ᠲᠥᠯ ᠦᠨ ᠢᠷᠦᠭᠡᠯ Төлийн ерөөл
347ᠲᠥᠯ ᠦᠨ ᠢᠷᠦᠭᠡᠯ
ᠴᠠᠭ ᠤ᠋ᠨ ᠰᠠᠢᠬᠠᠨ ᠪᠣᠯᠤᠯᠠ
ᠴᠠᠭᠠᠨ ᠴᠢᠨ ᠰᠢᠪᠠᠭᠤ ᠢᠷᠡᠯᠡ
ᠴᠠᠰᠤᠲᠤ ᠠᠭᠤᠯᠠ ᠭᠡᠰᠦᠯᠡ
ᠴᠠᠭᠠᠭᠴᠢ ᠭᠡᠭᠦᠦ ᠤᠨᠠᠭᠠᠯᠠᠯᠠ
ᠴᠠᠭᠯᠠᠰᠢ ᠦᠭᠡᠢ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ
ᠬᠤᠨ ᠰᠢᠪᠠᠭᠤ ᠢᠷᠡᠯᠡ
ᠬᠤᠷᠠ ᠴᠠᠰᠤ ᠬᠡᠰᠦᠯᠡ
ᠬᠤᠯᠠᠭᠴᠢ ᠭᠡᠭᠦᠦ ᠤᠨᠠᠭᠠᠯᠠᠯᠠ
ᠬᠤᠪᠢᠲᠠᠢ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ
ᠠᠩᠭᠢᠷ ᠰᠢᠪᠠᠭᠤ ᠢᠷᠡᠯᠡ
ᠠᠲᠠᠷ ᠭᠠᠵᠠᠷ ᠤ᠋ᠨ ᠨᠣᠭᠣᠭᠠ ᠤᠷᠭᠤᠯᠠ
ᠠᠯᠠᠭᠴᠢ ᠭᠡᠭᠦᠦ ᠤᠨᠠᠭᠠᠯᠠᠯᠠ
ᠠᠰᠢᠳᠠ ᠶ᠋ᠢᠨ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ
ᠬᠣᠩᠭᠣᠷ ᠭᠠᠯᠠᠭᠤ ᠢᠷᠡᠯᠡ
ᠬᠣᠩᠬᠣᠷ ᠤ᠋ᠨ ᠴᠠᠰᠤ ᠬᠡᠰᠦᠯᠡ
ᠬᠣᠩᠭᠣᠷ ᠭᠡᠭᠦᠦ ᠤᠨᠠᠭᠠᠯᠠᠯᠠ
ᠬᠣᠣᠰ ᠦᠭᠡᠢ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ᠃
ᠬᠥᠬᠡᠭᠡ ᠰᠢᠪᠠᠭᠤ ᠢᠷᠡᠯᠡ
ᠬᠦᠷᠦᠭᠰᠡᠨ ᠭᠠᠵᠠᠷ ᠭᠡᠰᠦᠯᠡ
ᠬᠥᠭᠡᠨᠡᠭᠰᠡᠨ ᠬᠤᠷᠠᠭᠠ ᠪᠠᠨ ᠰᠠᠭᠠᠬᠠᠯᠠᠬᠤ
ᠬᠡᠰᠢᠭᠲᠦ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ᠃
ᠳᠡᠯᠳᠡᠩ ᠴᠢᠬᠢ ᠲᠡᠢ ᠬᠥᠷ ᠡᠴᠡ ᠲᠥᠷᠥᠯ ᠢ᠋ᠶ᠋ᠡᠨ
ᠳᠠᠯᠠᠩ ᠶᠡᠬᠡᠲᠦ ᠮᠠᠯ ᠢ᠋ᠶ᠋ᠠᠨ ᠰᠠᠭᠠᠬᠤ
ᠳᠡᠯᠭᠡᠷ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ᠃
ᠤᠯᠢᠶᠠᠰᠤ ᠮᠣᠳᠣ ᠨᠠᠢᠯᠵᠠᠯᠠᠯᠠ
ᠤᠨᠠᠭᠠ ᠳᠠᠭᠠ ᠳᠡᠯᠯᠡᠬᠦ
ᠤᠴᠠᠷᠠᠯᠲᠤ ᠰᠠᠢᠬᠠᠨ ᠴᠠᠭ ᠢᠷᠡᠯᠡ᠃
ᠬᠠᠢᠯᠠᠰᠤ ᠮᠣᠳᠣ ᠨᠠᠢᠯᠵᠠᠯᠠᠯᠠ
ᠬᠠᠮᠤᠭ ᠣᠯᠠᠨ ᠢ᠋ ᠪᠠᠶᠠᠰᠬᠠᠬᠤ
ᠬᠠᠷᠢᠯᠲᠠ ᠦᠭᠡᠢ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ᠃
ᠬᠤᠰᠤ ᠮᠣᠳᠣ ᠨᠠᠢᠯᠵᠠᠯᠠᠯᠠ
ᠬᠣᠨᠢ ᠬᠤᠷᠠᠭᠠ ᠪᠠᠨ ᠬᠢᠷᠭᠠᠬᠤ
ᠬᠣᠣᠰ ᠦᠭᠡᠢ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ᠃
ᠪᠤᠷᠭᠠᠰᠤ ᠮᠣᠳᠣ ᠨᠠᠢᠯᠵᠠᠯᠠᠯᠠ
ᠪᠢᠷᠠᠭᠤ ᠲᠤᠭᠤᠯ ᠢ᠋ᠶ᠋ᠠᠨ ᠵᠡᠯᠡᠯᠡᠬᠦ
ᠪᠤᠶᠠᠨᠲᠠᠢ ᠶᠡᠬᠡ ᠪᠠᠶᠠᠷ ᠪᠣᠯᠤᠯᠠ᠃
ᠪᠣᠢ ᠪᠦᠬᠦᠨ ᠲᠡᠭᠦᠰ
ᠪᠢᠯᠢᠭᠦᠨ ᠰᠠᠢᠬᠠᠨ ᠴᠠᠭ ᠢᠷᠡᠯᠡ
ᠪᠢᠯᠢᠭ ᠪᠢᠯᠢᠭ ᠦ᠋ᠨ ᠳᠡᠭᠡᠳᠦ ᠪᠣᠯᠭᠠᠵᠤ
ᠪᠡᠯᠡᠭ ᠢᠷᠦᠭᠡᠯ ᠢ᠋ᠶ᠋ᠡᠨ ᠲᠠᠯᠪᠢᠶᠠ᠃
ᠪᠢᠲᠡᠭᠦᠦ ᠲᠤᠭᠤᠷᠠᠢᠲᠠᠨ ᠨᠢ ᠪᠦᠷᠢᠳᠲᠦᠭᠡᠢ
ᠪᠦᠷᠬᠦᠭᠡᠷ ᠬᠤᠨᠳᠠᠭᠠ ᠨᠢ ᠳᠦᠭᠦᠷᠡᠲᠦᠭᠡᠢ
ᠪᠦᠭᠦᠳᠡ ᠣᠯᠠᠨ ᠢ᠋ᠶ᠋ᠠᠷ ᠨᠡᠷᠡᠲᠦᠭᠡᠢ᠃
ᠠᠴᠠ ᠲᠤᠭᠤᠷᠠᠢᠲᠠᠨ ᠨᠢ ᠠᠷᠪᠢᠵᠢᠲᠤᠭᠠᠢ
ᠠᠶᠠᠭᠠ ᠰᠢᠨᠠᠭᠠ ᠨᠢ ᠴᠡᠯᠡᠯᠵᠡᠲᠦᠭᠡᠢ
ᠠᠷᠠᠳ ᠵᠤᠨ ᠨᠢ ᠮᠥᠩᠬᠡᠷᠡᠰᠦᠭᠡᠢ᠃
ᠬᠥᠪᠡᠭᠦᠨ ᠦᠷᠡ ᠨᠢ ᠥᠨᠢᠷ ᠪᠣᠯᠲᠤᠭᠠᠢ
ᠥᠬᠢᠨ ᠦᠷᠡ ᠨᠢ ᠣᠯᠠᠨ ᠪᠣᠯᠲᠤᠭᠠᠢ
ᠰᠦᠮᠪᠦᠷ ᠠᠭᠤᠯᠠ ᠮᠡᠲᠦ ᠪᠠᠲᠤ ᠪᠣᠯᠲᠤᠭᠠᠢ
ᠰᠦᠨ ᠳᠠᠯᠠᠢ ᠮᠡᠲᠦ ᠭᠦᠨ ᠪᠣᠯᠲᠤᠭᠠᠢ
ᠰᠠᠷᠠ ᠨᠠᠷᠠ ᠮᠡᠲᠦ ᠭᠡᠷᠡᠯᠲᠡᠢ ᠪᠣᠯᠲᠤᠭᠠᠢ
ᠰᠠᠪᠠ ᠶᠢᠷᠲᠢᠨᠴᠦ ᠮᠡᠲᠦ ᠠᠭᠤᠤ ᠪᠣᠯᠲᠤᠭᠠᠢ
ᠡᠳᠦᠷ ᠪᠦᠷᠢ
ᠥᠯᠵᠡᠢ ᠬᠤᠲᠤᠭ ᠨᠡᠮᠡᠲᠦᠭᠡᠢ
ᠰᠠᠷᠠ ᠪᠦᠷᠢ
ᠰᠠᠢᠨ ᠪᠤᠶᠠᠨ ᠳᠡᠯᠭᠡᠷᠡᠲᠦᠭᠡᠢ
ᠵᠢᠯ ᠪᠦᠷᠢ
ᠵᠢᠷᠭᠠᠯ ᠪᠠᠶᠠᠷ ᠢᠶᠠᠷ ᠪᠢᠯᠬᠠᠲᠤᠭᠠᠢ᠃