ᠵᠢᠭᠠᠰᠤᠴᠢᠨ ᠤ ᠰᠢᠨᠤᠬᠠᠢ ᠡᠬᠡᠨᠡᠷЗагасчны шунахай эхнэр
737ᠵᠢᠭᠠᠰᠤᠴᠢᠨ ᠤ ᠰᠢᠨᠤᠬᠠᠢ ᠡᠬᠡᠨᠡᠷ
ᠨᠢᠭᠡᠨ ᠵᠢᠭᠠᠰᠤᠴᠢᠨ ᠡᠷᠡ ᠭᠡᠷᠭᠡᠢ ᠲᠡᠢ ᠪᠡᠨ ᠬᠠᠮᠲᠤ ᠪᠠᠷ ᠵᠠᠬᠠ
ᠦᠭᠡᠢ ᠳᠠᠯᠠᠢ ᠶ᠋ᠢᠨ ᠳᠡᠷᠭᠡᠳᠡ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃ ᠡᠳᠦᠷ ᠪᠦᠷᠢ ᠵᠢᠭᠠᠰᠤᠴᠢᠨ ᠬᠠᠳᠠᠨ ᠰᠡᠬᠡᠭᠡᠨ ᠳᠡᠭᠡᠷᠡ ᠣᠴᠢᠵᠤ ᠠᠮᠢ ᠵᠢᠭᠤᠬᠤ ᠶ᠋ᠢᠨ ᠲᠤᠯᠠᠳᠠ ᠵᠢᠭᠠᠰᠤᠴᠢᠯᠠᠳᠠᠭ ᠪᠠᠢᠵᠠᠢ ᠭᠡᠨᠡ᠂ ᠲᠡᠷᠡ ᠪᠡᠷ ᠡᠭᠡᠯ ᠳᠠᠷᠤᠤ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠳᠤᠷᠠᠲᠠᠢ ᠨᠢᠭᠡᠨ ᠪᠠᠢᠵᠠᠢ᠂ ᠭᠡᠪᠡᠴᠦ ᠡᠬᠡᠨᠡᠷ ᠨᠢ ᠳᠤᠷᠠ ᠦᠭᠡᠢ ᠭᠡᠳᠡᠭ ᠢ᠋ ᠰᠠᠢᠨ ᠮᠡᠳᠡᠳᠡᠭ ᠪᠠᠢᠪᠠ᠃ ᠵᠢᠭᠠᠰᠤᠴᠢᠨ ᠤ᠋ ᠡᠬᠡᠨᠡᠷ ᠴᠠᠭ ᠦᠷᠭᠦᠯᠵᠢ ᠯᠡ ᠠᠭᠤᠷᠯᠠᠳᠠᠭ ᠪᠠᠢᠯᠠ᠃
ᠡᠬᠡᠨᠡᠷ ᠨᠢ᠄《ᠦᠮᠡᠬᠡᠢ ᠣᠪᠣᠬᠠᠢ ᠪᠠᠨ ᠨᠢᠭᠡ ᠬᠠᠷᠠᠭᠠᠴᠢ᠂ ᠡᠨᠡ ᠦᠨᠦᠷ ᠮᠢᠨᠦ ᠪᠡᠶᠡ ᠶ᠋ᠢ ᠡᠪᠡᠳᠬᠡᠵᠦ
ᠪᠠᠢᠨᠠ᠂ ᠡᠳᠦᠷ ᠣᠷᠣᠢ ᠦᠭᠡᠢ ᠴᠡᠪᠡᠷᠯᠡᠭᠡᠳ ᠴᠦ᠍ ᠳᠡᠭᠡᠷᠡᠳᠴᠦ ᠪᠠᠢᠭᠠ ᠶᠠᠭᠤᠮᠠ ᠠᠯᠠᠭᠠ ᠪᠠᠢᠨᠠ》 ᠭᠡᠨᠡ᠃ ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠲᠦ᠍ ᠪᠡᠨ ᠶᠡᠬᠡᠳᠡ ᠬᠠᠢᠷᠠᠲᠠᠢ ᠪᠠᠢᠯᠠ᠃ ᠭᠡᠪᠡᠴᠦ ᠡᠬᠡᠨᠡᠷ ᠨᠢ ᠪᠠᠢᠩᠭᠤ ᠯᠠ ᠭᠣᠮᠣᠳᠠᠯᠠᠳᠠᠭ ᠪᠠᠢᠪᠠ᠃ ᠵᠢᠭᠠᠰᠤ ᠰᠠᠢᠨ ᠪᠠᠷᠢᠭᠳᠠᠭᠰᠠᠨ ᠡᠳᠦᠷ ᠵᠢᠭᠠᠰᠤᠴᠢᠨ ᠬᠣᠶᠠᠷ ᠵᠢᠭᠠᠰᠤ ᠲᠠᠢ ᠭᠡᠷ ᠲᠦ᠍ ᠪᠡᠨ ᠢᠷᠡᠬᠦ ᠳ᠋ᠦ᠍ ᠡᠬᠡᠨᠡᠷ ᠨᠢ ᠭᠤᠷᠪᠠ ᠶ᠋ᠢ ᠱᠠᠭᠠᠷᠳᠠᠳᠠᠭ ᠪᠠᠢᠵᠠᠢ᠃ ᠮᠠᠩᠭᠦ᠋ᠸᠸ ᠠᠪᠴᠢᠷᠠᠬᠤ ᠳ᠋ᠤ᠌ ᠡᠬᠡᠨᠡᠷ ᠨᠢ ᠲᠣᠭᠣᠷ ᠠᠪᠴᠢᠷᠠᠬᠤ ᠶ᠋ᠢ ᠱᠠᠭᠠᠷᠳᠠᠳᠠᠭ ᠪᠠᠢᠪᠠ᠃ ᠶᠠᠭᠠᠬᠢᠵᠤ ᠴᠤ᠌ ᠬᠢᠴᠢᠶᠡᠭᠡᠳ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠠᠶᠠᠷᠯᠠᠭᠤᠯᠵᠤ ᠴᠢᠳᠠᠳᠠᠭ ᠦᠭᠡᠢ ᠪᠠᠢᠵᠠᠢ ᠭᠡᠨᠡ᠃
ᠵᠢᠭᠠᠰᠤᠴᠢᠨ᠄《ᠬᠣᠩᠬᠣᠷ ᠮᠢᠨᠢ ᠴᠢᠮᠠ ᠶ᠋ᠢ ᠵᠢᠷᠭᠠᠯ ᠲᠠᠢ ᠪᠣᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠪᠢ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠣᠢ?》
ᠡᠬᠡᠨᠡᠷ ᠨᠢ《ᠨᠠᠮᠠ ᠶ᠋ᠢ ᠡᠨᠡ ᠦᠮᠡᠬᠡᠢ ᠣᠪᠣᠬᠠᠢ ᠠ᠋ᠴᠠ ᠪᠠᠨ ᠭᠠᠷᠭᠠ ᠲᠡᠭᠡᠭᠡᠪᠡᠯ ᠪᠢ ᠵᠢᠷᠭᠠᠯ ᠲᠠᠢ ᠪᠣᠯᠤᠨᠠ᠃》 ᠨᠢᠭᠡᠨ ᠡᠳᠦᠷ ᠵᠢᠭᠠᠰᠤᠴᠢᠨ ᠡᠷᠡ ᠵᠢᠭᠠᠰᠤ ᠪᠠᠷᠢᠬᠤ ᠪᠠᠷ ᠬᠠᠳᠠᠨ ᠬᠢᠰᠠᠭᠠ ᠳ᠋ᠤ᠌ ᠣᠴᠢᠵᠠᠢ ᠭᠡᠨᠡ᠂ ᠳᠠᠯᠠᠢ ᠶ᠋ᠢᠨ ᠤᠰᠤ ᠲᠣᠭᠲᠠᠭᠤᠨ ᠲᠤᠩᠭᠠᠯᠠᠭ ᠪᠠᠢᠯᠠ᠃ ᠲᠡᠷᠡ ᠪᠡᠷ ᠵᠢᠭᠠᠰᠤᠨ ᠤ᠋ ᠳᠡᠭᠡᠭᠡ ᠪᠡᠨ ᠳᠠᠯᠠᠢ ᠶ᠋ᠢᠨ ᠭᠦᠨ ᠤᠷᠤᠭᠤ ᠰᠢᠳᠡᠨ ᠬᠦᠯᠢᠶᠡᠵᠦ ᠰᠠᠭᠤᠵᠠᠢ᠂ ᠣᠯᠠᠨ ᠴᠠᠭ ᠥᠩᠭᠡᠷᠡᠵᠦ ᠲᠡᠷᠡ ᠡᠷᠡ ᠶᠠᠳᠠᠷᠠᠵᠤ ᠡᠬᠢᠯᠡᠯᠡ᠃ ᠵᠢᠭᠠᠰᠤᠴᠢᠨ᠄《ᠡᠩ᠁ ᠥᠨᠥᠳᠥᠷ ᠴᠦ᠍ ᠵᠢᠮᠢᠰ ᠢ᠋ᠶ᠋ᠡᠷ ᠭᠣᠣᠯ ᠵᠣᠭᠣᠬᠤ ᠪᠣᠯᠬᠤ ᠨᠢ ᠲᠠ ᠬᠦᠯᠢᠶᠡᠭᠡᠷᠡᠢ᠂!ᠨᠢᠭᠡ ᠵᠦᠢᠯ ᠪᠠᠷᠢᠭᠳᠠᠬᠤ ᠰᠢᠭ᠋ ᠪᠣᠯᠤᠯᠠ᠃ ᠵᠢᠭᠠᠰᠤᠴᠢᠨ ᠳᠡᠭᠡᠭᠡ ᠪᠡᠨ ᠴᠢᠩᠭᠠ ᠠᠳᠬᠤᠨ ᠪᠦᠬᠦ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠠᠲᠠᠲᠠᠵᠤ ᠡᠬᠢᠯᠡᠪᠡ ᠭᠡᠨᠡ᠃ ᠣᠦ ᠶᠡᠬᠡ ᠬᠦᠨᠳᠦ ᠪᠠᠢᠨᠠ ᠰᠢᠦ᠂ᠬᠣᠶᠠᠷ ᠲᠣᠮᠣ ᠵᠢᠭᠠᠰᠤ ᠣᠷᠣᠭᠰᠠᠨ ᠪᠣᠯᠤᠯᠲᠠᠢ᠃ ᠳᠡᠭᠡᠬᠡᠨ ᠳ᠋ᠦ᠍ ᠣᠷᠣᠭᠰᠠᠨ ᠬᠠᠯᠢᠮᠤᠨ ᠵᠢᠭᠠᠰᠤ ᠶ᠋ᠢ ᠬᠠᠷᠠᠭᠠᠳ ᠮᠠᠯ ᠭᠠᠢᠬᠠᠵᠤ ᠣᠷᠬᠢᠪᠠ᠃ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡ ᠲᠡᠢ ᠭᠢᠯᠲᠠᠭᠠᠨᠠᠭᠰᠠᠨ ᠵᠢᠭᠠᠰᠤ ᠪᠠᠢᠪᠠ ᠭᠡᠨᠡ᠃ ᠲᠡᠷᠡ ᠬᠦ᠌ ᠬᠠᠯᠢᠮᠤᠨ ᠵᠢᠭᠠᠰᠤ ᠵᠣᠭᠬᠢᠭᠠᠳ ᠡᠢᠮᠦ ᠬᠦᠨᠳᠦ ᠪᠠᠢᠳᠠᠭ ᠪᠢᠯᠡ᠃ ᠮᠠᠭᠠᠳ ᠦᠭᠡᠢ ᠡᠨᠡ ᠵᠢᠭᠠᠰᠤ ᠬᠡᠲᠦᠷᠬᠡᠢ ᠨᠢᠭᠡ ᠢᠳᠡᠴᠢᠬᠡᠭᠰᠡᠨ ᠪᠠᠢᠬᠠ᠂》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠦᠭᠡᠢ ᠳ᠋ᠠ᠂ ᠵᠢᠭᠠᠰᠤᠴᠢᠨ ᠠ᠋ ᠪᠢ ᠶᠡᠬᠡ ᠢᠳᠡᠭᠰᠡᠨ ᠡᠴᠡ ᠪᠣᠯᠤᠭᠠᠳ ᠪᠤᠰᠤᠳ ᠵᠢᠭᠠᠰᠤᠨ ᠠ᠋ᠴᠠ ᠬᠦᠨᠳᠦ ᠪᠠᠢᠭᠠ ᠶᠤᠮ ᠪᠢᠰᠢ》 ᠵᠢᠭᠠᠰᠤᠴᠢᠨ᠄《ᠶᠠᠭᠤ᠂ ᠴᠢ ᠨᠠᠳᠠ ᠲᠠᠢ ᠶᠠᠷᠢᠯᠠ ᠭᠡᠵᠦ ᠦᠦ?ᠶᠠᠭᠤ ᠪᠣᠯᠬᠤ ᠨᠢ ᠡᠨᠡ ᠪᠣᠢ᠂ ᠮᠢᠨᠦ ᠨᠡᠷᠡ ᠶ᠋ᠢ ᠶᠠᠭᠠᠬᠢᠵᠤ ᠮᠡᠳᠡᠭᠰᠡᠨ ᠪᠣᠢ? 》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠢ ᠲᠠᠨ ᠤ᠋ ᠲᠤᠬᠠᠢ ᠥᠭᠡᠷᠡ ᠣᠯᠠᠨ ᠵᠦᠢᠯ ᠢ᠋ ᠮᠡᠳᠡᠨᠡ᠂ ᠪᠢ ᠪᠣᠯ ᠵᠢᠷ ᠤᠨ ᠨᠢᠭᠡ ᠵᠢᠭᠠᠰᠤ ᠪᠢᠰᠢ᠂ ᠪᠢ ᠪᠣᠯ ᠷᠢᠳᠢ ᠰᠢᠳᠢᠲᠡᠢ ᠬᠠᠭᠠᠨ ᠤ᠋ ᠬᠦᠦ ᠨᠠᠮᠠ ᠶ᠋ᠢ ᠰᠤᠯᠠ ᠲᠠᠯᠪᠢᠭᠠᠴᠢ ᠳ᠋ᠠ᠂ ᠨᠠᠮᠠ ᠶ᠋ᠢ ᠢᠳᠡᠯᠡ ᠭᠡᠬᠦ ᠳ᠋ᠦ᠍ ᠪᠢ ᠰᠠᠢᠬᠠᠨ ᠠᠮᠲᠠᠲᠠᠢ ᠬᠣᠭᠣᠯᠠ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠭᠤᠶᠤᠶᠠ ᠨᠠᠮᠠ ᠶ᠋ᠢ ᠪᠢᠲᠡᠭᠡᠢ ᠠᠯᠠᠭᠠᠴᠢ ᠳ᠋ᠠ᠃》 ᠵᠢᠭᠠᠰᠤᠴᠢᠨ᠄《ᠥᠭᠡᠷᠡ ᠶᠠᠭᠤ ᠴᠤ᠌ ᠶᠠᠷᠢᠬᠤ ᠬᠡᠷᠡᠭ ᠦᠭᠡᠢ᠂ ᠪᠢ ᠶᠠᠭᠠᠬᠢᠭᠰᠠᠨ ᠴᠤ᠌ ᠶᠠᠷᠢᠳᠠᠭ ᠵᠢᠭᠠᠰᠤ ᠠᠯᠠᠬᠤ ᠦᠭᠡᠢ᠂ ᠪᠢ ᠴᠢᠮᠠ ᠶ᠋ᠢ ᠰᠤᠯᠠ ᠲᠠᠯᠪᠢᠨᠠ᠃》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠠ! ᠪᠠᠶᠠᠷᠯᠠᠯᠠ!》 ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠲᠦ᠍ ᠪᠡᠨ ᠵᠢᠭᠠᠰᠤᠨ ᠤ᠋ ᠲᠤᠬᠠᠢ ᠬᠡᠯᠡᠨᠡ ᠭᠡᠬᠦ ᠡᠴᠡ ᠪᠠᠢᠵᠤ ᠶᠠᠳᠠᠵᠤ ᠪᠠᠢᠨᠠ᠃ ᠥᠨᠥᠳᠥᠷ ᠡᠬᠡᠨᠡᠷ ᠲᠦ᠍ ᠪᠡᠨ ᠥᠭᠬᠦ ᠨᠢᠭᠡ ᠴᠦ᠍ ᠵᠢᠭᠠᠰᠤ ᠪᠠᠷᠢᠭᠠ ᠦᠭᠡᠢ ᠭᠡᠳᠡᠭ ᠢ᠋ᠶ᠋ᠡᠨ ᠤᠮᠠᠷᠲᠠᠨ ᠭᠡᠷ ᠤᠷᠤᠭᠤ ᠪᠠᠨ ᠶᠠᠭᠠᠷᠠᠨ ᠭᠦᠶᠦᠯᠡ᠃ ᠵᠢᠭᠠᠰᠤᠴᠢᠨ᠄《ᠬᠣᠩᠭᠣᠷ ᠮᠢᠨᠢ ᠂ᠪᠢ ᠴᠢᠮᠠ ᠳ᠋ᠤ᠌ ᠨᠢᠭᠡᠨ ᠢᠲᠡᠭᠡᠮᠡᠷ ᠦᠭᠡᠢ ᠦᠯᠢᠭᠡᠷ ᠬᠡᠯᠡᠬᠦ ᠪᠡᠷ ᠶᠠᠭᠠᠷᠠᠭᠠᠳ ᠢᠷᠡᠯᠡ᠃》 ᠡᠬᠡᠨᠡᠷ᠄《ᠶᠠᠭᠤ᠂ ᠥᠨᠥᠳᠥᠷ ᠵᠢᠭᠠᠰᠤ ᠪᠠᠷᠢᠭᠠ ᠦᠭᠡᠢ ᠶᠦᠮ ᠦᠦ?》 ᠵᠢᠭᠠᠰᠤᠴᠢᠨ᠄《 ᠣ ᠂ ᠦᠭᠡᠢ ᠳ᠋ᠠ᠂ ᠪᠢ ᠬᠠᠯᠢᠮᠤᠨ ᠵᠢᠭᠠᠰᠤ ᠪᠠᠷᠢᠭᠰᠠᠨ᠂ ᠶᠠᠷᠢᠳᠠᠭ ᠵᠢᠭᠠᠰᠤ᠂ ᠲᠡᠷᠡ ᠥᠪᠡᠷ ᠢ᠋ ᠪᠡᠨ ᠷᠢᠳᠢ ᠰᠢᠳᠢᠲᠡᠢ ᠬᠠᠭᠠᠨ ᠬᠦᠦ ᠭᠡᠵᠦ ᠨᠠᠳᠠ ᠳ᠋ᠤ᠌ ᠬᠡᠯᠡᠭᠰᠡᠨ᠃》 ᠡᠬᠡᠨᠡᠷ᠄《ᠶᠠᠭᠤ? ᠲᠡᠭᠡᠭᠡᠳ ᠶᠠᠭᠤ ᠪᠣᠯᠤᠭᠰᠠᠨ ᠪᠣᠢ?》 ᠵᠢᠭᠠᠰᠤᠴᠢᠨ᠄《ᠲᠡᠭᠡᠭᠡᠳ ᠪᠢ ᠰᠤᠯᠠ ᠲᠠᠯᠪᠢᠴᠢᠬᠠᠭᠰᠠᠨ᠂ ᠣᠳᠣ ᠲᠡᠷᠡ ᠵᠢᠭᠠᠰᠤ ᠳᠠᠯᠠᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠶᠠᠪᠤᠵᠤ ᠪᠠᠢᠭᠠ᠃》
ᠡᠬᠡᠨᠡᠷ᠄《ᠴᠢ ᠷᠢᠳᠢ ᠰᠢᠳᠢᠲᠡᠢ ᠵᠢᠭᠠᠰᠤ ᠪᠠᠷᠢᠭᠰᠠᠨ᠂ ᠬᠢᠷᠢᠨᠠ ᠵᠦᠭᠡᠷ ᠰᠤᠯᠠ ᠲᠠᠯᠪᠢᠴᠢᠬᠠᠭᠰᠠᠨ ᠬᠡᠷᠡᠭ ᠦᠦ?᠂ ᠶᠠᠭᠠᠬᠢᠭᠠᠳ ᠰᠤᠯᠠ ᠲᠠᠯᠪᠢᠵᠤ ᠪᠠᠢᠭᠠ ᠶᠤᠮ ᠪᠣᠢ? ᠪᠢᠳᠡ ᠶᠠᠳᠠᠭᠤ ᠥᠯᠥᠰᠬᠦᠯᠡᠩ ᠠᠮᠢᠳᠤᠷᠠᠵᠤ ᠪᠠᠢᠨᠠ᠂ ᠪᠢᠳᠡ ᠦᠮᠡᠬᠡᠢ ᠣᠪᠣᠬᠠᠢ ᠳ᠋ᠤ᠌ ᠠᠮᠢᠳᠤᠷᠠᠵᠤ ᠪᠠᠢᠨᠠ᠂ ᠶᠠᠳᠠᠵᠤ ᠠᠷᠠᠢ ᠳᠡᠭᠡᠷᠡ ᠪᠠᠢᠰᠢᠩ ᠭᠤᠶᠤᠵᠤ ᠪᠣᠯᠤᠭᠰᠠᠨ ᠦᠭᠡᠢ ᠦᠦ?》
ᠵᠢᠭᠠᠰᠤᠴᠢᠨ᠄《ᠲᠡᠷᠡ ᠵᠢᠭᠠᠰᠤ ᠶᠠᠭᠠᠬᠢᠵᠤ ᠨᠠᠳᠠ ᠳ᠋ᠤ᠌ ᠪᠠᠢᠰᠢᠩ ᠥᠭᠴᠦ ᠴᠢᠳᠠᠨᠠ ᠭᠡᠵᠢ᠂ ᠴᠢᠳᠠᠬᠤ ᠦᠭᠡᠢ ᠰᠢᠳᠡ ᠪᠢᠳᠡ ᠪᠠᠢᠭᠠ ᠵᠦᠢᠯ ᠳ᠋ᠡᠭᠡᠨ ᠰᠡᠳᠬᠢᠯ ᠬᠠᠩᠬᠤᠯᠤᠨ ᠠᠮᠢᠳᠤᠷᠠᠬᠤ ᠶᠣᠰᠣᠲᠠᠢ ᠃》
ᠡᠬᠡᠨᠡᠷ᠄《ᠪᠢ ᠰᠢᠨᠡ ᠪᠠᠢᠰᠢᠩ ᠳ᠋ᠤ᠌ ᠠᠮᠢᠳᠤᠷᠠᠪᠠᠯ ᠠᠵᠠ ᠵᠢᠷᠭᠠᠯᠲᠠᠢ ᠪᠣᠯᠤᠨᠠ᠃ ᠴᠢ ᠥᠪᠡᠷ ᠢ᠋ᠶ᠋ᠡᠨ ᠯᠡ ᠲᠡᠷᠡ ᠵᠢᠭᠠᠰᠤ ᠶ᠋ᠢ ᠷᠢᠳᠢ ᠰᠢᠳᠢ ᠬᠠᠭᠠᠨ ᠬᠦᠦ ᠬᠡ ᠪᠢᠵᠡ ᠳᠠ᠂ ᠴᠢ ᠠᠮᠢ ᠶ᠋ᠢ ᠨᠢ ᠬᠡᠯᠲᠦᠷᠢᠭᠦᠯᠦᠭᠰᠡᠨ᠂ ᠡᠨᠡ ᠵᠡᠷᠭᠡ ᠶ᠋ᠢᠨ ᠬᠦᠰᠡᠯ ᠢ᠋ ᠴᠢᠨᠢ ᠪᠡᠶᠡᠯᠡᠭᠦᠯᠵᠦ ᠯᠡ ᠳᠠᠭᠠᠷᠠᠭᠠ᠃ ᠪᠤᠴᠠᠵᠤ ᠶᠠᠪᠤᠭᠠᠳ ᠲᠡᠭᠦᠨ ᠡᠴᠡ ᠪᠠᠢᠰᠢᠩ ᠭᠣᠶᠣ!》
ᠨᠥᠬᠥᠷ ᠡᠷᠭᠢᠯᠳᠦᠵᠦ ᠪᠠᠢᠭᠰᠠᠨ ᠬᠡᠳᠦᠢ ᠴᠦ᠍ ᠳᠠᠯᠠᠢ ᠶ᠋ᠢᠨ ᠡᠷᠭᠢ ᠤᠷᠤᠭᠤ ᠪᠤᠴᠠᠵᠤ ᠣᠴᠢᠯᠠ᠂ ᠳᠠᠯᠠᠢ ᠶ᠋ᠢᠨ ᠤᠰᠤ ᠨᠣᠭᠣᠭᠠᠨ ᠰᠢᠷᠭᠠᠯ ᠲᠤᠶᠠᠭᠠ ᠲᠠᠢ ᠪᠣᠯᠤᠭᠰᠠᠨ ᠪᠠᠢᠭᠠ ᠶ᠋ᠢ ᠬᠠᠷᠠᠭᠠᠳ ᠵᠢᠭᠠᠰᠤᠴᠢᠨ ᠮᠠᠯ ᠭᠠᠢᠬᠠᠪᠠ᠃ ᠵᠢᠭᠠᠰᠤᠴᠢᠨ᠄《ᠰᠢᠳᠢᠲᠦ ᠵᠢᠭᠠᠰᠤ ᠮᠢᠨᠢ! ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ?》 ᠰᠢᠳᠢᠲᠦ ᠵᠢᠭᠠᠰᠤ ᠵᠢᠭᠠᠰᠤᠴᠢᠨ ᠢ᠋ ᠡᠷᠭᠢᠨ ᠢᠷᠡᠬᠦ ᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠮᠡᠲᠦ ᠲᠡᠷᠡ ᠳᠠᠷᠤᠢ ᠳ᠋ᠤ᠌ ᠳᠠᠯᠠᠢ ᠶ᠋ᠢᠨ ᠭᠠᠳᠠᠷᠭᠤ ᠳᠡᠭᠡᠷᠡ ᠢᠯᠡ ᠭᠠᠷᠴᠤ ᠢᠷᠡᠪᠡ᠃ ᠵᠢᠭᠠᠰᠤᠴᠢᠨ᠄《ᠡᠬᠡᠨᠡᠷ ᠮᠢᠨᠢ ᠰᠡᠳᠬᠢᠯ ᠳᠤᠨᠳᠠᠭᠤᠷ ᠪᠠᠢᠨᠠ᠃
ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠡᠬᠡᠨᠡᠷ ᠴᠢᠨᠢ ᠶᠠᠭᠤ ᠬᠦᠰᠡᠪᠡ ᠪᠣᠢ?》 ᠵᠢᠭᠠᠰᠤᠴᠢᠨ᠄《ᠰᠢᠨᠡ ᠪᠠᠢᠰᠢᠩ ᠲᠠᠢ ᠪᠣᠯᠤᠮᠠᠷ ᠪᠠᠢᠨᠠ ᠭᠡᠨᠡ᠃》
ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠤᠴᠠᠭᠠᠳ ᠶᠠᠪᠤ ᠳᠠ᠂ ᠡᠬᠡᠨᠡᠷ ᠦ᠋ᠨ ᠴᠢᠨᠢ ᠬᠦᠰᠡᠯ ᠪᠡᠶᠡᠯᠡᠭᠰᠡᠨ᠂》 ᠵᠢᠭᠠᠰᠤᠴᠢᠨ ᠭᠡᠷ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠣᠴᠢᠲᠠᠯᠠ ᠡᠬᠡᠨᠡᠷ ᠨᠢ ᠰᠢᠨᠡᠬᠡᠨ ᠰᠠᠢᠬᠠᠨ ᠪᠠᠢᠰᠢᠩ ᠤ᠋ᠨ ᠢ᠋ᠶ᠋ᠠᠨ ᠮᠣᠳᠣᠨ ᠬᠠᠭᠠᠯᠭᠠᠨ ᠤ᠋ ᠳᠡᠷᠭᠡᠳᠡ ᠵᠣᠭᠰᠣᠵᠤ ᠪᠠᠢᠪᠠ᠂ ᠴᠡᠪᠡᠷ ᠴᠡᠮᠴᠡᠭᠡᠷ ᠳᠣᠬᠢ ᠲᠤᠬᠠᠲᠠᠢ ᠪᠠᠢᠰᠢᠩ ᠲᠡᠳᠡᠨ ᠢ᠋ ᠤᠭᠲᠤᠪᠠ ᠭᠣᠶᠣ ᠦᠵᠡᠯᠭᠡ ᠲᠠᠪᠢᠯᠭᠠ ᠢᠯᠡ ᠵᠤᠤᠬᠠ ᠪᠠᠢᠭᠠ ᠬᠠᠷᠠᠭᠳᠠᠨᠠ᠃
ᠡᠬᠡᠨᠡᠷ ᠨᠢ᠄《ᠬᠣᠩᠭᠣᠷ ᠮᠢᠨᠢ ᠬᠠᠷᠠᠭᠠᠴᠢ᠂ ᠡᠨᠡ ᠪᠠᠢᠰᠢᠩ ᠬᠠᠪᠢ ᠦᠭᠡᠢ ᠲᠣᠮᠣ ᠪᠠᠰᠠ ᠴᠡᠪᠡᠷ ᠴᠡᠮᠴᠡᠭᠡᠷ ᠶᠦᠮ᠃》 ᠵᠢᠭᠠᠰᠤᠴᠢᠨ᠄《ᠲᠡᠢᠮᠦ ᠰᠢᠦ᠂ ᠪᠢᠳᠡᠨ ᠳ᠋ᠦ᠍ ᠪᠠᠰᠠ ᠵᠤᠤᠬᠠ ᠪᠠᠢᠨᠠ᠂ ᠡᠨᠡ ᠦᠨᠡᠬᠡᠷ ᠰᠠᠢᠬᠠᠨ ᠪᠢᠰᠢ ᠭᠡᠵᠢ ᠦᠦ᠂ ᠴᠢ ᠣᠳᠣ ᠵᠢᠷᠭᠠᠯᠲᠠᠢ ᠪᠠᠢᠨᠠ ᠤᠤ ᠡᠨᠳᠡ ᠨᠠᠰᠤᠨ ᠲᠤᠷᠰᠢᠳᠠ ᠪᠠᠨ ᠠᠮᠢᠳᠤᠷᠠᠵᠤ ᠪᠣᠯᠤᠨᠠ ᠪᠢᠵᠡ ᠳᠠ᠃》 ᠡᠬᠡᠨᠡᠷ᠄《ᠨᠠᠰᠤᠨ ᠲᠤᠷᠰᠢᠲᠠ! ᠡᠩ᠂ ᠬᠠᠷᠠᠨ ᠪᠠᠢᠵᠤ ᠪᠣᠯᠤᠶᠠ᠂ ᠬᠣᠭᠣᠯᠠ ᠪᠠᠨ ᠢᠳᠡᠭᠡᠳ ᠣᠷᠣᠨ ᠳ᠋ᠤ᠌ ᠪᠠᠨ ᠣᠷᠣᠵᠠᠭᠠᠶᠠ᠃》 ᠲᠡᠷᠡ ᠰᠥᠨᠢ ᠡᠬᠡᠨᠡᠷ ᠨᠢ ᠲᠠᠢᠪᠤᠩ ᠤᠨᠲᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠶᠠᠭᠤ ᠥᠪᠡᠷ ᠢ᠋ ᠨᠢ ᠠᠵᠠ ᠵᠢᠷᠭᠠᠯᠲᠠᠢ ᠪᠣᠯᠭᠠᠬᠤ ᠶ᠋ᠢ ᠪᠣᠳᠣᠨ ᠲᠣᠯᠣᠭᠠᠢ ᠪᠠᠨ ᠪᠢᠰᠢᠯᠭᠠᠵᠤ ᠪᠠᠢᠯᠠ᠂ ᠲᠡᠷᠡ ᠥᠷᠯᠥᠭᠡ ᠡᠷᠲᠡ ᠬᠣᠭᠣᠯᠠᠨ ᠤ᠋ ᠰᠢᠷᠡᠭᠡᠨ ᠦ᠌ ᠠᠷᠤ ᠳ᠋ᠤ᠌ ᠨᠥᠬᠥᠷ ᠢ᠋ᠶ᠋ᠡᠨ ᠬᠦᠯᠢᠶᠡᠨ ᠰᠠᠭᠤᠵᠤ ᠪᠠᠢᠪᠠ ᠭᠡᠨᠡ᠃ ᠡᠬᠡᠨᠡᠷ᠄《ᠥᠷᠯᠥᠭᠡᠨ ᠦ᠌ ᠮᠡᠨᠳᠦ᠂ ᠨᠥᠬᠥᠷ ᠮᠢᠨᠢ ᠰᠣᠨᠣᠰᠤᠭᠠᠴᠢ᠂ ᠡᠨᠡ ᠪᠠᠢᠰᠢᠩ ᠪᠢᠳᠡᠨ ᠳ᠋ᠦ᠍ ᠵᠢᠵᠢᠭᠳᠡᠬᠦ ᠶᠦᠮ ᠪᠠᠢᠨᠠ᠂ ᠪᠢ ᠣᠷᠳᠣᠨ ᠲᠠᠢ ᠪᠣᠯᠤᠮᠠᠷ ᠪᠠᠢᠨᠠ᠂ ᠪᠠᠰᠠ ᠬᠠᠲᠤᠨ ᠬᠠᠭᠠᠨ ᠪᠣᠯᠤᠮᠠᠷ ᠪᠠᠢᠨᠠ᠂ ᠰᠢᠳᠢᠲᠦ ᠵᠢᠭᠠᠰᠤ ᠤᠷᠤᠭᠤ ᠣᠴᠢᠭᠠᠳ ᠪᠢᠳᠡᠨ ᠳ᠋ᠦ᠍ ᠣᠷᠳᠣᠨ ᠥᠭᠭᠦᠭᠡᠴᠢ ᠭᠡᠵᠦ ᠭᠣᠶᠣ᠃》 ᠵᠢᠭᠠᠰᠤᠴᠢᠨ᠄《ᠴᠢ ᠶᠠᠭᠠᠬᠢᠭᠠᠳ ᠬᠠᠲᠤᠨ ᠬᠠᠭᠠᠨ ᠪᠣᠯᠬᠤ ᠶ᠋ᠢ ᠬᠦᠰᠡᠭᠡ ᠪᠣᠢ? ᠡᠨᠡ ᠪᠦᠬᠦᠨ ᠪᠢᠳᠡᠨ ᠳ᠋ᠦ᠍ ᠬᠠᠩᠭᠠᠯᠲᠠᠲᠠᠢ ᠰᠢᠦ ᠳ᠋ᠠ᠃》 ᠡᠬᠡᠨᠡᠷ ᠨᠢ᠄《ᠡᠭᠦᠨ ᠢ᠋ ᠵᠥᠪᠬᠡᠨ ᠪᠢ ᠰᠢᠢᠳᠦᠨᠡ᠂ ᠰᠢᠳᠢᠲᠦ ᠵᠢᠭᠠᠰᠤ ᠲᠠᠢ ᠠᠭᠤᠯᠵᠠᠵᠤ ᠨᠠᠮᠠ ᠶ᠋ᠢ ᠬᠠᠭᠠᠨ ᠬᠠᠲᠤᠨ ᠪᠣᠯᠭᠠ》 ᠨᠥᠬᠥᠷ ᠨᠢ ᠡᠷᠡᠭᠡᠯᠵᠡᠭᠰᠡᠨ ᠦᠭᠡᠢ ᠳᠠᠯᠠᠢ ᠶ᠋ᠢ ᠴᠢᠭᠯᠡᠨ ᠠᠯᠬᠤᠯᠠ᠂ ᠳᠠᠯᠠᠢ ᠶ᠋ᠢᠨ ᠤᠰᠤ ᠦᠵᠦᠮ ᠦ᠋ᠨ ᠶᠠᠭᠠᠨ ᠥᠩᠭᠡ ᠲᠡᠢ ᠪᠣᠯᠵᠤ ᠰᠠᠯᠬᠢ ᠢᠰᠬᠡᠷᠦᠭᠰᠡᠨ ᠡᠳᠦᠷ ᠪᠠᠢᠯᠠ᠃ ᠵᠢᠭᠠᠰᠤᠴᠢᠨ᠄《ᠰᠢᠳᠢᠲᠦ ᠵᠢᠭᠠᠰᠤ ᠮᠢᠨᠢ! ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ᠁ ᠡᠬᠡᠨᠡᠷ ᠮᠠᠨᠢ ᠰᠡᠳᠬᠢᠯ ᠳᠤᠨᠳᠠᠭᠤᠷ ᠪᠠᠢᠨᠠ᠃》 ᠬᠠᠯᠢᠮᠤᠨ ᠵᠢᠭᠠᠰᠤ!《ᠡᠬᠡᠨᠡᠷ ᠴᠢᠨᠢ ᠶᠠᠭᠤ ᠬᠦᠰᠡᠭᠡ ᠪᠣᠢ?》 ᠵᠢᠭᠠᠰᠤᠴᠢᠨ᠄《ᠥᠪᠡᠷ ᠦ᠋ᠨ ᠭᠡᠰᠡᠨ ᠣᠷᠳᠣᠨ ᠲᠠᠢ ᠬᠠᠲᠤᠨ ᠬᠠᠭᠠᠨ ᠪᠣᠯᠤᠮᠠᠷ ᠪᠠᠢᠨᠠ ᠭᠡᠨᠡ᠃》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠤᠴᠠᠭᠠᠳ ᠶᠠᠪᠤ ᠳᠠ᠂ ᠡᠬᠡᠨᠡᠷ ᠦ᠋ᠨ ᠴᠢᠨᠢ ᠬᠦᠰᠡᠯ ᠪᠡᠶᠡᠯᠡᠭᠰᠡᠨ᠃》 ᠨᠥᠬᠥᠷ ᠭᠡᠷ ᠲᠦ᠍ ᠪᠡᠨ ᠪᠤᠴᠠᠨ ᠣᠴᠢᠲᠠᠯᠠ ᠰᠢᠨᠡ ᠪᠠᠢᠰᠢᠩ ᠨᠢ ᠠᠯᠠᠭᠠ ᠪᠣᠯᠵᠤ ᠣᠷᠣᠨ ᠳ᠋ᠤ᠌ ᠨᠢ ᠲᠣᠮᠣ ᠭᠠᠤᠯᠢᠨ ᠬᠠᠭᠠᠯᠭᠠ ᠲᠠᠢ ᠨᠦᠰᠡᠷ ᠣᠷᠳᠣᠨ ᠰᠦᠨᠳᠡᠷᠯᠡᠵᠦ ᠪᠠᠢᠬᠤ ᠨᠢ ᠲᠡᠷᠡ᠂ ᠬᠠ ᠰᠠᠢ ᠦᠭᠡᠢ ᠵᠠᠷᠤᠴᠠ ᠰᠢᠪᠡᠭᠴᠢᠨ ᠨᠦ᠍ᠭᠦᠳ ᠶᠠᠭᠠᠷᠠᠨ ᠭᠦᠶᠦᠯᠳᠦᠵᠦ ᠪᠠᠢᠯᠠ᠂ ᠰᠡᠩᠲᠡᠢ ᠳ᠋ᠦ᠍ ᠡᠬᠡᠨᠡᠷ ᠨᠢ ᠰᠠᠭᠤᠵᠤ ᠪᠠᠢᠭᠠ ᠶ᠋ᠢ ᠵᠢᠭᠠᠰᠤᠴᠢᠨ ᠬᠠᠷᠠᠯᠠ ᠲᠣᠯᠣᠭᠠᠢ ᠳ᠋ᠤ᠌ ᠪᠠᠨ ᠲᠢᠲᠢᠮ ᠵᠡᠭᠦᠭᠰᠡᠨ ᠪᠠᠢᠪᠠ᠃ ᠵᠢᠭᠠᠰᠤᠴᠢᠨ᠄《ᠴᠢ ᠢᠩᠬᠢᠭᠳ ᠬᠠᠲᠤᠨ ᠬᠠᠭᠠᠨ ᠪᠣᠯᠤᠯᠠ᠃》 ᠡᠬᠡᠨᠡᠷ ᠨᠢ᠄《ᠲᠡᠢᠮᠦ ᠠ᠋᠂ ᠪᠢ ᠪᠣᠯ ᠬᠠᠲᠤᠨ ᠬᠠᠭᠠᠨ!》 ᠵᠢᠭᠠᠰᠤᠴᠢᠨ᠄《ᠡᠨᠡ ᠰᠠᠢᠬᠠᠨ ᠪᠢᠰᠢ ᠭᠡᠵᠢ ᠦᠦ? ᠴᠢ ᠣᠳᠣ ᠵᠢᠷᠭᠠᠯ ᠲᠠᠢ ᠪᠠᠢᠨᠠ ᠤᠤ?》 ᠡᠬᠡᠨᠡᠷ ᠨᠢ᠄《ᠡᠩ᠁ ᠦᠭᠡᠢ᠁ ᠬᠠᠲᠤᠨ ᠬᠠᠭᠠᠨ ᠪᠣᠯᠬᠤ ᠬᠠᠩᠭᠠᠯᠲᠠᠲᠠᠢ ᠪᠢᠰᠢ ᠪᠢ ᠡᠵᠡᠨ ᠬᠠᠭᠠᠨ ᠪᠣᠯᠤᠮᠠᠷ ᠪᠠᠢᠨᠠ᠃》 ᠵᠢᠭᠠᠰᠤᠴᠢᠨ᠄《ᠠ! ᠶᠠᠭᠤ? ᠪᠢ ᠶᠠᠭᠤ ᠪᠣᠳᠣᠵᠤ ᠪᠠᠢᠭᠠ ᠶ᠋ᠢ ᠴᠢᠨᠢ ᠮᠡᠳᠡᠵᠦ ᠪᠠᠢᠨᠠ᠂ ᠰᠢᠳᠢᠲᠦ ᠵᠢᠭᠠᠰᠤ ᠴᠢᠮᠠ ᠶ᠋ᠢ ᠬᠠᠭᠠᠨ ᠪᠣᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠡᠨᠡ ᠴᠢᠨᠢ ᠪᠣᠯᠤᠮᠵᠢ ᠦᠭᠡᠢ᠂》 ᠡᠬᠡᠨᠡᠷ ᠨᠢ᠄《ᠴᠢ ᠡᠭᠦᠨ ᠢ᠋ ᠮᠡᠳᠡᠬᠦ ᠲᠡᠷᠡ ᠵᠢᠭᠠᠰᠤᠨ ᠳᠡᠭᠡᠷᠡ ᠪᠡᠨ ᠣᠴᠢᠭᠠᠳ ᠨᠠᠮᠠ ᠶ᠋ᠢ ᠡᠵᠡᠨ ᠬᠠᠭᠠᠨ ᠪᠣᠯᠭᠠᠭᠠᠳ ᠥᠭ᠃》 ᠵᠢᠭᠠᠰᠤᠴᠢᠨ ᠡᠷᠡᠭᠡᠯᠵᠡᠭᠰᠡᠨ ᠦᠭᠡᠢ ᠳᠠᠯᠠᠢ ᠶ᠋ᠢ ᠴᠢᠭᠯᠡᠨ ᠠᠯᠬᠤᠯᠠ᠂ ᠳᠠᠯᠠᠢ ᠶ᠋ᠢᠨ ᠤᠰᠤ ᠬᠦᠷᠡᠩ ᠥᠩᠭᠡ ᠲᠡᠢ ᠪᠣᠯᠤᠭᠰᠠᠨ ᠪᠠᠢᠬᠤ ᠶ᠋ᠢ ᠬᠠᠷᠠᠨ ᠭᠠᠢᠬᠠᠨ ᠬᠡᠰᠡᠭ ᠵᠣᠭᠰᠣᠭᠠᠳ᠂ ᠵᠢᠭᠠᠰᠤᠴᠢᠨ᠄《ᠰᠢᠳᠢᠲᠦ ᠵᠢᠭᠠᠰᠤ ᠮᠢᠨᠢ! ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ᠁ ᠡᠬᠡᠨᠡᠷ ᠮᠢᠨᠢ ᠰᠡᠳᠬᠢᠯ ᠳᠤᠨᠳᠠᠭᠤᠷ ᠪᠠᠢᠨᠠ᠂᠃》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠡᠬᠡᠨᠡᠷ ᠴᠢᠨᠢ ᠶᠠᠭᠤ ᠬᠦᠰᠡᠭᠡ ᠪᠣᠢ?》 ᠵᠢᠭᠠᠰᠤᠴᠢᠨ᠄《ᠲᠡᠷᠡ ᠡᠵᠡᠨ ᠬᠠᠭᠠᠨ ᠪᠣᠯᠤᠮᠠᠷ ᠪᠠᠢᠨᠠ ᠭᠡᠨᠡ᠃》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠤᠴᠠᠭᠠᠳ ᠶᠠᠪᠤ ᠳᠠ! ᠡᠬᠡᠨᠡᠷ ᠦ᠋ᠨ ᠴᠢᠨᠢ ᠬᠦᠰᠡᠯ ᠪᠡᠶᠡᠯᠡᠭᠰᠡᠨ᠃》 ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠮᠢᠨᠢ ᠣᠳᠣ ᠠᠵᠠ ᠵᠢᠷᠭᠠᠯ ᠲᠠᠢ ᠪᠣᠯᠤᠭᠰᠠᠨ ᠪᠣᠯ ᠤᠤ? ᠭᠡᠮᠡᠨ ᠪᠣᠳᠣᠭᠰᠠᠭᠠᠷ ᠪᠤᠴᠠᠨ ᠠᠯᠬᠤᠯᠠ᠃ ᠣᠷᠳᠣᠨ ᠳ᠋ᠤ᠌ ᠲᠤᠯᠵᠤ ᠣᠴᠢᠲᠠᠯᠠ ᠲᠣᠮᠣ ᠭᠠᠤᠯᠢᠨ ᠬᠠᠭᠠᠯᠭᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠲᠣᠮᠣ ᠠᠯᠲᠠᠨ ᠬᠠᠭᠠᠯᠭᠠ ᠲᠡᠭᠦᠨ ᠢ᠋ ᠤᠭᠲᠤᠯᠠ᠂ ᠣᠷᠳᠣᠨ ᠡᠮᠦᠨᠡᠬᠢ ᠡᠴᠡ ᠪᠡᠨ ᠴᠦ᠍ ᠲᠣᠮᠣ ᠪᠣᠯᠤᠭᠰᠠᠨ ᠪᠠᠢᠪᠠ᠃ ᠳᠣᠲᠣᠷᠠ ᠨᠢ ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠠᠯᠲᠠᠨ ᠰᠡᠩᠲᠡᠢ ᠳ᠋ᠦ᠍ ᠰᠠᠭᠤᠵᠤ ᠪᠠᠢᠯᠠ᠂ ᠬᠠᠭᠠᠨ ᠤ᠋ ᠰᠢᠳᠠᠷ ᠲᠤᠰᠠᠯᠠᠬᠤ ᠨᠤᠭᠤᠳ ᠪᠤᠰᠤᠳ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠬᠠᠭᠠᠳ ᠲᠡᠭᠦᠨ ᠦ᠌ ᠳᠣᠣᠷᠠ ᠰᠠᠭᠤᠵᠤ ᠪᠠᠢᠨᠠ ᠭᠡᠨᠡ᠃ ᠨᠢᠭᠡ ᠭᠠᠷ ᠲᠤ᠌ ᠪᠠᠨ ᠠᠯᠲᠠᠨ ᠪᠥᠮᠪᠥᠷᠴᠡᠭ᠂ ᠨᠥᠬᠥᠭᠡ ᠭᠠᠷ ᠲᠤ᠌ ᠪᠠᠨ ᠸᠴᠢᠷ ᠲᠠᠶᠠᠭ ᠪᠠᠷᠢᠭᠰᠠᠨ ᠪᠠᠢᠯᠠ᠃ ᠵᠢᠭᠠᠰᠤᠴᠢᠨ᠄《ᠬᠠᠢᠷᠠᠲᠤ ᠮᠢᠨᠢ᠂ ᠴᠢ ᠢᠩᠭᠢᠭᠡᠳ ᠦᠨᠡᠬᠡᠷ ᠡᠵᠡᠨ ᠬᠠᠭᠠᠨ ᠪᠣᠯᠤᠯᠠ᠃》 ᠡᠬᠡᠨᠡᠷ ᠄《ᠲᠡᠢᠮᠦ ᠠ᠋᠂ ᠦᠨᠡᠨ᠂ ᠲᠡᠷᠡ ᠵᠢᠭᠠᠰᠤ ᠬᠦᠰᠡᠯ ᠢ᠋ ᠮᠢᠨᠢ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠨᠠ ᠭᠡᠵᠦ ᠬᠡᠯᠡᠭᠰᠡᠨ ᠪᠠᠢᠬᠠ ᠠ᠋!》 ᠵᠢᠭᠠᠰᠤᠴᠢᠨ᠄《ᠲᠡᠢᠮᠦ ᠠ᠋᠂ ᠴᠢ ᠬᠡᠯᠡᠭᠰᠡᠨ᠂ ᠴᠢ ᠲᠡᠭᠡᠭᠡᠳ ᠵᠢᠷᠭᠠᠯ ᠲᠠᠢ ᠪᠠᠢᠨᠠ ᠤᠤ?》 ᠡᠬᠡᠨᠡᠷ᠄《ᠪᠢ᠁ ᠪᠢ ᠦᠨᠡᠨ ᠳ᠋ᠦ᠍ ᠪᠡᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ᠂ ᠬᠠᠷᠠᠵᠤ ᠯᠠ ᠪᠠᠢᠶᠠ᠂ ᠪᠢᠳᠡᠨ ᠢ᠋ ᠤᠷᠲᠤ ᠡᠳᠦᠷ ᠬᠦᠯᠢᠶᠡᠵᠦ ᠪᠠᠢᠨᠠ᠂ ᠪᠢᠳᠡ ᠣᠳᠣ ᠶᠠᠪᠤᠵᠤ ᠤᠨᠲᠠᠬᠤ ᠶᠣᠰᠣᠲᠠᠢ᠃》 ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠢ᠋ ᠪᠡᠨ ᠣᠬᠢᠭᠠᠳ ᠥᠭᠡᠷᠡ ᠵᠦᠢᠯ ᠱᠠᠭᠠᠷᠳᠠᠬᠤ ᠪᠣᠢ ᠭᠡᠬᠦ ᠡᠴᠡ ᠠᠶᠤᠵᠤ ᠪᠠᠢᠯᠠ᠃ ᠭᠡᠪᠡᠴᠦ ᠲᠡᠷᠡ ᠪᠡᠷ ᠡᠳᠦᠷᠵᠢᠨ ᠭᠦᠶᠦᠭᠰᠡᠭᠡᠷ ᠶᠡᠬᠡᠳᠡ ᠶᠠᠳᠠᠷᠠᠭᠰᠠᠨ ᠪᠠᠢᠯᠠ᠂
ᠬᠡᠪᠲᠡᠭᠰᠡᠨ ᠳᠠᠷᠤᠢ ᠳ᠋ᠤ᠌ ᠪᠠᠨ ᠭᠦᠨ ᠨᠣᠢᠷ ᠲᠤ᠌ ᠪᠠᠨ ᠠᠪᠲᠠᠨ ᠤᠨᠲᠠᠵᠠᠢ ᠭᠡᠨᠡ᠃ ᠭᠡᠪᠡᠴᠦ ᠡᠬᠡᠨᠡᠷ ᠨᠢ ᠤᠨᠲᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠯᠠ᠂ ᠶᠠᠭᠤ ᠥᠪᠡᠷ ᠢ᠋ ᠨᠢ ᠠᠵᠠ ᠵᠢᠷᠭᠠᠯᠲᠠᠢ ᠪᠣᠯᠭᠠᠬᠤ ᠶ᠋ᠢ ᠪᠣᠳᠣᠨ ᠤᠳᠠᠭᠠᠨ ᠭᠡᠭᠴᠢ ᠨᠢ ᠰᠠᠭᠤᠯᠠ᠃ ᠨᠢᠭᠡ ᠳᠣᠯᠣᠭᠠ ᠬᠣᠨᠣᠭ ᠥᠩᠭᠡᠷᠡᠪᠡ᠂ ᠣᠷᠣᠢ ᠪᠦᠷᠢ ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠢ᠋ ᠪᠡᠨ ᠠᠵᠠ ᠵᠢᠷᠭᠠᠯᠲᠠᠢ ᠪᠣᠯᠤᠭᠠᠱᠢ ᠭᠡᠵᠦ ᠵᠠᠯᠪᠠᠷᠢᠳᠠᠭ ᠪᠠᠢᠪᠠ᠃ ᠬᠠᠷᠢᠨ ᠡᠬᠡᠨᠡᠷ ᠨᠢ ᠰᠥᠨᠢ ᠪᠦᠷᠢ ᠣᠷᠣᠨ ᠳᠣᠲᠣᠷᠠ ᠪᠠᠨ ᠰᠠᠷᠠ ᠣᠳᠣᠳ ᠤᠷᠤᠭᠤ ᠬᠠᠷᠠᠵᠤ ᠰᠠᠭᠤᠳᠠᠭ ᠪᠠᠢᠪᠠ᠃ ᠡᠴᠦᠰ ᠲᠦ᠍ ᠨᠢ ᠨᠢᠭᠡᠨ ᠰᠥᠨᠢ ᠲᠡᠷᠡ ᠪᠡᠷ ᠵᠠᠬᠠ ᠬᠢᠵᠠᠭᠠᠷ ᠦᠭᠡᠢ ᠪᠣᠳᠣᠯ ᠳ᠋ᠤ᠌ ᠠᠪᠲᠠᠭᠰᠠᠭᠠᠷ ᠵᠠᠯᠬᠠᠵᠤ ᠠᠮᠠᠷᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠪᠣᠯᠪᠠᠴᠤ᠃ ᠡᠬᠡᠨᠡᠷ᠄《ᠶᠠᠭᠤ? ᠥᠷᠯᠥᠭᠡ ᠪᠣᠯᠴᠢᠬᠠᠯᠠ ᠭᠡᠵᠢ ᠦᠦ ᠨᠠᠷᠠ ᠢᠩᠭᠢᠵᠦ ᠰᠢᠭᠤᠳ ᠮᠠᠨᠳᠤᠵᠤ ᠵᠢᠷᠦᠬᠡᠯᠡᠨᠡ ᠭᠡᠨᠡ᠂ ᠨᠠᠮᠠ ᠶ᠋ᠢ ᠪᠦᠲᠦᠨ ᠳᠣᠯᠣᠭᠠ ᠬᠣᠨᠣᠭ ᠤᠨᠲᠠᠭᠠ ᠦᠭᠡᠢ ᠶ᠋ᠢ ᠮᠡᠳᠡᠭᠡ ᠦᠭᠡᠢ ᠶᠦᠮ ᠪᠠᠢᠬᠠ ᠳᠠ᠃》《ᠨᠥᠬᠥᠷ ᠮᠢᠨᠢ! ᠰᠡᠷᠡᠭᠡᠷᠡᠢ! ᠪᠢ ᠨᠠᠷᠠ ᠰᠠᠷᠠ ᠶ᠋ᠢ ᠬᠦᠰᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠤᠳᠤᠷᠢᠳᠤᠮᠠᠷ ᠪᠠᠢᠨᠠ ᠲᠡᠳᠡᠨ ᠢ᠋ ᠮᠢᠨᠦ ᠵᠥᠪᠰᠢᠶᠡᠷᠡᠯ ᠦᠭᠡᠢ ᠬᠥᠳᠡᠯᠦᠭᠡᠰᠡᠢ ᠭᠡᠵᠦ ᠪᠢ ᠬᠦᠰᠡᠬᠦ ᠦᠭᠡᠢ ᠪᠠᠢᠨᠠ᠃ ᠪᠢ ᠪᠦᠬᠦᠨ ᠡᠴᠡ ᠵᠠᠬᠢᠷᠤᠭᠳᠠᠰᠢ ᠦᠭᠡᠢ ᠪᠣᠯᠤᠮᠠᠷ ᠪᠠᠢᠨᠠ᠃》 ᠵᠢᠭᠠᠰᠤᠴᠢᠨ᠄《ᠶᠠᠭᠤ? ᠭᠤᠶᠤᠶᠠ! ᠣᠳᠣ ᠪᠣᠯᠢᠵᠤ ᠦᠵᠡ᠂ ᠪᠢ ᠪᠤᠴᠠᠵᠤ ᠣᠴᠢᠵᠤ ᠥᠪᠡᠷᠰᠡᠳ ᠦ᠋ᠨ ᠠᠮᠢᠳᠤᠷᠠᠯ ᠢ᠋ ᠡᠷᠡᠰᠳᠡᠯ ᠳ᠋ᠦ᠍ ᠣᠷᠣᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ!》
ᠡᠬᠡᠨᠡᠷ᠄《ᠴᠢ ᠪᠢᠳᠡᠨ ᠦ᠌ ᠠᠮᠢᠳᠤᠷᠠᠯ ᠢ᠋ ᠡᠷᠡᠰᠳᠡᠯ ᠳ᠋ᠦ᠍ ᠣᠷᠣᠭᠤᠯᠬᠤ ᠦᠭᠡᠢ᠂ ᠪᠢ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠠᠮᠢᠳᠤᠷᠠᠯ ᠢ᠋ ᠤᠳᠤᠷᠢᠳᠬᠤ ᠪᠣᠯᠤᠨᠠ᠂ ᠶᠠᠭᠤ ᠴᠤ᠌ ᠪᠢᠳᠡᠨ ᠳ᠋ᠦ᠍ ᠬᠦᠷᠴᠦ ᠴᠢᠳᠠᠬᠤ ᠦᠭᠡᠢ ᠵᠢᠭᠠᠰᠤᠨ ᠳᠡᠭᠡᠷᠡ ᠣᠴᠢᠭᠠᠳ ᠨᠠᠮᠠ ᠶ᠋ᠢ ᠪᠦᠬᠦᠨ ᠡᠴᠡ ᠬᠦᠴᠦᠷᠬᠡᠭ ᠪᠣᠯᠭᠠ᠃》 ᠵᠢᠭᠠᠰᠤᠴᠢᠨ᠄《ᠦᠭᠡᠢ ᠳ᠋ᠠ ᠬᠣᠩᠭᠣᠷ ᠮᠢᠨᠢ᠂ ᠴᠢ ᠶᠠᠭᠤ ᠭᠤᠶᠤᠵᠤ ᠪᠠᠢᠭᠠ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ᠃》 ᠡᠬᠡᠨᠡᠷ᠄《ᠪᠢ ᠴᠠᠭᠠᠰᠢᠳᠠ ᠲᠡᠰᠬᠦ ᠦᠭᠡᠢ ᠨᠢ ᠴᠢ ᠶᠠᠭ ᠣᠳᠣ ᠶᠠᠪᠤᠬᠤ ᠦᠭᠡᠢ ᠪᠣᠯ ᠪᠢ ᠶᠡᠬᠡᠳᠡ ᠭᠤᠲᠤᠷᠠᠬᠤ ᠪᠣᠯᠤᠨᠠ ᠰᠢᠦ᠂ ᠪᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠤᠨᠠᠨᠠ᠃》 ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠢ᠋ᠶ᠋ᠡᠨ ᠠᠵᠠ ᠵᠢᠷᠭᠠᠯᠲᠠᠢ ᠪᠠᠢᠯᠭᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠴᠦ᠍ ᠡᠨᠡ ᠪᠤᠷᠤᠭᠤ ᠭᠡᠳᠡᠭ ᠢ᠋ ᠮᠡᠳᠡᠵᠦ ᠪᠠᠢᠯᠠ᠂ ᠳᠠᠯᠠᠢ ᠳ᠋ᠤ᠌ ᠲᠤᠯᠵᠤ ᠣᠴᠢᠲᠠᠯᠠ ᠲᠩᠷᠢ ᠳ᠋ᠦ᠍ ᠡᠭᠦᠯᠡ ᠪᠦᠷᠬᠦᠨ ᠰᠠᠯᠬᠢ ᠬᠦᠴᠦ ᠲᠡᠢ ᠰᠢᠭᠤᠷᠴᠤ ᠪᠠᠢᠯᠠ᠃ ᠵᠢᠭᠠᠰᠤᠴᠢᠨ᠄《ᠡᠨᠡ ᠬᠡᠵᠢᠶᠡ ᠳᠠᠭᠤᠰᠬᠤ ᠶᠤᠮ ᠪᠣᠯ ᠠ᠋ ᠡᠨᠡ ᠪᠦᠬᠦᠨ ᠪᠤᠷᠤᠭᠤ ᠶᠤᠮ ᠰᠠᠨ᠂ ᠶᠠᠭᠤ? ᠥᠨᠥᠳᠥᠷ ᠳᠠᠯᠠᠢ ᠶ᠋ᠢᠨ ᠤᠰᠤ ᠬᠠᠷᠠ ᠬᠠᠷᠠᠭᠳᠠᠭᠠᠳ ᠪᠠᠢᠬᠤ ᠴᠢᠨᠢ ᠦᠨᠡᠬᠡᠷ ᠶᠡᠬᠡ ᠠᠶᠤᠵᠤ ᠪᠠᠢᠨᠠ ᠰᠢᠦ᠃ ᠶᠠᠭᠤ᠂ ᠰᠢᠳᠢᠲᠦ ᠵᠢᠭᠠᠰᠤ ᠠ᠋᠂ ᠨᠠ᠂ ᠨᠠ ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ?᠁ ᠵᠢᠭᠠᠰᠤ ᠠ᠋᠂ ᠡᠬᠡᠨᠡᠷ ᠮᠠᠨᠢ ᠣᠳᠣ ᠰᠡᠳᠬᠢᠯ ᠳᠤᠨᠳᠠᠭᠤᠷ ᠪᠠᠢᠨᠠ᠃》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠡᠬᠡᠨᠡᠷ ᠴᠢᠨᠢ ᠶᠠᠭᠤ ᠬᠦᠰᠡᠭᠡ ᠪᠣᠢ?》 ᠵᠢᠭᠠᠰᠤᠴᠢᠨ᠄《ᠶᠠᠭᠤ ᠪᠦᠬᠦᠨ ᠡᠴᠡ ᠬᠦᠴᠦᠷᠬᠡᠭ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠵᠠᠬᠢᠷᠤᠭᠳᠠᠰᠢ ᠦᠭᠡᠢ ᠪᠣᠯᠤᠮᠠᠷ ᠪᠠᠢᠨᠠ ᠭᠡᠨᠡ᠃ ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠡᠩ ᠪᠤᠴᠠᠭᠠᠳ ᠶᠠᠪᠤ ᠳᠠ᠂ ᠡᠬᠡᠨᠡᠷ ᠦ᠋ᠨ ᠴᠢᠨᠢ ᠬᠦᠰᠡᠯ ᠪᠡᠶᠡᠯᠡᠭᠰᠡᠨ᠃》 ᠵᠢᠭᠠᠰᠤᠴᠢᠨ ᠪᠦᠬᠦ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠭᠦᠶᠦᠵᠡᠢ ᠭᠡᠨᠡ᠃ ᠡᠩ ᠡᠬᠡᠨᠡᠷ ᠮᠢᠨᠢ ᠣᠳᠣ ᠶᠠᠮᠠᠷ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠬᠦ ᠶᠠᠭᠤᠮᠠ ᠠᠯᠠᠭᠠ ᠪᠢ ᠶᠠᠭᠠᠷᠠᠬᠤ ᠶᠣᠰᠣᠲᠠᠢ᠃ ᠵᠢᠭᠠᠰᠤᠴᠢᠨ᠄《ᠦᠭᠡᠢ ᠶᠠᠭᠤ ᠪᠣᠢ?》 ᠭᠡᠲᠡᠯᠡ ᠵᠢᠭᠠᠰᠤᠴᠢᠨ ᠤ᠋ ᠡᠬᠡᠨᠡᠷ ᠣᠷᠣ ᠮᠥᠷ ᠦᠭᠡᠢ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠢᠯᠠ᠂ ᠡᠬᠡᠨᠡᠷ ᠢ᠋ᠶ᠋ᠡᠨ ᠬᠠᠮᠢᠭᠠ ᠠ᠋ᠴᠠ ᠴᠤ᠌ ᠬᠠᠢᠭᠠᠳ ᠣᠯᠤᠭᠰᠠᠨ ᠦᠭᠡᠢ ᠬᠠᠢᠭᠠᠳ ᠯᠠ ᠬᠠᠢᠭᠠᠳ ᠯᠠ ᠪᠠᠢᠵᠠᠢ ᠭᠡᠨᠡ᠃ ᠲᠡᠭᠡᠭᠡᠳ ᠳᠠᠯᠠᠢ ᠤᠷᠤᠭᠤ ᠪᠤᠴᠠᠭᠠᠳ ᠭᠦᠶᠦᠯᠡ ᠳᠠᠯᠠᠢ ᠶ᠋ᠢᠨ ᠤᠰᠤ ᠡᠷᠭᠢᠭᠡᠳ ᠲᠣᠭᠲᠠᠭᠤᠨ ᠲᠤᠩᠭᠠᠯᠠᠭ ᠪᠣᠯᠤᠭᠰᠠᠨ ᠪᠠᠢᠪᠠ᠂ ᠡᠭᠦᠯᠡ ᠵᠠᠮᠬᠠᠷᠠᠨ ᠲᠩᠷᠢ ᠴᠡᠯᠮᠡᠵᠦ ᠨᠡᠷᠡ ᠰᠢᠷᠠᠵᠤ ᠪᠠᠢᠪᠠ᠃ ᠵᠢᠭᠠᠰᠤᠴᠢᠨ᠄《ᠰᠢᠳᠢᠲᠦ ᠵᠢᠭᠠᠰᠤ ᠠ᠋᠂ ᠰᠢᠳᠢᠲᠦ ᠵᠢᠭᠠᠰᠤ ᠠ᠋ ᠨᠠᠮᠠ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ᠭᠤᠶᠤᠶᠠ ᠭᠠᠷᠤᠭᠠᠳ ᠢᠷᠡᠭᠡᠴᠢ ᠳ᠋ᠠ᠂ ᠴᠢ ᠮᠢᠨᠦ ᠡᠬᠡᠨᠡᠷ ᠢ᠋ ᠶᠠᠭᠠᠬᠢᠵᠤ ᠣᠷᠬᠢᠬᠤ ᠨᠢ ᠡᠨᠡ ᠪᠣᠢ?》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠢ ᠬᠦᠰᠡᠯ ᠢ᠋ ᠨᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠡᠬᠡᠨᠡᠷ ᠴᠢᠨᠢ ᠪᠦᠬᠦᠨ ᠡᠴᠡ ᠬᠦᠴᠦ ᠲᠡᠢ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠵᠠᠬᠢᠷᠤᠭᠳᠠᠰᠢ ᠦᠭᠡᠢ ᠪᠣᠯᠬᠤ ᠶ᠋ᠢ ᠬᠦᠰᠡᠭᠰᠡᠨ ᠬᠦᠰᠡᠯ ᠨᠢ ᠪᠡᠶᠡᠯᠡᠭᠰᠡᠨ! ᠡᠨᠡ ᠴᠦ᠍ ᠪᠦᠬᠦᠨ ᠡᠴᠡ ᠬᠦᠴᠦ ᠲᠡᠢ ᠲᠡᠷᠡ ᠵᠦᠢᠯ ᠢ᠋ ᠬᠠᠷᠠᠵᠤ ᠪᠠᠢᠭᠠ ᠦᠭᠡᠢ ᠲᠡᠷᠡ ᠣᠳᠣ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠵᠠᠬᠢᠷᠤᠭᠳᠠᠰᠢ ᠦᠭᠡᠢ ᠪᠣᠯᠤᠭᠰᠠᠨ ᠰᠢᠦ ᠳ᠋ᠠ!》 ᠵᠢᠭᠠᠰᠤᠴᠢᠨ᠄《ᠦᠭᠡᠢ ᠭᠤᠶᠤᠶᠠ ᠡᠬᠡᠨᠡᠷ ᠢ᠋ ᠮᠢᠨᠢ ᠪᠤᠴᠠᠭᠠᠳ ᠥᠭᠭᠦᠭᠡᠴᠢ ᠳ᠋ᠠ!》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠢ ᠡᠭᠦᠨ ᠢ᠋ ᠪᠤᠴᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠵᠢᠭᠠᠰᠤᠴᠢᠨ ᠠ᠋!》 ᠵᠢᠭᠠᠰᠤᠴᠢᠨ᠄《ᠬᠦᠯᠢᠶᠡᠭᠡᠷᠡᠢ᠂ ᠪᠢ ᠮᠡᠳᠡᠯᠡ ᠡᠳᠦᠢ ᠬᠦᠷᠲᠡᠯᠡ ᠪᠢ ᠡᠬᠡᠨᠡᠷ ᠦ᠋ᠨ ᠮᠢᠨᠢ ᠬᠦᠰᠡᠯ ᠢ᠋ ᠪᠡᠶᠡᠯᠡᠭᠦᠯᠵᠦ ᠥᠭᠭᠦᠭᠡᠴᠢ ᠭᠡᠵᠦ ᠭᠤᠶᠤᠭᠰᠠᠨ ᠴᠢ ᠲᠡᠭᠦᠨ ᠦ᠌ ᠬᠦᠰᠡᠯ ᠢ᠋ ᠪᠡᠶᠡᠯᠡᠭᠦᠯᠦᠭᠰᠡᠨ! ᠭᠡᠪᠡᠴᠦ ᠪᠢ ᠴᠢᠨᠦ ᠠᠮᠢ ᠶ᠋ᠢ ᠠᠪᠤᠷᠠᠭᠰᠠᠨ ᠪᠢᠵᠡ ᠳᠠ ᠮᠢᠨᠦ ᠬᠦᠰᠡᠯ ᠢ᠋ ᠪᠡᠶᠡᠯᠡᠭᠦᠯᠵᠦ ᠥᠭᠭᠦᠭᠡᠴᠢ ᠳ᠋ᠠ!》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠡᠩ᠂ ᠲᠠᠨ ᠤ᠋ ᠵᠥᠪ ᠳ᠋ᠠ ᠶᠠᠭᠤ ᠬᠦᠰᠡᠵᠦ ᠪᠠᠢᠨᠠ?》 ᠵᠢᠭᠠᠰᠤᠴᠢᠨ ᠭᠦᠨᠵᠡᠭᠡᠢ ᠠᠮᠢᠰᠬᠤᠯ ᠠᠪᠤᠯᠠ᠂ ᠵᠢᠭᠠᠰᠤᠴᠢᠨ᠄《ᠪᠢ ᠡᠬᠡᠨᠡᠷ ᠢ᠋ᠶ᠋ᠡᠨ ᠠᠵᠠ ᠵᠢᠷᠭᠠᠯᠲᠠᠢ ᠪᠠᠢᠭᠠᠰᠠᠢ ᠭᠡᠵᠦ ᠬᠦᠰᠡᠵᠦ ᠪᠠᠢᠨᠠ᠃》 ᠬᠠᠯᠢᠮᠤᠨ ᠵᠢᠭᠠᠰᠤ᠄《ᠪᠤᠴᠠᠭᠠᠳ ᠶᠠᠪᠤ ᠳᠠ᠂ ᠨᠠᠢᠵᠠ ᠮᠢᠨᠢ ᠡᠬᠡᠨᠡᠷ ᠢ᠋ ᠴᠢᠨᠢ ᠠᠵᠠ ᠵᠢᠷᠭᠠᠯᠲᠠᠢ ᠪᠠᠢᠯᠭᠠᠬᠤ ᠪᠦᠬᠦᠢ ᠯᠡ ᠵᠦᠢᠯ ᠲᠡᠭᠦᠨ ᠳ᠋ᠦ᠍ ᠣᠳᠣ ᠪᠣᠢ᠃》 ᠨᠥᠬᠥᠷ ᠶᠠᠭᠠᠷᠠᠨ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠯᠠ᠂ ᠲᠡᠷᠡ ᠶᠡᠬᠡ ᠯᠡ ᠭᠠᠢᠬᠠᠪᠠ᠃ᠡᠬᠡᠨᠡᠷ ᠨᠢ ᠬᠠᠭᠤᠴᠢᠨ ᠵᠢᠵᠢᠭ ᠣᠪᠣᠬᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠤᠷᠲᠤ ᠵᠣᠭᠰᠣᠵᠤ ᠪᠠᠢᠭᠠ ᠶ᠋ᠢ ᠬᠠᠷᠠᠪᠠ᠂ ᠭᠡᠪᠡᠴᠦ ᠤᠷᠢᠳᠤ ᠶ᠋ᠢᠨ ᠬᠢ ᠰᠢᠭ ᠢ᠋ᠶ᠋ᠡᠨ ᠦᠮᠡᠬᠡᠢ ᠪᠢᠰᠢ ᠪᠠᠢᠪᠠ ᠭᠡᠨᠡ᠂ ᠵᠢᠭᠠᠰᠤᠴᠢᠨ ᠡᠬᠡᠨᠡᠷ ᠤᠷᠤᠭᠤ ᠪᠠᠨ ᠭᠦᠶᠦᠨ ᠣᠴᠢᠯᠠ ᠵᠢᠭᠠᠰᠤᠴᠢᠨ᠄《ᠴᠢ ᠪᠤᠴᠠᠭᠠᠳ ᠢᠷᠡᠵᠡᠢ᠂ ᠴᠢ ᠪᠤᠴᠠᠭᠠᠳ ᠢᠷᠡᠵᠡᠢ᠃》 ᠡᠬᠡᠨᠡᠷ᠄《ᠲᠡᠢᠮᠦ ᠠ᠋ ᠬᠠᠢᠷᠠᠲᠤ ᠮᠢᠨᠢ ᠲᠠᠩᠰᠤᠭ ᠣᠷᠳᠣᠨ ᠬᠠᠭᠠᠨ ᠰᠡᠩᠲᠡᠢ ᠪᠡᠷ ᠠᠵᠠ ᠵᠢᠷᠭᠠᠯ ᠢ᠋ ᠥᠪᠡᠷ ᠦ᠋ᠨ ᠪᠣᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠢ᠋ ᠪᠢ ᠤᠬᠠᠭᠠᠷᠠᠭᠰᠠᠨ ᠣᠳᠣ ᠭᠡᠷ ᠲᠦ᠍ ᠪᠡᠨ ᠣᠷᠣᠵᠠᠭᠠᠶᠠ᠃》 ᠲᠡᠷᠡ ᠡᠳᠦᠷ ᠡᠴᠡ ᠬᠣᠢᠰᠢ ᠵᠢᠭᠠᠰᠤᠴᠢᠨ ᠲᠡᠭᠦᠨ ᠦ᠌ ᠡᠬᠡᠨᠡᠷ ᠬᠣᠶᠠᠷ ᠨᠢᠭᠡ ᠴᠦ᠍ ᠡᠳᠦᠷ ᠥᠯᠥᠰᠦᠭᠡ ᠦᠭᠡᠢ ᠶᠦᠮ ᠭᠡᠳᠡᠭ᠃ ᠵᠢᠭᠠᠰᠤᠴᠢᠨ ᠤ᠋ ᠡᠬᠡᠨᠡᠷ ᠠᠵᠠ ᠵᠢᠷᠭᠠᠯ ᠢ᠋ ᠵᠢᠵᠢᠭ ᠵᠦᠢᠯ ᠳ᠋ᠦ᠍ ᠣᠷᠣᠰᠢᠨ ᠪᠠᠢᠳᠠᠭ ᠢ᠋ ᠤᠬᠠᠭᠠᠷᠠᠭᠰᠠᠨ ᠠᠵᠠᠢ᠃ ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠨᠥᠬᠥᠷ ᠭᠡᠷᠭᠡᠢ ᠬᠣᠶᠠᠷ ᠠᠮᠤᠷ ᠰᠠᠢᠬᠠᠨ ᠳ᠋ᠤ᠌ ᠪᠠᠨ ᠵᠢᠷᠭᠠᠵᠠᠢ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠣᠭᠵᠢᠷᠭᠠᠯ
ᠦᠰᠦᠭ ᠬᠠᠳᠠᠭᠴᠢ᠄ ᠰᠡᠷᠭᠦᠯᠡᠩ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ