ᠵᠠᠭᠠᠨ ᠣᠭᠣᠲᠣᠨᠠ ᠬᠣᠶᠠᠷЗаан оготно хоёр
644ᠵᠠᠭᠠᠨ ᠣᠭᠣᠲᠣᠨᠠ ᠬᠣᠶᠠᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠨᠢᠭᠡᠨ ᠪᠢᠴᠢᠬᠠᠨ ᠬᠣᠲᠠ ᠶ᠋ᠢᠨ ᠵᠠᠬᠠ ᠳ᠋ᠤ᠌ ᠨᠢᠭᠡᠨ
ᠵᠠᠭᠠᠨ ᠣᠷᠣᠰᠢᠳᠠᠭ ᠪᠠᠶ᠋ᠢᠵᠠᠢ ᠃
ᠵᠠᠭᠠᠨ ᠡᠳᠦᠷ ᠪᠦᠷᠢ ᠭᠣᠣᠯ ᠳ᠋ᠤ᠌ ᠣᠴᠢᠵᠤ
ᠤᠰᠤ ᠤᠤᠭᠤᠨᠠ᠃
ᠲᠡᠷᠡ ᠭᠣᠣᠯ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠪᠠᠰᠠ ᠨᠢᠭᠡᠨ ᠣᠭᠣᠲᠣᠨᠠ ᠠᠮᠢᠳᠤᠷᠠᠳᠠᠭ ᠪᠠᠶ᠋ᠢᠵᠠᠢ᠃ ᠵᠠᠭᠠᠨ ᠤᠰᠤ ᠤᠤᠭᠤᠵᠤ
ᠬᠠᠨᠤᠭᠠᠳ ᠣᠭᠣᠲᠣᠨᠠ ᠶ᠋ᠢᠨ ᠨᠦᠬᠡ ᠶ᠋ᠢ ᠤᠰᠤ ᠪᠠᠷ ᠰᠦᠷᠴᠢᠵᠦ ᠤᠰᠤᠨ ᠳ᠋ᠤ᠌ ᠠᠪᠤᠭᠤᠯᠳᠠᠭ ᠪᠠᠶ᠋ᠢᠵᠤ ᠭᠡᠨᠡ᠃ ᠢᠩᠭᠢᠭᠡᠳ ᠣᠭᠣᠲᠣᠨᠠ ᠶ᠋ᠢ ᠲᠡᠰᠬᠦ ᠶ᠋ᠢᠨ ᠠᠷᠭᠠ ᠦᠭᠡᠢ ᠵᠣᠪᠠᠯᠠᠩ ᠵᠦᠳᠡᠭᠦᠷᠢ ᠳ᠋ᠦ᠍ ᠤᠨᠠᠭᠠᠬᠤ ᠪᠠᠷ ᠨᠢ
ᠣᠭᠣᠲᠣᠨᠠ᠄ 《 ᠵᠠᠭᠠᠨᠲᠠᠨ ᠭᠤᠸᠠᠢ ᠠ᠋ ᠂ ᠮᠢᠨᠦ ᠥᠴᠦᠬᠡᠨ ᠣᠷᠣᠨ ᠪᠠᠶ᠋ᠢᠷᠢ ᠶ᠋ᠢ ᠪᠢᠲᠡᠭᠡᠢ ᠰᠦᠢᠳᠬᠡᠭᠡᠴᠢ ᠳᠡ ᠠ᠋! 》 ᠭᠡᠵᠦ ᠣᠯᠠᠨ ᠤᠳᠠᠭᠠ ᠭᠤᠶᠤᠵᠠᠢ᠃
ᠭᠡᠪᠡᠴᠦ ᠵᠢᠭᠠᠨ
ᠣᠭᠣᠲᠣᠨᠠ ᠶ᠋ᠢᠨ ᠦᠭᠡ ᠶ᠋ᠢ ᠣᠭᠲᠣ
ᠲᠣᠭᠣᠬᠤ ᠦᠭᠡᠢ᠂ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠰᠦᠢᠳᠬᠡᠵᠦ ᠬᠥᠨᠥᠭᠡᠭᠰᠡᠭᠡᠷ ᠪᠠᠶ᠋ᠢᠵᠤ ᠭᠡᠨᠡ᠃ ᠨᠢᠭᠡ ᠡᠳᠦᠷ ᠵᠠᠭᠠᠨ ᠊ᠢ ᠢᠷᠡᠬᠦ ᠳ᠋ᠦ᠍ ᠨᠢ ᠣᠭᠣᠲᠣᠨᠠ᠄ 《 ᠮᠢᠨᠦ ᠣᠷᠣᠨ ᠪᠠᠶ᠋ᠢᠷᠢ ᠶ᠋ᠢ ᠰᠦᠢᠳᠬᠡᠬᠦ ᠪᠡᠨ ᠵᠣᠭᠰᠣᠬᠤ
ᠦᠭᠡᠢ ᠪᠣᠯ ᠪᠢ ᠲᠠᠨ ᠳ᠋ᠤ᠌ ᠳᠠᠶ᠋ᠢᠨ ᠵᠠᠷᠯᠠᠨᠠ 》 ᠭᠡᠵᠦ ᠭᠡᠨᠡ᠃
ᠵᠠᠭᠠᠨ ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ
ᠦᠯᠦ ᠲᠣᠭᠣᠮᠰᠠᠷᠯᠠᠨ ᠬᠥᠬᠡ ᠢᠨᠢᠶᠡᠳᠦ ᠨᠢ
ᠬᠦᠷᠴᠦ ᠭᠡᠨᠡ᠃ ᠣᠭᠣᠲᠣᠨᠠ ᠲᠡᠷᠡ ᠬᠠᠪᠢ ᠶ᠋ᠢᠨ ᠠᠷᠠᠳ ᠦ᠋ᠳ ᠲᠦ᠍ ᠄ 《 ᠪᠢ᠂ ᠪᠢ ᠵᠠᠭᠠᠨ ᠲᠠᠢ ᠪᠠᠶ᠋ᠢᠯᠲᠤᠨᠠ ᠂ ᠡᠶ᠋ᠢᠮᠦ ᠤᠴᠢᠷ ᠠ᠋ᠴᠠ ᠮᠠᠷᠭᠠᠰᠢ ᠶ᠋ᠢᠨ ᠳᠣᠲᠣᠷᠠ
ᠲᠠ ᠨᠠᠷ ᠡᠨᠳᠡ ᠡᠴᠡ ᠨᠡᠭᠦᠵᠦ ᠬᠣᠯᠠᠳᠠᠬᠤ ᠦᠭᠡᠢ
ᠪᠣᠯ ᠳᠠᠶ᠋ᠢᠨ ᠤ᠋ ᠬᠥᠯ ᠳ᠋ᠦ᠍ ᠦᠷᠡᠭᠲᠡᠨᠡ ᠰᠢᠦ 》 ᠭᠡᠵᠦ ᠵᠠᠷᠯᠠᠵᠠᠢ᠃
ᠭᠡᠲᠡᠯᠡ ᠪᠠᠶᠠᠴᠤᠳ
ᠣᠭᠣᠲᠣᠨᠠ ᠶ᠋ᠢᠨ ᠦᠭᠡ ᠶ᠋ᠢ ᠪᠠᠰᠠ
ᠯᠠ ᠲᠣᠭᠣᠬᠤ ᠦᠭᠡᠢ᠂ ᠬᠡ ᠬᠡ ᠬᠡ᠂ ᠡᠨᠡ ᠥᠴᠦᠬᠡᠨ ᠮᠠᠭᠤ ᠣᠭᠣᠲᠣᠨᠠ ᠵᠠᠭᠠᠨ ᠲᠠᠢ ᠶᠠᠭᠠᠬᠢᠵᠤ ᠪᠠᠶ᠋ᠢᠯᠲᠤᠬᠤ ᠶᠤᠮ ᠳᠠ ᠂
ᠲᠡᠭᠡᠭᠡᠳ ᠪᠠᠰᠠ ᠤᠯᠤᠰ ᠠᠮᠢᠲᠠᠨ ᠊ᠢ ᠰᠦᠢᠳᠬᠡᠨᠡ ᠭᠡᠳ ᠪᠠᠶ᠋ᠢᠭᠠ ᠶᠤᠮ
ᠰᠢᠦ᠂
ᠢᠩᠭᠢᠵᠦ ᠣᠭᠣᠲᠣᠨᠠ ᠶ᠋ᠢ ᠪᠠᠶᠠᠴᠤᠳ
ᠪᠠᠰᠤᠮᠵᠢᠯᠠᠵᠠᠢ᠃
ᠬᠠᠷᠢᠨ ᠶᠠᠳᠠᠭᠤ ᠠᠷᠠᠳ ᠦ᠋ᠳ ᠣᠭᠣᠲᠣᠨᠠ ᠶ᠋ᠢᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠪᠢᠳᠡᠨ ᠳ᠋ᠦ᠍ ᠠᠶᠤᠯ
ᠤᠴᠠᠷᠠᠵᠤ ᠮᠠᠭᠠᠳ ᠦᠭᠡᠢ ᠭᠡᠳ ᠨᠡᠭᠦᠭᠡᠳ ᠶᠠᠪᠤᠵᠤ ᠭᠡᠨᠡ᠃
ᠮᠠᠷᠭᠠᠰᠢ ᠨᠢ ᠵᠠᠭᠠᠨ ᠊ᠢ ᠤᠰᠤᠨ ᠳ᠋ᠤ᠌ ᠢᠷᠡᠬᠦ ᠳ᠋ᠦ᠍ ᠨᠢ ᠣᠭᠣᠲᠣᠨᠠ ᠬᠠᠮᠠᠷ ᠤ᠋ᠨ ᠬᠢᠨᠢ ᠨᠦᠬᠡ ᠪᠡᠷ ᠣᠷᠣᠵᠤ ᠤᠯᠠᠭᠠᠨ ᠬᠣᠭᠣᠯᠠᠢ ᠶ᠋ᠢ ᠨᠢ᠂ ᠠᠭᠤᠰᠬᠢ ᠵᠢᠷᠦᠬᠡ ᠶ᠋ᠢ ᠨᠢ ᠤᠷᠠᠵᠤ ᠭᠠᠷᠴᠤ ᠭᠡᠨᠡ᠃
ᠵᠠᠭᠠᠨ ᠠᠮᠢ ᠨᠢ
ᠲᠡᠮᠡᠴᠡᠵᠦ ᠴᠢᠷᠠᠯᠠᠨ ᠴᠣᠪᠬᠣᠴᠢᠨ ᠲᠣᠶ᠋ᠢᠯᠠᠵᠤ᠂ ᠬᠠᠪᠢ ᠣᠶ᠋ᠢᠷᠠ ᠶ᠋ᠢᠨ ᠠᠶ᠋ᠢᠯ ᠠᠮᠢᠲᠠᠨ ᠊ᠢ ᠳᠠᠭᠠᠷᠢᠨ ᠰᠦᠢᠳᠬᠡᠵᠦ ᠂
ᠨᠡᠭᠦᠭᠡ ᠦᠭᠡᠢ ᠦᠯᠡᠳᠡᠭᠡᠰᠡ ᠪᠠᠶᠠᠴᠤᠳ ᠊ᠢ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠵᠠᠢ᠃ ᠵᠠᠭᠠᠨ ᠭᠠᠯᠵᠠᠭᠤᠷᠠᠵᠤ ᠭᠠᠯᠵᠠᠭᠤᠷᠠᠵᠤ ᠦᠬᠦᠭᠰᠡᠨ ᠬᠣᠶ᠋ᠢᠨᠠ ᠨᠢ ᠣᠭᠣᠲᠣᠨᠠ ᠵᠠᠭᠠᠨ ᠤ᠋ ᠬᠠᠮᠠᠷ ᠤ᠋ᠨ ᠨᠦᠬᠡ ᠪᠡᠷ ᠪᠤᠴᠠᠵᠤ
ᠭᠠᠷᠤᠭᠠᠳ ᠭᠣᠣᠯ ᠤ᠋ᠨ ᠡᠷᠭᠢ ᠳ᠋ᠦ᠍ ᠪᠡᠨ ᠣᠴᠢᠵᠤ
ᠠᠮᠤᠷ ᠰᠠᠢᠬᠠᠨ ᠵᠢᠷᠭᠠᠵᠤ ᠭᠡᠨᠡ᠃
ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠰᠴᠢᠮᠡᠭ
ᠬᠢᠨᠠᠭᠴᠢ᠄ ᠠᠯᠲᠠᠨ
ᠠᠭᠤᠯᠠ᠂ ᠪᠠᠶᠠᠷᠴᠡᠴᠡᠭ