ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦЖаргалтай ханхүү
1005ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ
ᠰᠢᠳᠢᠲᠦ ᠦᠯᠢᠭᠡᠷ
ᠨᠢᠭᠡ ᠡᠳᠦᠷ ᠳ᠋ᠧᠪᠠᠵᠠᠨ ᠳ᠋ᠤ᠌ ᠪᠤᠷᠬᠠᠨ ᠬᠣᠶᠠᠷ ᠵᠠᠷᠤᠴᠠ ᠪᠠᠨ ᠶᠠᠭᠤ ᠴᠤ᠌ ᠬᠢᠬᠦ ᠦᠭᠡᠢ ᠰᠠᠭᠤᠵᠤ ᠪᠠᠢᠬᠤ ᠲᠠᠢ ᠲᠠᠭᠠᠷᠠᠵᠠᠢ᠃ ᠲᠡᠳᠡ ᠭᠤᠨᠢᠭᠲᠠᠢ ᠬᠠᠷᠠᠭᠳᠠᠪᠠ᠃
— ᠬᠥᠶᠢ! ᠡᠨᠡ ᠴᠢᠨᠢ ᠳ᠋ᠧᠪᠠᠵᠠᠨ ᠡᠨᠳᠡ ᠭᠤᠨᠢᠭᠲᠠᠢ ᠪᠠᠢᠵᠤ ᠪᠣᠯᠳᠠᠭ ᠦᠭᠡᠢ ᠶᠦᠮ᠃ ᠶᠠᠮᠠᠷ ᠰᠢᠯᠲᠠᠭᠠᠨ ᠲᠠᠢ ᠪᠣᠯᠤᠭᠠᠳ ᠭᠤᠨᠢᠭᠯᠠᠪᠠ ᠤᠤ?
— ᠪᠢᠳᠡᠨ ᠳ᠋ᠦ᠍ ᠬᠢᠬᠦ ᠶᠠᠭᠤᠮᠠ ᠠᠯᠠᠭᠠ ᠪᠠᠢᠨᠠ ᠰᠢᠦ ᠳᠡ!
— ᠪᠢᠳᠡ ᠵᠦᠭᠡᠷ ᠰᠠᠭᠤᠵᠤ ᠪᠠᠢᠭᠠ ᠪᠣᠯᠬᠣᠷ ᠯᠠ ᠠᠵᠠ ᠵᠢᠷᠭᠠᠯ ᠦᠭᠡᠢ ᠪᠠᠢᠨᠠ᠃
— ᠵᠠ ᠵᠠ᠂ ᠳᠡᠯᠡᠬᠡᠢ ᠤᠷᠤᠭᠤ ᠨᠢᠰ! ᠬᠣᠲᠠ ᠠ᠋ᠴᠠ ᠬᠣᠶᠠᠷ ᠰᠠᠢᠬᠠᠨ ᠵᠦᠢᠯ ᠣᠯᠤᠭᠠᠳ ᠨᠠᠳᠠ ᠳ᠋ᠤ᠌ ᠠᠪᠴᠢᠷᠠᠵᠤ ᠥᠭ!
ᠢᠩᠭᠢᠭᠡᠳ ᠪᠤᠷᠬᠠᠨ ᠤ᠋ ᠵᠠᠷᠤᠴᠠ ᠨᠠᠷ ᠳ᠋ᠧᠪᠠᠵᠠᠨ ᠠ᠋ᠴᠠ ᠲᠡᠭᠷᠢ ᠤᠷᠤᠭᠤ ᠨᠢᠰᠪᠡ᠃
ᠬᠣᠲᠠ ᠶ᠋ᠢᠨ ᠲᠥᠪ ᠲᠦ᠍ ᠨᠢᠭᠡᠨ ᠬᠥᠰᠢᠶᠡ ᠪᠠᠢᠷᠢᠯᠠᠭᠤᠯᠵᠠᠢ᠃ ᠬᠥᠰᠢᠶᠡ ᠶ᠋ᠢ ᠠᠯᠲᠠ ᠪᠠᠷ ᠪᠦᠷᠢᠭᠰᠡᠨ ᠪᠠᠢᠨᠠ᠃ ᠨᠢᠳᠦ ᠶ᠋ᠢ ᠨᠢ ᠬᠥᠬᠡ ᠪᠢᠨᠳᠦᠷᠢᠶᠠ ᠴᠢᠯᠠᠭᠤ ᠪᠠᠷ ᠬᠢᠵᠡᠢ᠃ ᠪᠥᠰᠡᠨ ᠳ᠋ᠦ᠍ ᠨᠢ ᠶᠡᠬᠡ ᠦᠨᠡᠲᠡᠢ ᠪᠠᠳᠮᠠᠷᠠᠭᠠ ᠪᠠᠢᠯᠠ᠃ ᠬᠥᠰᠢᠶᠡ ᠬᠥᠮᠦᠨ ᠪᠦᠷᠢ ᠳ᠋ᠦ᠍ ᠬᠡᠷᠬᠢᠨ ᠵᠢᠷᠭᠠᠯᠲᠠᠢ ᠪᠠᠢᠬᠤ ᠶ᠋ᠢᠨ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠣᠯᠵᠤ ᠪᠠᠢᠨᠠ᠂ ᠲᠡᠢᠮᠦ ᠡᠴᠡ ᠬᠥᠰᠢᠶᠡ ᠶ᠋ᠢ《ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ》 ᠭᠡᠵᠦ ᠨᠡᠷᠡᠯᠡᠵᠡᠢ᠃
— ᠠ᠋! ᠠ᠋! ᠠ᠋!
— ᠦ! ᠦᠷᠡ ᠮᠢᠨᠢ! ᠶᠠᠭᠤᠨ ᠳ᠋ᠤ᠌ ᠤᠬᠢᠯᠠᠭᠠ ᠪᠣᠢ? ᠴᠢ ᠵᠢᠷᠭᠠᠯᠲᠠᠢ ᠪᠠᠢᠬᠤ ᠶᠣᠰᠣᠲᠠᠢ ᠰᠢᠦ ᠳᠡ! ᠶᠠᠭ ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ ᠰᠢᠭ!
ᠤᠳᠠᠬᠤ ᠦᠭᠡᠢ ᠡᠪᠦᠯ ᠪᠣᠯᠤᠯᠠ᠂ ᠨᠠᠷᠠ ᠵᠢᠷᠭᠠᠵᠤ ᠬᠠᠷᠢᠶᠠᠴᠠᠢ ᠰᠢᠪᠠᠭᠤ ᠬᠣᠨᠣᠭ ᠲᠥᠬᠥᠭᠡᠷᠦᠭᠦᠯᠬᠦ ᠭᠠᠵᠠᠷ ᠬᠠᠢᠵᠤ ᠪᠠᠢᠨᠠ᠃ ᠬᠥᠰᠢᠶᠡᠨ ᠦ᠌ ᠳᠡᠷᠭᠡᠳᠡᠭᠦᠷ ᠨᠢᠰᠴᠦ ᠥᠩᠭᠡᠷᠡᠬᠦ ᠳ᠋ᠦ᠍ ᠪᠡᠨ ᠢᠩᠭᠢᠵᠦ ᠪᠣᠳᠣᠪᠠ᠄《ᠬᠥᠰᠢᠶᠡᠨ ᠦ᠌ ᠬᠥᠯ ᠳ᠋ᠦ᠍ ᠬᠣᠨᠣᠭ ᠲᠥᠬᠥᠭᠡᠷᠦᠭᠦᠯᠦᠶᠡ ᠪᠠᠢᠵᠠ᠂ ᠡᠨᠳᠡ ᠪᠢ ᠲᠠᠭᠠᠷᠠᠬᠤ ᠦᠭᠡᠢ》᠃
ᠢᠩᠭᠢᠭᠡᠳ ᠰᠢᠪᠠᠭᠤ ᠬᠥᠰᠢᠶᠡᠨ ᠦ᠌ ᠳᠣᠣᠷᠠ ᠬᠣᠶᠠᠷ ᠬᠥᠯ ᠦ᠋ᠨ ᠬᠢᠨᠢ ᠬᠣᠭᠣᠷᠣᠨᠳᠣ ᠪᠠᠭᠤᠯᠠ᠃ ᠲᠤᠩ ᠤᠳᠠᠯ ᠦᠭᠡᠢ ᠰᠢᠪᠠᠭᠤᠨ ᠳᠡᠭᠡᠷᠡ ᠳᠤᠰᠤᠯ ᠤᠰᠤ ᠲᠤᠰᠪᠠ᠃ ᠰᠢᠪᠠᠭᠤ ᠲᠡᠭᠷᠢ ᠥᠭᠡᠳᠡ ᠬᠠᠷᠠᠭᠰᠠᠨ ᠴᠤ᠌ ᠲᠡᠭᠷᠢ ᠴᠡᠯᠮᠡᠭ ᠪᠠᠢᠯᠠ᠄《ᠡᠨᠡ ᠳᠤᠰᠤᠯ ᠤᠰᠤ ᠬᠠᠮᠢᠭᠠ ᠠ᠋ᠴᠠ ᠭᠠᠷᠤᠭᠠᠳ ᠢᠷᠡᠪᠡ ᠤᠤ? ᠪᠣᠷᠣᠭᠠ ᠣᠷᠣᠭᠠ ᠦᠭᠡᠢ ᠪᠠᠢᠨᠠ᠃》ᠢᠩᠭᠢᠭᠡᠳ ᠬᠣᠶᠠᠳᠠᠬᠢ ᠳᠤᠰᠤᠯ ᠰᠢᠪᠠᠭᠤᠨ ᠳᠡᠭᠡᠷᠡ ᠲᠣᠰᠤᠯᠠ᠂ ᠰᠢᠪᠠᠭᠤ ᠶᠡᠬᠡᠳᠡ ᠭᠠᠢᠬᠠᠪᠠ᠃ ᠥᠪᠡᠷᠲᠡᠭᠡᠨ ᠥᠭᠡᠷᠡ ᠣᠷᠣᠮᠵᠢ ᠬᠠᠢᠬᠤ ᠪᠠᠷ ᠰᠢᠢᠳᠦᠯᠡ᠃ ᠢᠩᠭᠢᠭᠡᠳ ᠰᠢᠪᠠᠭᠤ ᠳᠡᠭᠡᠭᠰᠢ ᠪᠡᠨ ᠭᠠᠷᠤᠭᠠᠳ ᠬᠥᠰᠢᠶᠡ ᠶ᠋ᠢ ᠬᠠᠷᠠᠲᠠᠯᠠ ᠭᠠᠢᠬᠠᠮᠠᠷ ᠵᠦᠢᠯ ᠪᠣᠯᠬᠤ ᠨᠢ ᠲᠡᠷᠡ! ᠬᠥᠰᠢᠶᠡ ᠤᠬᠢᠯᠠᠵᠤ ᠪᠠᠢᠯᠠ᠃
— ᠬᠥᠶᠢ! ᠴᠢ ᠶᠠᠭᠠᠬᠢᠭᠠᠳ ᠤᠬᠢᠯᠠᠭᠠᠳ ᠪᠠᠢᠭᠠ ᠶᠤᠮ ᠪᠣᠢ? ᠴᠢ ᠴᠢᠨᠢ ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ ᠰᠢᠦ ᠳᠡ!
— ᠦᠭᠡᠢ᠂ ᠲᠡᠢᠮᠦ ᠪᠢᠰᠢ ᠪᠣᠯᠤᠭᠰᠠᠨ᠃
— ᠶᠠᠭᠠᠬᠢᠭᠠᠳ? ᠶᠠᠭᠤ ᠪᠣᠯᠤᠭᠠ ᠪᠣᠢ?
— ᠠᠮᠢᠳᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠪᠢ ᠶᠡᠬᠡ ᠵᠢᠷᠭᠠᠯᠲᠠᠢ ᠪᠠᠢᠭᠰᠠᠨ᠃ ᠰᠠᠢᠬᠠᠨ ᠣᠷᠳᠣᠨ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠣᠭᠲᠣ ᠭᠠᠳᠠᠭᠰᠢ ᠪᠠᠨ ᠭᠠᠷᠳᠠᠭ ᠦᠭᠡᠢ᠂ ᠡᠳᠦᠷᠵᠢᠨ ᠭᠠᠳᠠᠭᠠ ᠴᠡᠴᠡᠷᠯᠢᠭ ᠲᠦ᠍ ᠪᠡᠨ ᠲᠣᠭᠯᠠᠨᠠ᠃ ᠣᠷᠣᠢ ᠨᠢ ᠪᠥᠵᠢᠭᠯᠡᠨᠡ᠂ ᠪᠤᠰᠤᠳ ᠬᠥᠮᠦᠰ ᠰᠢᠭ ᠯᠡ ᠪᠠᠢᠭᠰᠠᠨ᠂ ᠪᠠᠰᠠ ᠪᠢ ᠲᠠᠨᠠᠷ ᠰᠢᠭ᠋ ᠵᠢᠷᠦᠬᠡ ᠲᠡᠢ ᠪᠠᠢᠭᠰᠠᠨ ᠭᠡᠷ ᠲᠦ᠍ ᠪᠡᠨ ᠠᠵᠠ ᠵᠢᠷᠭᠠᠯᠲᠠᠢ ᠠᠮᠢᠳᠤᠷᠠᠳᠠᠭ ᠪᠠᠢᠯᠠ ᠰᠢᠦ ᠳᠡ! ᠪᠢ ᠠᠮᠢᠳᠤᠷᠠᠳᠠᠭ ᠪᠠᠢᠭᠰᠠᠨ ᠣᠷᠳᠣᠨ ᠤ᠋ ᠪᠠᠨ ᠬᠠᠨᠠ ᠬᠡᠷᠡᠮ ᠡᠴᠡ ᠭᠠᠳᠠᠨᠠᠬᠢ ᠠᠮᠢᠳᠤᠷᠠᠯ ᠢ᠋ ᠣᠭᠲᠣ ᠮᠡᠳᠡᠳᠡᠭ ᠦᠭᠡᠢ ᠪᠠᠢᠭᠰᠠᠨ ᠶᠤᠮ᠂ ᠵᠢᠵᠢᠭᠬᠡᠨ ᠶᠢᠷᠲᠢᠨᠴᠦ ᠳ᠋ᠦ᠍ ᠪᠡᠨ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠪᠠᠢᠳᠠᠭ ᠪᠣᠯᠬᠣᠷ ᠨᠠᠮᠠ ᠶ᠋ᠢ ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ ᠭᠡᠳᠡᠭ ᠪᠠᠢᠭᠰᠠᠨ ᠶᠤᠮ᠃ ᠭᠡᠪᠡᠴᠦ ᠣᠳᠣ ᠥᠭᠡᠳᠡ ᠪᠣᠯᠤᠭᠰᠠᠨ ᠬᠣᠢᠨᠠ ᠮᠢᠨᠢ ᠨᠠᠮᠠ ᠶ᠋ᠢ ᠡᠨᠳᠡ ᠬᠣᠲᠠ ᠶ᠋ᠢᠨ ᠳᠡᠭᠡᠷᠡ ᠬᠥᠰᠢᠶᠡ ᠪᠣᠯᠭᠠᠵᠤ ᠵᠠᠯᠠᠭᠰᠠᠨ ᠢ᠋ᠶ᠋ᠠᠷ ᠪᠢ ᠵᠣᠭᠣᠰᠤᠨ ᠤ᠋ ᠨᠥᠭᠦᠭᠡ ᠲᠠᠯᠠ ᠶ᠋ᠢ ᠬᠠᠷᠠᠵᠤ ᠪᠠᠢᠨᠠ᠃ ᠪᠢ ᠬᠥᠮᠦᠰ ᠦ᠋ᠨ ᠂ ᠬᠥᠮᠦᠰ ᠦ᠋ᠨ ᠵᠣᠪᠠᠯᠠᠩ ᠢ᠋ ᠬᠠᠷᠠᠳᠠᠭ᠃ ᠵᠢᠷᠦᠬᠡ ᠶ᠋ᠢ ᠮᠢᠨᠢ ᠮᠧᠳᠠᠯ ᠢ᠋ᠶ᠋ᠡᠷ ᠬᠢᠭᠰᠡᠨ ᠴᠦ᠍ ᠪᠢ ᠲᠡᠳᠡᠨ ᠦ᠌ ᠭᠠᠰᠢᠭᠤᠳᠠᠯ ᠢ᠋ ᠮᠡᠳᠡᠷᠡᠳᠡᠭ᠂ ᠲᠡᠭᠡᠭᠡᠳ ᠯᠡ ᠪᠢ ᠤᠬᠢᠯᠠᠵᠤ ᠪᠠᠢᠭᠠ ᠶᠤᠮ᠃
— ᠦ! ᠴᠢ ᠣᠳᠣ ᠶᠠᠭᠤᠨ ᠠ᠋ᠴᠠ ᠪᠣᠯᠤᠭᠠᠳ ᠤᠬᠢᠯᠠᠵᠤ ᠪᠠᠢᠨᠠ?
— ᠪᠢ ᠨᠢᠭᠡ ᠡᠮᠡᠭᠲᠡᠢ ᠶ᠋ᠢ ᠬᠠᠷᠠᠵᠤ ᠪᠠᠢᠨᠠ᠂ ᠬᠣᠲᠠ ᠠ᠋ᠴᠠ ᠵᠠᠢᠲᠠᠢ ᠠᠮᠢᠳᠤᠷᠠᠳᠠᠭ᠂ ᠬᠡᠦᠬᠡᠳ ᠢ᠋ᠶ᠋ᠡᠨ ᠴᠦ᠍ ᠬᠣᠭᠣᠯᠠᠯᠠᠵᠤ ᠴᠢᠳᠠᠬᠤ ᠪᠠᠷ ᠦᠭᠡᠢ ᠶᠠᠳᠠᠭᠤ ᠶᠤᠮ ᠪᠠᠢᠨᠠ ᠰᠢᠦ ᠳᠡ! ᠲᠡᠷᠡ ᠣᠷᠳᠣᠨ ᠳ᠋ᠤ᠌ ᠪᠣᠯᠬᠤ ᠪᠥᠵᠢᠭ ᠲᠦ᠍ ᠵᠣᠷᠢᠭᠤᠯᠵᠤ ᠬᠠᠲᠤᠨ ᠤ᠋ ᠠᠬᠠᠢᠲᠠᠨ ᠨᠤᠭᠤᠳ ᠤ᠋ᠨ ᠨᠢᠭᠡᠨ ᠳ᠋ᠦ᠍ ᠳᠠᠰᠢᠨᠵᠠ ᠣᠶᠣᠵᠤ ᠪᠠᠢᠨᠠ᠃ ᠪᠠᠯᠴᠢᠷ ᠬᠦᠦ ᠥᠯᠥᠰᠴᠦ ᠡᠪᠡᠳᠦᠭᠰᠡᠨ ᠳ᠋ᠦ᠍ ᠪᠡᠨ ᠪᠣᠯᠤᠭᠠᠳ ᠤᠬᠢᠯᠠᠵᠤ ᠪᠠᠢᠭᠠ ᠴᠤ᠌ ᠡᠮᠡᠭᠲᠡᠢ ᠳ᠋ᠦ᠍ ᠬᠡᠦᠬᠡᠳ ᠲᠦ᠍ ᠬᠣᠭᠣᠯᠠᠯᠠᠬᠤ ᠶᠠᠭᠤᠮᠠ ᠠᠯᠠᠭᠠ ᠪᠠᠢᠨᠠ᠃ ᠭᠣᠣᠯ ᠠ᠋ᠴᠠ ᠠᠪᠴᠢᠷᠠᠭᠰᠠᠨ ᠤᠰᠤᠨ ᠠ᠋ᠴᠠ ᠥᠭᠡᠷᠡ ᠶᠠᠭᠤ ᠴᠤ᠌ ᠪᠠᠢᠬᠤ ᠦᠭᠡᠢ ᠪᠠᠢᠨᠠ ᠰᠢᠦ ᠳᠡ!
— ᠦ! ᠶᠠᠮᠠᠷ ᠦᠷᠦ ᠡᠪᠡᠳᠦᠯᠲᠡᠢ ᠶᠦᠮ ᠪᠣᠢ?
— ᠮᠢᠨᠦ ᠤᠯᠠᠭᠠᠨ ᠥᠩᠭᠡ ᠲᠡᠢ ᠦᠨᠡᠲᠦ ᠴᠢᠯᠠᠭᠤ ᠶ᠋ᠢ ᠡᠮᠡᠭᠲᠡᠢ ᠳ᠋ᠦ᠍ ᠠᠪᠠᠴᠢᠭᠠᠳ ᠥᠭᠭᠦᠭᠡᠴᠢ! ᠲᠡᠭᠦᠨ ᠳ᠋ᠦ᠍ ᠬᠡᠷᠡᠭᠲᠡᠢ ᠪᠠᠢᠭᠠ᠃
— ᠭᠡᠪᠡᠴᠦ ᠪᠢ ᠶᠸᠵᠢᠫᠲ ᠤᠷᠤᠭᠤ ᠨᠢᠰᠬᠦ ᠶᠣᠰᠣ ᠲᠠᠢ᠂ ᠡᠨᠳᠡ ᠡᠪᠦᠯ ᠪᠣᠯᠵᠤ ᠪᠠᠢᠨᠠ᠂ ᠪᠦᠬᠦ ᠨᠠᠢᠵᠠ ᠨᠤᠭᠤᠳ ᠮᠠᠨᠢ ᠲᠠᠢᠰᠢ ᠪᠠᠨ ᠨᠡᠭᠦᠳᠡᠯᠯᠡᠭᠰᠡᠨ᠂ ᠶᠸᠵᠢᠫᠲ ᠲᠦ᠍ ᠶᠡᠬᠡ ᠳᠤᠯᠠᠭᠠᠬᠠᠨ ᠪᠠᠢᠭᠠ᠃
— ᠭᠤᠶᠤᠶᠠ! ᠨᠠᠳᠠ ᠳ᠋ᠤ᠌ ᠲᠤᠰᠠ ᠪᠣᠯᠵᠤ ᠴᠢᠯᠠᠭᠤ ᠶ᠋ᠢ ᠬᠦᠷᠭᠡᠵᠦ ᠥᠭᠭᠦᠭᠡᠴᠢ ᠳᠡ!
— ᠠ᠂ ᠵᠠ ᠵᠠ᠂ ᠪᠢ ᠥᠨᠥ ᠰᠥᠨᠢ ᠴᠢᠮᠠ ᠲᠠᠢ ᠡᠨᠳᠡ ᠬᠣᠨᠣᠭᠠᠳ ᠮᠠᠷᠭᠠᠰᠢ ᠥᠷᠯᠥᠭᠡ ᠲᠡᠷᠡ ᠡᠮᠡᠭᠲᠡᠢ ᠤᠷᠤᠭᠤ ᠶᠠᠪᠤᠶᠠ ᠳᠠ!
— ᠪᠠᠶᠠᠷᠯᠠᠯᠠ ᠨᠠᠢᠵᠠ ᠮᠢᠨᠢ!
ᠥᠷᠯᠥᠭᠡ ᠨᠢ ᠰᠢᠪᠠᠭᠤ ᠬᠠᠨ ᠬᠦᠦ ᠶ᠋ᠢᠨ ᠤᠯᠠᠭᠠᠨ ᠴᠢᠯᠠᠭᠤ ᠶ᠋ᠢ ᠠᠪᠴᠤ ᠬᠠᠨ ᠬᠦᠦ ᠶ᠋ᠢᠨ ᠵᠢᠭᠠᠭᠰᠠᠨ ᠵᠦᠭ ᠤᠷᠤᠭᠤ ᠨᠢᠰᠦᠯᠡ᠃ ᠰᠢᠪᠠᠭᠤ ᠬᠣᠲᠠ ᠶ᠋ᠢᠨ ᠳᠡᠭᠡᠭᠦᠷ ᠳᠠᠷᠠᠭᠠ ᠨᠢ ᠣᠷᠳᠣᠨ ᠤ᠋ ᠳᠡᠭᠡᠭᠦᠷ ᠨᠢᠰᠦᠯᠡ᠃ ᠰᠢᠪᠠᠭᠤ ᠬᠡᠳᠦᠨ ᠥᠬᠢᠳ ᠪᠥᠵᠢᠭᠯᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ᠃ ᠨᠢᠭᠡ ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠴᠣᠩᠬᠣ ᠪᠠᠷ ᠬᠠᠷᠠᠨ ᠵᠣᠭᠰᠣᠨᠠ᠃
— ᠠᠢ᠂ ᠭᠠᠭᠴᠠ ᠬᠣᠶᠠᠷᠬᠠᠨ ᠬᠣᠨᠣᠭ ᠤ᠋ᠨ ᠳᠣᠲᠣᠷᠠ ᠳᠠᠰᠢᠨᠵᠠ ᠪᠠᠨ ᠠᠪᠴᠢᠬᠠᠬᠤ ᠶᠤᠮ ᠰᠠᠨ! ᠲᠡᠷᠡ ᠡᠮᠡᠭᠲᠡᠢ ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠤᠳᠠᠭᠠᠨ ᠣᠶᠣᠵᠤ ᠪᠠᠢᠭᠠ ᠶᠤᠮ ᠪᠣᠯ?
ᠰᠢᠪᠠᠭᠤ ᠬᠣᠲᠠ ᠳᠡᠭᠡᠭᠦᠷ ᠨᠢᠰᠴᠦ ᠭᠣᠣᠯ ᠭᠠᠲᠤᠯᠤᠭᠠᠳ ᠨᠢᠭᠡᠨ ᠲᠣᠰᠬᠣᠨ ᠳ᠋ᠤ᠌ ᠬᠦᠷᠪᠡ᠃ ᠲᠡᠨᠳᠡ ᠨᠥᠭᠦᠭᠡ ᠡᠮᠡᠭᠲᠡᠢ ᠶ᠋ᠢ ᠵᠢᠵᠢᠭᠬᠡᠨ ᠪᠠᠢᠰᠢᠩ ᠳ᠋ᠤ᠌ ᠪᠠᠨ ᠤᠨᠲᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ᠂ ᠰᠢᠪᠠᠭᠤ ᠤᠯᠠᠭᠠᠨ ᠴᠢᠯᠠᠭᠤ ᠶ᠋ᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠪᠠ᠂ ᠳᠠᠷᠠᠭᠠ ᠨᠢ ᠣᠷᠣᠨ ᠤ᠋ ᠳᠡᠭᠡᠭᠦᠷ ᠪᠠᠯᠴᠢᠷ ᠬᠦᠦ ᠶ᠋ᠢᠨ ᠳᠡᠭᠡᠭᠦᠷ ᠨᠢᠰᠦᠯᠡ᠃ ᠨᠢᠭᠤᠷ ᠤ᠋ᠨ ᠬᠢᠨᠢ ᠳᠡᠷᠭᠡᠳᠡ ᠠᠭᠠᠷ ᠰᠡᠷᠴᠢᠭᠢᠨᠡᠬᠦ ᠳ᠋ᠦ᠍ ᠬᠦᠦ ᠤᠨᠲᠠᠭᠠᠳ ᠥᠭᠪᠡ ᠭᠡᠨᠡ᠃ ᠰᠢᠪᠠᠭᠤ ᠪᠤᠴᠠᠭᠠᠳ ᠬᠠᠨ ᠬᠦᠦ ᠤᠷᠤᠭᠤ ᠨᠢᠰᠦᠯᠡ᠃ ᠰᠢᠪᠠᠭᠤ ᠬᠣᠲᠠ ᠤᠷᠤᠭᠤ ᠪᠤᠴᠠᠵᠤ ᠶᠠᠪᠤᠭᠠᠳ ᠠᠮᠠ ᠨᠢ ᠶᠡᠬᠡ ᠴᠠᠩᠭᠠᠭᠰᠠᠨ ᠤᠴᠢᠷ ᠭᠣᠣᠯ ᠤ᠋ᠨ ᠳᠡᠷᠭᠡᠳᠡ ᠵᠣᠭᠰᠣᠪᠠ᠃ ᠰᠢᠪᠠᠭᠤ ᠶ᠋ᠢ ᠭᠣᠣᠯ ᠠ᠋ᠴᠠ ᠤᠰᠤ ᠤᠤᠭᠤᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠭᠰᠠᠨ ᠵᠣᠬᠢᠶᠠᠯᠴᠢ ᠢᠩᠭᠢᠵᠦ ᠪᠣᠳᠣᠵᠤ ᠭᠡᠨᠡ᠄《ᠦ! ᠡᠨᠡ ᠰᠢᠪᠠᠭᠤ ᠶᠠᠪᠤᠭᠠ ᠦᠭᠡᠢ ᠪᠠᠢᠨᠠ᠂ ᠬᠠᠯᠠᠭᠤᠨ ᠣᠷᠣᠨ ᠤᠷᠤᠭᠤ ᠨᠡᠭᠦᠭᠡ ᠦᠭᠡᠢ ᠪᠠᠢᠨᠠ᠃ ᠥᠪᠡᠷ ᠲᠦ᠍ ᠨᠢ ᠲᠣᠬᠢᠷᠠᠬᠤ ᠦᠭᠡᠢ ᠴᠠᠭ ᠠᠭᠠᠷ ᠲᠠᠢ ᠲᠡᠩᠴᠡᠵᠦ ᠪᠠᠢᠨᠠ ᠰᠢᠦ ᠳᠡ᠂ ᠪᠢ ᠲᠡᠭᠦᠨ ᠡᠴᠡ ᠨᠢᠭᠡ ᠶᠠᠭᠤᠮᠠ ᠰᠤᠷᠬᠤ ᠶᠣᠰᠣᠲᠠᠢ! ᠬᠡᠴᠢᠨᠡᠨ ᠶᠡᠬᠡ ᠥᠯᠥᠰᠴᠦ ᠪᠠᠢᠭᠠ ᠴᠤ᠌ ᠤᠳᠠᠬᠤ ᠦᠭᠡᠢ ᠦᠯᠢᠭᠡᠷ ᠢ᠋ᠶ᠋ᠡᠨ ᠳᠠᠭᠤᠰᠬᠠᠬᠤ ᠶᠣᠰᠣ ᠲᠠᠢ!》 ᠭᠡᠳ ᠰᠢᠪᠠᠭᠤ ᠬᠠᠨ ᠬᠦᠦ ᠳᠡᠭᠡᠷᠡ ᠣᠴᠢᠯᠠ᠃ ᠬᠠᠷᠢᠨ ᠵᠣᠬᠢᠶᠠᠯᠴᠢ ᠪᠢᠴᠢᠬᠦ ᠦᠯᠢᠭᠡᠷ ᠢ᠋ᠶ᠋ᠡᠨ ᠪᠣᠳᠣᠭᠰᠠᠭᠠᠷ ᠭᠡᠷ ᠯᠦ᠍ᠭᠡ ᠪᠡᠨ ᠪᠤᠴᠠᠵᠠᠢ᠃
— ᠬᠠᠴᠢᠨ ᠶᠤᠮ ᠳᠠ! ᠭᠠᠳᠠᠭᠠ ᠬᠦᠢᠲᠡᠨ ᠪᠠᠢᠭᠠ ᠴᠤ᠌ ᠪᠢ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠢ᠋ ᠮᠡᠳᠡᠷᠡᠵᠦ ᠪᠠᠢᠨᠠ᠃
— ᠥᠨᠥᠳᠥᠷ ᠬᠢᠭᠰᠡᠨ ᠰᠠᠢᠨ ᠦᠢᠯᠡᠰ ᠴᠢᠨᠢ ᠴᠢᠮᠠ ᠶ᠋ᠢ ᠳᠤᠯᠠᠭᠠᠴᠠᠭᠤᠯᠵᠤ ᠪᠠᠢᠭᠠ ᠶᠤᠮ᠃
— ᠲᠡᠢᠮᠦ ᠠ᠋᠂ ᠴᠢᠨᠦ ᠵᠥᠪ! ᠪᠢ ᠶᠸᠵᠢᠫᠲ ᠤᠷᠤᠭᠤ ᠮᠠᠷᠭᠠᠰᠢ ᠨᠢᠰᠦᠶᠡ ᠳ᠋ᠡ᠁
— ᠪᠢᠲᠡᠭᠡᠢ ᠶᠠᠪᠤᠭᠠᠴᠢ ᠳᠠ᠂ ᠭᠤᠶᠤᠶᠠ! ᠪᠢ ᠴᠢᠮᠠ ᠠ᠋ᠴᠠ ᠳᠠᠬᠢᠭᠠᠳ ᠨᠢᠭᠡ ᠶᠠᠭᠤᠮᠠ ᠭᠤᠶᠤᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ᠃
— ᠦ! ᠦᠭᠡᠢ ᠪᠠᠰᠠ ᠶᠠᠭᠤ ᠪᠣᠢ?
— ᠬᠣᠲᠠ ᠠ᠋ᠴᠠ ᠵᠠᠢᠳᠠᠭᠤ ᠨᠢᠭᠡ ᠭᠠᠵᠠᠷ ᠲᠤ᠌ ᠨᠢᠭᠡ ᠵᠣᠬᠢᠶᠠᠯᠴᠢ ᠬᠠᠷᠠᠭᠳᠠᠵᠤ ᠪᠠᠢᠨᠠ᠂ ᠲᠡᠷᠡ ᠦᠯᠢᠭᠡᠷ ᠪᠢᠴᠢᠵᠦ ᠪᠠᠢᠭᠠ ᠴᠤ᠌ ᠭᠡᠳᠡᠰᠦ ᠨᠢ ᠥᠯᠥᠰᠦᠭᠰᠡᠨ ᠡᠴᠡ ᠪᠣᠯᠤᠭᠠᠳ ᠳᠠᠭᠤᠰᠬᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠭᠠ ᠶᠤᠮ᠃ ᠪᠠᠰᠠ ᠭᠡᠷ ᠲᠦ᠍ ᠨᠢ ᠲᠦᠯᠡᠬᠦ ᠲᠦᠯᠡᠭᠡ ᠴᠦ᠍ ᠪᠠᠢᠬᠤ ᠦᠭᠡᠢ ᠃ ᠲᠡᠷᠡ ᠵᠣᠬᠢᠶᠠᠯᠴᠢ ᠨᠢᠭᠡ ᠪᠠᠢᠰᠢᠩ ᠤ᠋ᠨ ᠳᠡᠭᠡᠳᠦ ᠲᠠᠯᠠ ᠶ᠋ᠢᠨ ᠵᠢᠵᠢᠭᠬᠡᠨ ᠥᠷᠥᠭᠡᠨ ᠳ᠋ᠦ᠍ ᠪᠠᠢᠳᠠᠭ ᠶᠤᠮ᠃
— ᠴᠢ ᠲᠡᠭᠡᠭᠡᠳ ᠨᠠᠳᠠ ᠪᠠᠷ ᠶᠠᠭᠤ ᠬᠢᠯᠭᠡᠬᠦ ᠶ᠋ᠢ ᠬᠦᠰᠡᠭᠡ ᠪᠣᠢ?
— ᠴᠢ ᠨᠢᠭᠡ ᠨᠢᠳᠦ ᠶ᠋ᠢ ᠮᠢᠨᠢ ᠠᠪᠤᠭᠠᠳ ᠲᠡᠷᠡ ᠵᠣᠬᠢᠶᠠᠯᠴᠢ ᠳ᠋ᠤ᠌ ᠠᠪᠠᠴᠢᠵᠤ ᠥᠭᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ!
— ᠠ! ᠴᠢᠨᠦ ᠨᠢᠳᠦ ᠶ᠋ᠢ ᠤᠤ? ᠪᠢ ᠲᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ!
— ᠭᠤᠶᠤᠵᠤ ᠪᠠᠢᠨᠠ! ᠲᠡᠭᠡ ᠯᠡ ᠳᠡ ᠡᠨᠡ ᠪᠣᠯ ᠡᠨᠡᠳᠬᠡᠭ ᠡᠴᠡ ᠠᠪᠴᠤ ᠢᠷᠡᠭᠰᠡᠨ ᠦᠨᠡᠲᠦ ᠬᠥᠬᠡ ᠴᠢᠯᠠᠭᠤ ᠵᠣᠬᠢᠶᠠᠯᠴᠢ ᠶ᠋ᠢ ᠰᠠᠢᠬᠠᠨ ᠠᠮᠢᠳᠤᠷᠠᠬᠤ ᠶ᠋ᠢᠨ ᠲᠤᠰᠠᠯᠠᠬᠤ ᠪᠣᠯᠤᠨᠠ᠃
— ᠵᠠ ᠶᠠᠭᠠᠬᠢᠪᠠ ? ᠪᠢ ᠥᠨᠥ ᠰᠥᠨᠢ ᠴᠢᠮᠠ ᠲᠠᠢ ᠬᠣᠨᠣᠭᠠᠳ ᠮᠠᠷᠭᠠᠰᠢ ᠥᠷᠯᠥᠭᠡ ᠲᠡᠷᠡ ᠵᠣᠬᠢᠶᠠᠯᠴᠢ ᠤᠷᠤᠭᠤ ᠶᠠᠪᠤᠶᠠ ᠳᠠ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠰᠢᠪᠠᠭᠤ ᠬᠠᠨ ᠬᠦᠦ ᠶ᠋ᠢᠨ ᠨᠢᠭᠡ ᠨᠢᠳᠦ ᠶ᠋ᠢ ᠠᠪᠤᠭᠠᠳ ᠵᠣᠬᠢᠶᠠᠯᠴᠢ ᠶ᠋ᠢᠨ ᠪᠠᠢᠰᠢᠩ ᠤᠷᠤᠭᠤ ᠨᠢᠰᠪᠡ ᠭᠡᠨᠡ᠂ ᠲᠡᠷᠡ ᠪᠠᠢᠰᠢᠩ ᠢ᠋ ᠶᠡᠬᠡ ᠠᠮᠠᠷᠬᠠᠨ ᠣᠯᠵᠤ ᠳᠡᠭᠡᠪᠦᠷ ᠲᠦ᠍ ᠭᠠᠷᠤᠭᠰᠠᠨ ᠨᠦᠬᠡ ᠪᠡᠷ ᠣᠷᠣᠯᠠ᠃ ᠵᠣᠬᠢᠶᠠᠯᠴᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠡᠨ ᠲᠣᠯᠣᠭᠠᠢ ᠪᠥᠬᠥᠢᠯᠭᠡᠨ ᠰᠠᠭᠤᠵᠠᠢ᠂ ᠰᠢᠪᠠᠭᠤ ᠬᠥᠬᠡ ᠴᠢᠯᠠᠭᠤ ᠶ᠋ᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠭᠠᠳ ᠨᠢᠰᠦᠨ ᠣᠳᠪᠠ᠃ ᠵᠣᠬᠢᠶᠠᠯᠴᠢ ᠴᠢᠯᠠᠭᠤ ᠶ᠋ᠢ ᠬᠠᠷᠠᠯᠠ᠃
— ᠨᠢᠭᠡ ᠤᠩᠰᠢᠭᠴᠢ ᠶ᠋ᠢᠨ ᠮᠢᠨᠢ ᠥᠭᠭᠦᠭᠰᠡᠨ ᠪᠡᠯᠡᠭ ᠭᠡᠵᠦ ᠦᠵᠡᠬᠦ ᠤᠤ? ᠪᠠᠶᠠᠷᠯᠠᠯᠠ! ᠨᠡᠷᠡ ᠨᠢ ᠦᠯᠦ ᠮᠡᠳᠡᠭᠳᠡᠬᠦ ᠨᠠᠢᠵᠠ ᠮᠢᠨᠢ᠃
ᠵᠣᠬᠢᠶᠠᠯᠴᠢ ᠦᠨᠡᠲᠦ ᠬᠥᠬᠡ ᠴᠢᠯᠠᠭᠤ ᠲᠠᠢ ᠪᠣᠯᠤᠭᠠᠳ ᠶᠡᠬᠡᠳᠡ ᠪᠠᠶᠠᠷᠯᠠᠵᠠᠢ᠃ ᠨᠠᠷᠠ ᠮᠠᠨᠳᠤᠬᠤ ᠦᠶᠡ ᠳ᠋ᠦ᠍ ᠰᠢᠪᠠᠭᠤ ᠬᠠᠨ ᠬᠦᠦ ᠳᠡᠭᠡᠷᠡ ᠪᠤᠴᠠᠵᠤ ᠢᠷᠡᠯᠡ᠃
— ᠪᠢ ᠴᠢᠮᠠ ᠲᠠᠢ ᠰᠠᠯᠬᠤ ᠶᠣᠰᠣ ᠬᠢᠬᠦ ᠪᠡᠷ ᠢᠷᠡᠯᠡ᠂ ᠮᠠᠷᠭᠠᠰᠢ ᠥᠷᠯᠥᠭᠡ ᠪᠢ ᠶᠸᠵᠢᠫᠲ ᠢ᠋ ᠵᠣᠷᠢᠵᠤ ᠨᠢᠰᠦᠨᠡ᠃
— ᠴᠢ ᠨᠠᠳᠠ ᠲᠠᠢ ᠳᠠᠬᠢᠭᠠᠳ ᠭᠠᠭᠴᠠ ᠬᠣᠨᠣᠵᠤ ᠪᠣᠯᠬᠤ ᠤᠤ? ᠭᠤᠶᠤᠵᠤ ᠪᠠᠢᠨᠠ!
— ᠬᠠᠨ ᠬᠦᠦ ᠮᠢᠨᠢ᠂ ᠡᠨᠳᠡ ᠡᠪᠦᠯ ᠪᠣᠯᠴᠢᠬᠠᠨᠠ ᠰᠢᠳᠡ! ᠶᠸᠵᠢᠫᠲ ᠲᠦ᠍ ᠨᠠᠷᠠ ᠲᠠᠢ ᠳᠤᠯᠠᠭᠠᠬᠠᠨ ᠪᠠᠢᠭᠠ ᠪᠢ ᠬᠤᠷᠳᠤᠬᠠᠨ ᠰᠢᠭ᠋ ᠲᠠᠢᠰᠢ ᠪᠠᠨ ᠣᠴᠢᠬᠤ ᠶᠣᠰᠣ ᠲᠠᠢ᠃
— ᠪᠢᠴᠢᠬᠠᠨ ᠥᠬᠢᠨ ᠦ᠌ ᠠᠮᠢ ᠶ᠋ᠢ ᠠᠪᠤᠷᠠᠬᠤ ᠶ᠋ᠢᠨ ᠲᠤᠯᠠᠳᠠ ᠦᠯᠡᠳᠡᠭᠡᠴᠢ ᠳᠡ!
— ᠪᠢᠴᠢᠬᠠᠨ ᠥᠬᠢᠨ ᠦ᠌ ᠠᠮᠢ ᠭᠡᠨᠡ?
— ᠲᠡᠢᠮᠦ ᠠ᠋᠂ ᠲᠠᠯᠠᠪᠠᠢ ᠳ᠋ᠤ᠌ ᠨᠢᠭᠡ ᠪᠢᠴᠢᠬᠠᠨ ᠥᠬᠢᠨ ᠪᠠᠢᠭᠠ᠂ ᠲᠡᠷᠡ ᠥᠨᠳᠡᠭᠡ ᠬᠤᠳᠠᠯᠳᠤᠳᠠᠭ ᠪᠠᠢᠭᠰᠠᠨ ᠶᠤᠮ᠃ ᠭᠡᠪᠡᠴᠦ ᠥᠨᠳᠡᠭᠡ ᠪᠡᠨ ᠤᠨᠠᠭᠠᠭᠠᠳ ᠪᠦᠭᠦᠳᠡ ᠶ᠋ᠢ ᠬᠠᠭᠠᠯᠴᠢᠬᠠᠭᠰᠠᠨ᠂ ᠲᠡᠢᠮᠦ ᠪᠣᠯᠬᠣᠷ ᠥᠬᠢᠨ ᠭᠡᠷ ᠲᠦ᠍ ᠪᠡᠨ ᠠᠪᠴᠤ ᠣᠴᠢᠬᠤ ᠮᠥᠩᠭᠥ ᠦᠭᠡᠢ ᠪᠣᠯᠤᠭᠰᠠᠨ᠃ ᠭᠡᠷ ᠲᠦ᠍ ᠪᠡᠨ ᠮᠥᠩᠭᠥ ᠦᠭᠡᠢ ᠣᠴᠢᠪᠠᠯ ᠠᠪᠤ ᠨᠢ ᠥᠬᠢᠨ ᠢ᠋ ᠵᠣᠳᠣᠬᠤ ᠪᠣᠯᠤᠨᠠ ᠰᠢᠦ ᠳᠡ!
— ᠴᠢ ᠲᠡᠭᠦᠨ ᠳ᠋ᠦ᠍ ᠶᠠᠭᠠᠬᠢᠵᠤ ᠲᠤᠰᠠᠯᠠᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠨᠠ?
— ᠮᠢᠨᠦ ᠨᠥᠭᠦᠭᠡ ᠨᠢᠳᠦ ᠶ᠋ᠢ ᠠᠪᠤᠭᠠᠳ ᠥᠬᠢᠨ ᠳ᠋ᠦ᠍ ᠬᠦᠷᠭᠡᠵᠦ ᠥᠭ! ᠡᠭᠦᠨ ᠢ᠋ ᠵᠠᠷᠤᠭᠠᠳ ᠠᠪᠤ ᠨᠢ ᠮᠠᠰᠢ ᠶᠡᠬᠡ ᠮᠥᠩᠭᠥ ᠲᠡᠢ ᠪᠣᠯᠤᠨᠠ᠃ ᠲᠡᠭᠡᠪᠡᠯ ᠪᠢᠴᠢᠬᠠᠨ ᠥᠬᠢᠨ ᠢ᠋ ᠠᠵᠢᠯ ᠬᠢ ᠭᠡᠵᠦ ᠰᠢᠬᠠᠬᠤ ᠦᠭᠡᠢ ᠰᠢᠦ ᠳᠡ᠂ ᠬᠠᠷᠢᠨ ᠴᠤ᠌ ᠥᠬᠢᠨ ᠢ᠋ᠶ᠋ᠡᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠣᠷᠣᠭᠤᠯᠤᠨᠠ᠃
— ᠦ ᠦᠭᠡᠢ! ᠦ ᠦᠭᠡᠢ! ᠪᠢ ᠴᠢᠮᠠ ᠲᠠᠢ ᠬᠠᠮᠲᠤ ᠦᠯᠡᠳᠡᠶᠡ᠃ ᠭᠡᠬᠦ ᠳ᠋ᠦ᠍ ᠦᠯᠡᠳᠡᠭᠰᠡᠨ ᠭᠠᠭᠴᠠ ᠨᠢᠳᠦ ᠶ᠋ᠢ ᠴᠢᠨᠢ ᠠᠪᠴᠤ ᠴᠢᠳᠠᠬᠤ ᠦᠭᠡᠢ᠂ᠠᠪᠴᠢᠬᠠᠪᠠᠯ ᠴᠢ ᠶᠠᠭᠤᠮᠠ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠰᠢᠦ ᠳᠡ!
— ᠲᠡᠭᠡ ᠯᠡ ᠳᠡ! ᠭᠤᠶᠤᠵᠤ ᠪᠠᠢᠨᠠ᠃
ᠰᠢᠪᠠᠭᠤ ᠬᠠᠨ ᠬᠦᠦ ᠶ᠋ᠢᠨ ᠬᠣᠶᠠᠳᠠᠬᠢ ᠨᠢᠳᠦ ᠶ᠋ᠢ ᠠᠪᠴᠤ ᠪᠠᠢᠭᠠᠳ ᠶᠡᠬᠡᠳᠡ ᠭᠤᠨᠢᠭᠯᠠᠪᠠ ᠭᠡᠨᠡ᠃ ᠰᠢᠪᠠᠭᠤ ᠦᠨᠡᠲᠦ ᠴᠢᠯᠠᠭᠤ ᠶ᠋ᠢ ᠥᠬᠢᠨ ᠤᠷᠤᠭᠤ ᠠᠪᠠᠴᠢᠵᠤ ᠭᠠᠷ ᠳᠡᠭᠡᠷᠡ ᠨᠢ ᠤᠨᠠᠭᠠᠯᠠ᠃ ᠥᠬᠢᠨ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠶ᠋ᠢ ᠬᠠᠷᠠᠭᠠᠳ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠵᠠᠢ᠃
— ᠠ᠋᠁ ᠠ᠋᠁ ᠶᠠᠮᠠᠷ ᠭᠣᠶᠣ ᠰᠢᠯ ᠪᠣᠢ?
ᠢᠩᠭᠢᠭᠡᠳ ᠭᠡᠷ ᠯᠦ᠍ᠭᠡ ᠪᠡᠨ ᠭᠦᠶᠦᠯᠡ᠃
ᠰᠢᠪᠠᠭᠤ ᠬᠠᠨ ᠬᠦᠦ ᠳᠡᠭᠡᠷᠡ ᠡᠷᠭᠢᠵᠦ ᠢᠷᠡᠪᠡ᠃ ᠬᠠᠨ ᠬᠦᠦ ᠨᠢᠳᠦ ᠦᠭᠡᠢ ᠪᠣᠯᠤᠭᠰᠠᠨ ᠢ᠋ ᠬᠠᠷᠠᠭᠠᠳ ᠰᠢᠪᠠᠭᠤ ᠶᠡᠬᠡᠳᠡ ᠦᠷᠦ ᠡᠪᠡᠳᠴᠦ ᠭᠡᠨᠡ᠃
— ᠴᠢ ᠶᠡᠬᠡ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠠᠨ ᠬᠦᠦ ᠶᠦᠮ᠂ ᠪᠢ ᠶᠸᠵᠢᠫᠲ ᠲᠦ᠍ ᠶᠠᠪᠤᠬᠤ ᠦᠭᠡᠢ᠃
— ᠦᠭᠡᠢ! ᠴᠢ ᠣᠳᠣ ᠶᠸᠵᠢᠫᠲ ᠤᠷᠤᠭᠤ ᠪᠠᠨ ᠶᠠᠪᠤᠬᠤ ᠶᠣᠰᠣ ᠲᠠᠢ᠂ ᠡᠨᠳᠡᠬᠢ ᠶ᠋ᠢᠨ ᠡᠪᠦᠯ ᠢ᠋ ᠳᠠᠪᠠᠵᠤ ᠭᠠᠷᠬᠤ ᠳ᠋ᠤ᠌ ᠴᠢᠮᠠ ᠳ᠋ᠤ᠌ ᠦᠨᠡᠬᠡᠷ ᠬᠡᠴᠡᠭᠦᠦ ᠪᠠᠢᠬᠤ ᠪᠣᠯᠤᠨᠠ᠃
— ᠦᠭᠡᠢ᠂ ᠪᠢ ᠴᠢᠮᠠ ᠶ᠋ᠢ ᠣᠷᠬᠢᠬᠤ ᠦᠭᠡᠢ᠃
ᠢᠩᠭᠢᠭᠡᠳ ᠰᠢᠪᠠᠭᠤ ᠲᠡᠨᠳᠡ ᠦᠯᠡᠲᠡᠯᠡ᠃ ᠬᠠᠨ ᠬᠦᠦ ᠳ᠋ᠦ᠍ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠴᠦ ᠵᠤᠭᠠᠴᠠᠭᠤᠯᠳᠠᠭ ᠪᠠᠢᠪᠠ᠃ ᠬᠠᠨ ᠬᠦᠦ ᠲᠡᠭᠦᠨ ᠢ᠋ ᠰᠣᠨᠣᠰᠬᠤ ᠳᠤᠷᠠᠲᠠᠢ ᠪᠠᠢᠯᠠ᠃
— ᠨᠠᠢᠵᠠ ᠮᠢᠨᠢ᠂ ᠬᠣᠲᠠ ᠳᠡᠭᠡᠭᠦᠷ ᠨᠢᠰᠦᠭᠡᠳ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠨᠠᠳᠠ ᠬᠡᠯᠡᠵᠦ ᠥᠭᠭᠦᠭᠡᠴᠢ!
— ᠰᠢᠪᠠᠭᠤ ᠬᠣᠲᠠ ᠳᠡᠭᠡᠭᠦᠷ ᠨᠢᠰᠴᠦ ᠬᠠᠷᠠᠭᠰᠠᠨ ᠪᠦᠬᠦᠨ ᠢ᠋ ᠬᠠᠨ ᠬᠦᠦ ᠳ᠋ᠦ᠍ ᠶᠠᠷᠢᠵᠤ ᠥᠭᠳᠡᠭ ᠪᠣᠯᠪᠠ᠃ ᠰᠢᠪᠠᠭᠤ ᠳᠠᠷᠠᠭᠠ ᠨᠢ ᠬᠠᠨ ᠬᠦᠦ ᠳᠡᠭᠡᠷᠡ ᠡᠷᠭᠢᠵᠦ ᠢᠷᠡᠯᠡ᠃
— ᠪᠠᠶᠠᠨ ᠬᠥᠮᠦᠰ ᠭᠡᠷ ᠲᠦ᠍ ᠪᠡᠨ ᠲᠠᠪᠠ ᠪᠠᠷ ᠢ᠋ᠶ᠋ᠠᠨ ᠬᠣᠭᠣᠯᠠᠯᠠᠵᠤ ᠤᠮᠳᠠᠯᠠᠵᠤ ᠪᠠᠢᠨᠠ ᠃ ᠬᠠᠷᠢᠨ ᠶᠠᠳᠠᠭᠤ ᠬᠥᠮᠦᠰ ᠥᠯᠥᠰᠦᠨ ᠲᠣᠯᠣᠭᠠᠢ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠬᠠᠢᠭᠰᠠᠨ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠡ ᠪᠠᠢᠵᠤ ᠪᠠᠢᠨᠠ᠃ ᠡᠨᠡ ᠬᠦᠢᠲᠡᠨ ᠡᠪᠦᠯ ᠵᠣᠪᠠᠵᠤ ᠪᠠᠢᠭᠠ ᠬᠡᠳᠦᠨ ᠬᠡᠦᠬᠡᠳ ᠢ᠋ ᠬᠠᠷᠠᠯᠠ᠃ ᠲᠡᠷᠡ ᠭᠦᠦᠷ ᠦ᠋ᠨ ᠳᠣᠣᠷᠠ ᠪᠠᠢᠭᠠ᠃ ᠭᠡᠪᠡᠴᠦ ᠬᠠᠮᠠᠭᠠᠯᠠᠭᠴᠢᠳ ᠲᠡᠳᠡᠨ ᠢ᠋ ᠲᠡᠨᠳᠡ ᠪᠠᠢᠬᠤ ᠶ᠋ᠢ ᠵᠥᠪᠰᠢᠶᠡᠷᠭᠦ ᠦᠭᠡᠢ ᠪᠠᠢᠭᠠ᠃
— ᠰᠢᠪᠠᠭᠤ ᠮᠢᠨᠢ ᠪᠢ ᠰᠢᠵᠢᠷ ᠠᠯᠲᠠ ᠪᠠᠷ ᠪᠦᠷᠢᠳᠦᠭᠰᠡᠨ ᠠᠯᠲᠠ ᠶ᠋ᠢ ᠠᠪᠤᠭᠠᠳ ᠶᠠᠳᠠᠭᠤ ᠬᠥᠮᠦᠰ ᠲᠦ᠍ ᠲᠠᠷᠬᠠᠭᠠᠵᠤ ᠥᠭ! ᠠᠢ ᠲᠡᠳᠡ ᠵᠣᠪᠠᠬᠤ ᠶᠣᠰᠣ ᠦᠭᠡᠢ᠃
ᠰᠢᠪᠠᠭᠤ ᠶᠡᠬᠡᠳᠡ ᠭᠤᠨᠢᠭᠯᠠᠵᠤ ᠬᠠᠨ ᠬᠦᠦ ᠶ᠋ᠢᠨ ᠪᠡᠶᠡ ᠶ᠋ᠢ ᠪᠦᠷᠢᠭᠰᠡᠨ ᠪᠦᠬᠦ ᠠᠯᠲᠠ ᠶ᠋ᠢ ᠠᠪᠴᠤ᠂ ᠮᠥᠩᠭᠥ ᠬᠡᠷᠡᠭᠲᠡᠢ ᠬᠥᠮᠦᠰ ᠲᠦ᠍ ᠲᠠᠷᠬᠠᠭᠠᠵᠤ ᠥᠭᠭᠦᠯᠡ᠃ ᠲᠡᠳᠡ ᠠᠯᠲᠠ ᠠᠪᠤᠭᠰᠠᠨ ᠳ᠋ᠤ᠌ ᠪᠠᠨ ᠶᠡᠬᠡᠳᠡ ᠭᠠᠢᠬᠠᠵᠤ ᠪᠠᠢᠯᠠ᠃
— ᠪᠢ ᠣᠳᠣ ᠲᠠᠯᠬᠠ ᠠᠪᠤᠨᠠ᠃
— ᠪᠢ ᠣᠳᠣ ᠢᠳᠡᠬᠦ ᠲᠠᠯᠬᠠ ᠲᠠᠢ ᠪᠣᠯᠤᠨᠠ᠃
— ᠪᠢ ᠣᠳᠣ ᠢᠳᠡᠬᠦ ᠲᠠᠯᠬᠠ ᠲᠠᠢ ᠪᠣᠯᠤᠨᠠ᠃
— ᠪᠢ ᠣᠳᠣ ᠢᠳᠡᠬᠦ ᠲᠠᠯᠬᠠ ᠲᠠᠢ ᠪᠣᠯᠤᠨᠠ᠃
ᠳᠠᠷᠠᠭᠠ ᠨᠢ ᠴᠠᠰᠤ ᠣᠷᠣᠯᠠ᠂ ᠬᠣᠲᠠ ᠪᠦᠬᠦᠯᠢ ᠳ᠋ᠦ᠍ ᠪᠡᠨ ᠴᠠᠰᠤᠨ ᠳ᠋ᠤ᠌ ᠳᠠᠷᠤᠭᠳᠠᠵᠠᠢ ᠃ ᠰᠢᠪᠠᠭᠤ ᠲᠡᠰᠬᠢᠮᠡ ᠬᠦᠢᠲᠡᠨ ᠢ᠋ ᠳᠠᠪᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠨᠢᠭᠡ ᠰᠥᠨᠢ ᠥᠭᠡᠳᠡ ᠪᠣᠯᠵᠠᠢ᠃ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠡᠨᠡ ᠲᠤᠬᠠᠢ ᠣᠯᠵᠤ ᠮᠡᠳᠡᠭᠡᠳ ᠬᠠᠨ ᠬᠦᠦ ᠶ᠋ᠢᠨ ᠳᠣᠲᠣᠷ ᠨᠢᠭᠡ ᠶᠠᠭᠤᠮᠠ ᠤᠷᠠᠭᠳᠠᠬᠤ ᠰᠢᠭ᠋ ᠪᠣᠯᠪᠠ᠃ ᠬᠠᠨ ᠬᠦᠦ ᠶ᠋ᠢᠨ ᠲᠡᠮᠦᠷ ᠵᠢᠷᠦᠬᠡ ᠰᠢᠷᠬᠠᠲᠤᠭᠰᠠᠨ ᠨᠢ ᠲᠡᠷᠡ ᠪᠠᠢᠵᠠᠢ᠃ ᠬᠥᠮᠦᠰ ᠬᠠᠨ ᠬᠦᠦ ᠶ᠋ᠢᠨ ᠬᠥᠯ ᠳ᠋ᠦ᠍ ᠦᠬᠦᠭᠰᠡᠨ ᠰᠢᠪᠠᠭᠤ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ ᠡᠨᠡ ᠲᠤᠬᠠᠢ ᠭᠣᠮᠣᠳᠠᠵᠤ ᠭᠡᠨᠡ᠃ ᠬᠡᠳᠦᠨ ᠰᠡᠷᠭᠡᠢᠯᠡᠭᠴᠢ ᠬᠠᠨ ᠬᠦᠦ ᠳᠡᠭᠡᠷᠡ ᠢᠷᠡᠯᠡ᠃
— ᠬᠠᠨ ᠬᠦᠦ ᠮᠠᠭᠤᠬᠠᠢ ᠬᠠᠷᠠᠭᠳᠠᠵᠤ ᠪᠠᠢᠭᠠ ᠪᠢᠵᠡ?
— ᠲᠡᠢᠮᠦ ᠠ᠋! ᠬᠠᠨ ᠬᠦᠦ ᠪᠢᠰᠢ ᠭᠤᠶᠤᠯᠭᠠᠴᠢᠨ ᠰᠢᠭ᠋ ᠯᠡ ᠬᠠᠷᠠᠭᠳᠠᠵᠤ ᠪᠠᠢᠨᠠ ᠰᠢᠦ ᠳᠡ!
— ᠪᠠᠰᠠ ᠬᠥᠯ ᠳ᠋ᠦ᠍ ᠨᠢ ᠦᠬᠦᠭᠰᠡᠨ ᠰᠢᠪᠠᠭᠤ ᠪᠠᠢᠨᠠ ᠃ ᠵᠠᠪᠠᠭᠠ ᠶᠤᠮ ᠃ᠬᠡᠨ ᠨᠢ ᠡᠢᠮᠦ ᠮᠠᠭᠤᠬᠠᠢ ᠶᠠᠭᠤᠮᠠ ᠴᠡᠪᠡᠷᠯᠡᠬᠦ ᠶᠦᠮ ᠪᠣᠢ?
— ᠲᠡᠢᠮᠦ! ᠲᠡᠢᠮᠦ! ᠦᠨᠡᠬᠡᠷ ᠵᠠᠪᠠᠭᠠᠨ ᠪᠣᠯᠴᠢᠬᠠᠵᠠᠢ᠃ ᠲᠡᠢᠮᠦ ᠪᠣᠯᠬᠣᠷ ᠬᠥᠰᠢᠶᠡ ᠶ᠋ᠢ ᠡᠨᠳᠡ ᠡᠴᠡ ᠵᠠᠢᠯᠠᠭᠤᠯᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ᠃ ᠲᠡᠳᠡ ᠬᠥᠰᠢᠶᠡ ᠶ᠋ᠢ ᠪᠠᠭᠤᠯᠭᠠᠵᠤ ᠰᠢᠲᠠᠭᠠᠯᠠ᠃ ᠭᠡᠪᠡᠴᠦ ᠬᠥᠰᠢᠶᠡᠨ ᠦ᠌ ᠰᠢᠷᠬᠠᠯᠠᠭᠰᠠᠨ ᠵᠢᠷᠦᠬᠡ ᠰᠢᠲᠠᠭᠰᠠᠨ ᠦᠭᠡᠢ᠃ ᠲᠡᠭᠡᠭᠡᠳ ᠵᠢᠷᠦᠬᠡ ᠶ᠋ᠢ ᠨᠢ ᠬᠠᠶᠠᠯᠠ᠃ ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠪᠤᠷᠬᠠᠨ ᠤ᠋ ᠲᠣᠰᠣᠯᠠᠭᠴᠢ ᠨᠤᠭᠤᠳ ᠣᠷᠳᠣᠨ ᠳ᠋ᠤ᠌ ᠢᠷᠡᠵᠦ ᠬᠡᠳᠦᠨ ᠶᠠᠭᠤᠮᠠ ᠱᠠᠭᠠᠷᠳᠠᠵᠤ ᠭᠡᠨᠡ᠃
— ᠲᠠ ᠨᠠᠷ ᠨᠠᠳᠠ ᠳ᠋ᠤ᠌ ᠶᠠᠭᠤ ᠠᠪᠴᠤ ᠢᠷᠡᠭᠰᠡᠨ ᠪᠣᠢ?
ᠨᠢᠭᠡ ᠰᠢᠪᠠᠭᠤ ᠪᠣᠯᠤᠨ ᠰᠢᠷᠬᠠᠯᠠᠭᠰᠠᠨ ᠭᠠᠩ ᠵᠢᠷᠦᠬᠡ ᠪᠠᠢᠯᠠ᠃ ᠪᠤᠷᠬᠠᠨ ᠲᠡᠳᠡᠨ ᠡᠴᠡ ᠶᠠᠭᠠᠬᠢᠭᠠᠳ ᠬᠣᠲᠠ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠬᠣᠶᠠᠷ ᠵᠦᠢᠯ ᠭᠡᠵᠦ ᠪᠣᠳᠣᠭᠰᠠᠨ ᠢ᠋ ᠠᠰᠠᠭᠤᠪᠠ᠃ ᠵᠠᠷᠤᠴᠠ ᠨᠠᠷ ᠡᠨᠡ ᠵᠢᠷᠦᠬᠡ ᠶ᠋ᠢ ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ ᠶ᠋ᠢᠨ ᠬᠥᠰᠢᠶᠡᠨ ᠦ᠌ ᠬᠢ ᠪᠠᠢᠭᠰᠠᠨ ᠢ᠋ ᠬᠡᠯᠡᠯᠡ᠃
— ᠲᠠᠨᠠᠷ ᠰᠠᠢᠨ ᠠᠵᠢᠯᠯᠠᠯᠠ᠃ ᠦᠨᠡᠨ ᠰᠢᠦ ᠡᠨᠡ ᠬᠣᠶᠠᠷ ᠶᠠᠭᠤᠮᠠ ᠬᠣᠶᠠᠭᠤᠯᠠ ᠪᠠᠨ ᠶᠡᠬᠡ ᠰᠠᠢᠬᠠᠨ ᠵᠦᠢᠯᠡᠰ! ᠪᠢ ᠡᠳᠡᠨ ᠢ᠋ ᠴᠡᠴᠡᠷᠯᠢᠭ ᠲᠦ᠍ ᠪᠡᠨ ᠦᠯᠡᠳᠡᠭᠡᠨᠡ᠃ ᠰᠢᠪᠠᠭᠤ ᠨᠢ ᠰᠠᠢᠬᠠᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠪᠠᠢᠭ᠂ ᠬᠠᠷᠢᠨ ᠵᠢᠷᠭᠠᠯᠲᠠᠢ ᠬᠠᠨ ᠬᠦᠦ ᠮᠢᠨᠦ ᠠᠯᠲᠠᠨ ᠬᠣᠲᠠ ᠳ᠋ᠤ᠌ ᠰᠦᠨᠳᠡᠷᠯᠡᠬᠦ ᠪᠣᠯᠤᠨᠠ᠃ ᠦᠰᠦᠭ
ᠠᠮᠢᠯᠠᠭᠤᠯᠤᠭᠴᠢ ᠂ᠦᠰᠦᠭ ᠬᠠᠳᠠᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠰᠡᠷᠭᠦᠯᠡᠩ᠂ ᠣᠳᠬᠠᠨᠰᠣᠡ᠃