ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠰᠠ ᠂ ᠱᠠ > ᠶ᠋ᠢᠨ ᠠᠶ᠋ᠢᠮᠠᠭ Ертөнцийн гурав – < Са ᠂ Ша > ин аймаг
604ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠰᠠ ᠂ ᠱᠠ > ᠶ᠋ᠢᠨ ᠠᠶ᠋ᠢᠮᠠᠭ
ᠰᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠣᠬᠢ
ᠰᠠᠷᠠᠯ ᠡᠯᠵᠢᠭᠡ ᠣᠨᠣᠭᠠ ᠶ᠋ᠢᠨ ᠣᠬᠢ
ᠰᠠᠭᠠᠭ ᠤᠨ ᠭᠤᠯᠢᠷ ᠢᠳᠡᠭᠡᠨ ᠦ ᠣᠬᠢ
ᠰᠠᠬᠠᠯ ᠬᠥᠮᠦᠰᠭᠡ ᠴᠢᠮᠡᠭ ᠦᠨ ᠣᠬᠢ
ᠭᠤᠷᠪᠠᠨ ᠴᠢᠮᠡᠭ
ᠰᠠᠭᠯᠠᠭᠠᠷ ᠮᠣᠳᠣ ᠲᠠᠯᠠ ᠶ᠋ᠢᠨ ᠴᠢᠮᠡᠭ
ᠰᠠᠶ᠋ᠢᠨ ᠪᠡᠷᠢ ᠭᠡᠷ ᠦᠨ ᠴᠢᠮᠡᠭ
ᠰᠠᠨᠵᠢᠯᠭᠠ ᠰᠥᠢᠬᠡ ᠲᠣᠯᠣᠭᠠᠢ ᠶ᠋ᠢᠨ ᠴᠢᠮᠡᠭ
ᠭᠤᠷᠪᠠᠨ ᠴᠢᠮᠡᠭ
ᠰᠠᠬᠠᠯ ᠬᠤᠤᠵᠠ ᠡᠷᠡ ᠶ᠋ᠢᠨ ᠴᠢᠮᠡᠭ
ᠰᠠᠭᠠᠳᠠᠭ ᠨᠤᠮᠤ ᠬᠦᠷᠭᠡᠳ ᠦᠨ ᠴᠢᠮᠡᠭ
ᠰᠠᠨᠵᠢᠯᠭᠠ ᠰᠦᠢᠬᠡ ᠪᠡᠷᠢᠶᠡᠳ ᠦᠨ ᠴᠢᠮᠡᠭ
ᠭᠤᠷᠪᠠᠨ ᠦᠭᠡᠢ
ᠰᠠᠷᠠᠯ ᠮᠣᠷᠢᠨ ᠤ ᠵᠢᠰᠦ ᠨᠢᠭᠡ ᠰᠣᠯᠢᠬᠳᠠᠬᠤ ᠦᠭᠡᠢ
ᠰᠢᠷᠠ ᠠᠯᠲᠠᠨ ᠤ ᠥᠩᠭᠡ ᠨᠢᠭᠡ ᠰᠣᠯᠢᠬᠳᠠᠬᠤ ᠦᠭᠡᠢ
ᠰᠠᠶ᠋ᠢᠨ ᠬᠥᠮᠦᠨ ᠦ ᠨᠡᠷᠡ ᠨᠢᠭᠡ ᠳᠠᠷᠤᠭᠳᠠᠬᠤ ᠦᠭᠡᠢ
ᠭᠤᠷᠪᠠᠨ ᠵᠥᠪ
ᠰᠠᠶ᠋ᠢᠨ ᠨᠦᠬᠦᠷ ᠦᠨ ᠥᠭᠡ ᠰᠢᠷᠦᠭᠦᠨ ᠪᠣᠯᠪᠠᠴᠤ ᠬᠦᠯᠢᠶᠡᠬᠦ ᠨᠢ ᠵᠥᠪ
ᠰᠠᠨᠠᠭᠠ ᠮᠠᠭᠤᠲᠤ ᠶ᠋ᠢᠨ ᠦᠭᠡ ᠵᠥᠭᠡᠯᠡᠨ ᠪᠣᠯᠪᠠᠴᠤ ᠰᠡᠷᠡᠮᠵᠢᠯᠡᠬᠦ ᠨᠢ ᠵᠥᠪ
ᠰᠠᠷᠠᠭᠤᠯ ᠳᠡᠭᠡᠳᠦ ᠶ᠋ᠢᠨ ᠥᠷᠥᠰᠢᠶᠡᠯ ᠢ ᠬᠠᠷᠢᠭᠤᠯᠬᠤ ᠨᠢ ᠵᠥᠪ
ᠭᠤᠷᠪᠠᠨ ᠰᠤᠷᠤᠨᠠ
ᠰᠠᠶ᠋ᠢᠨ ᠢ ᠳᠠᠭᠠᠪᠠᠯ ᠰᠠᠶ᠋ᠢᠨ ᠢ ᠰᠤᠷᠤᠨᠠ
ᠰᠠᠮᠵᠠ ᠶ᠋ᠢ ᠳᠠᠭᠠᠪᠠᠯ ᠦᠰᠦᠷᠬᠦ ᠶ᠋ᠢ ᠰᠤᠷᠤᠨᠠ
ᠰᠠᠮᠠᠭᠤᠨ ᠢ ᠳᠠᠭᠠᠪᠠᠯ ᠵᠠᠯᠢᠬᠠᠢ ᠶ᠋ᠢ ᠰᠤᠷᠤᠨᠠ
ᠭᠤᠷᠪᠠᠨ ᠣᠯᠠᠨ
ᠰᠠᠶ᠋ᠢᠬᠠᠨ ᠵᠠᠩᠲᠠᠨ ᠳ᠋ᠤ᠌ ᠨᠥᠬᠥᠷ ᠨᠢᠭᠡ ᠣᠯᠠᠨ
ᠰᠠᠨᠠᠬ᠋ᠠ ᠮᠠᠭᠤᠲᠠᠨ ᠳ᠋ᠤ᠌ ᠥᠰᠲᠡᠨ ᠨᠢᠭᠡ ᠣᠯᠠᠨ
ᠰᠠᠮᠠᠭᠤᠨ ᠶᠠᠪᠤᠲᠠᠯᠲᠠᠨ ᠳ᠋ᠤ᠌ ᠭᠡᠮᠰᠢᠯ ᠨᠢᠭᠡ ᠣᠯᠠᠨ
ᠭᠤᠷᠪᠠᠨ ᠬᠠᠲᠠᠭᠤ
ᠰᠠᠨᠸᠠᠷ ᠨᠢᠭᠡᠲᠡᠨ ᠳ᠋ᠤ᠌ ᠰᠦᠰᠦᠭ ᠨᠢᠭᠡ ᠬᠠᠲᠠᠭᠤ
ᠰᠠᠪᠠ ᠶᠢᠷᠲᠢᠨᠴᠦ ᠳ᠋ᠤ᠌ ᠶᠣᠰᠣ ᠨᠢᠭᠡ ᠬᠠᠲᠠᠭᠤ
ᠰᠠᠨᠠᠬ᠋ᠠ ᠵᠣᠷᠢᠬᠲᠠᠨ ᠳ᠋ᠤ᠌ ᠰᠠᠬᠢᠯᠬ᠋ᠠ ᠨᠢᠭᠡ ᠬᠠᠲᠠᠭᠤ
ᠭᠤᠷᠪᠠᠨ ᠠᠶᠤᠬᠤ
ᠰᠠᠨᠠᠬ᠋ᠠ ᠮᠠᠭᠤᠲᠠᠨ ᠦᠨᠡᠨ ᠡᠴᠡ ᠨᠢᠭᠡ ᠠᠶᠤᠬᠤ
ᠰᠠᠷᠢᠰᠤᠨ ᠪᠠᠭᠪᠠᠬᠠᠢ ᠨᠠᠷᠠᠨ ᠠ᠋ᠴᠠ ᠨᠢᠭᠡ ᠠᠶᠤᠬᠤ
ᠰᠠᠮᠠᠭᠤᠨ ᠬᠡᠦᠬᠡᠳ ᠱᠤᠯᠤᠮ ᠠ᠋ᠴᠠ ᠨᠢᠭᠡ ᠠᠶᠤᠬᠤ
ᠭᠤᠷᠪᠠᠨ ᠭᠣᠬᠠ
ᠰᠠᠶ᠋ᠢᠬᠠᠨ ᠬᠡᠦᠬᠡᠨ ᠨᠢᠲᠦᠨ ᠪ ᠭᠣᠬᠠ
ᠰᠠᠶ᠋ᠢᠨ ᠪᠤᠲᠠᠬ᠋ᠠ ᠰᠢᠲᠦᠨ ᠪ ᠭᠣᠬᠠ
ᠰᠠᠶ᠋ᠢᠬᠠᠨ ᠦᠨᠦᠷ ᠬᠠᠮᠠᠷ ᠦ᠋ᠨ ᠭᠣᠬᠠ
ᠭᠤᠷᠪᠠᠨ ᠳᠤᠷᠠ ᠦᠭᠡᠢ
ᠰᠠᠷᠠᠨ ᠪ ᠭᠡᠷᠡᠯ ᠳ᠋ᠤ᠌ ᠴᠢᠨᠣᠠ ᠳᠤᠷᠠ ᠦᠭᠡᠢ
ᠰᠠᠩᠳᠠᠭᠤ ᠨᠣᠬᠠᠢ ᠳ᠋ᠤ᠌ ᠬᠤᠯᠠᠭᠠᠶ᠋ᠢᠴᠢ ᠳᠤᠷᠠ ᠦᠭᠡᠢ
ᠰᠠᠶ᠋ᠢᠨ ᠰᠡᠤᠠᠬᠢᠯᠲᠡᠨ ᠳ᠋ᠤ᠌ ᠮᠠᠭᠤ ᠬᠥᠮᠦᠨ ᠳᠤᠷᠠ ᠦᠭᠡᠢ
ᠭᠤᠷᠪᠠᠨ ᠲᠤᠰᠠᠲᠠᠢ
ᠰᠠᠶ᠋ᠢᠨ ᠡᠮ ᠠᠮᠠᠨ ᠳ᠋ᠤ᠌ ᠭᠠᠰᠢᠭᠤᠨ ᠪᠣᠯᠪᠠᠴᠤ ᠡᠪᠡᠤᠠᠴᠢᠨ ᠳ᠋ᠤ᠌ ᠲᠤᠰᠠᠲᠠᠢ
ᠰᠠᠶ᠋ᠢᠨ ᠦᠭᠡ ᠴᠢᠬᠢᠨ ᠳ᠋ᠤ᠌ ᠬᠠᠲᠠᠭᠤ ᠪᠣᠯᠪᠠᠴᠤ ᠪᠡᠶᠡ ᠳ᠋ᠤ᠌ ᠲᠤᠰᠠᠲᠠᠢ
ᠰᠠᠶ᠋ᠢᠨ ᠶᠠᠭᠤᠮᠠ ᠦᠵᠡᠬᠦ ᠳ᠋ᠤ᠌ ᠮᠠᠭᠤ ᠪᠣᠯᠪᠠᠴᠤ ᠶᠠᠪᠤᠲᠠᠯ ᠳ᠋ᠤ᠌ ᠲᠤᠰᠠᠲᠠᠢ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠰᠠᠶ᠋ᠢᠨ ᠮᠣᠷᠢᠨ ᠪ ᠰᠠᠶ᠋ᠢᠪᠤᠷ ᠨᠢᠭᠡ ᠰᠠᠶ᠋ᠢᠬᠠᠨ
ᠰᠠᠶ᠋ᠢᠨ ᠶᠠᠪᠤᠬᠤ ᠳ᠋ᠤ᠌ ᠨᠥᠬᠥᠷ ᠨᠢᠭᠡ ᠰᠠᠶ᠋ᠢᠬᠠᠨ
ᠰᠠᠶ᠋ᠢᠨ ᠰᠤᠷᠬᠤ ᠳ᠋ᠤ᠌ ᠡᠷᠲᠡᠮ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠰᠠᠶ᠋ᠢᠨ
ᠰᠠᠲᠤᠨ ᠲᠥᠷᠥᠯ ᠲᠡᠢ ᠪᠡᠨ ᠤᠴᠠᠷᠠᠬᠤ ᠨᠢ ᠰᠠᠶ᠋ᠢᠨ
ᠰᠠᠷᠠᠯ ᠮᠣᠷᠢ ᠪᠠᠨ ᠤᠨᠤᠬᠤ ᠨᠢ ᠰᠠᠶ᠋ᠢᠨ
ᠰᠠᠷᠬᠤᠳ ᠠᠷᠢᠬᠢ ᠪᠠᠨ ᠤᠤᠭᠤᠬᠤ ᠨᠢ ᠰᠠᠶ᠋ᠢᠨ
ᠭᠤᠷᠪᠠᠨ ᠭᠡᠭᠡᠭᠡᠨ
ᠰᠠᠷᠠᠨ ᠮᠠᠨᠲᠤᠨ ᠭᠠᠷᠪᠠᠰᠤ ᠰᠥᠨᠢ ᠪᠣᠯᠪᠠᠴᠤ ᠭᠡᠭᠡᠭᠡᠨ
ᠰᠠᠮᠠᠭᠤᠨ ᠮᠠᠭᠤ ᠶ᠋ᠢ ᠲᠠᠨᠢᠪᠠᠰᠤ ᠰᠠᠨᠠᠬ᠋ᠠ ᠰᠡᠤᠠᠬᠢᠯ ᠭᠡᠭᠡᠭᠡᠨ
ᠰᠠᠶ᠋ᠢᠨ ᠊ᠢ ᠮᠥᠷᠲᠡᠨ ᠴᠢᠲᠠᠪᠠᠰᠤ ᠶᠠᠮᠠᠷ ᠬᠥᠮᠦᠨ ᠴᠦ᠍ ᠭᠡᠭᠡᠭᠡᠨ
ᠭᠤᠷᠪᠠᠨ ᠬᠡᠷᠡᠭ ᠦᠭᠡᠢ
ᠰᠠᠶ᠋ᠢᠨ ᠬᠥᠮᠦᠨ ᠪᠣᠯᠪᠠᠴᠤ ᠡᠷᠲᠡᠮ ᠡᠰᠡ ᠰᠤᠷᠪᠠᠰᠤ ᠬᠡᠷᠡᠭ ᠦᠭᠡᠢ
ᠰᠠᠩ ᠠᠷᠪᠢᠨ ᠪᠣᠯᠪᠠᠴᠤ ᠥᠭᠯᠢᠭᠡ ᠡᠰᠡ ᠥᠭᠪᠡᠰᠦ ᠬᠡᠷᠡᠭ ᠦᠭᠡᠢ
ᠰᠠᠶ᠋ᠢᠨ ᠵᠡᠰ ᠪᠠᠶ᠋ᠢᠬᠤ ᠪᠣᠯᠪᠠᠴᠤ ᠡᠳ᠋ ᠡᠰᠡ ᠪᠣᠯᠭᠠᠪᠠᠰᠤ ᠬᠡᠷᠡᠭ ᠦᠭᠡᠢ
ᠭᠤᠷᠪᠠᠨ ᠳᠤᠮᠳᠠ
ᠰᠠᠷᠠᠯ ᠮᠣᠷᠢᠨ ᠠ᠋ᠴᠠ ᠰᠠᠯᠪᠠᠯ ᠲᠠᠯᠠ ᠶ᠋ᠢᠨ ᠳᠤᠮᠳᠠ
ᠰᠠᠯ ᠣᠩᠭᠣᠴᠠ ᠠ᠋ᠴᠠ ᠰᠠᠯᠪᠠᠯ ᠳᠠᠯᠠᠢ ᠶ᠋ᠢᠨ ᠳᠤᠮᠳᠠ
ᠰᠤᠮᠤ ᠨᠤᠮᠤ ᠠ᠋ᠴᠠ ᠰᠠᠯᠪᠠᠯ ᠳᠠᠶ᠋ᠢᠰᠤᠨ ᠪ ᠳᠤᠮᠳᠠ
ᠭᠤᠷᠪᠠᠨ ᠣᠯᠠᠨ
ᠰᠠᠭᠤᠭᠰᠠᠨ ᠬᠥᠮᠦᠨ ᠳ᠋ᠤ᠌ ᠪᠣᠲᠣᠯᠬ᠋ᠠ ᠣᠯᠠᠨ
ᠰᠣᠨᠣᠰᠤᠭᠰᠠᠨ ᠬᠥᠮᠦᠨ ᠳ᠋ᠤ᠌ ᠰᠣᠨᠢᠨ ᠣᠯᠠᠨ
ᠰᠤᠷᠤᠭᠰᠠᠨ ᠬᠥᠮᠦᠨ ᠳ᠋ᠤ᠌ ᠮᠡᠲᠡᠯᠭᠡ ᠣᠯᠠᠨ
ᠭᠤᠷᠪᠠᠨ ᠣᠯᠠᠨ
ᠰᠠᠶ᠋ᠢᠨ ᠬᠥᠮᠦᠨ ᠳ᠋ᠤ᠌ ᠨᠥᠬᠥᠷ ᠨᠢᠭᠡ ᠣᠯᠠᠨ
ᠰᠠᠶ᠋ᠢᠨ ᠮᠣᠷᠢᠨ ᠳ᠋ᠤ᠌ ᠡᠵᠡᠨ ᠨᠢᠭᠡ ᠣᠯᠠᠨ
ᠰᠠᠶ᠋ᠢᠨ ᠶᠠᠪᠤᠲᠠᠯ ᠳ᠋ᠤ᠌ ᠮᠠᠭᠲᠠᠭᠠᠯ ᠨᠢᠭᠡ ᠣᠯᠠᠨ
ᠭᠤᠷᠪᠠᠨ ᠦᠭᠡᠢ
ᠰᠠᠶ᠋ᠢᠨ ᠵᠠᠩᠵᠤᠨ ᠬᠤᠯᠠᠭᠤᠵᠤ ᠪᠠᠶ᠋ᠢᠯᠲᠤᠬᠤ ᠦᠭᠡᠢ
ᠰᠠᠶ᠋ᠢᠨ ᠮᠣᠷᠢ ᠬᠤᠲᠠᠷᠭᠠᠯᠠᠵᠤ ᠢᠰᠬᠦᠯᠬᠦ ᠦᠭᠡᠢ
ᠰᠠᠶ᠋ᠢᠨ ᠡᠷᠡ ᠳᠠᠯᠳᠠᠯᠠᠵᠤ ᠬᠣᠣᠷᠯᠠᠬᠤ ᠦᠭᠡᠢ
ᠭᠤᠷᠪᠠᠨ ᠣᠯᠠᠨ
ᠰᠠᠶ᠋ᠢᠨ ᠬᠥᠮᠦᠨ ᠳ᠋ᠤ᠌ ᠨᠥᠬᠥᠷ ᠨᠢᠭᠡ ᠣᠯᠠᠨ
ᠽᠠᠨᠲᠠᠨ ᠮᠣᠲᠣᠨ ᠳ᠋ᠤ᠌ ᠰᠠᠯᠠᠬ᠋ᠠ ᠨᠢᠭᠡ ᠣᠯᠠᠨ
ᠰᠠᠮᠠᠭᠤᠨ ᠬᠦᠮᠦᠨ ᠳ᠋ᠤ᠌ ᠤᠴᠢᠷ ᠨᠢᠭᠡ ᠣᠯᠠᠨ
ᠭᠤᠷᠪᠠᠨ ᠣᠷᠣᠬᠤ
ᠰᠠᠲᠤᠨ ᠲᠥᠷᠥᠯ ᠳᠠᠭᠤᠰᠪᠠᠯ ᠵᠣᠪᠠᠯ ᠦ᠋ᠨ ᠢᠷᠣᠭᠠᠷ ᠲᠤ ᠣᠷᠣᠬᠤ
ᠰᠠᠯ ᠣᠩᠭᠣᠴᠠ ᠡᠪᠲᠡᠷᠡᠪᠡᠯ ᠤᠰᠤᠨ ᠪ ᠢᠷᠣᠭᠠᠷ ᠲᠤ ᠣᠷᠣᠬᠤ
ᠰᠢᠢᠲᠦᠯ ᠲᠠᠩᠭᠠᠷᠢᠬ ᠶ᠋ᠢᠠᠨ ᠡᠪᠲᠡᠪᠡᠯ ᠲᠠᠮᠤ ᠶ᠋ᠢᠨ ᠢᠷᠣᠭᠠᠷ ᠲᠤ ᠣᠷᠣᠬᠤ
ᠭᠤᠷᠪᠠᠨ ᠨᠢᠭᠡ
ᠰᠠᠶ᠋ᠢᠨ ᠮᠠᠭᠤ ᠰᠠᠨᠠᠬ᠋ᠠ ᠨᠢ ᠨᠢᠭᠡ
ᠰᠠᠪᠠ ᠤᠭᠤᠲᠠ ᠲᠥᠷᠥᠯ ᠨᠢ ᠨᠢᠭᠡ
ᠰᠠᠷᠬᠢᠨᠠᠭ ᠭᠦᠵᠡᠭᠡ ᠠᠮᠠ ᠨᠢ ᠨᠢᠭᠡ
ᠭᠤᠷᠪᠠᠨ ᠭᠣᠬᠠ
ᠰᠢᠰᠢ ᠪᠤᠲᠠᠬ᠋ᠠ ᠰᠢᠲᠦᠨ ᠪ ᠭᠣᠬᠠ
ᠰᠢᠷᠠ ᠲᠣᠰᠣ ᠬᠣᠭᠣᠯᠠᠨ ᠪ ᠭᠣᠬᠠ
ᠰᠢᠨᠡ ᠪᠡᠷᠢ ᠨᠢᠲᠦᠨ ᠪ ᠭᠣᠬᠠ
ᠭᠤᠷᠪᠠᠨ ᠪᠣᠯᠬᠤ ᠦᠭᠡᠢ
ᠰᠢᠭᠦᠲᠡᠷᠢ ᠪᠡᠷ ᠤᠮᠲᠠ ᠬᠢᠵᠦ ᠪᠣᠯᠬᠤ ᠦᠭᠡᠢ
ᠰᠢᠪᠡᠭᠴᠢᠨ ᠶ᠋ᠢᠡᠷ ᠬᠠᠲᠤᠨ ᠬᠢᠵᠦ ᠪᠣᠯᠬᠤ ᠦᠭᠡᠢ
ᠰᠢᠯᠣᠰᠤ ᠪᠠᠷ ᠦᠯ ᠬᠢᠵᠦ ᠪᠣᠯᠬᠤ ᠦᠭᠡᠢ
ᠭᠤᠷᠪᠠᠨ ᠳᠤᠷᠠ ᠦᠭᠡᠢ
ᠰᠠᠷᠠᠨ ᠪ ᠭᠡᠷᠡᠯ ᠳ᠋ᠤ᠌ ᠬᠤᠯᠠᠭᠠᠶ᠋ᠢᠴᠢ ᠳᠤᠷᠠ ᠦᠭᠡᠢ
ᠰᠠᠶ᠋ᠢᠨ ᠬᠦᠮᠦᠨ ᠳ᠋ᠤ᠌ ᠮᠠᠭᠤ ᠬᠥᠮᠦᠨ ᠳᠤᠷᠠ ᠦᠭᠡᠢ
ᠰᠠᠲᠤᠷ ᠶᠠᠪᠤᠲᠠᠯ ᠳ᠋ᠤ᠌ ᠣᠯᠠᠨ ᠬᠦᠮᠦᠨ ᠳᠤᠷᠠ ᠦᠭᠡᠢ
ᠭᠤᠷᠪᠠᠨ ᠪᠣᠯᠤᠨᠠ
ᠰᠠᠶ᠋ᠢᠨ ᠮᠣᠷᠢ ᠶ᠋ᠢ ᠭᠤᠷᠪᠠ ᠭᠤᠶᠠᠲᠠᠪᠠᠯ ᠰᠢᠷᠪᠠᠬ᠋ᠠ ᠪᠣᠯᠤᠨᠠ
ᠰᠠᠶ᠋ᠢᠨ ᠡᠷᠡ ᠶ᠋ᠢ ᠭᠤᠷᠪᠠ ᠰᠤᠷᠭᠠᠪᠠᠯ ᠲᠠᠯᠠᠭᠠᠷ ᠪᠣᠯᠤᠨᠠ
ᠰᠠᠶ᠋ᠢᠨ ᠦᠭᠡ ᠶ᠋ᠢ ᠭᠤᠷᠪᠠ ᠶᠠᠷᠢᠪᠠᠯ ᠴᠠᠯᠴᠢᠶᠠ ᠪᠣᠯᠤᠨᠠ
ᠭᠤᠷᠪᠠᠨ ᠬᠡᠴᠡᠭᠦᠦ
ᠰᠠᠪ ᠲᠠᠢ ᠬᠦᠮᠦᠨ ᠪ ᠰᠡᠷᠬᠡᠢ ᠨᠢ ᠬᠡᠴᠡᠭᠦᠦ
ᠰᠡᠴᠡᠨ ᠬᠦᠮᠦᠨ ᠪ ᠨᠢᠬᠲᠠᠯᠠᠬᠤ ᠨᠢ ᠬᠡᠴᠡᠭᠦᠦ
ᠰᠡᠶ᠋ᠢᠮᠡᠭᠡᠷ ᠬᠦᠮᠦᠨ ᠪ ᠣᠨᠢᠯᠠᠬᠤ ᠨᠢ ᠬᠡᠴᠡᠭᠦᠦ
ᠭᠤᠷᠪᠠᠨ ᠦᠭᠡᠢ
ᠰᠦᠵᠢᠭ ᠪᠠᠶ᠋ᠢᠪᠠᠯ ᠪᠤᠷᠬᠠᠨ ᠬᠣᠯᠠ ᠦᠭᠡᠢ
ᠰᠦᠬᠡ ᠪᠠᠶ᠋ᠢᠪᠠᠯ ᠲᠦᠯᠡᠭᠡ ᠬᠣᠯᠠ ᠦᠭᠡᠢ
ᠰᠥᠰᠥ ᠪᠠᠶ᠋ᠢᠪᠠᠯ ᠶᠠᠭᠤ ᠴᠦ᠍ ᠬᠣᠯᠠ ᠦᠭᠡᠢ
ᠭᠤᠷᠪᠠᠨ ᠦᠭᠡᠢ
ᠰᠥᠨᠢ ᠳ᠋ᠤ᠌ ᠣᠷᠣᠢ ᠨᠢᠭᠡ ᠦᠭᠡᠢ
ᠰᠦᠮᠡ ᠳ᠋ᠤ᠌ ᠰᠦᠵᠢᠭ ᠨᠢᠭᠡ ᠦᠭᠡᠢ
ᠰᠥᠨᠢᠳ ᠲᠦ ᠳᠠᠪᠠᠬ᠋ᠠ ᠨᠢᠭᠡ ᠦᠭᠡᠢ
ᠭᠤᠷᠪᠠᠨ ᠬᠤᠷᠲᠤᠨ
ᠰᠠᠯᠬᠢ ᠲᠠᠢ ᠲᠡᠭᠷᠢ ᠶ᠋ᠢᠨ ᠡᠭᠦᠯᠡ ᠨᠢᠭᠡ ᠬᠤᠷᠲᠤᠨ
ᠰᠠᠷᠠᠭᠤᠯ ᠤᠬᠠᠭᠠᠨᠲᠠᠨ ᠪ ᠰᠠᠨᠠᠬ᠋ᠠ ᠨᠢᠭᠡ ᠬᠤᠷᠲᠤᠨ
ᠰᠠᠶ᠋ᠢᠨ ᠮᠣᠷᠢᠳ ᠦ᠋ᠨ ᠬᠦᠶᠦᠲᠦ ᠨᠢᠭᠡ ᠬᠤᠷᠲᠤᠨ
ᠭᠤᠷᠪᠠᠨ ᠬᠤᠷᠲᠤᠨ
ᠰᠠᠨᠠᠭᠰᠠᠨ ᠰᠠᠨᠠᠬ᠋ᠠ ᠨᠢᠭᠡ ᠬᠤᠷᠲᠤᠨ
ᠰᠠᠴᠤᠷᠠᠭᠰᠠᠨ ᠭᠡᠷᠡᠯ ᠨᠢᠭᠡ ᠬᠤᠷᠲᠤᠨ
ᠰᠠᠶ᠋ᠢᠨ ᠮᠣᠷᠢ ᠨᠢᠭᠡ ᠬᠤᠷᠲᠤᠨ
ᠭᠤᠷᠪᠠᠨ ᠳᠠᠭᠠᠬᠤ
ᠰᠡᠭᠦᠯ ᠨᠢ ᠲᠣᠯᠣᠭᠠᠢ ᠪᠠᠨ ᠨᠢᠭᠡ ᠳᠠᠭᠠᠬᠤ
ᠰᠡᠭᠦᠲᠡᠷ ᠨᠢ ᠪᠡᠶᠡ ᠪᠡᠨ ᠨᠢᠭᠡ ᠳᠠᠭᠠᠬᠤ
ᠰᠠᠨᠠᠬ᠋ᠠ ᠨᠢ ᠰᠡᠤᠠᠬᠢᠯ ᠶ᠋ᠢᠡᠨ ᠨᠢᠭᠡ ᠳᠠᠭᠠᠬᠤ
ᠭᠤᠷᠪᠠᠨ ᠠᠶᠠᠰ
ᠰᠡᠤᠠᠬᠢᠯ ᠊ᠢ ᠬᠥᠭᠵᠢᠭᠡᠬᠦ ᠳᠠᠭᠤᠤ ᠶ᠋ᠢᠨ ᠠᠶᠠᠰ
ᠰᠠᠨᠠᠬ᠋ᠠ ᠶ᠋ᠢ ᠪᠠᠶᠠᠰᠬᠠᠬᠤ ᠬᠥᠭᠵᠢᠮ ᠦ᠋ᠨ ᠠᠶᠠᠰ
ᠰᠠᠯᠬᠢᠨ ᠊ᠢ ᠤᠷᠢᠬᠤ ᠢᠰᠬᠡᠷᠬᠦ ᠶ᠋ᠢᠨ ᠠᠶᠠᠰ
ᠭᠤᠷᠪᠠᠨ ᠬᠠᠷᠰᠢ
ᠰᠢᠪᠡᠨᠡᠭᠡ ᠦᠭᠡ ᠨᠥᠬᠥᠷᠯᠡᠯ ᠳ᠋ᠤ᠌ ᠨᠢᠭᠡ ᠬᠠᠷᠰᠢ
ᠰᠢᠪᠠᠷ ᠪᠣᠷᠣᠭᠠᠨ ᠳᠡᠪᠡᠯ ᠳ᠋ᠤ᠌ ᠨᠢᠭᠡ ᠬᠠᠷᠰᠢ
ᠰᠠᠮᠠᠭᠤᠨ ᠰᠠᠨᠠᠬ᠋ᠠ ᠪᠡᠶᠡ ᠳ᠋ᠤ᠌ ᠨᠢᠭᠡ ᠬᠠᠷᠰᠢ
ᠭᠤᠷᠪᠠᠨ ᠳᠠᠭᠠᠭᠠᠬᠤ ᠦᠭᠡᠢ
ᠰᠢᠪᠠᠷ ᠬᠦᠮᠦᠨ ᠪᠣᠷᠣᠭᠠᠨ ᠊ᠢ ᠳᠠᠭᠠᠭᠠᠬᠤ ᠦᠭᠡᠢ
ᠰᠢᠷᠠ ᠯᠠᠮᠠ ᠬᠠᠯᠠ ᠶ᠋ᠢ ᠳᠠᠭᠠᠭᠠᠬᠤ ᠦᠭᠡᠢ
ᠱᠠᠰᠢᠨ ᠨᠣᠮ ᠦᠨᠡᠨ ᠊ᠢ ᠳᠠᠭᠠᠭᠠᠬᠤ ᠦᠭᠡᠢ
ᠭᠤᠷᠪᠠᠨ ᠠᠮᠲᠠᠲᠠᠢ
ᠰᠢᠮᠡᠵᠦ ᠢᠲᠡᠬᠦ ᠳ᠋ᠤ᠌ ᠰᠢᠬᠢᠷ ᠨᠢᠭᠡ ᠠᠮᠲᠠᠲᠠᠢ
ᠰᠢᠮᠡᠵᠦ ᠤᠤᠭᠤᠬᠤ ᠳ᠋ᠤ᠌ ᠰᠦ᠋ ᠨᠢᠭᠡ ᠠᠮᠲᠠᠲᠠᠢ
ᠰᠢᠮᠲᠠᠵᠤ ᠰᠤᠷᠬᠤ ᠳ᠋ᠤ᠌ ᠮᠡᠲᠡᠯᠭᠡ ᠨᠢᠭᠡ ᠠᠮᠲᠠᠲᠠᠢ
ᠭᠤᠷᠪᠠᠨ ᠤᠲᠠᠭᠠᠨ
ᠰᠢᠲᠤᠷᠭᠤ ᠲᠥᠪ ᠰᠡᠤᠠᠬᠢᠯᠲᠡᠨ ᠪ ᠪᠠᠶᠠᠰᠬᠤ ᠨᠢ ᠤᠲᠠᠭᠠᠨ
ᠰᠢᠯᠤᠭᠤᠨ ᠰᠠᠶ᠋ᠢᠨ ᠵᠠᠩᠲᠠᠨ ᠪ ᠬᠢᠯᠢᠩᠨᠡᠬᠦ ᠨᠢ ᠤᠲᠠᠭᠠᠨ
ᠰᠢᠯᠢᠳᠡᠭ ᠳᠡᠭᠡᠳᠦ ᠬᠥᠮᠦᠰ ᠦ᠋ᠨ ᠭᠣᠮᠣᠲᠠᠬᠤ ᠨᠢ ᠤᠲᠠᠭᠠᠨ
ᠭᠤᠷᠪᠠᠨ ᠦᠨᠲᠦᠰᠦ
ᠰᠢᠨᠤᠯ ᠭᠠᠵᠢᠭᠤ ᠪᠡᠶᠡ ᠶ᠋ᠢ ᠡᠪᠲᠡᠯᠡᠬᠦ ᠦᠨᠲᠦᠰᠦ
ᠰᠢᠷᠦᠭᠦᠨ ᠲᠦᠷᠢᠮᠡᠬᠡᠢ ᠪᠡᠶᠡ ᠶ᠋ᠢ ᠭᠤᠲᠤᠭᠠᠬᠤ ᠦᠨᠲᠦᠰᠦ
ᠰᠢᠲᠤᠷᠭᠤ ᠦᠨᠡᠨᠴᠢ ᠪᠡᠶᠡ ᠶ᠋ᠢ ᠪᠠᠶ᠋ᠢᠭᠤᠯᠬᠤ ᠦᠨᠲᠦᠰᠦ
ᠭᠤᠷᠪᠠᠨ ᠪᠣᠯᠤᠨᠠ
ᠰᠢᠷᠠ ᠤᠯᠠᠭᠠᠨ ᠨᠡᠶ᠋ᠢᠯᠡᠭᠡᠳ ᠥᠩᠭᠡ ᠰᠠᠶ᠋ᠢᠲᠠᠢ ᠪᠣᠯᠤᠨᠠ
ᠰᠢᠯᠲᠠᠭ ᠪᠢᠯᠲᠠᠭ ᠨᠡᠶ᠋ᠢᠯᠡᠭᠡᠳ ᠶᠠᠪᠤᠲᠠᠯ ᠮᠠᠭᠤᠲᠠᠢ ᠪᠣᠯᠤᠨᠠ
ᠰᠢᠭᠦᠮᠵᠢᠯᠡᠯ ᠨᠥᠬᠥᠷᠯᠡᠯ ᠨᠡᠶ᠋ᠢᠯᠡᠭᠡᠳ ᠢᠨᠠᠭ ᠠᠮᠠᠷᠠᠭ ᠪᠣᠯᠤᠨᠠ
ᠭᠤᠷᠪᠠᠨ ᠦᠭᠡᠢ
ᠰᠢᠨᠵᠢᠯᠡᠬᠦ ᠦᠭᠡᠢ ᠪᠣᠯ ᠮᠡᠲᠡᠬᠦ ᠦᠭᠡᠢ
ᠰᠢᠮᠲᠠᠬᠤ ᠦᠭᠡᠢ ᠪᠣᠯ ᠪᠦᠲᠦᠬᠦ ᠦᠭᠡᠢ
ᠰᠢᠭᠦᠮᠵᠢᠯᠡᠬᠦ ᠦᠭᠡᠢ ᠪᠣᠯ ᠲᠠᠪᠰᠢᠬᠤ ᠦᠭᠡᠢ
ᠭᠤᠷᠪᠠᠨ ᠲᠡᠮᠲᠡᠭ
ᠰᠢᠷᠭᠢᠭᠡᠳ ᠳᠠᠭᠤᠰᠬᠤ ᠦᠭᠡᠢ ᠨᠢ ᠲᠥᠷᠥᠬᠦ ᠶ᠋ᠢᠨ ᠲᠡᠮᠲᠡᠭ
ᠰᠢᠮᠡᠭᠡᠳ ᠳᠠᠭᠤᠰᠬᠤ ᠦᠭᠡᠢ ᠨᠢ ᠦᠯᠡᠲᠡᠬᠦ ᠶ᠋ᠢᠨ ᠲᠡᠮᠲᠡᠭ
ᠱᠣᠣᠯᠠᠭᠠᠳ ᠳᠠᠭᠤᠰᠬᠤ ᠦᠭᠡᠢ ᠨᠢ ᠵᠣᠪᠠᠬᠤ ᠶ᠋ᠢᠨ ᠲᠡᠮᠲᠡᠭ
ᠭᠤᠷᠪᠠᠨ ᠪᠣᠯᠬᠤ ᠦᠭᠡᠢ
ᠰᠢᠬᠢᠷ ᠠᠮᠲᠠᠲᠠᠢ ᠭᠡᠳ ᠱᠸᠩ ᠶ᠋ᠢᠡᠷ ᠢᠲᠡᠵᠦ ᠪᠣᠯᠬᠤ ᠦᠭᠡᠢ
ᠬᠡᠦᠬᠡᠨ ᠠᠮᠠᠷᠠᠭ ᠭᠡᠳ ᠬᠤᠤ ᠠᠪᠴᠤ ᠪᠣᠯᠬᠤ ᠦᠭᠡᠢ
ᠳᠠᠪᠤᠰᠤ ᠠᠮᠲᠠᠲᠠᠢ ᠭᠡᠳ ᠳ᠋ᠠᠨ ᠶ᠋ᠢᠠᠷ ᠢᠲᠡᠵᠦ ᠪᠣᠯᠬᠤ ᠦᠭᠡᠢ
ᠭᠤᠷᠪᠠᠨ ᠬᠠᠶ᠋ᠢᠷᠠᠯᠠᠬᠤ
ᠰᠢᠪᠠᠭᠤ ᠥᠲᠥ ᠪᠡᠨ ᠨᠢᠭᠡ ᠬᠠᠶ᠋ᠢᠷᠠᠯᠠᠬᠤ
ᠬᠥᠮᠦᠨ ᠨᠡᠷᠡ ᠪᠡᠨ ᠨᠢᠭᠡ ᠬᠠᠶ᠋ᠢᠷᠠᠯᠠᠬᠤ
ᠪᠠᠷᠰ ᠠᠷᠠᠰᠤ ᠪᠠᠨ ᠨᠢᠭᠡ ᠬᠠᠶ᠋ᠢᠷᠠᠯᠠᠬᠤ
ᠭᠤᠷᠪᠠᠨ ᠦᠭᠡᠢ
ᠰᠢᠯᠲᠠᠭᠠᠨ ᠦᠭᠡᠢ ᠪᠡᠷ ᠢᠨᠢᠶᠡᠲᠦ ᠭᠠᠷᠬᠤ ᠦᠭᠡᠢ
ᠰᠢᠪᠠᠷ ᠦᠭᠡᠢ ᠪᠡᠷ ᠪᠠᠶ᠋ᠢᠰᠢᠩ ᠪᠣᠯᠬᠤ ᠦᠭᠡᠢ
ᠰᠠᠯᠬᠢ ᠦᠭᠡᠢ ᠪᠡᠷ ᠰᠢᠭᠤᠷᠭᠠᠨ ᠪᠣᠯᠬᠤ ᠦᠭᠡᠢ
ᠭᠤᠷᠪᠠᠨ ᠪᠤᠷᠤᠭᠤ
ᠰᠢᠬᠢᠷ ᠊ᠢ ᠢᠲᠡᠭᠡᠳ ᠭᠠᠰᠢᠭᠤᠨ ᠶ᠋ᠢᠠᠨ ᠮᠠᠷᠲᠠᠬᠤ ᠪᠤᠷᠤᠭᠤ
ᠰᠢᠨᠡ ᠶ᠋ᠢ ᠦᠵᠡᠭᠡᠳ ᠬᠠᠭᠤᠴᠢᠨ ᠶ᠋ᠢᠠᠨ ᠮᠠᠷᠲᠠᠬᠤ ᠪᠤᠷᠤᠭᠤ
ᠰᠢᠮᠡ ᠶ᠋ᠢ ᠨᠢ ᠰᠤᠷᠤᠭᠠᠳ ᠡᠬᠡ ᠪᠡᠨ ᠮᠠᠷᠲᠠᠬᠤ ᠪᠤᠷᠤᠭᠤ
ᠭᠤᠷᠪᠠᠨ ᠪᠦᠷᠢᠤᠠᠬᠦ
ᠰᠢᠭᠢᠷᠡ ᠲᠣᠯᠣᠭᠠᠢ ᠲᠠᠢ ᠪᠠᠨ ᠨᠡᠶ᠋ᠢᠯᠡᠭᠡᠳ ᠲᠣᠭᠣᠬ᠋ᠠ ᠶ᠋ᠢᠨ ᠰᠠᠶ᠋ᠢᠯᠤ ᠪᠦᠷᠢᠤᠠᠬᠦ
ᠰᠢᠲᠦ ᠤᠷᠤᠭᠤᠯ ᠲᠠᠢ ᠪᠠᠨ ᠨᠡᠶ᠋ᠢᠯᠡᠭᠡᠳ ᠢᠲᠡᠬᠦ ᠡᠷᠬᠡᠲᠡᠨ ᠪᠦᠷᠢᠤᠠᠬᠦ
ᠰᠢᠷᠠ ᠬᠠᠷᠠ ᠲᠠᠢ ᠪᠠᠨ ᠨᠡᠶ᠋ᠢᠯᠡᠭᠡᠳ ᠥᠩᠭᠡ ᠦᠵᠡᠮᠵᠢ ᠪᠦᠷᠢᠤᠠᠬᠦ
ᠭᠤᠷᠪᠠᠨ ᠨᠢᠭᠡ
ᠰᠢᠭᠡᠬᠦ ᠪᠡᠷ ᠶᠠᠪᠤᠬᠤ ᠵᠠᠮ ᠨᠢ ᠨᠢᠭᠡ
ᠰᠢᠪᠡᠭᠡᠨᠡᠨ ᠬᠡᠯᠡᠯᠴᠡᠬᠦ ᠦᠭᠡ ᠨᠢ ᠨᠢᠭᠡ
ᠰᠣᠨᠣᠷ ᠨᠢᠭᠡᠲᠦ ᠶ᠋ᠢᠨ ᠨᠡᠷᠡ ᠨᠢ ᠨᠢᠭᠡ
ᠭᠤᠷᠪᠠᠨ ᠠᠮᠲᠠᠲᠠᠢ
ᠰᠣᠨᠢᠷᠬᠠᠵᠤ ᠢᠲᠡᠪᠡᠯ ᠰᠣᠩᠭᠢᠨᠠ ᠨᠢᠭᠡ ᠠᠮᠲᠠᠲᠠᠢ
ᠰᠣᠯᠢᠵᠤ ᠢᠲᠡᠪᠡᠯ ᠮᠠᠩᠭᠢᠷ ᠨᠢᠭᠡ ᠠᠮᠲᠠᠲᠠᠢ
ᠰᠤᠷᠤᠯᠴᠠᠵᠤ ᠳᠠᠳᠪᠠᠯ ᠨᠣᠮ ᠨᠢᠭᠡ ᠠᠮᠲᠠᠲᠠᠢ
ᠭᠤᠷᠪᠠᠨ ᠳᠡᠷᠪᠡᠬᠦ
ᠰᠣᠬᠣᠷ ᠨᠣᠬᠠᠢ ᠲᠦᠢᠪᠡᠭᠡᠨ ᠶ᠋ᠢᠡᠷ ᠨᠢᠭᠡ ᠳᠡᠷᠪᠡᠬᠦ
ᠰᠤᠭᠤᠲᠠᠩ ᠬᠠᠯᠲᠠᠷ ᠦᠢᠮᠡᠭᠡᠨ ᠶ᠋ᠢᠡᠷ ᠨᠢᠭᠡ ᠳᠡᠷᠪᠡᠬᠦ
ᠰᠣᠯᠢᠶᠠᠲᠤ ᠬᠥᠮᠦᠨ ᠳᠡᠪᠵᠢᠶᠡᠨ ᠶ᠋ᠢᠡᠷ ᠨᠢᠭᠡ ᠳᠡᠷᠪᠡᠬᠦ
ᠭᠤᠷᠪᠠᠨ ᠳᠡᠭᠡᠷᠡ
ᠰᠣᠨᠣᠰᠤᠭᠰᠠᠨ ᠠ᠋ᠴᠠ ᠦᠵᠡᠭᠰᠡᠨ ᠨᠢ ᠳᠡᠭᠡᠷᠡ
ᠦᠵᠡᠭᠰᠡᠨ ᠠ᠋ᠴᠠ ᠬᠢᠭᠰᠡᠨ ᠨᠢ ᠳᠡᠭᠡᠷᠡ
ᠰᠠᠭᠤᠭᠰᠠᠨ ᠠ᠋ᠴᠠ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
ᠭᠤᠷᠪᠠᠨ ᠵᠣᠪᠠᠭᠤᠷᠢ
ᠰᠤᠷᠭᠠᠪᠠᠴᠤ ᠦᠯᠦ ᠰᠤᠷᠬᠤ ᠮᠤᠩᠬᠠᠭ ᠱᠠᠪᠢ ᠶ᠋ᠢᠨ ᠪᠠᠭᠰᠢ ᠵᠣᠪᠠᠭᠤᠷᠢ
ᠰᠣᠨᠣᠰᠪᠠᠴᠤ ᠦᠯᠦ ᠠᠪᠬᠤ ᠮᠠᠭᠤ ᠬᠥᠪᠡᠭᠦᠨ ᠤ ᠡᠴᠢᠭᠡ ᠵᠣᠪᠠᠭᠤᠷᠢ
ᠰᠣᠨᠵᠢᠪᠠᠴᠤ ᠦᠯᠦ ᠴᠡᠭᠡᠷᠯᠡᠬᠦ ᠮᠠᠭᠤ ᠡᠮᠡ ᠶ᠋ᠢᠨ ᠡᠷᠡ ᠵᠣᠪᠠᠭᠤᠷᠢ
ᠭᠤᠷᠪᠠᠨ ᠭᠠᠷᠬᠤ ᠦᠭᠡᠢ
ᠰᠦ᠋ ᠢᠳᠡᠭᠰᠡᠨ ᠨᠣᠬᠠᠢ ᠶ᠋ᠢᠨ ᠵᠣᠯᠪᠢᠩ ᠨᠢ ᠭᠠᠷᠬᠤ ᠦᠭᠡᠢ
ᠰᠦ᠋ ᠬᠢᠭᠰᠡᠨ ᠰᠠᠪᠠ ᠶ᠋ᠢᠨ ᠦᠨᠦᠷ ᠨᠢ ᠭᠠᠷᠬᠤ ᠦᠭᠡᠢ
ᠰᠤᠳᠤᠷ ᠤᠩᠰᠢᠬᠰᠠᠨ ᠯᠠᠮᠠ ᠶ᠋ᠢᠨ ᠬᠣᠪᠳᠣᠭ ᠨᠢ ᠭᠠᠷᠬᠤ ᠦᠭᠡᠢ
ᠭᠤᠷᠪᠠᠨ ᠪᠣᠯᠳᠠᠭ ᠦᠭᠡᠢ
ᠰᠦ᠋ ᠶ᠋ᠢᠨ ᠥᠩᠭᠡ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠪᠣᠳᠣᠭ ᠪᠣᠯᠳᠠᠭ ᠦᠭᠡᠢ
ᠰᠡᠭᠦᠳᠡᠷ ᠤᠨ ᠪᠠᠷᠠ ᠨᠢ ᠶᠡᠬᠡ ᠪᠣᠯᠪᠠᠴᠤ ᠪᠠᠷᠢᠵᠤ ᠪᠣᠯᠳᠠᠭ ᠦᠭᠡᠢ
ᠰᠥᠨᠢ ᠶ᠋ᠢᠨ ᠵᠡᠭᠦᠳᠦ ᠨᠢ ᠠᠮᠲᠠᠲᠠᠢ ᠪᠣᠯᠪᠠᠴᠤ ᠥᠯ ᠪᠣᠯᠳᠠᠭ ᠦᠭᠡᠢ
ᠭᠤᠷᠪᠠᠨ ᠭᠦᠢᠴᠡᠬᠦ
ᠰᠥᠰᠥ ᠵᠣᠷᠢᠬ ᠨᠡᠶ᠋ᠢᠯᠡᠭᠡᠳ ᠰᠦᠷ ᠰᠦᠯᠳᠡ ᠶ᠋ᠢᠨ ᠣᠶ᠋ᠢᠯᠠ ᠭᠦᠢᠴᠡᠬᠦ
ᠰᠦᠰᠦᠭ ᠪᠢᠰᠢᠷᠡᠯ ᠨᠡᠶ᠋ᠢᠯᠡᠭᠡᠳ ᠰᠢᠲᠦᠭᠡᠨ ᠳᠠᠬᠢᠯᠭᠠ ᠶ᠋ᠢᠨ ᠣᠶ᠋ᠢᠯᠠ ᠭᠦᠢᠴᠡᠬᠦ
ᠰᠥᠷᠭᠡᠦ ᠳᠣᠭᠰᠢᠨ ᠨᠡᠶ᠋ᠢᠯᠡᠭᠡᠳ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠶ᠋ᠢᠨ ᠣᠶ᠋ᠢᠯᠠ ᠭᠦᠢᠴᠡᠬᠦ
ᠭᠤᠷᠪᠠᠨ ᠬᠠᠷᠠ
ᠰᠦ᠋ ᠦᠭᠡᠢ ᠴᠠᠢ ᠨᠢᠭᠡ ᠬᠠᠷᠠ
ᠰᠦᠰᠦᠭ ᠦᠭᠡᠢ ᠬᠥᠮᠦᠨ ᠨᠢᠭᠡ ᠬᠠᠷᠠ
ᠰᠦᠮᠡ ᠦᠭᠡᠢ ᠯᠠᠮᠠ ᠨᠢᠭᠡ ᠬᠠᠷᠠ
ᠭᠤᠷᠪᠠᠨ ᠬᠡᠴᠡᠭᠦᠦ
ᠰᠦᠷ ᠢ ᠬᠥᠭᠵᠢᠭᠡᠬᠦ ᠪᠦᠷᠢᠶᠡᠨ ᠤ ᠠᠶᠠᠰ ᠬᠡᠴᠡᠭᠦᠦ
ᠰᠦᠵᠢᠭ ᠢ ᠬᠦᠷᠦᠭᠦᠯᠬᠦ ᠳᠠᠮᠠᠷᠤ ᠶ᠋ᠢᠨ ᠠᠶᠠᠰ ᠬᠡᠴᠡᠭᠦᠦ
ᠰᠦᠨᠡᠰᠦ ᠶ᠋ᠢ ᠳᠠᠯᠠᠯᠬᠤ ᠨᠣᠮ ᠤᠨ ᠠᠶᠠᠰ ᠬᠡᠴᠡᠭᠦᠦ
ᠭᠤᠷᠪᠠᠨ ᠮᠤᠩᠳᠠᠬᠤ ᠦᠭᠡᠢ
ᠰᠦᠬᠡ ᠲᠠᠢ ᠬᠥᠮᠦᠨ ᠳᠤ ᠲᠦᠯᠡᠭᠡ ᠮᠤᠩᠳᠠᠬᠤ ᠦᠭᠡᠢ
ᠰᠢᠳᠦ ᠲᠠᠢ ᠬᠥᠮᠦᠨ ᠳᠤ ᠬᠣᠭᠣᠯᠠ ᠮᠤᠩᠳᠠᠬᠤ ᠦᠭᠡᠢ
ᠰᠥᠰᠥ ᠲᠠᠢ ᠬᠥᠮᠦᠨ ᠳᠤ ᠶᠠᠭᠤ ᠴᠦ᠍ ᠮᠤᠩᠳᠠᠬᠤ ᠦᠭᠡᠢ
ᠱᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠬᠦᠨᠳᠦ
ᠱᠠᠯᠳᠠᠩ ᠪᠠᠶ᠋ᠢᠲᠠᠯᠠ ᠯᠠᠮᠠ ᠨᠢᠭᠡ ᠬᠦᠨᠳᠦ
ᠰᠢᠪᠠᠷ ᠪᠠᠶ᠋ᠢᠲᠠᠯᠠ ᠪᠠᠶ᠋ᠢᠰᠢᠩ ᠨᠢᠭᠡ ᠬᠦᠨᠳᠦ
ᠬᠥᠮᠦᠨ ᠤ ᠪᠠᠶ᠋ᠢᠲᠠᠯᠠ ᠬᠦᠷᠭᠡᠨ ᠨᠢᠭᠡ ᠬᠦᠨᠳᠦ
ᠭᠤᠷᠪᠠᠨ ᠪᠠᠶ᠋ᠢᠳᠠᠭ
ᠱᠠᠰᠢᠨ ᠨᠣᠮ ᠤᠨ ᠳᠣᠲᠣᠷᠠ ᠮᠡᠬᠡᠯᠡᠯ ᠨᠢᠭᠡ ᠪᠠᠶ᠋ᠢᠳᠠᠭ
ᠱᠠᠯᠢᠬᠴᠢ ᠬᠥᠮᠦᠨ ᠤ ᠨᠢᠳᠦᠨ ᠳᠤ ᠬᠡᠦᠬᠡᠨ ᠨᠢᠭᠡ ᠪᠠᠶ᠋ᠢᠳᠠᠭ
ᠰᠢᠳᠤᠷᠭᠤ ᠬᠥᠮᠦᠨ ᠤ ᠴᠡᠭᠡᠵᠢᠨ ᠳᠤ ᠦᠨᠡᠨᠴᠢ ᠨᠢᠭᠡ ᠪᠠᠶ᠋ᠢᠳᠠᠭ
ᠭᠤᠷᠪᠠᠨ ᠳᠡᠭᠡᠷᠡ
ᠱᠠᠰᠢᠨ ᠰᠠᠨᠸᠠᠷ ᠮᠡᠳᠡᠬᠦ ᠦᠭᠡᠢ ᠯᠠᠮᠠ ᠠ᠋ᠴᠠ ᠰᠦᠰᠦᠭ ᠰᠠᠶ᠋ᠢᠲᠠᠢ ᠬᠠᠷᠠ ᠳᠡᠭᠡᠷᠡ
ᠲᠥᠷᠥ ᠶᠣᠰᠣ ᠮᠡᠳᠡᠬᠦ ᠦᠭᠡᠢ ᠬᠠᠳ ᠠ᠋ᠴᠠ ᠲᠦᠪᠰᠢᠨ ᠰᠠᠶ᠋ᠢᠨ ᠲᠦᠰᠢᠮᠡᠯ ᠳᠡᠭᠡᠷᠡ
ᠢᠴᠢᠭᠦᠷᠢ ᠮᠡᠳᠡᠬᠦ ᠦᠭᠡᠢ ᠬᠠᠲᠤᠨ ᠠ᠋ᠴᠠ ᠢᠴᠢᠭᠦᠷᠢ ᠮᠡᠳᠡᠬᠦ ᠰᠢᠪᠡᠭᠴᠢᠨ ᠳᠡᠭᠡᠷᠡ
ᠭᠤᠷᠪᠠᠨ ᠪᠠᠶ᠋ᠢᠳᠠᠭ
ᠱᠤ ᠬᠠᠶᠠᠪᠠᠯ ᠭᠦᠷᠢᠮ ᠨᠢᠭᠡ ᠪᠠᠶ᠋ᠢᠳᠠᠭ
ᠰᠤᠳᠠᠯ ᠪᠠᠷᠢᠪᠠᠯ ᠠᠶ᠋ᠢᠯᠠᠳᠬᠠᠯ ᠨᠢᠭᠡ ᠪᠠᠶ᠋ᠢᠳᠠᠭ
ᠰᠤᠳᠤᠷ ᠤᠩᠰᠢᠪᠠᠯ ᠪᠠᠷᠢᠴᠠ ᠨᠢᠭᠡ ᠪᠠᠶ᠋ᠢᠳᠠᠭ
ᠭᠤᠷᠪᠠᠨ ᠰᠦᠷᠡᠬᠡᠢ
ᠱᠣᠩᠬᠣᠷ ᠰᠢᠪᠠᠭᠤᠨ ᠤ ᠱᠤᠩᠪᠠᠯᠲᠠ ᠨᠢ ᠨᠢᠭᠡ ᠰᠦᠷᠡᠬᠡᠢ
ᠱᠣᠭᠲᠠᠢ ᠬᠥᠮᠦᠨ ᠤ ᠶᠣᠭᠲᠠ ᠨᠢ ᠨᠢᠭᠡ ᠰᠦᠷᠡᠬᠡᠢ
ᠱᠣᠭᠰᠢᠶᠠ ᠨᠣᠬᠠᠢ ᠶ᠋ᠢᠨ ᠬᠣᠪᠳᠣᠭ ᠨᠢ ᠨᠢᠭᠡ ᠰᠦᠷᠡᠬᠡᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳ᠋ᠦ᠋ᠩ ᠹᠧᠩ ᠂ ᠠᠯᠲᠠᠨᠲᠤᠶᠠᠭᠠ ᠂ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠷᠠᠨᠤᠳ ᠲᠤᠶᠠᠭᠠ ᠂ ᠬᠠᠲᠠᠴᠢ ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠷᠠᠨᠤᠳ ᠲᠤᠶᠠᠭᠠ