ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠮᠠ ᠂ ᠯᠠ > ᠶ᠋ᠢᠨ ᠠᠶ᠋ᠢᠮᠠᠭ Ертөнцийн гурав – < Ма ᠂ Ла > ин аймаг
630ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – < ᠮᠠ ᠂ ᠯᠠ > ᠶ᠋ᠢᠨ ᠠᠶ᠋ᠢᠮᠠᠭ
ᠮᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠪᠠᠷᠠᠭᠠᠨ
ᠮᠠᠯ ᠦᠭᠡᠢ ᠠᠶ᠋ᠢᠯ ᠦ᠋ᠨ ᠬᠣᠲᠠ ᠨᠢᠭᠡ ᠪᠠᠷᠠᠭᠠᠨ
ᠡᠴᠢᠭᠡ ᠦᠭᠡᠢ ᠬᠥᠮᠦᠨ ᠪ ᠤᠬᠠᠭᠠᠨ ᠨᠢᠭᠡ ᠪᠠᠷᠠᠭᠠᠨ
ᠡᠷᠲᠡᠮ ᠦᠭᠡᠢ ᠬᠥᠮᠦᠨ ᠪ ᠲᠠᠷᠢᠬᠢ ᠨᠢᠭᠡ ᠪᠠᠷᠠᠭᠠᠨ
ᠭᠤᠷᠪᠠᠨ ᠰᠢᠪᠰᠢᠭ
ᠮᠠᠭᠤ ᠡᠮᠡᠭᠡᠯ ᠮᠣᠷᠢᠨ ᠳ᠋ᠠᠭᠠᠨ ᠨᠢᠭᠡ ᠰᠢᠪᠰᠢᠭ
ᠮᠠᠭᠤ ᠡᠬᠡᠨᠡᠷ ᠭᠡᠷ ᠲᠡᠭᠡᠨ ᠨᠢᠭᠡ ᠰᠢᠪᠰᠢᠭ
ᠮᠠᠭᠤ ᠨᠣᠬᠠᠢ ᠬᠣᠲᠠᠨ ᠳ᠋ᠠᠭᠠᠨ ᠨᠢᠭᠡ ᠰᠢᠪᠰᠢᠭ
ᠭᠤᠷᠪᠠᠨ ᠠᠲᠠᠯᠢ
ᠮᠠᠭᠲᠠᠵᠤ ᠢᠷᠥᠭᠡᠬᠦ ᠶ᠋ᠢᠨ ᠠᠭᠤᠯᠬ᠋ᠠ ᠨᠢ ᠠᠲᠠᠯᠢ
ᠮᠠᠨᠲᠤᠵᠤ ᠬᠥᠭᠵᠢᠬᠦ ᠶ᠋ᠢᠨ ᠤᠴᠢᠷ ᠨᠢ ᠠᠲᠠᠯᠢ
ᠮᠢᠲᠠᠷᠠᠵᠤ ᠰᠤᠩᠬᠤ ᠶ᠋ᠢᠨ ᠦᠢᠯᠡ ᠨᠢ ᠠᠲᠠᠯᠢ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠮᠠᠯ ᠳᠦ ᠲᠠᠷᠭᠤ ᠨᠢᠭᠡ ᠰᠠᠶ᠋ᠢᠬᠠᠨ
ᠮᠠᠯᠠᠭᠠᠢ ᠳᠦ ᠵᠢᠯᠠᠬ᠋ᠠ ᠨᠢᠭᠡ ᠰᠠᠶ᠋ᠢᠬᠠᠨ
ᠮᠠᠩᠬᠠᠨ ᠳᠦ ᠲᠡᠮᠡᠭᠡ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠶᠡᠬᠡᠲᠡᠢ
ᠮᠠᠭᠤ ᠬᠥᠮᠦᠨ ᠪ ᠦᠭᠡ ᠨᠢᠭᠡ ᠶᠡᠬᠡᠲᠡᠢ
ᠮᠣᠲᠣᠨ ᠲᠦᠯᠡᠰᠢ ᠶ᠋ᠢᠨ ᠭᠠᠯ ᠨᠢᠭᠡ ᠶᠡᠬᠡᠲᠡᠢ
ᠮᠠᠭᠤ ᠭᠤᠸᠠ ᠶ᠋ᠢᠨ ᠦᠷᠡ ᠨᠢᠭᠡ ᠶᠡᠬᠡᠲᠡᠢ
ᠭᠤᠷᠪᠠᠨ ᠪᠡᠷᠬᠡ
ᠮᠠᠭᠤ ᠨᠡᠷᠡ ᠶ᠋ᠢ ᠬᠤᠰᠤᠪᠠᠴᠤ ᠠᠷᠢᠯᠬᠤ ᠳᠦ ᠪᠡᠷᠬᠡ
ᠰᠠᠶ᠋ᠢᠨ ᠨᠡᠷᠡ ᠶ᠋ᠢ ᠬᠦᠰᠡᠪᠡᠴᠦ ᠣᠯᠬᠤ ᠳᠦ ᠪᠡᠷᠬᠡ
ᠲᠦᠢᠮᠡᠷ ᠭᠠᠯ ᠊ᠢ ᠬᠦᠴᠦᠯᠡᠪᠡᠴᠦ ᠤᠨᠲᠠᠷᠠᠭᠠᠬᠤ ᠳᠦ ᠪᠡᠷᠬᠡ
ᠭᠤᠷᠪᠠᠨ ᠨᠡᠶ᠋ᠢᠯᠡᠬᠦ ᠦᠭᠡᠢ
ᠮᠠᠨᠢ ᠲᠣᠭᠠᠯᠠᠪᠠᠴᠤ ᠠᠶᠠ ᠨᠡᠶ᠋ᠢᠯᠡᠬᠦ ᠦᠭᠡᠢ
ᠮᠢᠬᠠ ᠴᠢᠨᠠᠪᠠᠴᠤ ᠱᠥᠯᠥ ᠨᠡᠶ᠋ᠢᠯᠡᠬᠦ ᠦᠭᠡᠢ
ᠮᠠᠩᠬᠠᠨ ᠳᠤ ᠶᠠᠪᠤᠪᠠᠴᠤ ᠮᠥᠷ ᠨᠡᠶ᠋ᠢᠯᠡᠬᠦ ᠦᠭᠡᠢ
ᠭᠤᠷᠪᠠᠨ ᠪᠣᠯᠳᠠᠭ
ᠮᠠᠶ᠋ᠢᠯᠠᠭᠠ ᠮᠠᠶ᠋ᠢᠯᠠᠭᠠ ᠮᠠᠯ ᠪᠣᠯᠳᠠᠭ
ᠤᠬᠢᠯᠠᠭᠠ ᠤᠬᠢᠯᠠᠭᠠ ᠬᠥᠮᠦᠨ ᠪᠣᠯᠳᠠᠭ
ᠤᠩᠰᠢᠶᠠ ᠤᠩᠰᠢᠶᠠ ᠤᠮᠵᠢᠳ ᠪᠣᠯᠳᠠᠭ
ᠭᠤᠷᠪᠠᠨ ᠵᠢᠯ
ᠮᠠᠭᠤ ᠴᠠᠭ ᠨᠢᠭᠡ ᠵᠢᠯ
ᠮᠠᠭᠤ ᠰᠢᠷᠬᠠ ᠬᠡᠳᠦᠨ ᠵᠢᠯ
ᠮᠠᠭᠤ ᠨᠡᠷᠡ ᠮᠢᠩᠭᠠᠨ ᠵᠢᠯ
ᠭᠤᠷᠪᠠᠨ ᠳᠠᠭᠤᠷᠢᠶᠠᠬᠤ
ᠮᠠᠯ ᠡᠵᠡᠨ ᠢᠶ᠋ᠠᠨ ᠨᠢᠭᠡ ᠳᠠᠭᠤᠷᠢᠶᠠᠬᠤ
ᠮᠠᠯᠠᠭᠠᠢ ᠲᠣᠯᠣᠭᠠᠢ ᠪᠠᠨ ᠨᠢᠭᠡ ᠳᠠᠭᠤᠷᠢᠶᠠᠬᠤ
ᠮᠠᠨᠴᠤᠷᠭᠠ ᠰᠢᠳᠠᠮ ᠢᠶ᠋ᠠᠨ ᠨᠢᠭᠡ ᠳᠠᠭᠤᠷᠢᠶᠠᠬᠤ
ᠭᠤᠷᠪᠠᠨ ᠱᠤᠪᠲᠤᠩ
ᠮᠠᠯᠠᠭᠠᠢ ᠵᠡᠭᠦᠪᠡᠴᠦ ᠲᠣᠯᠣᠭᠠᠢ ᠨᠢ ᠱᠤᠪᠲᠤᠩ
ᠮᠠᠩᠨᠤᠭ ᠬᠡᠲᠦᠷᠡᠪᠡᠴᠦ ᠮᠥᠷᠥ ᠨᠢ ᠱᠤᠪᠲᠤᠩ
ᠮᠢᠬᠠ ᠢᠳᠡᠪᠡᠴᠦ ᠭᠡᠳᠡᠰᠦ ᠨᠢ ᠱᠤᠪᠲᠤᠩ
ᠭᠤᠷᠪᠠᠨ ᠠᠷᠪᠢᠨ
ᠮᠠᠭᠤ ᠭᠤᠸᠠ ᠶ᠋ᠢᠨ ᠦᠷᠡ ᠨᠢ ᠠᠷᠪᠢᠨ
ᠮᠠᠭᠤ ᠯᠠᠮᠠ ᠶ᠋ᠢᠨ ᠰᠤᠳᠤᠷ ᠨᠢ ᠠᠷᠪᠢᠨ
ᠮᠠᠭᠤ ᠬᠥᠮᠦᠨ ᠤ ᠦᠭᠡ ᠨᠢ ᠠᠷᠪᠢᠨ
ᠭᠤᠷᠪᠠᠨ ᠲᠦᠷᠦᠭᠦᠦ
ᠮᠠᠯ ᠬᠣᠪᠣᠷᠳᠠᠬᠤ ᠳᠤ ᠲᠠᠬᠢᠶᠠ ᠨᠢᠭᠡ ᠲᠦᠷᠦᠭᠦᠦ
ᠮᠢᠬᠠ ᠬᠣᠪᠣᠷᠳᠠᠬᠤ ᠳᠤ ᠪᠣᠭᠲᠣᠰ ᠨᠢᠭᠡ ᠲᠦᠷᠦᠭᠦᠦ
ᠮᠠᠮᠠ ᠬᠣᠪᠣᠷᠳᠠᠬᠤ ᠳᠤ ᠪᠠᠨᠳᠢ ᠨᠢᠭᠡ ᠲᠦᠷᠦᠭᠦᠦ
ᠭᠤᠷᠪᠠᠨ ᠡᠷᠡ
ᠮᠠᠭᠤ ᠮᠠᠭᠤ ᠳ᠋ᠠᠭᠠᠨ ᠨᠢᠭᠡ ᠡᠷᠡ
ᠮᠤᠤᠷ ᠬᠤᠯᠤᠭᠠᠨᠠ ᠳ᠋ᠠᠭᠠᠨ ᠨᠢᠭᠡ ᠡᠷᠡ
ᠮᠠᠭᠤ ᠡᠷᠡ ᠡᠮᠡ ᠳ᠋ᠡᠭᠡᠨ ᠨᠢᠭᠡ ᠡᠷᠡ
ᠭᠤᠷᠪᠠᠨ ᠵᠥᠪ
ᠮᠠᠭᠤ ᠡᠯᠢᠶᠡ ᠲᠠᠬᠢᠶᠠᠨ ᠳ᠋ᠠᠭᠠᠨ ᠵᠥᠪ
ᠮᠠᠭᠤ ᠨᠣᠬᠠᠢ ᠭᠠᠬᠠᠢ ᠳ᠋ᠠᠭᠠᠨ ᠵᠥᠪ
ᠮᠠᠭᠤ ᠡᠷᠡ ᠡᠮᠡ ᠳ᠋ᠡᠭᠡᠨ ᠵᠥᠪ
ᠭᠤᠷᠪᠠᠨ ᠶᠡᠬᠡ
ᠮᠠᠭᠤ ᠬᠥᠮᠦᠨ ᠤ ᠳᠤᠤᠭᠠᠷᠬᠤ ᠨᠢ ᠶᠡᠬᠡ
ᠮᠠᠭᠤ ᠢᠮᠠᠭᠠᠨ ᠤ ᠮᠠᠶ᠋ᠢᠯᠠᠬᠤ ᠨᠢ ᠶᠡᠬᠡ
ᠮᠠᠭᠤ ᠯᠠᠮᠠ ᠶ᠋ᠢᠨ ᠠᠶᠠᠯᠠᠬᠤ ᠨᠢ ᠶᠡᠬᠡ
ᠭᠤᠷᠪᠠᠨ ᠪᠠᠷᠠᠬᠤ
ᠮᠠᠭᠤ ᠰᠠᠨᠠᠭᠠ ᠪᠤᠶᠠᠨ ᠢᠶ᠋ᠠᠨ ᠪᠠᠷᠠᠬᠤ
ᠮᠠᠭᠤ ᠰᠠᠪᠠ ᠢᠳᠡᠭᠡ ᠶ᠋ᠢ ᠪᠠᠷᠠᠬᠤ
ᠮᠠᠭᠤ ᠬᠥᠮᠦᠨ ᠬᠦᠨᠳᠦ ᠪᠠᠨ ᠪᠠᠷᠠᠬᠤ
ᠭᠤᠷᠪᠠᠨ ᠳᠡᠭᠡᠷᠡ
ᠮᠠᠭᠤ ᠡᠮᠴᠢ ᠠ᠋ᠴᠠ ᠰᠠᠶ᠋ᠢᠨ ᠬᠠᠨᠠᠭᠤᠷ ᠳᠡᠭᠡᠷᠡ
ᠮᠠᠭᠤ ᠪᠠᠭᠠᠯ ᠠ᠋ᠴᠠ ᠰᠠᠶ᠋ᠢᠨ ᠮᠤᠤᠷ ᠳᠡᠭᠡᠷᠡ
ᠮᠠᠭᠤ ᠠᠨᠳᠠ ᠠ᠋ᠴᠠ ᠰᠠᠶ᠋ᠢᠨ ᠲᠠᠨᠢᠯ ᠳᠡᠭᠡᠷᠡ
ᠭᠤᠷᠪᠠᠨ ᠶᠠᠩᠰᠢᠶᠠ
ᠮᠠᠭᠤ ᠲᠡᠷᠭᠡ ᠵᠠᠮ ᠤᠨ ᠶᠠᠩᠰᠢᠶᠠ
ᠮᠣᠭᠠᠢ ᠮᠡᠯᠡᠬᠡᠢ ᠨᠠᠭᠤᠷ ᠤᠨ ᠶᠠᠩᠰᠢᠶᠠ
ᠮᠤᠤᠷ ᠪᠠᠭᠠᠯ ᠭᠡᠷ ᠤᠨ ᠶᠠᠩᠰᠢᠶᠠ
ᠭᠤᠷᠪᠠᠨ ᠳᠣᠭᠣᠬᠢ
ᠮᠠᠭᠤ ᠬᠥᠮᠦᠨ ᠬᠥᠮᠦᠨ ᠤ ᠳᠣᠭᠣᠬᠢ
ᠮᠣᠳᠣᠨ ᠬᠦᠷᠵᠡ ᠰᠢᠪᠠᠷ ᠤᠨ ᠳᠣᠭᠣᠬᠢ
ᠮᠠᠭᠤ ᠮᠣᠷᠢ ᠵᠠᠮ ᠤᠨ ᠳᠣᠭᠣᠬᠢ
ᠭᠤᠷᠪᠠᠨ ᠴᠢᠩᠭᠠᠷᠠᠬᠤ
ᠮᠠᠭᠤ ᠡᠷᠡ ᠠᠷᠢᠬᠢᠨ ᠳᠤ ᠴᠢᠩᠭᠠᠷᠠᠬᠤ
ᠮᠠᠭᠤ ᠳᠡᠭᠡᠰᠦ ᠣᠰᠤᠨ ᠳᠤ ᠴᠢᠩᠭᠠᠷᠠᠬᠤ
ᠮᠠᠭᠤ ᠡᠮᠡ ᠦᠭᠡᠨ ᠳᠤ ᠴᠢᠩᠭᠠᠷᠠᠬᠤ
ᠭᠤᠷᠪᠠᠨ ᠬᠠᠷᠰᠢ
ᠮᠠᠭᠤ ᠬᠥᠮᠦᠨ ᠨᠥᠬᠥᠷ ᠲᠤ᠌ ᠬᠠᠷᠰᠢ
ᠮᠤᠷᠤᠶ᠋ᠢᠯᠵᠢᠨ ᠡᠪᠡᠷ ᠨᠢᠳᠦᠨ ᠳᠤ ᠬᠠᠷᠰᠢ
ᠮᠠᠭᠤ ᠰᠢᠷᠬᠠ ᠠᠮᠢᠨ ᠳᠤ ᠬᠠᠷᠰᠢ
ᠭᠤᠷᠪᠠᠨ ᠰᠠᠶ᠋ᠢᠨ
ᠮᠤᠷᠤᠢ ᠴᠦ᠍ ᠪᠣᠯ ᠵᠠᠮ ᠲᠠᠢ ᠨᠢᠭᠡ ᠰᠠᠶ᠋ᠢᠨ
ᠮᠠᠭᠤ ᠴᠦ᠍ ᠪᠣᠯ ᠡᠮᠡ ᠲᠠᠢ ᠨᠢᠭᠡ ᠰᠠᠶ᠋ᠢᠨ
ᠮᠠᠭᠤᠬᠠᠢ ᠴᠦ᠍ ᠪᠣᠯ ᠦᠷᠡ ᠲᠠᠢ ᠨᠢᠭᠡ ᠰᠠᠶ᠋ᠢᠨ
ᠭᠤᠷᠪᠠᠨ ᠶᠡᠬᠡ
ᠮᠤᠬᠤᠷ ᠲᠡᠬᠡ ᠶ᠋ᠢᠨ ᠵᠠᠰᠠᠭᠠ ᠨᠢ ᠶᠡᠬᠡ
ᠮᠠᠭᠤ ᠡᠷᠡ ᠶ᠋ᠢᠨ ᠮᠠᠶᠢᠬ ᠨᠢ ᠶᠡᠬᠡ
ᠮᠠᠷᠠᠯ ᠡᠯᠵᠢᠭᠡ ᠶ᠋ᠢᠨ ᠳᠠᠭᠤ ᠨᠢ ᠶᠡᠬᠡ
ᠭᠤᠷᠪᠠᠨ ᠳᠡᠭᠡᠷᠡ
ᠮᠠᠭᠤ ᠮᠣᠷᠢ ᠶ᠋ᠢ ᠤᠨᠤᠭᠰᠠᠨ ᠠ᠋ᠴᠠ ᠮᠣᠳᠣ ᠴᠢᠷᠪᠡᠯ ᠳᠡᠭᠡᠷᠡ
ᠮᠠᠭᠤ ᠮᠢᠬᠠ ᠶ᠋ᠢ ᠢᠳᠡᠭᠰᠡᠨ ᠠ᠋ᠴᠠ ᠮᠠᠨᠵᠢᠨ ᠢᠳᠡᠪᠡᠯ ᠳᠡᠭᠡᠷᠡ
ᠮᠠᠭᠤ ᠡᠮᠡ ᠶ᠋ᠢ ᠠᠪᠤᠭᠰᠠᠨ ᠠ᠋ᠴᠠ ᠭᠠᠭᠴᠠ ᠶᠠᠪᠤᠪᠠᠯ ᠳᠡᠭᠡᠷᠡ
ᠭᠤᠷᠪᠠᠨ ᠲᠥᠷᠥᠯ
ᠮᠠᠭᠤ ᠯᠠᠮᠠ ᠮᠠᠭᠤ ᠪᠣᠯᠪᠠᠴᠤ ᠱᠠᠰᠢᠨ ᠪ ᠲᠥᠷᠥᠯ
ᠮᠣᠭᠠᠢ ᠮᠡᠯᠡᠬᠡᠢ ᠮᠠᠭᠤ ᠪᠣᠯᠪᠠᠴᠤ ᠯᠤᠤᠰ ᠦ᠋ᠨ ᠲᠥᠷᠥᠯ
ᠮᠤᠰᠢᠭᠠᠢ ᠬᠡᠯᠡᠲᠡᠨ ᠮᠠᠭᠤ ᠪᠣᠯᠪᠠᠴᠤ ᠬᠥᠮᠦᠨ ᠪ ᠲᠥᠷᠥᠯ
ᠭᠤᠷᠪᠠᠨ ᠣᠯᠠᠨ
ᠮᠠᠭᠤ ᠬᠥᠮᠦᠨ ᠳᠦ ᠶᠠᠯᠠ ᠣᠯᠠᠨ
ᠮᠠᠭᠤ ᠮᠣᠷᠢᠨ ᠳᠦ ᠳᠠᠰᠢᠭᠤᠷ ᠣᠯᠠᠨ
ᠮᠠᠭᠤ ᠮᠤᠲᠤᠨ ᠳᠦ ᠭᠡᠰᠢᠭᠦᠦ ᠣᠯᠠᠨ
ᠭᠤᠷᠪᠠᠨ ᠲᠦᠲᠡ
ᠮᠠᠭᠤ ᠪᠣᠯᠪᠠᠴᠤ ᠰᠠᠲᠤᠨ ᠨᠢᠭᠡ ᠲᠦᠲᠡ
ᠮᠤᠷᠤᠢ ᠪᠣᠯᠪᠠᠴᠤ ᠵᠠᠮ ᠨᠢᠭᠡ ᠲᠦᠲᠡ
ᠮᠤᠩᠬᠠᠭ ᠪᠣᠯᠪᠠᠴᠤ ᠡᠮᠡ ᠨᠢᠭᠡ ᠲᠦᠲᠡ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠮᠡᠲᠡᠯᠭᠡ ᠡᠷᠲᠡᠮ ᠲᠡᠢ ᠨᠢ ᠰᠠᠶ᠋ᠢᠬᠠᠨ
ᠮᠤᠷᠠᠯ ᠶᠤᠰᠤ ᠲᠠᠢ ᠨᠢ ᠰᠠᠶ᠋ᠢᠬᠠᠨ
ᠮᠡᠷᠭᠡᠨ ᠤᠬᠠᠭᠠᠨ ᠲᠠᠢ ᠨᠢ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠵᠢᠭᠰᠢᠭᠦᠷᠢᠲᠡᠢ
ᠮᠡᠷᠭᠡᠯᠡᠵᠦ ᠠᠭᠠᠰᠢᠯᠠᠬᠤ ᠨᠢᠭᠡ ᠵᠢᠭᠰᠢᠭᠦᠷᠢᠲᠡᠢ
ᠮᠡᠬᠡᠯᠡᠵᠦ ᠠᠪᠬᠤ ᠨᠢᠭᠡ ᠵᠢᠭᠰᠢᠭᠦᠷᠢᠲᠡᠢ
ᠮᠡᠲᠡᠮᠡᠬᠡᠢ ᠦᠵᠡᠯ ᠨᠢᠭᠡ ᠵᠢᠭᠰᠢᠭᠦᠷᠢᠲᠡᠢ
ᠭᠤᠷᠪᠠᠨ ᠬᠠᠩᠬᠤ ᠦᠭᠡᠢ
ᠮᠡᠷᠭᠡᠳ ᠡᠷᠲᠡᠮ ᠶ᠋ᠢᠡᠷ ᠬᠠᠩᠬᠤ ᠦᠭᠡᠢ
ᠪᠠᠶᠠᠳ ᠠᠰᠢᠬ ᠶ᠋ᠢᠠᠷ ᠬᠠᠩᠬᠤ ᠦᠭᠡᠢ
ᠳᠠᠯᠠᠢ ᠤᠰᠤ ᠪᠠᠷ ᠬᠠᠩᠬᠤ ᠦᠭᠡᠢ
ᠭᠤᠷᠪᠠᠨ ᠭᠠᠷᠬᠤ
ᠮᠡᠷᠭᠡᠳ ᠊ᠢ ᠬᠣᠷᠣᠰᠬᠠᠪᠠᠰᠤ ᠤᠯᠠᠮ ᠡᠷᠲᠡᠮ ᠭᠠᠷᠬᠤ
ᠮᠤᠩᠬᠠᠭ ᠦ᠋ᠳ ᠊ᠢ ᠬᠣᠷᠣᠰᠬᠠᠪᠠᠰᠤ ᠤᠯᠠᠮ ᠪᠠᠭᠠᠰᠤ ᠭᠠᠷᠬᠤ
ᠮᠠᠩᠬᠤᠤ ᠰᠤᠭᠲᠤᠭᠤ ᠶ᠋ᠢ ᠰᠠᠨᠲᠤᠷᠭᠠᠪᠠᠰᠤ ᠤᠩᠭᠤᠰᠤ ᠭᠠᠷᠬᠤ
ᠭᠤᠷᠪᠠᠨ ᠬᠥᠭᠡᠷᠦᠬᠦᠢ
ᠮᠡᠲᠡᠯ ᠦᠭᠡᠢ ᠬᠥᠮᠦᠨ ᠳᠦ ᠨᠠᠶ᠋ᠢᠷ ᠨᠢᠭᠡ ᠬᠠᠶ᠋ᠢᠷᠠᠬᠠᠨ
ᠮᠡᠷᠭᠡᠵᠢᠯ ᠦᠭᠡᠢ ᠬᠥᠮᠦᠨ ᠳᠦ ᠡᠳ᠋ ᠨᠢᠭᠡ ᠬᠠᠶ᠋ᠢᠷᠠᠬᠠᠨ
ᠮᠡᠲᠡᠯᠭᠡ ᠦᠭᠡᠢ ᠬᠥᠮᠦᠨ ᠳᠦ ᠡᠷᠲᠡᠮ ᠨᠢᠭᠡ ᠬᠠᠶ᠋ᠢᠷᠠᠬᠠᠨ
ᠭᠤᠷᠪᠠᠨ ᠦᠭᠡᠢ
ᠮᠡᠯᠡᠬᠡᠢ ᠬᠠᠷᠠᠶ᠋ᠢᠪᠠᠴᠤ ᠵᠠᠮᠠᠭ ᠠ᠋ᠴᠠ ᠬᠣᠯᠠᠤᠠᠬᠤ ᠦᠭᠡᠢ
ᠮᠤᠩᠬᠠᠭ ᠮᠡᠷᠭᠡᠯᠡᠪᠡᠰᠦ ᠢᠨᠢᠶᠡᠲᠦᠮ ᠡᠴᠡ ᠬᠣᠯᠠᠤᠠᠬᠤ ᠦᠭᠡᠢ
ᠮᠡᠬᠡᠲᠡᠨ ᠵᠠᠯᠢᠯᠠᠪᠠᠴᠤ ᠭᠤᠲᠤᠮᠰᠢᠬ ᠠ᠋ᠴᠠ ᠬᠣᠯᠠᠤᠠᠬᠤ ᠦᠭᠡᠢ
ᠭᠤᠷᠪᠠᠨ ᠦᠭᠡᠢ
ᠮᠡᠬᠡ ᠭᠠᠷᠭᠠᠬᠤ ᠦᠭᠡᠢ ᠦᠨᠡᠭᠡ ᠭᠡᠵᠦ ᠦᠭᠡᠢ
ᠮᠢᠬᠠ ᠢᠲᠡᠬᠦ ᠦᠭᠡᠢ ᠴᠢᠨᠣᠠ ᠭᠡᠵᠦ ᠦᠭᠡᠢ
ᠮᠥᠷ ᠭᠠᠷᠬᠤ ᠦᠭᠡᠢ ᠠᠮᠢᠲᠠᠨ ᠭᠡᠵᠦ ᠦᠭᠡᠢ
ᠭᠤᠷᠪᠠᠨ ᠰᠠᠶ᠋ᠢᠬᠠᠨ
ᠮᠢᠬᠠ ᠭᠦᠢᠴᠡᠭᠰᠡᠨ ᠤᠨᠠᠬ᠋ᠠ ᠨᠢᠭᠡ ᠰᠠᠶ᠋ᠢᠬᠠᠨ
ᠮᠠᠯ ᠪᠡᠯᠴᠢᠭᠰᠡᠨ ᠲᠠᠯᠠ ᠨᠢᠭᠡ ᠰᠠᠶ᠋ᠢᠬᠠᠨ
ᠮᠤᠲᠤ ᠬᠦᠬᠡᠷᠡᠭᠰᠡᠨ ᠠᠭᠤᠯᠠ ᠨᠢᠭᠡ ᠰᠠᠶ᠋ᠢᠬᠠᠨ
ᠭᠤᠷᠪᠠᠨ ᠪᠣᠯᠭᠠᠬᠤ
ᠮᠣᠷᠢ ᠶ᠋ᠢ ᠤᠨᠤᠵᠤ ᠵᠢᠷᠣᠬ᠋ᠠ ᠪᠣᠯᠭᠠᠬᠤ
ᠲᠡᠮᠦᠷ ᠊ᠢ ᠳᠠᠪᠲᠠᠵᠤ ᠵᠡᠪᠰᠡᠭ ᠪᠣᠯᠭᠠᠬᠤ
ᠬᠡᠦᠬᠡᠳ ᠊ᠢ ᠰᠤᠷᠭᠠᠵᠤ ᠬᠥᠮᠦᠨ ᠪᠣᠯᠭᠠᠬᠤ
ᠭᠤᠷᠪᠠᠨ ᠴᠢᠲᠠᠬᠤ ᠦᠭᠡᠢ
ᠮᠣᠷᠢ ᠬᠤᠷᠲᠤᠨ ᠪᠣᠯᠪᠠᠴᠤ ᠰᠡᠭᠦᠲᠡᠷ ᠶ᠋ᠢᠡᠨ ᠣᠷᠬᠢᠵᠤ ᠴᠢᠲᠠᠬᠤ ᠦᠭᠡᠢ
ᠵᠠᠭᠠᠨ ᠴᠢᠲᠠᠯ ᠲᠠᠢ ᠪᠣᠯᠪᠠᠴᠤ ᠬᠤᠯᠤᠭᠠᠨᠠ ᠶ᠋ᠢ ᠳᠠᠶ᠋ᠢᠯᠵᠤ ᠴᠢᠲᠠᠬᠤ ᠦᠭᠡᠢ
ᠢᠯᠲᠤ ᠬᠤᠷᠴᠠ ᠪᠣᠯᠪᠠᠴᠤ ᠤᠰᠤ ᠶ᠋ᠢ ᠳᠠᠰᠤᠯᠵᠤ ᠴᠢᠲᠠᠬᠤ ᠦᠭᠡᠢ
ᠭᠤᠷᠪᠠᠨ ᠡᠷᠢᠭᠦ
ᠮᠣᠭᠠᠢ ᠰᠠᠨᠲᠤᠷᠪᠠᠯ ᠨᠥᠭᠡ ᠨᠢᠭᠡ ᠡᠷᠢᠭᠦ
ᠮᠤᠤᠷ ᠰᠠᠨᠲᠤᠷᠪᠠᠯ ᠮᠤᠲᠤ ᠨᠢᠭᠡ ᠡᠷᠢᠭᠦ
ᠮᠠᠭᠤ ᠬᠥᠮᠦᠨ ᠰᠠᠨᠲᠤᠷᠪᠠᠯ ᠣᠶ᠋ᠢᠷᠠ ᠪᠠᠨ ᠡᠷᠢᠭᠦ
ᠭᠤᠷᠪᠠᠨ ᠦᠭᠡᠢ
ᠮᠣᠭᠠᠢ ᠶ᠋ᠢᠨ ᠵᠤᠯᠵᠠᠬ᠋ᠠ ᠨᠠᠷᠢᠨ ᠴᠦ᠍ ᠮᠤᠰᠬᠢᠵᠤ ᠬᠡᠪᠲᠡᠬᠦ ᠪᠡᠨ ᠪᠣᠯᠢᠬᠤ ᠦᠭᠡᠢ
ᠮᠤᠤᠷ ᠦ᠋ᠨ ᠵᠤᠯᠵᠠᠬ᠋ᠠ ᠪᠠᠬ᠋ᠠ ᠴᠦ᠍ ᠮᠢᠷᠢᠶᠠᠬᠤ ᠵᠠᠩ ᠶ᠋ᠢᠠᠨ ᠬᠠᠶᠠᠬᠤ ᠦᠭᠡᠢ
ᠮᠠᠭᠤ ᠰᠠᠨᠠᠭᠠᠲᠠᠨ ᠬᠡᠵᠢᠶᠡ ᠴᠦ᠍ ᠬᠣᠤᠷᠲᠤ ᠪᠣᠳᠣᠯᠭᠠ ᠪᠠᠨ ᠭᠡᠭᠡᠬᠦ ᠦᠭᠡᠢ
ᠭᠤᠷᠪᠠᠨ ᠪᠣᠯᠭᠠᠨᠠ
ᠮᠣᠷᠢ ᠶ᠋ᠢ ᠤᠨᠤᠵᠤ ᠪᠠᠶ᠋ᠢᠭᠠᠳ ᠵᠢᠷᠣᠭᠠ ᠪᠣᠯᠭᠠᠨᠠ
ᠲᠡᠮᠦᠷ ᠢ ᠳᠠᠪᠲᠠᠵᠤ ᠪᠠᠶ᠋ᠢᠭᠠᠳ ᠵᠡᠪᠰᠡᠭ ᠪᠣᠯᠭᠠᠨᠠ
ᠬᠡᠦᠬᠡᠳ ᠢ ᠰᠤᠷᠭᠠᠵᠤ ᠪᠠᠶ᠋ᠢᠭᠠᠳ ᠬᠥᠮᠦᠨ ᠪᠣᠯᠭᠠᠨᠠ
ᠭᠤᠷᠪᠠᠨ ᠨᠣᠪᠰᠢ
ᠮᠤᠩᠬᠠᠭ ᠬᠥᠮᠦᠨ ᠠᠶ᠋ᠢᠯ ᠤᠨ ᠨᠣᠪᠰᠢ
ᠮᠤᠬᠤᠯᠴᠣᠭ ᠮᠣᠳᠣ ᠠᠭᠤᠯᠠ ᠶ᠋ᠢᠨ ᠨᠣᠪᠰᠢ
ᠮᠠᠭᠤ ᠡᠮᠡ ᠭᠡᠷ ᠦᠨ ᠨᠣᠪᠰᠢ
ᠭᠤᠷᠪᠠᠨ ᠦᠭᠡᠢ
ᠮᠥᠴᠢᠷ ᠪᠦᠲᠦᠨ ᠮᠣᠳᠣ ᠨᠢᠭᠡ ᠦᠭᠡᠢ
ᠡᠯᠢᠭᠡ ᠪᠦᠲᠦᠨ ᠬᠥᠮᠦᠨ ᠨᠢᠭᠡ ᠦᠭᠡᠢ
ᠦᠰᠦ ᠪᠦᠲᠦᠨ ᠲᠣᠯᠣᠭᠠᠢ ᠨᠢᠭᠡ ᠦᠭᠡᠢ
ᠭᠤᠷᠪᠠᠨ ᠨᠢᠭᠡ
ᠮᠥᠰᠥ ᠴᠠᠰᠤ ᠶ᠋ᠢᠨ ᠤᠰᠤ ᠨᠢ ᠨᠢᠭᠡ
ᠮᠥᠷᠭᠥᠯ ᠵᠠᠯᠪᠠᠷᠢᠯ ᠤᠨ ᠰᠦᠰᠦᠭ ᠨᠢ ᠨᠢᠭᠡ
ᠮᠦᠰᠢᠶᠡᠳᠦ ᠢᠨᠢᠶᠡᠳᠦ ᠶ᠋ᠢᠨ ᠤᠴᠢᠷ ᠨᠢ ᠨᠢᠭᠡ
ᠯᠠ ᠶ᠋ᠢᠨ ᠠᠶ᠋ᠢᠮᠠᠭ
ᠭᠤᠷᠪᠠᠨ ᠣᠨᠴᠣᠭᠣᠢ
ᠯᠠᠮᠠ ᠯᠠᠮᠠ ᠶ᠋ᠢᠨ ᠯᠠᠮᠠᠳᠠᠬᠤ ᠨᠢ ᠣᠨᠴᠣᠭᠣᠢ
ᠯᠠᠨᠲᠤᠤ ᠵᠡᠭᠡᠲᠦᠦ ᠶ᠋ᠢᠨ ᠲᠤᠰᠤᠯᠲᠠ ᠨᠢ ᠣᠨᠴᠣᠭᠣᠢ
ᠯᠠᠩᠭᠤᠸᠠ ᠰᠢᠭᠤᠸᠠ ᠶ᠋ᠢᠨ ᠠᠮᠲᠠ ᠨᠢ ᠣᠨᠴᠣᠭᠣᠢ
ᠭᠤᠷᠪᠠᠨ ᠠᠯᠳᠠᠬᠤ ᠦᠭᠡᠢ
ᠯᠠᠮᠠ ᠬᠠᠮᠢᠭᠠ ᠣᠴᠢᠪᠠᠴᠤ ᠬᠣᠪᠳᠣᠭ ᠵᠠᠩ ᠢᠶ᠋ᠠᠨ ᠠᠯᠳᠠᠬᠤ ᠦᠭᠡᠢ
ᠯᠣᠶ᠋ᠢᠪᠠᠷᠴᠢᠨ ᠬᠠᠮᠢᠭᠠ ᠶᠠᠪᠤᠪᠠᠴᠤ ᠬᠡᠷᠡᠭ ᠲᠠᠲᠠᠬᠤ ᠪᠠᠨ ᠠᠯᠳᠠᠬᠤ ᠦᠭᠡᠢ
ᠯᠠᠭᠤ ᠬᠠᠮᠢᠭᠠ ᠬᠥᠷᠪᠡᠴᠦ ᠲᠠᠷᠢᠶᠠ ᠲᠠᠰᠤᠯᠬᠤ ᠪᠠᠨ ᠠᠯᠳᠠᠬᠤ ᠦᠭᠡᠢ
ᠭᠤᠷᠪᠠᠨ ᠨᠠᠶ᠋ᠢᠲᠠᠪᠦᠷᠢᠲᠡᠢ
ᠯᠠᠪᠳᠠᠭᠤᠨ ᠳᠣᠭᠲᠠᠭᠤᠨ ᠪᠣᠯ ᠠᠵᠢᠯᠯᠠᠬᠤ ᠳᠤ ᠨᠠᠶ᠋ᠢᠲᠠᠪᠦᠷᠢᠲᠡᠢ
ᠯᠠᠪᠯᠠᠯᠲᠠ ᠬᠢᠨᠠᠯᠲᠠ ᠪᠣᠯ ᠬᠡᠯᠡᠬᠦ ᠳᠦ ᠨᠡᠶ᠋ᠢᠲᠡᠪᠦᠷᠢᠲᠡᠢ
ᠯᠣᠬᠢᠬ ᠵᠦᠢ ᠲᠡᠢ ᠪᠣᠯ ᠪᠠᠷᠢᠮᠲᠠᠯᠠᠬᠤ ᠳᠤ ᠨᠡᠶ᠋ᠢᠲᠡᠪᠦᠷᠢᠲᠡᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ ᠴᠢᠮᠡᠭ ᠂ ᠣᠶᠤᠨᠲᠤᠨᠠᠯ ᠂ ᠬᠠᠲᠠᠴᠢ ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠲᠠᠴᠢ ᠤᠷᠠᠨᠠ