠᠨ ᠡᠯᠡᠭᠳᠡᠵᠦ ᠨᠢᠭᠡ ᠪᠠᠷᠠᠬᠤ
ᠲᠡᠷᠭᠡᠯ ᠨᠠᠷᠠᠨ ᠲᠣᠮᠣ ᠪᠣᠯᠪᠠᠴᠤ ᠤᠳᠠᠭᠠᠨ ᠳ᠋ᠠᠭᠠᠨ ᠰᠢᠲᠠᠵᠤ ᠨᠢᠭᠡ ᠪᠠᠷᠠᠬᠤ
ᠲᠡᠷᠭᠡᠨ ᠲᠡᠨᠭᠬᠡᠯᠢᠭ ᠪᠥᠬᠡ ᠪᠣᠯᠪᠠᠴᠤ ᠤᠳᠠᠭᠠᠨ ᠳ᠋ᠠᠭᠠᠨ ᠲᠠᠰᠤᠷᠠᠵᠤ ᠨᠢᠭᠡ ᠪᠠᠷᠠᠬᠤ
ᠭᠤᠷᠪᠠᠨ ᠬᠠᠭᠠᠨ ᠶᠡᠬᠡ
ᠲᠡᠦᠬᠡ ᠰᠤᠳᠤᠷ ᠲᠣᠷ ᠡᠵᠡᠨ ᠬᠠᠭᠠᠨ ᠶᠡᠬᠡ
ᠲᠡᠭᠷᠢ ᠶ᠋ᠢᠨ ᠣᠷᠳᠣᠨ ᠳ᠋ᠤᠷ ᠬᠤᠷᠮᠤᠰᠲᠠ ᠬᠠᠭᠠᠨ ᠶᠡᠬᠡ
ᠲᠡᠨᠢᠭᠡᠷ ᠳᠠᠯᠠᠢ ᠳ᠋ᠤᠷ ᠯᠤᠤᠰ ᠤᠨ ᠬᠠᠭᠠᠨ ᠶᠡᠬᠡ
ᠭᠤᠷᠪᠠᠨ ᠳᠡᠯᠭᠡᠷᠡᠬᠦ
ᠲᠡᠨᠡᠭ ᠮᠤᠩᠬᠠᠭ ᠤᠨ ᠵᠢᠷᠤᠮ ᠢ ᠳᠠᠭᠠᠭᠰᠠᠳ ᠤᠨ ᠮᠠᠭᠤ ᠨᠡᠷᠡ ᠳᠡᠯᠭᠡᠷᠡᠬᠦ
ᠲᠡᠭᠦᠰ ᠣᠶᠤᠲᠠᠨ ᠤ ᠶᠣᠰᠣ ᠶ᠋ᠢ ᠡᠳ᠋ᠯᠡᠭᠰᠡᠳ ᠦᠨ ᠰᠠᠶ᠋ᠢᠨ ᠠᠯᠳᠠᠷ ᠳᠡᠯᠭᠡᠷᠡᠬᠦ
ᠲᠡᠷᠢᠭᠦᠨ ᠰᠠᠶ᠋ᠢᠨ ᠶᠠᠪᠤᠳᠠᠯ ᠢ ᠦᠢᠯᠡᠳᠦᠭᠰᠡᠳ ᠦᠨ ᠬᠤᠳᠤᠭᠲᠤ ᠤᠴᠠᠷᠠᠯ ᠳᠡᠯᠭᠡᠷᠡᠬᠦ
ᠭᠤᠷᠪᠠᠨ ᠭᠠᠷᠬᠤ
ᠲᠡᠮᠦᠷ ᠦᠨ ᠬᠦᠳᠡᠷ ᠢ ᠬᠠᠶ᠋ᠢᠯᠤᠭᠤᠯᠪᠠᠯ ᠲᠡᠮᠦᠷ ᠭᠠᠷᠬᠤ
ᠲᠡᠮᠡᠴᠡᠯ ᠥᠷᠢᠰᠦᠯᠳᠦᠭᠡᠨ ᠢ ᠳ᠋ᠦ᠋ᠩᠨᠡᠪᠡᠯ ᠰᠤᠷᠭᠠᠮᠵᠢ ᠭᠠᠷᠬᠤ
ᠲᠡᠩᠬᠡᠭᠡ ᠴᠢᠳᠠᠯ ᠢ ᠪᠠᠳᠠᠷᠠᠭᠤᠯᠪᠠᠯ ᠠᠮᠵᠢᠯᠲᠠ ᠭᠠᠷᠬᠤ
ᠭᠤᠷᠪᠠᠨ ᠳᠤᠮᠳᠠᠭᠤᠷ
ᠲᠡᠨᠡᠭ ᠬᠥᠮᠦᠨ ᠲᠡᠭ ᠳᠤᠮᠳᠠᠭᠤᠷ
ᠲᠡᠮᠡᠭᠡ ᠢᠮᠠᠭᠠ ᠮᠠᠩᠬᠠᠨ ᠳᠤᠮᠳᠠᠭᠤᠷ
ᠲᠡᠷᠭᠡ ᠤᠨᠤᠭᠠ ᠵᠠᠮ ᠤᠨ ᠳᠤᠮᠳᠠᠭᠤᠷ
ᠭᠤᠷᠪᠠᠨ ᠶᠡᠬᠡ
ᠲᠡᠨᠢᠭᠡᠷ ᠠᠭᠤᠳᠠᠮ ᠣᠷᠴᠢᠯᠠᠩ ᠨᠢᠭᠡ ᠶᠡᠬᠡ
ᠲᠡᠭᠰᠢ ᠰᠠᠷᠠᠭᠤᠯ ᠲᠠᠯᠠ ᠨᠢᠭᠡ ᠶᠡᠬᠡ
ᠲᠡᠷᠭᠡᠯ ᠳᠦᠭᠦᠷᠡᠩ ᠨᠠᠷᠠ ᠨᠢᠭᠡ ᠶᠡᠬᠡ
ᠭᠤᠷᠪᠠᠨ ᠮᠠᠭᠤ
ᠲᠡᠨᠦᠭᠦᠯ ᠠᠮᠢᠳᠤᠷᠠᠯ ᠨᠢᠭᠡ ᠮᠠᠭᠤ
ᠳᠡᠭᠡᠷᠡᠯᠬᠡᠭ ᠵᠠᠩ ᠨᠢᠭᠡ ᠮᠠᠭᠤ
ᠲᠡᠩᠬᠡᠭᠡ ᠦᠭᠡᠢ ᠨᠢᠭᠡ ᠮᠠᠭᠤ
ᠭᠤᠷᠪᠠᠨ ᠰᠠᠶ᠋ᠢᠨ
ᠲᠡᠮᠦᠷ ᠲᠡᠷᠭᠡᠨ ᠦ ᠲᠡᠭᠡᠭᠡᠰᠢ ᠨᠢ ᠰᠠᠶ᠋ᠢᠨ
ᠲᠡᠭᠰᠢ ᠭᠠᠵᠠᠷ ᠤᠨ ᠪᠠᠭᠤᠴᠠ ᠨᠢ ᠰᠠᠶ᠋ᠢᠨ
ᠲᠡᠭᠷᠢ ᠬᠤᠷᠮᠤᠰᠲᠠ ᠶ᠋ᠢᠨ ᠥᠩᠭᠡ ᠨᠢ ᠰᠠᠶ᠋ᠢᠨ
ᠭᠤᠷᠪᠠᠨ ᠬᠣᠭᠣᠰᠣᠨ
ᠲᠡᠬᠡ ᠶ᠋ᠢᠨ ᠡᠪᠡᠷ ᠲᠡᠭᠷᠢ ᠳᠦ ᠬᠦᠷᠦᠨᠡ ᠭᠡᠳᠡᠭ ᠨᠢᠭᠡ ᠬᠣᠭᠣᠰᠣᠨ
ᠲᠡᠮᠡᠭᠡ ᠶ᠋ᠢᠨ ᠰᠡᠭᠦᠯ ᠭᠠᠵᠠᠷ ᠲᠤ ᠲᠤᠯᠤᠨᠠ ᠭᠡᠳᠡᠭ ᠨᠢᠭᠡ ᠬᠣᠭᠣᠰᠣᠨ
ᠲᠡᠨᠡᠭ ᠬᠥᠮᠦᠨ ᠨᠣᠶᠠᠨ ᠰᠠᠭᠤᠨᠠ ᠭᠡᠳᠡᠭ ᠨᠢᠭᠡ ᠬᠣᠭᠣᠰᠣᠨ
ᠭᠤᠷᠪᠠᠨ ᠮᠠᠨᠠᠢ
ᠲᠣᠭᠣᠨᠣ ᠪᠣᠰᠬᠠᠪᠠᠯ ᠭᠡᠷ ᠨᠢ ᠮᠠᠨᠠᠢ
ᠲᠤᠯᠭᠠ ᠪᠠᠷᠢᠪᠠᠯ ᠭᠠᠯ ᠨᠢ ᠮᠠᠨᠠᠢ
ᠲᠣᠭᠣᠭᠠ ᠲᠤᠯᠪᠠᠯ ᠬᠣᠭᠣᠯᠠ ᠨᠢ ᠮᠠᠨᠠᠢ
ᠭᠤᠷᠪᠠᠨ ᠠᠳᠠᠯᠢ
ᠲᠣᠭᠣᠭᠠᠨ ᠳᠤ ᠣᠷᠣᠭᠰᠠᠨ ᠵᠢᠭᠠᠰᠤ ᠠᠳᠠᠯᠢ
ᠠᠮᠠᠨ ᠳᠤ ᠣᠷᠣᠭᠰᠠᠨ ᠮᠢᠬᠠ ᠠᠳᠠᠯᠢ
ᠤᠷᠠᠬᠠᠨ ᠳᠤ ᠣᠷᠣᠭᠰᠠᠨ ᠲᠠᠤᠯᠠᠢ ᠠᠳᠠᠯᠢ
ᠭᠤᠷᠪᠠᠨ ᠬᠡᠴᠡᠭᠦᠦ
ᠲᠣᠭᠠᠯᠠᠬᠤ ᠳᠤ ᠣᠳᠣ ᠨᠢᠭᠡ ᠬᠡᠴᠡᠭᠦᠦ
ᠲᠤᠭᠤᠯᠬᠤ ᠳᠤ ᠲᠠᠯᠠ ᠨᠢᠭᠡ ᠬᠡᠴᠡᠭᠦᠦ
ᠲᠠᠭᠤᠬᠤ ᠳᠤ ᠭᠠᠬᠠᠢ ᠨᠢᠭᠡ ᠬᠡᠴᠡᠭᠦᠦ
ᠭᠤᠷᠪᠠᠨ ᠬᠢᠯᠪᠠᠷ
ᠲᠦᠢᠯᠪᠦᠷᠢ ᠦᠭᠡᠢ ᠬᠥᠮᠦᠨ ᠪᠤᠴᠠᠬᠤ ᠳᠤ ᠬᠢᠯᠪᠠᠷ
ᠲᠤᠭᠤᠯᠭᠠ ᠶ᠋ᠢᠨ ᠵᠢᠳᠠ ᠰᠢᠨᠲᠠᠷᠠᠬᠤ ᠳᠤ ᠬᠢᠯᠪᠠᠷ
ᠲᠣᠭᠲᠠᠪᠤᠷᠢ ᠦᠭᠡᠢ ᠰᠠᠪᠠ ᠰᠠᠵᠢᠯᠠᠬᠤ ᠳᠤ ᠬᠢᠯᠪᠠᠷ
ᠭᠤᠷᠪᠠᠨ ᠰᠢᠨᠤᠬᠠᠢ
ᠲᠣᠰᠣ ᠮᠢᠬᠠ ᠢᠳᠡᠭᠰᠡᠨ ᠯᠠᠮᠠ ᠨᠢᠭᠡ ᠰᠢᠨᠤᠬᠠᠢ
ᠲᠣᠷᠭᠠ ᠳᠣᠷᠳᠣᠩ ᠡᠮᠦᠰᠦᠭᠰᠡᠨ ᠪᠠᠶᠠᠨ ᠨᠢᠭᠡ ᠰᠢᠨᠤᠬᠠᠢ
ᠲᠣᠯᠣᠭᠠᠢ ᠰᠢᠭᠢᠷᠡ ᠬᠡᠮᠡᠯᠢᠭᠰᠡᠨ ᠨᠣᠬᠠᠢ ᠨᠢᠭᠡ ᠰᠢᠨᠤᠬᠠᠢ
ᠭᠤᠷᠪᠠᠨ ᠬᠠᠷᠠ
ᠲᠣᠯᠣᠭᠠᠢ ᠲᠣᠭᠣᠷᠢᠬᠰᠠᠨ ᠠ᠋ᠴᠠ ᠦᠰᠦ ᠨᠢᠭᠡ ᠬᠠᠷᠠ
ᠲᠣᠰᠣ ᠶ᠋ᠢ ᠪᠠᠷᠠᠲᠠᠭ ᠠ᠋ᠴᠠ ᠲᠣᠭᠣᠬ᠋ᠠ ᠨᠢᠭᠡ ᠬᠠᠷᠠ
ᠲᠦᠯᠡᠭᠡ ᠶ᠋ᠢ ᠪᠠᠷᠠᠲᠠᠭ ᠠ᠋ᠴᠠ ᠵᠤᠤᠬᠠ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠬᠦᠨᠲᠦ
ᠲᠣᠬᠣᠷᠤᠭᠠᠳ ᠢᠷᠡᠭᠰᠡᠨ ᠤᠷᠤᠭ ᠨᠢᠭᠡ ᠬᠦᠨᠲᠦ
ᠲᠤᠯᠤᠭᠠᠳ ᠡᠷᠭᠦᠭᠰᠡᠨ ᠴᠢᠯᠠᠭᠤ ᠨᠢᠭᠡ ᠬᠦᠨᠲᠦ
ᠲᠠᠨᠢᠵᠤ ᠰᠠᠭᠤᠭᠰᠠᠨ ᠢᠨᠠᠭ ᠨᠢᠭᠡ ᠬᠦᠨᠲᠦ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠲᠤᠨᠤᠮᠠᠯ ᠨᠠᠭᠤᠷ ᠦ᠋ᠨ ᠲᠤᠩᠭᠠᠯᠠᠭ ᠨᠢ ᠨᠢᠭᠡ ᠰᠠᠶ᠋ᠢᠬᠠᠨ
ᠲᠣᠯᠢ ᠰᠢᠯ ᠦ᠋ᠨ ᠲᠣᠲᠣᠷᠬᠠᠢ ᠨᠢ ᠨᠢᠭᠡ ᠰᠠᠶ᠋ᠢᠬᠠᠨ
ᠲᠣᠭᠣᠰ ᠭᠠᠷᠤᠲᠢ ᠶ᠋ᠢᠨ ᠥᠲᠥ ᠨᠢ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠪᠡᠷᠬᠡ
ᠲᠠᠤᠯᠠᠢ ᠶ᠋ᠢᠨ ᠵᠣ᠋ ᠲᠠᠢ ᠮᠣᠷᠢ ᠶ᠋ᠢ ᠣᠯᠵᠤ ᠤᠨᠤᠬᠤ ᠪᠡᠷᠬᠡ
ᠲᠤᠩᠭᠠᠯᠠᠭ ᠰᠠᠨᠠᠬ᠋ᠠ ᠲᠠᠢ ᠬᠥᠮᠦᠨ ᠊ᠢ ᠣᠯᠵᠤ ᠬᠠᠨᠢᠯᠠᠬᠤ ᠪᠡᠷᠬᠡ
ᠲᠡᠭᠦᠰ ᠮᠡᠲᠡᠯᠭᠡ ᠲᠡᠢ ᠯᠠᠮᠠ ᠶ᠋ᠢ ᠣᠯᠵᠤ ᠵᠠᠯᠠᠬᠤ ᠪᠡᠷᠬᠡ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠲᠥᠷᠥᠭᠡᠳ ᠥᠰᠭᠡᠭᠰᠡᠨ ᠠᠪᠤ ᠡᠵᠢ ᠰᠠᠶ᠋ᠢᠬᠠᠨ
ᠲᠥᠪᠡᠭᠳᠡᠭᠡᠳ ᠵᠠᠶᠠᠭᠠᠭᠰᠠᠨ ᠨᠤᠲᠤᠭ ᠤᠰᠤ ᠰᠠᠶ᠋ᠢᠬᠠᠨ
ᠲᠦᠪᠰᠢᠷᠡᠨ ᠵᠢᠷᠭᠠᠭᠤᠯᠤᠭᠰᠠᠨ ᠨᠠᠮ ᠵᠠᠰᠠᠭ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠰᠢᠷᠦᠭᠦᠨ
ᠲᠥᠷᠥᠯ ᠶ᠋ᠢᠡᠨ ᠮᠡᠳᠡᠳᠡᠭ ᠦᠭᠡᠢ ᠨᠣᠬᠠᠢ ᠨᠢᠭᠡ ᠰᠢᠷᠦᠭᠦᠨ
ᠲᠥᠷᠥ ᠳᠤ ᠶᠠᠪᠤᠲᠠᠭ ᠠ᠋ᠴᠠ ᠲᠦᠰᠢᠮᠡᠯ ᠨᠢᠭᠡ ᠰᠢᠷᠦᠭᠦᠨ
ᠨᠦᠬᠡᠨ ᠳᠤ ᠠᠮᠢᠲᠤᠷᠠᠲᠠᠭ ᠠ᠋ᠴᠠ ᠴᠢᠨᠣᠠ ᠨᠢᠭᠡ ᠰᠢᠷᠦᠭᠦᠨ
ᠭᠤᠷᠪᠠᠨ ᠪᠡᠷᠬᠡ
ᠲᠦᠢᠮᠡᠷ ᠭᠠᠯ ᠊ᠢ ᠳᠠᠷᠤᠵᠤ ᠤᠨᠲᠠᠷᠠᠭᠠᠬᠤ ᠳᠤ ᠨᠢᠭᠡ ᠪᠡᠷᠬᠡ
ᠲᠦᠪᠰᠢᠨ ᠲᠥᠷᠥ ᠶ᠋ᠢ ᠰᠠᠮᠠᠭᠤᠷᠠᠭᠤᠯᠬᠤ ᠳᠤ ᠨᠢᠭᠡ ᠪᠡᠷᠬᠡ
ᠲᠥᠷᠥᠯ ᠰᠠᠲᠤᠨ ᠊ᠢ ᠣᠭᠣᠷᠴᠤ ᠬᠠᠶᠠᠬᠤ ᠳᠤ ᠨᠢᠭᠡ ᠪᠡᠷᠬᠡ
ᠭᠤᠷᠪᠠᠨ ᠨᠢᠭᠡ
ᠲᠦᠮᠡᠨ ᠬᠡᠷᠡᠭ ᠦ᠋ᠨ ᠲᠣᠪᠴᠢ ᠨᠢ ᠨᠢᠭᠡ
ᠲᠦᠯᠬᠢᠭᠦᠷ ᠣᠨᠢᠰᠣ ᠶ᠋ᠢᠨ ᠬᠡᠯᠬᠢᠶᠡ ᠨᠢ ᠨᠢᠭᠡ
ᠲᠦᠰᠢᠮᠡᠯ ᠨᠣᠶᠠᠳ ᠦ᠋ᠨ ᠦᠭᠡ ᠨᠢ ᠨᠢᠭᠡ
ᠭᠤᠷᠪᠠᠨ ᠵᠥᠭᠡᠯᠡᠨ
ᠲᠦᠪᠰᠢᠨ ᠰᠢᠲᠤᠷᠭᠤ ᠶ᠋ᠢ ᠪᠠᠷᠢᠬᠴᠢᠳ ᠦ᠋ᠨ ᠠᠶᠠ ᠵᠥᠭᠡᠯᠡᠨ
ᠲᠥᠷᠥᠯᠬᠢ ᠶ᠋ᠢᠨ ᠮᠠᠭᠤ ᠰᠠᠨᠠᠭᠠᠲᠠᠨ ᠪ ᠵᠠᠩ ᠵᠥᠭᠡᠯᠡᠨ
ᠲᠥᠪ ᠪᠤᠰᠤ ᠮᠠᠭᠤ ᠶᠠᠪᠤᠲᠠᠯᠲᠤ ᠡᠬᠡᠨᠡᠷ ᠦ᠋ᠨ ᠬᠡᠯᠡ ᠵᠥᠭᠡᠯᠡᠨ
ᠭᠤᠷᠪᠠᠨ ᠬᠤᠷᠢᠮ
ᠲᠥᠷᠥᠭᠡᠳ ᠰᠠᠷᠠ ᠳᠦᠭᠦᠷᠬᠦ ᠲᠡᠷᠢᠭᠦᠨ ᠶᠡᠬᠡ ᠬᠤᠷᠢᠮ
ᠥᠰᠦᠭᠡᠳ ᠪᠡᠷᠢ ᠪᠠᠭᠤᠯᠭᠠᠬᠤ ᠳᠡᠳ᠋ ᠶᠡᠬᠡ ᠬᠤᠷᠢᠮ
ᠦᠬᠦᠭᠡᠳ ᠪᠤᠶᠠᠨ ᠬᠢᠬᠦ ᠭᠤᠲᠠᠭᠠᠷ ᠶᠡᠬᠡ ᠬᠤᠷᠢᠮ
ᠭᠤᠷᠪᠠᠨ ᠪᠣᠯᠬᠤ
ᠲᠥᠷᠥᠯ ᠲᠥᠷᠥᠭᠰᠡᠨ ᠶ᠋ᠢᠡᠨ ᠲᠡᠤᠠᠬᠦᠪᠡᠰᠦ ᠬᠦᠴᠦ ᠶᠡᠬᠡᠲᠡᠢ ᠪᠣᠯᠬᠤ
ᠲᠥᠷᠥ ᠶᠣᠰᠣ ᠳᠠᠭᠠᠪᠠᠰᠤ ᠨᠡᠷᠡ ᠬᠦᠨᠲᠦᠲᠡᠢ ᠪᠣᠯᠬᠤ
ᠲᠥᠪ ᠶᠡᠬᠡᠰ ᠊ᠢ ᠡᠷᠬᠢᠮᠯᠡᠪᠡᠰᠦ ᠲᠦᠪᠡᠭ᠋ ᠦᠭᠡᠢ ᠪᠣᠯᠬᠤ
ᠭᠤᠷᠪᠠᠨ ᠮᠠᠭᠤᠬᠠᠢ
ᠲᠥᠷᠥ ᠶ᠋ᠢ ᠲᠦᠢᠪᠡᠭᠡᠳᠡᠭ ᠵᠠᠯᠢᠬᠠᠢ ᠨᠢᠭᠡ ᠮᠠᠭᠤᠬᠠᠢ
ᠲᠦᠮᠡᠨ ᠊ᠢ ᠵᠣᠪᠠᠭᠠᠲᠠᠭ ᠬᠠᠷᠭᠢᠰ ᠨᠢᠭᠡ ᠮᠠᠭᠤᠬᠠᠢ
ᠲᠦᠪᠰᠢᠨ ᠊ᠢ ᠰᠠᠮᠠᠭᠤᠷᠠᠭᠤᠯᠲᠠᠭ ᠯᠤᠶ᠋ᠢᠪᠠᠷᠴᠢᠨ ᠨᠢᠭᠡ ᠮᠠᠭᠤᠬᠠᠢ
ᠳ᠋ᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠰᠤᠯᠠ
ᠳᠠᠪᠤᠰᠤ ᠦᠭᠡᠢ ᠴᠠᠢ ᠨᠢᠭᠡ ᠰᠤᠯᠠ
ᠳᠠᠪᠠᠷᠬᠠᠢ ᠦᠭᠡᠢ ᠬᠤᠭᠤᠷ ᠨᠢᠭᠡ ᠰᠤᠯᠠ
ᠳᠠᠷᠤᠭᠠᠰᠤ ᠦᠭᠡᠢ ᠠᠷᠠᠳ ᠨᠢᠭᠡ ᠰᠤᠯᠠ
ᠭᠤᠷᠪᠠᠨ ᠳᠤᠷᠠᠲᠠᠢ
ᠳᠠᠬ᠋ᠠ ᠤᠨᠤᠭᠰᠠᠨ ᠬᠥᠮᠦᠨ ᠤᠷᠤᠯᠲᠤᠭᠠᠨ ᠳᠤ ᠳᠤᠷᠠᠲᠠᠢ
ᠳᠠᠩ ᠳᠡᠪᠡᠯ ᠲᠡᠢ ᠬᠥᠮᠦᠨ ᠪᠠᠶ᠋ᠢᠯᠲᠤᠭᠠᠨ ᠳᠤ ᠳᠤᠷᠠᠲᠠᠢ
ᠳᠠᠪᠲᠠᠯᠬ᠋ᠠ ᠮᠠᠭᠤ ᠬᠦᠮᠦᠨ ᠨᠠᠭᠠᠲᠤᠮ ᠳᠤ ᠳᠤᠷᠠᠲᠠᠢ
ᠭᠤᠷᠪᠠᠨ ᠳᠡᠭᠡᠳᠦ
ᠳᠠᠷᠠᠰᠤ ᠠᠷᠢᠬᠢ ᠢᠲᠡᠭᠡᠨ ᠪ ᠳᠡᠭᠡᠳᠦ
ᠳᠠᠭᠤᠤ ᠰᠢᠯᠦᠭ ᠨᠠᠶ᠋ᠢᠷ ᠦ᠋ᠨ ᠳᠡᠭᠡᠳᠦ
ᠳ᠋ᠠᠨᠵᠤᠤᠷ ᠭᠠᠨᠵᠤᠤᠷ ᠨᠣᠮ ᠦ᠋ᠨ ᠳᠡᠭᠡᠳᠦ
ᠭᠤᠷᠪᠠᠨ ᠢᠯᠡᠬᠡᠨ
ᠳᠠᠯᠳᠠᠯᠠᠪᠠᠴᠤ ᠳᠠᠯᠤ ᠨᠢ ᠨᠢᠭᠡ ᠢᠯᠡᠬᠡᠨ
ᠳᠤᠲᠠᠭᠠᠪᠠᠴᠤ ᠮᠥᠷ ᠨᠢ ᠨᠢᠭᠡ ᠢᠯᠡᠬᠡᠨ
ᠨᠢᠭᠤᠪᠠᠴᠤ ᠨᠢᠷᠤᠭᠤ ᠨᠢ ᠨᠢᠭᠡ ᠢᠯᠡᠬᠡᠨ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠳᠡᠭᠡᠳᠦ ᠬᠥᠮᠦᠰ ᠦ᠋ᠨ ᠡᠨᠡᠷᠢᠯ ᠨᠢ ᠰᠠᠶ᠋ᠢᠬᠠᠨ
ᠳᠡᠪᠡᠯ ᠬᠤᠪᠴᠠᠰᠤᠨ ᠪ ᠴᠡᠪᠡᠷ ᠨᠢ ᠰᠠᠶ᠋ᠢᠬᠠᠨ
ᠳᠡᠷᠡᠰᠤ ᠬᠤᠯᠤᠰᠤᠨ ᠪ ᠥᠨᠲᠥᠷ ᠨᠢ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠪᠠᠷᠠᠬᠤ
ᠳᠡᠯᠭᠡᠷ ᠣᠯᠠᠨ ᠪ ᠡᠮᠦᠨᠡ ᠨᠢᠭᠤᠷ ᠶ᠋ᠢᠠᠨ ᠪᠠᠷᠠᠬᠤ
ᠳᠡᠭᠡᠳᠦ ᠲᠥᠷᠥ ᠶ᠋ᠢᠨ ᠭᠠᠵᠠᠷ ᠨᠡᠷᠡ ᠪᠡᠨ ᠪᠠᠷᠠᠬᠤ
ᠳ᠋ᠸᠪᠠᠵᠡᠨ ᠪ ᠣᠷᠣᠨ ᠳ᠋ᠤᠷ ᠠᠮᠢ ᠪᠠᠨ ᠪᠠᠷᠠᠬᠤ
ᠭᠤᠷᠪᠠᠨ ᠡᠷᠲᠡ
ᠳᠡᠯᠭᠡᠷᠡᠬᠦ ᠬᠠᠪᠤᠷ ᠦ᠋ᠨ ᠢᠷᠡᠬᠦ ᠨᠢ ᠡᠷᠲᠡ
ᠲᠠᠪᠦᠯᠬᠦ ᠮᠠᠯ ᠦ᠋ᠨ ᠲᠠᠷᠭᠤᠯᠬᠤ ᠨᠢ ᠡᠷᠲᠡ
ᠳᠡᠭᠵᠢᠷᠡᠬᠦ ᠠᠶ᠋ᠢᠯ ᠦ᠋ᠨ ᠪᠣᠰᠬᠤ ᠨᠢ ᠡᠷᠲᠡ
ᠭᠤᠷᠪᠠᠨ ᠪᠠᠶ᠋ᠢᠲᠠᠭ
ᠳᠡᠪᠡᠯ ᠨᠢᠭᠡ ᠵᠠᠬᠠ ᠲᠠᠢ ᠪᠠᠶ᠋ᠢᠲᠠᠭ
ᠭᠡᠷ ᠲᠦ ᠨᠢᠭᠡ ᠡᠵᠡᠨ ᠲᠠᠢ ᠪᠠᠶ᠋ᠢᠲᠠᠭ
ᠬᠦᠮᠦᠨ ᠳᠤ ᠨᠢᠭᠡ ᠲᠦᠷᠦᠭᠦᠦ ᠲᠡᠢ ᠪᠠᠶ᠋ᠢᠲᠠᠭ
ᠭᠤᠷᠪᠠᠨ ᠭᠠᠷᠬᠤ
ᠳᠠᠯᠠᠢ ᠳᠠᠪᠤᠰᠤ ᠪᠠᠷ ᠳᠤᠲᠠᠬᠤ ᠴᠠᠭ ᠨᠢᠭᠡ ᠭᠠᠷᠬᠤ
ᠳᠠᠭᠢᠨᠢ ᠡᠷᠡ ᠪᠡᠷ ᠳᠤᠲᠠᠬᠤ ᠴᠠᠭ ᠨᠢᠭᠡ ᠭᠠᠷᠬᠤ
ᠳᠡᠯᠡᠬᠡᠢ ᠬᠦᠮᠦᠨ ᠶ᠋ᠢᠡᠷ ᠳᠤᠲᠠᠬᠤ ᠴᠠᠭ ᠨᠢᠭᠡ ᠭᠠᠷᠬᠤ
ᠭᠤᠷᠪᠠᠨ ᠬᠠᠷᠠ
ᠳᠡᠪᠢᠭᠦᠷ ᠦᠭᠡᠢ ᠪᠤᠲᠠᠬ᠋ᠠ ᠨᠢᠭᠡ ᠬᠠᠷᠠ
ᠳ᠋ᠸᠩ ᠦᠭᠡᠢ ᠪᠠᠶ᠋ᠢᠰᠢᠩ ᠨᠢᠭᠡ ᠬᠠᠷᠠ
ᠳᠡᠭᠡᠳᠦ ᠦᠭᠡᠢ ᠬᠦᠮᠦᠨ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠦᠭᠡᠢ
ᠳᠡᠭᠡᠷᠡᠩᠭᠦᠢ ᠶᠡᠬᠡᠷᠬᠡᠭ ᠭᠡᠲᠤᠷᠡᠪᠡᠰᠦ ᠠᠬᠠ ᠳᠡᠭᠦᠦ ᠦᠭᠡᠢ
ᠳᠡᠭᠡᠭᠰᠢ ᠵᠠᠯᠪᠠᠷᠢᠨ ᠡᠰᠡ ᠰᠦᠰᠦᠭᠯᠡᠪᠡᠰᠦ ᠪᠤᠶᠠᠨ ᠦᠭᠡᠢ
ᠳᠡᠮᠡᠶ᠋ᠢᠯᠡ ᠪᠠᠷᠲᠠᠮᠨᠠᠨ ᠰᠤᠶ᠋ᠢᠤᠠᠭᠡᠪᠡᠰᠤ ᠪᠠᠶᠠᠨ ᠦᠭᠡᠢ
ᠭᠤᠷᠪᠠᠨ ᠳᠤᠷᠠᠲᠠᠢ
ᠳᠡᠭᠡᠯᠡᠢ ᠰᠢᠪᠠᠭᠤ ᠵᠢᠭᠠᠰᠤᠨ ᠳᠤ ᠨᠢᠭᠡ ᠳᠤᠷᠠᠲᠠᠢ
ᠳᠡᠭᠡᠷᠡᠩᠭᠦᠢ ᠰᠡᠤᠠᠬᠢᠯᠲᠡᠨ ᠠᠰᠢᠬ ᠲᠤ ᠨᠢᠭᠡ ᠳᠤᠷᠠᠲᠠᠢ
ᠳᠡᠭᠡᠳᠦ ᠨᠣᠶᠠᠳ ᠡᠷᠬᠡ ᠳᠤ ᠨᠢᠭᠡ ᠳᠤᠷᠠᠲᠠᠢ
ᠭᠤᠷᠪᠠᠨ ᠰᠠᠶ᠋ᠢᠨ
ᠳᠡᠭᠡᠷᠡ ᠳᠣᠣᠷᠠᠬᠢ ᠶ᠋ᠢ ᠢᠯᠭᠠᠨ ᠮᠡᠲᠡᠪᠡᠰᠦ ᠰᠤᠷᠲᠠᠯ ᠰᠠᠶ᠋ᠢᠨ
ᠳᠡᠭᠡᠳᠦ ᠳᠡᠭᠡᠳᠤᠰ ᠶ᠋ᠢᠠᠨ ᠬᠦᠨᠲᠦᠯᠡᠵᠦ ᠵᠢᠤᠠᠬᠦᠪᠡᠰᠦ ᠠᠴᠢ ᠰᠠᠶ᠋ᠢᠨ
ᠳᠡᠭᠡᠳᠦ ᠳᠣᠣᠷᠠᠳᠤ ᠢᠯᠭᠠᠯ ᠦᠭᠡᠢ ᠥᠷᠥᠰᠢᠶᠡᠪᠡᠰᠦ ᠰᠡᠤᠠᠬᠢᠯ ᠰᠠᠶ᠋ᠢᠨ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠳᠡᠭᠳᠡᠨ ᠳᠡᠷᠪᠡᠵᠦ ᠪᠠᠶ᠋ᠢᠬ᠋ᠠ ᠬᠡᠦᠬᠡᠳ ᠰᠠᠶ᠋ᠢᠬᠠᠨ
ᠳᠡᠯᠪᠢ ᠪᠡᠨ ᠳᠡᠯᠭᠡᠵᠦ ᠪᠠᠶ᠋ᠢᠬ᠋ᠠ ᠴᠡᠴᠡᠭ ᠰᠠᠶ᠋ᠢᠬᠠᠨ
ᠳᠡᠭᠡᠭᠰᠢ ᠪᠡᠨ ᠣᠷᠭᠢᠯᠵᠤ ᠪᠠᠶ᠋ᠢᠬ᠋ᠠ ᠪᠤᠯᠠᠭ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠲᠠᠩᠰᠤᠭ
ᠳᠡᠯᠭᠡᠷᠡᠵᠦ ᠪᠠᠶ᠋ᠢᠲᠠᠭ ᠠ᠋ᠴᠠ ᠴᠡᠴᠡᠭ ᠨᠢᠭᠡ ᠲᠠᠩᠰᠤᠭ
ᠳᠤᠯᠡᠯᠵᠡᠵᠦ ᠪᠠᠶ᠋ᠢᠲᠠᠭ ᠠ᠋ᠴᠠ ᠣᠲᠣ ᠨᠢᠭᠡ ᠲᠠᠩᠰᠤᠭ
ᠳᠣᠯᠬᠢᠶᠠᠯᠠᠵᠤ ᠪᠠᠶ᠋ᠢᠲᠠᠭ ᠠ᠋ᠴᠠ ᠤᠰᠤ ᠨᠢᠭᠡ ᠲᠠᠩᠰᠤᠭ
ᠭᠤᠷᠪᠠᠨ ᠬᠣᠭᠣᠰᠣᠨ
ᠳᠣᠪᠣ ᠦᠭᠡᠢ ᠲᠠᠯᠠ ᠨᠢᠭᠡ ᠬᠣᠭᠣᠰᠣᠨ
ᠳᠠᠭᠤᠤ ᠦᠭᠡᠢ ᠨᠡᠶ᠋ᠢᠷ ᠨᠢᠭᠡ ᠬᠣᠭᠣᠰᠣᠨ
ᠲᠣᠭᠵᠢᠷ ᠦᠭᠡᠢ ᠰᠦᠮᠡ ᠨᠢᠭᠡ ᠬᠣᠭᠣᠰᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠳ᠋ᠦ᠋ᠩ ᠹᠧᠩ ᠂ ᠠᠯᠲᠠᠨᠲᠤᠶᠠᠭᠠ᠂ ᠬᠠᠷᠠᠨᠤᠳ ᠲᠤᠶᠠᠭᠠ ᠂ ᠬᠠᠳᠠᠴᠢ ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ᠂ ᠬᠠᠷᠠᠨᠤᠳ ᠲᠤᠶᠠᠭᠠ