ᠬᠤᠨ ᠭᠠᠯᠠᠭᠤ ᠮᠢᠨᠢ Хун галуу минь
754ᠬᠤᠨ ᠭᠠᠯᠠᠭᠤ ᠮᠢᠨᠢ
ᠬᠤᠭᠤᠷ ᠴᠤᠭᠤᠷ ᠢᠶᠠᠨ ᠲᠠᠭᠠᠷᠠᠭᠤᠯᠤᠶᠠ
ᠬᠣᠯᠪᠣᠭᠠ ᠰᠢᠯᠦᠭ ᠢᠶᠡᠨ ᠡᠭᠦᠰᠭᠡᠶᠡ
ᠬᠤᠷᠮᠤᠰᠲᠠ ᠲᠩᠷᠢ ᠪᠡᠷ ᠠᠶᠠᠯᠠᠳᠠᠭ
ᠬᠤᠨ ᠭᠠᠯᠠᠭᠤ ᠪᠠᠨ ᠮᠠᠭᠲᠠᠶᠠ ᠃
ᠡᠳᠤᠷ ᠤᠨ ᠨᠠᠷᠠᠨ ᠤ ᠭᠡᠷᠡᠯ ᠢᠶᠡᠷ
ᠦᠶᠡᠷᠬᠡᠵᠦ ᠨᠢᠰᠳᠡᠭ ᠬᠤᠨ ᠭᠠᠯᠠᠭᠤ
ᠥᠳᠥᠨ ᠵᠢᠭᠦᠷ ᠢᠶᠡᠨ ᠳᠡᠯᠭᠡᠭᠡᠳ
ᠡᠭᠡᠰᠢᠭᠯᠡᠵᠦ ᠶᠠᠪᠤᠳᠠᠭ ᠬᠤᠨ ᠭᠠᠯᠠᠭᠤ
ᠰᠥᠨᠢ ᠶᠢᠨ ᠰᠠᠷᠠᠨ ᠤ ᠲᠤᠶᠠᠭᠠᠪᠠᠷ
ᠰᠦᠷᠦᠭᠯᠡᠵᠦ ᠨᠢᠰᠳᠡᠭ ᠬᠤᠨ ᠭᠠᠯᠠᠭᠤ
ᠰᠣᠳᠣᠨ ᠵᠢᠭᠦᠷ ᠢᠶᠡᠨ ᠳᠡᠯᠭᠡᠭᠡᠳ
ᠰᠤᠪᠤᠷᠠᠵᠤ ᠶᠠᠪᠤᠳᠠᠭ ᠬᠤᠨ ᠭᠠᠯᠠᠭᠤ
ᠨᠤᠲᠤᠭ ᠣᠷᠣᠨ ᠡᠴᠡ ᠰᠠᠯᠤᠯᠠ ᠭᠡᠳ
ᠮᠠᠷᠲᠠᠳᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ
ᠨᠠᠭᠤᠷ ᠤᠰᠤᠨ ᠠ᠋ᠴᠠ ᠬᠣᠯᠠᠲᠤᠯᠠ ᠭᠡᠳ
ᠣᠷᠬᠢᠳᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ ᠃
ᠠᠩᠬᠢ ᠡᠭᠨᠡᠭᠡ ᠡᠴᠡ ᠪᠡᠨ ᠬᠣᠴᠣᠷᠲᠠᠭ ᠦᠭᠡᠢ
ᠶᠣᠰᠣᠲᠠᠢ ᠰᠠᠶ᠋ᠢᠬᠠᠨ ᠬᠤᠨ ᠭᠠᠯᠠᠭᠤ
ᠠᠷᠪᠠ ᠲᠠᠪᠤ ᠪᠠᠷ ᠰᠠᠯᠲᠠᠭ ᠦᠭᠡᠢ
ᠵᠢᠷᠤᠮ ᠲᠠᠢ ᠰᠠᠶ᠋ᠢᠬᠠᠨ ᠬᠤᠨ ᠭᠠᠯᠠᠭᠤ ᠃
ᠭᠠᠭᠴᠠ ᠬᠣᠶᠠᠷ ᠢᠶᠡᠷ ᠨᠢᠰᠳᠡᠭ ᠦᠭᠡᠢ
ᠪᠦᠯᠬᠦᠮᠳᠡᠯ ᠰᠠᠶ᠋ᠢᠲᠠᠢ ᠬᠤᠨ ᠭᠠᠯᠠᠭᠤ
ᠭᠠᠮᠰᠢᠭ ᠲᠤ ᠤᠴᠠᠷᠠᠭᠰᠠᠨ ᠢᠶᠠᠨ ᠬᠠᠶᠠᠳᠠᠭ ᠦᠭᠡᠢ
ᠨᠥᠬᠥᠷᠯᠡᠯ ᠰᠠᠶ᠋ᠢᠲᠠᠢ ᠬᠤᠨ ᠭᠠᠯᠠᠭᠤ᠃
ᠬᠥᠭᠰᠢᠨ ᠵᠡᠮᠳᠡᠭ ᠢᠶᠡᠨ ᠬᠦᠨᠳᠦᠳᠬᠡᠳᠡᠭ
ᠰᠤᠷᠲᠠᠯ ᠰᠠᠶ᠋ᠢᠲᠠᠢ ᠬᠤᠨ ᠭᠠᠯᠠᠭᠤ
ᠬᠡᠦᠬᠡᠳ ᠪᠢᠴᠢᠬᠠᠨ ᠢᠶᠠᠨ ᠠᠰᠠᠷᠠᠳᠠᠭ
ᠪᠣᠳᠣᠯᠭᠠ ᠰᠠᠶ᠋ᠢᠲᠠᠢ ᠬᠤᠨ ᠭᠠᠯᠠᠭᠤ ᠃
ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠬᠥᠳᠡᠯᠳᠡᠭ
ᠶᠣᠰᠣᠷᠬᠠᠭ ᠵᠠᠩ ᠲᠠᠢ ᠬᠤᠨ ᠭᠠᠯᠠᠭᠤ
ᠠᠬᠠᠰ ᠵᠠᠬᠠᠰ ᠢᠶᠠᠨ ᠬᠦᠨᠳᠦᠯᠡᠳᠡᠭ
ᠪᠣᠯᠪᠠᠰᠤᠨ ᠰᠤᠷᠲᠠᠯ ᠲᠠᠢ ᠬᠤᠨ ᠭᠠᠯᠠᠭᠤ ᠃
ᠦᠷᠡ ᠵᠤᠯᠵᠠᠬ᠋ᠠ ᠪᠠᠨ ᠥᠰᠭᠡᠲᠡᠯᠡ
ᠠᠩᠬᠠᠷᠴᠤ ᠯᠠ ᠪᠠᠶ᠋ᠢᠬᠤ ᠬᠤᠨ ᠭᠠᠯᠠᠭᠤ
ᠦᠳᠦ ᠰᠦᠳᠦ ᠪᠡᠨ ᠪᠠᠷᠠᠲᠠᠯᠠ
ᠠᠵᠢᠯᠯᠠᠵᠤ ᠯᠠ ᠪᠠᠶ᠋ᠢᠬᠤ ᠬᠤᠨ ᠭᠠᠯᠠᠭᠤ᠃
ᠬᠠᠲᠠ ᠲᠠᠢ ᠥᠨᠲᠥᠷ ᠵᠠᠮ ᠭᠡᠳ
ᠬᠠᠯᠠᠰᠢᠷᠠᠲᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ
ᠬᠠᠷᠠᠩᠭᠤᠢ ᠰᠥᠨᠢ ᠶᠠᠪᠤᠯᠠ ᠭᠡᠳ
ᠲᠥᠭᠡᠷᠢᠳᠡᠭ ᠦᠭᠡᠢ ᠬᠤᠨ ᠭᠠᠯᠠᠭᠤ ᠃
ᠠᠶᠤᠩᠬ᠋ᠠ ᠮᠥᠨᠲᠥᠷ ᠪᠠᠭᠤᠯᠠ ᠭᠡᠳ
ᠠᠶᠤᠲᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ
ᠠᠰᠬᠠᠷᠠᠭᠰᠠᠨ ᠪᠣᠷᠣᠭᠠᠨ ᠢᠷᠡᠯᠡ ᠭᠡᠳ
ᠰᠠᠨᠲᠤᠷᠲᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ ᠃
ᠶᠠᠮᠠᠷᠪᠠ ᠰᠠᠭᠠᠳ ᠭᠠᠷᠬᠤ ᠶᠢ
ᠢᠯᠭᠠᠵᠤ ᠲᠠᠨᠢᠲᠠᠭ ᠬᠤᠨ ᠭᠠᠯᠠᠭᠤ
ᠢᠯᠠᠭᠲᠠᠯ ᠰᠦᠢᠳ ᠲᠦ ᠤᠴᠠᠷᠠᠬᠤ ᠶᠢ
ᠲᠤᠩᠭᠠᠵᠤ ᠮᠡᠳᠡᠳᠡᠭ ᠬᠤᠨ ᠭᠠᠯᠠᠭᠤ
ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ
ᠨᠠᠶ᠋ᠢᠷᠰᠠᠭ ᠵᠠᠩ ᠲᠠᠢ ᠬᠤᠨ ᠭᠠᠯᠠᠭᠤ
ᠬᠠᠶ᠋ᠢᠭᠤᠯᠴᠢᠨ ᠮᠠᠨᠠᠭᠠᠴᠢᠨ ᠢ ᠴᠢᠬᠤᠯᠠᠴᠢᠯᠠᠲᠠᠭ
ᠰᠡᠷᠡᠮᠵᠢ ᠰᠠᠶ᠋ᠢᠲᠠᠢ ᠬᠤᠨ ᠭᠠᠯᠠᠭᠤ ᠃
ᠰᠠᠷᠠᠭᠤᠯ ᠤᠭᠲᠠᠷᠭᠤᠢ ᠨᠢᠰᠤᠯᠡ ᠭᠡᠳ
ᠰᠠᠭᠰᠠᠭᠤᠷᠠᠲᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ
ᠰᠠᠷᠠ ᠵᠢᠯ ᠳ᠋ᠡᠭᠡᠨ ᠶᠠᠪᠤᠯᠠ ᠭᠡᠳ
ᠭᠠᠪᠢᠶᠠᠷᠬᠠᠲᠠᠭ ᠦᠭᠡᠢ ᠬᠤᠨ ᠭᠠᠯᠠᠭᠤ ᠃
ᠡᠭᠦᠯᠡ ᠮᠠᠨᠠᠨ ᠳᠠᠲᠠᠯᠠ ᠭᠡᠳ
ᠲᠥᠭᠡᠷᠢᠳᠡᠭ ᠦᠭᠡᠢ ᠬᠤᠨ ᠭᠠᠯᠠᠭᠤ
ᠡᠲᠤᠷ ᠰᠥᠨᠢ ᠦᠭᠡᠢ ᠶᠠᠪᠤᠯᠠ ᠭᠡᠳ
ᠵᠢᠷᠦᠬᠡᠰᠢᠶᠡᠳᠡᠭ ᠦᠭᠡᠢ ᠬᠤᠨ ᠭᠠᠯᠠᠭᠤ ᠃
ᠲᠥᠮᠡᠨ ᠭᠠᠵᠠᠷ ᠢᠶᠡᠷ ᠲᠣᠭᠣᠷᠢᠯᠠ ᠭᠡᠳ
ᠲᠦᠪᠡᠭᠰᠢᠶᠡᠳᠡᠭ ᠦᠭᠡᠢ ᠬᠤᠨ ᠭᠠᠯᠠᠭᠤ
ᠪᠣᠮᠠᠨ ᠭᠠᠵᠠᠷ ᠢᠶᠠᠷ ᠶᠠᠪᠤᠯᠠ ᠭᠡᠳ
ᠪᠡᠷᠬᠡᠰᠢᠶᠡᠳᠡᠭ ᠦᠭᠡᠢ ᠬᠤᠨ ᠭᠠᠯᠠᠭᠤ ᠃
ᠬᠣᠣᠷᠲᠠᠨ ᠮᠣᠭᠠᠢ ᠶᠢ ᠦᠵᠡᠪᠡᠯ
ᠭᠡᠴᠢᠶᠡᠵᠤ ᠶᠠᠪᠤᠳᠠᠭ ᠬᠤᠨ ᠭᠠᠯᠠᠭᠤ
ᠬᠣᠪᠳᠣᠭ ᠠᠮᠢᠲᠠᠨ ᠢ ᠦᠵᠡᠪᠡᠯ
ᠰᠡᠷᠭᠡᠶ᠋ᠢᠯᠡᠵᠦ ᠶᠠᠪᠤᠳᠠᠭ ᠬᠤᠨ ᠭᠠᠯᠠᠭᠤ
ᠥᠨᠳᠥᠷ ᠠᠭᠤᠯᠠ ᠲᠠᠭᠠᠷᠠᠪᠠᠴᠤ
ᠳᠠᠪᠠᠵᠤ ᠭᠠᠷᠬᠤ ᠬᠤᠨ ᠭᠠᠯᠠᠭᠤ
ᠥᠷᠭᠡᠨ ᠮᠥᠷᠡᠨ ᠳᠣᠬᠢᠶᠠᠯᠳᠠᠪᠠᠴᠤ
ᠭᠡᠲᠦᠯᠵᠦ ᠭᠠᠷᠬᠤ ᠬᠤᠨ ᠭᠠᠯᠠᠭᠤ ᠃
ᠡᠷᠬᠡ ᠴᠢᠯᠥᠭᠡᠲᠦ ᠠᠮᠢᠳᠤᠷᠠᠯ ᠢ
ᠪᠡᠯᠭᠡᠳᠡᠵᠦ ᠶᠠᠪᠤᠳᠠᠭ ᠬᠤᠨ ᠭᠠᠯᠠᠭᠤ
ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶ᠋ᠢᠲᠡᠨ ᠡᠲᠡᠭᠡᠳ ᠢ
ᠰᠡᠷᠭᠡᠶ᠋ᠢᠯᠡᠵᠦ ᠶᠠᠪᠤᠳᠠᠭ ᠬᠤᠨ ᠭᠠᠯᠠᠭᠤ ᠃
ᠬᠤᠷᠮᠤᠰᠲᠠ ᠲᠩᠷᠢ ᠢᠶᠡᠷ ᠨᠢᠰᠳᠡᠭ ᠠ᠋ᠴᠠ
ᠬᠤᠨ ᠭᠠᠯᠠᠭᠤ ᠮᠢᠨᠢ ᠮᠠᠭᠲᠠᠭᠠᠯᠲᠠᠢ ᠳ᠋ᠠ
ᠬᠣᠷᠸ᠋ᠠ ᠳᠡᠯᠡᠬᠡᠢ ᠳ᠋ᠦ᠍ ᠠᠮᠢᠲᠤᠷᠠᠲᠠᠭ ᠠ᠋ᠴᠠ
ᠬᠥᠮᠦᠨ ᠪᠦᠬᠦᠨ ᠰᠤᠷᠤᠯᠴᠠᠭᠤᠰᠢᠲᠠᠢ ᠳ᠋ᠠ ⁈
ᠬᠥᠬᠡ ᠣᠭᠲᠠᠷᠭᠤᠢ ᠪᠠᠷ ᠠᠶᠠᠯᠠᠳᠠᠭ ᠠ᠋ᠴᠠ
ᠬᠤᠨ ᠭᠠᠯᠠᠭᠤ ᠮᠢᠨᠢ ᠰᠠᠶ᠋ᠢᠰᠢᠶᠠᠯᠲᠠᠢ ᠳ᠋ᠠ
ᠬᠥᠪᠴᠢᠨ ᠳᠡᠯᠡᠬᠡᠢ ᠳ᠋ᠦ᠍ ᠣᠷᠣᠰᠢᠳᠠᠭ ᠠ᠋ᠴᠠ
ᠬᠥᠮᠦᠨ ᠪᠦᠬᠦᠨ ᠳᠠᠭᠤᠷᠢᠶᠠᠯᠲᠠᠢ ᠳ᠋ᠠ ⁈
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠲᠤᠶᠠᠬ᠋ᠠ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠠ